رواية قدر مكتوب الفصل الخامس بقلم ام مصطفى
كالت رند تطلع من البيت شلي بدوخت هالراس يله اخذوها واطلعوا
اني متعوده ع الهدوء ونظام ابيتي جهالي عدهم دراسة مااريد الهيهم بهاي السوالف التافهة
-ع كيفج قبس خانم تره هذا هم بيت ابوها زين وذاك الكاعد بيه لؤي بيت ابونا
الي ميعجبه هو يطلع من البيوت مالتنا وبعدين اني مااريد اخلي رند يمكم اخاف عليها باجر مو بعيد تقتلوها حتى تورثوها
امشي رند جيبي ملابسج نطلع واحنا والمحاكم والله لخليهم يكعدون بالشارع
-احلام لزمي لسانج
-امجد تعرف كلش زين احلام منو رجعت هسه حتى اكلك هالكلمتين انت طردتني بس هذا مو بيتك بست هاليتيمة وانت البديت
جرتني عمتي امشي جيبي ملابسج
-عوفيها متطلع
صاحت قبس
لا تروح مااريد هاي الشكيلات يمي
-حبيبتي بيتها بيتها
صعدت ع السريع خليت ملابسي بالجنطة وطلعت من الغرفة
لكيت سرمد مجتف وواكف يباوع من فوك من شافني باوعلي وسكت فات للغرفة سدها حيل
-ووجع شكد معقدين ومكروهين
نزلت
عماتي وكفن بالباب ويهددن وعمي احسة خاف وجهه صار اصفر
كال رند بابا هذا بيتج لا اطلعين
مجاوبته رحت بسرعة لعماتي
جنت محتاجة اطلع راح اختنك متتت
عمتي اسراء عدها سيارة صعدنا بيها واخذتني لبيتنا جانت عدها المفاتيح
بس طبيت شبعت بجي
جانت بيبي خيمة علي وجنت مدللة بجاها
صح اول ماتوفوا اهلي عشت وياهم وكام يعاقبني عمو حتى مرة كصص شعري وووو هواي الى ان بيبي جزعت وكالت اروح اعيش بيت المرحوم احسن وعافت بيت جدي الهم بعدين طلع عمي امجد ابيت ابوي الخ ....
فتت للبيت اني وعماتي
كالت يومية وحده تبات يمج لو انتي تباتين عدنا وهيج تخلص الايام مابيها شي
احسن من ما تفترين بالبيوتكلش فرحت وارتاحيت من هيج كلللي
عمة اسراء اسوكت للبيت راح واني وعمه احلام وبتها نضفنا البيت زلغناه زلغ
صح اشتغل بس كلبي محرك مقهورة من الي صار
عمتي احلام حلفت اله اشتكي عليه بالمحكمه واطلعهم اثنينهم بابشارع
-عمة مااريد مشاكل فدوه
بالاخير كلشي يرجع الي خليهم كاعدين بالبيت هسه
بقت عمتي يمي اسراء زوجها جان مسافر للشمال بشغل
اتفقوا يسوون يومية ع وحده لو اني اروح يمهم
كلت ميخالف ولا بيت عمو امجد يخنك يمةة يموت
بالليل يوم السبت اندك الباب
طلعت عمة اسراء فتحته
جان ايطب عمو امجد علينا
طب سلم ع عمتي بس مردت جانت شايله عليه
-حقج متردين صح اني تسرعت وجنت عصبي وضربتكم وطردكم بس ساعة عصبية والشيطان مثل منكول شاطر اني اجيت اصالحكم واخذ رند وياي للبيت
-تصالحنه وتعتذر ميخالف قبلنا لان انت اخوي الجبير ومن المعيب اردك ويبقى احترامك وتقديرك واجب
بس خويه تعذرني رند مترجع تبقى ابيتها واحنه كل يوم احد يجي عليها يبات يمها
-صدك تحجين شلون يصير بنية مراهقة تكعد وحدها
-لا مو وحدها كتلك يوم اني يوم احلام يوم انتو بيت لؤي نخليهم هم يجون وهيج تخلص المهم رند ماتتبهذل بالبيوت
-اسراء خليج محضر خير وخل تروح وياي للبيت واذا مو يمي يم لؤي الناس تحجي مترحم والدنيا تخوف مو امان امريكان وتفجيرات وحرامية ووو.
