رواية طفلة النقيب الفصل الواحد والاربعون بقلم نبأ عادل
اوصفك كلي بيش ابدي
بياضك لون عينك ضحكتك طولك
ملامح وجهي كلهن فدوه يرحلك
يا حلو جمالك ماله حد ونحد
يلشوفتك مايجي ابالي غير
ال يمه فدوه اشرد
من ياطين مخلوق
وجمالك هيج متمرد
،،،،،،،
سما: ها خفت حيل يربي بس لا يشوووفهة ليش مهيمن شسوي بي مو عندك تلفون
مهيمن : من حجيهة شكيت بالزايد ،،، سما الرمز بسرعه
سما: كلت هو وين يعرف للرسائل المخفيهة خلي انطي انطيته بس كلبي يدك بسرعه خايفه حيل حيل
مهيمن: دورت اني ممنزللهة بس التلكرام واليوتيوب وماسنجر دورت ماكو شي رجعت على الرسائل الي على رصيد وعلى الارقام ماكو شي مابقه بس التلكرام لازم افتشه زين باوعت وره ١٠ دقائق من التفتيش لكيت محادثه مخفيه والاسم مكتوب (ع )بس
فتحتهة شفت اخر شي ها حبيبتي رجعت وقريتهة من البدايه ودارزتله صوره وهو يكللهة تخبلين حبيبتي خلصت شمرت التلفون على السرير هي كاعده علي وباوعتلهة شنو هذا جاوبيني
سما: شنو بخوف كلتهة
مهيمن: بنت الكلب تتغابين شوفي الرسائل
سما: ها اي والله هاي اختي بس اسمعني
مهيمن: اختج مو
سما: اي والله
مهيمن: تقدمت عليهة وضربتهة راشدي راح اتحكم ب اعصابي لسبب واحد علمود اهلي ما اريد صوتج يطلع لبسي عباتج بسرعه وامشي وياي وما اريد اي كلمه يسئلوج تكوليلهم طالعين رحله
سما: اشرتله براسي بعلامه يي لبست ونزلت كالي دموعج ما اشوفهن مسحتهن سئلوني مهيمن جاوبهم كاللهم برحله وطلعنه كبل لاف على بيته نزلني سحل ودفعني وكعت بالكاع ظهر اذاني آه
مهيمن: وحق الخلقج سما اذا متحجيلي منو هذا اسيح دمج هنا
سما: والله اختي والله
مهيمن: بت الكلب اختج ميته من زمان
سما: لا والله عايشه هي كلتلي
مهيمن: خابرت زوج اختهة الي قبل يومين اجاني للمركز وسئلني على سما وياه جان واحد من كرايب سما يكلي انريد بتنه كتله زوجتي ناسيتك واني ولي امرهة وما اقبل تلتقي بيكم زوج اختهة هدء الوضع كتله شلون عرفتني كال من دزيت جماعه يسئلون على زوجتي المتوفيه بعد فتره اجوي كرايب سما و سئلوني عنهة كتلهم على الشخص السئلني على زوجتي وهو وصلنه الك بس رجاءا اهدء وخليني انطيك رقمي حاجيني من تهدء كتله ماشي وطلعو فتحت سبيكر الووو السلام عليكم عرفتني اني مهيمن زوج سما اي سولفلي شلون ماتت اختهة السما اريد اعرف كال كلشي شلون دورت على سما وطلبت ماعدته وهو مقبل يساعدهة الى ان ماتت زين ياريت اتصورلي شهاده الوفاه ودزهة اليه هسه اريدهة يله ماشي انتظرهة وسديته منه وره ثواني دز الشهاده مال وفاه شوفتهة الهة هاا بت الكلب كلتيلي اختج مو
سما: سمعت وشفت كل شي ومصدومه حيل حيل شنو يعني هاي مو اختي واني دزيت صورتي شلون يربي شلووون
مهيمن: سكوتج هذا شنو معنا هاا لج تخونيني كلبه
سما: لا والله ما جنت اعرف والله هو كال اني اختج والله والنبي
مهيمن: اششش لتحلفين لججج مو تحجين وياه بصيغه ولد كلبه
سما: والله هو طلب مني احاجي هيج
مهيمن: اششش كافي جذب جريتهة ودفعتهة بالغرفه وضربتهة راجدي الشفعلج ابني الي ابطنج يطلع واذبج ذبه الجلاب يا كلبه
سما: اخخخ منج سما اخخ عضيت اصبعي حيل
مهيمن: متحملت ابقه يمهة زياده لان لو باقي اكثر اجرم بيهة طلعت بالاستقبال مبقيت شي مكسرته وانجرحت بلكزيزه وانشكت ايدي عفتهة تنزف وكعدت على قنفه ودنكت راسي شلون هيج اسوين لج ما خفتي اموتج خلاص ما حسبتي للعشره شي ليش لج
سما: سمعت صوت التكسير وره شويه هدوء خفت كولش علي لان اني غلطانه نسيت الصار قبل شويه لان اني استاهل طلعت اباوع ايده تنزف ترست الكاع ركضت علي وكمشت ايده
مهيمن: نترت ايدي حيل منهة امشي دخلي جوه ولطلعين
سما: بس اشوف ايدك الله ايخليك
مهيمن: الله لا يخليني كلبه طبي جوه وسدي الباب عليج لا اذبحج هنا
سما: جان يحجي بكل جديه بس مدرتله بال ماخفت شيريد يعني يموتني خلي يموتني كمت جبتله معقم وكمشت ايده
مهيمن: نفضت ايدي حيل وخنكتهة كومي منا لا اجرم بيج
سما: اشرتله براسي ب لا ضغط حيل على ركبتي ضاع الهوه مني كمشت ايده وضليت احاول اجرهة واضرب بي عبالك فقد ردت اموت وخر ايده ركضت جوه وسديت الباب على نفسي
مهيمن: طلعت بعد ما قفلت باب الصاله والمطبخ فتحت المي للبيت وقفلت الباب الرئيسي المشكله ادز رسائل للرقم ماكو ميجاوب منو هذا لك اعرفك اعرفك ابن الكلب
سما: ويين تقريبا مرت ٤ساعات كلت خلي اطلع اشوفه دورت علي ماكو وقافل كل البيبان عاد كلت خلي انظف نظفت واني ابجي على حظي واكول شلون افهمه يربي ومنا البيت كله تراب كوه كملته باوعت ماكو شي ينوكل والباقي بالثلاجه خايس كله ذبيته ونظفتهة ورحت سبحت ورجعت للغرفه نمت آه ،،،مامه شلونج ليش ذيج المره عفتوني انتِ وابويه لان اكو شخص محتاجج لا تعوفي منو هو وليش محتاجني اليه بالذات كبل فزيت من الحلم اوووف يا امي اريد ارجع اشوفج واعيش وياج باوعت ساعه 8 بليل حيل هاي اني صارلي كومه هنا وميته جوع طلعت لكيت اكل بالاستقبال وبعده حار بس مو كلش معناهة جان هنا اكلت ورحت اشرب مي فتحت الثلاجه لكيت بيهة شغلات رئيسيه بس ماكو شي ثانوي (فواكه او عصائراو نساتل) عفتهة ورجعت افتر بالبيت ،،يربي وين راح
مهيمن: دخلت للبيت ساعه ٧ ونص لكيتهة منظفه ونايمه خليتلهة الاكل وطلعت بدون ما اتمعن بشوفتهة كارهة بشكل الووو عباس اكولك حبيبي شوفلي الاء وين ترى مشغول جان اني رحت بنفسي ادورهة ماشي حبيبي روح البغداد وارجع اسئلي بالملهى بلكي رجعت تشتغل بي ضليت ملتهي ب هذا المراسل سما اريد اعرفه منو ماكو
سما: طلعت ملابسه من الكنتور حظنتهن ونمت واني انتظره يجي الصبح سويتلي ريوك وخلصت كعدت انتظره يجي ماكو عاد سويت غده وهم ما اجه ضميت الغده ما اكلت منه بليل ساعه ٧ سمعت طكه الباب ركضت للاستقبال لكيته مهيمن والله
( بعدني ممكمله سكتني)
مهيمن: حجي لتحجين حتى ما افقد اعصابي وتخليني حتى ابني اقتله
سما: خفت من كلامه رجعت ليوره
مهيمن: منو هذا الزفت احجي بسرعه حتى ما استعمل ايدي
سما: ما اعرفه والله
مهيمن:لتحلفين واحجي بسرعه
سما:ما اعرفه ما اعرفه ما اعرفه ضليت اضرب على وجهي
مهيمن:بت الكلب تعلين صوتج عليه
سما:اييي ترى زودتهة كتلك لا تسبني مليون مره
مهيمن:ركضت بتجاهة وكمشت شعرهة حيل عتيته لج امهات الملهى ما سون اسوايتج كلبه ضربتهة راجدي اني تخونيني احجي يله منو هذا
سما:ما اعرفه كتلك ولوتسئلني الف مره هم حتلكه نفس الجواب
مهيمن: اني راح اخليج تحجين طلعت الحزام وعلى رجليهة اضربهة بقوه وباستمرار
سما: طلعت روحي عود ميضرب على جسمي علمود ابنه كله على رجلي والرجلين اتاذي بالزايد آه آه رجلي كافي
مهيمن: احجي منو هذا
سما: ماا اعرفه
مهيمن:ضليت اضربهة على رجليهة الدرجه شفت الدم
سما: روحي انمردت اصيح واصرخ وميسمع يكلي اتوسلي كتله تخسي وهو تخبل كام يضرب بجنون ويعت بشعري وراجديات
اجتي عيني على رجليه شفت الدم من رجليه فقدت حيل كافي الله لا ينطيك
مهيمن: تدعين عليه يلشريفه لج انتِ بله تربيه همزين اهلج ماتو خلصو من عارج يا عار
سما: انكسر كلبي الف مره بس من هاي جملته لتجيب طاري اهلي يشرفوك
