رواية فصيلتي طفلة الفصل السادس بقلم مجهول
وبعدما ماشفت الصالة صاير كلش حلوة وراها نعست وصعدت انام ......
نسرين من جرني الشيخ ودخلني لغرفتي حسيت بشيء بداخلي تحرك وجان جسمي مكسر من الشغل ومن الگتل وبعدها غفيت ....
وكعدت مثل مامتعوده ساعة خمسه الصبح عجنت وبديت اخبز بتنور الطين وحضرت الريوگ لبيت الشيخ لان كل احنا نعرف انو بالريف الكل يكعدون من الصبح وكل واحد منهم يطلع لشغلة ونزولو الكل للريوگ وام عدنان ودت الريوگ واني بديت انظف وصارت وگت الظهر وسويت الغدا اني وسويت اشكال والوان ورجعت انظف والمغرب هم بديت اسوي عشى وبعد ماگملو بديت انظف وكمت يومية اغير شغلة وارتب شغلة ومر شهر على نفس الروتين وقليل مااشوف الشيخ او واحد من بيت الشيخ وبعد مرور شهر وبيوم من الايام اجوي بيت خالته للشيخ من بغداد وهنا جانت المفاجأة دخلت عليه بنية كلش حلوة وكامت تصيح وتعيط عليه وتگلي اخذتي حب حياتي واني جنت صافنة مااعرف شجاوب وعلى منو تقصد حب حياتها يعني قصدها على الشيخ لو قصدها اخو الي گتله اخوي وهنا اجه الشيخ غيت وعرفت جان قصدها شيخ غيث ولزمها من ايدها واخذها ويا واني حسيت بداخلي بغيرة على الشيخ.... وبعدها بقو بيت خالته اسبوع يمنا وجنت اشوف الشيخ گام يباوعلي من بعيد ومرات اشوفه صافن عليه والصراحه اني هم بديت انعجب بي ويوم الي مااشوفه گلبي يشتاق اله وحتى الشيخه بدت تحن عليه وتنقهر عليه وگامت تشتريلي ملابس وشغلات وتدزهن الي بيد ام عدنان واني جنت افرح كلش بيهن .....
الشيخه :اني هاي البت گمت اميل الها واحسها طيبة ونظيفه ومرتبة وتخدمنا بهدوء وبدون ماتتذمر من نعصب او نعيط عليها وگمت اشتري الها شغلات وادزهن بيد ام عدنان وفكرت اخليها تكون مسؤولة عن غرفنا تنظفهن وترتبهن لان ام عدنان مرة جبيرة متگدر تصعد وتنزل ......
