رواية حرم الاسود الفصل السادس والثلاثون بقلم بتول ابو الليل
رَدنا نَنسّى و ما نَسينا
رَدنا نَبچي و ما بِچينا ..ونَعتب ونَحجي عليمن؟
و ياهو يسّمَع لو حَچينا ؟
.➛ ✿✿ ✿✿ ✿✿ ✿✿ ➛.
كمت بسرعه طلعنه من الغرفه نركض شهكت واحس كلبي وكف من شفت ابني وكع من الدرج و سابح بدمه صرخت بصوت عالي وركضت عليه
_تييييييييم ابنيييي ييييييمه ابنييييي
نزلت اركض وتعثر طلعت ام تيمور من الغرفه شافته هيه جوه صرخت وراحت تركض شالته نزلت اخذته من ايدها احرك بيه ميتحرك فاقد وكله دم
_تيييييم ماما حاجيني تيم فتح عيووونك ييييمه ابنيييي ابنييي راااح منيييي تيييم ماااماااا
اجاني تيمور يركض شاله مني يحرك بيه وهوه خايف واديه ترجف من المنظر. يضرب علئ خده بخفه.
تيمور : مابي شيء عايش عايش هسه يطيب مابي شيء.
جنان : ولكم راااااح يموووت خلونه ناخذه للمستشفى.
اخذه تيمور وطلع يركض من البيت طلعنه وراه اني وام تيمور خلاه بالسياره صعدنه وياه خليته بحضني ابجي وارجف دخيلك ياربي احمي الي اموت اذا اصارله شيء.
_تيييم فتح عيونك ماما فتح عيونك لاتعوفني والله امووووت وراك لاتعوووفني وتروووح فتح عيووونك ماما تييم
يسوق تيمور وعينه علئ تيم بالمرايه مسح وجهه بتوتر ضرب السترين حيل وفر السياره اخذنه من طريق مختصر حته نوصل بسرعه
راسه ينزف انترس حضني دم من عنده نزعت شالي ولفيته علئ راسه ابوس بوجهه وابجي.
جنان : شلوووون وكع انتِ ويييين عنه وييين.
_ماما تيم لاتعوفني لاتخليني وحدي فتح عينك يروح امك فتحهن.
تيمور : ااااخ كله مني اني شلون اعوفه شلوون.
باوعتله واني عيوني مثل الدم هوه السبب بكلشي لوو ما هوه عايفه ومخلي طالع مجان صارله شيء باقي يحاسب بيه قسم بالله اذا صارله شيء اندمه علئ الساعه الرجعني بيها.
وصلنه للمستشفى نزلنه بسرعه شاله مني تيمور ودخل يركض للمستشفى اخذو من ايده الدكاتره ودخلو للعنايه.
جنت اريد ادخل وراه ماخلاني تيمور سحبني عليه دفعته من صدره واني اصرخ انهاريت صرت اضرب بيه وابجي بصوت مسموع
_وخررر تيمووور وخرر. كله منك انتَ السبب ليششش خليته يطلع ليششش انيييي كتلك يوووكع كتلك لووو مكتلك ليششش هيييج سوووويت ليششش تييييم اموووت ورااه والله اموووت ابنيييييي ييييييمه شسووووي هسه شسووووي راااح يموووت ابنييي تيييم ماما
حضني علئ صدره يهدي بيه لزمت قميصه واني ارجف وابجي بصوت مسموع كل جسمي يرجف من الخوف وكلبي ع شويه يوكف والله لزم وجهي بين اديه يمسح بدموعي ويحجي بصوت مخنوك.
تيمور : لاتخافين مراح يصيرله شيء اهدي والله بخير هوه هسه بس يضمدون راسه
_انتَ مااااشفت وضعه مااااشفت الدم شكدد وكع منه راااح يموووت تيمور ابنه راح يموت شسوي اذا راح مني امووت وراه والله ماكدر اعيش بدونه.
تيمور : مايموت اني هنا مستحيل اسمح يصيرله شيء شفت الجرح موو غميج بس هوه طفل صغير اكيد يطلع دم هواي اهدي لاتخافين كاافي.
جنان : شلون وكع انتم وين عنه
ابتعدت عن تيمور واني امسح بدموعي واشهك ينزلن غيرهن باوعت لتيمور بغضب خلي يجاوب امه وين جنه جان يضرب بيه يحاسبني علئ شيء اني ممسويته.
تيمور : جنه فوك بالغرفه ونسيناه وكع
جنان : شهل اهمال العندج طفل واحد ماعرفتي تلزمينه بس خلي يتحسن اني اخلي يمي انتِ ما منج فائده ابد
_ابنيييي مهتمه بيه ومدارييته بس اسالي ابنج هوووه الي عااافه مووو انييي هوه السبب بكلشي هوه الي وصله لهل حااااله مو اني.
مسح وجهه تيمور بتوتر وعافنه وراح علئ الغرفه يباوع الهم كعدت علئ الكرسي واني ابجي اتذكر وضعه شلون جان يمه كلبي راح يوكف
صرت كوه اجر نفس عيوني غوشن من البجي والله كلبي مفرفح عليه رحت علئ تيمور مرتكي علئ الحايط ومنزل راسه
_ليششش تأخرو جوووه موو تكول مابي شيء خليني ادخل اشووفه شصااار بيه
تيمور : يسوله اشعه لراسه ويضمدونه لازم ننتظر يكملون.