مهيمن: لج اهلج الكواو... الي جابو مثلج عار يشرفوني لج بس قندرتي تسوالج انتِ واهلج
سما:باوعت علي بحقد تروحلنه فدوه
مهيمن: لج بت الكلب منو الي اروحلهم فدوه ابوج الكوا... لو امج الكح... لو انتِ ام الولد والملاهي
سما: سكتت مجاوبته لان السمعته يكفي ويوفي وخلص مهيمن تعده كل الحدود من جاب طاري اهلي نهة علاقتنه للموت راح تندم على كل كلمه كلتهة واني الي راح اندمك
مهيمن؛ هههههههه تف وطلعت بعد ما قفلت البيبان
سما: مسحت وجهي هاي اول مره تتفل عليه بس راح اندمك صدكني كافي ضعف بعد حتى ما ابجي عليك تدري ليش لان جبت طاري اهلي واتشمتت بيه لان عافوني وماتو لازم انهزم ب اي طريقه حاولت اكوم مكدرت لان رجليه متكسرات مره يوم و٢ و٣ وسبوع واني ما اباوع بوجهة وحتى من يجي هو بليل ينام ب الاستقبال اني ما اشوفه وجهي ولا اسويله اي شي لان اني بعد ما اريد ارجعله خلص كافي ذله حاولت انهزم ماكو قافل البيبان ونايم بلشنه الاسبوع الثاني وبهيج يكون اني دخلت بشهر الثاني بحملي
مهيمن: كرهتهة حيل كل يوم اشوف المحادثه وانتظر يجاوبني بس ماكو دورت بسله المهملات كلت هاي الصوره الدازتهة وينهة ما لكيت شي اظاهر من فات عليهن وقت انمسحن من وحدهن اليوم عزموني جماعتي القديمين الي ابغداد جايين للبصره وعزموني رحنه كعدنه بالكوفي واتفقو يروحون للملهى اني جنت صافن عاد كلولي واصرو هواي وافقت رحت وياهم ومباوعت لان مالي نفس بشي شربت هواي عاد اجتي وحده يمه مدري اتخايلتهة سما اخذتني واني رحت وياهة للغرفه حظنتهة وهي باستني من ركبتي ومن صدري سما كوليلي ليش خنتيني منو سما ترى اني ريحان شبيك فجئة مثل الشي الصحاني باوعت هاي مو سما دفعتهة عني وطلعت كوه(هاي صار مرتين تصير بيه هاي الحاله) وصلت للبيت دخلت وقفلت البيبان
سما:سمعت صوت الباب ساعه٢ بليل خفت حيل عاد طلعت لكيت مهيمن يطوطح درت وجهي دا ارجع للغرفه
مهيمن: تعااي
سما: واني داير وجهي شتريد
مهيمن: تقدمت عليهة خليت ايدي على جتفهة ووكعت
سما: الله شبيك حاولت اكومه اباوع ركبته كلهة اثار وصدره مليان فتحت القميص بعصبيه حيل بحيث وكعن كل الازرار اباوع بطنه كلهة اثار بوس دفعته حيل وكمت الغرفتي وقفلت الباب من جوه
مهيمن: كبل نمت مجنت حاس بشي بس اخر شي جان راسي بحظن سما وهي مدري شتفتش
سما: مكدرت اتحمل كل هذا بجيت حيل يعني شنو عود اسويهة وحده بوحده لك والله اندمك والله مسحت دموعي انت متستاهل واحد يبجي عليك واني لازم انتظر الوقت المناسب وانهزم هسه ما اكدر لان اني اريد اوراقي الجنسيه وشهاده زواج وهسه ما اكدر اروح البيت اهل مهيمن واخذهن شيكولون ساعه٢ بليل بس وويين اروح لازم اقررر اي احسن مكان اروحله هو الي كال مره علي مهيمن الامام الكاظم كال اخذج اله ازوري بسيطه مهيمن
مهيمن: كعدت الصبح لكيت حالتي حاله مشمور بلكاع والقميص مفتوح والفانيله ماكو مدري وين شويه واذكر كل شي الملهى وسما وصدري المليان طكع خرب بيكم شويه وخابرني عباس ها وين لكيتهة اي اي جايك انخبصت خبص رحت الغرفتي فتحي الباب بسرعه
سما: فتحته لان ماعدت اخاف منه هو طب بسرعه مستعجل حيل كبل اخذ قميص وطلع بس ما قفلت باب المطبخ بالمفتاح بس قفله بالسركي جنت اباوع علي مستعجل حيل حتى باب الشارع بس رده اول مطلع انتظرت ١٠ دقائق وكسرت الجام مال مطبخ بالجفجير ومديت ايدي انجرحت بس همزين كدرت افتح السركي لبست عبايه وطلعت من الباب الرئيسي وسديته رحت البيت ابو مهيمن اول شي باوعت ماكو سياره مهيمن اذن هو مو هنا دكيت الباب جانت ساعه٨ الصبح دخلت سلمت علية عمتي اني سلمت بس مستعجله كبل صعدت دورت الحمد لله لكيتهن اخذت فلوس جنت مجمعتهن حوالي ٥٠٠ الف وطلعت بسرعه كالتلي وين كتلهة مهيمن ينتظرني براس الشارع وطلعت بسرعه كبل اشرت تكسي كتله للامام الكاظم وره وين ساعات يله وصلت جانت الدنيا عصر دخلت واني خايفه بس النسوان دلني منين اطب للحضره دخلت وضليت اتوسل بربي ينقذني هل مره وميرجعني المهيمن
مهيمن: طلعت بسرعه اخذ الطريق مني وقت بس وصلت الظهر لان امشي ب اقصى سرعتي واني ضابط فه محد يوكفني
لكيت عباس رحت يمه وكعدت انتظرتهة اول مطلعت من الملهى خطفناهة اني وعباس وديتهة البيت عباس وكتله روح هااااا عبالج تنهزمين من مهيمن موو
الاء: لا باوع اهم شي لتضرب
مهيمن: ضربتهة بوكسي بنص وجهة كبل وكعت
الاء: اخخ نعلعلا والديك
مهيمن: سمعت هيج ونزلت عليهة افشار وضرب بالاخر شلت مسدسي بنص وجهة يله اتشاهدي
الاء: حجيت بكلبي عزه هذا مخبل حيموتني لازم اشوف منفذ اي بدال متضربني روح المرتك الخاينه اضربهة
مهيمن: انصدمت قابل هي شمدريهة احجي لج شنو قصدج
الاء: قصدي السمعته مرتك مسويه علاقه ويه علي ال... وروح شوف محادثاتهم او اسئل علي مو هو صديقك
مهيمن: سمعت هيج لو تخبلت بت الكلب متاكده
الاء: اي والله
مهيمن: وجهت سلاحي مره ثانيه وضربتهة ب ايدهة هاي حتى متستغفلين مهيمن ورجعت ضربتهة بوكسي بنص وجهة وهاي حتى مدخلين بيت مهيمن ورجعت ضغطت على الطلقه الي اب ايدهة وهاي حتى تسدين حلكج وتختفين من طريق مهيمن للابد
الاء: اي اي بس عوفني ولك بعد ما اشوفني اخ ايدي عافني وطلع كوه جريت نفسي وطلعت خابرت واحد من معارفي اجه ضمدلي الجرح بعد ما طلع الطلقه عهد عليه بعد ما اتقرب منك يا مخبل همزين مموتني
مهيمن: كبل خابرت علي جان يجاوبني وينك اريد احاجيك بسرعه اني ابغداد
علي صديق مهيمن: اي حبيبي نلتقي بالبيت مالتي تندله صح
مهيمن: جايك دخلت اول مسد الباب رفعت مسدسي بوجهة تخوني ويه زوجتي ساقط اليوم اموتك انت وياهة
علي : بس لحظه افتهم وراهة شسوي شسوي
مهيمن: افتهم كواااد تخوني
علي: اني والله اني هي متدري بشي عاقبني اليه ولطخهة
مهيمن: ما اطخهة مو نزلت علي نمت فوكاه وضرب خربتله وجهة ليش لك ملكيت غيرهة
علي: والله اني بس افهم عطت حيل هو كعد على صفحه ونزل راسه يباوع على مسدسه مهيمن بس انتظر اني حشوفك دليل برائه سما جبت السيمكارت الضامه ودخلته بالتلفون مهيمن هاك بس باوع المحادثه من البدايه قبل لا تموتني
مهيمن: اخذت من ايده قريت كل شي عرفت مرتي بريئة وهو كايللهة اني اختج شمرت التلفون اتكسر لك ليش تدري شسويت بيهة لو متدري اليوم اخذ روحك
علي: والله اسف والله بس الاء كلتلي هي مو خوش بنيه لهذا سويت هيج بس والله من كلتلي الاء هي شريفه راسا عفتهة والله
مهيمن: شلون اتعرفت عليهة احجي
علي: من الاء هي شوفتني صورتهة وكالت هاي جانت راقصه بالملهى
مهيمن: لا يا ساقطه جنزته اجنزل ضربته طلقه بجف ايده هاي الطلقه بايدك لان راسلت زوجتي وطلعت عفته مدمي بالكاع رجعت للبيت بليل حيل وصلت فتحت الباب الرئيسي
علي صديق مهيمن: جنيتي على نفسج يا الاء
الوووو اريد اخبر على ملهى يتاجرون بي مخدرات والرئيسه مالتهم اسمهة الاء الملهى بهيج مكان سديته خابرت الاسعاف حتى يجوني وكسرت التلفون الثاني مالتي بعد ما سديته من الاسعاف
