رواية فصلية لظالم الفصل الثالث والثلاثون بقلم زينب نور
ﺯﻣﺮﺩ : ﻛﻌﺪﻧﻪ ﺷﻮﻱ ﻭﺍﺳﺘﺄﺫﻧﺖ ﻭﺃﺧﺬﺕ ﻣﺎﻣﺎ ﻏﺴﻠﺘﻠﻬﺎ ﻭ ﺑﺪﻟﻠﺘﻠﻬﺎ ﻭﻧﻴﻤﺘﻬﺎ ﺑﻔﺮﺍﺷﻬﺎ
ﺭﺣﺖ ﺟﺒﺖ ﺍﻟﻬﺎ ﻋﺼﻴﺮ ﻭﻣﻲ ﺷﺮﺑﺘﻬﺎ ﻭﻛﺘﻠﻬﺎ ﻟﺘﻨﺎﻣﻴﻦ ﺍﺟﻴﺒﻠﺞ ﺍﻛﻞ ﻭﺭﺣﺖ ﺑﺴﺮﻋﻪ ﺻﻌﺪﺕ ﺑﺲ ﺫﺑﻴﺖ ﻣﻲ ﻋﻠﻰ ﺟﺴﻤﻲ ﻭﺑﺪﻟﺖ ﻭﻧﺰﻟﺖ
ﺭﺣﺖ ﻟﻠﻤﻄﺒﺦ ﺻﺒﻴﺖ ﺍﻛﻞ ﻟﻤﺎﻣﺎ ﻭﺃﺧﺬﺗﻪ ﺑﺼﻴﻨﻴﺔ ﻭﺭﺣﺖ ﻋﻠﻴﻬﺎ ﻟﻜﻴﺖ ﺑﻴﺒﻲ ﻳﻤﻬﺎ
ﻛﻌﺪﺗﻬﺎ ﻭﻋﺪﻟﺖ ﻛﻌﺪﺗﻬﺎ ﻭﺑﺪﻳﺖ ﺃﻭﻛﻞ ﺑﻴﻬﺎ ﻭﻳﻪ ﻛﻞ ﻟﻜﻤﺔ ﺍﺑﻮﺳﻬﺎ ﻭﻫﻴﻪ ﺗﻀﺤﻜﻠﻲ
ﻛﻤﻠﺘﻠﻬﺎ ﻏﺪﺍﻫﺎ ﻭﻭﺧﺮﺕ ﺍﻟﺼﻴﻨﻴﻪ ﻭﻛﻌﺪﺕ ﻳﻤﻬﺎ ﻓﺮﻛﺖ ﺭﺟﻠﻴﻬﺎ ﻭﺃﻳﺪﻳﻬﺎ ﻭﺿﻬﺮﻫﺎ ﻭﻫﻴﻪ ﺗﻀﺤﻚ ﻭﺍﻧﻲ ﺍﺿﺤﻚ ﻭﻳﺎﻫﺎ ﻣﻜﻴﻔﻪ ﻭﺍﺑﻮﺱ ﺑﻴﻬﺎ
ﻛﻤﻠﺖ ﻭﻧﻴﻤﺘﻬﺎ ﻭﻏﻄﻴﺘﻬﺎ ﻭﺿﻠﻴﺖ ﻳﻤﻬﺎ ﺍﻣﺴﺢ ﻋﻠﻰ ﺭﺍﺳﻬﺎ ﻟﺤﺪ ﻣﺎ ﻧﺎﻣﺖ ﻭﻏﻔﺖ ﻏﻄﻴﺘﻬﺎ ﻭﻃﻠﻌﺖ
ﺭﺣﺖ ﻟﻼﺳﺘﻘﺒﺎﻝ ﻛﻌﺪﺕ ﻳﻤﻬﻢ ﻭﻛﻠﻬﻢ ﻳﺴﺎﻟﻮﻥ ﻭﻳﺴﻮﻟﻔﻮﻥ ﻭﻭ ﺩﻭﺧﺔ ﻭﺍﻧﻲ ﻧﻌﺴﺎﻧﻪ ﻭﺟﻮﻋﺎﻧﻪ ﻭﻣﻤﺘﺮﻳﻜﺔ ﻭﻭﻟﺪ ﺧﻮﺍﻟﻲ ﻳﺤﺠﻮﻥ ﻭﻳﺎﻱ ﺑﻤﻮﺿﻮﻋﻲ ﻭﻳﻪ ﻓﻬﺪ ﻭﺍﻏﻠﺲ ﻣﺎ ﺍﺟﺎﻭﺏ