_ماكدر انتظر خليني بس اشوفه فدوة تيمور.
تيمور : تعاي.
فتح باب الغرفه ودخلنه عليه جان مضمدين راسه واكف يمه الدكتور يضربله ابره بالمغذي.
اني شفته لوو احس كلبي طااار مني ركضت عليه واني ابجي بصوت مسموع واشهك حضنته لصدري ابوس براسه.
_ماما تييييم ابنيييي مابي شيء دكتور مراح يصيرله شيء مووو زين هوه موو زين.
الدكتور : عنده فطر بالجمجمه لازم تهتمون لوضعه
تيمور : هم ياثر علئ عقله نفسيته يسببله اضرار شيء.
الدكتور : لا فطر موو كلش جبير لازم تلتزمون بعلاجه وترجعون بيه كل 3 ايام تجيبو نسويله اشعه ونتاكد من وضعه.
تيمور : يعني يرجع طبيعي ؟
الدكتور : انشالله
تيمور : الف الحمدالله ياربي اشكرك دكتور .
هز راسه بأي عافنه وطلع بقيت كاعده يمه ابوس براسه اجه يمنه تيمور يريد يلزمه دفعت ايده بقوه وباوعتله بغضب
_وخررر اييييدك عنه وخررر لاتلمسه
تيمور : انتِ شبيييج تخبببببلتي ترا هم ابني وخايف عليه خليني اشوفه
_خطيه شكد خايف عليه هوه انتَ السبب الوصلته لهنا عوووفه لاتتقرب منه وهوه يبقه بخير خليك بعيد عنه
تيمور : استغفرالله ياربي اريانا موو وكتج هسه خليني بس اطمأن عليه روحي رايحه عليه والله جيبي.
_والله مانطي وخر لاتخليني الم عليك المستشفى كلها.
تاففف بضوجه مسح علئ راسه بتوتر باوعلي بنظرات تخوف وكال.
تيمور : سهله.
عافني وطلع من الغرفه بقيت كاعده يمه ابوس بيه واشهك من كد مابجيت
دخلت ام تيمور اجت عليه باسته براسه وبقت كاعده يمه تمسح علئ خدوده.
جنان : سوده عليه حبيبي هم كعد لوو بعده فاقد
_لا بعده ماكعد
جنان : هسه بس يرتاح يكعد.
هزيت راسي بأي ضميته لصدري اريد تبرد نار كلبي ميته من الخوف كل ذره بجسمي ترجف
قبل لايخلص المغذي كله فتح عيونه وبجه يمه ماصدك بجه وفتح عيونه فرحت فرحه مفارحتها طول عمري صرت اضحك وابجي بنفس الحظه
_هههه تيم ماماتي كعدت فتح عيونك حبيبي انتَ سوده بوجهي اني حقيره شلون اعوفك.
صار يبجي يتوجع من راسه بقيت ابوس بيه واهدي بيه اريده يسكت مايسكت دخل تيمور بسرعه للغرفه ملهوف شافه ابتسم بفرح اجه علينه اخذه من ايدي يبوس بوجهه واديه
تيمور : بابا حبيبي تيم كاافي يروحي لاتبجي شبيه ليش مايسكت
جنان : يمكن متوجع من راسه لوو جوعان
تيمور : رضعي اريانا خلي يسكت.
_شنو؟
تيمور : شبييج رضعييي ماتشوفينه يبجي طلعي صدرج رضعي يلٱ خلي يسكت.
احس وجهي صار نار هذا شبيه ميدري بيه ارضعه ممه
جنان : اي صدك رضعي بلكي يسكت
_هوه اني ارضعه ممه موو علئ صدري
جنان : ميخالف خلي يسكت هسه بين مايكمل المغذي حته نطلعه وناخذه.
_مايصير شنوو ارضعه هوه متعود علئ الممه وجبير جيبوله شيء اوكله.
تيمور : اكيد مراح تمرضينه انتِ امه هاج رضعي شويه بس خلي يسكت فرفحت روحه وراسه يأذي.
اخذته من ايده واني متوتره ابني فرفحت روحه يصرخ واني مستحيه اطلع صدري كدامهم ممرضعته ابد هوه متعود علئ الممه.
كعدت علئ السرير خليته بحضني امسح بدموعه بيدي وبوس بيه.
طلعتله صدري اريده يرضع ميقبل يفر براسه ممتعود ابد.
رفعت راسي لتيمور اباوعله صافن من باوعتله تحمحم وحك حاجبه سوه نفسه ممنتبهه
_ميقبل شسوي هسه.
تيمور : رايح اشتريله شيء.
هزيت راسي بأي عافنه وراح بقيت اسكت بيه بس يبجي اجه عليه الدكتور دازه تيمور صار يباوع لراسه ويتاكد خاف بي شيء
جنان : دكتور شبيه ليش يبجي.
دكتور : مابي شيء الضربه توجعه هسه شويه ويخف الوجع عنه.
كمل المغذي شاله من ايده وعافنه وطلع شلت تيم بقيت اسكت بيه شويه ودخل تيمور مشتريله.حليب وممه جديده وعلاكه حلويات.
تيمور : جيبي سويله ممه بسرعه
اخذه من ايدي فتحت بطل المي وسويته ممه اباوع لتيمور يسكت بيه ويناغيله
تيمور : اششش اشش باباتي حبيبي تيم شوف هاك هذا سويج الك باوع حلوو شوف
انطاه السويج لزمه شويه هدء وسكت بقه يباوع بيه ضمه علئ صدره يبوس براسه وخدوده.
