رواية عنيدة في برزخ العشق الفصل الخامس والاخير
في فيلا أهل ندي.. ياسر قاعد مع أحمد وحنان وأماني
ياسر بهدوء
قولت إيه يا عمي؟ أنا مصر نعمل كتب الكتاب الجمعة الجاية.
أحمد باستغراب
وإنت إيه اللي يخليك مصر بالشكل ده وكمان من غير ما تقول لندي ولا تاخد رأيها في حاجة زي دي؟
حنان بزعيق
خلاص بقى يا أحمد كفاية دلع لحد كده، سبناها على راحتها كثير. أنا موافقة على اللي بيقوله ياسر، مافيش غير الطريقة دي اللي تنفع مع بنتك.
أماني بهدوء
اهدي يا حنان يا حبيبتي مش كده.
ياسر بهدوء
بص يا عمي، لو على ندي أنا هعرف أتصرف معاها، المهم إنت توافق.
في اللحظة دي تدخل ندي وهي بتقول باستغراب:
ندي
يوافق على إيه يا ياسر؟
الكل يبص لها، ياسر يبص لأحمد وهو بيقوم:
ياسر
فكر في كلامي يا عمي، ومستني منك تليفون.
ياسر يتحرك بسرعة علشان يطلع.. ندي تجري وراه وهي بتقول:
ندي بصوت عالي
استنى يا ياسر...
ـــــــــــــــــــــــــــــــــــــــ
في الجنينة
ياسر ماشي علشان يطلع. ندي تجري وراه وتمسكه من ذراعه وهي بتقول بغضب:
ندي
استنى عندك، أنا مش كلبة بتنادي عليا.
ياسر بزهق
أفندم، عاوزة إيه؟
ندي
عاوزة أفهم آخرت اللي بيحصل ده إيه؟ بقالك أسبوع متجهلني كأني مش موجودة.
ياسر بغضب
وإن شاء الله عاوزاني أعمل إيه بعد اللي عملتيه؟ آخدك بالحضن مثلاً؟
ندي بعياط
حرام عليك يا ياسر أنا تعبت. كام مرة هقولك اللي حصل ده أنا مش عارفة ولا فكرة حصل إزاي، أقسم بالله ما أعرف إزاي ده حصل.
ياسر بحزن
نفسي أصدقك يا ندي، بس آسف مش قادر أضحك على نفسي. على العموم إنتي بنت عمي في النهاية ومن واجبي أستر عليكي في حاجة زي دي. جهزي نفسك، كتب الكتاب الجمعة الجاية.
ندي بذهول
يعني كتب الكتاب الجمعة؟ وبعدين إنت مش مصدقني وعاوز نتجوز إزاي؟
ياسر يقرب منها وهو بيقول بغضب
اسمعي يا ندي، إنتي خونتيني ووجعتيني، وأنا رديت الخيانة بخيانة وخونتك أنا كمان، كده متعادلين. ومش مهم بقى نتجوز إزاي، المهم إن اللي في بطنك ده هينزل بعد الفرح. وأنا هتجوزك ليه؟ هتجوزك علشان خاطر عمي اللي واثق إني قد الأمانة.
ندي بذهول وعياط
إنت بتهزر صح؟ إنت ما خنتنيش، ما قربتش من غيري صح؟
ياسر يبعد عنها وهو بيقول
والله مش هتفرق خونتك أو لا، ما إنت خونتيني قبلي. زعلانة أوي كده ليه؟
صوت أحمد أبو ندي واقف وراهم وسامع الكلام، يقع على الأرض وهو بيقول:
أحمد بوجع
آهــــا... قلبي.
ياسر وندي بصدمة:
ندي
بااابااا!
ياسر
عمــــي!
ــــــــــــــــــــــــــــــــــ
في شقة سارة
صوت جرس.. سارة تجري علشان تفتح الباب تلاقي يسريا.
سارة بزهق
إيه يا بنتي هتوقعي قلبي! في إيه؟
يسريا تدخل وهي بتقول بذهول
هيقع لما تعرفي أنا جايالك ليه.