ﺻﺎﺭ ﺍﻟﻐﺪﻩ ﻭﻛﻤﺖ ﻛﻮﺓ ﻭﻳﺎﻫﻢ ﺃﻧﻜﻞ ﺑﺎﻻﻛﻞ ﻭﺍﺻﺐ ﺑﻴﺒﻲ ﻛﺎﻟﺖ ﺭﻭﺣﻲ ﻳﻤﺔ ﻛﻌﺪﻱ ﺍﻧﺘﻲ ﺟﻴﺘﻲ ﻣﻦ ﺳﻔﺮ ﻭﺗﻌﺒﺎﻧﻪ
ﻛﺘﻠﻬﺎ ﺍَﻱ ﻭﺍﻟﻠﻪ ﺑﻴﺒﻲ ﺑﺲ ﺍﻧﺘﻲ ﺗﻔﻬﻤﻴﻨﻲ ﻭﻟﻮ ﺍﻧﻲ ﺗﻌﻮﺩﺕ ﻻﻥ ﻫﺬﺍ ﺷﻐﻠﻲ ﻳﻮﻣﻴﺔ ﻛﺎﻟﺖ ﻻ ﺣﺒﻴﺒﺘﻲ ﻣﻦ ﺍﻟﻴﻮﻡ ﻭﺭﺍﻳﺢ ﻫﺬﺍ ﺍﻟﺸﻲ ﻣﺎﻛﻮ ﺑﻌﺪ
ﺭﺣﺖ ﻛﻌﺪﺕ ﺻﺒﻮ ﺍﻻﻛﻞ ﻭﻛﻤﻠﻮ ﻭﺭﺣﻨﻪ ﻧﺘﻐﺪﺓ ﺗﻐﺪﻳﺖ ﻭﻛﻤﻠﺖ ﻭﺍﺳﺘﺄﺫﻧﺖ ﻻﻥ ﻛﻤﺖ ﺍﺷﻮﻑ ﺍﻟﻮﺍﺣﺪ ﺛﻨﻴﻦ
ﻭﺻﻌﺪﺕ ﺧﻠﻴﺖ ﻭﻧﻤﺖ ﻛﻌﺪﺕ ﺍﻟﻤﻐﺮﺏ ﻋﻠﻰ ﺻﻮﺕ ﺻﺒﺎ ﺗﻜﻮﻝ ﺍﻟﻀﺎﺑﻂ ﻳﻮﺳﻒ ﺟﻮﺓ ﺟﺎ ﻭﻳﺮﻳﺪﺝ
ﻛﻠﺖ ﻳﺎ ﺳﺘﺎﺭ ﺷﺒﺴﺮﻋﻪ ﻛﻤﺖ ﻏﺴﻠﺖ ﻭﻟﻤﻴﺖ ﺷﻌﺮﻱ ﻭﻧﺰﻟﺖ ﺳﻠﻤﺖ ﻋﻠﻴﻪ ﻭﻛﻌﺪﺕ ﻟﻜﻴﺖ ﻣﺎﻣﺎ ﻫﻢ ﻣﻮﺩﻳﻬﺎ ﻳﻤﺔ ﺑﺎﻻﺳﺘﻘﺒﺎﻝ ﺭﺍﻳﺪ ﻳﺴﻠﻢ ﻋﻠﻴﻬﺎ
ﻛﻌﺪﺕ ﻳﻤﻬﺎ ﻭﺷﻠﺖ ﺃﻳﺪﻫﺎ ﻭﺑﺴﺘﻬﺎ ﻛﺘﻠﻬﺎ ﺍﺳﻔﻪ ﻧﻤﺖ ﻭﺧﻠﻴﺘﺞ ﺍﻋﺬﺭﻳﻨﻲ ﺑﺲ ﻭﺍﻟﻠﻪ ﺗﻌﺒﺎﻧﻪ
ﺷﺎﻟﺖ ﺃﻳﺪﻫﺎ ﺍﻟﺜﺎﻧﻴﻪ ﻭﺧﻠﺘﻬﺎ ﻋﻠﻰ ﺍﻳﺪﻱ ﺑﻌﺪﻫﺎ ﺳﻮﻟﻔﻨﻪ ﻭﺿﻞ ﺳﺎﻋﻪ ﺗﻘﺮﻳﺒﺎ ﻳﻮﺳﻒ ﻳﻤﻨﻪ ﻭﺟﺪﻭ ﻣﻮﺟﻮﺩ ﻭﺧﺎﻟﻮ ﻭﻓﺘﺤﻮ ﻣﻮﺍﺿﻴﻊ ﻭﺛﻨﻴﻨﻬﻢ ﺳﺒﻮﺭﺕ ﺗﻮﺍﻟﻤﻮ
ﺑﻌﺪﻫﺎ ﺧﻠﻪ ﻭﺭﺍﺡ ﺑﻌﺪﻫﺎ ﻣﺸﺖ ﺍﻷﻳﺎﻡ ﻭﺻﺎﺭﺕ ﺍﻟﺴﻨﻪ ﺍﻟﺪﺭﺍﺳﻴﺔ ﺍﻟﺠﺪﻳﺪﺓ
ﻣﻘﺒﻠﺖ ﺍﻗﺪﻡ ﻭﺍﺭﺟﻊ ﺍﻛﻤﻞ ﻛﻠﻴﻪ ﺭﺩﺕ ﺍﺑﻘﻰ ﺍﻋﺘﻨﻲ ﺑﻤﺎﻣﺎ