بنية وحده تطلع وتطب شلون نأمن بعد عليها ماسمعين بالخطف والقتل
-بابا رند ارجعي وياي
-لا عمو ماارجع اعذرني واني مسامحتك بس رجعة ماارجع للبيت اجيكم زيارة عادي بس اعيش وياكم ماارجع
بقى عمو يحاول يقنعنة ويتوسل
بعدين تعصب وكام كال راح تبقين بس مؤقت وفترة واجي اخذج لو ترحين يم بيت لؤي غير حجي ماعندي
وانت اسراء لا تطبلن الها عيب تره مصايرة بنيه طفلة تكعد بيت وحدها
خلة وطلع عمو
بس عمة كالت صح كلام عمج صحيح
-عمة فدوه اروح اكعد وياج
-ميصير حبيبتي زوجي غريب والناس تحجي
ارتاحي كم يوم ونشوف شيصير
.....
يوم السبت داومت مشي رحت لان قريب علينا ونفس الولد يروح ويجي يروح ويجي كانما منتضر احد
شافني ووكف ابتسم بحزن وتقدملي
-هاي وين صرتي مو ضل بالي عليج ليش يوم الخميس مادامومتي
-وانت شكوو
-اوكفي
لزم ايدي مو احجي وياج
-وخر ايدك شنو هاي
وخر ايدة
-اعتذر بس والله اشتاقيتلج وباوع بعيوني احسه راد يبجي عيونة جانت تلمع
سكتت محجيت ورحت بس مااعرف شصار بية احس شي تحرك بداخلي
مشيت من وصلت يم باب المدرسة التفتت عليه واكف ع مكانة
اشرلي باي
التفتت ودخلت
هذا شلون بيه جلب واني بيا حال
بطران
بس والله عليه عيون حلوه
كعدت طول اليوم صورته متفاركني
من طلعت بنفس المكان واكف
فتت منه ومشيت
اجة وراي
وين رايحة
محجيت
مو احجي وياج
صار بصفي ويتلفت جان لابس قمصلة وخال اديه بجيوب القمصله لان جانت بارده الدنيا
يمشي وتلفت
-شسمج
-شنوو
-عاشت الاسامي اسمج شنوو اسم غريب
-هههههه
-صدقة لضحكتج الحلوه
الله عليج شسمج
-رند
-الله رنوده وين رايحة اشو ممنتضره اخوج مثل كل مره
-معليك انت ويله وخر مني
-اووو رجعت متتحاجة ستوج جنت حبابة
باوعتله بخزره
-هسه وبعد حبابه
-وحلوه
سويت حركه لا ابالي بعيوني ومشيت سريع
التفتت عليه عفية لا تمشي وراي لحد يشوفك عبالة عندي شي وياك
-اوكي
مشيت هواي لحد موصلت للبيت فتحت الباب التفتت شفته يمشي وصلي
باوعلي باستغراب
واني بسرعة فتت سديت الباب
شمرت الجنطة والكتب وكمت ونجطلت ع الجرباية
اتخيل عيونه الحلوه
واتبسم وحدي
مااعرف شكد بقيت بس فزيت ع صوت عمتي اسراء راجعة من الدوام
وصاحت
رند رند وينج عمة
-ها عمة هياتني بالغرفة
-هاي شنو لسة ممغيرة ملابس
-ها اي مو جيت تعبانه
-ديله حبيبتي غيري ملابسج والحكيني للمطبخ اسويلنا غده
اني هم اليوم تعبانة كلش،جني اليوم تصير عندي ولادة عندي أوجاع
-الله راح تجيبين نونو فدوه اي عفيه عمة اموت ع الاطفال
-ربي يوفقج واشوفج احلى عروس وبحضنج طفل بس مو هسه بعد ماتخلصين دراسة
-اي اكيد عمة
......
