رواية حماتي ضيعت شرفي الفصل الثالث 3 والاخير بقلم هويدا زغلول

كنت واقفه مكاني ودموعي على خدى وحماتى كلامها كان سكينه فى قلبى وقالت 

الحما

بصي يا بت اسمعي الكلام كويس يا اما تجيبي الفلوس من ابوكي يا اما هقول للدنيا كلها انك حامل وابني في السجن وساعتها وريني هتعملي ايه ولا هتداري وشك فين بعد كده انا مش هضيع عمر ابني علشانك

كارما

والله يا حماتي انا ما غلطتش في حاجه واللي اسمه مدحت هو اللي ضحك عليا وسرق دهبي كله وبعدها اتهجم عليا انا لحد النهارده كل ما افتكر اللي حصل جسمي بيترعش ومش قادره انام من الرعب

الحما

انا مالي بالكلام ده الناس مش هتصدقك وهتقول عليكي كلام يوجع القلب ولو عايزه تستري نفسك يبقى تنفذي اللي انا هقول عليه بالحرف الواحد من غير نقاش

في الوقت ده حمايا دخل علينا وكان مستغرب من صوتنا العالي وبص لي لقى عيني كلها دموع واتخض وقال

محروس

في ايه يا بنتي مالك وليه بتعيطي بالشكل ده احكي لي يمكن نعرف نساعدك بدل السكوت ده

الحما

زى ما سمعت كده يا محروس فى واحد ضحك عليها وحياه ابنى ادمر عشان واحده زى دى

كارما بدموع 

يا حمايا فى واحد مدحت هو اللي سرق دهبي وهو اللي دمر حياتي كلها وانا والله ما عملتش حاجه غلط بس ارجوك ما تقولش لحد

محروس

يبقى نروح القسم حالا ونبلغ عنه والبوليس يجيبه ويجيب حقك واللي عمله لازم يتحاسب عليه بالقانون

كارما

لا يا حمايا والنبي بلاش انا مش مستحمله الناس تتكلم عليا ولا حد يعاير ابويا بيا انا هموت من الفضيحه قبل ما اموت من اللي حصل لي

الحما

سمعت يا محروس البنت نفسها مش عايزه فضايح خلاص يبقى تروحي تكلمي ابوكي وتجيبي منه الفلوس وابني يخرج من السجن 

كارما

حاضر يا حماتي انا هروح اكلم بابا وهحاول اجيب الفلوس بس بالله عليكم اوعوا حد يعرف اللي حصل لي انا خلاص بقيت خايفه من الناس اكتر من خوفي من الدنيا كلها

وبعدها رحت عند بابا واول ما دخلت مرات ابويا اول ما شافتني قالت 

دلال 

يادي النور والسرور ايه اللي جابك قصدي عامله ايه يا حبيبتي جايه غضبانه بقى مش كده صح 

كارما 

لا يا مرات ابويا انا مش جايه غضبانه انا جايه اطمن عليك واطمن على بابا امال هو فين 

دلال 

هيكون فين يعني يا حبيبتي رجع من الشغل واتغدى وقاعد في البلكونه بيشرب الشاي قولي لي بقى حماتك عامله ايه معاكي 

كارما 

كلهم كويسين وبيعاملوني معامله كويسه طمنيني على سما هي كويسه 

دلال 

قل اعوذ برب الفلق كان عندنا كتكوت ومات يوم الخميس الساعه 5 يا حبيبتي سما حامل عقبال الحبايب 

كارما 

هو انت بتخمسي في وشي خايفه عليا يعني انا هحسد سما على العموم ربنا يبارك لها هي طيبه وتستاهل كل خير انا داخله لبابا 

وبعديها دخلت لبابا وسلمت عليه وفرح جدا لما شافني قلت 

كارما 

هو انا يا بابا ينفع اخد منك بس 200 الف جنيه بصراحه كده عايزه اعمل مشروع علشان لما اسامه يطلع نلاقي حاجه نستاهل عليها انت اكيد عارف ان هو مش هيلاقي شغل بسهوله 

الاب 

يا حبيبه ابوكي اللي انت عايزاه انا هديه لك بس مش شايفه ان ال 200 الف جنيه كثير على مشروع لسه انت مش عارفه اذا كان هيكسب ولا هيخسر 

كارما بتوتر 

لا يا بابا انا متاكده ان هو هيكسب كويس قوي بس معلش ممكن تديني فلوس انا ما ليش غيرك يا حبيبي 