ﺑﺲ ﺑﻴﺒﻲ ﻣﻘﺒﻠﺖ ﻭﺧﺎﻟﺘﻲ ﻫﻢ ﻛﺎﻣﺖ ﺗﺤﺠﻲ ﻋﻠﻴﻪ ﻭﺣﺘﻰ ﻣﺎﻣﺎ ﻫﻢ ﻣﻘﺒﻠﺖ ﺭﺍﺩﺕ ﺍﻛﻤﻞ
ﻋﺎﺩ ﺑﻌﺪ ﺇﺻﺮﺍﺭﻫﻦ ﺭﺣﺖ ﻗﺪﻣﺖ ﻟﻠﻜﻠﻴﻪ ﻭﺟﺎﻥ ﺍﻻﺗﻔﺎﻕ ﺍﻧﻮ ﺑﻴﻮﻡ ﺍﻟﺪﻭﺍﻡ ﻭﻓﺘﺮﻩ ﺍﻟﺪﻭﺍﻡ ﺑﻴﺒﻲ ﺍﻭ ﺧﺎﻟﻪ ﺗﻌﺘﻨﻲ ﺑﻴﻬﺎ ﻻﻥ ﺧﺎﻟﻪ ﻃﺎﻟﻌﻪ ﺗﻘﺎﻋﺪ ﺷﻮﻱ ﺍﻛﺒﺮ ﻣﻦ ﺍﻣﻲ ﻫﻴﻪ
ﻋﺎﺩ ﻭﺍﻟﻠﻪ ﻓﻌﻼ ﻗﺪﻣﺖ ﻭﻫﺎﻱ ﺍﻟﻔﺘﺮﺓ ﻛﻠﻬﺎ ﻳﻮﺳﻒ ﻭﻳﺎﻱ ﻋﺠﻴﺐ ﺃﻣﺮﻩ ﻭﺍﻧﻮﺍﺏ ﻳﻠﻤﺢ ﻟﺸﺊ
ﺑﺪﺓ ﺍﻟﺪﻭﺍﻡ ﻭﺭﺣﺖ ﻟﻠﻜﻠﻴﻪ ﻣﻦ ﺷﺎﻓﻮﻧﻲ ﺃﺻﺪﻗﺎﺋﻲ ﻭﺻﺪﻳﻘﺎﺗﻲ ﺗﺨﺒﻠﻮ ﻭﺗﻔﺎﺟﺆﻭ
ﻭﻛﻠﻬﺎ ﺃﺟﺖ ﺗﺴﻠﻢ ﻭﺗﺴﺎﻝ ﻭﺑﻘﻴﻪ ﺍﻟﻜﻠﻴﻪ ﻳﻤﺸﻮﻥ ﻣﻦ ﻳﻤﻲ ﻭﻳﺒﺎﻭﻋﻮﻥ ﺍﻭ ﺍﻧﻲ ﻣﻦ ﺍﻣﺸﻲ ﻳﺒﺎﻭﻋﻮﻥ ﻋﻠﻴﻪ ﻭﻳﺤﺠﻮﻥ ﺑﻴﻨﺎﺗﻬﻢ
بيج قصص عراقيه حقيقيه من واقعنا.روعه الطائي
ﻭﻫﺬﺍ ﺍﻟﻲ ﻳﻜﻮﻝ ﺭﺣﺘﻲ ﻓﺼﻠﻴﻪ ﻭﺷﻠﻮﻥ ﻋﺸﺘﻲ ﻭﺍﺷﻜﺎﻝ ﻭﺟﻨﺖ ﺍﺭﺩﻟﻬﻢ ﺭﺩ ﻳﻔﺸﻞ ﺍﻭ ﺍﻧﻲ ﺍﻓﺸﻠﻬﻢ ﺍﻭ ﺍﻏﻠﺲ ﻭﻣﺎ ﺍﺟﺎﻭﺑﻬﻢ
ﻭﻳﻮﺳﻒ ﺣﺘﻰ ﻟﻠﻜﻠﻴﻪ ﻛﺎﻡ ﻳﺠﻲ ﻋﻠﻴﻪ ﻭﻣﻦ ﺷﺎﻑ ﺍﻟﻮﺿﻊ ﺑﺎﻟﻜﻠﻴﻪ ﺍﻣﻨﻲ ﺍَﻱ ﺷﻲ ﻳﺼﻴﺮ ﺍﻭ ﺍﺗﻌﺮﺽ ﺍﻟﻪ ﺍﺑﻠﻐﻪ
