رواية حرم الاسود الفصل الاربعون بقلم بتول ابو الليل
انصدمت من شفت آرون وياهم بقيت بس افرفر بعيوني هذا شديسوي معقوله سواها واجه يخطب اليان ايي والله سواها صرخت بصوت عالي واني اكمز
_عزااااا سواهاااا.
آيلا : هاي شبيج شنو شقصدج؟
_هههههه هيج رايحه انيي بايي
عفت ابني جوه وصعدت فوك اركض اكوول الاليان دخلت للغرفه بسرعه جانت هيه تباوع من البلكونه شافتني ابتسمت بفرح رحت اركض عليها حضنتها واني اضحك.
_عزااا كلششش فرحااانه الكم متتخيلييين شكددد فرحااانه يمه ممصدكه واخيراً راح تكونون سويه.
اليان : حيل خايفه شوفي اديني شلوون ترجف خايفه تيمور يفشلنه كدام العالم ويطردهم من البيت
_لاا انشالله يوافق انيي لبارحه هم حجيت وياه انشالله يقبل وميسوي شيء خليج متفائله بالخير.
اليان : انشالله يارب حيل متوتره.
_حقيرره مرتبطين ومتحجيلي هااا من شوكت انتم سويه واني اخر من يعلم تدرين انصدمت من سمعت كلام آرون بقيت اصفن.
اليان : شوكت والله ممرتبطين ابدد واصلاً تزاعلنه بس بعد الصار وتضحيته الي وافقت علئ الزواج منه
_شلوون يعني مافتهمت
اليان : قبل فترا تقدملي ورفضت الزواج منه بس هسه وافقت
_يااا ليش موو تحبي انتِ ليش رفضتي شصارر مجاي افهمج وضحيلي
اليان : سالفه طويله حيل اشرحلج كلشي هسه خلينه ننزل نشوف شنوو يحجون
_ايي صح تعالي يلا.
نزلنه سويه جوه اسمع صوت الشيوخ يحجون مواضيع الارتباط والزواج وشنوو وصانه النبي وامور تخص الدين.
احنه مخلين روسنه علئ الباب نتسمع مانحس الأ انفتح الباب طفرنه صرنه ورا الحايط طلع قصي من الاستقبال وكال.
قصي : وين الضيافه
_هوه اسينا جهزت كلشي هسه راح اجيبهم
اليان راحت كعدت علئ القنفه رحت بسرعه للمطبخ لگيت اسينا مكمله الظيافه خليت بصينيه الكهوه.
اخذتها وطلعت انطيتها لقصي اخذها من ايدي وراح دخل عليهم رحت كعدت يم اليان.
جنان : شنوو هل عالم الجايه علينه ماعرفتن شكوو.
_خطابه
آيلا : عليييج الله لمنوو اليان !!
_اييي اليان
آيلا : حلوو واخيراً راح تصير عدنه مناسبه نفرح بيها ونركص
جنان ; وطفلج وينج وين الركص هاا تردينه يوكع شنوو .
آيلا : اهووو شلوون ابقه لعد اباوع
_ايي ابقي بس باوعي احنه نركص بدالج ههه.
نسوالف ونضحك واليان مدنكه وتعصر باصابعها مبين بعيونها الخوف والتوتر وحقها تتوتر تيمور يخوفن تصرفاته كلشي يسوي احتمال كلش جبير يطرد العالم من البيت او يرفض.
بقو تقريباً ساعتين كاعدين شويه وطلع الكل من البيت انيي عندي فضول اكثر من اليان اسمع شنوو رد تيمور عليهم.
دخلو الولد للصاله تيمور وجهه ضايج مبين يمه مايبشر بخيرر.
جنان : صدك هذول خطابه علئ اليان؟
تيمور : أي صح
جنان : نعرفهم
تيمور : لٱ مانعرف أي شيء عنهم بس قبل جان ابوهم حارس عدنه وابنهم موظف بالشركه
جنان : شنوو.
آيلا : يعني حالتهم الماديه ضعيفه ؟
مجاوبهم باوع تيمور الاليان تقدم نحوها هيه تباوعله بتوتر مد ايده الهاا وكال.
تيمور : تعاي وياي
_تيمور عفيه
باوعلي غمض عيونه معنه رتاحي ماسوي شيء بلعت ريكي بخوف يمه سكوته وهدوئه يخوف مدت ايدها اليان لزمت ايد تيمور وكامت
صعدو ثنينهم فوك بقينه واحد يباوع بوجهه الثاني رحت علئ ابني شلته وصعدت بيه لغرفتنه غيرتله ملابسه وشربته ممه ونومته.
...
