رواية سلبو طفولتي الفصل الثامن بقلم ام مصطفى
كولولة هي نسمة عشك ش تنفست من دونها
سحروك اقنعني بسحر يقوى على سحر عيونها
_____________________
معصومة: مشت الزفة ورحنا لبيتهم واني من دخلت نقبض كلبي امداني اذا اهلي باعوني علمود هذا البيت لان جبير كولش وزناكيل اذا واحد مو راحته شون مادري؟
شهد: رحت وياهم واني شايلة هم بس معصومةةة خطية شراح سوي هي تلعب نفسها منه اوف ياربي
معصومة: دخلنا وكعدنا وهو طلع انكلع
شهد: طلع واني طفرت كعدت بمكانه
يي شونج
معصومة: نجبي انتي مالي خلك
شهد: اليوم عرسج شبيج
معصومة: لو ادري رايحة لجنازتي هم جان فرحت تمام
شهد: هههه سم الله شبيج
لارين: جدي شكالج؟
شهد: وياي؟
معصومة: لارين لا تدخلين معليج
لارين: سحبت شهد وكوتله انتي مبينه اصغر منها بهواااي ف لا تحجين وياها جدي كال يكولون ع معصومة خاف زعطوطة
معصومة: تعاي شهد احجي وياج معليج بيها
شهد: لا طالعة بالحديقة خنكة هنا
معصومة: لارين محد يفكج مني شري تمام؟
لارين: او شعلي اني امي كالت
نجوى: اني كوتلها لا تفضحينا
معصومة: يصير خير
جميلة: يلا حبيبتي كومي للغرفة شكلج تعبتي هنا
معصومة: 🙄
نجوى: كومي ماما
دربالج عليها
جميلة: بعيوني
معصومة: كمت وفات وراية بشوي( واجد )وصاح على جميلة جيب العشة
واجد: اي شونج
معصومة: زينة😒
واجد: امممممم
معصومة؛ شبيك شكو
واجد: حلوة طالعة
معصومة: اعرف
جميلة: خذت الصنية ودكيت الباب
واجد: تعاي دخلي
معصومة: كمزت يمه من دخلت جميلة وكضيت ايده وكوتلها اي خليها هنا جوعانين مو حبيبي
جميلة: تفضلو يلة بالهنا وشفى
معصومة: شعندج واكفة هنا بعدج روحي ناخذ راحتنه نريد😒
واجد: غمزت جميلة وكتلها طلعي يلا
جميلة: اوك اخذو راحتكم
معصومة: طلعت واني كمزت منه رحت للحمام اتقئ لان لعبت روحي
واجد: بيج شي
معصومة: اي حامل
واجد:😳😂😂😂😂 بعدنا بسم الله
معصومة: وخر خلي اكل
واجد: تفضلي😑
*********
معصومة: بقيت شهرين بيت واجد واني بعدني مااكدر اتقبلة ومن يتقربلي دكوم تلعب نفسي وخاصة من تروح جميلة للدوام
واجد: مومو سويتي غدا ليوم
معصومة: هسة تجي جميلة سوي اكل
واجد: جوعان اني
معصومة: طلع شي من ثلاجة واكل
واجد: كومي لج اشتغل عندج شنو
معصومة: واني شنو جايبني خدامة كتلك ماكو دا اتفرج ع مسلسل
جميلة: رجعت من دوام ولكيت واجد يتعارك ويا معصومةةة دخلت ركض
خيرر شكو؟
معصومة: كولته ماسوي اكل ضل يعيط بعدلة شوي ويضربني عشتو ولله
جميلة: اش معصومة عيب انتي صغيرة وهو جبير مايصير وبعدين هسة اني اسويلكم اكل
معصومة: اذا هو جبير واني صغيرة شكو خذتوني اله وكولش زين تدرين اني مااحبه ولا طايقته رجلج
واجد: انتي هييييي شتحجين وتمسلتين مو زين عيشتج مثل اميرة هنا جنتي بيت ابوج عبالك كبر مو بيت
معصومة: اولا لا تغلط ع بيت ابوي وثانيا محد جابرك تخطب بنية بكد بنتك
واجد: اوك خوش رايح للغرفة
جميلة: عزه بعينج رحنا بيها
معصومة: شبيج
واجد: جبت السلاح وخيلته بكصتها
جميلة: عوووفها واجد عزةة بعينك
معصومة: اي اضرب بلكت اموت واخلص واهلي مصلحجية ياخذون بيتكم بليلة ويوم ويرتاحون
جميلة: عوفها واجد فدوة اني احجي وياها
معصومة كافي تعاي وياي😡😡😡😡
معصومة: جرتني ودخلتني للغرفة وكالت شوي واجي احاجيج
واجد: هاي كح....... من باجر اذا مو حامل نطلكها ونوديها لاهلها فتهمتي؟
جميلة: انتي شتحجي بنية صارلها شهرين بس
واجد: مثل ماكتلج