في الوقت ده دلال فتحت الباب ودخلت وقالت بعصبيه 

دلال 

اسم الله عليك يا حبيبتي وانا بقول برده الزياره دي مش طبيعيه جايه تاخدي اللي وراه واللي قدامه مش كفايه يا اختي خدتي كل اللي على قلبه في جهازك عايزه ايه ثاني 

حطيت عيني في الارض وما ردتش من كتر الحزن اللي انا فيه وبابا قال

الاب 

تاني بتدخلي في اللي ما لكيش فيه دلال طب غصب عنك هديها الفلوس اللي هي عايزاه سامعه ولا لا انا بنتي تيجي في الوقت اللي هي عايزاه وتاخد اللي هي عايزاه 

دلال 

ماشي يا اخويا براحتك بس خد بالك لو اديت لبنتك قرش هتديني قرش انا كمان اعمل مشروعي وما حدش احسن من حد اه امال ايه 

وبعديها بابا اداني الفلوس وروحت على البيت واديت الفلوس لحماتي قلت 

كارما 

الفلوس اهي حماتي بكره الصبح ان شاء الله هنروح ونسد كل الفلوس واسامه يطلع براء 

الحماا بفرحه 

اللهم صل على النبي ايوه كده يا حبيبتي انت كده تبقي مرات ابني اسامه وبنتي اللي ما خلفتهاش 

كارما 

بس زي ما اتفقنا مش عايزه اسامه يعرف اي حاجه وقولي لي هعمل ايه في المصيبه اللي انا فيها دي 

الحمااا

اسامه بس يطلع من الازمه اللي هو فيها وبعديها هحل لك الموضوع انا زي ما وعدتك عمري ما هفضحك ابدا ده انت بنتي 

وثاني يوم انا وحماتي والمحامي وعم محروس روحنا ودفعنا الفلوس وبعد يومين اسامه طلع بس كنت خايفه ومامته كانت فرحانه جدا 

وكلنا كنا قاعدين الشقه عند مامته وانا كنت متوتره واسامه قال 

اسامه 

حبيبتي يا كارما ربنا يخليكي ليا كنت عارف ان انت اللي هتعرفي تفكي ازمتي كده كل الفلوس اتسدت وان شاء الله نبدا بقى على ميه بيضاء وما نعملش مشاكل تاني 

كارما 

اه طبعا ربنا يرزقك بكل خير وحمد لله على سلامتك يا اسامه 

الحمااا

وطبعا زي ما انا كارما عرفت تتصرف لك في الفلوس وتطلعك من الحبس يا اسامه هتعرف تتصرف لك في كمان قرشين وتعمل لك المشروع يا قلب امك مش كده يا كارما 

كارما 

لا لا انا مش هعرف اعمل اي حاجه يا حماتي تاني انا خدت الفلوس دي من بابا ومش هقدر اخد منه اي فلوس ثانيه 

الحماااا بعصبيه

هو في ايه يا بنت انت هو انت بتذلينا ولا ايه طب والله لو ما جبتش الفلوس لا هقول لاسامه على اللي انت عملتيه من وراه يلا بقى 

اسامه بص لي ومسك ايدي وبعصبيه وبص لمامته وقال 

اسامه 

هو ايه اللي حصل وعملت ايه من ورايا انا مش فاهم حاجه 

كارما 

ما فيش يا اسامه انا ما عملتش اي حاجه هو في ايه يا حماتي ايه الكلام اللي انت بتقوليه ده 

الحمااا

ايوه يا حبيبتي هو انت فاكره اسكتي ده ببلاش ولا ايه هو انا كل ما اقول لك تجيبي قرشين من عند ابوكي هتذلنا طب يلا بقى مراتك حامل يا اسامه شفت المحترمه اللي انت متجوزها بقى عملت فيك ايه 

في الوقت ده اسامه بصي لي وضربني بالقلم على وشي اترميت على الارض وقال 

اسامه 

يا نهار اسود ومنيل ايه الكلام ده يا كارما يعني ايه حامد انا هروح فيكي في داهيه 

كارما بدموع 

اهدى بس يا اسامه وانا هفهمك كل حاجه

اسامه بعصبيه

انا عايز اعرف انت ازاي حامل وانا مسجون من ليله الدخله 

كارما 

والله العظيم ما اعرف اللي حصل ده حصل ازاي ارجوك استر عليا يا اسامه

وبعديها حاجات لاسامه على كل حاجه وبص لمامته وقال 

اسامه 

مين مدحت ده ياما انا ما عنديش اي حد من اصحابي اسمه مدحت وكل اللي انا استلفت منهم فلوس ما يعرفوش العنوان بتاعي اصلا 