بالليل جان صدك تطلك عمة اسراء ومحد يمنا اتصلنا ع عمو. امجد
واجة اخذها خابر ع سرمد كلة تعال هنا يم بت عمك تبقى وحدها
عمتي اتصلت هم ع عمة احلام تلحكها للمستشفى
بقيت وحدي لحد مااجة سرمد
دك الباب طلعت فتحته
شافني عبس
هلو رند يعني شلون منخلص منج وهاي الكراوي التعبانه
-ليش اجيت اذا معاجبك تجي ممجبور بعدين ماعلي شي قافلة الباب وكاعده
-لا ميصير تبقين الوحدج حفة بابا
اكلج افرشيلي ميت نعاس ووراي دوام
-اوكي
رحت فرشتله بالاستقبال وفتت نمت اني هم
الصبح تقريب ب سته ونص
اجة دك الباب رند كومي عندج دوام
فزيت عيني ع الساعة سته ونص
-اي بس بعد وكت
-كومي كومي بين متسويلي ريوك وتتريكين وتلبسين يروح الوقت تره
قلدت بحلكي عليه يييي اسويلة ريوك هفف شكد مكروهين كل بالتوقيت والنظام عدهم
طلعت
صباح الخير
صباح النور اكلج سويلي بيض اعيون احب العيون
وفوريلي حليب حار داخل اسبح واطلع
اتاخرت ع دوامي
-اكلك تره مو خدامة عندك اني
-منو كال خدامه اني ضيف سويلي ريوك شكد مكروهه فوك مجاي يمها
يله روحي سويلي
رحت كملت الريوك خليته
انفتح الباب دخلت عمتي اسراء واحلام فدوه شايلين طفل
كمزت انطوني الطفل ابوسة
-فدوه يجنن
حتى عمتي مكلتها الحمد الله ع السلامة نسيت من كد فرحتي بالطفل
خليته بحضني فدوه
شسميتوا عمة
سميناه اسلام
-ياعيني فدوه اله
طلعت للمدرسة وكالعادة الولد الي لسة مااعرف حتى اسمه واكف ويفرك باديه من البرد من شافني تبسم
فتت منه صباح الخير رنود
رفعت تك حاجبي باوعتله كانما معاجبني سلامة ورحت
-شبيج السلام لله كاتلني البرد ومنتضر اشوفج تالي معاجبج عمي ع كيفج
منو كلك انتظرني ترة اني مطلبت منك وياريت مااشوفك بعد هنا اوكي تره حيل لعبت نفسي كافي لزكت خوما لزكت .
باوعلي وخنزر بوجهي اني لزكة خلف الله عليج
راسا دار وجهه ومشة
بقيت واكفة بمكاني اباوعلة بلكت يلتفت علي
مااعرف ليش هجي كتله
بس مالتفت وراح
دخلت وطلعت من المدرسة بس افكر بيه
من طلعت ملكيته احس تندمت لان حجيت هجي
ثاني. يوم هم ماكو امشي واتلفت عليه ادور طلعت هم ماكو حسيت مكانه فارغ
عماتي يمنا عمه احلام اداري عمة اسراء.
جنت حيل مرتاحة بوجدهن
بقت يمنا عمة اسراء اسبوع لحد ماتجة زوجها واخذها للبيت وعمة احلام راحت
اهنا اجة عمو امجد اخذني رجعني للبيت
وبهالاسبوع ابد مشفت الولد
اول مدخلت لبيت عمي قبس شافتني وضاجت دخلت للمطبخ راسا
اني صعدت لغرفة ملك كعدت بيها
الصبح عمو وصلني
نزلت جني شفته للولد واكف مشيت سريع عليه مااعرف ليش صرت كبالة
جان مبين عليه مريض ويكح
-صباح الخير
يكح صباح النور اح اح
-شنو مريض
-اي والله متت ملتهب صدري صار اسبوع نايم بالفراش اليوم علمودج اجيت بس اشوفج واروح البرد موزين علي كال الدكتور
-لعد ليش اجيت
-اشتاقيتلج وصفن بوجهي
-اني هم
-ابتسم يله روحي
مشيت ورجعت التفتت عليه
شسمك
حسام
هزيت راسي
وفتت حيل فرحانه
من طلعت مشفنه
وجان سرمد العقده منتضرني اليوم جاي من وكت
دكلي هورن
رحت ع السريع صعدت
-يله اخر الناس اطلعين
-انت متعرف اله تحجي
-ديله ابتليت بيج
اكولك تره اندل نزلني اخذ تكسي عادي
-اي مو احنه بكيفج مره ثاني اطلعي من وكت مااحب اننظر احد اوكي
-لعد مدكل لروحك ذيج الايام منو جان يشتلني ساعة بالشارع
-عادي تنتضريني بس اني لا ماتحب انتظر احد
-لا والله
-رند مالي خلكج كافي
دك مبايلة جاوب
-هاا شكو
-لا عادي ماازعل بس مرة ثاني لا تواعديني وماتجين
ضحكت اني بصوت
التفتت علي شكو
لا ماكو
سد الخط شكو اضحكين
-اكول ليش،متعصب ثاري صاحبتك ضاربتك بوري
-هه ضحكتيني وانت شكوو
.......
بقيت يم بيت عمو امجد اسبوع ورجعت للبيت كوه بعركة وي عمو
فديوم طلعت من بيتنا جانت عمة احلام
بالبيت يمي
طلعت الصبح للمدرسة
وجان توكف سيارة بصفي بيها اربع ولد
جروني وصعدني بالسيارة كمت اصرخ سدوا حلكي وطاروا بالسيارة
