رواية فصلية لظالم الفصل الرابع والاربعون والاخير بقلم زينب نور
ﻻﺑﺖ ﺭﻭﺣﻲ ﻣﻦ ﺍﻟﻮﺟﻊ ﻛﻤﺖ ﺍﻣﻮﺕ ﻻ ﺧﻠﻴﺖ ﺷﻌﺮ ﺑﺮﺍﺳﻲ ﻭﻻ ﺧﻠﻴﺖ ﻏﺮﺍﺽ ﻳﻤﻲ ﻣﺎ ﻛﻄﻴﺘﻬﺎ ﻭﻻﺧﻠﻴﺖ ﺛﻮﺏ ﻣﺎ ﺷﻜﻴﺘﻪ
ﺭﺍﺡ ﺍﻣﻮﺕ ﻭﺭﺍﺡ ﺗﻄﻠﻊ ﺭﻭﺣﻲ ﻭﺟﻊ ﻣﻮ ﻃﺒﻴﻌﻲ ﺣﺘﻰ ﻟﻌﺪﻭﻱ ﻣﺎ ﺍﺭﻳﺪ ﻫﺬﺍ ﺍﻟﻮﺟﻊ ﺍﺑﺪ
ﻛﻤﺖ ﺍﺗﻮﺳﻞ ﺑﺎﻟﺪﻛﺘﻮﺭ ﻓﺪﻭﺓ ﺟﻴﺒﻴﻨﻲ ﺭﺍﺡ ﺍﻣﻮﺕ ﻓﺪﻭﺓ ﺍﺭﻭﺣﻠﺞ ﺟﺎﺑﻦ ﺟﻬﺎﺯ ﻗﻴﺎﺱ ﻧﺒﺾ ﺍﻟﻄﻔﻞ ﻭﺧﻠﻨﻪ ﻋﻠﻰ ﺑﻄﻨﻲ
ﻭﺻﻮﺕ ﻛﻠﺒﺔ ﻟﻠﻄﻔﻞ ﺑﺪﺓ ﺷﻮﻳﺔ ﺷﻮﻳﺔ ﻳﺨﻒ ﻛﺎﻟﻮ ﺗﻌﺐ ﻻﺯﻡ ﻧﻮﻟﺪﺝ ﻭﺇﻻ ﻳﻤﻮﺕ ﻭﺍﺫﺍ ﻭﻟﺪﻧﺎﺝ ﻫﻢ ﺍﺣﺘﻤﺎﻝ ﻳﻤﻮﺕ
ﻳﻌﻨﻲ ﻻ ﺗﻜﺪﺭ ﻧﺠﻴﺒﺞ ﻭﻻ ﻧﻜﺪﺭ ﻧﻌﻮﻓﻪ ﺑﻄﻨﺞ ﻳﺎ ﺍﻣﺎ ﻳﻤﻮﺕ ﺍﻭ ﻳﻤﻮﺕ ﺍﻟﻠﻪ ﻻ ﻳﻜﻮﻟﻬﺎ ﻛﻤﺖ ﺍﺑﺠﻲ ﺑﻬﺴﺘﻴﺮﻳﺎ
ﻛﺘﻠﻬﺎ ﻓﺪﻭﺓ ﺃﺑﻮﺱ ﺍﻳﺪﺝ ﺩﻛﺘﻮﺭﻩ ﻻ ﺗﺨﻠﻲ ﻳﻤﻮﺕ ﺍﺭﻳﺪﻩ ﻗﺒﻠﻪ ﺭﺍﺣﻮﻟﻲ ﺛﻨﻴﻦ ﻣﺎ ﺍﺭﻳﺪﻩ ﻫﻮ ﻫﻢ ﻳﻤﻮﺕ
ﻛﺎﻟﺖ ﻣﺎﻣﺎ ﺷﺒﻴﺪﻱ ﻋﻠﻴﺞ ﺭﺍﺡ ﻧﻮﻟﺪﺝ ﻭﻋﺴﺎ ﻭﻟﻌﻞ ﺑﻠﻜﻲ ﻭﺭﺑﺞ ﻳﻌﻴﺶ ﻭﻳﻨﻜﺘﺐ ﺍﻟﻪ ﻋﻤﺮ ﻭﻣﺎ ﻳﻤﻮﺕ
ﻛﺘﻠﻬﺎ ﻣﺎﻛﻮ ﻏﻴﺮ ﺣﻞ ﻫﺰﺕ ﺭﺍﺳﻬﺎ ﺑﻼ ﻛﻤﺖ ﺍﻋﻴﻂ ﺍﺭﻳﺪ ﻣﺎﻣﺎ ﺍﺭﻳﺪ ﻣﺎﻣﺎ ﻓﺪﻭﺓ ﻣﺎﻣﺎ ﺗﻌﺎﻱ ﺷﻮﻓﻴﻨﻲ ﺭﺍﺡ ﺍﻣﻮﺕ
ﺍﻟﺴﺴﺘﺮ ﻛﺎﻣﺖ ﺗﻤﺴﺢ ﺑﺎﻟﻌﺮﻙ ﺍﻟﺼﺎﺭ ﺑﻮﺟﻬﻲ ﻭﺍﻧﻲ ﺍﻋﻴﻂ ﻻﻥ ﺭﺍﺡ ﺍﻣﻮﺕ
&
.................
ﻳﻮﺳﻒ : ﻃﻠﻌﺖ ﺍﻟﺪﻛﺘﻮﺭﻩ ﻭﻛﺎﻟﺘﻠﻲ ﻫﻴﺞ ﻭﻫﻴﺞ ﺣﺎﻟﺘﻬﺎ ﻭﺗﺨﺒﻠﺖ ﻳﺮﺑﻲ ﻻ ﺗﻔﺠﻌﻨﻲ ﺑﻤﺮﺗﻲ ﺍﻭ ﺍﺑﻨﻲ ﺛﻨﻴﻨﻬﻢ ﺃﺭﻳﺪﻫﻢ
ﺍﻣﻲ ﻛﺎﻣﺖ ﺗﺒﺠﻲ ﻣﺮﺗﻀﻰ ﻭﺟﻬﺎ ﺻﺎﺭ ﺍﺻﻔﺮ ﻭﻳﺒﺎﻭﻉ ﻋﻠﻴﻪ ﺍﺩﺭﻱ ﺑﻲ ﺟﺎﻥ ﻣﻨﺘﻀﺮ ﺍﻟﻄﻔﻞ ﻣﺜﻞ ﺍﻷﺏ ﻳﻨﺘﻀﺮ ﻣﻮﻟﻮﺩﻩ ﻣﻮ ﻋﻢ ﻋﺒﺎﻟﻚ
ﻛﺘﻠﻬﺎ ﺩﻛﺘﻮﺭ ﺍﻟﻲ ﺗﺸﻮﻓﻲ ﺍﺣﺴﻦ ﺳﻮﻱ ﺑﺲ ﺍﻫﻢ ﺷﻲ ﺯﻣﺮﺩ ﻣﻴﺼﻴﺮ ﺑﻴﻬﺎ ﺷﻲ ﻭﻣﺎ ﺍﺭﻳﺪ ﺗﻤﻮﺕ
ﻛﺎﻟﺖ ﺍﻧﺸﺎﻟﻠﻪ ﻣﻴﺼﻴﺮ ﻫﺬﺍ ﺍﻟﺸﻲ ﺍﻧﻲ ﺭﺍﺡ ﺍﺳﻮﻱ ﺍﻟﻲ ﺍﻛﺪﺭ ﻋﻠﻴﻪ ﻭﺍﻧﺸﺎﻟﻠﻪ ﻳﻜﻮﻧﻮﻥ ﺑﺨﻴﺮ
ﺩﺧﻠﺖ ﺍﻟﺪﻛﺘﻮﺭﺓ ﻭﺃﺧﺬﺕ ﺭﻭﺣﻲ ﻭﻳﺎﻫﺎ ﺳﻤﻌﺖ ﺻﺮﺍﺥ ﺯﻣﺮﺩ ﻛﻌﺪﺕ ﻟﺤﻴﻠﻲ ﻣﺎ ﺍﺩﺭﻱ ﺷﺴﻮﻱ
&
..............
ﺯﻣﺮﺩ ﺣﻀﺮﻧﻲ ﻟﻠﻮﻻﺩﻩ ﻭﺍﻟﺴﺴﺘﺮ ﺧﻠﺘﻠﻲ ﻛﺎﻧﻮﻧﺔ ﻭﺿﺮﺑﻨﻲ ﺍﺑﺮ ﻭﺑﻠﺸﻦ ﻳﻮﻟﺪﻧﻲ ﻭﺍﻧﻲ ﺑﺲ ﺍﻋﻴﻂ
ﺍﺧﺮ ﺷﻲ ﻛﻤﺖ ﺍﻋﻴﻂ ﻛﺘﻠﻬﺎ ﺟﻴﺒﻴﻨﻲ ﻋﻤﻠﻴﻪ ﺍﺧﺘﻨﻜﺖ ﺑﻌﺪ ﻣﺎ ﺍﻛﺪﺭ ﺿﻠﺖ ﻳﻠﻪ ﻣﺎ ﻳﻠﻪ ﻣﺒﻘﻰ ﺷﻲ
ﻭﺍﻧﻲ ﺍﺩﺭﻱ ﺑﻴﻬﺎ ﺟﺬﺏ ﻻﻥ ﺍﺳﻤﻌﻬﺎ ﺗﺤﺠﻲ ﻭﻳﺔ ﺍﻟﻲ ﺑﺼﻔﻬﺎ ﻭﺗﻜﻮﻟﻠﻬﺎ ﻣﺎﻛﻮ ﺣﺎﻟﺘﻬﺎ ﺻﻌﺒﻪ
ﺿﻠﻴﺖ ﻋﻠﻰ ﻫﺬﺍ ﺍﻟﺤﺎﻝ ﻟﺤﺪ ﻣﺎ ﺣﺴﻴﺖ ﺗﻌﺒﺖ ﻭﻣﺎ ﺍﻟﻲ ﻃﺎﻗﻪ ﺃﺗﺤﻤﻞ ﺑﻌﺪ ﺍَﻱ ﺷﻲ ﻭﺗﻌﺒﺖ ﻭﻋﻴﻮﻧﻲ ﻛﺎﻣﺖ ﺗﻐﻮﺵ
ﺑﻌﺪﻫﺎ ﺳﻠﻤﺘﻬﺎ ﻭﻣﺎ ﺣﺴﻴﺖ ﺑﺸﻲ ﻭﻓﻘﺪﺕ ﺍﻟﻮﻋﻲ ﺑﺲ ﻛﻤﺖ ﺍﺳﻤﻌﻬﻦ ﻗﺒﻞ ﻻ ﺍﻓﻘﺪ ﻳﻌﻴﻄﻦ ﺑﺎﺳﻤﻲ ﻗﺒﻞ ﻻ ﺍﻓﻘﺪ
بيج قصص عراقيه حقيقيه من واقعنا.روعه الطائي
ﺍﻟﺪﻛﺘﻮﺭﺓ : ﺯﻣﺮﺩ ﺯﻣﺮﺩ ﺣﻮﻟﻮﻫﺎ ﺑﺴﺎﻉ ﻟﻠﻌﻤﻠﻴﺎﺕ ﺭﺍﺡ ﺗﺮﻭﺡ ﻣﻦ ﺍﻳﺪﻳﻨﻪ ﻃﻠﻌﺖ ﺍﺭﻛﺾ ﻻﻫﻠﻬﺎ ﻭﺑﻠﻐﺘﻬﻢ ﻭﻛﻠﺘﻠﻬﻢ ﻭﻃﻠﻌﺖ ﺍﺭﻛﺾ ﻟﻠﻌﻤﻠﻴﺎﺕ ﺣﺎﻟﺘﻬﺎ ﺻﺎﺭﺕ ﺣﺮﺟﺔ
&
...................