الحمااا

مالك يا اسامه هو انت هتصدقها ولا ايه يا حبيبي قالوا للحرامي يحلف اكيد طبعا كدابه قليله الادب وما تربتش ولازم ابوها يعرف 

اسامه 

كده حلو قوي يا بنت الناس انا غلطانه ان انا اتجوزت واحده زيك كنت فاكرك محترمه 

كارما 

لا يا اسامه ما تعملش فيا كده معقوله هتقول لابويا بتطلقني استر عليا طب على الاقل هات لي حقي ده انا مراتك 

اسامه 

مش عايز اسمع كلمه مراتك دي علشانك تاني سامعه ولا لا كان يوم اسود يوم ما اتجوز 

كارما 

طب ابوس ايدك خليني حتى اقعد هنا في الشقه حتى لو خدامه اروح لابويا اقول له ايه ولا حتى مرات ابويا بالله عليك ما تفضحني يا اسامه 

اسامه ما ردش عليا وسابني ومشي وبعديها حماتي بصيت لي 

الحمااا

بقول لك ايه يلا يا حلوه انزلي من هنا وروحي على شقتك ومش عايزه اشوف وشك هنا تاني انا خلاص خدت الفلوس اللي انا عايزاها ودني بقى قدام عينيا مش عايزاكي تاني في حياتنا

كارما 

كثر خيرك يا حبيبتي والله يسامحك 

وبعديها نزلت شقتي وكنت قاعده حزينه عدى اسبوع على ده الحال وكل يوم اسامه يتخانق معايا علشان اوصف مدحت وكنت بوصفها وكان بيدور عليه في كل مكان لكن ما لقاهوش وما يعرفش هو مين 

وفي يوم صحيت من النوم ولقيت اسامه قاعد في الصاله على السفره وجنبه رحاب وبيقول 

اسامه 

يا سلام ده الفطار من ايديكي حاجه ثانيه يا ست البنات ايه الجمال ده كله ولسه عند وعدي والخطوبه الخميس الجاي 

رحاب 

لما نشوف يا اخويا بقول لي بقى هو انا هعيش في نفس الشقه دي ولا الحلوه مراتك هتمشي من هنا 

اسامه 

لا ما تخافيش كده كده انا هطلقها وهخليها تمشي من هنا واتجوزك انت انت هتكوني هنا ست البيت اما هي هتطلع بره 

خرجت من الاوضه بعد ما سمعت كل حاجه ودموعي على خدي قلت 

كارما

يا لهوي كده برده يا اسامه هتتجوز عليا بدل ما تساعدني وتجيب لي حقي بعد كل اللي انا عملته معاك انت ومامتك 

اسامه 

اخرسي قطع لسانك ما تجيبيش سيره امي على لسانك يا شريفه يا عفيفه ههههه نفسي اشوف ابوكي وهو فخور بتربيتك يجي يشوفي انت عملت ايه 

كارما 

لا بقى حرام عليك انا مش هستحمل اهانك اكثر من كده انا المظلومه انت المفروض تقف جنبي وتجيب لي حقي بدل ما تيجي عليا 

اسامه 

غوري في داهيه اعملي لنا حاجه نشربها انت هنا خدامه وبس ومش عايز اسمع صوتك واحمدي ربنا ان انا ما فضحتكيش 

رحاب 

يا لهوي ايه فيلم الدراما اللي انت عامله انت وهي ده هو في ايه وفضيحه ايه هو ايه اللي حصل بالظبط 

كارما 

ما حصلش حاجه حاضر هعمل لكم حاجه تشربيها 

وبعديها دخلت المطبخ واستحملت كل الاهانه عشان ما حدش يعرف حاجه ورضيت بحب اسامه لرحاب لحد ما اجيب حقي واعرف مين اللي اذانى

وفي يوم حماتي ماشيه في الشارع ورايحه الصيدليه وانا كنت بجيب طلبات في الوقت ده لقيتها بتتكلم في التليفون وبتتعصب وقالت انا جايه على طول اهو 

