رواية بدون كلام الفصل السابع بقلم جمانه السعيدي
عطور....اول ما مشت السياره اجا أبالي شلون راح اوصف بيتنا راح يفهمني
بعدين اذكرت هو اذا يخلي سماعه يسمع كلامي
مااعرف ليش احس نفسي تخربطت
هل اكتفي بلكلام وياا لو يحتاج ااشر بايدي
مجاي اكدر اكون عاديه متوتره حيل و اتعامل ويا طبيعي
رغم هو إنسان طبيعي بدليل خريج وموضف وعنده سياره
وذكي ما ناقصه شي
نزع سترته لان اتبللت جاب خاولي من ورا وانطاني
نشفت بي شويه
ملابسي تتبللن بعد ما يفيد التنشيف
شغل تدفئه
مسح شعره من المي طبعا هو تبلل اكثر مني
اني الشمسيه شويه حمتني
بس هو راح للسياره جابها واجا وتبللن ملابسه
عطور....بيتنا رفعت ايدي اريد ااشرله
طلع التليفون وبدا يكتب بايد وحده والايد الثانيه
لازم الاسترين
انطاني التليفون
كاتب اعرف بينكم وين
فتحت عيوني حيل بتعجب
رجع اخذ التليفون
كتب واعرف اسمج
انطاني التليفون
جان يكووول
أمير....ااتووو يعني عطور مخارج الحروف عنده ثكيله
وغير مفهومه والكلمات تطلع ناقصه كم حرف
رجع ااشر على نفسه وكال اامييي يعني امير
عطور...ابتسمت امير يعرف اسمي
كتب بلتليفون حلوه الضحكه
عطور....شكرا
امير....كتب اريد اسئل سؤال
الي محيرني بهاي اللحظه شلون يسوق باايد ويكتب
بأيد الايد الي لازم بيها التليفون نفسها يكتب بيها
عطور...تفضل اسئل
اني هنا اطمنت وبديت اتعامل ويا عادي
لان عرفت كلامي بلنسبه اله مفهوم ما يحتاج ااشر بايدي
امير...كتب .ليش تراقبيني
عطور...تفاجئت من سؤاله حسيت بلاحراج
يعني هو منتبه عليه اراقبه
عطور....لا مااراقبك
رجع كتب
امير...لا تراقبيني اني متأكد من كلامي
عطور....واذا ايجوز مجرد فضول
اامير... كتب .اني من اول يوم جنت منتبه عليج
وكنت اعرف انتي تنتظريني وكنت اتعمد افوت من هذا
المكان بنفس الوقت كل يوم
جمانه السعيدي
عطور...سكتت لان ماعندي اي رد
راسا صار صوت رعيد قوي اني صحت يمه وضميت راسي
حس اني خايفه خله ايده كدامي
بمعنى لا تخافين اطمني
رجعت رعدت أقوى من المره الاولى
عطت من جديد وضميت راسي
خله ايده كلها بيني وبين جام السياره الامامي
حتى يحميني
كاال اااااخين يقصد لا تخافين
اول حرف الي هو الالف جره بصوت عالي
حتى يطلع باقي الأحرف
المطر مستمر ابد ما وكف بلعكس بي ومايزيد
ااكثر وااكثر
الماي بدا يصعد للسياره
فعلا يندل بيتنا يمكن جان يمشي ورا الخط من اصعد وهيج اندل بيتنا
وصلني للبيت نزلت كتله شكرا
ابتسم ورفع ايده
دخلت للبيت احس نفسي فرحانه من زمان ما فرحت هيج حبيت اهتمامه حسيته يخاف عليه
امي...همزين اجيتي ضل بالي يمج
عطور....ابن حلال وصلني
كاعده ااكل وكل شويه بدون وعي ااكول ااتوووو
الله طلع اسمي حلو واني ماادري
امي...هااا يمه تحجين ويا نفسج
عطور...لا يمه اذكرت سالفه
امي...اي سولفي عليه اني مكابله الحياطين النهار كله
عطور...هيج يمه ماكو شي بس اليوم نهى مااجت
مريضه
امي...يا سلامتها الف سلامه ما تستاهل
عطور...ولله لو عندي فلوس جان اخذتلها شي
ورحت اشوفها بس العين بصيره واليد كصيره
امي تحجي وياي كلمه اسمعا وكلمه مااسمعها
عقلي ابد مو يمها
عطور...عبالك مخبله افتر بلبيت واكول الله اسمي طلع حلووو ااا اتتووو
ليش اني هلكد فرحانه مااعرف
ثاني يوم ماجت نهى بقيت اتوسل بلبنات اتصل عليها
اطمن على صحتها
