رواية ومضه امل الفصل السابع بقلم ام مصطفى
اية
اجة ابو علاء
بس كال صارت مشكلة ومراح اكدر اخذكم للبيت
-يعني شنو وين نروح
-هسه اطلع ادور الكم اياجر بنفس المنطقة واني ادفع الايجار الكم كل شهر
-لا ابو علاء شنو ذنبك انت تدفع الايجار
احنه ندفع والله كريم
-لا اني متكفل البنات ايتام دفعت بله عني وعن جهالي راح اخصص لهم من ربح المزرعة الهن
-رحم الله والديك وعساها واصلة يارب الصدقة
لبست امي وطلعت هي وابو علاء يدورون بيت ايجار
-اكولج اية ليش ابو علاء عود ماخذانا لبيتهم شصار
-اكيد مرته مقبلت مشفتيها هي هناك شلون جانت كارهتنا
-اي صح انتبهت بس ماعرفت ليش
-اني اكولج ابو علاء جان يحب امي ورايد يزوجها بس ابوه مقابل رايدله بنت عمة
بس هو ضال داك ع امي ومرته دارية وهو كايل الها اني مااحيج ومااريدج
احب بنت خالتي وباقي فترة يله متعود عليها
-منيني عرفتي كل هاي المعلومات
-من الحجية حجت لامي بالليل واني جنت اسمع الهن وهنه يسولفن بالليل
-يااا خطية امي وتالي ازوجت ابوي عندة اربع جهال
-ايي وربت وتبعت وكبرت وتالي نكروا كلشي
التفتت ع نهلة تبجي
-شبيج ليش تبجين
-امي شايله همي لو اني مابيه شي جان ازوجت وخلصتها من همي
حالنه من حال صافي شلون ازوجت ومالها علاقةبشي كعدت عد رجلها وارتاحت
احنه هسه امي محتارة بينة وفوك هذا متعبيها بدال ماانشيلها بكبرتها هي تشيل وتغسل وتسبح وتدفع
-حبيبتي الحمدالله ع كل حال لا اعترض على حكم الله
-الحمد الله
رجعت امي هي وابو علاء
كالت لكينا بيت فارغ بعد دربونتين علينا
اليوم العصر نحول بالبيت
ابو علاء دفع مقدم مال اربع اشهر
ودع امي وتعذر منها
امي جاوبته عليمن عيني اجنه نتعذر منك دخلنا حياتك وسوينالك مشاكل مشكور ورحم الله والديك
طلع
واحنه بدينة نحول بالغراض؟طلعت امي اجرت سيارة حمل جبيرة
وشافت رحمن بالركن
كالته بعد خالتك متجي تصعد الغراض بالسيارة نريد نشيل وماكو واحد يحملهن بس اني والبنات
-اي خالة صدك جذب مو تدللين
ايناس
طب رحمن يشيل بالاغراض المشدده
شفته تعجبت هذا منو دز عليها
شافني اطلع بالاغراض بره
-ذلونج انوسة
-هلو
-وين راح تشيلون
-هنا بالدربونه الثانية
-اي زين الحمد الله عبالي بعيد راحت روحي
-وليش بله
-لان مااشوفج بعد
-اممم وانت ليش تريد تشوفني
تقرب مني وهمس لان احبج احبج
من كال احبج احس روحي ساحت
رجعت ليورة
وهو يتبسم
خلت بسرعة وطبيت اركض واضحك
-شكد حلوه هاي الحجاية حركت مشاعري
اريد اشيل الكارتونه احس ماضلت عندي قوه
عفيه كلمه وحده هيج تسوي خربطت احوالي كلها
اية
ودعت بيتنا الي كبرنا بيه وربينا بيه اخخ بابا راح نطلع من البيت وراح نضل نفتر بالبيوت
اوف ياريت متنا كلنا وياك ولا هيج وضعنا انظلمنا يابه والي ظلمونا هم اخوانا
كنلنا اغراغ وشلنناها كولها
ورحنا للبيت الجديد جان صغير وتعبان وصخ متروك