سما: ضليت لل ليل هناك وابجي وادعي الله يلكالي مكان ابقه بي عاد وحده سئلتني من الزايرات جاوبتهة كالت اشتغلي هنا دائما يساعدن المحتاجات والله يعينج رحت عليهن لكيت اثنين شابات ومبينات امرتبات ومتدينات حيل السلام عليكم
فاطمه: خلال هل ٣اشهور اتحسن وضعنه اني وصديقتي وثبتونه بالشغل وكامو ينطونه راتب ومن خلاله اجرنه بيت وماشي حالنه لان ثنينه نساعد بالمصرف والايجار باوعت وحده سلمت هاي مو سما مرت مهيمن كتلهة بشنو انساعدج
سما: كبل نزلن دموعي ماعدي مكان اروحله ساعدني فدوه اني حامل ورجلي طردني وهاي اوراقي والله اني مزوجه
فاطمه؛ ميحتاج انشوف شي اني اعرفج انتِ زوجه مهيمن
سما: خفت حيل خاف تكله ها لا يله اني رايحه
فاطمه: لتخافين اني طليقته المهيمن ومراح اكله واني حساعدج
سما: متخوفه حيل بس ماعندي غير هل حل انو اروح وياهن ومدري بس حسيتهن طيبات والي يشتغلن وياهن كاللي روحي وياهن بنتي ولتخافين
فاطمه: تعاي ويانه للبيت
سما: خلصن شغل رحت وياهن بيت بسيط وصغير كالت اخذي راحتج واعتبري بيتج انطني ملابس وكعدنه نتعشه ونسولف اتعرفت عليهن وحسيت ب شويه راحه لان متدينات حيل نمت واني ابجي بس كلت خلص انتهى مهيمن ما ابجي علي وخلي اعود نفسي
مهيمن: اباوع كزاز والجام مكسور دخلت بسرعه ادور ماكو خابرت امي جانت نايمه كالت مرتك طلعت من الصبح سديته منهة لاا شنو يعني ضيعتهة مره ثانيه لاا ضليت اضرب بقوه على كلبي طلعت للصبح ادورهة بالشوارع وملكيتهة
سما: مر اسبوع وهن جانن نعمه الصديقات اليه كولش حبابات وصرنه نتعاون على المصرف وكوه شغلني وياهن ما قبلو بعدين برحمه الله وافقو كملنه شغل ورجعنه ٣ للبيت اوووف تعبت
فاطمه وصديقتهة ميس: اي والله كولش
سما: فاطمه حبابه اريد اقدم ثالث متوسط ساعديني
فاطمه: ماشي هي باجر عطلتنه نروح نقدملج ونجيبلج كتب ميس هم كالت اني هم حقدم بس انت ماعدج اوراق ثبوتي
ميس : اووف نسيت اني نكره بهل حياه وبجيت
سما: حضناهة اني وفاطمه باوعي والله وعد من اتخرج واتعييين اسويلج اوراق جديده
ميس؛ فدوه حبيبتي شكد فطيره
سما: ابتسمت ونمنه واني كل ما اذكر مهيمن احاول اذكر كلامه عن اهلي واكرهة واطلعه من بالي بس اكتشفت شي انو محد يموت وره احد وهاي اني مثال شكد حبيت مهيمن بس بلاخر عشت بدونه والحمد لله مرتاحه صار الصبح طلعنه احنه ال٣ وقدملي وحاليا اني عليه شهرين ونص يعني صالي نص شهر وياهن وتعودت عليهن حيل كالو الامتحانات بعد شهر عزه ما الحك شلون بيه فاطمه
فاطمه: اتلحكين انتِ سباعيه احنه حناخذ مكانج بلشغل وانتي ضلي بالبيت ادرسي زين وتنجحين
ميس: مثل مكالت فاطمه
سما: كمت وحظنتهن فدوه شكد احبجن انتِ اخواتي خلصنه حجي وتغدينه وسولفنه هواي وكل وحده حجت ماضيهة من اول يوم وعت على الدنيا حد اليوم خلصنه حجي انباوع ساعه٩ بليل
ميس: دهر واني اكول ليش متت جوع باعن ساعه بيش
سما: سوينه عشه والصبح هنة راحن للدوام وفاطمه عافتلي تلفونهة درست علي من ساعه ٦ الصبح لل١٢ ونص الظهر جعت سويتلي لفه جبن اكلتهة بسرعه ورجعت اقره لساعه ٤ الظهر رجعن البنات تلكيتهن هنه نامن اني رجعت اقره لل٨ بليل كعدن صلينه وسوينه عشه وهنة كعدن يسولفن وحدهن وكللي انتِ اقري هم جريتهة للوحده بليل وهذا جان روتيني خلال هل شهر
مهيمن: صارلي شهر ونص ادور وماكو ملكيت شي هملت شغلي ونفسي بلاخر كلام امي صحاني كافي يمه ترجع وداعتك ترجع بس انت اصبر يبعد امك ما يصير هيج اسوي بعمرك هي اكيد ب امان انت لازم توكف على رجليك حتى من يرجعلك ابنك يشوفك قوي مو مهزوز من وكتهة رجعت اهتم بشغلي الي اخذ كل وقتي حتى اتناسه سما بس جان الليل شيخلصه التجئت الربي صليت ودعيت الله يحفظهة وين مجانت ويبعد عنهة ولد الحرام
رقيه : يله قنعي امج خلي يزوجني مهيمن لان جايتني قسمه شكول الاهلي
نور: كتلهة تكلي مستحيل ابني واعرفه يحبهة حيل وهو غلطان بحقهة مراح يعوفهة رقيه سوي السحر وفضيني
رقيه : واني انتظره طول عمري طز بي خلي ازوج هذا الجايني شو هم جمال ومال بعد شكو منتظره اخوج العاشق
نور: طبج مرض
رقيه: رجعت الموافقه الاهلي وكالو بعد ٣ايام الخطبه
سما: امتحنت وطلعت النتائج واني داخله بكلوريه بس درجاتي زفت ههه
فاطمه: يله لج ليش ضجتي ترى هو ثالث
سما: اوووف يله ماشي من باجر ارجع وياكم بالشغل وادرس لان بعد شهرين للامتحانات النهائيه
فاطمه: ماشي
سما: اليوم هم حلمت بمهيمن جايني وكوه يحجي مبين تعبان حيل سما رجعي فزيت وشهكت
فاطمه: سمله حلم هذا حلم شبيج
سما: ضليت ابجي شبي يربي شبي بس لا متاذي
فاطمه: مهيمن مو
سما: اي كلعاده نفس الحلم الاكولج علي
فاطمه: اي يا حبيبتي ميصير هيج لازم اشوفينه
سما: شلون
فاطمه: خلص احنه عدنه عطله بعد ٣ ايام نروح بيهة للبصره البيته ونراقبه من بعيد حتى تشوفي
سما: ماشي
فاطمه: ديله رجعي نامي
سما: ضليت افكر كلت بلكي بعده معارف اني بريئة لازم اكتبله رساله اي كمت كلتلي فاطمه وين كتلهة اكتب رساله واشمرهة ابيت مهيمن كلتلي براحتج بديت اكتب بالورقه مهيمن اني سما مدري شنو حالتك وانت تقره رسالتي هل انت تعرف اني بريئة لو بعدك مفكرني خاينه اذا بعدك اتكول عليه خاينه فه راح اكولك اني بعمري ماخنتك حتى باحلامي تدري ليش لان انت جنت كل احلامي وحاضري وماضيي عفتك مو لن عذبتني او سبيتني لا اني انهزمت من خيانتك اليه ومن كلامك السيء على اهلي اني اتحملت لك اتحملت شكد علمودك لك اني الي انطردت وانضربت وانكتلت وانتفل بوجهي منك ومن امك كلهن سويتوهن بيه اني الي انسبيت منكم واني الي اتفشر عليه انواع الفشار الي بحياتي مسامعته واتحملت وضليت ساكته كلت ميخالف هاي ام مهيمن ومهيمن وصاني ما احجي اضل ساكته لك بلعت لساني اكثر من الف مره لخاطرك اوف شحجيلك بعد عني اني الي انهانيت اكثر من مره وكبالك وانت جنت واكفه اني الي بست الايدي علمودك اني واني هواي حيل ضحيتلك وهواي حيل صدكتك وهواي حيل حبيتك بس اكولك كم كلمه اني وطفلك بخير بدونك ولتفكر اني وين لان اني بمكان بعمرك مراح اتحاول توصله باي يلخاين بعمرك مراح اتكون نقي مثل سما
مهيمن: حياتي جاي اعيشهة بصعوبه والليل اكضي بصعوبه ملابسهة مفاركني عطورهة وشعرهة الي بكنتوري جنت احظنهم وانام
رقيه: اليوم خطوبتي وكولش فرحانه عشتهة لحظه بلحظه حتى ما اندم
سما: خلصن ٣ ايام رحنه اني وفاطمه وميس للبصره وصلنه باوعت ماكو سيارته نزلت من التكسي شمرت الرساله ورحنه قريب على بيت اهله المهيمن انراقب من بعيد بلاخر شفته نزل من سيارته ومبين مابي شي مدري ليش عصبت وسحبتهن وطلعت وفاطمه كالت هذا نقيب خاف يعرف مكانج فه كملنه مسافه ونزلنه من ابو التكسي لان اني كتلهة عده كامرات اني شفتهم فه خاف يشوف رقم سياره ويلحكنه المهم رجعنه للبيت واستمريت اقره واقره
مهيمن: بليل رجعت البيتي اول مفتحت الباب لكيت رساله فتحتهة آخ كلبي اقراهة وكلبي يعصرني حيل اخخخ مني شسويت بيج طلعت باوعت ماكو احد بسيارتي دورت بالمنطقه هم ماكو رجعت للكامرات شفت كتبت رقم السياره وخابرت صديقي انطيته رقم السياره خابرت الرجال هو خايف عباله مدري شكو لان دنيا نص الليل سئلته كلي نزلن ب...