ﻳﻮﺳﻒ ﻃﻠﻌﺖ ﺍﻟﺪﻛﺘﻮﺭﺓ ﻭﺑﻠﻐﺘﻨﻲ ﺣﺎﻝ ﺯﻣﺮﺩ ﻭﻓﺎﻗﺪﻩ ﺗﺨﺒﻠﺖ ﻛﻤﺖ ﺍﻋﻴﻂ ﻭﺍﻛﻮﻟﻠﻬﺎ ﺍﻧﻄﻴﺞ ﺷﺘﺮﻳﺪﻳﻦ ﺑﺲ ﺍﻧﻘﺬﻳﻬﺎ ﻋﻮﻓﻲ ﺍﻟﻄﻔﻞ ﺣﺘﻰ ﻟﻮ ﻳﻤﻮﺕ
ﺑﺲ ﺍﻧﻘﺬﻳﻬﺎ ﺍﻟﻬﺎ ﺍﻣﻲ ﻛﺎﻣﺖ ﺗﺒﺠﻲ ﺧﺎﻟﺘﻬﺎ ﺗﺨﺒﻠﺖ ﻻﻥ ﺧﺎﺑﺮﺗﻬﺎ ﻭﺍﺟﺖ ﺣﺎﻟﺘﻲ ﺻﺎﺭﺕ ﺣﺎﻟﻪ ﺿﻠﻴﺖ ﻛﺎﻋﺪ ﻭﺍﻧﺘﻀﺮ
ﻟﻮ ﻳﻄﻠﻌﻮﻥ ﻳﻔﺮﺣﻮﻧﻲ ﻟﻮ ﻳﻌﺰﻭﻧﻲ ﻭﺍﻧﻲ ﻭﻛﻔﺖ ﻋﻠﻰ ﺻﻔﺤﺔ ﻭﻛﻤﺖ ﺍﺑﺠﻲ ﻣﺎ ﺗﺤﻤﻠﺖ ﺍﻧﻲ ﺍﻟﺴﺒﺐ
ﺻﻮﺟﻲ ﻛﻠﺔ ﻣﻦ ﻭﺭﺍﻳﻪ ﻟﻮ ﻣﺎ ﻋﺎﻳﻔﻬﺎ ﻣﺎ ﺻﺎﺭ ﺑﻴﻬﺎ ﻫﻴﺞ ﺟﺎﻥ ﻫﺴﻪ ﻫﻴﺔ ﻛﺎﻋﺪﺓ ﻣﺎ ﺑﻴﻬﺎ ﺷﻲ
ﻣﺮﺗﻀﻰ ﺟﺎ ﻳﻤﻲ ﻭﻳﻬﻮﻥ ﻋﻠﻴﻪ ﻭﻳﻮﺍﺳﻴﻨﻲ ﻭﺍﻧﻲ ﺍﺗﺨﺒﻠﺖ ﻛﺘﻠﺔ ﺧﻮﻳﺔ ﺍﻣﻮﺕ ﺍﺫﺍ ﺻﺎﺭ ﻋﻠﻴﻬﺎ ﺷﻲ ﻭﺍﻟﻠﻪ ﺗﻄﻠﻊ ﺭﻭﺣﻲ
ﻛﺎﻝ ﻻ ﺍﻧﺸﺎﻟﻠﻪ ﻣﺎﻛﻮ ﺷﻲ ﺑﺲ ﺍﺩﻋﻲ ﺍﻟﻬﺎ ﻭﺍﺫﻛﺮ ﺭﺑﻚ
ﻭﺭﺓ ﺳﺎﻋﻪ ﺍﻗﻞ ﻃﻠﻌﺖ ﺍﻟﺪﻛﺘﻮﺭﺓ ﻭﻛﺎﻟﺖ ﺻﺪﻛﻮ ﺑﺎﻟﻠﻪ ﺍﻟﻜﺮﻳﻢ ﻛﻮﺓ ﻛﺪﺭﻧﻪ ﻧﻨﻘﺬﻫﺎ ﻭﺍﻟﻄﻔﻞ ﻃﻠﻊ ﻣﺨﺘﻨﻚ ﻭﺣﺘﻰ ﻣﻴﺘﻨﻔﺲ
ﻭﺍﻟﺤﺒﻞ ﺍﻟﺴﺮﻱ ﻣﻠﻔﻮﻑ ﻋﻠﻰ ﺭﻛﺒﺘﻪ ٥ ﻟﻔﺎﺕ ﻭﺳﻮﻳﻨﺎﻟﻪ ﺗﻤﺎﺭﻳﻦ ﻳﻠﺔ ﺭﺩﺕ ﺭﻭﺣﺔ ﺑﺲ ﻣﻦ ﻫﺴﻪ ﺍﻛﻮﻟﻠﻜﻢ
ﻣﺎ ﺍﻧﻄﻲ ﺑﻲ ﻧﺴﺒﻪ ١٠٠ / ٥ ﻻﻥ ﺗﻌﺒﺎﻥ ﻭﺍﻟﺮﺋﺔ ﻣﺎ ﻛﺎﻣﻠﺔ ﻭﺣﺎﻟﺘﻪ ﺣﺎﻟﻪ ﻭﺍﻷﻡ ﺍﺧﺘﻨﻜﺖ ﺍﺛﻨﺎﺀ ﺍﻟﻌﻤﻠﻴﻪ
ﺑﺲ ﻛﺪﺭﻧﻪ ﻧﻨﻘﺬﻫﺎ ﺑﺄﻋﺠﻮﺑﺔ ﻻﻥ ﺣﺎﻟﺘﻬﺎ ﺣﺮﺟﺔ ﻭﺍﻧﺼﺤﻜﻢ ﻧﺼﻴﺤﺔ ﻟﺘﺨﻠﻮﻫﺎ ﺗﺤﺒﻞ ﻣﺮﺓ ﺛﺎﻧﻴﻪ
ﻭﺍﻟﻲ ﻛﺪﺭﺕ ﺍﺳﻮﻱ ﺳﻮﻳﺘﻪ ﻭﺍﻟﺒﺎﻗﻲ ﻋﻠﻰ ﺍﻟﻠﻪ ﻭﺍﻟﻠﻪ ﻛﺮﻳﻢ ﺭﺑﻚ ﺭﺣﻴﻢ ﺭﺅﻭﻑ ﺑﻌﺒﺪﻩ ﻭﺍﻧﺸﺎﻟﻠﻪ ﻣﺎ ﺑﻴﻬﻢ ﺷﻲ
ﻳﺮﺑﻲ ﺳﺠﺪﺕ ﺳﺠﺪﻩ ﺍﻟﺸﻜﺮ ﻟﺮﺑﻲ ﻣﻦ ﺻﺤﺖ ﺯﻣﺮﺩ ﺑﺲ ﺭﻏﻢ ﻫﺬﺍ ﺗﻜﻮﻝ ﻣﻨﻜﺪﺭ ﻧﻜﻮﻝ ﺯﻳﻨﺔ ﻭﻧﻨﻄﻲ ﺑﻴﻬﺎ ﺃﻣﻞ ﻻﻥ ﺑﻌﺪ ﺧﺎﻑ ﺗﺼﻴﺮ ﻧﺰﻳﻒ
ﻭﻻﺯﻡ ﻳﻔﻜﻬﺎ ﺍﻟﺒﻨﺞ ﺑﻌﺪﻫﺎ ﻣﺎ ﺻﺤﺖ ﻓﺮﺣﺖ ﺷﻮﻱ ﻭﺿﻠﻴﺖ ﺧﺎﻳﻒ ﻃﻠﻌﻮﻫﺎ ﻣﻦ ﻏﺮﻓﺔ ﺍﻟﻌﻤﻠﻴﺎﺕ
ﻭﺟﻬﺎ ﺻﺎﻳﺮ ﺍﺻﻔﺮ ﻭﺗﻌﺒﺎﻧﻪ ﻣﺒﻴﻨﻪ ﻭﺑﻌﺪﻫﻢ ﻣﺨﻠﻴﻦ ﺍﻻﻭﻛﺴﺠﻴﻦ ﻋﻠﻴﻬﺎ ﻧﺎﻳﻤﺔ ﻭﻣﺘﺪﺭﻱ ﺷﻜﻮ ﺑﻌﺪﻫﺎ ﻣﺎ ﺻﺎﺣﻴﺔ ﻣﻦ ﺍﻟﺒﻨﺞ
ﻛﻤﺖ ﺍﻣﺸﻲ ﺑﺼﻔﻬﺎ ﻭﺍﺑﻮﺱ ﺑﻴﻬﺎ ﻭﺻﻠﻮﻫﺎ ﻟﻠﻐﺮﻓﻪ ﻭﺧﻠﻮﻫﺎ ﻋﺎﻟﺴﺪﻳﻪ ﺍﻟﺜﺎﻧﻴﻪ ﺳﺎﻟﻮ ﻣﺮﺗﻀﻰ ﻭﺍﻣﻲ ﻋﺎﻟﻄﻔﻞ ﻛﺎﻟﻮ ﺑﺎﻟﺨﺪﺝ ﺧﻠﻴﻨﺎ ﺗﻌﺒﺎﻥ ﻭﺭﺋﺘﻪ ﻣﺎ ﻛﺎﻣﻠﺔ ﺑﻌﺪﻫﺎ
ﻛﻌﺪﺕ ﻳﻤﻬﺎ ﻭﻟﺰﻣﺖ ﺃﻳﺪﻫﺎ ﻭﺿﻠﻴﺖ ﺃﺑﻮﺱ ﺑﻴﻬﺎ ﻭﺍﻟﻌﺐ ﺑﺸﻌﺮﻫﺎ ﻭﺭﺓ ﺳﺎﻋﺘﻴﻦ ﻳﻠﻪ ﺻﺤﺖ ﻣﻦ ﺍﻟﺒﻨﺞ
ﻭﻛﺎﻣﺖ ﺗﺒﺠﻲ ﻣﻦ ﺍﻟﻮﺟﻊ ﻭﺑﺲ ﺗﺼﻴﺢ ﻣﺎﻣﺎ ﺍﺭﻳﺪ ﻣﺎﻣﺎ ﺍﺟﺘﻲ ﺍﻟﻤﻤﺮﺿﺔ ﺿﺮﺑﺘﻬﺎ ﻣﺴﻜﻦ ﻭﺭﺍﺣﺖ
ﺑﺲ ﻓﺘﺤﺖ ﻋﻴﻮﻧﻬﺎ ﺳﺎﻟﺖ ﻋﺎﻟﻄﻔﻞ ﻭﻛﺘﻠﻬﺎ ﺑﺎﻟﺨﺪﺝ ﻣﺼﺪﻛﺖ ﺗﻜﻮﻝ ﻣﺎﺕ ﻣﻮ ﻓﺪﻭﺓ ﻟﺠﺬﺑﻮﻥ ﻋﻠﻴﻪ ﻛﻮﻟﻮ
ﻛﺘﻠﻬﺎ ﻭﺍﻟﻠﻪ ﻭﺩﺍﻋﺘﺞ ﻣﺎ ﻣﺎﺕ ﺑﺲ ﺗﻌﺒﺎﻥ ﻭﻣﺨﻠﻲ ﺑﺎﻟﺨﺪﺝ ﻻﻥ ﺍﻟﺮﺋﺔ ﻣﺎ ﻛﺎﻣﻠﺔ ﻛﺎﻟﺖ ﺍﺭﻳﺪ ﺍﺷﻮﻓﻪ
ﻛﺘﻠﻬﺎ ﻭﻳﻦ ﺗﺸﻮﻓﻲ ﻳﻤﻌﻮﺩﺓ ﺗﻮﺝ ﻛﻌﺪﺗﻲ ﻭﻋﻤﻠﻴﻪ ﻭﻳﻦ ﺗﻜﺪﺭﻳﻦ ﺗﻜﻮﻣﻴﻦ ﺿﻠﺖ ﺗﺘﻮﺳﻞ
ﻛﺘﻠﻬﺎ ﻫﺴﻪ ﺍﺻﻼ ﻣﻴﺨﻠﻮﻧﺔ ﻧﺸﻮﻓﺔ ﻻﻥ ﻣﺨﻠﻴﻦ ﺍﺟﻬﺰﻩ ﻋﻠﻴﻪ ﺧﻠﻲ ﺑﻠﻴﻞ ﺷﻮﻑ ﺷﻮﻛﺖ ﻣﻦ ﻳﻘﺒﻠﻮﻥ ﻋﻮﺩ ﺍﻭﺩﻳﺞ