لقيت من نفسي بمشي وراها عشان اعرف هي رايحه فين لكن اسامه وقفني وقال 

اسامه 

تعالي هنا يا متربيه يا محترمه رايحه فين اطلعي غوري على الشقه اعملي الطفح يلا 

كارما 

هو انت نسيت الشارع امتى بقول لك ايه مامتك شكلها كده في مشكله معاها تعالى نشوف في ايه 

اسامه 

بقول لك يلا مش عايز كلمه تانيه انت مالك انت ومال امي انا واحد واثق فيها وعارف انها محترمه والباقي عليك 

كارما 

كفايه كلامك ده بقى انا رايحه بنفسي واعرف ايه المشكله اللي معاها 

مشيت وراها واسامه جه معايا ولقيت حماتي ماشيه بطريق غريب محسسنهاش ان احنا وراها لحد ما وصلت لشارع فاضي وقف قدامها الشاب اللي اعتدى عليا مدحت وقال 

مدحت 

بقول لك ايه يا ست الكل انا عملت كل اللي انت عايزاه وكمان خدت الذهب وجبته لك ودلوقتي هي طلعت حامل والفضيحه بقت بجلاجل فين بقيه فلوسي ولا ناويه تديهاني بعد اربع سنين 

الحمااا

ما خلاص يا واد يا مدحت يخرب بيتك اتخرس خالص هعمل ايه كان يوم اسود يوم ما طلبت منك تيجي تساعدني ما انا كان لازم اكسر بنفسها عشان خاطر تطلع ابني من الازمه اللي هو فيها 

مدحت 

انا مالي بقى تكسري بنفسها ولا تفرحي نفسها انا عايز فلوسي وما ليش دعوه باي حاجه ثانيه بس اقول لك على حاجه البنت صعبت عليا ده انت يا شيخه الشيطان واقف على جنب خايف منك 

الحمااا

اسم الله عليك يا اخويا وانت اللي ملاك بريء قوي لا بقول لك ايه ده انت اللي هتشيل كل الشله لوحدك لو حد عرف حاجه حط سنه جوه بقك وما اسمعش حسك انا بعت الذهب بتاعها وخذ جزء من الفلوس والباقي بعد شهر واسكت شويه 

في الوقت ده انا واسامه كنا سامعين كل حاجه بصيت له ولسه هتكلم اسامه شاور لي اني اسكت عشان يسمع بقيه الكلام وكان مصدوم ان امه اللي عملت كده 

وبعديها قرب منهم ومسك مدحت وفضل يضرب فيه وقال 

اسامه 

ده انا هخليك تكره اليوم اللي انت اتولدت فيه بقى انت تيجي على مراتي انا وكمان تعتدي عليها وتسرق دهبها 

مدحت 

ايه ده بقى هو انتم عاملين عليا خطه ولا ايه لا لا ابلع عريقه كده يا شبح وما لكش دعوه بيا امك هي اللي قالت لي اعمل كل ده 

الحماا

يا نهار اسود انت ايه اللي جابك هنا دلوقتي يا اسامه كدابه انا ما اعرفوش اصلا اول مره اشوفه

مدحت 

لا يا حاج هتبقي غلطانه ده اللي يلعب مع مدحت يبقى ماسك النار بايديه خدي بالك من نفسك كل حاجه متسجله انا مش هروح في دايره لوحدي 

اسامه 

بس بس حرام عليك ياما ليه بس عملت كده ببنت الناس مهما كده احنا كنا عايزين فلوسها وبس لكن انت دمرتي حياتها كلها هنعمل ايه دلوقتي يعني ابلغ عنك وادخلك السجن

الحمااا بخوف 

يا نهار اسود ايه اللي انت بتقوله ده يا اسامه لا والنبي يا ابني اوعى تعمل كده ده انا عملت كل ده عشانك انت يا حبيبي والله 

اسامه

هي فين كارما كارما لازم مسكت بقها اما الكلب ده انا هنتقم منه لكن مش عايزه ارميكي في السجن ياما 

وبصوا شمال ويمين وانا كنت سجلت لهم كل كلمه وهربت على طول ورحت عند بابا واول ما دخلت اترميت في حضنه وقلت

كارما 

الحقني يا بابا يا سندي يا حبيبي يا اللي عمري ما هلاقي حد زيك يحبني ابدا انا في ازمه كبيره وانت الوحيد اللي هتحلها