سارة باستغراب
ليه؟ حصل إيه؟
يسريا
عرفت مين اللي كان مع الست ندي اليوم اللي خدرنها فيه.. ومش هتصدقي هي حامل من مين دلوقتي!
سارة تسكت شوية وتفتكر حاجة...
ـــــــــــــــــــ
فلاش باك
في حفلة عيد ميلاد
يسريا وسارة واقفين يبصوا بغيظ لندي وياسر وهما بيرقصوا مع بعض.
سارة بغيظ
عملتي إيه قولتلك عليه؟
يسريا بخبث
كل حاجة جاهزة، مش فاضل غير تشرب كوباية العصير. بس إنتي متأكدة المخدر ده مش هيخليها تفتكر حاجة لما تفوق؟
سارة
أيوه متأكدة، بس مش دي المشكلة، المشكلة هنبعد ياسر إزاي.
يسريا بتفكير
عندي فكرة، اتصلي على حد من المستشفى يتصل عليه ويقول له محتاجينه ضروري، وأنا هروح أقنع ندي ما تمشيش معاه.
سارة بابتسامة
فل كده. بس إنتي متأكدة إن الراجل واصل وهينفذ اللي قولنا عليه بالحرف؟
الحاضر
يسريا تهز سارة وهي بتقول:
يسريا
إيه يا حاجة، روحتي فين؟ أنا بكلمك.
سارة بحزن
حاسة إن كل اللي بنعمله ده هيروح على الفاضي ودمرنا البت وهي مالهاش ذنب في حاجة.
يسريا بغضب
نعم يا أختي؟ وإنتي جاية دلوقتي تقولي مش عرفتِ إيه ولا عارفة إنك هتروحي في داهية؟ عاوزة تخلعي منها وتلبسيها فيا؟
سارة بعياط
أنا فعلاً ندمانة، حبي لياسر قتل ضميري. أنا بفكر أعترف بكل حاجة وأطلب السماح منهم واللي يحصل يحصل بقى مش بهمني.
يسريا بزعيق
وإنتي فاكرة بعد ما تعملي كده هيخدوكي بالحضن ويقولوا مسامحينك؟ فوقي يا أختي، مش وقت ندم. ده إنتي لما تعرفي مين اللي كان معاها قلبك هيقع من مكانه.
سارة باستغراب
مين اللي كان معاها؟ وعرفتي إزاي؟
يسريا بزهق
مش مهم عرفت إزاي، المهم إني عرفت.
سارة
طيب أخلصي قولي هي حامل من مين؟
يسريا
حامل من مراد، شوفتي النصيبة؟ مراد اللي دخل عليها بدل الراجل.
سارة بصدمة
إنتي أكيد بتهزري! إزاي مراد؟ وده حصل إزاي؟
ــــــــــــــــــــــــــــــــــــ
في المستشفى
قدام أوضة العمليات.. ندي وأمها وياسر وأمه واقفين.. والكل بيعيط. فجأة حنان تروح عند ندي وتضربها بالقلم وهي بتقول بغضب:
حنان
يا خسارة الخمسة وعشرين سنة اللي ضيعناهم من عمرنا على واحدة زيك!
ندي بعياط
ماما صدقيني أنا مظلومة، أقسم بالله مش عارفة اللي حصل ده حصل إزاي ولا إمتى، مش فاكرة أي حاجة، صدقيني.
حنان بغضب
مظلومة ولسه ليكي عين تقولي مظلومة؟ وأبوكي بين الحياة والموت بسبب واحدة فاجرة قليلة أدب زيك! ولا ابن عمك اللي صبر عليكي أربع سنين وكان طال نجمة من السما كان جبهالك، ذنبه إيه تعملي فيه كده؟ ورغم القرف اللي إنتي عملتيه لسه متمسك بيكي.
ندي وياسر يبصوا لبعض بزعل.
ـــــــــــــــــــــــــــــــــــــ
على الطريق بالليل
يسريا بتتكلم في التليفون وهي بتعدي الشارع:
يسريا
ما تقلقش فلوسك هتوصلك، المهم تنفيذ اللي قولتلك عليه، عاوزة أخلص منهم هما الاتنين.