بدينا نغسل وانضف
والله كوة اجر برجلي حيل تعبت وهلكت يومين واحنا نرتب بالغراض والله هداه لرحمن جاب صديقة شد النا الكنتور وكال لامي اي شي خالة تحتاجين اني مثل ابنج لايردج لسانج
-رحم الله والديك وسلم ع امك ماقصرت وليدي بس اريد للبنات ستلايت اشتري منين اجيب
-موجود هسه محلات مفتحين خاصة
-تكدر تجيب النا
اي مو تدللين اروح اسئلج ع السعر واجي اخذ؟منج
-اي فدوه وليدي
اباوع ع ايناس كلش فرحانه برحمن ونظرات بينهم
الله يوفقج يارب ع الاقل وحده من عدنا ترتاح وتزوج وتشوف حياتها
رجعنا نخبز وتروح ايناس تجيب العجين من الناس وترجع تودي خبز باليوم نخبز ٧ انجانات لو عشرة وخير من الله ١٥ الف باليوم عشرين الف
رحمن جاب ستلايت النا
وشداه الولد ابو الستلايت
وجان شي جديد ماعجبين بيه وبي ريموت واحنا كاعدين نعلي واتصي
الله متعجبين
ونطلع مسلسلات تجنن نهلة انطلقت عليهن وكيفت
بقينا بهذا البيت شويه ارتاحينا لان صغير ولامنا ذاك جبير جان ونخاف منه
بعد شهر من كعدتنا هم اجة ابو علاء
بس هالمرة عرض ع امي زواج
بس امي رفضت
-ليش نسيمة مو اني لهسة احبج وشاريج من شفتج والله احس ردت الروح بيه من جديد
-يازواج بهالعمر صغار احنه قابل تره كبرنا وجهالنا كبروا هسه المفروض نزوج جهالنا مو نفكر نزوج احنا
-بس اني احبج لحد الان من شفتج لهسه احس رجعت شاب ورجع حبنا من جديد
-لا اسفة مااكدر
-فكري ام اية انت هسه بحاجة رجال يسندج انت وبناتج ميصير انتن نسوان لوحدجن
-ميخالف نعيش النا الله ماينسانه
-والنعم بالله بس ذن بنات واخاف احد يستطمع بيهن
-كتلك النا الله
ام اية فكري فكري لا تستعجلين بالرد
-ومرتك شكرية
-شبيها
-شتكول اخذت رجلي
-هي اخذتج مني سنين واني حارم روحي وكاتبم بكلبي نسيمة ماصدكت لكيتج مرة ثانية مااريد اعوفج تضيعين مني بعد
-ماادري بس مااكدر صدكني شكل لبناتي بطولي ازوجهن لو اني ازوج
-اني احجي وياهن هنه بحاجتي بناتج مو عاديات بناتج معاقات ويراد الهن رجال
افكر واستشير بناتي
دفعت الباب وبدون شعور طبيت عليهم
-وافقي يمة كلام عمي صحيح كوله احنا يرادلنا رجال
باوعتلي امي لا مااكدر
-فدوه يمو وافقي وافقي عمي ابو عقيل مااقصر ويانه
واخوتج شيكولن علي
همة وينهماخوتي والله لو بعد مية سنه مالهم
مايسئلون علينا ويستفكدونه وافقي يمة ومعليج بالغير
-عفية عليج بنيتي سباعية
-اشكرك عمو
احنا مراح نلكمة أمن منك ع امي وعلينا
-ربي يقدرني واكدر اسعدكم
-بس اني عندي طلب ازوج وابعدكم من هاي المنطقة لمكان ابعد محد يعرفة
-ليش؟
-هيج احسن مااريد احد يندلكم
-لس احنا بعد النا ٣ اشهر يله نطله لان دافعين مقدم ايجار
-لعد تحلصون النلث اشهر ونزوج واخذ الكم بيت شراية مو ايجار امي بس ساكته متحجي
ها يوم ذكلتي خل اكول لخاوتج واشوف والله كريم
-لعد اني مااروح اذا مااخذ؟الموافقة منكم
ومضة_امل