ﺳﺎﻟﺖ ﺧﺎﻟﺘﻬﺎ ﻋﻠﻰ ﺃﻣﻬﺎ ﻛﺎﻟﺘﻠﻬﺎ ﺑﻌﺪﻫﺎ ﻣﺘﺪﺭﻱ ﻻ ﺗﺮﻭﺡ ﺗﻨﺠﻠﻂ ﻣﻦ ﺍﺧﺎﺑﺮﻫﺎ ﺍﻛﻮﻟﻠﻬﺎ
ﺿﻠﺖ ﺗﻮﻥ ﻣﻦ ﻭﺟﻊ ﺍﻟﻌﻤﻠﻴﻪ ﻭﺗﺮﻳﺪ ﺗﺸﻮﻑ ﺍﻟﻄﻔﻞ ﺍﻟﻌﺼﺮ ﻛﺎﻟﻮ ﻻﺯﻡ ﺗﻤﺸﻮﻫﺎ ﻭﺗﻜﻮﻣﻮﻫﺎ
ﻛﻮﻣﺘﻬﺎ ﻭﻣﺸﻴﺘﻬﺎ ﻋﻠﻰ ﻛﻴﻔﻲ ﻭﺷﺪﺕ ﺍﻻ ﺗﺮﻭﺡ ﺗﺸﻮﻑ ﺍﻟﻄﻔﻞ ﺗﻜﻮﻝ ﺭﺍﺡ ﺍﻣﻮﺕ ﺧﻠﻲ ﺍﺷﻮﻓﻪ
ﻭﺍﻧﻲ ﺧﻔﺖ ﻋﻠﻴﻬﺎ ﻻﻥ ﺑﻠﻐﻮﻧﻪ ﺍﻧﻮ ﻛﻠﺒﻪ ﻳﺪﻙ ﺳﺮﻳﻊ ﻭﻣﻮ ﺯﻳﻦ ﺗﺎﻟﻲ ﺧﺎﻟﺘﻬﺎ ﻛﺎﻟﺖ ﻣﺘﺠﻮﺯ ﺑﻌﺪ ﺍﻻ ﺗﺮﻭﺡ ﻭﺩﻳﻬﺎ
ﻭﺣﺖ ﺟﺒﺖ ﺍﻟﻬﺎ ﻛﺮﺳﻲ ﻭﻛﻌﺪﺗﻬﺎ ﻻﻥ ﻣﺎ ﺍﻛﺪﺭ ﺍﻣﺸﻴﻬﺎ ﻫﻮﺍﻱ ﻭﻋﺎﻟﻢ ﺑﺮﻙ ﻭﻫﻴﻪ ﺟﺎﻳﺒﻪ ﻭﻋﻤﻠﻴﻪ ﻳﻜﺘﻠﻮﻫﺎ ﺑﻤﻜﺎﻧﻬﺎ
ﻭﺩﻳﺘﻬﺎ ﻭﺷﺎﻓﺘﻪ ﻣﻦ ﺍﻟﺠﺎﻣﻪ ﺟﺎﻥ ﻧﺎﻋﻢ ﻭﻣﺒﻴﻦ ﺗﻌﺒﺎﻥ ﻭﻛﺎﻣﺖ ﺗﺒﺠﻲ ﻭﺑﺲ ﺗﺮﻳﺪ ﺗﺸﻴﻠﻪ ﺗﻜﻮﻝ ﺍﺭﻳﺪ ﺍﺷﻤﺔ
ﻛﺘﻠﻬﺎ ﺍﻟﻴﻮﻡ ﻣﻴﻘﺒﻠﻮﻥ ﺑﺎﺟﺮ ﺑﻠﻜﻲ ﻳﺮﺿﻮﻥ ﻛﻮﺓ ﺷﻠﻌﺘﻬﺎ ﻣﻦ ﻳﻢ ﺍﻟﺨﺪﺝ ﻭﺃﺧﺬﺗﻬﺎ ﻟﻠﻐﺮﻓﺔ ﻣﺘﻘﺒﻞ ﺗﺮﻭﺡ
ﺿﻠﺖ ﺗﺒﺠﻲ ﻭﻛﺎﻟﺖ ﻋﻤﻠﻴﺘﻲ ﺗﻮﺟﻌﻨﻲ ﺃﺟﺖ ﺍﻟﻤﻤﺮﺿﺔ ﺿﺮﺑﺘﻬﺎ ﻣﺴﻜﻦ ﻭﻧﺎﻣﺖ
ﻟﻠﻴﻞ ﺻﺎﺣﻮﻟﻲ ﺭﺣﺖ ﻛﺎﻟﻮ ﺍﻟﻄﻔﻞ ﺍﺗﻮﻓﻰ ﻭﻛﻊ ﻛﻠﺒﻲ ﻣﻦ ﻛﺎﻟﻮﻫﺎ ﻣﺮﺗﻀﻰ ﺟﺎﻥ ﻳﻤﻲ ﺑﻌﺪﻩ ﻣﺎ ﺭﺍﻳﺢ ﻭﺑﺎﻟﻪ ﻋﺎﻟﻄﻔﻞ
ﻫﻮ ﺳﻤﻊ ﻫﻴﺞ ﻭﺗﺨﺒﻞ ﺍﻧﻲ ﻭﺣﺖ ﺑﻐﻴﺮ ﻋﺎﻟﻢ ﺿﻠﻮﻳﺼﺒﺮﻭﻥ ﻭﻣﺪﺭﻱ ﺷﻨﻮ ﺑﺲ ﻭﻳﻦ ﻳﺼﺮﻑ ﻫﺬﺍ ﺍﻟﺤﺠﻲ ﻋﻨﺪﻱ
ﻛﺘﻠﻬﻢ ﻟﻴﺶ ﻛﺎﻟﻮ ﻻﻥ ﺍﻟﺮﺋﺔ ﻣﺎ ﻛﺎﻣﻠﺔ ﻭﺩﻛﺎﺕ ﻛﻠﺒﺔ ﺍﺑﺪ ﻣﺎ ﺍﻧﺘﻀﻤﺖ ﻭﺣﺎﻟﺘﻪ ﺻﻌﺒﻪ ﻭﺟﺎﻱ ﻗﺒﻞ ﻭﻛﺘﺔ ﻭﻣﺎ ﻛﺎﻣﻞ
ﺧﻠﻮ ﺑﺎﻟﺜﻼﺟﺔ ﻻﻥ ﺩﻧﻴﺎ ﻟﻴﻞ ﻭﻣﻦ ﺍﻟﻔﺠﺮ ﺍﺧﺬﺓ ﻭﺍﺩﻓﻨﻪ ﻛﻌﺪﺕ ﻟﻠﻜﺎﻉ ﻭﺣﺎﺋﺮ ﺷﺮﺍﺡ ﺍﻛﻮﻝ ﻟﺰﻣﺮﺩ ﻭﺍﻟﻠﻪ ﻟﺘﺘﺨﺒﻞ
ﻫﻴﻪ ﻧﺎﻣﺖ ﻛﻌﺪﺕ ﺷﻮﻱ ﻭﺭﺟﻌﺖ ﻧﺎﻣﺖ ﺍﻫﻠﻲ ﺩﺭﻭ ﻭﺧﺎﻟﺘﻬﺎ ﻫﻢ ﺩﺭﺕ ﻭﻛﻠﻬﺎ ﺗﺒﺠﻲ ﻭﻣﻔﺮﻓﺤﺔ ﺑﺲ ﻣﺎ ﻛﻠﻨﺎﻟﻬﺎ ﻭﻻ ﺭﺩﺕ ﺍﻛﻮﻝ ﺍﻟﻬﺎ
ﻻﻥ ﻫﻴﻪ ﻋﻤﻠﻴﻪ ﻭﺑﺲ ﺗﻌﻴﻂ ﻃﻚ ﻋﻤﻠﻴﺘﻬﺎ ﻭﻣﺎ ﺍﻛﺪﺭ ﺍﺩﺧﻠﻬﺎ ﺑﻌﺪ ﻋﻤﻠﻴﻪ ﺛﺎﻧﻴﻪ ﻻﻥ ﺣﺎﻟﺘﻬﺎ ﻣﺘﺘﺤﻤﻞ ﺍﻟﺒﻨﺞ ﺗﻤﻮﺕ
ﻭﺍﺩﺭﻱ ﺑﻴﻬﺎ ﺭﺍﺡ ﺗﻨﻬﺎﺭ ﺿﻠﻴﺖ ﻛﺎﻋﺪ ﻭﻋﻴﻮﻧﻲ ﻣﺪﻣﻌﻪ ﻭﺍﻟﺪﻣﻌﻪ ﺑﻄﺮﻑ ﻋﻴﻨﻲ ﻛﻞ ﻣﺎ ﺍﺭﻣﺶ ﺗﻨﺰﻝ ﻭﺍﻣﺴﺤﻬﺎ
ﺍﻟﻔﺠﺮ ﺍﺧﺬﺗﻪ ﺍﻧﻲ ﻭﻣﺮﺗﻀﻰ ﻭﺭﺣﻨﻪ ﺩﻓﻨﺎﻩ ﻣﻦ ﺷﻠﺘﻪ ﺑﺠﻴﺖ ﻟﺤﺪ ﻣﺎ ﺍﻧﺘﻬﻴﺖ ﺻﻌﺒﻪ ﻭﺍﺣﺪ ﻳﺪﻓﻦ ﺧﻠﻔﺘﻪ ﺑﺎﻳﺪﻩ ﺣﺘﻰ ﻟﻮ ﺟﺎﻥ ﺻﻐﻴﺮ
ﺣﺘﻰ ﻟﻮ ﺟﺎﻥ ﺗﻮﺓ ﻃﺎﻟﻊ ﻣﻦ ﺑﻄﻦ ﺃﻣﺔ ﻣﻬﻤﺎ ﻳﻜﻮﻥ ﻫﻮ ﺍﺑﻨﻲ ﻭﻣﻨﻲ ﻭﻃﻠﻊ ﻣﻦ ﺿﻬﺮﻱ
ﻫﻴﻪ ﺣﺎﻣﻞ ﺑﻲ ﻭﺗﻌﻠﻘﺖ ﻛﻠﺶ ﺑﻲ ﻳﻮﻣﻴﺔ ﺃﺑﻮﺱ ﺑﻲ ﺑﻄﻦ ﺃﻣﺔ ﻭﺍﺣﺴﺐ ﺍﻟﻪ ﻳﻮﻡ ﺑﻌﺪ ﻳﻮﻡ ﺷﻮﻛﺖ ﻳﺠﻲ ﻭﺍﺷﻮﻓﻪ
ﺩﻓﻨﺘﻪ ﻭﺃﺣﺲ ﺭﺍﺣﺖ ﺭﻭﺣﻲ ﻣﻦ ﺧﻠﻴﺘﻪ ﺑﺎﻟﻜﺒﺮ ﻭﺫﺑﻴﺖ ﻋﻠﻲ ﺍﻟﺘﺮﺍﺏ ﺭﺟﻌﻨﻪ ﺍﻧﻲ ﻭﻣﺮﺗﻀﻰ ﻟﻠﻤﺴﺘﺸﻔﻰ
بيج قصص عراقيه حقيقيه من واقعنا.روعه الطائي
ﻃﺒﻴﻨﺔ ﻭﻟﻜﻴﻨﺔ ﺯﻣﺮﺩ ﻛﺎﻋﺪﻩ ﻭﺗﺒﺠﻲ ﻋﺒﺎﻟﻲ ﺩﺭﺕ ﺑﺲ ﻣﺘﻌﻴﻂ ﺳﺎﻟﺘﻬﺎ ﺷﺒﻴﺞ ﻛﺎﻟﺖ ﻣﺎ ﺍﺩﺭﻱ ﻣﺨﻨﻮﻛﺔ ﻭﺃﺣﺲ ﻛﻠﺒﻲ ﻣﺸﺘﻌﻞ ﺑﻨﺎﺭ