اتصلت من تليفون بنيه ويانا وطمنتني على صحتها
كالت اليوم اني احسن باجر اداوم
جمانه السعيدي
نفس الموعد الي يجي بي كل يوم طلعت انتظره بلمرر
اجا بنفس الموعد بس شنو منشول ويعاطس
عيونه حمر وحالته حاله
رفع ايده سلم عليه
عطور...مريض
رفع السماعه خلاها بااذنه
عطور...فلاونزا اليوم
طلع تليفونه كتب اي فلاونزا
عطور...بسببي
امير....كتب بلتليفون لا مو بسببج بسبب الجو
عطور...ليش اجيت اليوم
امير...كتب وهو مبتسم حتى اشوفج
عطور...يله شفتني اخذ اجازه عيونك حمر من الفلاونزا
كتبلي... اخذت علاج هسه اصير احسن
خل اشوفج اشتاقيتلج
قريت الكتابه وابتسمت
كتبلي تجين نشرب جاي
عطور...لا مااكدر ابتعد ماماخذه ااذن وصديقتي اليوم ماجايه مريضه جان سدت بمكاني
امير....كتب تنطيني رقم تليفونج اتواصل وياج
عطور...ماعندي تليفون
بقه يباوع بوجهي
كتب تحجين صدك لو هاي طرده
عطور....احجي صدك ماعندي تليفون
كتب....ليش ماعندج تليفون ماكو احد ماعنده تليفون
عطور...ظروف
كتب....خاف اهلج ما يقبلون يكون عندج تليفون
عطور...كلت بكلبي لو تشوف وضعنا شلون
عطور...... اكو شوية ضروف
كتب...تقبلين اوصلج اليوم
عطور...لا عندي خط البارحه مااجا بسبب المطر
كتب....تمام عادي نصير اصدقاء
عطور...اي عادي
رفع ايده سلم عليه وراح
بقيت واكفه منا لمن طلع من الممر ااخر شي التفت عليه وابتسم
رجعت الشغلي
ياربي منيين طلعلي امير
بلعشره ونص البنات طلبن ااكل اني طلعت للحديقه
حتى أجنب نفسي الاحراج
جان هو بس شافني اجا رفع ايده وسلم
عطور...هلووو
طلع التليفون وكتب
وقت ااكل الكل طلبو اكل وكاعدين ياكلون
ليش كاعده هنا
عطور....ما جوعانه
كتب...تقبلين اعزمج
عطور...لا مااقبل اني اصلا موجوعانه
كتب...عصير جاي
عطور...لا شكرا
ااشرلي انتظري هنا
راح شويه ورجع بيده ثنتين بطل عصير
انطاني واحد
عطور...شكرا مااريد
اشرلي اخذي
اخذته منه وكدنا نشرب
كتب بلتليفون ممكن سؤال
عطور...اشرتله اي
كتب...انتي مرتبطه
عطور...اشرت براسي لا
كتب...الحمد لله
عطور....ليش
كتب....لان اني وانتي راح نرتبط لو عندج اعتراض
عطور...هيج كبل نرتبط
كتب...اذا ما مرتبطه ولا عندج علاقه باي احد
نرتبط لو انتي ما تقبلين ترتبطين بواحد مثلي
عطور....لا اكيد لا مو هيج بس يعني تونا تعرفنا
كبل تحجي بلارتباط
كتب....اي نرتبط حتى يكون كلشي بينا حلال
عطور...بس انت ماسئلتني موافقه لا
كتب...اعرف موافقه لان شهرين وانتي كل يوم واكفه بنفس المكان تنتظرين اجي
كنت حاس بيج واجي كل يوم علمودج
من اول يوم حسيت بيج
لو انتي غيرتي رائيج لان طلعت اخرس
عطور...بعد وكت على الارتباط اني ما مستعده للزواج
كتب...ليش اكو مشكله
عطور...لا بس اهلي مااكدر اعوفهم
اني ملزمه اتكفل بيهم عندي اخ مخبل وامي مريضه
وماعدنا معيل الهاي العائله
كتب...ولله كبرتي بعيني اكثر من قبل
احساس المسؤليه عندج عالي اني مصمم ارتبط بيج
عطور...مو وكت هذا الكلام
كتب..تمام
عطور...اروح مااريد احد.يحجي عليه
ااشرلي تفضلي
امشي واكول يكتب كتابه وهيج اسلوبه حلو
يمكن لو يحجي جان تخبلت ااكثر
امير خلاني امشي واحجي وياا نفسي
انجبي (اتوووو) واسكتي لايسمعج احد تحجين ويا نفسج
اليوم الي بعده اجت نها للدوام
شكد مشتاقتلها
عطور...ليش عفتيني ولج ضايعه بدونج
نهى.. غير مريضه قابل بكيفي
