رواية انحراف ام الفصل الخامس بقلم ام مصطفى
انصدمت من حيدر فتح الباب شلون اني قافلته وعندي المفتاح
بقيت جامده بمكاني فراس بقه ع كعدته ماتحرك كمنا نجر باللحاف ونغطي بروحنا
حيدر شاف فراس وعرفه هذا صديق عقيل
والمقرب جان لعقيل
تقرب إله وكله بله حس البس ملابسك واطلع
كام فراس يلبس ملابسه
راد يطلع ضربه حيدر بوكسي ع خشمه ودفعه لباب الشارع
طلعه ورجع شال فاطمه وسد الباب مال الغرفه ولا حجه كلمه
يمه كمت ارجف ركضت لبست ملابسي
وقفلت الغرفه زين كمت كل شويه اتاكد مقفوله
يمه شراح يسوي وياي راح يفضحني الصبح اكيد
راح يكتلني يجوز لا راح يوديني لهلي
لو يجيب اهلي ويكللهم الصار
للصبح مانمت ولا عرفت طعم النوم شلونه
خايفه ومرعوبه
بطني كامت توجعني من الخوف
للصبح كعدوا جهالي
نريد ريوك كتلهم اطلعوا بيبيتكم تسويلكم
طلعوا الجهال
اندك الباب
كلت منوا كال اني حيدر افتحيه اريد احجي وياج
كتله شتريد ما افتحه منا احجي
افتحي ولج احسلج لا تخليني اصيح وكلها تسمعنا
فتحت الباب
كال شوفي هديه الج منا لساعه تلمين هدومج وترحين بيت اهلج بعد مااريد اشوفج هنا سمعتي لولا
روحي ابيت اهلج كودي هناك
شوفي اني ماراح احجي شي هسه
مو لسواد عيونج لا
بس اخاف ع جهال اخوي خاف يكبرون
واالناس تعيرهم بامهم ويتأذون
وتدمر حياتهم بسببج
راح خليها سكته
والجهال تعوفيهم هنا وترحين بروحج
كتله لا جهالي اخذهم
شنو تاخذيهم لا ماكو تردين تسويهم مثلج
ومثل اخلاقج جهال اخوي اخاف عليهم
كتله اخذهم وغصبن مااعوف جهالي
كام يصيح لو تموتين ماتخذيهم
اجه عمي ابو عقيل شكو من الصبح شصاير
حيدر كال بويه هديه تريد تروح لهلها تعيش هناك وتاخذ جهال عقيل وياها
ابو عقيل : اي خليها تاخذهم بويه غير بزرها
تريد ناخذ جهالها منها حتى حرام علينه
بويه شلون تاخذهم
كال جهالها شلون تعوفهم
بويه هديه صدك تردين ترحين
كتله اي كال الله وياج مااجبرج حقج بس الجهال امانه بركبتج
شوكت ماندز عليهم نشوفهم
عود وديهم
بويه عاد فاطمه تبقى يمنا اني متعلق بيها
جلب حيدر فاطمه ويخزر بيه
اني استغليت فرصه عمي موجود
كتله شنو تريدني اعوف بنتي مااعوفها
عمتي سمعت كامت تحجي وين ماخذه الجهال
اني ماامن عليهم وياج انت وحده مهمله
صار حجي وصياح
فتت لميت ملابسي وذهبي والفلوس مال عقيل
واخذت جهالي غصبن عليهم ورحت لهلي
تلكوني خواني خير
كتلهم طردوني اني وجهالي
استقبلوني اخواني احسن استقبال
وعشت عدهم معززه مكرمه
اشتريت بيت حواسم
بالفلوس وعفته لحد ميكبرون جهالي واطلع بي جان قريب ع اهلي
علاقتي وي فراس مستمره بذاك الوقت بقت وتطورت طلعات وطبات
عيالي دزو مره مرتين ع الجهال مااطيتهم ابد وأني ام الراهي عليهم
عمتي اجت مره مرتين ع الجهال تاخذهم طردتها ومخليتها تاخذهم
كتلها ابنج حيدر طردني وانتم قابلين عليه
شكو جايين علي بعد
تحلمون تشوفون الجهال بعد
دزوا ناس رادوا ماطيت الجهال
بديت امشي بمعاملة التقاعد مالت عقيل
سويت علاقات وي الموضفين وكدرت اطلعه
جهالي بدوا يكبرون دخلوا مدارس
كلما يسئلون ع عمامهم اضربهم
واخوفهم وكلهم لا تجيبون طاريهم
خافوا بعد مايسئلون عليهم
علاقاتي اطورت صرت ع علاقه بأكثر من واحد كمت اروح إمكان
وياهم واطلع واطب بكيفي مراسلات ومخابرات وي شباب ابقى للصبح سوالف وضحك وياهم
هاي حياتي هيج صارت انحرفت كلش وصارت شغله عاديه عندي
اسوي علاقات غير شرعيه متعدده
بناتي بدن يكبرن ويفتهمن ساره عمرها ١٤ سنه ومحمد ١٦ سنه وفاطمه ١٠ سنوات الانظار صارت ع بنتي ساره بدت تشب
بهاي الفتره طلعنا بيت وحدنا
علاقتي بعيالي انكطعت من سنين طويله
بعد ماسئلوا علينا ابد
ساره بدت تفتهم وتعرف شكاعد اسوي مره شافتني مدخله واحد للغرفه
وضلت تبجي وخايفه
عفتها لا بررت الها ولا حاجيتها بس بدت تضوج وتتنحس مني
تشوفني اخابر تبقى تخزر بيه اكوم ارزلها واغلط عليها اكولها
معيشتكم اني بهاي السوالف
شويه شويه الى ان لانت
وبديت مرحله وي فاطمه عنوديه كلش ..
