رواية طفلة النقيب الفصل الرابع والثلاثون بقلم نبأ عادل
سما: حاره حيل حيل واني ممتعوده اضل فتره طويله بالشمس اصلا ما واكفه كبال الشمس حتلو واكفه فه مو اكثر من ١٠ دقائق ،،، تعبت حيل امشي كوه مكدرت ابقه بنفس المكان لان ضلت ام مهيمن واكفه بالباب وتباوع عليه وتخزر حتى ابتعد من البيت مشيت لكيت مره كتلهة خاله عادي اخابر منج ،، بعدين اذكرت اني محافظه رقم مهيمن ،، شكرا خاله ما اريد عفتهة هي ضلت تهز ب ايدهة خطيه عبالهة اني مخبله ،، لازم اروح للبيت مال مهيمن ما عندي غير حل ،،،، كملت مشي خربطت بالفرع دخلت بفرع ثاني مجنت منتبهة على الطريق من اجينه اني ومهيمن لان جنت صافنه بوجه مهيمن بس سمعته كال بيت اهلي بالفرع القبلنه ،،،، اووف ياربي شلون بيه مشيت للفرع الوره فرع بيت مهيمن الحمد لله لكيت البيت فتحت ماكو مقفول شلون بيه يربي حموت من الحر بعد متحمل اباوع الدنيا بعدهي ظهر اتوقعت ساعه ٣الظهر لان شمس عاليه حيل ظليت كاعده يم الباب مال بيت
ام مهيمن: ندك الباب عرفته ،،،،،اي جايه ،،،فتحت الباب ،، الله يساعدك
ابو مهيمن: ويساعدج ،،، غداج ترى جوعان
ام مهيمن: اي غديته وشرب جاي وراح نام ،،، واني ضليت انتظر ابني الدايح ادك علي ميرد
مهيمن: جنت بالشغل عندي قضيه مهمه ،، صار عندي وقت استراحه خابرت عباس ،،، ها حبيبي شصار ب الانذال ،،، ماشي حبيبي ميعرفون مكانهة للكح...مالتهم الاء فه طلعهم بس اريدك تكسر ادين هذا الاسمه حمزه ،، اريد الاطباء يعجزون يرجعوهن طبيعيات وذاك الثاني بس ضيفو خوش ضيافه وطلعو ،،، ماشي حبيبي مشكور يله باي قفلت الخط ورجعت الشغلي
سما:فجئة مرو مجموعه شباب بالفرع وكامو يسمعوني حجي خفت حيل ركضت لحكوني عاد شفت طابوكه شلتهة ،،، والله اصرخ والم العالم عوفوني ،، عاد مدري بس يمكن لطف الله عافوني بحالي او عدهم غير خطه لان من شافو سياره اجتي هم سوو نفسهم مو يمي وكبل راحو ،،،،،،، اني كبل رجعت للبيت بسرعه وحاولت اعبر وادخل بالطرمه ،،،، باوعت الفرع فارغ ،، نزعت العبايه واشلبيت على الباب هو عالي اتورطت صرت فوك الباب لا بيه اكمز لان اتاذه ولا بيه ارجع عاد باوعت بدايه الفرع نفس الاشخاص الي تحارشو بيه،، مردتهم يشوفوني اول شي لان بدون عبايه وثاني شي اكيد رجعو حتى يسوولي شي ،،عاد كمزت اتزلغو رجليه واديه وطلع دم قليل لان اني غبيه كمزت بطفره من الخوف ،،، كعدت بلحديقه وسديت حلكي حتى ميسمعوني ،،،،
شويه وحسيت ب الم كولش قوي ابطني وفوكاهة الشمس على راسي مابيهة الطرمه اي مكان مال ظل بس شجره رحت كعدت جواهة بس كمت لان اكو حشرات غريبه خفت خاف ايكرصني خليت العباية فوك راسي شويه تخفف الشمس عني ظليت فتره طويله كمشت بطني عصرتهة حيل وظليت احاجي نفسي ،،، اشش سما صبري مابيج شي توجعج لان مماكله شي ظليت اصبر نفسي الا ان حسيت دم هيج قليل حيل ينزل من خشمي دورت ردت ماكو مي اظاهر مكطوع او مهيمن فاصله من البيت ،، اوووف على حضج يا سما من خرب حضي ظليت فتره طويله بلاخر كلت اكيد راحو من شافوني ماكو ممعقوله يبقون لهسه عاد خليت العباية بالكاع واتمددت عليهة والبقه زايد من العبايه غطيت بيهة جسمي ،،،محسيت شلون وشوكت غمضت او فقدت او غفيت معرف اخر شي اذكره جنت اباوع للسماء شويه مالت اشعه الشمس عن البيت تقريبا اتوقعتهة ساعه ٥ او ٥ونص العصر
