رواية قدر مكتوب الفصل الثامن 8 بقلم ام مصطفى

بدت الامتحانات والتهيت ادرس وذبيت كل جهدي 

حسام كد السلام والنظرات ومرات كلمات سلام شلونج شخبارج مشتاقلج بس ماكو غير شي  

بس جانت نظرات حب بينا عادي 

الحمد لله نجحت  وبالعطلة رحت لبيتنا 

عمتي اسراء جابتلي مبايل هدية 

هنا بدت علاقتي بحسام تقوى من خلال المبايل جان منطيني رقمة 

اتصلت بيه 

منو 

-اني رند 

-رند رند 

-اي شبيك 

-يابوووية شكد مشتاقلج شعجب خابرتي وهذا مبايلمن 

-مبايلي جابوا هدية نجاحي

-نجحتي

 اي الحمد الله 

الف مبروك لعد هم اطلبيني هدية 

-شكرا واصلا 

لا والله تطلبييني هدية 

انت وين هسه 

احنا ابيتنا اني وعماتي وجهالهن لان عطلة مجموعين هنا 

-لعد اراح اجي اشوفج 

-هسه بالليل 

-اي عادي ساعة واجي بس ادك عليج اطلعي 

-اوكي 

سديته منه جنت حيل فرحانه 

حيل ارتاح من احجي وياه احسه حنين وصادق وياي 

بسرعة غسلت وجهي مشطت شعر لبست تراك مالتي،وردي جان وبي وردة 

صدك اقل الساعة رمش 

جان عماتي بغرفة بيبي يسولفن استغليتها فرصة 

وفتحت الباب وطلعت 

جان اشوفة واكف بالركن بسرعة اجة يمشي 

من بعيد يتبسم ويباوعلي 

وصل يمي انطاني علاكة 

الف مبروك حبيبتي 

خجلت ودنكت اخذت العلاكة وفتت ركض 

خليتها بالحديقة وسديت الباب رجعت شفتهن ع كعدتهن 

اخذت العلاكة وركض لغرفتي 

فتحتها جانت علبه بداخلها 

فتحت العلبة 

لكيت كلادة فضة قلب وبيها حرفي وحرفة 

H❤R 

الله شكد حلوه بستها ولبستها بسرعة 

اتصل 

الو 

الو 

عجبتج 

اي كلش حلوه 

لبستيها 

اي شمدريك 

ادري بيج راح تلبسيها  

بس الله عليج عليج العباس ابد لا تنزعيها لو شيصير خليها بركبتج ذكرى 

-ان شاء الله  

بقينا نحجي وبده يعرفني عن نفسة 

حسام اكبر من بسنتين حاليا سادس علمي نجح من عائلة ميسورة عنده اخ مزوج اكبر منة والدة متوفي 

وامهم كاعده عليهم همة اثنين ولد 

حسام يداوم الصبح والعصر يشتغل وي خالة بمطعم يغسل مواعين يقدم اكل يسوي سلاطات  المهم يطلع شغل 

الشي الي عرفته هو من المذهب الشيعي 

وطبعا هالشي ميهمني اخر شي افكر بيه ابد ما فكرت بغير شي لان ماكو فرق احنا عدنا  

استمرت علاقتنا عادي نتخابر ..

بيت عمو امجد سوو حفلة بمناسبة تخرج سرمد من كلية الظباط 

والكل حضر الحفلة حتى اهل عمة قبس 

 

جنت فوك بغرفة ملك 

عمتي احلام دزت بتها علي كالت خل تبدل وتنزل 

لبست ونزلت ع نص الدرج واسمع عمة قبس دكل لاختها 

هو احنه كلنا نزوجها لسرمد ليش تروح الاملاك للغيريب بيني وبينج لؤي هم خال عينه عليها ياخذها لابنه بس ابنه اصغر منها ويكل لامجد عادي ناخذها 

عاد امجد كلة لا سرمد رايدها 

-وسرمد صدك رايدها 

-لا يمعوده وين ولا يمها ولايريدها بس احنه نغصبة عليها قابل نعوف البيوت تروح للغير ...