ﺻﺪﻳﻘﺎﺗﻲ ﺗﻘﺪﻣﻦ ﻣﺮﺣﻠﺔ ﻭﺍﻧﻲ ﻻ ﻳﻠﻪ ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ ﺷﺴﻮﻱ ﻭﻋﺪ ﺇﻟﻠﻪ ﺣﻖ
ﻭﺍﻟﺤﻤﺪﻟﻠﻪ ﻋﻠﻰ ﻛﻞ ﺷﺊ ﻛﺎﻡ ﻳﻮﺳﻒ ﻳﺠﻲ ﻫﻮﺍﻱ ﻟﻠﻜﻠﻴﻪ ﻭﺍﻧﻲ ﺑﺪﻳﺖ ﺍﺿﻮﺝ ﻻﻥ ﻛﻤﺖ ﺍﺳﻤﻊ ﺍﺷﻜﺎﻝ ﺍﻟﺤﺠﻲ
ﻭﺭﺯﻟﺘﻪ ﻭﻋﺼﺒﺖ ﻋﻠﻴﻪ ﻭﺯﻋﻞ ﻭﺭﺍﺡ ﻭﻣﺎ ﺍﺟﺔ ﺑﻌﺪ ﻣﺎ ﺍﻧﻜﺮ ﺍﻧﻮ ﺍﻧﻮﺍﺏ ﺍﺳﺘﻔﻘﺪ ﻭﺟﻮﺩﻩ ﺍﻭ ﺟﻴﺎﺗﻪ ﻋﻠﻴﻪ ﺑﺲ ﺍﺫﺍ ﻧﺎﻭﻱ ﻋﻠﻰ ﺍﻟﺒﺎﻟﻲ ﻣﺎ ﻳﺼﻴﺮ ﻻﻥ ﻣﺎ ﺑﻴﻪ
ﻭﻣﺎ ﺍﻛﺪﺭ ﺃﺧﻮﺽ ﺗﺠﺮﺑﻪ ﻭﺍﻧﻲ ﺑﻌﺪﻧﻲ ﻣﺎ ﻣﺘﻌﺎﻓﻴﻪ ﻣﻦ ﺃﺯﻣﺘﻲ ﺍﻟﻲ ﻣﺮﻳﺖ ﺑﻴﻬﺎ
ﻋﺒﺮ ﺷﻬﺮ ﻋﻠﻰ ﺩﻭﺍﻣﻲ ﺑﺎﻟﻜﻠﻴﻪ ﺗﺄﻗﻠﻤﺖ ﻭﻳﻪ ﺍﻟﻮﺿﻊ ﺍﻟﻲ ﻳﺼﻴﺮﻟﻲ ﺑﺎﻟﻜﻠﻴﻪ ﻭﺑﻴﻮﻡ ﺍﻧﺠﻤﻌﻨﻪ ﺍﻧﻲ ﻭﺻﺪﻳﻘﺎﺗﻲ ﺑﺎﻟﻜﺎﻓﺘﺮﻳﺎ
ﻭﺟﺎﻥ ﻳﻮﻡ ﺧﻤﻴﺲ ﻭﻛﺎﻟﻦ ﺿﻮﺟﺔ ﻭﻛﺄﺑﻪ ﻭﻣﻦ ﺑﺪﺕ ﺍﻟﻜﻠﻴﻪ ﻟﺤﺪ ﺍﻻﻥ ﻣﻄﺎﻟﻌﻴﻦ
ﻛﺘﻠﻬﻦ ﺍﻧﻲ ﺷﻜﻮﻝ ﻟﻌﺪ
ﺣﺘﻰ ﻣﻦ ﺍﺟﻴﺖ ﻣﻄﻠﻌﺖ ﺿﻠﻴﺖ ﻣﻠﺘﻬﻴﻪ ﻭﻣﻦ ﺳﺎﻓﺮﺕ ﻫﻢ ﻣﻄﻠﻌﺖ ﻭﻣﺼﻄﻔﻰ ﺷﻜﺪ ﺭﺍﺩ ﻣﻨﻲ ﺑﺲ ﻣﺠﺎﻥ ﺍﻟﻲ ﻧﻔﺲ
ﺿﻠﻴﻨﻪ ﻧﺤﺠﻲ ﻋﺎﺩ ﺍﻧﻲ ﻫﻢ ﻣﺤﺘﺎﺟﺔ ﻃﻠﻌﻪ ﻭﺗﻐﻴﺮ ﺟﻮ ﻭﻳﻪ ﺻﺪﻳﻘﺎﺗﻲ ﻭﻣﺎ ﺍﺷﺘﺮﻳﺖ ﻣﻼﺑﺲ ﺧﺎﺑﺮﺕ ﺍﻟﻲ ﻳﺸﺘﻐﻠﻮﻥ ﺑﺎﻟﻤﺤﻼﺕ ﻛﺘﻠﻬﻢ ﻳﺪﺯﻭﻟﻲ ﻣﻦ ﻛﻞ ﻣﻮﺩﻳﻞ ﻗﻄﻌﻪ ﺍﺷﻮﻑ ﻭﺍﺧﺘﺎﺭ