اليان : كعدت الصبح واني كلش متوتره وخايفه مادري شلوون راح يتصرف آرون وشلون راح يخلي تيمور يقتنع
صعبه حيل تيمور موو بسهوله يوافق كلش افكاره خطيره واصلاً خايفه عليهم من عنده هل انسان اشتغل ويه تجار المخدرات كلشي يكدر يسوي عادي عنده ميهمه أي شيء
كمت غسلت وجهي شفت باب الغرفه مفتوح ماعرفت منوو فتحه تيمور او اريانا نمت لبارحه من وكت لأن ضايجه ومالي خلك
اجت يمي اريانا سولفنه شويه ونزلت طلبت مني انزل وياها بس مانزلت ماريد اشوف شخص منهم كلهم أذوني ولا واحد منهم جان زين وياي تريكت بغرفتي
شويه وشفت اجت علينه سيارات هوواي وعالم كلهاا شيوخ لابسين زي عربي
كلبي احس طبول صارت دك بيه كلش فرحت وتوترت بنفس الحظه دخلت العالم شفت آرون وابو آرون من ضمن هل ناس.
دخلت اريانا فررحانه للغرفه تبشرني نزلنه جوه نسمع حجيهم.
ماكدرنه نسمع شيء لان اخواني يطلعون ياخذون ضيافه.
المهم راح الكل اني شعوري ماكدر اوصفه حيل خايفه من تيمور ومن تصرفاته ماعرف شنوو راح يجاوبهم وياترئ راح يوافق علئ هذا الزواج او لأ.
دخلو للصاله طلب مني نحجي سويه صعدنه لغرفتي امشي واني معدتي تتكلب حيل متوتره بس ابين نفسي قويه كدامه ومامهتمه
وكف كبالي وهوه يباوعلي سحب نفس قوي وكال
تيمور : احمم اليان اريد احجي وياج واتمنئ تسمعيني الاخر وماتقاطعيني.
_احجي.
تيمور : شوفي بويه اني ماكرهج والله ولا اريد أذيج ابدد بس الايام جبرتني هيج اسوي وياج شربتج حبوب بس احلفلج بالقران الكريم جنت مجبور اسوي هل شيء كلها وماخليتج بس عليهن جنت انطيج وياهن حبوب تعافيج حته ماتتأذين هواي
كلشي سويته بس حته اخذ الفلوس منج والله مووو الي علمود اريانا جانت حياتها بخطر واني روحي من الدنيا هيه ماكدر اخليهم يسوولها شيء
أذيتج هوواي ادري وضوجتج وانتِ هم ماقصرتي وياي عاقبتيني باصعب عقاب اختاريتي نقطه ضعفي وعاقبتيني بيها اشد عقاب.
مادري يمكن جنتي تعرفين انوو اريانا نقطه ضعفي يمكن هسه تكولين هذا شبي ليش هيج يحجي وياي وشدعوه هل كد يحب اريانا اني مستغرب من وضعي حيل بس الحب شيء منكدر نتحكم بيه ابدد هل بنيه موو بس احبها مهووس بيها.
الاول مره بحياتي احجيلج عن شعوري وعن احساسي الهاا اني طول عمري اكابر وماخلي أي بشر يشوفني ضعيف بس خلص كافي احنه اخوه مايصير نبقه علئ هل حاله هاي لشوكت احنه نبقه محاربين بعض.
اريدج تسامحين اخوج وتنسين كلشي صاار اني طردتج من البيت موو لأن اخذتي فلوسج لأ والله بس لان اخذتي اريانا مني شلت بخاطري عليج وسويت هيج وألا اني ماسويها ابد شما يصير مجنت راح اطردج من البيت بس سوايتج حيل أذيتني بيها.
_اني مأذيتك عمري ماسويتلك شيء ابدد وجنت رغم سوالفك وتصرفاتك وياي اني اسكت واكول ميخالف احنه اخوه لازم اصبر بس انتَ حيل أذيتني تيمور حيل من راح بابا خليتني وحيده مشرده مالي احد ماهتميت لوضعي ابد ماكلت هل بنيه وين راحت شصاار بيها ميته عدله ؟ اكلت شررربت ابدد مافكرتو بيه ولاكلتو اختنه حررام علينه نسوي هيج بيهااا انتم حطمتوني تيمور والله أذيتوني هووواي وموو بسهوله اكدر انسه السويتو بيه.
تيمور : صح أذيناج هواي بس كلشي يتعوض وعيونج خلص خلينه نطوي هل صفحه ونبدي حياتنه من جديد نكون عائله متفاهمه خاليه من الحقد والكراهييه نعوف هل حقد والمشاكل الي مالهاا نهايه.
_بعديش بعد ماتعذبت وعشت ايام مانساها طوول عمري جنت اتمنئ تكونون مثل حنيت بابا عليه ولا واحد منكم حبني كلكم تردون بس مصالحكم
لزم وجهي بين اديه يباوع لعيوني دمعن من القهر نزلت راسي عنه سحب نفس قووي وكال.
