رواية العهد الفصل السابع
بسم الله ولا حول ولا قوه إلا بالله العلي العظيم واتوب إليه
اسلام .. يسوق العربيه مكانه و ياخده و يقفوا قدام فيلآ عزيز
احمد .. اول ما بينزل من العربيه باستغراب و صدمه انت جايبني اعمل ايه هنا
اسلام .. عمي عزيز بيه من كتر ما انا بحكيله عنك حابب يشوفك
احمد .. هو ده وقته يا اسلام انا مش طايق نفسي
اسلام .. تعالى بس ده عمي عزيز بيه قعدته حلوه
احمد .. ماشي يلا بينا
محروس .. إسلام واحمد بيه
اسلام .. ازيك يا عم محروس
محروس .. الحمد لله يا اسلام
اسلام .. قول لعزيز بيه عايزين نقابله
محروس .. انت بتقول ايه اتفضلوا علي طول عزيز بيه مايقفلش بابه ابدآ في وش الحبايب
اسلام .. بيدخل السلام عليكم
عزيز .. وعليكم السلام ورحمة الله وبركاته ويوقف مش مصدق عنيه احمد بيه الغالي ولد الغالي و بياخده بالاحضان اتفضلوا ارتاحوا
احمد .. شكرا
عزيز .. يا محروس
محروس .. نعم يا جناب البيه
عزيز .. بسرعه تدبح عجل عشان جيت احمد بيه وحضره الغداء بسرعه
احمد .. لا استنى الف شكر يا عزيز ( و بيسكت شويه ) بيه انا مش هطول عشان معزوم علي الغداء مره تاني ان شاء الله
عزيز .. ينفع كده اول مره تدخل قصري منعملش الواجب
احمد .. بيبص حواليه بس ده نفس تصميم القصر بتاعنا حتي الالوان
عزيز .. اه ما اللي صمم القصر ده هو نفس المعماري اللي صمم قصر الجارحي باشا الله يرحمه
احمد .. ابتسم (وبيقول في نفسه انا اعرف ان المعماري ده مات بعد شهر من بناء القصر حتي جدي وقتها كان عايز يبني قصرين واحد لعمي فيصل وواحد لابويه يلا ما علينا )
عزيز .. سرحت في ايه يا احمد بيه
احمد .. ولا حاجه حلو القصر
دهب .. بتكون هتطق من الغيظ وهي بترن علي كريم وهو مش بيرد عليها وبتلبس وبتروح لعزيز وبتوصل القصر
محروس .. قمر بيت الشناوي وصلت
دهب .. الله يخليك يا عمي محروس عمي عزيز بيه جوه
محروس .. ايوه
دهب .. امال دي عربية مين
محروس .. احمد ابن صبري الجارحي
دهب .. الله الله جه بنفسه وبتدخل وهي بترجع الطرحه لوره وبطلع شعرها وبتقرص خدودها عشان يحمره وبتدخل السلام عليكم
الكل .. وعليكم السلام ورحمة الله وبركاته
دهب .. يا كسوفي انا كنت فكراك لوحدك يا عمي عزيز بيه
عزيز .. تعالي سلمي يا دهب يا بنتي ده اسلام ابن عمك واحمد بيه مننا وعلينا
دهب .. بتسلم علي اسلام وبعد كده احمد وهي بتبص في عينه
احمد .. اخبارك ايه يا دهب
دهب .. بخير وانت عامل ايه
احمد .. بخير الحمد لله
دهب .. يارب علي طول (كل ده وهي ماسكه ايده و بتحرك صوابعها علي ايده)
عزيز .. بيبص ويبتسم اتفضلوا ارتاحوا
.. وطول القعده احمد مش مركز غير مع دهب اللي بتبادله نفس النظرات وطبعآ عزيز منسجم وهو ملاحظ انا دهب عرفت توقعه من اول نظره وبعد حوالي ساعه بيرن تليفون احمد ..
احمد .. بيطلع التليفون الو
فرح .. ما تتاخرش انا قربت اخلص
احمد .. ماشي انا جاي سلام استاذن انا
عزيز .. لسا بدري يا احمد يا ابني
احمد .. بدري من عمرك
دهب .. وانا كمان همشي سايبه البيت اوحده
عزيز .. استني ساعه عشان اوصلك
دهب .. لا شكرا يا عمي انا هتمشي
اسلام .. سلام يا عمي
عزيز .. لا استنا انت يا اسلام عايزك
احمد .. بيطلع وبيعرض علي دهب يوصلها
دهب .. مش عايزه اتعبك يا احمد قصدي احمد بيه
احمد .. بيه ايه بس كلنا ولاد تسعه يلا اركبي
دهب .. انت مختلف خالص عن كريم ابن عمك
احمد .. ازاي
دهب .. متكبر اووي
احمد .. بس انا اعرف انكم بتحبه بعض
دهب .. لا هو اللي بيحبني وكان بيجبرني اركب معاه العربيه وانا وحدانيه وما ليش حد ومش قدكم
احمد .. من دلوقت انا ظهرك وسندك ومفيش مخلوق مهما كان هيقدر يظلمك
دهب .. بس ده ابن عمك هتقدر توقف قدامه
احمد .. انا اللي يزعلك اقتله
دهب .. هو معقول الي انا حاسه بيه ده
احمد .. ايه هو
دهب .. مكسوفه مش قادره اتكلم
احمد .. وبيسوق بايد وحده وايده التانيه بيمسك ايدها ما تتكسفيش اتكلمي
دهب .. من اول ما شوفتك وانا سعيده ومبسوطه ولما لمست ايدي حسيت اني ست البنات عشان انا معاك يا سيد الرجاله