ﻛﺘﻠﻬﺎ ﻫﺎﻱ ﻻﻥ ﻋﻤﻠﻴﻪ ﻭﺍﻣﺞ ﻣﻤﻮﺟﻮﺩﻩ ﻫﻴﺞ ﺗﺤﺴﻴﻦ ﻛﺎﻟﺖ ﻣﺎ ﺍﺩﺭﻱ ﺑﺲ ﻋﺒﺎﻟﻚ ﺷﻲ ﺍﻛﺒﺮ ﻣﻦ ﻫﺬﺍ ﺑﻴﻪ ﺍﻟﺒﺎﺭﺣﺔ ﻣﺠﻨﺖ ﻫﻴﺞ
ﺍﻟﻴﻮﻡ ﻣﺎ ﺍﻋﺮﻑ ﻟﻴﺶ ﻣﺨﻨﻮﻛﺔ ﺣﻀﻨﺘﻬﺎ ﻭﺑﺴﺘﻬﺎ ﻣﻦ ﺭﺍﺳﻬﺎ ﻭﻛﺘﻠﻬﺎ ﺗﻬﻮﻥ ﺣﺒﻴﺒﺘﻲ ﻫﺎﻱ ﺗﻌﺒﺎﻧﻪ ﺍﻧﺸﺎﻟﻠﻪ ﻣﺎ ﺑﻴﺞ ﺷﻲ
ﻛﺎﻟﺖ ﻓﺪﻭﺓ ﻳﻮﺳﻒ ﺧﻠﻲ ﺍﺭﻭﺡ ﺍﺷﻮﻑ ﺍﺑﻨﻲ ﻭﺍﻟﻠﻪ ﻛﻠﺒﻲ ﻧﺎﺭ ﺧﻠﻲ ﺍﺭﻭﺡ ﺍﺷﻮﻓﺔ ﺑﻠﻜﻲ ﺍﻫﺪﻩ ﺷﻮﻳﺔ
ﺿﻠﻴﺖ ﺻﺎﻓﻦ ﺷﺮﻳﺪ ﺍﻛﻮﻟﻠﻬﺎ ﻭﺷﻨﻮ ﺍﺭﻳﺪ ﺍﺟﺎﻭﺑﻬﺎ ﻛﺘﻠﻬﺎ ﺗﻮﻧﻲ ﻣﺮﻳﺖ ﻣﻘﺒﻠﻮ ﺍﺷﻮﻓﻪ ﺍﻟﻴﻮﻡ
ﺧﻠﻴﻬﺎ ﺑﺎﺟﺮ ﻛﺎﻟﺖ ﻣﺎ ﺍﺻﺒﺮ ﺧﻠﻲ ﺑﺲ ﺍﺭﺿﻌﻪ ﺷﻮﻱ ﺍﺑﻮﺳﻪ ﺍﺷﻢ ﺭﻳﺤﺘﻪ ﻋﻠﻤﻮﺩ ﺍﺭﺗﺎﺡ
ﻣﻘﺒﻠﺖ ﻛﺎﻟﺖ ﺃﺑﻮﺱ ﺍﻳﺪﻙ ﻛﺘﻠﻬﺎ ﻓﺪﻭﺓ ﻟﺘﻠﺤﻴﻦ ﻭﺍﻟﻠﻪ ﻣﻴﻘﺒﻠﻮﻥ ﻭﺍﻧﻲ ﺗﻌﺒﺎﻥ ﺧﻠﻲ ﺑﺎﺟﺮ ﻧﺸﻮﻓﻪ ﺿﻠﺖ ﺗﺒﺠﻲ ﻭﻃﻨﻜﺮﺕ ﻋﻠﻴﻪ
ﻋﻠﻤﺎ ﺧﻠﺺ ﺍﻟﻴﻮﻡ ﻭﺿﺮﺑﺘﻬﺎ ﻣﺘﺮﻭﺡ ﺗﺸﻮﻓﻪ ﻛﻮﺓ ﺛﺎﻧﻲ ﻳﻮﻡ ﺿﻠﺖ ﺗﺒﺠﻲ ﺑﻬﺴﺘﻴﺮﻳﺎ ﻛﺎﻟﺖ ﺧﺎﻑ ﺑﻲ ﺷﻲ ﻟﻀﻤﻮﻥ ﻋﻠﻴﻪ ﺍﺣﺠﻮ
ﺭﺍﺣﻮ ﺍﺛﻨﻴﻦ ﻭﻣﺎ ﺷﻔﺘﻬﻢ ﻭﺷﻠﺘﻬﻢ ﻟﺘﺨﻠﻮﻧﻲ ﺍﻧﻬﺎﺭ ﺍﺫﺍ ﻣﺎ ﺷﻔﺖ ﺍﻟﺜﺎﻟﺚ ﻭﺭﺍﺡ ﻣﻨﻲ ﻟﻠﻴﻞ ﻣﺎ ﺗﺤﻤﻠﺖ ﻛﺪ ﻣﺎ ﺿﻐﻄﺖ ﻋﻠﻴﻪ
ﻭﺍﻟﺪﻛﺘﻮﺭﺍﻩ ﺃﻳﻀﺎ ﻛﺎﻟﺖ ﺑﻠﻐﻮﻫﺎ ﺩﺍﻡ ﺑﺎﻟﻤﺴﺘﺸﻔﻰ ﺣﺘﻰ ﺍﺫﺍ ﺻﺎﺭ ﺑﻴﻬﺎ ﺷﻲ ﺍﺣﻨﻪ ﻣﻮﺟﻮﺩﻳﻦ
ﺑﻠﻐﺘﻬﺎ ﻭَﻳَﺎ ﺭﻳﺖ ﻣﺎ ﺑﻠﻐﺘﻬﺎ ﺣﺘﻰ ﺍﻟﻲ ﻣﻴﺖ ﺍﻟﻬﺎ ﻭﻟﺪ ﻭﺑﻌﺪﻩ ﺷﺎﺏ ﻭﺗﺎﺭﺱ ﻋﻴﻦ ﺍﻟﺸﻤﺲ ﻣﺎ ﺳﻮﺕ ﻣﺜﻠﻬﺎ
ﻋﻴﻄﺖ ﻭﻛﻠﺒﺖ ﺍﻟﻐﺮﺍﺽ ﺍﻟﻲ ﻳﻤﻬﺎ ﻛﻠﻬﺎ ﻭﻫﻠﺴﻬﺖ ﺷﻌﺮﻫﺎ ﻛﻠﻪ ﻭﺗﻜﻮﻝ ﻋﺮﻓﺖ ﺍﻧﻲ ﻭﺩﺭﻳﺖ
ﻟﻴﺶ ﻣﺨﻠﻴﺘﻮﻧﻲ ﺍﺷﻤﺔ ﻟﻴﺶ ﻣﺎ ﻛﺘﻮﻟﻲ ﻋﻠﻤﻮﺩ ﺍﺷﻴﻠﻪ ﻭﺍﺷﻮﻓﻪ ﻟﻴﺶ ﺿﻼﻡ ﻣﻮ ﻛﺘﻠﻜﻢ ﻻ ﺗﻠﻮﻋﻮﻧﻲ ﺑﻬﺬﺍ ﻫﻢ
ﺭﺩﺕ ﺑﺲ ﺃﺳﻴﻄﺮ ﻋﻠﻴﻬﺎ ﻭﺍﻟﺰﻣﻬﺎ ﺍﻧﻜﻠﺒﺖ ﺑﺸﺮ ﺛﺎﻧﻲ ﺻﺎﺭﺕ ﻭﺣﺪﻩ ﻋﺒﺎﻟﻚ ﻣﻮ ﺯﻣﺮﺩ ﺗﺨﺒﻠﺖ
ﻋﻠﻤﺎ ﻛﻤﺸﻨﺎﻫﺎ ﺍﻧﻲ ﻭﺍﻣﻲ ﻭﺧﺎﻟﺘﻬﺎ ﻭﺍﻟﻤﻤﺮﺿﺔ ﺿﺮﺑﺘﻬﺎ ﺍﻻﺑﺮﻩ ﻫﻴﻪ ﻋﻠﻰ ﻋﻴﻄﻪ ﺍﻟﻮﺣﺪﺓ
ﺣﺘﻰ ﺍﻟﻲ ﺑﺎﻟﻤﺴﺘﺸﻔﻰ ﺳﺎﻟﻮ ﺷﺒﻴﻬﺎ ﻭﻫﻴﻪ ﺍﺑﺪ ﻣﺎ ﺳﻜﺘﺖ ﻭﻣﺘﻘﺒﻞ ﺗﻀﺮﺏ ﺍﻻﺑﺮﺓ ﺗﻜﻮﻝ ﺗﺮﻳﺪﻭﻥ ﺗﻨﻮﻣﻮﻧﻲ
ﺧﻠﻲ ﺍﻣﻮﺕ ﺷﺴﻮﻱ ﺑﺤﻴﺎﺗﻲ ﺑﻌﺪ ﻣﺎ ﺍﺭﻳﺪﻫﺎ ﻭﺍﻧﻲ ﻋﺎﺫﺭﻫﺎ ﻻﻥ ﺻﺎﺭ ﺍﻟﻬﺎ ﺳﻨﺘﻴﻦ ﺍﻻ ﻋﺎﺷﺖ ﺃﺷﻴﺎﺀ ﻣﻮ ﺍﻟﻜﻞ ﺗﺘﻤﺤﻠﻬﺎ
ﻣﺮﺕ ﺑﻀﺮﻑ ﺍﻛﺜﺮ ﺣﺘﻰ ﻣﻦ ﺻﻌﺐ ٣ ﺟﻬﺎﻝ ﺭﺍﺣﻮﻟﻬﺎ ﻭﻣﺎ ﻋﺪﻩ ﺍﻟﻲ ﻣﺮﺕ ﺑﻲ ﺣﻘﻬﺎ ﺍﺫﺍ ﺗﺘﺨﺒﻞ ﻭﺗﺼﻴﺮ ﻣﺠﻨﻮﻧﺔ
ﻋﻠﻤﺎ ﻧﺎﻣﺖ ﻭﻫﺪﺕ ﻛﻮﺓ ﻭﺿﻠﺖ ﺗﻬﺬﻱ ﻭﺗﻜﻮﻝ ﺭﺩﺕ ﺍﺳﻤﻲ ﺩﻟﻴﺎﺯ ﻭﻛﻴﻔﺖ ﺑﻲ ﻛﻠﺶ ﻭﻛﻠﺖ ﺍﺷﻜﺎﻝ ﺍﺳﻮﻳﻠﻪ
ﻣﺎﻣﺎ ﻭﺝ ﻣﺎﻣﺎ ﻋﻴﻨﻲ ﺗﻌﺎﻱ ﻣﺤﺘﺎﺟﺘﺞ ﻟﺘﻌﻮﻓﻴﻨﻲ ﻣﺜﻞ ﺍﻟﻤﺮﺓ ﺍﻟﻲ ﻗﺒﻠﻬﺎ ﺿﻠﻴﺖ ﻳﻤﻬﺎ ﻟﺤﺪ ﻣﺎ ﻏﻔﺖ
ﻭﺭﺍﻫﺎ ﻧﺰﻟﺖ ﻟﻠﺤﺪﻳﻘﺔ ﻣﺎﻝ ﺍﻟﻤﺴﺘﺸﻔﻰ ﻭﻛﻌﺪﺕ ﺩﺧﻨﺖ ﺑﺎﻛﻴﺖ ﻛﺎﻣﻞ ﻣﺎﻝ ﺟﻜﺎﻳﺮ ﻭﺍﻧﻲ ﻣﻮ ﺩﺍﺋﻤﺎ ﺍﺩﺧﻦ ﺷﻲ ﻗﻠﻴﻞ ﺑﺲ ﻣﻦ ﺍﺷﺘﻬﻴﻬﺎ
بيج قصص عراقيه حقيقيه من واقعنا.روعه الطائي