تيمور : اسمعيني بويه بالنسبه للي صار قبل انتهه فكري باليوم راح تشوفين تيمور ثاني والله راح اكون اخوج وابوج وشنوو تحتاجينه تجيني انيي نكسر هل حاجز البينه والكراهييه ونكون اخوه متفاهمين ونحب بعض نخلي الناس تحجي بخوتنه انتِ اختنه الوحيده مدللتنه يمكن نكون قسينه وياج بس مانكرهج والله ونخاف عليج هواي اني كل تصرف اسوي وياج ثقي بالله وبيتنه اتندم عليه هواي.
دنكت راسي واني ابجي هزيته بأي سحبني علئ حضنه يبوس براسي ويكول.
تيمور : اعوضج والله وماخلي هذني دموعج ينزلن بعد اني ابوج واخوج وصديقج ادري أذيتج هوواي بس اريدج تنسين كلشي صاار وتفتحين صفحه جديده ويانه تشمرين كلشي ورا ظهرج وهاا تغيرين من تصرفاتج تكونين مؤدبه تسمعين الكلام ماتعانديني بشي ابد
_اني ماريد شيء منكم بس تحبوني تخلوني بينكم تعتبروني اختكم كلشي ماريد والله .
ضمني اكثر عليه يهز براسه بأي ويبوس شعري
تيمور : عندج 3 اخوه كلهم وياج وانتِ اختنه الصغيره الكعده مدللتنه من زمان وهسه راح تصيرين عروسه بيدي ازفج لزوجج.
بلعت ريكي بتوتر من كال هيج ابتعدت عنه واني امسح بدموعي اباوعله بتسأل يعني شنوو وافق لوو هيج يحجي ابتسم وكال.
تيمور ; بعد 3 ايام خطوبتكم اتفقنه علئ كلشي حته المهر خصمناه
_ءءء شلون موو گلت ماوافق؟
تيمور : جايب شيوخنه واعمامنه وكل شخص يقرب النه وجاي علينه وحجه كدام الكل وكال يحبج ورايدج بالحلال ماخلالي كلمه بعدد وافقت عليه شفته حيل مصر عليج ورايدج واني ماريد اوكف بطريقج بعد اريدج تكونين مرتاحه ويه الانسان الي يناسبج وتحبينه اني شفت العذاب بالحب ماريدج تذوگين نفس عذابي
_شكراً
تيمور : انتِ تدللين تأمرين امرر هسه نعوف هل امور التعبانه والبجي والعتاب تاخذين اريانا وتروحين للمولات تجهزين نفسج للصالون
_هههه بعد وكت ترا
تيمور : ميخالف تجهزين كلشي ماريد نقص الخطوبه راح تكون بيتنه بس العرس بالقاعه وشرط اني بيدي اوصلج لهناك واسلمج اله بيدي.
_اوووي عيني شكراً
حضنته واني اضحك ضحك وشالني من الارض لفيت ايدي علئ ركبته وانب اضحك
تيمور : نهايتنه راح تكون اجمل من كل البدايات راح تشوفون تيمور ثاني.
_ههههه هذا التغير صارلنه سنين ندور عليه وييين جنت عنه هااا هسه يلا فكرت بهل اموور.
تيمور : ههههه جنت فاقد هسه يلا صحيت.
ابتعدت عنه واني اضحك دخلت علينه اريانا بقت بس تصفن معارفه شي سحبني تيمور لحضنه حضنته واني مبتسمه عقدت حواجبها اريانا وهيه صافنه.
اريانا ; لحظه ابقو واكفين خلوني استوعب المنظر لااا عود صدك انتم تصالحتووو عزاااا ليووم راح اموووت من الصدمااات يمه واخيرااا ربي استجاب دعائي خلصنه من عركاتكم وسوالف تيموور الي ماتخلص.
تيمور : سوالفيش ولج ؟
اريانا : سوالفك الحلوه حبيبي شبيك
تيمور : تعاي
سحبها من ايدها حضنه ثنينه بقينه وحده تباوع ع ثانيه ونضحك كلش فرحنه اريانا فرحانه لفرحي وانوو واخيراً خلصت العداوه الي بيني وبين اخوي.
تيمور : يلا كافي مو اخذكم الواهس كملو تجهيزاتكم ومن تروحون تاخذون حارس وياكم ماشي
اريانا : وين نروح؟
_خلص وافق وراح تصير الخطبه بعد 3 ايام
اريانا : جذذذذب ياااي واخيرا يمه فدوه لحبيبي.
حضنت اريانا تيمور وباسته من خده رفعت حاجب ودنكت راسي لف ايده علئ خصرها يسحبها عليه نسو نفسهم هذول شبيهم
_احممم ترا كدامكم اني
تيمور : سمعت تيم يبجي تعاي نشوفه.
اريانا : لا لا اليان حيل محتاجتني هسه موو اليان
_لا كلشي ماعندي اخذو راحتكم.