جمدت بمكاني من سمعت هالكلام كل همهم البيوت والفلوس واني مو مهم عدهم 

شبعت قهر 

كملت الدرج انزل 

اجت عمة اسراء 

كالت شبيج مخطوف لونج 

لا مبية شي 

شلون مبيج شي لا اكو شي 

-ماكو عمة بس دايخة احس 

لعد اصعديارتاحي مابلازم تنزلين 

وهو هم هيج اني راح اصعد 

صعدت والدمعة بطرف عيني 

لاكاني سرمد خزررتة حيل 

-شبيج تخزريني كبر خرعتيني والله انت مو صاحية احلف عليج 

هاي بدال متباركيلي 

باوعتله بعصبيه ومشيت 

صفك ايده استغقر الله خبله ماعليج عتب 

طبيت للغرفة ونمت ع الجرباية

يتحكمون بيه عبالك قطعة اثاث خالية من المشاعر والاحاسيس 

والله لو تموتون ماازوج لا سرمد ولا من ولد عمو لؤي 

ازوج الي احبه واريد 

واني احب حسام يي اريده هو  

كلت مااحجي لاي احد عن الي سمعته بس الي صار الحمد الله فتح عيوني 

ثاني يوم اتصلت بحسام واحجي وياه 

دخل سرمد 

وينج تعاي احجي وياج 

نزلت المبايل من اذاني بدون مااسده 

-شكو 

-يمعوده غرفتي مهوسة متجين انضفها اني وياج مجاي اعرف شلون ارتبها 

كتلة ميخالف هسه اجي 

جانت عمة قبس اكثر اهتمامها بالمدرسة ومتلحك ع شغل البيت واني مرات اساعدها ارتب غرف الولد فهو متعد انضفها 

طلع  رجعت خليت المبايل ع اذاني 

-الو ها حسام رايحة انضف غرفة سرمد 

-وانت خدامة شنو متنضفيها اكعدي واسكتي 

-لا عيب اول مرة يطلب مني بالعاده اني ارتبها 

منو بالبيت 

محد بس اني وياه 

-صدك لعد وين راحوا 

معزومين لبيت خالهم وبس واني وسرمد بالبيت 

صدك تحجين وراح  ترحين تضفين الغرفة انت وياه 

-اي عادي باوع صح هو غثيث ومكروه بس الله شاهد ماشفت منه شي موزين يتصرف وياي مثل ملك اخته

-رند لا تحبليني  شنو وحدكم بالبيت شنو ترحين تظفين الغرفة انت وياه 

لج فار دمي من يمي 

ماكو مترحين 

-اوو حسام شكو عيب منه 

-كتلج مترحين 

-اكلك اني مااحب احد يتحكم بيه 

-صدك لعد سديه 

-شنو زعلت 

سده بوجهي 

اووو. هسه هذا شبيه 

طلعت امشي ع كيف حتى خلة شك بكلبي 

لكيته يعلك بملابسة 

ها بعد وكت عود اول مره اطلب منج 

اول مدخلت كام يدك حسام هاي عود زعل 

مجاوبت 

دك مرة لخ 

كال سرمد جاوبي عادي 

لا شهلاء صديقتي بعدين اجاوبها

دزلي رسالة رحتي يمة اني اعلمج 

قريتها ومرديت 

رجع ردردي وينننج 

شلته وضميته فوك المكتبة 

وكعدت اعزل بالكنتور صدك مهوسة  ميصير هيج عيني سرمد المفروض الملابس الوصخة تخليها بسلة 