اوك مشكور سديته منه لا ممعقوله منو ذني ال٢الويه سما وليش نازلات بالفرع الوره بيت اهلي اخخ ضليت الليل كله اتمعن بالرساله شنو قصدهة هي بمكان اني مستحيل اوصله كمت صليت صلاه شكر لان عرفت عنهة شي انو هي بخير وكل هل فتره التزمت بصلاتي وتركت كل شي موزين جنت اسوي وتبت الربي وكلت باجر ازور كربلاء والنجف واخذ اهلي اخذتهم وضلينه هناك يومين بعطلتي ورجعنه
سما: خلصن الشهرين واليوم اول امتحان واني حاليا شهر الخامس دخلت خلصت امتحاناتي بعد سبوعين وجنت فرحانه حيل ورجعت للشغل ويه فاطمه وميس
ام مهيمن : يمه امشي للامام الكاظم نزور وندعي بلكي ترجع
مهيمن: الله كريم يمه اخذ اجازه ونروح باجر اخذت اجازه وانطلقنه ابويه ما اجه بقه يم اخويه وصلنه اني رحت وامي راحت ازور
ام مهيمن: لمحت فاطمه يمه عوذه بعدين شفت وراهة سما لا مستحيل كبل رحت المهيمن انتظره بالمكان الكال انتظريني هنا نلتقي لا يا ربي اني حتى مزرت ظليت اراقبهة السما من بعيد حتى متروح وحتى هم من يجي مهيمن اني هنا كبل اكله هذيج سما
مهيمن: طلبتهة منك واريدهة ترجع اليه بجيت ودعيت مدري بس حسيت ابروده صارت بكلبي طلعت ركضت عليه امي
ام مهيمن: يمه مرتك هنا شفتهة
مهيمن: شنو يمه وين احجي
ام مهيمن: هناك تشتغل اشرتله على المكان رحت بسرعه سما
سما: درت وجهي على الصوت شفت مهيمن ضليت صافنه بوجهي فتره بعدين اذكرت كلشي سواه مره بسرعه كدام عيوني كبل درت وجهي رجاءا اخي هذا مكان شغلي
مهيمن: اخي شنو
فاطمه: رجاءا اخويه العالم منا ممكن توخر
مهيمن: انتِ اشجابج هنا يم سما لتخبلني
فاطمه: اخويه لو سمحت وخر لا اصيح الامن
مهيمن: صيحي ميهمني سما تعاي اريد احجي وياج
سما: واني ما اريد فاطمه خابري الامن
مهيمن: اباوعلهة متغيره كليا عن سما الاعرفهة هاي الكدامي قويه وشرسه ومتخاف اجوي الامن طلعتلهم باجي سكتو وضربولي تحيه تعاي نحجي كلت
فاطمه: شاورت سما يمعوده روحي وياه لا نفقد شغلنه من وره زوجج
سما: اوووف يا والله علمودج حروح
فاطمه: دروحي لج جذابه انتِ اصلا ميته علي شنو ما اشوفج يوميه بليل تبجين علي وتحاجي عبالك هو يمج وتعرفي على طفله
سما: كافي يمعوده طلعت وكف كدامي وامه مسويتله سد مدري عود شنو معناهة شو هذا كبل مد ايده على بطني دفعتهة ايدك لا اكسرهة
مهيمن: اششش لج صوتج شنو تكسريهة راح اعبرهة لان المكان مو مناسب مشتاقلج كده رحمه ربج يلكاطعه
سما: عوفني رجاءا كول شتريد وروح
مهيمن: وتنطيني الاريده
سما: اي بس عوفني بحالي
مهيمن؛ اريدج
سما: احد كايلك قبل انت مخبل
مهيمن: سما وتالي لا اجفصين
سما: الله ياخذهة السما
مهيمن: خليت ايدي كدام حلكهة بس بلهوه لان المكان مو مناسب اشش
سما: وخرتهة بقوه احترم نفسك ولتسكتني مره ثانيه
مهيمن: لج السانج طولان ويرادله كص
يله امشي وياي للبيت
سما: ما ارجع وما اريد وطلكني
مهيمن: اشش لجيبين هذا الحجي على لسانج حبيبي اموت وما انطق هل كلمه
سما: انتَ شنو ما تفهم ما اريدك
مهيمن: سما لا اجفصين
سما: اجتي وحده تشتغل ويانه رجاءا اختي منو هذا وليش هيج واكف وياج ترى راح اجيبيلنه سمعه
مهيمن: اني زوجهة وشنو سمعى عيب عليج هلحجي
سما: جاوبته تكله اني اسفه بس عندك حجي وياهة ميصير هنا هي حاليا تشتغل واني مطضره اكول للمديره اذا مترجع للشغل تفصلهة
مهيمن: فصليهة اصلا بعد متشتغل هنا
سما: انت شو بكيفك تحجي
مهيمن: روحي اختي خلص زوجتي بعد متشتغل وخزرت سما
سما: اجتي فاطمه شاورتني
فاطمه: سما كليله اي وخلي يروح ترى راح ننفصل كلنه فدوه الكلبج
سما: ماشي مهيمن عود من ارجع للبيت نحجي
مهيمن: ماشي اني حنتظرج هنا
سما: اني رجعت للشغل كوه قنعت هاي متحجي عليه ويطردوني وهذا الخبل مهيمن ظل امكابلني وكاعد وامه راحت ازور طبعا سلمت عليهة بس هيج كانهة وحده غريبه
ميس: سما اني اكول سامحي ورجعي وياه لان مبين يحبج حيل
فاطمه: اي يحبهة بس هي غبيه ترى حقه هو رجال وشاف مرته خاينته شتريدين يسوي
سما: بس اني مخنته
فاطمه: ندري بس هو جان اباله وصح ترى محد يصدك سالفتج لان انتِ فطيره وتقشمرتي
سما: بس هو المفروض يعرفني اني صار شكد عايشه وياه المفروض يصدكني
ميس: لو ممصدكج جان موتج اول معرف مجان اكتفه بس برزالتج وكم ضربه
سما: هسه شنو ترى خربطتلي عقلي
فاطمه: اني واثقه من الي دا احجي الج ما اريد اذكر الماضي بس انتِ مشفتي من شاف تلفوني انو اني مخبرتج كل شي والله شسوه بيه يعني لو ميحبج جان مسوه شي بس اكتفه برزاله
سما: اوووف ذكرتيني بذيج الايام هن كملن شغل واني جنت بس افكر ارجع لا ميستاهل لا ارجع علمود ابني يربه بحظن ابو لا سما لتخترعين عذر النفسج حتى تبررين امنيتج بالرجوع اله ما اخترع بس اني ما انكر انو اني احبه حيل واموت بي شنو لعد نسيتي كل الي سواه لا ما نسيت بس اني اتغيرت واذا اتغيرتي لا يعني بعد ما اسمحله يغلط بحقي اوووي معليه بيج رجعي للذله يا ذله مهيمن صح جان كل مره يضربني بس يرجع ايداويني ويندم وحتى هل مره مبين الندم والرجاء بعيونه شسوي ارجع بشروط اي خلي شروط
رقيه: فتره الخطوبه اتعرفنه على بعض اني وخطيبي وحبيته بسرعه ونسيت مهيمن لان جان وهم اني واهمه نفسي بي مرات الشخص هلكد ميكول اني احب فلان فه دماغه يصدك هل شي ويكوم يهيئلة الاسباب والاحلام حتى الشخص يقنتع ب هل حب بس بلاخر من يدخل شخص ثاني بحياتك حتكتشف انو كلبك ما حب لان بالواقع ماكو حب بالخيال اني جان مهيمن بس بخيالي وقنعت نفسي احبه بس الحمد لله مسويت شي غلط اندم علي
علي صديق مهيمن : اتعالجت واني زين حاليا والاء انحكمت بالسجن مدى الحياه لان هي بالفعل اخر فتره اشتغلت يعني ساعدت بالمخدرات الحمد لله انو وعيت على نفسي دزيت رساله اعتذار المهيمن وكتله على الاء انحكمت بالسجن وسافرت خارج العراق اريد ابتعد عن سما حاولت انساهة
مهيمن: اجتني رساله قريتهة وكتله مسامح بس بعد ما اريد اشوفك وهو كال ادلل وراح الحمد لله الاء انتهت رجعت اباوع على سما
فاطمه: يله سما ترى خلص شغلنه شنو مناويه ترجعين احجي وياهة مترد اباوع طلعت مكابله مهيمن وتباوع علي وهو هم يباوع عليهة مبينين مشتاقين البعض وميكدرون بدون بعض ابتسمت واتندمت لان بيوم حاولت افرق بينهم خليت ايدي كبال سما يمعوده وين رحتي
سما: ها شكو
فاطمه: ماكو بس يله امشي نرجع للبيت لو ترجعين ويه مهيمن
سما: ما ادري انتِ شتكولين
فاطمه: اني اكول رجعي وياه لان انتِ عاقبتي صارلج ٤شهور بعيده عنه ما كافي عقابج ترى هو ما جرم بحقج
ميس: اذا متريدي اني اخذه ههههه
سما: حتى اذبحج
ميس: يمعوده شبيج تخزرين ترى اشاقه ثانيا اذا هيج تحبي وتغارين علي رجعي وخلصينه لان تعبنه من بواجيج نص الليل
سما: ماشي حرجع مدري جنت منتظره احد يشجعني على قراري
فاطمه وميس: باعي بس اثكلي علي شويه
سما: شلون يعني علمني انو ما ابتسم واضل ضايجه واكله ماشي طلعت اجاني مهيمن
مهيمن: يله حبيبي خلي نرجع
سما: ما ارجع وياك اني رايحه البيتي
مهيمن: حبيبتي كافي الله يوفقج رجعي وياي اني محتاجج
سما: كلمه محتاجج كالهة بكل صدك مكدرت ارفض اكثر واني هم محتاجتك
مهيمن: اففف يروح ابوج هسه شسوي احظنج المكان مو مناسب شسوي كليلي
سما: مدري مهيمن
مهيمن: روحه امري
سما: ردت اخليله شروط بس بعدين كلت ما افتح الماضي احسن هيج ماكو شي
فاطمه: اخويه دير بالك على اختنه ترى احنه بظهرهة لا اتاذيهة
مهيمن: ابتسمت الله يخليجن الهة