تيمور : لاتزعل من بابا مايقصد يأذيك والله تدري بيه احبك موو
_انطيني
تيمور : هاج
اخذته من ايده كعدت علئ السرير خليته بحضني ارضع بيه صح عمره سنه بس لحد لان يبجي علئ الحليب.
رضع الممه وهوه يباوعلي اني كل شويه ابوسه من جبينه كلبي مفرفح عليه.
خلص الممه طلعتله مصاصه اخلي يلتهي بيها خليتها بيده وطلعنه من المستشفى رجعنه للبيت.
طول الطريق تيمور يباوعلنه كل ماشوفه يباوعلي ادير وجهي عنه علئ الجام مطايقته ابد بعد السواه مستحيل اتقربله واذل نفسي عليه
هوه كارهني ويريد يطلكني اني شكو احاول وياه خلص كلشي منتهيي بينه.
وصلنه للبيت اخذته مني ام تيمور اني صعدت لغرفتي ابدل ملابسي كلهن دم من تيم
اخذت ملابس ودخلت للحمام اسبح سبحت وبدلت وطلعت لكيت تيمور واكف علئ البلكونه ويدخن شجابه شريد تجاهلته نشفت شعري دار وجهه يباوعلي طفه الجكاره واجه نحوي.
بقيت بمكاني نزلت عيوني علئ الارض ماريد احجي وياه ابد كلامه وتصرفه حيل اذاني بيهن
تقرب يمي كلش رفع راسي بايده ركز بعيوني اني هم ركزت بعيونه فجأه دنك باس خدي بهدوء غمضت عيوني بتوتر ماعرفت شبيه ليش هيج يتصرف وياي اذا يحبني ليش يكابر ليش ميسامحني ويرجعني اله.
ابتعد عني شويه يباوع لعيوني عيونه ذبلانات وحمرر همس بصوت مخنوك.
تيمور : اول مره اضربج واجيت حته اصلح السويته.
_خرب كلشي مابقه شيء حته يتصلح.
تيمور : انتِ الخربتي مو اني
_اي اني شعندك جايني
تيمور : ماعندي شيء بس صلحت السويته مكان الضربه بستج
_وبوستك شراح تفيدني راح تصلح الي انسكر راح تخليني انسه الصار.
تيمور : مومهم تنسين المهم اني ارضي نفسي وضميري.
نزلت دموعي بصمت جان حيل قريب مني مسح دمعتي بطرف اصبعه ونزل راسه يباوع لعيوني.
تيمور : شوفي شكد تتأثرين وتبجين من اتفهه الاسباب تبجين فكري بيه شكد تحملت وكابرت وضميت بگلبي هم خليتي روحج مكاني بيوم هم عشتي العشته اني مستحيل لوو تمر الف سنه اريانا لوو الف سنه تمر مراح انسه السويتي بيه حييل حييل اذيتيني واني الجنت الج سند وكفتلج اكثرر من اهلج جنت ماهتم اموت علمودج عادي عندي عرضت روحي للخطر بس حته احميج بس مابين كلشي بعينج تدرين ليش؟ لأن ماحبيتي تيمور ماعرفتي تحبينه مثل ماحبج.
رفعت راسي اباوعله دموعي تنزل بصمت عضيت شفتي بقهر.
_اني اسفه سامحني تعبت من كلشي تيمور والله تعبت ماكدرت ابقه انجبرت اعوفك جنت اعرف راح تتاذئ بس راح تتخلص منهم راح يبتعدون عن حياتك اني ..
خله ايده علئ حلكي يسكتني قرب وجهه مني همس بصوت هامس
تيمور : يمكن تكونين سويتي هل شيء لصالحي بس ماعرفتي بهل تصرف شسويتي بتيمور هنتيه اذيتي دستي علئ كلبه خليتي الكل يتشمت بيه خنتي ثقته بيج صافحتي اليان عليه وبقيتيني بالسجن واني مريض وتعبان وماكدر حته اتحرك ولج امووت يمج جنت اضعف كدامج ادوس علئ كرامتي وانزل روحي الج بسسس مافاد ويااج ابددد مافااااد
دنكت راسي واني مختنكه كل كلمه يحجيها احسه يعصر كلبي بيها حيل ياذيني عتابه.
_تيمور اني
تيمور : انزلي اخذي تيم نومي وخلي يرتاح طالع اني.
_وين رايح
تيمور : لخطيبتي
بقيت اباوعله واني كوه حابسه دموعي غوركن عيوني نزلت راسي وهزيته بأي رفع راسي يباوع لعيوني
تيمور : ليش البجي؟
_ماباجيه روح.
تيمور : ديري بالج علئ تيم
هزيت راسي بأي عافني وطلع من الغرفه شهكت بخنكه كعدت علئ السرير واني مختنكه ودموعي تنزل اريده يبقه يمي يسامحني ينسه الصار بينه يعوف العتاب ميرجع يذكرني بالسويته تعبت حييل ياربي والله تعبت خلصت طاقتي.
بقيت هوواي كاعده وحدي مره ابجي مره اصفن احسه يريدني بس السويته لاچم گلبه ومخلي مبتعد عني اني اعرف شلون اراضي ليوم راح انهي هل خلاف واخلي يرجعلي وينسه كلشي.
مشطت شعري ونزلت جوه جان تيم نايم بحضن ام تيمور وآيلا كاعده يمهاا تمسح علئ راسه.