اشو انت خبط 

-امي اذا ماانزل الها الوصخات هي عود تكدر تصعد متصعد 

واني مو هالكد ارتب غرفتي لذالك استعنت بيج ههه 

لا عادي 

تضفناها سرمد الله شاهد شريف وماعنده هاي سوالف يباوع لو يبصبص 

ابد ماعنده هيج 

اشو خلصت وطلعت شلت المبايل لميت خمسين مكالمه والرسائل ادك هذا شبي 

لكيت رسالة ها شسوون وين صرتي 

جاوبي خرب 

مجاوبت ابد عاد خذالة شهر زعلان

وكوه صالحته 

بدة الدوام وداومت 

اني  اني خامس علمي و حسام سادس 

وعم نجحت وحسام طلع معدل زين 

بس كال مراح اداوم هاي السنه انتضرج شتطلعين السنه الخ واروح وياج 

هنا عمو فتح موضوع الخطبه وياي 

كتله لا عمو اريد اكمل دراستي اني ماارتبط هسه 

بس خطبة وبعدين من تتخرجين زواج 

لا ابد ممستعجلع وبعدين سرمد مثل اخوي مااتقبله 

شمو هالحجي لا تتقبليه دخلصيه السادس ونتفاهم بعدين

عمو لا بعدين ولا هسة سرمد مثل اخوية رجائا 

دخلت عمة قبس ع الخط 

اكلج انت اشايفة نفسج ابني ضابط الف وحدة تتمناه 

لعد اخذيله من الاف اني لا 

-اشو تاخذيه وغصب ماعليج 

-اني اعرف ليش،تردين تزوجيني لسرمد ع مود البيوت لا عبالج مااعرف بس لو تموتون ماانولكم الي ابالكم 

-ايا ادبسزز باع لسانج مال وحدة ممرباية  منو يربيج اذا من الصغر من بيت البيت 

-تعيريني باليتم  الموت كاس لكل الناس  

منو يكول ماباجر تموتين وملك تتيتم 

-لج موت الكرفج خلصنا منج  اني بودي اصلا اخلص منج 

-اي شوفي طلع الحجي 

عمو ضل يصيح شنو هالغوه كافي 

-لا مكافي بنت اخوك شايفة نفسها فوك مملفينها عدنا 

-اكولج عمة تره هذا بيتي اني الس مكعدتكم ابيتي  لا خلف الله ع احد 

شوف شوف لسانها شطوله 

-رند شنو هالحجي 

-هذا الي سمعته 

-اصعدي فوك بعدين نتفاهم 

عمو لا بعدين ولا قبلين سرمد مااخذة ولا اريده 

دخل السرمد راسا 

-خلص بابا البنية متريدني كوه خوما كوة 

-اي كوه وغصب عليكم 

صعدت فوك نفسيتي زفت المن اشكي ياربي اصعب شي تحسين نفسج ماعندج احد والاصعب تنفرضين ع احد 

سرمد اصلا يحب وحده  ودائما اسمعة يحجي وياها  

يعني ديفرضوني عليه وكلة على مود الطمع 

خابرت عمة اسراء،وحجيت الها 

كالت عمة سرمد خوش ولد شكو بيها 

-عمة مااعندي اعتراض ع شخصة بس اني مااريده وثانيا عمة قبس تريدني ع مود البيوت لا اكثر اصلا هي مطيقني  والولد هم ميريدني كوليلي كوه خوما كوه 

-رند انت مترديه لان هو ميريدج لو اكو شي 

-الصراحة عمة اي اني احب واحد 

-لج منو هذا 

-تجين واحجيلج 

لعد اليوم اجيج 

ان شاء الله  

جان حسام يدك خط ثاني اتصل بية 

جاوبت 

هاي ويامن مشغول 

وي عمتي 

شبي صوتج 

ماكو شي 

لا اكو قابل مااعرفج اني 

- اي اكو عمو يريد يخطبني لسرمد 

-شنووو هذا الي عرفناه  مو سرمد مثل اخوج ع اساس وماعنده هيج وميباوع 

-اي والله بس همه ع مود الورث والبيت لا اكثر 

-رند انت وعدتيني منتفارك 

-وكل يوم اوعدك 

رند اموت والله متعرفين هسه مجرد فكره احس نفسي اختنكت  اني اجلت سنه على مودج حتى ندخل كلية سوه مااريد ادخلين الكلية وتخلتطين واحد يباوعلج اتخبل رند انت متعرفين شنو انت بالنسبه الي 

انت صرتي هذا الهوى الي اشتمة احبج رند 

-وانت امي وابوي واخوية وحبيبي وكلشي بحياتي لا تخاف حسام مااستسلم ابد