وفجأة تيجي عربية، ويسريا مش تاخد بالها، والعربية تخبطها وتقع على الأرض ميتة والدم حواليها.
ـــــــــــــــــــــــــــــــ
تاني يوم في الشركه
مراد يدخل يلاقي الموظفين كلهم بيتكلموا مع بعض بزعل يروح عند واحد ويقول باستغراب
مراد
هو فيا اي هشام مالكم واقفين ليه كده
هشام بزعل
هو حضرتك ما تعرفش اللي حصل
مراد باستغراب
لا بس هو اي اللي حصل
هشام بزعل
الانسه يسريا عربيه خبتطها امبارح وماتت في ساعتها وابو الانسه ندي تعيش انت تعب فجاة ومات في العمليات امبارح
مراد بصدمة
انت بتقول ايه
ـــــــــــــــــــــــــــــــــــــــ
في بيت ندي
الكل قاعد لابس أسود وندي منهارة في العياط. حنان تبص لها بغضب وتقوم تمسكها من إيديها وتسحبها على بره.
ندي باستغراب
ماما بتعملي إيه؟
حنان ترمي ندي بره البيت، في اللحظة دي مراد يدخل ويجري على ندي يقومها من على الأرض. ندي تبص له ولأمها بصدمة.
حنان بغضب
غوري من هنا مش عاوزة أشوف وشك ده تاني، منك لله أبوكي مات بسببك.
ندي بعياط
ماما حرام عليكي أنا مظلومة.
تجري على ياسر اللي واقف ساكت تمسكه من قميصه وهي بتقول:
ندي بعياط
بالله عليك قول لماما إني مظلومة يا ياسر، إنت أكتر واحد عارف مين ندي حبتك صح.
ياسر يزقها بعيد عنه بغضب. ندي كانت هتقع بس مراد يلحقها. ندي تبص لياسر بصدمة.
ياسر بغضب
أنا خلاص مش هقدر أثق فيكي تاني ندي. حبيبتي إنتي قتلتيها من يوم ما سلمتي نفسك لواحد تاني، وإنتي دلوقتي حامل، عارفة يعني إيه حامل من غير جواز؟ أنا لما كنت هتجوزك كنت هعمل كده علشان خاطر عمي، بس عمي خلاص مات بسببك وأنا مش هقدر أجي على نفسي أكتر من كده.
ندي تنهار في العياط، مراد يبص لها بصدمة.
مراد بصدمة
إنتي حامل؟ إزاي؟
ندي بعياط
والله مظلومة، أقسم بالله أنا مش عارفة إزاي ده حصل ولا مين اللي عمل كده فيَّا.
مراد يكلم نفسه بذهول:
مراد
معقولة تكون ندي اللي كانت معايا وأنا كنت مسطول مش واخد بالي؟
مراد يمسح دموع ندي وهو بيقول:
مراد بحب
وأنا مصدقك يا ندي، لو العالم كله قالي إنك ممكن تعملي حاجة زي كده أنا هقول مستحيل علشان أنا عارفك وواثق فيكي فاهماني؟
ندي تبص له بصدمة.. ياسر يبص لهم بقرف.
ياسر بغضب
خدها وغور من هنا يا مراد، إنتوا الاتنين مقرفين زي بعض.
مراد بهدوء
هتندم أوي يا ياسر على اللي بتعمله ده، صدقني ندي أنضف بنت أنا عرفتها.
سارة تدخل وهي بتقول بخجل وعياط:
سارة
ندي مظلومة يا ياسر، هي بتقول الحقيقة.
الكل يبص لها بصدمة، ندي تجري عليها وتمسك إيديها وهي بتقول بعياط:
ندي
إنتي الدكتورة اللي كشفت عليا، قولي لهم الحقيقة وإنّي لسه بنت ومش حامل وطلع في غلطة في التحليل مش كده؟
سارة بحزن
لا يا ندي للأسف إنتي حامل فعلاً، بس مش دي الحقيقة، أنا هحكي قدام الكل اللي حصل.