ﻭﻋﻴﻮﻧﻲ ﺻﺎﻳﺮﺍﺕ ﺟﻤﺮ ﻛﺪ ﻣﺎ ﺣﻤﺮﻥ ﺍﻟﺒﺎﺭﺣﺔ ﻣﺎ ﻧﺎﻳﻢ ﻭﻗﺒﻠﻬﺎ ﻫﻢ ﻣﺎ ﻧﺎﻳﻢ ﺑﺲ ﻭﺍﺧﺪ ﻳﺪﻏﻨﻲ ﺍﻭﻛﻊ
ﺿﻠﺖ ﺯﻣﺮﺩ ﻧﺎﻳﻤﺔ ﻟﻠﺼﺒﺢ ﻳﻠﻪ ﻛﻌﺪﺕ ﻭﻫﻢ ﺑﺲ ﺗﺒﺠﻲ ﻭﻣﺘﻘﺒﻞ ﺗﺎﻛﻞ ﺍَﻱ ﺷﻲ ﺿﻠﺖ ﻋﺎﻟﻤﻐﺬﻱ ﺣﺘﻰ ﺃﺷﻴﺎﺀ ﺳﻮﺍﺋﻞ ﻣﺘﻘﺒﻞ ﺗﺎﻛﻞ ﻣﺜﻞ ﺍﻟﺸﻮﺭﺑﻪ
ﺃﺟﺖ ﻋﻠﻴﻬﺎ ﺍﻡ ﻋﻠﻲ ﻭﺑﺠﺖ ﺑﺠﻲ ﻋﺒﺎﻟﻚ ﺑﺘﻬﺎ ﻭﺩﺗﺒﺠﻲ ﻋﻠﻴﻬﺎ ﻣﻠﺨﺖ ﺭﻭﺣﻬﺎ ﻋﻠﻴﻬﺎ
ﺿﻠﺖ ﺯﻣﺮﺩ ﺍﺳﺒﻮﻉ ﺑﺎﻟﻤﺴﺘﺸﻔﻰ ﺃﻣﻬﺎ ﺭﺟﻌﺖ ﻣﻦ ﺍﻟﺴﻔﺮ ﻭﺧﺒﺮﺗﻬﺎ ﺧﺎﻟﻪ ﺯﻣﺮﺩ ﻭﺗﺨﺒﻠﺖ ﻫﻴﻪ ﺍﻟﺜﺎﻧﻴﻪ
ﻭﺟﺘﻲ ﻟﻠﻤﺴﺘﺸﻔﻰ ﻭﺷﺎﻓﺖ ﺣﺎﻝ ﺑﺘﻬﺎ ﺟﺎﻧﺖ ﻧﺎﻳﻤﺔ ﺯﻣﺮﺩ ﺩﻛﺖ ﻭﻟﻄﻤﺖ ﻟﺤﺪ ﻣﺎ ﺍﺗﺨﺮﺑﻄﺖ ﻭﺗﻜﻮﻝ ﺍﻣﺪﺍﻳﻪ ﻭﻛﺒﺮ ﻟﻔﻨﻲ ﺷﻠﻮﻥ
ﺍﻧﻲ ﺟﻨﺖ ﻣﺴﺎﻓﺮﻩ ﻭﺑﺘﻲ ﻫﻴﺞ ﺻﺎﻳﺮ ﺑﻴﻬﺎ ﺧﻠﻲ ﺍﻃﻢ ﺭﻭﺣﻲ ﻋﻠﻤﺎ ﺳﻜﺘﻨﺎﻫﺎ ﻫﻴﻪ ﺍﻟﺜﺎﻧﻴﻪ ﻛﻮﺓ
ﺩﻭﺍﻡ ﻣﺎ ﺩﺍﻭﻣﺖ ﻭﻻ ﻭﺻﻠﺖ ﻭﺍﺻﻼ ﺍﻟﻤﺪﻳﺮ ﺍﻟﻲ ﺍﻛﺒﺮ ﻣﻨﻲ ﻣﻦ ﻋﺮﻑ ﻫﻮ ﻧﻄﺎﻧﻲ ﺍﺟﺎﺯﻩ ١٥ ﻳﻮﻡ ﻻﻥ ﺍﺟﺎ ﻋﻠﻴﺔ ﻭﺷﺎﻑ ﺣﺎﻟﺘﻲ
ﺑﻌﺪﻫﺎ ﻃﻠﻌﻨﻪ ﺯﻣﺮﺩ ﻣﻦ ﺍﻟﻤﺴﺘﺸﻔﻰ ﻭﺷﻠﻨﺔ ﺍﻟﻬﺎ ﺍﻟﺴﻴﻢ ﻭﺃﺧﺬﻧﺎﻫﺎ ﻟﺒﻴﺖ ﺟﺪﻫﺎ ﻳﻢ ﺃﻣﻬﺎ ﺩﺍﺭﻳﻬﺎ
ﺑﺲ ﺯﻣﺮﺩ ﺻﺎﺭﺕ ﺑﺸﺮ ﺛﺎﻧﻲ ﻻ ﺗﺤﺠﻲ ﻻ ﺗﺎﻛﻞ ﺯﻳﻦ ﺍﺩﺍ ﺍﻛﻠﺖ ﺑﺴﻜﺘﺎﺕ ﺑﺎﻟﻴﻮﻡ ﻭﺷﺮﺑﺖ ﻋﺼﻴﺮ
ﺻﺎﺭﺕ ﺟﻠﺪ ﻭﻋﻀﻢ ﺑﻔﺘﺮﻩ ﺍﺳﺒﻮﻉ ﺑﺲ ﻭﻭﺟﻬﺎ ﺍﺻﻔﺮ ﻭﻋﻴﻮﻧﻬﺎ ﺗﺤﻮﺭﺕ ﺑﺴﻮﺍﺩ ﺻﺎﺭﺕ ﻣﺘﻨﻌﺮﻑ
ﻭﺍﻧﻲ ﺣﺮﺕ ﺷﻨﻮ ﺍﺳﻮﻱ ﺍﻟﻬﺎ ﻳﻌﻨﻲ ﺍﻧﻮﺍﺏ ﺍﺣﺎﺟﻴﻬﺎ ﻋﻠﻤﻮﺩ ﺍﻃﻠﻌﻬﺎ ﻣﻦ ﺍﻟﺠﻮ ﺍﻟﻲ ﻫﻴﻪ ﺑﻲ ﻣﺘﺤﺠﻲ ﺗﺮﺩﻟﻲ ﺑﺈﺷﺎﺭﻩ ﺍﻭ ﺗﺤﺮﻡ ﺭﺍﺳﻬﺎ
ﺣﺘﻰ ﺧﻔﺖ ﺗﺨﺮﺱ ﻛﺪ ﻣﺎ ﺻﺎﺭﺕ ﻣﺘﺤﺠﻲ ﺿﻠﺖ ﻳﻢ ﺍﻫﻠﻬﺎ ﺷﻬﺮ ﻭﺍﻧﻲ ﻳﻮﻣﻴﺔ ﺍﺭﻭﺡ ﺍﻟﻬﺎ ﻭﺍﻧﻮﺍﺏ ﺍﺑﺎﺕ ﻳﻤﻬﺎ
ﺣﻴﻞ ﺗﻌﺒﺖ ﻣﻦ ﻭﺭﺍﻫﺎ ﺣﺘﻰ ﺍﻧﻲ ﺻﺎﺭ ﺍﻛﻠﻲ ﻗﻠﻴﻞ ﻣﻦ ﻭﺭﺍﻫﺎ ﻋﻠﻰ ﻛﺪ ﻣﺎ ﺍﺟﻮﻉ ﻟﻜﻤﺘﻴﻦ ﻭﺍﺑﻄﻞ
ﺣﺮﺕ ﺷﻨﻮ ﺍﺳﻮﻱ ﻭﺗﻄﻠﻊ ﻣﻦ ﺣﺎﻟﺘﻬﺎ ﺣﺘﻰ ﺍﻡ ﻋﻠﻲ ﻳﻮﻣﻴﺔ ﺗﺠﻲ ﻋﻠﻴﻬﺎ ﻭﺗﺒﻘﻰ ﻳﻤﻬﺎ ﻭﺗﻄﺒﺦ ﺍﻟﻬﺎ ﺍﺷﻜﺎﻝ ﻭﺃﺭﻳﺪﻫﺎ ﺑﺲ ﺗﺎﻛﻞ ﻣﺎﻛﻮ ﻓﺎﻳﺪﺓ
ﺿﻠﺖ ﻋﻠﻰ ﻫﺬﺍ ﺣﺎﻟﻬﺎ ﺍﺧﺮ ﺷﻲ ﺍﺧﺬﺗﻬﺎ ﻟﺪﻛﺘﻮﺭ ﻧﻔﺴﻲ ﻭﺿﻠﺖ ﻣﺴﺘﻤﺮﺓ ﻋﻠﻴﻪ ﺑﺲ ﺻﺎﺣﺒﻬﺎ ﺍﻧﻬﻴﺎﺭ ﻋﺼﺒﻲ ﺣﺎﺩ
ﺿﻠﺖ ﻳﻢ ﺍﻫﻠﻬﺎ ﻭﺍﻣﺘﺤﺎﻧﺎﺗﻬﺎ ﻣﺎﻝ ﺍﺧﻴﺮ ﺍﻟﺴﻨﻪ ﺑﻠﺸﺖ ﻭﺭﺣﺖ ﺍﺧﺬﺗﻠﻬﺎ ﺍﺟﺎﺯﺓ ﻭﺑﻠﻐﺘﻬﻢ ﺣﺎﻟﺘﻬﺎ ﻭﺃﺧﺬﺕ ﺍﻟﻬﻢ ﺃﻭﺭﺍﻕ ﺛﺒﻮﺗﻴﺔ
ﻭﺃﺟﻠﺖ ﺍﻣﺘﺤﺎﻧﺎﺗﻬﺎ ﻟﺤﺪ ﻣﺎ ﻳﻤﺘﺤﻨﻮﻥ ﺍﻟﻤﻜﻤﻠﻴﻦ ﻭﺗﺘﻤﺤﺘﺤﻦ ﻭﻳﺎﻫﻢ ﺷﻮﻱ ﺷﻮﻱ
ﻭﺭﻩ ﺷﻬﺮﻳﻦ ﻳﻠﻪ ﺍﺗﺤﺴﻨﺖ ﻧﺴﺒﻪ ١٠٠ / ١٠
ﺍﻟﺪﻛﺘﻮﺭ ﺍﻟﻨﻔﺴﻲ ﺍﺗﺨﺒﻞ ﻋﻠﻴﻬﺎ ﻳﻜﻮﻝ ﺍﻟﻲ ﺑﻤﺜﻞ ﺣﺎﻟﺘﻬﺎ ﻣﻦ ﺯﻣﺎﻥ ﻣﻨﺘﺤﺮ ﻣﺎ ﻳﺘﺤﻤﻞ ﺭﺃﺳﺎ ﻳﻜﺘﻞ ﻧﻔﺴﻪ
ﺿﻠﺖ ٣ ﺍﺷﻬﺮ ﻋﻠﻰ ﻫﺬﺍ ﺣﺎﻟﻬﺎ ﻭﺑﻌﺪﻫﺎ ﺷﻮﻱ ﺷﻮﻱ ﻛﺎﻣﺖ ﺗﺘﺤﺴﻦ ﻭﺗﺮﺟﻊ ﻟﻄﺒﻴﻌﺘﻬﺎ ﻭﺍﻧﻲ ﻭﻳﺎﻫﺎ ﺧﻄﻮﺓ ﺑﺨﻄﻮﺓ
ﺍﺑﺪ ﻣﺎ ﻋﻔﺘﻬﺎ ﻭﻻ ﻓﻜﺮﺕ ﺍﻋﻮﻓﻬﺎ ﻭﻻ ﺑﻴﻮﻡ ﻭﺍﺣﺪ ﻣﻠﻴﺖ ﻣﻦ ﻋﺪﻫﺎ ﻛﻤﺖ ﺑﻠﻴﻞ ﻣﺎ ﺍﻧﺎﻡ ﺃﺿﻞ ﺍﻓﻜﺮ ﺑﻴﻬﺎ ﻭﺷﻠﻮﻥ ﺍﻃﻠﻌﻬﺎ ﻣﻦ ﺍﻟﻮﺿﻊ ﺍﻟﻲ ﻫﻴﻪ ﺑﻲ
&
..............