ميس: اي ترى والله اذا اذيتهة مره ثانيه ناخذهة وننهزم
مهيمن: لا ما اذيهة روحي هي
سما:واكفه بنصهم ومبتسمه الحمد لله صار عندي سند الي هنه اخواتي متندمت على انهزامي لان من خلاله اتعرفت على سند حقيقي حظنتهن وبستهن وبجينه ورجعت ويه مهيمن وامه الي بس اتبوس بيه مهيمن فرحان حيل دخلنه فندق ضل يحظن ويبوس بيه و ابطني محاسبني لان انهزمت اظاهر يدري بنفسه غلطان مفتحنه الموضوع نهائيا حسبناه من الماضي سئلني شلون اتعرفت على فاطمه سولفتله كل شي ابتسم ورجع باسني ونمنه حظنته حيل عبالك حيضيع مني مجنت مصدكه رجعلي وهم هم الليل كله منامه بس اني نمت
سما:بعد مرور ٤شهور ولدت ابني الاول سميته سند ومهيمن فرحان حيل واهله هم قبل شهر اجتي اخت مهيمن للبيت وقلقانه حيل وخايفه لحكتهة لكيتهة تدخل غرفتي كبل صحت ام مهيمن فتحنه باب غرفتي ولكيناهة تحاول اضم شي جوه الدوشك عاد امهة كلتلهة اسوين سحر الاخوج المهم ضربتهة وطردتهة واتبرت منه ومهيمن هم ومن حجه وياهة مهيمن وكللهة ليش سولفتله الحقد الي بداخلهة عاد مهيمن كللهم رفضته لان مو خوش ادمي طلع شراب عرك وعلي قضيه اغتصاب وشكد حاولت وياهم انو يسامحوهة رفضو عاد بعد مدخلت
نور: بعد ما عرفت اخويه ليش رفض يزوجني حبيبي ندمت حيل وطلبت السماح بس رفضو وجان رفضهم قاطع تبت وتندمت ورجعت الزوجي وحاولت احبه وانسه كل الماضي ونجحت
رقيه : ازوجت وكولش حياتي حلوه ويه زوجي نسيت كل تفصيل عشته بالماضي
الاء: حاليا اني بالسجن خلال هل فتره تندمت حيل على كل شي سويته وطلبت السماح من ربي بس ادري اني متاخره حيل عرفت حجم الغلط الي ارتكبته خطفت ابنيه صغيره من اهلهة ودخلتهة ملهى وسويت هواي اشياء موزينه
علي صديق مهيمن: الله وفقني ونسيت سما وازوجت وحده عراقيه عايشه بالدوله الي اني بيهة ومرات اذكر كلام سما من جنت احجي وياهة بالتلفون بس سرعان ما اتناسه هل اشياء واكول الله يوفقهة ماكو وحده نقيه مثلهة
سما: حجيت ويه مهيمن علمود يطلع جنسيه الميس كال ميصير اني الج كوه طلعتهة كتله زين ناخذ فاطمه الاهلهة ونخليهة تعتذر منهم ونفس الشي ناخذ ميس كوه وافق
فاطمه: كلت المهيمن وسما ابقو بره دخلت الاهلي امي حظنتني وتبوس بيه ادور على ابويه ماكو يمه ابويه وين بوكتهة سمعت الكارثه ابويه ميت من زمان امي كالت حجي الناس ميرحم وخاص اذا عرفو انتِ رجعتي فه اخذتهة وياي للبيت الاي امئجري ابغداد وبعنه البيت الي بلبصره بمساعده مهيمن هو تكفل بكل شي واخذنله ب بغداد بيت تركنه الايجار وانتقلنه البيتنه وعاشت ويانه ميس لان طلعو اهله ميتين واستمرينه بشغلنه بالامام الكاظم
سما: بعد مرور سنه قدمت سادس اعدادي والحمد لله نجحت بمعدل سبعين ودخلت كليه ترجمه انكليزي وابني صار عمره سنتين فدوه العينه يخبل ومهيمن البطل مالتي هاي سنه ثانيه اليه بالكليه ومحد يعرف مهيمني بس يعرفون مزوجه واني هم لا تقربت يم احد ولا تعرفت على صديقه ما اريد اكتفيت بالي عندي جنت دائما اراسل ميس وفاطمه فرحانه حيل لان مهيمن حيجيني للكليه اليوم المهم جنت انتظره سمعت عياط وركض رفعت راسي من الكتاب شفت شخص مدمه وكامش سجينه كل الطلاب انهزمو اني انصدمت وخفت حيل معرفت شصرف ظليت مصطكه بمكاني الامن مكدروله او ب الاحره جانو خايفين لان مبين مخبل اباوع ديتقرب باتجاهي خفت حيل ردت بس احد ينقذني طب مهيمن بكل هيبته و اتعارك وياه و بلاخر قبض علي وسلمه للامن بدون ميخاف من السجينه بوكتهة صدك فرحت لان عندي بطل مثله اجاني طلعت اكلينس مسحت الدم الي على شفته اباوع الطلاب كلهة اتباوعله فدوه البطلي
مهيمن: واني اروح فدوه للقويه الي واكفه لج شوفي الطلاب جانو كلهم خاتلين بس انتِ
سما: اي غير ابويه مهيمن علمني
مهيمن: يروحلج فدوه ابوج ام عيون الحلوه يله امشي بما انو اليوم اخر يوم الج امشي ترى حاجز الاربيل وناخذ سند ويانه
سما: صدك حبيبي فدوه فدوه
مهيمن: يله امشي نروح للبيت
سما: اي كلعاده خله ايده على خصري وايد كمش ايدي ومشه وهو رافع راسه كانما يكوللهم ترى هاي مرتي وافتخر بيهة
سافرنه وكولش اتونسنه الحمد لله انتهى الحقد والكره وكل شخص تاب ورجع الربه بعد مرور سنتين خلصت كليه وابني حبيبي صار عمره 5 سنوات كولش متونسين وياه خلصت كليه ومهيمن مقبل اشتغل يكلي اني اكفي واوفي وافقت علمود ابني لان حسيت قصرت وياه من جبته حد هسه جنت ملتهيه بالدراسه حاليا اني افتخر بنفسي لان كدرت احقق حلمي وادرس
احب اكول الكل الي قره قصتي لتهتم للناس الي تحقد عليك لان يجي يوم ويرجعون الربهم ويكتشفون اغلاطهم ومهما كنتِ تعيشين بحياه صعبه فه تكدرين تحققيين ذاتج لا تكونين ضعيفه ولا تكونين قويه بتسلط وازني بين القوه والبساطه سامحي مو علمود احد لا علمود نفسج لا تاخذين حجي غيرج اذا جان ضار اقتنعي ونفذي
لهنا وتنتهي قصتي اتمنى تعجبكم
فقره اسئلة
١. شنو الشي الي اتعلمتي من القصه
٢. هل اكو شي ناقص نسيت اذكر بالقصه
٣. رئيكم بالي حجته رقيه عن حب الخيال
انتهت القصه ببدايه العيد كل عام وانتو ب الف خير ان شاء الله يتحقق كلشي ابالكم بس اسعو وهو يتحقق
لا نقول الى اللقاء بل نقول وداعا كانت وياكم كاتبه القصه (غيمه)
استمتعت وياكم وجنه كلنه عايشين بالقصه اني عشت كل تفاصيلهة الفرح والحزن مدري شكوللكم بس راح اشتاق للقصه والكم
#مقتطف_عن_التكملة
سما: هذا اصعب يوم بحياتي من شفت ابوية مدمه كدامي من شفت ابوية متمدد بالسدية اخخخ لك بابا اكعد بااابه شوف شوف سند يريدك بابه اكعد
ام مهيمن:ماما على كيفج هسه يكوم ابني مابي شي مابي لتفاولينه
مهيمن: فتحت عيوني داير مدايري اجهزه ولكيت امي واكفه وحده يمهة ما اعرفهة بس حلوه يمه
سما: درت وجهي من سمعت صوته باوعت علي جاي اتقرب احظنه جان يكول
مهيمن: منو هاي واني شصارلي
سما:فتحت عيوني بوسعهن شنو يعني مهيمن اني سما سما اني
مهيمن: شبيج لج ليش اصيحين ما اعرفج طلعي بررره يله
سما: باوعت بعيونه بقهر ونزلت دموعي درت وجهي وطلعت
ام مهيمن: يمه شبيك هاي زوجتك حبيبي
مهيمن: يمه بله شقه اني هسه اريد اطلع منا وثانيا اني شنو صارلي ليش مجاي اذكر شي
ام مهيمن: خفت حيل طلعت
سما: اخخخخ حظنت ابني جان يم علي من سئلني كتلة ديحجي ويه خاله شويه وادخله كعدت واحجي ويه ابني بهمس لك مامه سند ابوك نكرني لييييش هيج يسوي بيه لك مامه ابوك صيح عليه
ام مهيمن:كلت العلي ابني جاب الدكتور فحصه بعد ما طلعنه
الدكتور: االمريض فاقد الذاكره جزئيا اخر فتره من حياته ميذكرهة
سما: شنووو
لهنا ويخلص المشهد
#شوية_من_حياة_مهيمن_وسما
نبلش بتذكير من الاحداث السابقة
سما: اي ،،، كلعاده خله ايده على خصري وايد كمش ايدي ومشه وهو رافع راسه كانما يكوللهم ترى هاي مرتي وافتخر بيهة
سافرنه وكولش اتونسنه الحمد لله انتهى الحقد والكره وكل شخص تاب ورجع الربه بعد مرور سنتين خلصت كليه وابني حبيبي صار عمره 5 سنوات كولش متونسين وياه خلصت كليه ومهيمن مقبل اشتغل يكلي اني اكفي واوفي وافقت علمود ابني لان حسيت قصرت وياه من جبته حد هسه جنت ملتهيه بالدراسه حاليا اني افتخر بنفسي لان كدرت احقق حلمي وادرس
سما: استمرت ايامي عادية كاي يوم انتو عشتو ويايه مليان رومانسية من حبيبي مهيمن والي زادهة غيرته من سند هواي وبشكل جبير يغار منه (حجيه بينه اني هم اغار من ابني ) وهسة اني واكفه اسوي غده لان حبيبي على جية