احمد .. ده نفس احساسي من اول ما عيني جات في عينك يا دهب وانا نسيت نفسي وكل همومي انا بحبك يا دهب
دهب .. وانا كمان يا احمد اول مره قلبي يعرف الحب بس خايفه
احمد .. من ايه
دهب .. من كريم اكيد هيوقف قدام زواجنا
احمد .. مفيش قوه هتقدر تبعدني عنك متخافيش
دهب .. بس هنا وصلت
احمد .. هاتي رقم تليفونك
دهب .. اهو
احمد .. هشوفك ازاي
دهب .. كل يوم في نفس المعاد هتلاقيني عند عمي عزيز بيه وعلي فكره هو بيحبك اوي
احمد .. وانا كمان بحبه كفايه انه كان السبب اننا اتقبلنا
دهب .. يلا سلام
احمد .. سلام يا روحي وبيتحرك بالعربيه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
كريم .. السلام عليكم
الكل .. وعليكم السلام ورحمه الله وبركاته
كريم .. سلم علي خليل ومحمود وقعد
فيصل .. خير يا خليل باشا
خليل .. اكيد كل خير انت عارف اننا من زمان واحنا مفيش بينا غير العلاقه الطيبه
فيصل .. اكيد طبعآ وانت مش محتاج لمقدمات خش في الموضوع علي طول
خليل .. انا طلبت ايد الانسه فرح من حكيم بيه وما ردش عليا وانا اتشرف بنسبكم وعشان كده جيتلك يا فيصل باشا انت كبيرنا كلنا
فيصل .. بص لحكيم ايه رايك يا حكيم
حكيم .. هي فرح رافضه فكرت الجواز حاليآ مش عايزه غير الجامعه وبس
خليل .. فرح هتكون بنتي وهوفر لها كل سبل الراحه ما يكنش عندكم شك انها هتكمل الجامعه وهتكون من المتفوقين كمان
فيصل .. حكيم ادخل شوف رايها وقولها كلام خليل بيه
حكيم .. كريم ادخل شوف راي بنت عمك
كريم .. حاضر يا عمي وبيدخل انتي يا بت
فرح .. مالك يا كريم وشك متغير
كريم .. انت كنتي عارفه ان خليل جاي عشان يطلب ايدك وما تقوليليش
فرح .. كنت متوقعه عشان انا رفضت
كريم .. ولسا رافضه
فرح .. اكيد وايه الي هيخليني اغير راي
كريم .. والله معاكي حق انا مش مرتاح لهم اصلآ
فرح .. لا والله امال داخل زعلان اووي ليه
كريم .. عشان المفروض تاخدي راي مش انا ابن عمك
فرح .. اسفه كلامك صح انت ابن عمي واخويا
كريم .. بعصبيه مش اخوكي انا قصدي اه اخوكي
فرح .. طاب انت ايه رايك
كريم .. وانا مالي انتي الي هتتجوزي هو فعلآ نطع وبارد بس الراي ليكي وابوه تحسي كتله من الرخامه بصي هما الاتنين ما يتعشروش
فرح .. ده كله ومش عايز تقول رايك امال لو قولت هتتقتلهم
كريم .. هما يستاهلوا القتل
فرح .. ليه عملوا ايه
كريم ..( بيقول في نفسه عشان اتجرئه وتقدمه ليكي ) ولا حاجه بهزر
فرح .. طاب يلا الناس مستنيه مشيهم وتعالي نكمل الاكل ولا هترجع في كلامك
كريم .. لا همشيهم وارجع وبيطلع وبعد ما بيقعد فرح مش موافقه والجواز قسمه ونصيب
خليل .. وانا مش هفقد الامل ومعاك شهر يا فيصل بيه خليها تفكر ولو كان في نصيب هكون اسعد واحد بالنسب ده يلا استاذن
صبري .. بعد ما خليل مشي انا شايف ان خليل كويس ونسب يشرف
فيصل .. انا شايف عكس الي انت شايفه وفي النهايه الراي الاول والاخير لفرح
صبري .. ربنا يعملها الي فيه الخير ليها
كريم .. اي خدمه مشتهم
فرح .. احسن بلا هم
كريم .. اعمل ايه
فرح .. تعالى جنبي عشان نطش للملوخيه
كريم .. الله الريحه تجنن
فرح .. يلا يا داده حطي الاكل علي السفره
عزيزه .. من عنيه يا بنتي بصراحه اكلك نفس اكل الله يرحمها ام كريم
كريم .. اي خدمه عرفتي اني ما كنتش بجامل
.. واحمد رجع وكلهم قعده واكله والكل كان بيمدح في فرح وفي جمال اكلها وفرح كانت سعيده ليهم سنين ما تجمعوش كده وبعد ما خلصوا اكل وشرب الشاي ..
كريم .. الاكل ده ما فكركش بحاجه
فيصل .. ابتسم اكل الله يرحمها امك
كريم .. كده انا كسبت الرهان
فرح .. ماشي وانا تحت امرك عايز عربيه عايز فيلآ الي عايزه هتاخده
كريم .. بعد اذنك هتمشي انا وفرح عايزها في موضوع
الكل .. اتفضلوا
فرح .. خير يقا ايه الموضوع الي كان مزعلك امبارح
كريم .. قدامي خيارين اخسر ابويا او حبيبتي ومش عارف اعمل ايه
فرح .. وشها اتغيير انت عندك حبيبه
كريم .. دهب اللي من بيت الشناوي
فرح .. بتقول مين