عطور....اكلج شنو رائيج بعد لا تكولين عطور
نهى....بستغراب لعد شكوووول
عطور...الله عليج كولي ( اتوووو)
نهى.. اتوووو شنو اسم دلع
عطور...اي اسم دلع وعاجبني
نها...يله هو اسمج ماكو علي دلع اتووو خوش دلع
جمانه السعيدي
بنفس الوقت الي يجي بي امير تهربت من نهى كتلها اني رايحه للصحيات
بقيت واكفه انتظره
شويه واجا اول ما شافني واكفه بنفس المكان ابتسم
ياويلي على هاي الابتسامه الي راح اضيعني ضياع
اول ما وصل يمي رفع ايده سلم عليه
عطور...هلوووصباح الخير
طلع تليفونه وكتب جبتلج هديه وممنوع ترفضيها
عطور...هديه شنو المناسبه
كتب...بمناسبة هذا التعارف الحلو
عطور...اني ما متعوده على الهدايه ومااقبل هديه من اي احد
كتب...بس اني اختلف لازم تقبلين مني هاي الهديه
حتى نبقى على تواصل
عطور...مااكدر اعذرني
طلع تليفون من جيبه تليفون قبل دخل اسمه دب
مثل الصرصور بس شويه اعرض تليفون بدون كامره
هذا الحجي قبل لايدخل النت للعراق ونعرف وسائل
التواصل الاجتماعي
جان هذا التليفون حديث بوقتها ونوعيته زينه
عطور...تليفون
كتب...اي تليفون شلون وحده مثلج موظفه ماعدها تليفون
عطور...شسوي بي
كتب...تتواصلين ويا اهلج ويا صديقاتج
عطور...احنا ماعدنا تليفون بلبيت
كتب...وهسه صار عدكم ممنوع ترجعي ازعل عليج
عطور...مااكدر اقبل هيج هديه
كلت بكلبي النوب تليفون هو اني فلوس الخط كوه ادبرهن
منيين اجيب رصيد للتليفون
كتب...اذا مااخذتي بعد مااجي هنا ولا احجي وياج
عطور...بس اني مااكدر اخذه
طلعت نهى من الغرفه لان حست اني اتاخرت
شافتني احجي ويااا
دخلت للغرفه وبعد ما طلعت
المشكله شكد حاولت وياا ما قبل يروح اله خذ التليفون
حتى أجنب الاحراج والموظفين رايحين جايين يباوعون علينا
اخذته منه بس اخذته عافني وراح
دخلت للغرفه واني احاول اضم التليفون حتى محد يشوفه
نها...شيريد منج
عطور...منو
نهى...الاخرس هيج كالت الاخرس بطريقه عبالك تنتقم منه او يمكن ترجعني العقلي
او تقلل منه
عطور...اسمه امير
نهى...اخرس لو ما اخرس
عطور...نهى ليش هيج هذا خلقة رب العالمين
نهى...اي اني شكلت اخرس لو مااخرس
عطور...احبه
نهى...يااا صدك تحجين تحبين واحد اخرس
عطور...شبي واذا اخرس هاي خلقة رب العالمين قابل هو بكيفه اخرس
نهى...شنو انطاج
عطور...تليفون
نهى...واخذتي هيج بسهوله لا انتي مو عطور الي اعرفها
انتي وحده ثانيه
عطور...من سمعتها تكول هيج نزلن دموعي
نهى...ليش تبجين شنو ثمن هذا التليفون
الي اعرفه محد يقدم شي الأحد بهذا الوقت بدون مقابل
عطور...مسحت دموعي
بدون مقابل مو كتلج احبه
نهى....يعني انتي عفتي هاي الشباب كلها ورحتي الواحد اخرس
عطور...هو بكيفي
نهى...رجعي التليفون
عطور...اي ارجعه ميخالف
نهى...لا تخلين اي واحد يستغل نقطة ضعفج
عطور...بس اني احساسي يكول امير مو استغلالي
نهى..واذا طلع العكس
عطور...اوعدج مراح يخيب ضنج وضني بي
بس انتي اصبري وشوفي
اصلا هو يكول اني اجي هنا كل يوم حتى اشوفج قبل حتى لا نحجي سوه
نهى...شلون حجيتي ويااا وهو اخرس
عطور....صفنت بوجها شويه
نهى...شبيج هاي حقيقه انتي شنو تغشمين نفسج
عطور..مو جاي يكتبلي بلتليفون
نهى...وشلون تخلصين حياتج كتابه
عطور...اي اذا احبه ماكو مشكله
نهى...راح تتندمين
عطور...كلبي يكول مراح اتندم ابد