آيلا : الحمدالله علئ سَلاّمُتَهُ
_الله يسلمج
آيلا : يمه من سمعت متت من الخوف
_لحد هسه جسمي يرجف وخايفه
آيلا : دير بالج اذا كلش انزلي اكعدي بوحده من الغرف الجوه لاتصعدين فوك مرات الانسان يخمل وميدري.
_لا راح اكون حريصه كلش عليه ماخلي وحده.
جنان : اخذي نومي بالسرير مالته وغطي زين
هزيت راسي بأي اخذته من ايدها وصعدت فوك دخلت للغرفه خليته بسريره بقيت كاعده يمه اباوع للساعه بـ 3 العصر.
اريد اصالح تيمور ليوم اريد انهي هل خلاف اذا تقبلني كلش زين واذا ماتقبلني ابتعد عنه وبعد لوو يموت ماتقربله ولا انزل روحي اله.
بقيت منتظره رجعته للمغرب تيم نايم سديت الباب ونزلت ساعدت آيلا واسينا بالعشه
جهزنه كلشي نقلناه علئ الطاوله شويه والتمو كل الشباب عفتهم اني ودخلت للمطبخ ماريد احصلي حجايه البيه مكفيني.
شفت تيمور دخل للبيت نزلت عيوني بقهر كل هل وقت جان ويه خطيبته واني اذا يكون وياي ساعه لآزٍمٍ يتعارك وياي.
اكلت بالمطبخ شويه ودخل تيمور للمطبخ شافني كاعده واكل
تيمور : كومي.
_وين؟
تيمور : تعاي.
سحبني من ايدي واخذني علئ طاوله الاكل امه تباوعلي بغضب كعدني بالكرسي وراح هوخ كعد مكانه.
تيمور : عوفونه من سوالف الزعاطيط هايي الكل يكعد علئ سفرة الاكل ناكل سويه ونكعد سويه.
الكل بقه ساكت اني هم بقيت بس اصفن بقه الكل يتعشه اني انسدت نفسي اخذت عصير شربته اباوع لتيمور ياكل وممهتم ابد.
خلصنه كل واحد صعد لغرفته اني هم صعدت اشوف ابني.
لكيته كاعد سويتله ممه شربته وانطيته العلاج مالته بالكوه شربه.
شويه ودخل تيمور للغرفه شاف تيم كاعد ابتسم واجه عليه شاله من ايدي باسه بخدوده.
تيمور : باباتي حبيبي شلونك زين هاا
بقيت مدنكه راسي اباوع الاظافري حيل ضايجه ومخنوكه هوه يلاعب بتيم اخذه وكف علئ البلكونه يلاعبه ويضحك بيه وتيم عبالك يعرفه من زمان يكيف علئ تيمور يبقه يضحك ويلعب
تيمور : اريانا جيبيلي غطه بارده برا.
_دخله جوه لـيش طالع مريض موزين عليه البرد.
بقه شويه ودخل للغرفه سد الشباك ورجعه للكاروك انطاه العاب باوعلي بهدوء وكال.
تيمور : شربتي علاجه
_اي
تيمور : تمام ديري بالج عليه.
هزيت راسي بأي عافني وطلع من الغرفه حيل بارد وياي صاير ولاكانو مرته يحجي وياي ويدخل للغرفه بس علئ تيم.
بقيت كاعده ويه ابني الاعب بيه داخ من العلاج ورجع نام.
فكرت اسوي شيء لتيمور واصالحه كمت من مكاني فتحت الكنتور طلعت فستان اسود فوك من الركبه.
اخذته اباوع لنفسي بالمرايه اروحله لوو ابقه متردده حيل اخاف يرفضني ماريد اتفشل كدامه
شمرت الفستان علئ السرير وكعدت مالي واهس ابد اسوي أي شيء اريد نتصالح بس ماريد انزل روحي اله.
هوه زوجي واني غلطت لازم ابادر اسوي شيء يرجع علاقتنه.
سحبت نفس قوي وشجعت نفسي اخذت الفستان ودخلت لبسته وطلعت اباوع لنفسي بالمرايه فتحت شعري.
خليت قليل مكياج وسبلاش لجسمي وعطر نسائي فواح.
بقيت اباوع لنفسي ضحكت علئ روحيي اتذكر مره كلي تجيني برجليج وهاي اجه هل يوم الي راح اروحله برجليه.
باوعت لتيم نايم سوده عليه خلصها بس نوم دايخ من الضربه والعلاجات.
طفيت عليه الاضويه وطلعت من الغرفه ساعه بـ 12 بليل.
اباوع لغرفة تيمور مشتغل ضواها رجليه احسهن يرجفن مشيت بهدوء دكيت الباب صاح تفضل.
دخلت للغرفه واني كلبي يدك بسرررعه جان متمدد علئ القنفه مخلي لابتوب بحضنه من دخلت رفع راسه يباوعلي صفن وانصدم بشكلي وضعي.
تيمور : اريانا؟
عضيت شفتي بتوتر ونزلت راسي حايره شحجي وياه.
_هوه اني.
سد الابتوب وكام من مكانه بقيت منزله راسي بتوتر وخجل تقرب يمي دفع الباب برجله وسده رفع راسي بيده يباوع لعيوني.
تيمور : شدسوين؟
_ممسويه شيء.
تيمور : ولبسج هذا
_شبي.