ﺯﻣﺮﺩ : ﺑﻌﺪ ﺍﻟﻲ ﺻﺎﺭ ﻭﺍﻟﻲ ﻣﺮﻳﺖ ﺑﻲ ﻛﺮﻫﺖ ﻧﻔﺴﻲ ﻭﻛﺮﻫﺖ ﻋﻴﺸﺘﻲ ﻭﺣﻴﺎﺗﻲ ﻛﻠﻬﺎ
ﻭﺃﻛﺜﺮ ﻣﻦ ﻣﺮﺓ ﺭﺩﺕ ﺍﻛﺘﻞ ﻧﻔﺴﻲ ﺑﻌﺪﻳﻦ ﻛﻠﺖ ﺍﺗﻌﺬﺑﺖ ﺑﺎﻟﺪﻧﻴﺎ ﺃﺗﻌﺬﺏ ﺑﺎﻵﺧﺮﺓ ﻫﻢ ﻷﻧﻲ ﻛﺎﻓﺮﻩ
ﺑﺲ ﻛﺮﻫﺖ ﺭﻭﺣﻲ ﺣﻴﻞ ﻛﻤﺖ ﻣﺎ ﺍﻛﻞ ﺩﻭﻡ ﺍﻧﺎﻡ ﻭﺃﺳﻤﻊ ﺻﻮﺕ ﻃﻔﻞ ﻳﺒﺠﻲ ﻭﺍﻓﺰ ﻭﺃﻛﻮﻡ ﺍﻧﻲ ﻫﻢ ﺍﺑﺠﻲ
ﺣﺘﻰ ﻳﻮﺳﻒ ﺭﻏﻢ ﺳﺎﻧﺪﻧﻲ ﺑﺲ ﻛﻠﺖ ﺍﻧﻲ ﺑﻌﺪ ﻣﻮ ﻣﺎﻝ ﺍﻛﻤﻞ ﺍﻛﻮﻟﺔ ﻳﺸﻮﻑ ﺣﻴﺎﺗﻪ ﺍﻧﻲ ﺑﻌﺪ ﻣﺎ ﺍﻓﻴﺪﻩ
ﻛﻞ ﻣﺎ ﺍﻛﻮﻝ ﺍﺭﺗﺎﺡ ﺗﻄﻠﻌﻠﻲ ﺳﺎﻟﻔﻪ ﺛﺎﻧﻴﻪ ﻭﺍﻭﻛﻊ ﺑﻤﺸﻜﻠﺔ ﺍﻛﺒﺮ ﻣﻦ ﺍﻟﻲ ﻗﺒﻠﻬﺎ ﻋﺮﺿﻨﻲ ﻳﻮﺳﻒ ﻋﻠﻰ ﻃﺒﻴﺐ ﻧﻔﺴﻲ
ﻭﻓﻌﻼ ﺑﻤﺮﻭﺭ ﺍﻷﻳﺎﻡ ﺗﺤﺴﻨﺖ ﺣﺎﻟﺘﻲ ﺑﻌﺪ ﻣﺎ ﺟﻨﺖ ﻣﺌﻴﺴﻪ ﻣﻦ ﺍﻟﺤﻴﺎﻩ ﻛﻠﻬﺎ ﻭﻛﺎﺭﻫﺔ ﻛﻠﺸﻲ
ﺿﻠﻴﺖ ﺍﻓﻜﺮ ﺷﻨﻮ ﺍﻟﺬﻧﺐ ﺍﻟﻲ ﺳﻮﻳﺘﻪ ﺟﻮﺓ ﺭﺑﻲ ﻋﻠﻤﻮﺩ ﺍﺗﻌﺎﻗﺐ ﻋﻠﻴﻪ ﻫﻴﺞ ﺻﺮﺕ ﺍﺷﺒﻪ ﺑﺎﻟﻤﺨﺒﻠﻪ
ﺍﻣﺘﺤﺎﻧﺎﺕ ﻣﺎ ﺍﻣﺘﺤﻨﺖ ﻭﻣﺎ ﺍﻟﻲ ﻭﺍﻫﺲ ﺑﺲ ﻳﻮﺳﻒ ﺭﺍﺡ ﺭﺗﺐ ﺍﻟﺸﻐﻠﻪ ﻭﺍﻛﺪﺭ ﺍﻣﺘﺤﻦ ﻭﻳﺔ ﺍﻟﻤﻜﻤﻠﻴﻦ
ﺷﻮﻱ ﺷﻮﻱ ﺗﺤﺴﻨﺖ ﺣﺎﻟﺘﻲ ﺑﺲ ﺍﺧﺬﺕ ﻓﺘﺮﺓ ﻃﻮﻳﻠﻪ ﻓﻬﺪ ﺧﺎﺑﺮﻧﻲ ﻳﺒﺠﻲ ﻣﺎ ﺭﺩﺕ ﺍﺟﺎﻭﺑﻪ ﺑﺲ ﺩﺯ ﺭﺳﺎﻟﻪ
ﺣﻠﻔﻨﻲ ﺑﺄﻋﺰ ﺷﻲ ﻋﻨﺪﻱ ﺍﺟﺎﻭﺑﻪ ﺍﻣﺮ ﺿﺮﻭﺭﻱ ﺍﺿﻄﺮﻳﺖ ﺍﺟﺎﻭﺑﻪ ﻭﺟﻨﺖ ﺍﺑﺪ ﻣﻮ ﻣﺘﻤﻨﻴﻪ ﺍﺳﻤﻊ ﺻﻮﺗﺔ
ﻭﺧﺼﻮﺻﺎ ﻫﺴﻪ ﻭﺫﺑﻴﺖ ﺍﻛﺜﺮ ﻣﻦ ﻧﺺ ﺍﻟﻲ ﺻﺎﺭ ﺑﻴﺔ ﺑﺴﺒﺒﺔ ﺑﺲ ﻓﺎﺟﺄﻧﻲ ﺍﻧﻮ ﺑﻲ ﺍﺳﻢ ﺍﻟﻠﻪ ﻋﻠﻴﻜﻢ ﻭﻳﺒﻌﺪ ﺍﻟﺸﺮ ﻋﻨﻜﻢ
ﺳﺮﻃﺎﻥ ﺑﺎﻟﺪﻡ ﺑﻴﻮﻣﻬﺎ ﻣﺎ ﻋﺮﻓﺖ ﺷﻨﻮ ﺍﻛﻮﻟﺔ ﻭﺷﻨﻮ ﺍﺟﺎﻭﺑﻪ ﺿﻠﻴﺖ ﺳﺎﻛﺘﻪ ﻭﺑﺲ ﺩﻣﻮﻋﻲ ﺗﺠﺮﻱ
ﻛﺘﻠﻪ ﺍﻟﻠﻬﻢ ﻻ ﺷﻤﺎﺗﻪ ﻭﺛﻖ ﺑﺎﻟﻠﻪ ﻣﺎ ﻓﺮﺣﺖ ﺑﺎﻟﻌﻜﺲ ﺭﻏﻢ ﺍﻟﻲ ﺳﻮﻳﺘﻪ ﺑﻴﻪ ﻭﺧﺴﺎﺭﺗﻲ ﻟﻄﻔﻠﻲ ﻫﻢ ﺑﺴﺒﺒﻚ ﺑﺲ ﺍﻧﻘﻬﺮﺕ ﻭﻣﺎ ﺗﻤﻨﻴﺖ ﻳﺼﻴﺮ ﺑﻴﻚ ﻫﻴﺞ
ﻋﺎﻻﻗﻞ ﻟﺨﺎﻃﺮ ﺑﺘﻚ ﺑﺲ ﺭﺑﻚ ﺑﺎﻟﻤﺮﺻﺎﺩ ﻓﻬﺪ ﺛﻖ ﺑﺎﻟﻠﻪ ﻣﺎ ﻓﺮﺣﺖ ﺑﺲ ﺭﺑﻚ ﻳﻤﻬﻞ ﻭﻻ ﻳﻬﻤﻞ ﻭﺷﻮﻑ ﺷﻠﻮﻥ
ﻋﺎﻗﺒﻚ ﻻﻥ ﺍﺫﻳﺖ ﺷﺨﺺ ﻳﺘﻴﻢ ﺍﻧﺘﻪ ﺑﻴﻮﻣﻬﺎ ﺑﺠﻴﺖ ﻋﻠﻰ ﻛﻠﺸﻲ ﻣﺮ ﻭﻳﺎﻳﻪ ﻭﻋﻠﻰ ﻛﻠﺸﻲ ﺩﺍﻋﻴﺸﻪ
ﺃﻣﺔ ﻟﻔﻬﺪ ﺑﺲ ﺩﺍﺭﻳﻪ ﻣﻀﺮﻭﺑﻪ ﺟﻠﻄﻪ ﻭﻣﺸﻠﻮﻟﺔ ﻫﺴﻪ ﻻﻥ ﻫﻮ ﺑﺲ ﻫﺬﺍ ﺍﻟﻮﻟﻴﺪ ﺑﻘﻰ ﺍﻟﻬﺎ ﻭﺭﺍﺡ ﻳﺮﻭﺡ ﻣﻦ ﺃﻳﺪﻫﺎ
ﻳﺘﺒﻊ ..............
ﻃﺒﻌﺎ ﺟﺪﺍ ﺟﺪﺍ ﺟﺪﺍ ﺍﺳﻔﻪ ﻭﺍﻋﺘﺬﺭ ﺇﻋﺪﺍﺩﻱ ﻛﺜﺮﺕ ﻫﻮﺍﻱ ﺑﺲ ﺻﻔﺮ ﺑﺎﻟﻠﻪ ﻋﻴﺪ ﻭﻣﻮ ﻓﺎﺭﻏﻪ ﺍﺣﻚ ﺭﺍﺳﻲ
ﻭﺭﺩﺕ ﺍﻧﺰﻝ ﺍﻋﺘﺬﺍﺭ ﺍﻟﻜﻢ ﻭﺍﻛﻮﻟﻠﻜﻢ ﺑﺲ ﺭﺣﻨﻪ ﺳﻔﺮﻩ ﻭﺻﻌﺪﻩ ﺑﺴﻜﺘﺔ ﺍﻟﻤﻮﺕ ﻭﻭﻛﻊ ﺗﻠﻔﻮﻧﻲ ﻭﺍﻛﺴﺮ ﻭﻋﻠﻤﺎ ﺻﻠﺤﺘﻪ ﻭﺑﻘﺖ ﺍﻟﺪﻛﻤﺔ ﻋﺎﻃﻠﻪ ﺍﻋﺬﺭﻭﻧﻲ ﺍﺗﺮﺟﺎﻛﻢ ﺍﺩﺭﻱ ﻣﺼﺨﺘﻬﺎ
ﻭﺧﺎﻑ ﺑﺎﺟﺮ ﻣﺎ ﺍﻧﺸﺮ ﺗﺮﻩ ﺑﻘﻰ ﺑﺲ ﺍﻟﺒﺎﺭﺕ ﺍﻷﺧﻴﺮ
ﺍﻋﺬﺭﻭﻧﻲ ﺍﻟﺴﺤﻚ ﻋﻮﺩ ﺍﻋﺪﻟﻪ
#فصليه_لضالم (وحش)
بنت من بغداد
يتيمة الأب
تذهب فصليه
بسبب ابن عمها
يا ترة شنو حيصير بيها
تابعو القصة وشوفو
احداث حلوة وحزينه
#بقلم سقين الشمري
#البارت الاخير
السلام عليكم
فصليه لظالم (وحش)
لا يسمح او يحلل نشر القصه بدون ذكر اسمي
&
ضليت هاي حالتي فهد تمرض وصارت حالته فدنوب طلعو بي للهند يشوفولة علاج بس كالو انو ماشي بجسمة المرض وصارله فترة مو جديد يعني
اجتني خاله ام علي عليه تشوفني شافت حالتي كلش صعبه وخلقتي متبدله ومتغيرة فدنوب كالت انتي بيج شي مو خاليه
سالفتج ولا مريضة سالتني اسئله وكالت حالتج ما طمن اخابرلج صديقتي الي بالجنوب جنت يمها وتاخذ خيره مضبوطة
وهيه تشوفلج وتعرف حالتج خابرتها وهيه كاعده يمي وكلتلها هيج وهيج حالتها فالمرة أخذتلي خيرة
وحجت الي عجايب اني صراحة ما امن واصدك بهيج سوالف كلش يعني نص ونص
كالت انتي مسويلج سحر والي مسوي من أقارب رجلج والسحر مدفون بالمقبرة وحتى عالخلفة
مسويته الج بنيه والسحر هو على فراق وكره ونفور من الطرفين والثاني من طالعه حامل مسويته
عالخلفة يصير عندج إسقاط وتذبين الطفل او يموت كتلها اَي صح مات كالت ونهائيا ما يصيرلج خلفة من دام هذا السحر عليج
والسحر ماخذ من حيلج وعافيتج ومتعبج وتشوفين احلام مو زينه وكارهة نفسج وضايجة من كلشي
دتتعبين هواي وتريدين تعوفين زوجج وتريدين تطلبين الطلاق من عندة كتلها اَي صحيح كالت ديري بالج تسويها ابد مو بصالحج
ولتخطين هيج خطوة لان هذا السحر انتي بفعل السحر رايدة تطلبين الطلاق وخلفة ما تصير الج الا يبطل
كالت الي مسويته بعدها بنيه ممزوجة وناويتلج على شر وتكرهج
مواصفاتها حنطاويه وعيونها عسليات حلكها شوي جبير شعرها لحد جتفها
عمرها بالعشرين سنه
حجتلي كومة حجي يعني بس ما كالت اسمها وعرفتها نبأ
كتلها هيه وعرفتها كالت دتخلي سحر بالاكل اكثر شي كل ما تلتقي برجلج
بالاكل بالجاي انواب بالمي تخلي اله ومسويتله مال محبه تجاها ومخليته يتودد الها
وتريده يطلكج ويأخذها رجلج يكرها وميطيقها بس العمل مآثر عليه وانتي صار فترة طويله مبتعده عنة
وهذا الشي مو بصالحج ابتعادج عن بيتج وزوجج يضرج هواي
وترة حاليا مقويه علاقتها بي وراح تخسري اذا بقيتي هيج
زوجج يحبج ويموت عليج ويبوس التراب الي تمشين عليه
بس سحركم قوي ومآثر عليكم اثنينكم وراح تخسرين رجلج بسبب هذا الشي
الأفضل الج ترجعين لبيتج ولرجلج ولتخلين الي بالها يصير
وحاولي تخلي ميروح الهم مياكل او يشرب شي منهم وبالذات هيه
وترة بعض السحر تسوي من سلام مجرد تلزم ايده ملابسه بعد هايهيه خلص فحاولي بقدر امكانج لتخلي يروح
ولا تبقين ارجعي لبيتج واحتوي رجلج واذا كرهتي تره بسبب السحر
وحتى اذا تعاركتو لطلعين من البيت تره كلة مفعول السحر لان سحركم قوي
حجتلي كومة وكفت عقلي كمت ابجي وراها علمتني امسح البيت بمي وملح وخل ودائما افتح رقيه بالبيت
واللحم قبل لا اسلكة من اغسله المي مالته لو أرشه بعتبه باب المطبخ او باب البرة
ضحكت من كالت هيج كتلها هاي خرافه اول مرة اسمع هيج شي كالت يمه هاي مو خرافه
صدك سوي وشوفي كتلها الله كريم خاله بعدها خاله ام علي هم ضلت تلح عليه تريد ارجع
واني ضليت محتاره ما ادري شسوي تعبت من كلشي وكرهت روحي
يعني كل مره اكول هايهيه خلصت ارجع اوكع بمشكله ثانيه
رايد ابجي بحضن واحد
كون يعرف يمسح
دموعي التطيح 😓
ورة فتره يومين رجعت للبيت بس جان كلبي مقبوض
ومن طبيت للمطبخ واذكرت هنا وكعت فحطت من البجي
بس يوسف وياي ويصبر عليه وفرح برجوعي للبيت بس حيل صرت بارده وما الي خلك ثوب ألي عليه
شفت هواي اتصالات تجي ليوسف يجاوب كدامي وجانت نبأ
بس انواب يكوللها امر الج واشوف وما جنت اعرف شتريد تخابره
ويومية مراسلتها انواب ما اتحمل واكوم اعيط وأصيح
وما ادري شسوي اخر شي بزعت كمت من تخابره ويريد يطلع اخربط روحي
وهو من يشوفني يتخبل عليه فيبطل ميروح رحت لبيت عيالي وحجيت لعمتي ولمروة وعمتي لطمت على وجها
وكالت ليش ساكته كتلها شكول شحجي يعني كلت خاف مصدكوني كالت لا احنه ندري بيها ادبسز
بس ما ندري هيج وصلت بيها السالفه وعبالنه من يصير شي تحجين متسكتين كتلها لا يابه صارلها كومة وحجيت كلشي الها
كالت اني اكول لابوها وهو يصرف وياها وإلا اخلي يذبحها كتلها لا لتكوليله انوب يوسف يتخبل وبعد ميريدني
بس اني كلت انطيج علم خاله لان اني ما اعرف طبيعتها شنو وشبيها وياي اصلا
كالت هاي وحدة الله يستر عليها مو راحة جانت تروح للمدرسة ترجع يلكون ولد جايبها يومية شكل
وأبوها راد يموتها ويومية شكوة عليها حتى من اصحاب المحلات الي بالطريق يكولون لابوها بتك مو خوش بنيه وهو تخبل
وتالي بطلها من المدرسة وكعدها بالبيت انوب اشترت تلفون ويومية وية واحد وانوب دازه صورها لولد
وكام يهددها ينشرهن لو دز اله فلوس وهيه ضاله دز فلوس اله ومحد يدري من اهلها ولا اَي احد تالي لحد ما خلصن فلوسها
وانفضحت كدام اهلها كالت لامها ودور كل كرايبنه درو بيها وحطوها اهلها موتوها كتل وأبوها سحب السلاح وحلف يكتلها
ونامت عليها أمها وتعيط مقبلت يكتلها تالي عمج ابو يوسف كعده وهداه وسوو كمين لذاك الولد ولزمو وطحيو حضة