عضتلي شفتها ضحكت وسويتلها بيباي سحبها من ايدها وطلعو من الغرفه ضحكت بفرح رحت اخذت جهازي واتصلت علئ آرون من اول رنه فتح خط عليه.
آرون : هلا وميت هلا والفين مره. "
_هههههه وعليك رياگنه ياترف مره
آرون : بيها ضحكه ليوم شنوو كتلج موو كتلج اقنعه
_كلش كلششش فرحااانه يمه راح اطير.
آرون : بعدها الفرحه الجبيره من يكون اسمي واسمج واحد تكتمل فرحتنه.
_انشالله مابقه شيء حايره شسوي حته دخت مادري يمكن من الفرحه راح يغمي عليه
آرون : لااا يمعوده اكلي واشربي استري علينه هسه انوب اخوج يطلعلنه ساالفه جديده يكول مرضت اختي.
_هههههه لا ميكول شيء تدري هسه اجه واعتذر مني وتصالحنه وكلشي صاار تمام
آرون : تيمور موو انسان حقود ولا يكره الناس هوه بس عنده عصبيه وانفعال اذا يتعامل بطيب وتفاهم راح يتغير هواي ويكون انسان ثاني.
_اوي عيني منوو الي لبارحه يتعاركون ويضربون بعض هسه صرتو حبايب ماعرفتكم شاربين شيء
آرون : زوجج انسان متفهم طول عمره ماضر بشر ولا خله انسان يزعل منه جنت سند الج وراح ابقه طول عمري راح اعوضج عن كلشي انشالله .
_حبيبي
آرون : حبيبج؟
_من زمان جنت منتظره هل لحظه وجنت اتمنئ احجيلك الي بگلبي بس حيل اتردد واخاف لأن جنت مرتبط متعرف بيومها شكد زعلت من حجيتلي عن خطوبتك اني احبك آرون من اول ماشفتك حبيتك حسيتك من صدك تناسبني والحمدالله ربنه جمع بينه بعد كل هل تجارب والتعب راح نكون سويه.
آرون : جنت حاس بمشاعرج بس حبي الأليڤ ورتباطي جان يمنعني منج بس خلص انتهه كلشي والايام ثبتتلي انوو انتِ اكثر بنيه تناسبيني وراح نكون سويه اسعد ثنين.
_انشالله
آرون : اعرف تضوجج سيرت أليڤ بس ليوم اخر مره تسمعين اسمهاا مني راح يكون اسمج وجودج كلشي بحياتي.
_نشوف.
آرون : شيء اكيد اخليج تشوفين كلشي.
_هههه يلا يلا باي لازم اجهز نفسي ماعندي وقت صدوك شنوو راح تلبس انتَ خلينه نسق سويه.
آرون : باجر اجيج نروح نختار الحلقات ونمر بالمولات تختارين بدله واني هم اختار ونسق سويه.
_اووك اريد قفطان وبدله بالعقد البس القفطان وبعدين ورا منعقد وتبدي الحفله البس بدله
آرون : سوي الي يعجبج لاتخلين شيء بنفسج هيه مره بالعمر.
_نسيت شغله آرون هسه بيتي شلون؟
آرون : الرجال بعده مامستلم شيء منه نرجعله بيته والاغراض الي شتريناهم كلهم نرجعهم وحته وحته اذا طلبو ع كد المده الاخذناهم ننطيهم شتسوين بيهن بعد.
_اييي تمام بس فدوه باجر من تجي خلي رهف تخلي ملابسي واغراضي بجنطه وجيبهم وياك.
آرون : صارر
_احبك
آرون : اموت عليج.
_يلا باي
سديت الخط واني خجلانه وفرحانه كلششش كمت وكفت كدام المرايه اباوع لنفسي راح البس بدله العرس ياريت واحد من اهلي حاضر لا انتَ بابا ولا ماما فرحتي ناقصه بدونكم.
انشالله من هل يوم وتتغير حياتي الافضل انشالله اخلص من كل هل تجارب الصعبه والمتعبه.
مر الًيَوُمًِ بسرعه حته اليل ماكدرت انامه من كد مافكر شنوو اسوي وشلوون ارتب لخطوبتي.
كعدت الصبح كلني نشاط وجهي يضوي من الفرحه كمت بسرعه اخذت ملابس ودخلت للحمام اسبح وادندن باغنيه اصاله
هوه حبيبي الي تمنيتو يكون ليا "
كل مافي اجمل فلدنيا دي فعنيا. "
وجوده معايا في عمري دي احلا هديه "
اسبح واغني الاول مره اكون فرحانه هيج جنت متردده وخايفه بس من رجعنه اني وتيمور حبايب حسيت كل الخطر انشال.
بدلت وطلعت خليت مكياج شسورت شعري وكويته خليته مفرود لبست فستان ابيض شويه قصير من كدام دكم بالون الجوزي وعلئ خصري حزام عريض جلد بالون الجوزي
سويت مكياجي سموكي بني بلون الوك مالتي طلع كلش حلوو عليه.