مهيمن:خلصت شغلي ساعه ٥العصر خابرت ولد عمي واخويه علي وطلعنه بكوفي نتونس ونباوع لعبه
ام مهيمن: سويت عشه يله ابومهيمن تعال
اب مهيمن: اي ،،،، شنو شو جنتج ماكو ، وابنج شو اتاخر
ام مهيمن: ابني دايح ويه جماعته ،،، وذيج طلعت
اب مهيمن: وين راحتتتت
ام مهيمن: طلعت موخوش............ سولفتله كولشي كالت علي المربيه مالتهة
اب مهيمن: انتِ اكيد تخبلتي مثل ابنج ،، لججججج متاكده من هل حجيام مهيمن: اي شبيك هي اجتي الصبح المربيه مالتهة وكالت هل حجي ومن سئلتهة ضلت بس تبجي مجاوبت عاد كمت وطردتهة بيج قصص عراقية واقعية https://www.facebook.com/قصص-عراقية-واقعية-1652362105005398/
اب مهيمن: استغفر الله ربي واتوب اليك ،، يارب انطيني الصبررررررر(انصدمت حيل متوقعت ابني هيج يجيب وحده البيتنه كمشت راسي) لج ابنج شلون يزوج هيج وحده خابريليااااااا
ام مهيمن: اعصابك حجي اعصابك
اب مهيمن: خابررررري
ام مهيمن: ماكو والله ماكو موبايله مغلق،، باوعت وجهة صار احمر ابو مهيمن فدوه العينك اهدء ،، اتمدد ،،بعد مرور شي ساعتين هدء ابو مهيمن ،،،،،،(حجيت بداخلي ،،،،، حسيت او ايقنت هاي الصدمه مراح تمر على ابو مهيمن بخير تندمت حجيتله شبيه اني بس واحد يسويلي بز احجي كلشي بحلكي اخخخ منك يلساني )
اب مهيمن: زين البنيه وين راحت وشلون خليتيهة تروح وحدهة وهي بعدهي صغيره
ام مهيمن: انطيتهة فلوس وهي اكيد رجعت الزبالتهة ،، يا صغيره ترى هاي مو راحه اني شكيت من البدايه شلون طفله مثلهة مزوجه واحد بكد ابوهة ،، بس اخخخخ من علي هو قنعني
اب مهيمن:خليت ايدي على راسي وانتظر جيت ابني السبع الجابلنه هل بلوه الجديده
ام مهيمن: ابو مهيمن اهدء شويه ،، اسويلك شي
اب مهيمن: اهدء لججججج شهدء وابنج الكفو راح يخلينه علج بحلوك العالم
ام مهيمن: سكتت منه لان رجع اعصاب حيل ،،، كعدت كباله صافنه وانتظر مهيمن
مهيمن:خلصت اللعبه رحنه المطعم تعشينه صارت ساعه ١٠ بليل يله يولد اني راجع للبيت ،، كمنه كل واحد البيته،،، اوووف اليوم مشايف سمائي ولا سامع صوتهة هواي مشتاقلهة دست سرعه وصلت ١١بليل للبيت دخلت لكيت اهلي ،، السلام عليكم شكو شو بعدكم كاعدين
اب مهيمن: هلا بالزين هلا ب ابني البطل
مهيمن: شكو شبيك يابه
ام مهيمن:كل شي ما بينه
مهيمن:سما وينج
اب مهيمن: قصدك الساقطه وينهة
مهيمن: يابه رجعنه مرتي عيب تحجي هيج عليهة
اب مهيمن: عشنه وشفنه ابنج يعلمني العيب ولجججججج
ام مهيمن: اعصابك يمعود
مهيمن:شسوت سما ، احجي يمه
ام مهيمن: كول شنو الماسوته هل ساقطه
مهيمن: سماااااااااا
ام مهيمن: لتعب نفسك احنه عرفنه كل شي عن ماضي الساقطه المسميهة مرتك
مهيمن: عن اي ماضي وسما وين
ام مهيمن: ماضي الملهى ،، ومرتك طردتهة اني
مهيمن: شنووووو مرتي وين
ام مهيمن: طردتهة بره البيت ونطيتهة فلوس ترجع الزبالتهة