مهيمن: بهاي الفتره مصار شي غير ابوية حالته جانت اسوء واتوقعوله الدكاتره ميطول ويحتاج عملية اسرعنه وسفرنا هو وعلي وامي واني اتكفلت بكل المصاريف لان مكدرت اروح وياهم علمود شغلي وباقيلهم 5 ايام ويرجعون لان العملية نجحت الحمد لله بس خايفين خاف تصير مضاعفات المهم عفت تفكيري ب ابويه من باوعت للساعه وقت طلعتي هذا اخذت سويجي وتلفوني وسلاحي خليته بخاصرتي وطلعت كلبي نار على سمائي مشتاقلهة سقت سريع وبعدني هستوني فتحت الباب جيتت بحظني شلتهة وافتر بيهة اووف يروح ابووج
سند: بابا
سما: بابه احبك وضليت مجلبه بركبته وابوس بي
سند: ماما
مهيمن: حبيبتي مو كانو اكو احد ديحجي انتِ دسمعين شي واني مبتسم باوعت
سما: درنه وجهنة سند واكفه ويبجي بهدوء ديوخرني مهيمن ويروح على سند ما والله ما مهيمن ما
مهيمن: شنو حبيبي شبيج
سما: متحظنه ومعليك بي ما
مهيمن: لج حبيبي لعد شلون مو دشوفي يبجي
سما: والله معليه جذاب هذا هيج يسوي لان تراهنة اني وياه كتله هسه بابه يحظني اليه مو الك وهو هسه يريد ياخذك مني معليه يله
مهيمن: لج حبيبي خلي اشوفه خطيه باعي شلون زعلان
سما: شو عافني وراحله اني هم عفتهم اثنينهم ودخلت جوه بس صدك انقهرت دمعت عيوني واجه سند يعيبلي بحلكه وكامش ايد ابو متتت متحملت عطت بي سند عوف بابا
مهيمن: لج ليش دصيحين هاا شو متحترمين
سما: غصيت بالبجية دنكت راسي كتله اسفه وركضت الغرفتي سديت الباب وكعدت حظنت نفسي وابجي دائما يصيح عليه دائما وانوب كدام ابنه يريد يقوي عليه كمت ختلت مريد يدخل ويشوفني
مهيمن: اباوع شو هذا سند يضحك لا يا طايح الحظ على هل سالفه شفت كله من وراك زعلت امك واني مشتاقلهة شكد دماغسز انت
سند:بابا جبس
مهيمن: اجيبلك بس اليوم متنام يمنه
سند: اي بابا
مهيمن: ابتسمت اييي اليوم اخذ راحتي بسته بابا حبيبي اني هسه تعبان بليل نطلع اني وياك وماما
سند: ماما لا
مهيمن: ليش ولك
سند: ماما وتحه(وكحه)
مهيمن: ولك وتالي معليك بيهة اني اروضهة ابتسملي لان ميعرف شكاعد احجي اني المهم باباتي امشي انروح انراضي ماما يله ابني البطل
سند: اي
مهيمن: حجيت بكلبي سبحان الله نفس الاي مال امه هم يكولهة بحماس شلته الكلبي بسته ومشيت الامه اميرتي الحلوه وين خاتله فتحت الباب اني سمعت صوت بجيهة بس من حجيت هي حاولت تسكت يله باباتي وينج
سند: باباتي اينج(وينج)
مهيمن: لك فدوه لليقلد باباته
سما: من سمعته هيج يكول السند طلعت من وره البرده ما احبك انت وياه خليت ايدي على وجهي وابجي بقهر
مهيمن: ليش ياروح ابوج ليش متحبيني شسويت اني نزلت سند من حظني ورحت حظنتهة واحجي وياهة ،،وهذا سند شسوي يقلدني
سما: بابه ما اريدك روح روح
مهيمن: ليش حبيبي ما اروح وانتِ زعلان مني كلبي شبيك يحلو
سند: ماما تبيج(شبيج)
سما: ولي مني ما احبك
مهيمن: يبووو حجيت بكلبي ذولي شلون بيهم اصالح واحد يزعل الثاني لج بابه بس فهميني منو وياج
سما: اشرت بصبعي على سند وكتله هذا
مهيمن: اباوع سند واكف ويسويلهة حركات ب ايده ويضحك ابتسمت على المخابيل العندي
سما: بس باوع بابه شلون يضحك عليه لان انت تحبه ومتحبني
مهيمن: اششش خليت اصبعي على شفتهة لتكولين متحبني هيج دجرمين بكلبي ومشاعره لان اني ميت بيج وعليج انتِ هواية وخليت راسي بركبتهة اتنفسهة
سما: جسمي رخه بس اذكرت سند واكفه حجيت بهمس بابه سند واكف ديباوع
مهيمن: كبل صحيت لا يا ابن الكلب شكو واكف مدكلي دومك كاطع اللحظه اني صوجي خلفتك باقي بكيفي مو احسلي اوووف اووف
سند: هههههه بابا عصبي
مهيمن: اي ابن الكلب مكيف يله لك امشي روح باوع كارتون
سند: بابا اريد توني(تلفوني)
مهيمن: هاك انطيته تلفوني بس روح بس روح هف راح درت وجهي على سمائي
سما: هذا كله كلامه ويه ابنه واني حاصرني بين جسمه وميقبل يعوفني
مهيمن: اميرة مهيمن بعدهي زعلانه
سما: امم
مهيمن: منين تريد اراضيهة
سما: اشرت على شفتي
مهيمن: بستهة وبعد
سما: اشرت على ركبتي
مهيمن: كمشت خصرهة وقربتهة حيل مني وبستهة وبعد
سما: متحملت ماعت روحي بين ادي
مهيمن: شبيج حبيبي شكو سما شلتهة وخليتهة على السرير بابه فتحي عيونج كوه فتحت شبيج حبيبي شنو الصار
سما: ما اتحمل لمساتك روحي تذوب بابه
مهيمن: يروحه البابه تقربت وبست صدرهة
سما: باوعت للساعه عزه حبيبي ساعه ٣ضبط كوم حبيبي اسبح حتى اصب غده اوووي حبيبي اني اسفه انت اجيت من الشغل واني ضوجتك
مهيمن: اكو واحد يضوج من هواء
سما: بسته سريع من شفته وكمت واني اركض بابه ملابسك بالحمام والمي جاهز وشمرتله بوسه بالهوه
مهيمن: ضحكت ورحت سبحت وكعدت على الطاوله بالمطبخ
سما: كمل الغده صبيت وصحت سند مقبل الا تلفزون لكيته ذاب التلفون مال مهيمن ميريده اخذته خليته بصدري وجبتله طبله مالته وماعون بي اكل وهو يعرف ياكل بس يخربط شوي كلت عادي امسح وراء
مهيمن: بابه وينج
سما: اجيت حبيبي جبتله مي المهيمن وجاي اكعد عاط
مهيمن: شوكت عاد تحفظين مكانج وثانيا شنو هذا البصدرج
سما: نزلت راسي واني افرك ب اديه بابه نسيت واشرتله انو سند ليسمع
مهيمن: اششش لتحجين وتعاي لحظن بابه
سما: رحت بحظنه كعدت وهو وكلني اني ويا بخاشوكته ميقبل نستعمل اثنين واني جنت كامشه ايده الي جانت على بطني
مهيمن: كملت كوه وهي تتحارش بيه تمرر اديهة على ايدي وزندي متحملت رفعت ايدي على صدرهة من جوه الفانيله
سما: آه بابه لا
مهيمن: اششش صوتج
سما: تاذيني
مهيمن: لا
سما: وخر التلفون
مهيمن: ليش بصدرج بابه كم مره كتلج يتاذه لتخلين بي شي
سما: حبيبي مو اخذته بسرعه خفت خاف ينتبه سند عليه
مهيمن: ميخالف بابه ما اريد هلشي ينعاد لان باعي
سما: وخر الفانيله من جهة صدري
مهيمن: باعي
سما: باوعت صدك احمر صاير من الضغط مال تلفون اممم
مهيمن: كملت كومتهة غسلت وغسلتلهة وهي راحت على سند غسلتله اني رحت نمت بعد ما شربت جايي
سما: كملت كلشي سئلت سند ميقبل ينام تاكدت من قفل كل البوب وصعدت سند ويايه بغرفتنه فتحت التلفزون وقفلت الباب ورحت سبحت بسرعه ولبسته شورت وفانيله ونشفت شعري بالحمام وخليت مخمريه ورحت بحظن مهيمن
مهيمن: حظنتهة حيل حيل وشميتهة اوووف راح اضل كل ما تجين يمي افز
سما: مدري حبيبي بعد ما اجي
مهيمن: لا باباتي يفز كلبي لان يعرفج من تنامين ويريدج تتقربيله وتدخلين بي ضميت راسهة بصدري اااوف شكد احبج اميرتي
سما: بعد محسينه بشي شويه وحسيت على سند يدغني ها ماما
سند: اريد انام امج(يمج)
سما: تعال ماما باوعت اوكف طفيت التلفزون جانت ساعه 5 الا ربع العصر خليت راسه على ايدي ومهيمن مخلي ايده على بطني سند بس يحوص ها ماما شبيك متنام
سند: اريد ممه
سما: طلعتله صدري خلاه بحلكه ونام هذا التعلوم ابد ميعوفه ومخبل مهيمن بس ميقبل يموت بجي اذا منطيته وميقبل ينام هسه اذا شافه ابو يضل يصيح اوووف الله كريم خلي ينام و اوخره وبعد محسيت شوكت نمت
مهيمن: كعدت ساعه6 ونص مغرب صايره فتحت الضوه اباوع الجلب ابني نايم ومخلي صدر سما بحلكه ابن الكلب ابن السكط ميجوز هذا مو كم مره عطت بي تخبلت كمت وشلته خليته من جهتي واني رحت مكانه كوه دحست نفسي
سما: ماماتي كافي تحوس نام ضميت صدري وطلعت الثاني وخليته بحلكه
مهيمن: بسته قوي هي فزت
سما: اوووي هاي انت شسوي هنا
مهيمن: لتغيرين الموضوع احسابج عندي سما بسيطه تنطي صدرج مو اني مو منعتج لو يموت هم لتنطي شكلت
سما: اش حبيبي اسكوت خطيه نايم سند
مهيمن: انعل ابو سند بت الخ استغفر الله منك يلساني
سما: من صدك صار اعصاب واني هم بديت اضوج من طبع سند كافي بابه والله بعد ما اعيدهة والنبي شبيك حبيبي كافي واني ابوس بوجهة بكل مكان