ﻭﺑﺲ ﻣﻦ ﻣﺤﻼﺗﻨﻪ ﺍﺷﺘﺮﻳﺖ ﻏﻴﺮﻩ ﻣﻄﻠﻌﺖ ﺻﺮﺕ ﺍﺣﺐ ﺍﻟﻌﺰﻟﻪ ﻭﺍﻟﻜﻌﺪﻩ ﻭﺣﺪﻱ ﻭﻣﺎ ﺍﺣﺐ ﺍﻟﺼﻮﺕ ﺍﻟﻌﺎﻟﻲ ﺭﺃﺳﺎ ﺭﺍﺳﻲ ﻳﻮﺟﻌﻨﻲ
ﻭﻳﻮﺳﻒ ﻣﺎﻛﻮ ﻭﻣﺎ ﺍﺟﻰ ﺑﻌﺪ ﻭﻻ ﺷﻔﺘﻪ ﻓﻌﻼ ﺿﻮﺟﺔ ﻋﺎﺩ ﻛﺘﻠﻬﻦ ﺧﻠﻲ ﺑﺎﺟﺮ ﻧﻄﻠﻊ ﻭﻧﺮﻭﺡ ﻟﻠﻤﻮﻝ ﻣﻦ ﺩﺍﻡ ﺟﻤﻌﻪ
ﻛﺎﻟﻦ ﻟﻴﺶ ﻣﻮ ﺍﻟﻴﻮﻡ ﻛﺘﻠﻬﻦ ﻻ ﺍﺭﻳﺪ ﺍﻃﻠﻊ ﻣﺎﻣﺎ ﺻﺎﺭ ﻛﻮﻣﺔ ﻣﻤﻄﻠﻌﺘﻬﺎ
ﻭﻫﺴﻪ ﻣﻦ ﺍﺭﺟﻊ ﻋﺪﻫﺎ ﺟﻠﺴﻪ ﻋﻼﺝ ﻓﻴﺰﻳﺎﺋﻲ ﻻﺯﻡ ﺍﻭﺩﻳﻬﺎ ﻛﺎﻟﻦ ﺍَﻱ ﻭﺍﻟﻠﻪ ﻧﻜﻴﻒ
ﻛﺘﻠﻬﻦ ﻫﺎﻳﻬﻴﻪ ﺗﻤﺎﻡ ﺍﺗﻔﻘﻨﺎ ﺑﺎﺟﺮ ﺍﻧﻲ ﺍﻟﻌﺼﺮ ﺃﻣﺮ ﻋﻠﻴﺠﻦ ﻭﻧﺮﻭﺡ ﻟﻠﻤﻮﻝ
ﺟﻨﻪ ﺍﺣﻨﻪ ﺍﺭﺑﻌﻪ ﺻﺪﻳﻘﺎﺗﻲ ٣ ﻭﺍﻧﻲ ﺍﻟﺮﺍﺑﻌﺔ ﻋﺎﺩ ﻓﻌﻼ ﺭﺟﻌﺖ ﻭﺩﻳﺖ ﻣﺎﻣﺎ ﻟﻠﻌﻼﺝ ﺍﻟﻔﻴﺰﻳﺎﺋﻲ ﻭﺭﺩﻳﺖ ﺍﻧﻮﺏ ﺭﺟﻌﺖ ﻭﺳﺒﺤﺘﻬﺎ ﻭﺑﺪﻟﺘﻠﻬﺎ ﻭﻛﻠﺖ ﻟﺒﻴﺒﻲ ﻭﺍﺧﺬﻧﻪ ﺟﺪﻭ ﻭﺑﻴﺒﻲ ﻫﻢ ﻭﺭﺣﺖ
ﻃﻠﻌﺖ ﺑﻴﻬﻢ ﻟﻠﻤﻨﺼﻮﺭ ﺍﻧﻲ ﻭﻣﺎﻣﺎ ﻭﺑﻴﺒﻲ ﻭﺟﺪﻭ ﺍﻫﺘﻤﻴﺖ ﺑﺄﺩﻕ ﺍﻟﺘﻔﺎﺻﻴﻞ ﻟﻤﺎﻣﺎ ﺣﺘﻰ ﻧﻔﺴﻴﺘﻬﺎ ﺍﺣﺴﺐ ﺍﻟﻬﺎ ﻛﻞ ﻓﺘﺮﻩ ﻻﺯﻡ ﺍﻃﻠﻌﻬﺎ ﺃﻏﻴﺮ ﺍﻟﻬﺎ ﺟﻮ
ﻋﺎﺩ ﻃﺒﻜﺖ ﺍﻟﺴﻴﺎﺭﻩ ﻳﻢ ﻣﺮﻃﺒﺎﺕ ﻭﻧﺰﻟﺖ ﻧﺰﻟﺖ ﺟﺪﻭ ﻛﺎﻡ ﻳﻜﺪﺭ ﺷﻮﻱ ﻳﻤﺸﻲ ﻋﺎﻟﻜﺎﺯﻩ ﻭﺑﻴﺒﻲ ﺗﻜﻮﺩﻩ