الاب 

بس يا حبيبه ابوكي اهدي بس ايه اللي حصل لكل ده في ايه 

حكيت له على كل حاجه وبابا بقى هيتجنن ومتعصب وبيكسر كل حاجه قدامه ودلال اتدخلت في الكلام وقال 

دلال 

يا نهار اسود هي وصلت لكده بقول لك ايه يلا يا اخويا خد بنتك والتسجيل اللي معاها وعلى القسم وهات لها حقها انا اه ما بحبهاش لكن لا ما حدش يجي عليها ولا يظلمها دي وليه برده 

الاب 

شفتى يا دلال عمرو ايه في بنتي كنت عارف ان هم قليلات الاصل بس ما جاش في بالي ان هم ممكن نكسروها كده والله ما هسيب حقك يا قلب ابوكي 

وبعديها بابا خدني ودلال كانت معانا ورحنا لقسم وحاجات لي الظابط على كل حاجه وسمع تسجيل وقال 

الظابط

انت غلطانه يا مدام كارما ازاي سكتي على كل ده دي جريمه في حقك وفي حق كل بنت كنا هنجيب لك حقك 

كارما بدموع 

كنت خايفه من الفضيحه يا حضره الظابط كنت خايفه على ابويا من كسره الضهر وكسره النفس قدام الناس 

الظابط 

ما تقلقيش هم هيتقبض عليهم وحقك هيجي لك 

دلال 

يا ريت يا حضره الظابط ده منه لله هو وامه كانوا عايزيني فلوس وبس حقنا عندك يا رب 

وبعديها روحت انا وبابا ودلال وبعد شويه سما جت وقربت مني وخدتني في حضنها وقالت 

سما 

اوعي تحطي عينك في الارض ابدا انت ما غلطتيش ولا عملت حاجه غلط هم اللي غلطوا في حقك وربنا هيجيب لك حقك يا حبيبتي انا ماما حكت لي على كل حاجه 

كارما 

انا خايفه قوي من الايام الجايه مرعوبه يا سما حاسه ان لوحدي 

سما 

انت عمرك ما كنت لوحدك انا معاكي وبابا 

وفي الوقت ده دخلت دلال ولاول مره تاخدني في حضنها وقال 

دلال 

بنت يا كارما انا عمري ما حبيتك لكن دلوقتي سبحان الله ربنا دخل حبك في قلبي يمكن علشان طبطب عليك عارفه اللي اسمها حماتك دي لو شفتها ده انا هقطع شعرها ما تزعليش يا حبيبتي انا معاكي ما حدش هيعرف يكلمك وحقك هيجي لك 

كارما 

ربنا يخليكي ليا يا طنط دلال انا برده اول مره اشوفك حنينه كده 

دلال 

يا اختي من يومي وانا حنينه بس انتوا اللي مش واخدين بالكم انا اروح اشوف ابوك واطيب خاطرك كلمتين ان شاء الله الايام اللي جايه خير 

وبعديها دلال دخلت عند بابا اللي كان حزين والاول مره دموعه تنزل على خده وقربت منه ومسحت دموعه وقالت 

دلال 

لا لا اجمد كده يا اخويا صلي على النبي ده انت الراجل واللي المفروض تسندنا كلنا بنتك ما ينفعش تشوفك مكسور كده 

الاب 

اول مره احس نفسي ان انا عاجز ومش عارف اجيب حق بنتي يا دلال نفسي اروح واجيب اللي اسمه مدحت ده واسامه وحماتها واكلهم باسناني 

دلال 

ربنا هيجيب لها حقها انت احسن من الكل قول بس يا رب وما تخافش من اي حاجه 

وفي شقه حماتي كانت قاعده هي اسامه وقالت 

الحماا بخوف 

انا خايفه يا اسامه البنت كارما كده اكيد راحت لابوها وابوها مش سهل ده ممكن يجي يقطعنا باسنانه 

اسامه 

مش عايز اسمع صوتك ياما انت خراب الدنيا كلها يا ريتني ما سمعت كلامك والكلب اللي اسمه مدحت اللي هرب ده وغلاوه ابويا ما هسيبه 

وكده كده انا همشي وما لكيش دعوه انا هروح فين 

الحمااا

يا نهارك اسود يعني ايه هتمشي يا ولد وهتسيبني ده كده ممكن الحكومه تيجي تاخدني لو بلغت عني دي اخرتها يا اسامه والله مطمر فيك حاجه يا ريتني سبتك مرمي 