سارة تحكي على كل حاجة عملتها هي ويسريا، والكل يبص لها بصدمة. وبعدين تقول:
سارة بندم وعياط
سامحيني بالله عليكي يا ندي، حبي لياسر كان عمني ومش عارفة عملت كده إزاي، والله أنا ندمانة وقرفانة أوي من نفسي وخايفة أموت فجأة زي يسريا من غير ما تسامحيني.
مراد بصدمة
يعني ندي حامل مني أنا؟
وفجأة ندي تضرب سارة بالقلم وهي بتقول بغضب:
ندي
أسامحك؟ أسامحك إيه يا شيخة؟ منك لله، ندمك ده هيرجعني بنت تاني ولا هيرجع بابا من الموت؟ روحي منك لله، لا هسامحك ولا هسامحها ولا هسامح حد منكم.
ندي تبص لياسر وتخلع الخاتم وترميه على الأرض وهي بتقول:
ندي
للأسف العلاقات بتتبني على الثقة والاحترام، وأنا كنت غبية لما طلبت منك تثق فيَّا أكتر من مرة، وللأسف إنت خذلتني. مش بس إنت، حتى أمي اللي جابتني على الدنيا ظلمتني.
حنان بعياط
ندي حبيبتي سامحيني أنا.. أنا آسفة يا عمري سامحيني.
ندي تبص لها بعياط وتسيبهم وتمشي ومراد يجري وراها:
مراد
ندي استني...
ياسر ينهار على الأرض وهو بيعيط:
ياسر
إيه اللي أنا عملته ده؟ أنا بسبب غبائي ضيعت حب عمري من إيدي.
ـــــــــــــــــــــــــــــ
بعد ثلاث شهور.. في بيت مراد. في أوضة النوم
مراد يطلع من الحمام لافف وسطه بالفوطة.. وندى واقفة قدام المرايا بتسرح شعرها. مراد يقرب منها ويحضنها من الخلف
مراد:
القمر مستعجل كده رايح على فين
ندى تبعده عنها وهي بتقول بزهق:
مراد احترم نفسك ومش كل شوية هقولك نفس الكلام..
مراد بسخرية:
عارفة هتقولي إيه... مراد لو سمحت أنا لما وافقت على جوازنا كان بسبب اللي حصل فلو سمحت بطل رخامة بقى واحترم نفسك
مراد يبص لها بحب:
صح كده ولا نسيت حاجة
ندى بضحك:
لا شاطر حافظهم أكتر مني.
مراد بحب:
أنا حفظتك على بعضك يا ندى ونفسي تحسي بيا وتشوفي قد إيه أنا بحبك وتنسي كل اللي حصل ونبدأ من جديد مع بعض
ندى بعياط:
مش قادرة يا مراد مش قادرة أنسى اللي حصل
مراد يحضنها وهو بيقول:
عارف إن اللي حصل مش سبب بس إنتِ مش لاقية ذنب في حاجة وأنا كنت مسطول مش حاسس بنفسي
ندى بعياط:
عارفة يا مراد بس كل ما أفتكر أقرب الناس ليا ظلموني وخذلوني في أكتر وقت كنت محتاجاهم جنبي قلبي بيوجعني قوي.
مراد يبوسها ويقول:
يا حبيبتي إحنا مش بنعيش مع بعض علشان بننسى إحنا بنعيش مع بعض عشان بنسامح
ندى بكسوف:
الله الله وأنت من إمتى بتقول الكلام الحلو ده
مراد بغرور:
على فكرة أنا على طول حلو بس إنتِ اللي عاملة عبيطة ومش واخدة بالك
ندى:
عارف يا مراد على قد ما أنت عبيط كده بس بجد شكرا قوي قوي أنت الوحيد اللي وقفت وقلت مستحيل ندى تعمل كده
مراد بحب:
علشان أنا أكتر واحد ندى مطلعة عينيه وعارف مين هي. بس بقى كفاية كده أنا جبت منها آخري وصبري نفذ خلاص
مراد يشيلها وينيمها على السرير وندى بتقول:
يا مجنون أنت هتعمل إيه
مراد بحب:
أنا فعلا مجنون بس بيكي
مراد يبوسها، وندى تحضنه، مراد يشد الغطاء عليهم
تمت بحمد الله