اشكال هاي لو اسولفلج مصايبها وبلاويها تتخبلين وضلت تحوم على رجلج تريده وهو ميقبل
يتخبل منها ولوبحت بايدها ورجلها ومقبل كامت تجي للبيت لهنا تصعدله للغرفة وما عبرها
حارت شسوت اخر شي كالت لاهلها من خطبج عدي علاقه اني وَيَا واعدني بالزواج وهسه عافني
ضلت تحجيلي واني مصدومة من حجيها طلعت من وراها بلاوي هاي كالت اني اكول لعمج وشوف هو شيكول وشيقرر
كتلها اَي اني هم كلت اكول اله لان تعبت من هاي السالفه كالت اذا صار شي جديد يستدعي انو تكولي بلغيني عود كتلها انشالله
رجعت للبيت وقررت انو اكسب رجلي مثل ما كلها كالت وأحافظ عليه لان مستحيل الكي مثله بعد
هو خوش إنسان والشريك المثالي واني هم حبيته وتعلقت بي هواي شلت الفرشة وفرشت غيرها
ورتبت الغرفه وعطرتها وشعلت شموع بيها ومكيجت خفيف وخليت لون الحمره احمر صارخ
وشعري هو مشسور ولبست ثوب نوم قصير وفاضح وخليت العطر الي يحبه يوسف
وسويت تحلايه نكعد نأكلها صارت ب١١ بليل اجى هو من الدوام طب للبيت من شافني تفاجئ ما عباله اليوم هيج
عباله مثل كل مره بهدوم البيت وكاعدة وساكته تلكيته من الباب حضنته وابوس بي هو ما صدك
بادلني الحضن والبوسه وكلي هاي اليوم شكو شنو هالمناسبه شعجب طالعه تخبلين
كتله مو شرط اكو مناسبه بس صار فتره شوي هاملة حبيبي واليوم اريد اهتم بيك واعوضك عن الي فات
جوابه الي جانت لهفته اليه وبوساته ماكو شوي ورحنا بغير عالم اني وَيَا بس مجان يرضى اسوي طفل يكول ارتاحي يله تسوين
ثاني يوم صادف يوم جمعه فهو موجود بالبيت ضلينه نايمين وكعدنه وسوينه الريوك سوه وكعدت بحضنه وتريكنة
فالضهر دنحجي اني وَيَا كال راح اخذ اجازة ونروح اني وياج لأربيل كتله يا ريت عاد نغير جو
وفعلا وره يومين اخذ اجازه واليوم الي بعده رحنا لأربيل بقينه اسبوع جانت سفره تخبل وفعلا ارتاحينه
وتغيرت نفسيتنا وضلينه اكثر الأوقات منطين التلفونات وضع طيران علمود محد يدك علينه
تونسنه وشبعنه ونسه وارتاحت نفسيتنا ورجعنه لبغداد بس من رجعت رحت لبيت اهلي ومريت لخاله ام علي
لكيتها تبجي كتلها شبيج كالت فهد واكع وحالته خطره وأبد مو زين وهسه ناقلي لبغداد ويكولون يجوز ميعيش
وحالته تصعب عالكافر تكأبت من كلتلي ما جنت متوقعه هيج يصير بي كتلها رحتي اله كالت لا بعدني
كالت يمة ما الله يحنن كلبج عليه شويه وبس روحي شوفي لا يموت كل ما اخابره يكول اريد اشوفها
فرحي قبل لا يموت وخاف يموت بلكت تتحسن حالته من يشوفج ضليت ساكته ما اعرف شنو اكول وشنو احجي
رجعت للبيت وفهد ابد ما فارك بالي يوسف جان بالدوام ضليت كاعده وأفكر واكول اروح اله وارد أتردد واسكت
كمت حضرت الاكل كله عالميز وحتى المي خليته وكملته كله وضليت كاعده وافكر
رجع يوسف من الدوام وره ساعه وبدون حجي اخذته من ايده حتى ما خليته يبدل او يغسل ورحت مددت ونمت بحضنه
كال شبيج حبيبي منو وياج بيج شي كتله لا بس احضني محتاجة حضنك حيل خليني اغفى وراها كوم والأكل مصبوب ومخلى كله عالميز
كال انتي ما تاكلين كتله لا ما اشتهي وما اريد راسي يوجعني هو هم ما جذب خبر ضَل حاضني ويمسح على راسي لحد ما غفيت
ورة كم يوم زادت حاله فهد كلش انجبرت بدون علم يوسف اروح اله ادري هذا الشي غلط وحتى ربي يعاقبني عليه
بس اضطريت وهاي أنسانيه هم رحت اله للمستشفى ولكيت أمه ومرتة هناك من شافتني سهيله تخبلت ورادت تهجم عليه
ولزموها ولد عم فهد وعاطو بيها اني اصلا مدرت الهن بال ولا اعتبرتهن موجودات اصلا وحتى ما سلمت عليهن
سلمت على ولد عمة ورحبو بيه حيل طلبت اشوف فهد لبست الكمامة بأمر من الطبيب ودخلت عليه
هو جان نايم عالسديه وجها شاحب وصاير لون وجها اسود وعيونه يخوفن وضعفان باقي بس جلد وعضم
من شافني تخبل مدري شصار بي رأسا عيونه دمعت كام ينهت ابن عمة رأسا سد الباب وطلع
اكيد ما اتحمل المنضر ضليت صافنه عليه واباوع عليه هو رأسا بجى كام يبجي بصوت اسمع صوت سهيله بره تتعارك
واباوع عليه هو شكد ضعيف وهزيل صاير ولا هو نفسه جان بقوته وبجبروته
اشرلي اروح يمه رحت مشيت وتقربت سحبت الكرسي وكعدت ضليت بس صافنه عليه واباوع
شصاير بي وشكد متغير كلي بصوت ضعيف وتعبان شفتي حوبتج شسوت بيه
نزلت دمعتي وضليت ساكته محجيت شي كال هسه اكدر اموت واني مرتاح باوعت عليه ونزلت دمعتي
كال شلونج هزيت راسي بزينه كال اشتاقيتلج زمرد يحجي ودموعه تنزل مد ايده وكال ادري غلط وحرام
بس بروح ابوج اريد الزم ايدج مقبلت لح وحلفني بروح ابويه مديت ايدي وكمشها هو قشعر كل جسمي
وهو باسها وخلاها على كلبه وصاح أفيش يربي هسه اخذ أمانتك اذا تريد اختنكت كلش ومكدرت اسكت بعد وخرت الكمامة
ونزعتها هو مقبل شال ايده ديرجعها على وجهي وأيده ترجف كال مو زين اخاف عليج لتنعدين
كمشت ايده ومقبلت حجى وياي وبعدها هنا طلعت من صمتي وحجيت وَيَا كتله ليش هيج صرت
ليش هيج حالتك شنو مجنت تعرف بهذا المرض كال لا مجنت ادري بس ورة ما رحتي انتي مو تدرين عندي دم زايد
ورحت سويت حجامة اكثر من مرة وهو منتقل من هاي السالفه وبعدين الا وكعت وتمرضت يله دريت بي من رحت للدكتور
ضليت كاعده يمة وكتله ليش متطلع للخارج كلي تعبان ما بيه أتحرك منا لهنا اذا تحسن حالي اطلع واذا ما تحسن بعد ربج ياخذ أمانته آو يخليها بكيفة بعد
حجى وياي وكلي حوبتج كتلة اني ما دعيت عليك جذب بس ما ردت يصير بيك هيج بس ربك ما يطك بحجار واللهم لا شماته ما داتشمت اني
واني يتيمة وانته عذبتني ضلينه نحجي بس فهد مو هو نفسه تعبان وحيل متغير المرض ماخذ من عمرة
هواي كتله كافي تحجي مو زين عليك ومو وكت العتاب اترك هسه بعد ما طولت يمة ساعه
ودعته وطلعت سلمت على ولد عمة وطلعت ركبت السياره ورحت كعدت عالكورنيش وافكر اليوم يوسف يبات بالمركز
ضليت صافنه واباوع عالعالم وافكر التفكير الي كاتلني كل ما اكعد لازم افكر زين اني ليش رغم كرهي لفهد
ألبي الي يريدة وأضل ساكته وما اتعصب واتعارك وَيَا ما ادري محتارة حيل محتارة وما ادري شسوي منا وضعي وكرهي للحياه بكاملها
ومنا بت عمة ليوسف ومنا فهد ووضعه وما وضعي اني حرت واحتاريت وين التفت وعلى منو اندار
ضَل فهد بالمستشفى وبس شوي كدر يكوم على حيله طلعو بي للهند واني امتحنت الامتحانات كلها ونجحت بس كوة بالدفع والواسطات لان ما لزمت كتاب وقريت ابد
مرت ٦ اشهر وضل فهد يتعالج وياخذ كيمياوي وحالته تسوء متتحسن وام علي تكول على لحضة يموت
يعني الهي اله بيها إرادة لا هو الي مشافي ولا هو الي ماخذ امانته ومخلي يرتاح هو اعرف واحكم بعد
رحت للأمام الكاضم وزرت ودعيتلة من كلب محروك من صدك رغم الي سواه بيه بس خطيه عاد لخاطر بته عالاقل
بيوم كاعده وخابرني رقم غريب فتحته صوت بجي وحس مرة الو الو جان تكول هلو يمة زمرد شلونج اني عمتج
صبريه اخت ابوج سكتت ما جاوبتها ولا رديت السلام الها كالت يمة ما كافي الخصام الي بينه
خلي نرجع ونلم شملنة وهسه احنة محتاجينج ضروري لان جدج انطاج عمرة البارحة وتوفى وجديتج تريد تشوفج
بكل برود كتلها خلصتي كالت اَي خليت وسديت الموبايل بوجها حتى ما ودعتها البعض راح يكول قلة تربيه