خليت عطر فواح بقيت واكفه واشمر بشعري ورا واضحك دخلت اريانا للغرفه ضحكت وكالت.
اريانا : ليوم عروستنه كلهاا نشاط عينيي
_راح يجي آرون نروح نختار الحلقات
اريانا : اممم اكول شنوو هل نزاكه والترتيب كله.
_شعبالج عيني
اريانا : تعالي تريكي لاتروحين بدون اكل
_هسه شويه واجي.
هزت راسها باي عافتني وطلعت لزمت جهازي اريد اتصل ع ارون اتصل هوه عليه ابتسمت وفتحت خط.
آرون : صباح الخير
_صباح النور
آرون : شلونها مرتي؟
_بعدني ماصرت مرتك
آرون : بس هل يومين
_اممم اي وينك اجيت اني جاهزه
آرون : هههه ها ولج لازم تفكرين من لبارحه شنوو تلبسين وشلون طلعين
_عزااا عبالك بعقلي شلون عرفت ؟
آرون : موو اكلج زوجج ذكي ماترضين
_استر علينه البروفيسور وينك هسه اجيت بعدك
آرون : نص ساعه واكون يمج
_اوك حبيبي
آرون : ليوم نحصل حبشكلات لا
_شقصدك
آرون : من نطلع تعرفين.
سد الخط عقدت حواجبي مستغربه ابتسمت خليت جهازي بالجنطه لبست الكعب مالتي ونزلت جوه
الكل كاعد ع الطاوله يتريكون صبحت عليهم وكعدت وياهم.
ساهر : اليان
_ها
ساهر : احمم اني اسف حبيبتي الصار كله انو ..
_عادي ماكوو داعي تعتذر وتبرر.
قصي : اني مامسوي شيء لادخلوني بسوالفكم زلمه اعزب حامد الله وشاكره فقير.
_هههههه منو مدخلك بالسالفه هسه
قصي : عبالي
تيمور : يكول الي بحضنه طلي يمعمع
اريانا : عود شنوو معناها
تيمور : لازم اشرحلج كل حرف احجي مايصير يابويه.
دنكت راسي اضحك عليهم اريانا تباوع لتيمور بزعل تريده يشرحلها هوه يضحك
خلصنه ريوك كمت بسرعه غسلت دزلي رساله ارون انو وصل بقيت كاعده بالصاله دك الجرس
راح تيمور طلع سلم عليه اباوع الهم من الشباك يمه تيمور من ورا خشمه يرد عليه السلام
صاحولي طلعت رحت ويه آرون نختار الحلقات شغل النه اغنيه بالسياره لشيرين كلش حلوه وهاديه.
لزم ايدي هوه يسوق شبك اصابعه باصابعي باس ايدي بقوه وكال
آرون : فرحتي بيج ماتنوصف.
_مو مثلي.
آرون : نتفق ع شيء من هسه واحد ميضم شيء ع ثاني تضوجين تجين تشكيلي تبجين بحضني تزعلين عليه لاتحاجيني اعرفج زعلانه بس موو تروحين وتسافرين صرنه نخاف منج وم̷ـــِْن سفراتج
_هههههه جوازي موجود شوكت ماضوج اسافر.
آرون : لا اول مانتزوج اخذج ونسافر شهر عسل
_وين؟
آرون : الأي بلد يعجبج
_اريد اروح الاستراليا.
آرون : ليش هيه
_الاجواء هناك تجنن وبنفسي من زمان اروح عليها
آرون : اوك فلوس بيتج نسافر بيهن
_ياااا والله
آرون : هههه اشتاقه وياج بابا فلوسج راح ارجعهن ونفتح مشروعنه الخاص حته نشتغل بمكان واحد ونطور من مهاراتنه والسفره عندي الهاا.
_تمام حبيبي.
ابتسم رجع باس ايدي اخذنه لمحل ذهب نزلنه ثنينه اختارلي حلقه تجنن واني هم ختاريتله حلقه.
اشترالي الذهب من نفس المحل حته يلبسني بالخطوبه اخذنه كلشي يلزمني وطلعنه رحنه علئ مطعم تغدينه سويه.
عشت وياه احلا يوم يمر بعمري بالطريق وكف السياره ونزل علئ محل ورد اشترالي باقت ورد جوري حمره كلش فرحت بيها احب هيج شغلات هواي
آرون : الورد مايلوك بس للورد.
_اووي كلش اخجل اني ترا
كرص خدي بيده وباسها دنكت راسي اشم بالوردات هوه مخلي ايده علئ الجام ويباوعلي شلت نظري اباوعله رفعتله حاجب معنئ شكوو.