ﻭﺭﺟﻌﺖ ﻧﺰﻟﺖ ﺍﻟﻜﺮﺳﻲ ﺍﻟﻤﺘﺤﺮﻙ ﻭﻧﺰﻟﺖ ﻣﺎﻣﺎ ﻭﺭﺣﺖ ﻛﻌﺪﺗﻬﺎ ﻳﻢ ﻣﻴﺰ ﺑﺮﻩ ﺑﺎﻟﺤﺪﻳﻘﻪ ﻣﺎﻝ ﺍﻟﻤﺮﻃﺒﺎﺕ ﻭﺑﻴﺒﻲ ﻛﻌﺪﺕ ﺟﺪﻭ ﻭﻛﻌﺪﺕ ﻳﻤﻬﻢ ﺭﺣﺖ ﻃﻠﺒﺖ ﻣﻮﻃﻪ ( ﺍﻳﺲ ﻛﺮﻳﻢ ) ﻭﻋﺼﻴﺮ ﻛﻮﻛﺘﻴﻞ
ﺍﺧﺬﺕ ﺍﻟﻄﻠﺐ ﻭﺭﺣﺖ ﻛﻌﺪﺕ ﻳﻤﻬﻢ ﻧﻄﻴﺖ ﺣﺼﻪ ﺑﻴﺒﻲ ﻭﺟﺪﻭ ﻭﻛﻌﺪﺕ ﺍﻧﻲ ﺃﻭﻛﻞ ﺑﻤﺎﻣﺎ ﻋﻠﻰ ﻛﻴﻔﻲ ﻭﺍﻟﺮﺍﻳﺢ ﻭﺍﻟﺮﺍﺟﻊ ﻳﺒﺎﻭﻉ ﻋﻠﻴﻪ
ﻛﻤﻠﺖ ﺍﻟﻤﻮﻃﺔ ﺭﺩﻳﺖ ﺷﺮﺑﺘﻬﺎ ﺍﻟﻌﺼﻴﺮ ﻛﻤﻠﺘﻬﺎ ﻭﻣﺴﺤﺖ ﺣﻠﻜﻬﺎ ﻭﺃﺷﺮﺕ ﺑﻴﺪﻫﺎ ﺑﺎﻭﻋﺖ ﻋﻠﻰ ﺍﺗﺠﺎﻩ ﺃﻳﺪﻫﺎ ﻟﻜﻴﺖ ﺍﻟﻤﻮﻃﺔ ﻣﺎﻟﺘﻲ ﻣﺎﻳﻌﻪ
ﺿﺤﻜﺖ ﻛﺘﻠﻬﺎ ﻓﺪﻭﺓ ﺍﻟﺞ ﻳﻌﻤﺮﻱ ﻻﻥ ﺍﻧﻲ ﺗﺄﺧﺮﺕ ﺑﺘﻮﻛﻴﻞ ﻣﺎﻣﺎ ﻻﻥ ﻋﻠﻰ ﻛﻴﻔﻲ ﺣﺘﻰ ﻟﺘﺨﺘﻨﻚ
ﻋﺎﺩ ﻛﺘﻠﻬﺎ ﻭﻻ ﻳﻬﻤﺞ ﺍﺭﻭﺡ ﺍﺟﻴﺐ ﺍﻟﺜﺎﻧﻴﻪ ﻫﺴﻪ ﻭﺍﺟﻲ ﻭﻓﻌﻼ ﺭﺣﺖ ﻃﻠﺒﺖ ﻏﻴﺮﻫﺎ ﻭﺃﺧﺬﺗﻬﺎ ﻭﺭﺟﻌﺖ ﻛﻌﺪﺕ ﻳﻤﻬﺎ ﻭﺍﻛﻞ ﺗﺒﺎﻭﻋﻠﻲ ﻭﺗﺒﺘﺴﻢ
ﻛﻠﺖ ﺑﻜﻠﺒﻲ ﺭﺑﻲ ﻻ ﺗﺤﺮﻣﻨﻲ ﻣﻦ ﻫﺎﻱ ﺍﻟﻀﺤﻜﺔ ﻭﺍﻟﻔﺮﺣﺔ ﺍﺑﺪ ﻋﺎﺩ ﺻﺎﺭﺕ ﺏ١١ ﻛﻤﻠﺖ ﻭﺃﺧﺬﺕ ﻣﺎﻣﺎ ﻛﻌﺪﺗﻬﺎ ﺑﺎﻟﺴﻴﺎﺭﻩ ﻭﺑﻴﺒﻲ ﺳﺎﻋﺪﺕ ﺟﺪﻭ ﻳﺼﻌﺪ ﻭﺧﻠﻴﺖ ﺍﻟﻜﺮﺳﻲ ﺑﺎﻟﺴﻴﺎﺭﻩ ﻭﺻﻌﺪﺕ