بس الي سو بية مو قليل بسببهم اني دمرت وهسه يله تذكروني وفوكاها تكول نلم الشمل
بعد الي سو كلة بيه يكولون نلم الشمل وعبالك اني العايله بيهم ولا اهتزيت ولا انقهرت من كالت ابو لبابا مات
لان بعمري ما شفت منة شي حلو وما جان يحب ماما وهو الي نطاني فصليه
ثاني يوم دخت كلش وتقيأت جانت فايتتني الشهرية فالعصر طلعت حللت بمختبر بالكراده قريب عالبيت وما كلت ليوسف
وجانت النتيجة حامل فرحت حيل بس جنت خايفة من ردة فعل يوسف لان حذرني ما اسوي طفل ميقبل
بليل سويتلة جو بالغرفة وشموع هم واغنيه رومانسية وبدلت وحضرت علبه بيها ملاهي (مصاصه للطفل) او لهاية وخليتها بهديه
جان طالع وية جماعته ورجع ضليت انتضرة عاد طب للبيت واجى للغرفه تفاجئ من شاف شكل الغرفه
صار يعرفني من اكو شي اسويلة حفلة عاد كال شنو. المناسبه اليوم يا حلو كتلة مناسبه تخبل وكلش حلوة
باسني ومال شنو هيه بالله كتله انتضر بعد شوي اكولك شنو هيه جريته من ايده وركصت سلو اني وَيَا
ورحت جبت البوكس تبع الهديه ونطيتها اله كتلة افتحها كال اني اذكر بهيج يوم ماكو مناسبه مثل عيد زواج عيد ميلاد
شنو مناسبه الهديه كتلة شكد تحجي يا الله افتحها وشوف كال ممممممم خلي نفتح ونشوف
فتحها وانصدم من شاف اللهايه بداخلها عقج حواجبه وكال هاي شنو كتلة شتشوف كال ملاهي مال طفل
كتلة اَي كال بس شسوي هنا وليش حاطتها بهديه ومطيتها الي لزمت ايده وخليتها على بطني حبيت الطف الجو شوي
لان ادري بركان وراح يثور كتلة يعني اكو بيبي بالطريق فتح عيونة على وسعها وصارت شرار وعقج حواجبه
كال شنو كتلة اَي حبيبي مثل ما داكول الك كال تحجين صدك كتلة اَي والله كال ليش اني شحجيت كتلة هو صار بعد
واني ما بيه شي ولازم تفرح راح يصير عدنه نونو شمر العلبه من ايده وكطها للكاع
كام يعيط ويصيح ويغلط ويكول ما تاخذين كلامي وانتي وحدة ما اكدر الج والي براسج تسوي
وضل يعيط ويصيح ما توقعت رده فعلة هيج كتلة انته هذارالي سويته كلة متريد من عندي طفل او متريد طفل لو شنو
كتل اني شحجيت وشكلت مو كتلج خلفه هسه ما اويد مو كتلج مو زين عليج تخلفين هسه خلي تعبر فترة ياه كتلة اَي هاي مو راح يصير سنه
مو صار ٨ اشهر بعد شكو كام يعيط ويكول لا انتي ما تاخذين حجي والي براسج تسوي واني مو بعينج
بس الا اذببلجياه فلا اخلي بطنج ولا اخليج تكسرين حجايتي وهسه امشي وياي للمستشفى اذببلجياه جرني من ايدي
عتيت ايدي وعطت بوجهه وكمت ابجي
يتبع .............
#تكملة البارت الاخير
السلام عليكم
فصليه لظالم (وحش)
بقلمي سقين الشمري
لا يسمح او يحلل نشر القصه بدون ذكر اسمي
&
.................
عتيت ايدي منه وعطت بي وكمت ابجي كتلة انته ليش تسوي هيج ليش تخرب فرحتي
اني فرحانه ومتلهفة حتى أبشرك وتالي انته تكولي تذبي كال بعصبيه اني علمودج اخاف عليج
كتلة انته متخاف بس انته تكرهني ومتحبني صاير وتعرف وين تروح ونتريد طفل مني وهسه من دريت اني حامل تخبلت
كال لتغيرين السالفه وتحاولين تفريها وتريدين تنهزمين تدرين بيه الهوا الي اتنفسه انتي واخاف عليج بعد شكو
بس اني كلامي واحد ومصر اليوم الا تذبي ميطلع الصبح وهو بطنج تخبلت كمت اعيط عليه كتلة هيج متخبل مني
وتريد تموت ابني فلا ابقى عندك ولا اكعد يمك دقيقه وحدة انداريت عالكنتور سحبني من اَيدي وكال
اني شوكت كايل ما اريدج شوكت ما حبيتج لو بطلت احبج بس اني من وراج اخاف عليج لا يصير بيج شي
اذا لا سامح الله صار بيج تدرين شسوي اكتل روحي وأموت ما اتحمل دقيقه بدونج اني احس روحي انولدت من يوم الي شفتج
ويومية سالفتج متروح من بالي بس افكر بيج اخاف عليج اني ما اريد حتى طفل انتي طفلتي ومرتي وروحي من الدنيا
انتي كلشي بالدنيا عندي والله اخاف عليج كتلة اطلع برة ما اريد أشوف شكلك دومك تخرب فرحتي
كال اسف واعتذر كتلة اطلع هسه خليني وحدي اريد أتنفس اضوج منك اتنهد وكال من تهدين تعاي اريد احجي وياج
خلة وطلع كعدت بالكاع وضليت ابجي بس اني متوقعه رده فعله هيج لان حذرني ما اسوي طفل بس زين صار ٨ اشهر
ضليت كاعده واباوع عالغرفه عود سويتله اجواء بالغرفة تالي خرب الاول والتالي
ورة شوي صاح الي ما كمت ورحت اله اجى للغرفه فتح الباب وشافني نفس وضعي كعد يمي
كال اني مو كتلج تعاي عود ليش تعاندين كتلة ما اريد احجي وياك سوتها ليله كشره ما اريد اسمع حسك
لزم اَيدي وكال عوفج من هاي السوالف كلها باجر تره اخذج للدكتورة وتفحصج وتشوف وضعج واذا الطفل بي
خطوره على حياتج او ياذيج رأسا تذبي تمام باوعت عليه كتله بهالسهوله عندك اذبه عادي هذا قطعه مني شلون تريد اذبه
وكل شوي يخابر ويسال خومو ركصتي وحلفت مروة وعمتي هم ميكولن اله لان يزعل ويضل يعيط
وراها بشهر كمنة نحضر لحفله التخرج وخطيه حتى صديقاتي ما هدني احضر هواي أشياء انطيهن الهن وهنه يسونها
وهنه تخرجن من العام واني بقيت لان تركت السنه الي رحت بيها فصليه لفهد
صارت الحفله وقبلها مال الصور وبالكليه ولازم نطك صورة جماعيه اني وكفت جوه للن ما اكدر اصعد
ويوسف اشترالي فستان حفلة التخرج خله العالم كلها صافنه عليه من طبيت كد ما حلو الفستان ويخبل
بحيث كربونه يكول أشيك وحدة بالحفلة طالعه انتي ومن صاحو الأسامي مال الطلبه ولازم يدخلون وراها فكل واحد قبل لا يصيحون أسمة
يلقولة شعر او يمدحون بي او يكولون بي صفه من وصل السره اليه الي يصيح الأسامي
كال أشيك وحدة بالحفلة جميله الحفله فاتنه الحفله زمرد احمد عاد دخلت اني والمصور يصور بيه
وكرسي كدامي هههه بس الي م طالعه اخبل والله ولايكلي الفستان وحتى الحمل حلو صاير اليوم وية الكشخة
اباوع على يوسف يريد يخنك الي يصيح الأسامي لان اتغزل بيه وصلت ولبست بدلة التخرج
وخلولي القبعه على راسي ورحت اخذت كارت التخرج جانت الحفلة كلش حلوة واجوائها تخبل
خلصت الحفلة ورجعنه للبيت بوكتها حيل تعبت ورجلية ورمت هواي رأسا يوسف خابر الدكتورة
لان اخذ رقمها ودك عليها بس جاوبت كللها هيج وهيج حالتي كلتلة عادي لان أتقرب موعد ولادتها مبقى هواي
وهيه هاي أعراض الحمل لازم تعبت اليوم او تحركت هواي كللها اَي جانت حفلة التخرج مالتها
كلتلة عادي لتخاف عليها مبيها شي مجرد بس تنكع رجليها بمي وملح دافي وبعدها تنام وترتاح
للن اليوم متحركة هسه تصير تقلصات عدها هم هو بس سده من عدها ما جذب خبر نزعني ملابسي كلة بايده
ورد أخذني للحمام كعدني بالبانيو وترسة مي ضليت مددة بي ارتاح جسمي وطلعت سبحت بالدوش
ورد انوب ترس الطشت مي دافئ وكعدت عالمصطبه وخليت رجليه ٥ دقايق
طلعت جان جايب عشه من المطعم لان رجعت متأخره وكال تعاي اكلي كتلة نعسانه ما اكدر
لح عليه سوالي لفات بايده اكلت شوي ونمت من التعب خابرتني خالتي ام علي ثاني يوم تبشرني
انو فهد النسبه مال المرض نازلة كم درجة وشوي مستجيب للعلاج الكيمياوي لان جان جسمة ممتقبله
حمدت ربي مهما سوا بيه بس ما تمنيت يصير هيج بي لخاطر بته ثاني يوم اجو بيت عم يوسف
يتعللون يمنة علساس اهل نبأ بكل عين صلفه جايات يابه فورت دمي بالصدفه
مروة خابرت تسال عليه شلون صرت لان شافتني اول البارحة تعبت وسمعت صوتهم
ماكو
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