مهيمن: لتفقديني اعصابي هيج نومه بعد مينامهة ابنج غرفته بصف غرفتنه ينام هناك بعد ممنوع هنا هو رجال لازم يتعلم وحده لتخلي ايخاف فاااهمه
سما: اي بابه اي وخليت راسي بركبته بس من هاي الحركه يهدء وظليت اتنفس بيهة وبستهة حيل خليتله اثر
مهيمن: لج لا سما رحت ركض للمرايه لا ي الله لج شسويلج احجي شسويلج
سما: بابه والله طيبه ومحسيت على نفسي اسفه
مهيمن: هدئت شويه كليلي هسه شسويلج
سما: سويلي مثلهة
مهيمن: اتعرفين وين الاماكن الاحبهن مو
سما: ما حبيبي ما اممممم ما
مهيمن: يله مو هسه وره العشه ليلتنه طويلة
سما: ماشي بابي صلينه ثنينه وهو كعد سند والتهة وياه واني سويت عشه وتعشينه وخلصنه
مهيمن:درته على الاخبار ربع ساعه واجت سما وياهة سند والجاي لان طلبت كلاص ثاني
سما: صبيتله جاي وره شويه راد الثاني عاد كملت امواعين وهذا سند جواي يتنعوص يريد كارتون ومهيمن دايره على الاخبار كتله هسه نروح ناخذه من بابه
سند: اي
سما: دخلت اني وابني انطيته الجاي شربه بثانيه خلاني صافنه بوجهة
مهيمن: شبيج حبيبي شنو اتصالحتوا انتِ وابنج
سما: احنه منزاعل مو سندي
سند: اي ماما
سما: شو حبيبي وخرت ادين مهيمن وكعدت بحظنه يله سندي تعال اجه جيت بحظني
مهيمن: بابه شبيكم
سما وسند: انريد كارتون
مهيمن: ماكو لكم دا اباوع اخبار
سما وسند: بابه حباب
سما: عليك النبي بابه
سند: اليك النبي بابه
مهيمن: استغفر الله اخخ كلبي جنت بواحد صرت باثنين
سما: بابه يله عاد لضوجني
سند: اي مهيمن لضوجني
مهيمن وسما: باوعنه واحد للاخ وضحكنه
مهيمن: لا يا كلب هذا منو معلمك
سند: امو(عمو) علي
مهيمن: لا يا صكط يا علي
سما: كل هذا واني اضحك
مهيمن: عاجبج ولج ابنج يصيحلي ب اسمي
سما: اي بابه لتصير معقد عادي سندي صيحله هيمو همهم همهوم
مهيمن: لج وفتحت عيوني دير بالك اصيحلي بهل اسماء مالت امك اذبحك هو صفن واشر براسه لا عفيه بابني
سما: اي احسن حتى بس اني اصيحلك بيهم
مهيمن: صيحي وشوفي
سما: هيمووو حجيتهة بدلع
مهيمن: من دنعل عشيرت هيمو
سما: ههههه بابه شبيك
مهيمن: خليت ايدي على شفتهة وبست ايدي احبج يبعد مهيمن وعشيرته
سما: احم احم غطيت عيون سند لان مبحلق علينه وبست مهيمن من شفته ووخرت من حظنه يله ماما سند خلي نروح ونخلي بابه يباوع اخبار وحده شاورته السند انو نروح نسبح لان مهيمن ميقبل نسبح سوه غير يموتني
مهيمن: كامو اثنينهم اي عفيه بجهالي هسه شويه واطلعكم
سما وسند: اي
مهيمن: اروح فدوه لل اي التطلع منكم سما كبل ضاجت اقصد منج وبس منج وبس حبيبي انتِ
سما: ابتسمتله ودزيتله بوسه بلهوه وكملنه مشي اني وسند صعدت فوك اختاريت ملابسنه ودخلنه للحمام ضلينه نلعب اني وسند بلمي
مهيمن: شو ذولي صارلهم هواي ساكتين وفوكاهة مرادو كارتون خلي اكوم اشوفهم صعددت فوك واسمع ضحكهم دكيت الباب
سما: بتردد على خوف منو
مهيمن: لج فتحي الباب خلي اشوفج شلابسه دا اطيح حضج اليوم
سما: باوعت على نفسي بس بالداخليات خفت حيل لبست دشداشه قصيره عسريع وفتحت الباب ها بابه جاي اسبح سند
مهيمن: وليش كلج مي
سما: مو سند ديشمر عليه مي
مهيمن: اذا اتحركتي انهيج فهمتي
سما: جان يحجي بجديه وعيونه تخزرني دخل ايده بصدري
مهيمن: عصرت صدرهة نزل مي من الست ها سما والي يشمرون عليهة مي يتبلل بس الداخلي متتبلل الدشداشة بسرعه طلعي سند
سما: مكمت اندل طريقي اي رجعت للحمام وهو واكف فوك راسي بس يعيط عاد لبست سند شلون مجان وهو اخذه مني وطلع
مهيمن: انتظري شويه وجايج دا اشوفج شلون تكسرين كلمتي
سما: متت خوف لان ضل يسب وهو من يسب يعني وصل مرحله بالغضب اففف يا شسوي
مهيمن: هاك بابه هذا تلفون هسه اجي لتتحرك منا علمود متتمرض
سند: ايي
مهيمن: فتحي الباب ولججججج
سما: ها مكدر شامبو يدخل بعيني
مهيمن: فتحي الباب كلت
سما: عزه والله انرعبت كبل فتحتهة
مهيمن: اني شحجيت هاا
واني اتقدمت باتجاهة
سما: ها شنو حجيت مدري والله
مهيمن: كتلج ابنج متنزعين كدامه لو لا سما لا تفقديني اعصابي شنو متدرين
ما: والله اسفه
مهيمن: اششش ولا كلمه بسرعه كملي وطلعي عفتهة وطلعت من البيت كله اول شي ابنهة كبر ودينتبه وميصير كتلهة الف مره ميصير ابنج تنفتح عيونه على هيج اشياء لا تلبسين كدامه ما اكول اني مغلطان اني هم اغلط كدامه من ابوس سما بس شي عن شي يفرق
سما: اففف يا زعل يربي شسوي هو يكلي حرام بس هذا ابني شنو حرام خلصت وطلعت انتظرت مهيمن صارت ب11 بليل وهو ماكو نومت سند بغرفته ومنطيته صدري كلت لازم اعلمه شبي هو من جان صغير كولش مو هيج عادته شبي على كبر بس اني صوجي
مهيمن: رحت يم اصدقائي للكوفي اقترحو نشرب اني رفضت وعفتهم اتصلت على اهلي كالو باجر راجعين العصر علساس حاجين ويه الدكتور وكايللهم ماكو شي بعد وحجزو وباجر اقرب موعد ضليت بالكوفي وحدي انركل
سما: صارت ب 12 بليل وهو ماكو اتصلت هم ماكو ضليت بقلق ونوب وحدنه بالبيت اوووف يااا صارت 12ونص دخل مهيمن للغرفه ويا كومتي طفت الكهرباء حجيت بصوت خايفه باباتي وينك
مهيمن: اششش لتخافين وحظنتهة
سما: ليش تعوفني بابه اني كافي عليه فراكك من تروح للشغل وانوب ما اشوفك حتى بليل والله مو قصدي اضوجك بتصرفاتي بس اني ما اعتبره حرام انت من تكلي على شغله متفسرلي ليش حرام قابل شحيصير كبل تكلي لسوين
مهيمن: لتبجين حبيبي خلص اني اسف يمكن اعصابي نار من الشغل وبعد اشرحلج يله امنعج من شغله حبيبه ابوهة قابل اني امنعج اريد مضرتج غير انتِ بنتي واريدج احسن الناس يا عمري
سما: اي بابه شلت نفسي وهو خله ادي ساعدني وصلت الركبته كوه واكفه على رجلين مهيمن بستهة وخلصت الليله وثاني يوم نفس الروتين بس الاختلف العصر اجوي اهل مهيمن وباجر دوام مهيمن اففف
مهيمن: خابروني الصبح يريدوني اطلع ويه الجنود لبغداد لان اكو عمليه اني جنت مراقبهم والحد هسه فه لكيت مكانهم واجاني امر لازم اني انفذ وافقت لان مجهز حتى الخطة كلت بيني وبين نفسي السالفه هاي اطول 3 ايام لازم اخبر اهلي وسما اوووف شيقنعهة يله بليل اكللهة
سما: خلصت عشه وصبيتلهم جاي وفرحانين بعمي المهم سولفنه شويه جان يحجي مهيمن انو حيروح كبل رفعت راسي جان يباوع عليه باوعت بعيونه واشرت براسي ب لا وكتلهم عن اذنكم وصعدت نومت سند ورحت الغرفتي بدلت ورحت السريري تغطيت حتى راسي وحجيت بداخلي ما راح اسمحلك تروح مو يوميه هي انت وعدتني بعد متبات بره البيت
مهيمن: كوه سكتت كدام اهلي لان بعدني ممكمل كلامي وهي صعدت اني اعلمج فتحت الباب حيل لج شو انتِ ابد متحترمين صايره
سما: شسويت
مهيمن: ضربتهة راجدي لصيحين كم مره اعيد كلامي
سما: ما احبك بعد لو تموت فاهم اكرهك اطلع من الغرفه ما اريدك
مهيمن: متاكده سما لو اموت
سما: اي اطلع اكرهك
مهيمن: عفتهة ونزلت نمت بالاستقبال كافي عاد كل مره اسامحج على اغلاطج اني اديرين وجهج وتتجاهليني بسيطة
سما: متت بجي وتندمت معبالي يزعل هو صح ضربني بس كولش على كيف كانما ديذكرني بكلامه مو قصده يضرب ضرب محسيت الا واني نايمه من التعب
مهيمن: اخذت غراضي الصبح وطلعت بس ما يهونلي بست راسهة وراس ابني وكتلهة بكلبي بيباي يروحي رحت هناك دزيت رساله الاخويه راح اغلق التلفون واحتمال ما اكدر افتحه منا لمن ارجع فد 3 ايام وسديت التلفون والتهيت بشغلي ارتب الخطه للهجوم
