رواية قتل زوجتة وعشيقها ولكن الفصل الرابع والاخير بقلم ياسر عوده
ستات كتير، اخويا اللى دبر قتلها والسبب انه عرف وحده عليها، كانت اخت واحد شغال عنده في محل الكهرباء، اول لما شافها عجبته وقدرت تستدرجه وعمل معاها علاقه، وكانت مصوراه وطلبت منه يتجوزها، وكان عارف ان سميه مش هتقبل انه يتجوز عليها وهتطلب الطلاق، وقتها اهلها هيطلبوا كل مستحقتها ومستحيل يقدر يسد مستحقتها وهيتخرب بيته، وفكر وقتها يخلص من سميه لانه ماقدرش يخلص من التانيه كانت مسيطره عليه، واشترك هو واخوها على قتل سميه، هو بعته للبيت عنده بحجه انه يودي طلبات، ولما فتحتله سميه كان معاه سلاح وهددها بقتل بنتها، ودخلها بالعافيه في اوضه النوم واجبرها تلبس قميص نوم، كانت خايفه على بنتها، ولما ساب البنت علشان يعتدي عليها وقتها هي حاولت تهرب ببنتها وتستنجد باي حد فقتلها، وخرج بسرعه وخد معاه دهب سميه علشان تبان سرقه، ولما انا طلعت لما اخويا قالي وحصل اللى حصل والتحقيق مشي زي ما اخويا عاوز، وبعد يوم سمعته بيتكلم مع المجرم اللى قتل سميه وعرفت كل اللى حصل، ولما واجهته لقيته جايبلي دهب سميه كله وطلب مني اسكت، قالي انه هيسافر مع حببته التانيه وانا ابيع الدهب واتجوز بيه، وللاسف سمعت كلامه.
ــــــــــــــــــــــــــــــ
بعد ما خلصت اعترافي وقتها النيابه اصدرت قرارها بفتح قضيه سميه مره تانيه، وكمان قدروا ينسقوا مع الدوله العربيه اللى فيها خالد وتم ترحيله لمصر للتحقيق معاه ومحاكمته هو وشريكه اخوا مراته، وحتى انا كمان اتحكم عليا بالسجن سنه للتستر على جريمه، بس انا مش زعلانه لاني استاهل اللى حصلي لاني ساعدت في تدمير سمعه انسانه بريئه.
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