مهيمن: عفتهة تحجي ،،ورحت بعصبيه ادور ماكو بالبيت ،،،،طلعت بسرعه اعصابي تالفه وين ادورهة يربي وين راحت حبيبي وينج ،،وين ما اعرف وين ادور ووين اروح لج بابه ليش طلعتي من البيت ليش وين الكاج هسه اجه على بالي بيتنه اي ،، لا اني قافل الباب،،،،، بس يجوز واكفه كدامه لان ماكو بس هذا المكان رحت بسرعه نزلت من السياره ماكو حتى خلف البيت وينج انتجيت على الباب
سما: صوت خفيف وخيال رجلين من جوه الباب خفت حيل حيل حاولت اكوم مكدرت دخت كبل ووكعت
مهيمن: خابرت اخويه،،، لك علي مرتي ماكو اهلك طارديهة ساعدني وين ادورهة وين،،، وهي متندل شي
سما:: سمعت صوته قلت دكات كلبي والخوف انمحه بداخلي ،، صحت مهيمن بصوت كوه يطلع مسمعني ،، مهيمن مهيمن مسمع شي ،،دورت على شي لكيت حصوايه شمرتهة على الباب وثانيه وراهة
مهيمن: منو صعدت على باب وشفتهة تخبلت فتحت القفل ودخلت عليهة ركض بابه حبيبي شبيج احجيلي ليش هيج خشمج واديج
سما: بطني توجعني مهيمن
مهيمن: شلتهة وخليتهة بالسياره دخلت اخذت ادوات تعقيم من البيت عقمت جروحه ومشيت بالسياره جبتلهة لفه وعصير وكفت السياره واباوعلهة اكلت بسرعه ،،، حبيبي جوعانه
سما: اي هوايه
مهيمن: خلصت،،، نزلت غسلتلهة بالمي ومسحت حلكهة واخذتهة للبيت مالتي دخلنه ،،، محبيت اذكرهة او اسئلهة عن الصار لان هي هسه تعبانه ،،،،،،اني بنفسي راح اكتشف كلشي صار وشلون اهلي عرفو لازم اكو احد حجالهم نومتهة بالكوه ومن غفت طلعت رحت البيت اهلي دخلت بدون كلام
اب مهيمن: ها وين جنت
مهيمن: مجاوبت وكبل رحت السجلات الكامره واشوف النذله الاء جايه(اذا ما اشوفج انجوم الظهر ) عرفت هي مسولفتلهم كلشي،،، شفتهة دخلت البيتنه ودك عليه علي ضل التسجيل يمشي واني حجيت ويه علي كتله لكيتهة السما سديته من علي هستوني دا اسد التسجيل واشوف امي جاره سما بالطرمه وبدون حجاب او عباء شمرتهة بره البيت عيوني نطن من مكانهن ركعت الحايط بوكسي ديكمل التسجيل شفت وشفت مصايب امي كملت التسجيل للنهايه اخر شي شفته سما مشت وهي تلتفت على امي وتبجي ،،،،، اخخخخ منج يمه شسوووووي بيج فهميني طلعتلهة يمممممممه
ام مهيمن: شبيك اصيح
مهيمن: شمسويه بالبنيه احجي
ام مهيمن: لك شو انت طايح حظ شنو شمسويه احترم نفسك فوك ما ساقطه انوب ادافعلهةمهيمن: انتِ امي اني مناسي هل شي لو ناسي جان سويت شي اخخخخ بس اخخخخ ،،، هاهيه انتِ مقتنعه بالي سويتي بس صدكي بعد وجهي مشوفي انتِ ما احترمتيني شلون اطردين مرتي واضربيهة ب اي حق منو سمحلج ،،، ما انتظررررررتيني اجي وافهمج لييييييش اطرديهة بنص الظهاري لييييييش بس فهميني مخفتي خاف يتحارشون بيهة يخطفوهة انيييييي شسوي شسوووووي
ام مهيمن: مهيمن لتخليني اصيح ابوك مو تعلمني اني الي حق شنو ما اسوي لان امك اني مو نستك امك ذيج الزباله
مهيمن: شكلج بعد بس اني الام الماتحترمني اني ما اريدهة
ام مهيمن: مهيمن انتبه النفسك شكاعد تحجي يمه اني علمودك وعلمود مصلحتك الناس شتكول علينه من ينعرف الخبر شنو جايبلي ركاصه
مهيمن: مرتي مو ركاصه فهمتي ركعت الباب وطلعت رجعت للبيت اباوع على سما نايمه بس حسيت وضعهة مو طبيعي خشمهة مورم وكل شوي ينزل نقاط دم امسحه ويرجع وكامشه بطنهة وعدهة حراره بس خفيفه .....................