تيمور : اخواني بالبيت لوو شايفج واحد موعيب طلعين هل شكل وشنوو هذا العطر اوووف.
_موحلووو
بلع ريكه بتوتر قرب وجهه حيل مني غمضت عيوني بخوف دنك راسه علئ ركبتي يسحب نفس قوي كزبر جسمي من قربه فجأه كال.
تيمور : اطلعي اريانا اطلعي ارجعي يم تيم لايكعد وهوه مريض
_تيمور.
تيمور : روحي اطلعي من الغرفه ماكدر اكون وياج خلص كلشي منتهيي بينه يلا برا.
ابتعد عني وهوه ضايج ويتنفس بقوه دمعن عيوني وحيل انقهرت جنت متوقعه مراح يتقبلني ويرفض.
فتح البلكونه وبقه يباوع طلع جكاره ودخن اني بس واكفه واباوعله.
تقدمت عليه جان ظهره عليه حضنته من ورا واني عيوني مدمعه ومختنكه لفيت ايدي علئ بطنه وراسي علئ ظهره
_غلطت اني ايي غلطت واعتذرت منك وجاي احاول اصلح كلشي ليش رافضني تيمور هيج اني موو مهمه بحياتك انطيني فرصه انسه الصار بينه اذا مو لخاطري لخاطر تيم.
مجاوبني ساكت ابتعدت عنه واني امسح بدموعي هزيت راسي بأي وكلت.
_خلص راح اطلع من حياتك خلي يخلص هل شهر ونطلك كمل حياتك ويه مرتك الجديده العليه سويته اني
درت وجهي اريد اطلع سحبني من ايدي عليه درت وجهي اباوعله بخنكه عيونه ركزن بعيوني سحبني من خصري عليه بسرعه واخذ شفايفي بقوه.
غمضت عيوني بتوتر وبطني صاارت تتمغص لفيت ايدي علئ ركبته رفعني من الارض وهوه يقبلني كعدني علئ الميز يبوس شفتي بلهفه تحسه عطشان وجاي يرتوي.
احس شفتي تشلعت وتجرحت ابتعدت عني وهوه يلهث خله راسه علئ راسي وهمس.
تيمور : تعبتيني اريانا تعبتيني هووواي شسوي بيج فهميني وييين اخليج بعد ضميتج بنص روحي وعفتيني كل ماريد ارجع واكون وياج اتذكر غدرج الي وسوايتج وابتعد عنج .
مشيت ايدي علئ خده واني اباوع لعيونه الذبلانات بسته من عيونه ثنينهم ابتعدت وهمستله.
_ماعوفك بعد والله انسه الصار فدوة خلينه نبدي من جديد لخاطر تيم
تيمور : صعبه حيل صعبه.
دنكت راسي بقهر جنت كاعده فوك الميز دفن وجهه بركبتي يشمها بقوه خليت ايدي علئ شعره باسني بخفه وهمس.
تيمور : ولاوحده خلتني افقد هيج يمج اتعب وارتاح بدقايق.
_تيمور.
رفع راسه يباوع لعيوني مشه اصبع ايده علئ شفتي يتلمسها دنك باس طرف شفتي وجرها بسنونه غمضت عيوني بألم عصرت كتفه بيدي نبتت اظافري بيه.
تيمور : ارجعي لغرفتج لا انتحر بيج هسه كومي.
_تحرشت بيه وتطلعني
تيمور : هاا خدرتي ؟
ضحكت ودنكت راسي رفع راسي بيده يركز بعيوني تحسه بكلبه حسرات جبيره سحب نفس قووي وزفره.
_بعدك ممستعد لهل خطوه موو.
تيمور : لچمتي گلبي وموو بسهوله اكدر اتخطا الصار حيل متأذي منج
_اعوضك عن كل لحظه خسرتها وتعذبتها بغيابي اخليك تشوف انسانه ثانيه والله
تيمور : وانسه؟
_تنسه وتكول ياريت من زمان هيج مخليها عايفتني وراجعتلي بكل هل حب والاهتمام
تقرب حيل عليه لف ايده حوالين خصري سحبني عليه يطبك جسمي علئ جسمه قرب وجهه حرك خشمه علئ خدي وهمس
تيمور : نشوف نجرب ليوم بس نبقه متزاعلين هاا؟ .
_هاي شنوو هههههه وين لكيت هل كلاوات
تيمور : ايي مشايفه اليشتري شغله ياخذ بيها ضمان يجربها اذا موزينه ترجع
_هاا يعني معتبرني سلعه؟
تيمور : تقريباً
_احبك اني هواي تدري.
رفع حاجب ممقتنع بكلامي ضحكت لزمت وجهه بثنين اديه بست شفته بهدوء بادلني بكل حب ابتعدت عنه شويه وهمست
_هوواي احبك والله هوواي
تيمور : تحبيني وعفتيني ورحتي ؟
_رجعنه لنفس الموضوع.
تيمور : ماحبيتيني مثل حبي الج الي يحب يضحي يهتم يخاف علئ محبوبه موو مثلج انهزمتي باول فرصه
_اممم جنت ممتاكده من حبي هسه صرت احبك شو صاير حيل حلوو مدري شمسوي لروحك قبل جنت اسمرر حيل وخشمك جبير.
تيمور : اني؟
_ايي انتَ
تيمور : هنيالج لان مرتي وين تلكين بجمالي البنات توكفلي سطر بس كون اختار وحده منهم.
