رواية فصيلتي طفلة الفصل الثالث بقلم مجهول
طبعا المفأجاة جانت انو شفت شاب ثلانيني سبحان الخالقة شايل جمال وهيبة رجال وطبعا اني عمري ماشايفة ولد غريب بس اخوي وولد عمي وعماتي ومرات ولد اخوالي وخالتي يجون يمنا وجنت احسهم اخواني ...
نرجع لوصف الشيخ جان طويل وضخم ومعضل وعيونة كبار سود ولونة ابيض وحلگه صغير مرتب وخدوده مورده لان هو ابيض احمر ......
الشيخ من صحت على الفصلية اندارت عليه وتعجبت من شكلها جانت طفلة صغيره بس شايلة جمال الله على جمالها جانت بشرتها حنطية وعيونها كبار خضر بخضار الزرع وخشمها صغير وحلگها جنه مصقولة بقيت صافن عليها وصحيت گلت الها تعاي وراي بصياح هيه مدنگه محجت شيء ووديتها على الحجية شيختنا الجبيرة وصح امي جانت معصبة وما رادتها ومقهورة هواي على اخوي هاشم بس من شافتها گلبها انقهر على هل بت لان بعدها طفلة طبت نسرين على الشيخه وباست ايدها وظلت تبجي بس الشيخه گالت خلي ام عدنان توديها لغرفتها ماريد اشوفها هسه وطلعت الفصلية وگلت لام عدنان وديها للغرفة الي خليناها للفصلية گالت ام عدنان ابشر ياشيخ ولاتخليها تحجي ويا البنات لان امي الشيخه ماتريد تشوفها هنا گالتله ام عدنان صار شيخنا ...... والغرفة صاير بالطابق الارضي وقريبة على المطبخ والطابق الارضي بي المطبخ وغرفة ام عدنان والغرفة الي گعدوني بيها وغرفة ياكلون بيها بيت الشيخ وحمام وغرفتين اكبار بنهاية الممر بعيد عن المطبخ مخليهن للضيوف وصالة جبيرة مخليها من يجتمعون يكعدون بيها اهل الشيخ يعني خواته واخوانه ومرات عمامهم وولد عمهم يجون يمهم . والي عرفته من ام عدنان انو بالطابق الثاني غرف بيت الشيخ الي ينامون بيهن وويه كل غرفة حمام خاص بيها واني بيني وبين نفسي جنت اعرف راح يشغلوني خدامه لان الفصلية دائما يجيبوها حتى تصير خدامه الهم وهنا بدت معاناتي ......وللحكاية بقية