سما: كعدت ادور علي ماكو سئلت امه كالت ماكو عاد متت بجي اخابر علي ماكو كوه اشتغلت اجه اخو مهيمن ثاني يوم كال ميفتح خطه هو دازلي رساله كال لتقلقون اوف ياربي بقن بس يومين التهيت ويه سند وابن علي ومرته وبشغل البيت بحيث بليل اكون تعبانه حيل افكر شويه وكبل انام
مهيمن: خلصت قبل يوم ونجحت الخطه ولزمناهم وهسه اني بطريق الرجعه للبيت دا امشي سريع لان مشتاق هووواي جانت دنيا ليل وشارع تقريبا فارغ يعني اكو سيارات بس قليل فه مشيت 180 وكمت اصعد بالسرعه الا ان شفت ضوه كدامي مال تريله خففت بس ملحكت ويه الهورن بس الظاهر ابو الاتريله نايم شمرت السياره على اليسره اكثر ما احس الا انكلبت السياره بس بعدني صاحي اجه شخص طلعتله التلفون كوه من جيبي وفتحته كتله بصوت كوه ينسمع خابر اهلي وفقدت بعدهي
علي : خابروني ساعه3 بليل الووو ها مهيمن
شخص: اخي صاحب التلفون مسوي حادث وهو بمستشفى
علي: اتخبلت طلعت بسرعه بعد ما حذرت زوجتي تحجي اي حرف اني جنت بايت ابيت اهلي وصلت للمستشفى وانتظرته مدخلي للعمليات 3 ساعات يله طلعو والحمد لله زينه حالته رحت الصبح اخذت امي على صفحه كلت لازم اكوللهة هي وسما بس ما اريد ابويه يعرف لان موزين علي خاف يتخربط يمه بدلي وتعاي انتِ وسما بسرعه
ام مهيمن؛ ليش يمه اشصاير شكو
علي: ماكو بسرعه دا اكلج بالسياره احجيلج واشرتلهة على ابويه سكتت وبدلته طلعنه كتلهة لو كلبت الدنيا هي وسما وصلتهن للمستشفى
سما: هذا اصعب يوم بحياتي من دخلت للمستشفى وشفت ابوية مدمه كدامي من شفت ابوية متمدد بالسدية اخخخ لك بابا اكعد شوف سند يريدك بابه اكعد اخخ يربي هو زعلان مني وطلع اوف بس لو يرجع الزمن والله ما اخلي يطلع ما اخلي يزعل خرب بيه ظليت الطم وامه تهديني
ام مهيمن:ماما على كيفج هسه يكوم ابني مابي شي لتفاولينه
مهيمن: فتحت عيوني داير مدايري اجهزه ولكيت امي واكفه وحده يمهة ما اعرفهة بس حلوه يمه
سما: درت وجهي من سمعت صوته باوعت علي جاي اتقرب احظنه جان يكول
مهيمن: منو هاي واني شصارلي
سما:فتحت عيوني بوسعهن شنو يعني مهيمن اني سما سما اني
مهيمن: شبيج لج ليش اصيحين ما اعرفج طلعي بررره يله
سما: باوعت بعيونه بقهر ونزلت دموعي درت وجهي وطلعت
ام مهيمن: يمه شبيك هاي زوجتك حبيبي
مهيمن: يمه بله شقه اني هسه اريد اطلع منا وثانيا اني شنو صارلي ليش مجاي اذكر شي
ام مهيمن: خفت حيل طلعت
سما: اخخخخ حظنت ابني جان يم علي من سئلني كتلة ديحجي ويه خاله شويه وادخله كعدت واحجي ويه ابني بهمس لك مامه سند ابوك نكرني ليش هيج يسوي بيه لك مامه ابوك صيح عليه
ام مهيمن:كلت العلي ابني جاب الدكتور فحصه بعد ما طلعنه
الدكتور: المريض فاقد الذاكره جزئيا
سما: شنووو لا شنو يعني ضليت اصرخ وابجي
علي: اتخبلت شنو يعني دخلت على مهيمن باوعلي اخويه حبيبي شبيك وحظنته
مهيمن: شكو لك مابيه شي شبيك مثل النسوان تبجي
علي: لك مو يكولون فاقد الذاكره شنو مو هياك تذكرني
مهيمن: ب الله انت صدك عار لك مو كالولك فاقد الذاكره جزئيا
علي: يعني شنو
مهيمن: هم بعده يسئل يعني اني ما اذكر اخر فتره مثلا زواجي من سما ما اذكرهة
علي: ضليت امفهي بوجهة
مهيمن: لك اخخ بس غبائك ضربته على راسه
علي: اخخ شكو اضرب ترى اني كبرت وعندي ولد وانت بعدك تدمغني اكولك صدك انت مو كلت ناسي مدري فاقد الذاكره اشو تذكر سما لعد شبيهة كامت تبجي
مهيمن: اي اني سويت هيج واتفقت ويه الدكتور اريد اسوي جره اذن السما لان متسمع الكلمة
علي: لا يا كواد وهيج تخوفنه عليك خلي اروح اكوللهم
مهيمن: اوكف كلب لتحجي بس صيح امي اني اكوللهة دخلت امي كتلهة غمتني وطلعت ههههه عاد دخلولي سند وسما تعال يروح ابوك
سما: صفنت شنو يعني يذكر سند فرحت واني
مهيمن: انتِ منو مو كتلج طلعي
سما: ما اطلع لك انت شلون تنساني ومتعرفني
مهيمن: اي ما اعرفج منو انتِ
سما: هسه اني اكلك منو ماما سند اطلع شويه طلع قفلت الباب
مهيمن: هاي شبيج انتو هيج الدكتورات مستخفات شنو قفلتي الباب ليكون راح تغتصبيني ههههه
سما: انت شلون تكلي هيج اني مرتك يا حقير
مهيمن: انجبي لتغلطين كتلج ما اعرفج
سما: اني اخليك تذكرني تقدمت وكمشته من ركبته وبسته من شفته مثل اول مره علمني
مهيمن: كوه لزمت نفسي حتى ما اتفاعل وياهة
سما: فصلت البوسه وهسه بعدك ناسيني
مهيمن: بابه انتِ متستحين هيج تبوسيني شبيج حاميه خلي اطيب واخذج للشقه
سما: اني اعلمك شقه مو شقه
مهيمن: اي تروحين اني برسم الخدمه للحلوات
سما: رجعت بسته من شفته حيل وضليت ابوس بيهة واعض وهو متفاعل ابد وبلاخر نزل دم من شفته وهسه تذكرني
مهيمن: حبيبتي صايره عنيفه منو علمج
سما: انت
مهيمن: جريتهة وبستهة حظنتهة ظلت تبجي بحظني وتعاتبني
سما: ليش هيج بابه والله ردت اموت ليش دسوي هيج بيه
مهيمن: كوه رضيتهة هسه عوفي هاي انتِ اكيد احد كايلج اني مبيه شي لان ردت فعلج مو طبيعيه
سما: امم بس مسوي شي
مهيمن: ما اسوي احجي منو كلج
سما: علي كالي بس كالي لتكولين حباب لتكوله
مهيمن: اخخ بابه اني واخويه نصافه لتاكلين هم
سما: اي بابه اتمددت بصفه شفته اتالم كمت
مهيمن: رجعي
سما: ما
مهيمن: اخخخ رجعي بابه لتوجعيني
سما: رجعت
مهيمن: حبيبي ابنج وين
سما: علي كال حودي هو وامي للبيت
مهيمن: ماشي بابه شنو نعسانه
سما: لا بس بردانه وحظنك دافي
مهيمن: بست راسهة شويه واندك الباب دخل علي كتله اصطبرلي بس اكوم عاد العصر كتله رجع سما كوه قبلت ضلت تبجي
سما: علي والله ما اروح روح انت حباب واني اكول المهيمن كوه قنعته هو راح واني رجعت للغرفه لكيته مخلي ايده على عيونه تقربت
مهيمن: سما شكلت اني
سما: هف شمدريك اني هاي
مهيمن: اعرفج ولسئلين شلون
سما: ما معليه ردت افاجئك يله سوي نفسك متفاجئ راح اطلع وارجع ادخل من اوخر ايدك من عيونك سوي نفسك متفاجئ اب وجودي ماشي
مهيمن: اخخ يابه شداعيلي حتى وكعدت هل وكعه مدري انت مدري امي داعيتلي لج بابه هسه وكت لعب روحي للبيت شكلت اني
سما: ما ما ما معليه اصلا علي راح للبيت والله
مهيمن: خرب شرفك علي بس ارجع اذا ما اكتلك
سما: يله هسه شنو اطلع
مهيمن: لج تعاي نامي لا اكوملج
سما: ما الا اسوي نفسك متفاجئ يله انام
مهيمن: امري ال الله يله بله
سما: طلعت ورجعت دخلت لكيته موخر ايده ماا مهيمن
مهيمن: لج ها ها
سما: معليه يله لصيح عليه ما احبك
مهيمن: رجعنه ما احبك ما اريدك اكرهك طلعي سما وبعد لتجين
سما: ركضت علي لا لا بابه اني اموت عليك والله شوف وخليت ايده على كلبي شوف شلون يدك بقوه يمك
مهيمن: اروح فدوه الكلبج اتقربي ابوسه
سما: ما الا اسوي نفسك متفاجئ وها خلي ايدك على عيونك ومن اجي اني اوخرهة يله تتفاجئ
مهيمن: ربي صبر يله روحي
سما: دخلت ووخرت ايده من وجهة سوه نفسه متفاجئ بس شنو موتني ضحك مسوي بوجهة حركه اضحك عود معيب
مهيمن: ضحكت على ضحكتهة هههههه عاد اندك الباب وكالو الصوت والمرضه ومدري شنو كله من وره ابن الكلب علي (اي ابويه كلب 😂)جايبني مستشفى حكومه ما نقلني للاهلي يخاف على فلوسه يله بسرعه الحظن ابوج رفعت الغطه
سما: دخلت وياه للغطه بست جتفه وضليت احرك اديه بالهوه عود ارسم العاب الا ان نمت وهو نام وهاي جانت مختصر الحياتنه بعد ما خلفنه سند مثل ما طلبتو انتو ردتو احجيلكم عن حياتي اني ومهيمن اتعلمت شغله من الصار انو ما اخلي شخص غالي عليه زعلان يوم كامل اصالحه بسرعه لان اخاف الموت ياخذ هل شخص واحنه مو مدركين
نختم بصورة سما🥺 👇
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