_صعدت الثقه
ابتسم دنك يشم ركبتي بقيت احرك بيها بهدوء ضغط علئ خصري بايده شالني من علئ الميز واخذني علئ السرير.
نزلني علئ السرير يقبلني بهدوء وحب اني لافه ايدي علئ ركبته وابادله.
لزم ايدي خلاني اني افتح قميصه فتحته واني عيوني بعيونه شمره وفتح الفستان
اخذني لغير عالم بالرومنسيات ياخذ المرتبه الاولئ خبره ههههه.
عشنه ليله كلهاا عتاب ولهفه دامت اكثرر من سنه مجنت متوقعه بيوم راح نرجع من جديد ويرجعني الاحضانه رغم كل أذيتي اله تنازلي وضعف باول تجربه.
.....
اليان : بقيت بيت آرون كاعده ويه اخته تغدينه سويه.
رهف : كلش كلش فرحت بهل خبر واخيراً راح يكون عندي صديقه اروح عليها لبيتها
_هههه شوكت متحبين تعالي نكعد سويه اصلاً ابقي يمي عوفي آرون
رهف : آرون منوو؟
آرون : ههههه تسميني آرون اول ماتعرفت عليها جنت مسمي روحي آرون وهيه بقت علئ هذا الاسم
رهف : هاا هيج يعني اكول دائماً تكول آرون ترا هوه اسمه أيسر
_اي اعرفه بس احب أسم آرون اكثر
رهف : بكيفج بعد هسه شنوو نروح نشتري
_اي يلا
كمنه سويه طلعنه من البيت اخذنه آرون لمعارض اثااث بغداد بقينه نفتر ونختار اخذت تخم قنفات موو كلش غالي لانو فلوسي متكفي لازمني هواي اشياء
رهف : لاا اليان هذه احلا بهواي.
:: سعره 500 الف.
رهف : ها أيسر ناخذه؟
آرون : اليان حلو ناخذه
_امم ليش مناخذ هذا مو احسن
آرون : لا هذا اني اشتري معليكم عجبني.
متاكده عرفني آرون ترددت من السعر اشتراه هوه حيل خجلت منهم لوو ادري مماخذتهم وياي ومشتريه علئ راحتي.
اشترينه القنفات والثلاجه والغرفه مال النوم والطباخ والفراشات والمندر مال النوم واغراض للبيت اجهزه مالحكنه نشتري كاونتر لان خلصن الفلوس الجابهن آرون 4 ملايين بس علئ هذني الشغلات.
لليل وصلنه للبيت نزلو كلشي آرون وياهم ينزل ويرتب يجهز كلشي.
حيل تعب وياهم اني بس واكفه واباوعلهم ومستحيه من آرون خلصت فلوسه وتعبته وياي كلش
ساعه بـ 9 بليل يلا خلصو من الشد والترتيبات.
آرون : الاساسيات صارن عندج الكاونتر والغساله وهل امور نرتبها باجر
_موو ضروري غساله وكاونتر عادي حته لوو ابقه هيج شعندي هوه بس اني.
آرون : مايصير لازم تكملين بيتج اذا علئ الفلوس لاتهتمين ابد اني وياج
_آرون عفيه ماريد تصرف فلوسك عليه اني عندي والله لاتحسسني انو كاسره خاطرك وتتعاطف وياي ماتحمل والله اعرف اهلي عافوني بوقت صعب بس اني قويه اكدر ادبر كلشي.
احجي والعبره خانكتني خنك دمعن عيوني نزلت راسي ابتسم بهدوء واجه يمي رفع راسي بثنين اديه يباوع لعيوني.
آرون : اشش علئ شنوو تبجين ابد لاتفكرين اني اتعاطف وياج واتصدقلج ابدد انتِ شيء مميز بالنسبه الي اساعدج مثل ماساعدتيني وكفتي وياي بايام حيل صعبه عادي واذا عافوج اهلج احنه اهلج ابوي ابوج واختي اختج اعتبرينه عائلتج الثانيه.
_كلش اشكرك علئ كلشي
آرون ; بالخدمه انسه اليان
ابتسمت ونزلت راسي هوه هم سكت بقه يباوع للبيت كعد علئ القنفه وكال.
آرون : تعبنه عادي تسويلنه كهوه.
_اكيد.
عفته ورحت للمطبخ رهف خطيه جابتلي كومه مواعين من بيتهم وابوها موو عنده محل دازلي كارتونه مشكلها من كلشي مامخلي شيء ناقصني.
سويت كهوه واخذتها الارون انطيته فنجان وكعدت مقابيله.
آرون : عادي اسالج كم سؤال؟
_ايي كول
آرون : انتم عائلتكم موو جنها مالها التزامات وقوانين لاا تفهميني غلط بس يعني مايهتمون لٱ لبناتهم ولا الاقاربهم مبتعدين عن هل امور كلش ليش.
_مو قصتة ماعدهم التزامات بس كل شخص وحياته الخاصه احنه هيج عاداتنه انو مندخل بامور متخصنه مثلاً اذا بنات عمي يسون تصرف موزين احنه ولدنه مايدخلون ولاحته ينطون رأيهم اهلهن مسؤلين عنهم بس اذا صاارت مناسبه او عزه الكل يكون موجود والكل يوكف وياك بالمشاكل الجبيره يكونون موجودين بهيج مواضيع مايدخلون لان يحسونه تدخل يكولون عدهن اهل همه الي يهتمون بيهن
مثلاً هسه اني سافرت وعشت هناك اكثرر من سنه ولاشخص ادخل بسفرتي ولاحته منعوني لان يعرفون اهلي راضين عني.