معصومة: بقيت منتضرته ردت اطلع وكلت خاف صير اعقد المشكلة وشوي واجتي علية
جميلة: انتي خبلةةة تدرين كم مرة مطلع السلاح وضارب علية شايفة الفطر يم حايط سئلتي عليه هو ضرب طلقة هناك وعود اني لا احجي مثلج ولا شي لو مو اني جان متي
معصومة: ان شاء الله اموت واخلص منج ومن رجلج
جميلة: شوفي معصومة ادري بيج ضوجين منه وحقج لان هو رجال شايب وانتي بعدج شابة وحلوة بس عبالج شنو ما انقهر من اشوفكم بس اسوي روحي مادري لان مني صوج مااحبل وهو هم بيه صوج وردنا نعرف بلكت نزوجه وجيب ولد النه نفرح بيه
معصومة: واني شكو فأر تجارب هنا؟
جميلة: كضي السانج معصومة انتي شايفة منه ترا الرجال يريد المراة تخدمه
معصومة: بس اني مااحبه اكرها
جميلة: حبيبتي بعد هذا قدرج شسوين انتي خدمي وشوفي شون يصير
معصومة: كتلج ماريده كل مايتقربلي اروح اتقيء
جميلة:معصومة لو تتقبلي جان ماتقيئته وبعدين كلي باجر اخذيها اذا مو حامل يطلكج
معصومة: تحجين صدك فدوة خلي نروح هسة
جميلة: شبيج فرحتي هلكد
معصومة: خلصوني منه فدوةة
واجد: جنت واكف يم الباب واسمع كولشي نصدمت ونقهرت عليها وضجت من جميلة لأن ما كالتلي على هذا موضوع
معصومة: كعدت ثاني يوم ولكيت واجد وجميلة يتحاجون
صباح لخير
الكل: صباح نور
معصومة: نروح للدكتور؟
جميلة: اي تريكي وحضري نفسج
معصومة: تمام
واجد: تعاي جميلة عندي حجي وياج
معصومة: اخذو راحتكم اروح اسبح
واجد:تمام
جميلة: كول
واجد: بنية من خطبة ماراضية بيه؟
جميلة: لا منو كال راضية راضية
واجد: كضيتها من ركبتها وخنكتها ااااااحجي صدك😡
جميلة: هي امها كالت قابلة شعلي اني عوفني
واجد: هي امها كايلة دتعااااي ادبسزززز ورطتينا وياهة طايحة الحظ وطكيتها راشدي👋
معصومة: طلعت اجيب من غرفة هدومي واسمع صوت صريخ جميلة
خير شكو شبيكم😳
جميلة: عوفني واجد أذيتني
معصومة؛ عوفها شبيك تخبلت
واجد: تنجبين لا انعل والديج
وكومن بساع مني ترحن للدكتور لا اطلع مسدس وارتكب جريمة وحق الله
جميلة: امشي
معصومة: تأذيتي
جميلة: لا تمام انتي بيج شي
معصومة:اني اسفة ضربج بسببي جنت حسبالي مو خوش مراة بس طلعتي فقيرة وع نياتج اسفةةة كولش
جميلة: حبيبتي انتي اعتبرج مثل بنتي
معصومة: يروحي اسفةة
جميلة: عادي ولا يهمج متعودة عليه شوية ويرجع تمام
معصومة: تكدرين نروح للدكتور لو نخيلها ع غير يوم
جميلة: لا امشينا هسة واجد ما ينكعد يمة من يعصب
معصومة: اوك بدلي بين مالبس
جميلة: يلة
معصومة: لبست ع سريع ورحنا اني وياها لدكتورة اخصائية نسائية
اول مادخلنا كالت
دكتورة: خلي امج برا لو دخليها وياج
معصومة: باوعت ع جميلة نقهرت حسيتها
لا هاي مثل اختي وضرتي
دخلين وياي جميلة
دكتورة:اعتذر
جميلة: لاعادي
هسة اجي وياج
دكتورة: صارلج شكد مزوجة
معصومة: تقريباشهرين او اكثر بشوي
دكتورة: تعاي افحصج وسوي تحاليل
معصومة: مال شنو
دكتورة: سوي تحاليل وبعدين اكلج مال شنو
معصومة: تمام
رحنا اني وجميلة نسوي تحاليل وكالت دكتورة انتضرو نص ساعة ويطلعن
************
واجد: حسيت دوخة براسي وألم سويت عصير ليمون وطلعت بالحديقة كعدت وشوي جميلة ومعصومة اجني
جميلة: السلام عليكم
واجد: وعليكم سلام😒
جميلة:ليش كاعد هنا
واجد: معليج
جميلة: اوك
واجد:بعدين رحتن للدكتورة
معصومة: اي رحنا
واجد: وشكالت ؟
معصومة: بقيت اباوع على جميلة ومقهورة وخايفة ماحجيت شي
واجد: احجن شبيجن
جميلة: معصومة طلعت............