ﺭﺟﻌﻨﻪ ﻟﻠﺒﻴﺖ ﻃﺒﻌﺎ ﺑﻘﻴﺖ ﻋﻠﻰ ﺳﻴﺎﺭﻩ ﺟﺪﻭ ﻣﺎ ﺍﺷﺘﺮﻳﺖ ﻭﻻ ﺑﺪﻟﺘﻬﺎ ﻻﻥ ﺍﻟﺘﻬﻴﺖ ﺑﻤﺎﻣﺎ ﻭﻣﺎ ﺻﺎﺭ ﻣﺠﺎﻝ
ﻭﺍﺻﻼ ﻛﻠﺖ ﺧﻠﻲ ﺍﻛﻔﻲ ﻣﺎﻣﺎ ﻟﻴﺶ ﺍﺭﻭﺡ ﺍﺷﺘﺮﻱ ﻭﺍﺿﺎﻳﻖ ﻧﻔﺴﻲ ﻭﺍﻧﻲ ﻣﺎ ﺑﺎﻗﻴﻪ ﺑﺪﻭﻥ ﺳﻴﺎﺭﻩ
ﻋﺎﺩ ﺻﺎﺭ ﺛﺎﻧﻲ ﻳﻮﻡ ﻭﺍﻟﻌﺼﺮ ﺑﺪﻟﺖ ﻭﻛﺸﺨﺖ ﻭﺳﻮﻳﺖ ﺷﻌﺮﻱ ﻛﻴﺮﻟﻲ ﻭﺳﻂ ﻭﺗﻤﻜﻴﺠﺖ ﺑﺲ ﻣﻮ ﻣﻜﻴﺎﺝ ﺻﺎﺭﺥ ﻻ ﻣﻜﻴﺎﺝ ﺣﻠﻮ ﻭﺑﻨﺎﺗﻲ ﻭﻣﺮﺗﺐ
ﻭﻟﺒﺴﺖ ﺑﻨﻄﺮﻭﻥ ﻭﺑﺪﻱ ﻛﺎﻟﻌﺎﺩﻩ ﺑﺲ ﻫﺎﻟﻤﺮﺓ ﺣﻠﻮﺍﺕ ﻭﺑﻴﻬﻦ ﻓﻴﻜﺔ ﻭﺇﻛﺴﺴﻮﺍﺭﺍﺕ ﻭﺟﺎﻥ ﺑﻨﻄﺮﻭﻥ ﺍﺑﻮ ﺍﻟﻜﻔﺔ ﻟﺒﺴﺖ ﺣﺠﻞ ﻫﻢ ﻭﺗﺮﺍﻧﺸﻮﺯ
ﺑﻴﻮﻣﻬﺎ ﻣﻦ ﺍﻛﺜﺮ ﻣﻦ ﺳﻨﻪ ﺍﻋﺘﻨﻴﺖ ﺑﺮﻭﺣﻲ ﻻﻥ ﻋﺒﺮ ﺍﻛﺜﺮ ﻣﻦ ﺳﻨﻪ ﻋﻠﻰ ﺣﺎﺩﺛﺘﻲ ﻭﻳﻪ ﻓﻬﺪ ﻭﺃﺑﺪ ﻣﻔﻜﺮﺕ ﺑﻲ ﻭﻻ ﺍﺭﻳﺪ ﺍﻓﻜﺮ
ﻭﺻﺎﺭ ﻫﺎﻱ ﺷﻜﺪ ﻣﻤﻌﺘﻨﻴﻪ ﺣﺘﻰ ﺑﺮﻭﺣﻲ ﻭﻻ ﻣﺜﻞ ﻗﺒﻞ ﺍﺭﻭﺡ ﻣﺮﺍﻛﺰ ﺗﺠﻤﻴﻞ ﺍﺑﺪ
ﻋﺎﺩ ﻛﻤﻠﺖ ﻭﻧﺰﻟﺖ ﻃﺒﻴﺖ ﻟﻐﺮﻓﻪ ﻣﺎﻣﺎ ﺭﺣﺖ ﻋﻠﻴﻬﺎ ﺑﻮﺳﺘﻬﺎ ﻭﻛﺘﻠﻬﺎ ﺍﺳﻔﻪ ﻭﺍﻋﺬﺭﻳﻨﻲ ﺍﻟﻴﻮﻡ ﺍﻋﻮﻓﺞ ﻭﺍﺭﻭﺡ ﺍﻃﻠﻊ ﻭﻳﻪ ﺻﺪﻳﻘﺎﺗﻲ
ﺍﺑﺘﺴﻤﺖ ﻭﻛﺎﻣﺖ ﺗﺠﺮ ﺑﺤﺠﻴﻬﺎ ﻳﻌﻨﻲ ﺗﺮﻳﺪ ﺗﺤﺠﻲ ﻭﺗﺎﺷﺮ ﻳﻌﻨﻲ ﺑﻤﻌﻨﻰ ﺍﻧﻮ ﺍﻃﻠﻌﻲ ﻭﺍﺗﻮﻧﺴﻲ