آرون : ماكوو هديه الي؟
_هديه
آرون : ماستاهل شيء منج
_مافتهمت تريد اشتريلك هدديه
آرون : ماتاخذينها ع طاير طلعتي فاهيه
_ارون شبيك
تقرب يمي مد ايده ورا شعري باس طرف شفتي احس تجمدت حته مارشمت بقيت بس صافنه رجع يبوسني ويتعمق وهوه يحرك ايده ورا شعري
خليت ايدي علئ ايده الثانيه وعصرتها دفعته عني واني حيل متوتره.
آرون : ههه تجمدتي شجاج
_هوه اني لازم ارجع للبيت
آرون : ترفه حيل
_شنو؟
آرون : هاي حيل ترفه
مد ايده علئ شفتي يمسح بيها بطرف اصبعه بلعت ريكي بتوتز نزلت عيوني ممتعوده ع هيج تصرفات ابد حيل اتوتر وبطني تبقه توجعني.
آرون : هههههه خرب شبيج راح تبجين
_رجعني للبيت عفيه
آرون : حاضر.
رجع شغل السياره رجعني للبيت طول الطريق صافنه واتذكر شلون اتقرب مني مره ابتسم مره اتوتر واخاف.
وصلني للبيت قبل لا انزل لزم ايدي باس خدي بخفه وكال
آرون : تتعودين ع هل موضوع اخليج انتِ تسويهن
_منحرف طلعت وخر يلا
آرون : هههه اكضج بهديج اليله اراويج المنحرفين شيسوون
_عزا ارون طلعت منحرف وطالعه عينك
آرون : بعدج كلشب مشفتي
_هههه انزل احسلي اذا ابقه وياك حته العرس الغي
عفته ونزلت واني اضحك دخلت للبيت بوجهي صعدت لغرفتي بدلت ملابسي وكفت كبال المرايه اتبسم انشالله تكون حياتي كلها سعاده مثل الًيَوُمًِ
....
اريانا : فرحتي متنوصف من عرفت تيمور واليان تصالحو واخيرا رتاحينه من هل عداوه والكراهيه الي ماوراها بس المصايب والتعب
رحت ويه تيمور لغرفه ابنه تيم جان نايم اول مادخله ضرب الباب بطرف رجله سده درت وجهي عليه اباوعله ابتسمت تقدمت نحوه لفيت اديه حوالين ركبته وهوه حاوط خصري من الجهتين منزل راسه يباوعلي بحب.
_اممم احجيلي شنوو هل تغير المفاجأة احس وراك شيء.
تيمور : اسالج سؤال حبيبي.
_جواب عمري
تيمور : عقلج نايم بيه مطي؟
_تيمووور شبيك
تيمور : لا شبيج جديات احجي عقلج بيه شيء.
_شقصدك شمسويه هسه اني بكل مره لازم تزعلني ليش عود.
تيمور : شوفي بنيتي باباتي رغم انتِ جبيره موو صغيره بس عقلج حيل صغيرون ومايتحمل سوالف كبار اني رجال فاهم عاقل اعرف شلون اتصرف عليج انتِ بس تباوعين وتسكتين لان اذا ابقه للصبح اشرحلج مراح تغيرين من هل تفكير وهل عاده.
_لا والله ترا اني حيل ذكيه وفاهمه بس انتَ ميتأملك خاف منك ومن تصرفاتك.
تيمور : خليج دائماً هيج تخافين حته ماتطلع عينج
_ههههه ليش
تيمور : احبج بهاي طبيعتج اذا تتغيرين تتخبلين وانتِ منا زينه عاد استري علينه وابقي هيج.
_تيمور شبيك تحسسني اني مخبله
تيمور : عوفينه من هل كلام ممشتاقتلي تعاي.
دنك راسه يريد يبوسني دفعته من صدره واني اضحك ضغط علي خصري بقوه غمضت عيوني واني اضحك
_اووي شبيك ترا اتوجع هيج والله موو لبارحه جنت يمك شبسرعه شتاقيتلك وهاي كدامي هسه.
تيمور : تدرين انتِ هسه لازم تشكرين ربج لأن وكعتيلج برجال رومانسي منا انتِ جامده وهوه اذا جان جامد شتكونون قالب ثلج.
_هوه منووو
تيمور : خر***
_ههههههه شبيك ترا اشتاقه.
تيمور : اول ماتخلص خطوبت اليان اخذج ونروح
_وين
تيمور : بالي اروح للعماره او البصره وحده منهم للطبيعه والزرع نغير جو هناك نرتاح فترا ونرجع.
_لا شلون نعوف اليان وحدها غير نكمل عرسها وتجهيزاتها.
تيمور : ادري من يخطبون مراح ينتظرون فترا اقل شيء اخليهم شهر يلا يتزوجون هسه بس خطوبه.
_بعد احنه معلينه همه يقررون
تيمور : لاحول ولاقوه ألا بالله شلون ويه هل بنيه شبيج بويه شبيييج
_انتَ شبيك ليش هيج تعاملني.