صح بناتهم سالوني ليش رجعت كلت الهمم تعبانه نفسيتي ورجعت سافرت وسكتن مادخلن بشي ابد
هسه متزاعله ويه اخواني وراح اعيش بيت وحدي ولاشخص يدري بيه ولايعرفون ابد لان مابينه هذاك التواصل القوي.
آرون : افتهمتج عكسنه انتم احنه هسه صرنه عايشين براحتنه جانو اقاربنه علئ اتفهه الاسباب يدخلون ويكبرون السالفه ويعرضونها يعني امور تصير بالبيت عائليه همه يدخلون بيها ولازم كل واحد ينطي رأيه
من امي خانت ابوي الكل عرف بالسالفه وصارت سيرتنه علئ كل لسان مابقه شخص ماعرف وابوي والله مافضحها ولاحجه كدام شخص هيه طلعت من عماتي وطشت السالفه وكبرت من واحد لواحد.
من انسجن ابوي ولا واحد منهم تحمل مسؤليتنه الكل اتبره منه عماتي اخوالي اعمامي الكل.
مانسه هذيج الفتره ابدد اختي عاجزه واني ماعندي شغل ابوي مسجون ماعدنه بيت نكعد بيه ماعدنه انسان يحتوينه يقوينه ينطينه دعم كلهاا سدت بيبانها بوجوهنه.
بس الحمدالله بعد كل شده فرج وبعد العسر يسر خلصت الايام الصعبه وبدينه بالايام الحلوه بأذن الله راح اخلي الناس كلهاا تحجي بسيرتي وشغلي ومهنتي اخلي الكل يتندم لان عافني.
_صدكني راح يتندمون لأن عافوك والله دائماً يبعد الناس الموزينه من حياتنه ويخلينه نصبر يقوي ارادتنه يمكن نشوف هل شيء غلط وانو جاي ننظلم بس اني مأمنه مقوله امانه الحسن (ع)
الصبر كنز من كنوز الخير لايعطيه الله الأ لعبده الكريم "
كل مانصبر ونكابر ونوكف علئ رجلينه كل ماتكون التجارب زينه بحياتنه وقوه النه.
آرون : كلش يعجبني تفكيرج وثقافتج.
_شكراً
آرون : يلا تاخر الوقت لازم اروح اخذي راحتج بيتج نامي ورتاحي واذا حتاجيتي شيء احنه موو بعيدين بس دكي الباب او اتصلي عليه اجيج.
_كلش اشكرك تعبتك وياي ليوم
آرون : وبعدين وياج شوكت تبطلين هل رسميات.
_هههه شسوي لعد
آرون : لاتتشكريني كل شويه احجي وياي براحتج واعتبريني واحد من عائلتج.
_انشالله يلا تكدر تروح هذاك بيتك وجاي تتظيف عندي يلا
آرون : هاا هاا موو هيج كالوها طرديني
_ههههه والله انتَ كتلي اخذي راحتج
آرون : هههه اي عادي يلا رايح تصبحين علئ خيرر
_وانتَ بالف خير
عافني وطلع من البيت سديت الباب وراه ورحت لغرفتي تمددت بيها باجر اروح لبيت خالتي اجيب ملابسي وجنطتي.
كسره بداخلي موو طبيعيه حاسه بالوحشه والخوف.
ماكوو شخص يمي لاهل لاخت لاصديقه وحدي !!
ياربي قويني انطيني القوه ماريد اضعف ابد ماريد الناس تشمت بيه.
تذكرت امي وابوي بجيت لحد ماطفت عيوني لوو عايشين مجان صاار كل هذا بيه تيتمت وخسرت كلشي حلوو بحياتي وين ايام الدلال جان باباا مدللنيي ممخليني محتاجه شيء اطلع واشتري واسافر براحتي هسه صرت احرص علئ فلوسي حته ماتخلص.
بعد ماجنت كاعده بقصر هسه كاعده بمشتمل
دنفت راسي بالمخده بللتها من الدموع خنكه بداخلي صرخات ودموع هوواي.
دخت من البجي ونمت بدون ماحس ..
كعدت ثاني يوم راسي يوجعني حيل لأن بجيت لبارحه هواي كمت غسلت وجهي وفرجت سنوني وسويتلي جاي.
صبيتلي بكلاص وكعدت بالساحه برا علئ الشمس اشرب بيه اندك باب بيتي استغربت منو جايني من الصبح
كمت فتحت الباب جانت رهف جايه وشايله بيدها علاكه.
رهف : صباح الخيرر
_صباح النور شنوو هذا ناويه تخلصين اغراض بيتكم مسويه اخلاء شنوو.
رهف : ههههه لا والله موو من بيتنه هذول هديه من اخوي الج دزهن.
_هديه؟
رهف : احمم اي وحته ماعرف شبيهن بس كعدت الصبح لكيتهن يمي واتصلت علي كلي اوصلهن الج لان هوه بالشغل ومكدر ينطيهم الج.
_هاا شكراً يلا تفضلي عمري
دخلت وياي للبيت انطتني العلاكه اخذتها خليتها بالغرفه ورجعت لرهف صبيت الهاا جاي وكعدت يمهاا
_تردين ريوك
رهف : لا حبيبتي متريكه.