ﺑﻮﺳﺘﻬﺎ ﻛﻮﻣﺔ ﻛﻮﻣﺔ ﻭﻫﻴﻪ ﺗﻀﺤﻚ ﻭﻛﺘﻠﻬﺎ ﺍﻋﺸﻘﺞ ﻳﻨﻔﺴﻲ ﺍﻧﺘﻲ ﻳﺎ ﺭﻳﺘﻲ ﻭﺑﺴﺘﻬﺎ ﺍﺧﺮ ﺑﻮﺳﻪ ﻗﻮﻳﻪ ﻣﺎﻝ ﺍﻧﺘﻘﺎﻡ
ﺧﻠﻴﺖ ﻭﻃﻠﻌﺖ ﺭﻛﺒﺖ ﺍﻟﺴﻴﺎﺭﻩ ﻭﺭﺣﺖ ﻋﻠﻰ ﺻﺪﻳﻘﺎﺗﻲ ﺑﻴﻮﺗﻬﻦ ﻣﺘﻔﺮﻗﻪ ﻣﻮ ﺳﻮﻩ ﺍﻭ ﻗﺮﻳﺒﻪ ﺍﻭ ﻧﻔﺲ ﺍﻟﻤﻨﻄﻘﺔ
ﺍﺧﺬﺗﻬﻦ ﻭﻃﻠﻌﻨﻪ ﻭﺷﻐﻠﻨﻪ ﺍﻏﺎﻧﻲ ﻭﺩﻙ ﻭﺭﻛﺺ ﺑﺎﻟﺴﻴﺎﺭﻩ ﺗﺨﺒﻠﻨﻪ ﻣﻦ ﺻﺪﻙ ﻭﺍﻧﻲ ﻃﻠﻌﺖ ﺿﻴﻢ ﻛﻠﺒﻲ ﻣﻦ ﺻﺪﻙ
ﺿﺤﻜﺖ ﻭﺗﻮﻧﺴﺖ ﻣﻜﻴﻔﻪ ﻭﺗﻐﻴﺮﺕ ﻧﻔﺴﻴﺘﻲ ﺷﻮﻱ ﻳﻌﻨﻲ ﻣﻦ ﻳﻮﻡ ﺍﻟﻲ ﺭﺟﻌﺖ ﻭﻟﺤﺪ ﺍﻻﻥ ﺣﺘﻰ ﻣﺎ ﺍﺧﺘﻨﻜﺖ ﻭﻻ ﺍﺣﺘﺎﺟﻴﺖ ﺑﺨﺎﺥ ﺍﻭ ﺍﻭﻛﺴﺠﻴﻦ
ﻭﺻﻠﻨﻪ ﻟﻠﻤﻮﻝ ﻭﻧﺰﻟﻨﻪ ﻭﺍﻓﺘﺮﻳﻨﻪ ﻭﺍﺗﺴﻮﻛﻨﻪ ﻭﺍﺷﺘﺮﻳﺖ ﻣﻼﺑﺲ ﻭﻛﻤﻠﺖ ﻭﺭﺣﻨﻪ ﺗﻌﺸﻴﻨﻪ ﻭﻛﻤﻠﻨﺔ ﺻﺎﺭﺕ ﺏ١٢ ﻛﺘﻠﻬﻦ ﻳﻠﻪ ﻛﺎﻓﻲ ﻧﺮﺟﻊ ﻟﻠﺒﻴﺖ ﻣﺎ ﺍﻛﺪﺭ ﺍﻋﻮﻑ ﻣﺎﻣﺎ
ﺍﻟﻴﻮﻡ ﺿﻐﻄﺖ ﻋﻠﻰ ﺭﻭﺣﻲ ﻭﻋﻔﺘﻬﺎ ﻛﺎﻟﻦ ﻳﻠﻪ ﺍﺣﻨﻪ ﻫﻢ ﺍﻟﻴﻮﻡ ﻧﺸﺒﻊ ﺭﺯﺍﻳﻞ ﻻﻥ ﻋﻠﻤﺎ ﻧﻮﺻﻞ ﺑﻴﺶ ﺍﻟﺴﺎﻋﻪ ﺗﺼﻴﺮ
ﻭﻓﻌﻼ ﺧﻠﻴﻨﻪ ﻭﺭﺟﻌﻨﻪ ﻭﺻﻠﺘﻬﻦ ﻟﺒﻴﻮﺗﻬﻦ ﻭﻃﻠﻌﺖ ﺩﺍﺭﻭﺡ ﻟﻠﺒﻴﺖ ﻧﺺ ﺍﻟﻄﺮﻳﻖ ﺑﺸﺎﺭﻉ ﻣﺎ ﺑﻲ ﺍﺣﺪ ﻗﻠﻪ ﺳﻴﺎﺭﺍﺕ ﺗﻔﻮﺕ ﺑﻲ
ﻭﻟﻦ ﺗﻄﺒﻚ ﻋﻠﻴﻪ ﺳﻴﺎﺭﻩ ﻭﺗﺴﺪ ﻃﺮﻳﻘﻲ ﻭﻳﻨﺰﻝ ﻣﻨﻬﺎ ﻓﻬﺪ