تيمور : اسكتي اسكتي بس لاتحجين سوالفج مدري شلونهن.
_اني؟
تيمور : لا ابوي
_عوف ابوك نايم بكبره لاتجيب طاريه
تيمور : الله يرحمه خوش رجال جان بس ماحبني ولا حسسني بحبه ابد سوالي شغله وحده حلوه وهيه خطبج الي وخلاج بين اديه.
_شلون زواج عاد جان
تيمور : احسن زواج بالتاريخ
_هههههه اي
بقينه بغرفة تيم نسوالف ونضحك تيمور مره يغثني مره يتغزل بيه تصرفاته تخليك تتخبل.
مرت الايام بسرعه اليان وآرون راحو اختارو الحلقات اني وآيلا رحنه للمول اشترينه ملابس للخطوبه.
جبنه منسقين الديكورات والاعراس خليناهم همه الي اهتمو بكل ترتيبات البيت والخطوبه الكوشه وهل امور.
احنه كل وحده ملتهيه بنفسها رحنه للصالون صبغت شعري بالون اشقر رمادي صارر يجنن .
وكصيت منه شويه هوه موو كلش طويل شعري بس ساويته ممتساوي.
صاار كلش حلوو ابني شمرته علئ ام تيمور خليتها تحير بيه.
اذا يبقه عندي ماكدر اسوي أي شيء اخذنه اليان للصالون سوينالها عنايه لجسمها وبشرتها طلعت تجنن وجهه مدور هيه والهاا خدود صارت كلش حلـوه.
راحت للمولات علمود تختار بدله وقفطان للخطوبه مالكت قفطان يعجبها طلبت واحد طلبيه من شركه تركيه تصميمه يمووت.
بيوم الخطوبه كاعدين بالصالون اني واليان وآيلا ورهف اخت آرون كلنه.
اليان : بنات اخلي شعري نازل لوو ارفعه؟
_خلي نازل احلا انتِ شعرج طويل يطلع كلش مرتب ويه القفطان.
رهف : اني اكول لوو ترفع شويه منه وتنزل شيء بسيط راح يعذبها بالخطوبه وراها حفله وتبقه هواي.
آيلا : اتفق ويه رهف
اليان : هسه شنوو اسوي حتاريت
_ختاري تسريحه تكون مناسبه ويه البدله والقفطان.
طبعاً احنه رحنه لصالون الماكيره ساره الكل مدح بمكياجها وترتيبها جنه نريد نروح لصالون بسام بس لا تيمور قبل ولا حته آرون
تيمور كال اذا تروحين اكصص رجليج بيدي خلاني اتراجع ولا جنت كلش فرحانه اروح للمركز.
كملنه مكياج كولنه ورجعنه للبيت رهف راحت لبيتهم تجي ويه الزفه.
لبست اليان القفطان اول شيء جبنه مصوره اخذت الهاا لقطات كلش حلووه بالقفطان سوينالها كل العادات.
اجت ماما هيه وعفاف للخطوبه عزمناهم واجوو.
صارت الحفله كلش حلووه اليان عيونها تلمع من الفرحه
اليان : اريانا فدوه جيبلي جهازي بالغرفه فوك.
_تمام
عفتها وصعدت فوك دخلت للغرفه اخذت الجهاز طلعت بعدني بالممر تلاكه وياي تيمور لابس جاكيت اسود وقميص اسود فاتح دكمه من صدره وبنطرون هم اسود طالع كلش مرتب
اني جنت لابسه فستان طويل بيه فتحه من يم الفخذ لونه ذهبي وشعري بارمته كله
تقدمت نحوه هوه هم اجه عليه خليت ايدي علئ خصري وكلت.
_هاا شرأيك
مد ايده علئ فخذ رجلي يمشي اصابعه بخفه توترت كلش وخجلت بقيت اباوعله بتركيز سحبني من خصري عليه دنك شمني من ركبني بهدوء وهمس
تيمور : لوو تنزعينه لوو تخطينه وحده منهم ممنوع تنزلين هل شكل.
_صدوك تحجي صارلي يومين افتر وبصعوبه لكيته وعجبني وتريد انزعه مستحيل.
تيمور : تعانديني؟
_تيمور شبيك لاتضوجني.
تيمور : تنزعينه لو انزعه اني؟
_تعال هذا انتَ فاتح قميصك شعندك هااا
باوع لقميصه ورجع باوعلي طكها ضحكه قويه غلصت عيوني بزعل.
تيمور : خايفه علئ رجلج يروح شنوو
_اييي عيني احنه ناس ملتزمين مانحب نطلع شيء منه يلا سد قميصك.
تيمور : اشوفج هووواي ملتزمه.
_بس ع كد الحفله والله وانزعه ومن يدخل العريس ادخل للمطبخ.
تيمور : ماشي انطيني حلك
_تيمور العالم بالبيت لايشوفنه شخص شنوو هل تصرفات عيب ميصير بعدين اني مسويه مكياجي لايخرب.