اسامه 

ما حدش قال لك تنقذيني ده انت عشان تطلعي ابنك ودمرتي حياتي البنت الغلبانه مهما حصل انا ما كنتش بحبها لكن ما كنتش اتمنى لها اللي يحصلها كده 

الحمااا

يوه اهو اللي حصل بقى واسكت شويه عشان ابوك ما يسمعش حاجه انا مش ناقصه كلامه هو كمان وان شاء الله كارما جبانه وخوافه مش هتحكي لحد اي حاجه انا عارفه 

لكن اسامه لم هدومه ومشي وثاني يوم البوليس كان قبض على حماتي وكمان قدر يوصل لمدحت وقبض عليهم هم الاثنين وهم واقفين قدام الظابط قال 

الظابط

ايه الجبروت اللي انتم فيه ده في واحده تعمل كده في مرات ابنها عشان خاطر الفلوس وانت يا غبي ازاي سمعت كلامها انتوا خلاص حياتكم كلها انتهت 

الحماااا بصريخ 

يا نهار اسود ما كنتش اعرف يا حضره الظابط ان الموضوع هيوصل لكده حقكم عليا ده انا ست كبيره يعني معقوله هتسجنوني 

الظابط 

طب وانت وليه ما فكرتيش ان انت ست كبيره لما دمرتي حياه بني ادمه غلبانه 

وبعديها العسكري خدهم واترموه في الحبس 

اما اسامه روح البيت وعرف ان امي اتقبض عليها من محروس وكان قاعد حزين واسامه قال 

اسامه 

ايه يابا مالك قاعد حزين كده ليه امال فين امي 

محروس 

كان يوم اسود يوم ما اتجوزت امك منك لله انت وهي على اللي عملتوه في البنت الغلبانه وامك اتقبض عليها وشكلها مش هتشوف نور الشمس تاني 

اسامه صدمه 

يا نهار اسود يعني فعلا كارما بلغت لا ده انا كده رحت في داهيه بس مش هينفع اسيبهم لا يا كارما انا لازم اتكلم معاكي تتنازلي 

وبعديها اسامه جيها عندنا وخبط على الباب واول ما بابا شافه ضربه بالقلم على وشه وهو زق بابا وقال 

اسامه 

انت ما لكش ضرب عليا انا عايز مراتي انت يا كارما تعالي هنا 

في الوقت ده خرجت والول مره اخذ حقي بايديا بصيت في عيونه ببرود وضربته بالقلم على وشه وقلت له 

كارما 

يمكن القلم بتاع بابا ما فوقكش القلم ده هيفوقك طلقني يا اسامه انا ما يشرفنيش ان انت تكون جوزي 

اسامه 

شرف ايه يا ام شرف ده انت حامل يلا بقى خلي كل الجيران تسمع الفضيحه اللي انت عملتيها لابوكي 

في الوقت ده كان عايز يضربني وبدافع عن نفسي ام مسكني ووقعني على الارض اغمى عليا دلال فضلت تصرخ وبلغت البوليس وسما مسكته علشان ما يمشيش وفعلا البوليس جه وقبض على اسامه وحاولوا يفوقوني ما فقتش خدوني ودوني للمستشفى وهناك الدكتور قال 

الدكتور 

هي كويسه دلوقتي الف سلامه عليها بس للاسف هي خسره الجنين ربنا يعوض عليكم بعد اذنكم 

وبعديها فضلت في المستشفى لمده يومين وطلعت على شقه بابا وحسيت ان حياتي هتبتدي من جديد

وبعد كام شهر اتحكم عليهم بالسجن حماتي ومدحت واسامه وكمان اتطلقت من اسامه وكنت واقفه في البلكونه جنب بابا وقلت

كارما

الحمد لله يا رب اخيرا حقي رجع وقلبي ارتاح وعرفت ان ربنا عمره ما بيسيب حق مظلوم مهما طال الوقت ومهما كان الوجع كبير

الاب

ارفعي راسك يا بنتي من النهارده هتبدئي حياه جديده وما حدش هيقدر يكسرك تاني

كارما

من النهارده هقفل باب الماضي كله وهعيش لنفسي وهبني حياتي من جديد وهفضل فاكره ان ربنا دايما بينصر المظلوم ولو بعد حين

تمت بحمد الله