_تمام
رهف : شبقه ناقص بالبيت
_شغلات بسيطه راح اعوفه هسه هيج اريد اسافر لتركيا ارجع الفلوس مالتي وانطي الارون فلوسه والباقيات اشتغل بيهن
رهف : حصتج هواي يعني.
_نص املاك بابا باسمي يعني 50% الي
رهف : خطيه جان يدري بخوانج طماعين وبقالج هل مبلغ.
_ايي يمكن
رهف : الله يرحمه ويجعل مثواه الجنه
_حبيبتي يرحم موتاج.
رهف : اني هسه عندي مراجعه عند الدكتوره العصر اشوفج.
_تمام حبيبتي.
رهف : يلا باي.
عافتني وراحت كمت غسلت الكوابه ورجعت للغرفه اشوف شنوو مشتريلي آرون فتحت العلاكه جان بيها فستان لونه اسود يجنن وياه ورده حمره وظرف مكتوب بيه.
اخذت الظرف فتحته جان كاتبلي بيه
آرون : حتاريت شنوو اهديج وماعرف شلوون احجي وياج هذه الفستان اريدج تلبسي ليوم وعازمج علئ مطعم عندي موضوع وياج كلش ضروري تعرفينه.
عقدت حواجبي شيريد مني احسه تصرفاته مال ممثلين مثل الاتراك اووي يهديني فستان هههه
شلت الفستان اباوعله حلوو كلش ذوقه طلع يعرف بذوق البنات وكفت كدام المرايه اباوعله كلش عجبني.
اخذته خليته بالكنتور وشلت الورده اشم بيها عطرها يجنن
طلعت من البيت ورحت علئ بيت خالتي ارجع ملابسي وجنطتي.
وصلت الهم تقريباً الظهر دكيت الباب فتحه مسلم.
_هلو شلونك
مسلم : كل الهلا تفضلي
_شكراً
دخلت للبيت واني خجلانه بالرغم هوه ابن خالتي ومن زمان اعرفه بس اخجل منه دخلت للبيت مالكيت خالتي مــدري وين رايحه بس عفاف.
_هلوو شلونج
عفاف : هلا حبيبتي تمام انتِ شلونج شعجب اجيتينه اريانا رجعت لتيمور.
_اممم أي اعرف اجيت علمود الجنطه مالتي اريد اخذها.
عفاف : هاا أي فوك بغرفة اريانا
_تمام صاعده انزلها
عفاف : اساعدج
_لاا ماكوو داعي
عفتها وصعدت فوك طلعت جنطتي من الكنتور واخذت كل اغراضي ونزلت جوه.
عفاف : ابقي علئ الغده
_تسلمين حبيبتي عندي شغل لازم اروح سلميلي علئ خاله من تجي
عفاف : الله يسلمج
عفتها وطلعت من البيت اتقيد اذا اريانا موو وياي احسهم غربه عني موو بيت خالتي
اخذت تكسي ورجعت لبيتي نزلت الجنطه مالتي ودخلت للبيت
رتبت كل ملابسي واغراضي داخل الكنتور عطوراتي ومكياجي علئ الميز.
منا لحد ماخلصت كل هل امور اباوع للساعه صارت بـ 2 الظهر تعبت كلش وهلكت اخذت ملابس ودخلت سبحت وطلعت انشف بشعري.
اجتي رساله من آرون اخذت الجهاز بسرعه وشفتها جان كاتب.
آرون : جهزي روحج راح اجي اخذج للمطعم.
ابتسمت ماعرف ليش مرتاحه وحاسه بشعور حلوو اخذت فستانه ولبسته وخليت شويه قليل كلش مكياج وعطر شسورت شعري وبقيت منتظره جيته شويه ودك هورن بالباب.
اخذت مفاتيح بيتي وجنطتي وطلعت جان واكف يم سيارته من طلعت عيونه اكلني اكل بقه صافن بيه توترت كلش ونزلت راسي.
قفلت الباب ودرت وجهي عليه بعده يباوعلي ابتسمت بخجل ورحت يمه.
_هاا نروح
آرون : كلش لايگلج الفستان
_صدوك نسيت اشكرك عليه حلوو عجبني
آرون : تدللين
ابتسمت بخجل فتحلي باب السياره دخلت افتر هوه هم دخل وساق السياره شغل اغنيه هادئه.
اخذنه لمطعم كلش حلوو وراقي وكف السياره نزلنه ثنينه سويه مدلي ايده باوعتله بتوتر بلعت ريكي لزمت ايده واني مفاهمه أي شيء من تصرفاته.
دخلنه سويه ماخذ النه مكان خاص حاجزه مثل الغرفه يسموها مكان عائلي.
طاوله وشموع وكذا اجواء تجنن سحبلي الكرسي كعدت واني اباوعله بتوتر كعد مقابيلي وكال.
آرون : شنوو مشتهيه تاكلين؟
_امم بكيفك انتَ
آرون : تمام
صاح للنادل انطاه الطلبيه طلب النه اكل شويه وجابو كعدنه ثنينه اكلنه سويه خلصنه جابولنه حلويات نتحله بيهم بعدين شربنه كهوه.
_يلا نروح؟
آرون : احمم هوه اني عزمتج علئ موضوع
_هاا أي نسيت كول شنوو الموضوع.
آرون : ماريدج تفهميني غلط
_مافهمك غلط احجي كلشي بكلبك ولاتخاف ابد.
آرون : اني احبج وطالب ايدج للزواج ...