تيمور : خفيفه ماتأثر.
دنك باس طرف شفتي بهدوء ابتعدت عنه بسرعه واني ابتسم ارتكه علئ الحايط وهوه يباوعلي بحب عض شفته السفليه وهوه يباوعلي من جوه ليفوك تحسه يريد ياكلك بنظراته.
_باي يحلو
عفته ونزلت جوه انطيت الجهاز الااليان شغلنه اغاني وبقينه نركص.
وناخذ صور شويه وصلت الزفه وصلت الزفه بـ 3 العصرر.
لبست شال علئ راسي وصرت قريبه من ركن المطبخ يمه اذا يشوفني تيمور يموتني.
دخل الشيخ وآرون وتيمور وعم اليان الجبير وابو ارون لصاله.
دخلت وياهم نسوان قليله موو هواي واخت ارون تهلهل وتشمر جكليت عليهم
خليت ام تيمور البرنص فوك وجهه اليان وخلت القرآن بين اديها
كعد الشيخ بنصهم وبقه يقرا وهمه يرددون وراها.
جان الحاضر مال اليان 40 والمؤخر 50 انصدمت كلش من سمعت المهر شدعوه هل كد طالبين هوه حته موو هل كد حالته الماديه
هاي سوالف تيمور مايبطل من سوالفه ابد يفكر اذا طلب هواي راح تكون مرتاحه بالفلوس ميدري انو الحب حته لوو جان فقير مايهم المهم يكونون سويه.
تمت الخطوبه وصارت اليان مرت آرون رسمياً تاريخ خطوبتهم جان
2022 /11/2.
حفظت هل تاريخ لأن بهل سنه شفنه هوواي تجارب وامور طبعاً اني وتيمور خطوبتنه صارت بـ 2021
خلص العقد طلع الشيخ كام آرون سلم علئ عم اليان وتيمور يمه نظرات تيمور تخوف يباوعله بخزره تحسه يريد يضربه.
ارون يضحك ممهتم ابد بقو ياخذون صور سويه ويسوون حركات.
صاحولي اصور بس خفت من تيمور يشوفني باوعت يمين يسار طالع خليت شال ع راسي والفتحه لازمتها بيدي رحت وكفت يم اليان وارون بالجهه الثانيه
اخذت صوره وين ماخذت دخل تيمور يمه احس روحي تجمدت عيونه صارت عليه هزلي راسه معنئ سهله.
بلعت ريكي بخوف حته الفرحه راحت مني لبس ارون اليان الحلقه وهيه هم لبسته ولبسها الذهب
كل هذا والتصوير مستمر البنات والمصوره تصور بيهم.
واكفه علئ صفحه واباوعلهم شلون يلبسون بالحلقات والذهب انسحبت من ايدي من ورا درت وجهي بخوف شفته تيمور اخذتي للمطبخ
دفعني علئ الحايط وخله ايده ورا راسي يباوعلي يريدد تفسير
_والله العظيم همه صاحولي اني معليه
تيمور : سهله اني اعرف شلون اربيج من جديد عندج بخت العالم عدنه ولا اسحلج كدامهم.
_شدعوه عيني شمسوين
تيمور : شدعوووه لابسه فستان بارز كل جسمج وبيه فتحه واصله للـ انعل يومج بنت ** ليش تخليني احجي
_تيمور لاتغلط ترا والله ازعل
تيمور : ازعلي طبج طوب
_خوش يلا وخر خليني اروح
تيمور : تصعدين لغرفتج هسه تبدلين وتنزلين
درت وجهي بضوجه ضوجني ميخليني براحتي لزمني من فكي يدير وجهي عليه يباوعلي
تيمور : الستر حلوو بابا ماريد شخص يشوف شيء منج غيري.
خليت ايدي علئ ركبته من الجهتين وقربت وجهي منه وهمست
_بس اني كتلك من تخلص الحفله انزعه شتريد اكون مبهذله والنسوان كلهاا طالعات حلوات
تيمور : انتِ حلوه لوو تلبسين كونيه
_هههههه لا شدعوه وين جمالي.
تيمور : بعيني اجمل مراه.
_حبيبي انتَ هم حلوو
تيمور : هسه كافي لواكه واصعدي بدلي.
_بس
تيمور : اريانا
_اووف تمام
دنك باس ركبتي واخذله عضه خفيفه ضربته علئ كتفه واني اضحك.
تيمور : خرب يوم يومج هذا العطر يهيجني لاتخلين منه بس بليل بنت ..
_دير بالك تغلط تيمووور
تيمور : يلا خلص اصعدي
_مزاعلتك ترا
تيمور : خوش
عفته وصعدت لغرفتي لبست غير فستان بس مابي لا فتحات ولاشي طويل ومرتب.
طلعت من الغرفه نزلت اتمشه انصدمت من شفت ..
