رواية عشق الاسر الفصل التاسع
لتشرق شمس يوم جديد على الجميع وتنير عالم بعد ظلام الليل
تفتح عينيها بهدوء لنري جمالهم كانت هذه بطلتنا الطفله بداخلها تمسك الهاتف لترى الوقت بعد مدة تنهض وتتوجه إلى الحمام لتفعل روتينها اليومي بعدما تنتهي تدخل غرفة الملابس وتقوم بارتداء آخرى
وتقف أمام المرآة وتمسك الفرشاة وتمشط شعرها وتنتهي منها ومن وضع اللمسات الأخيرة لتخرج غرفتها وتتجه إلى الأسفل وتنظر بإستغراب لأنها لم تجد أحد في الاسفل لتذهب وتجلس وتمسك الهاتف وتلعب بيه ولم تنتبه إلى الذي أتى ينظر إليها ويقول ببرود شديد: صاحيه بدري يعني يا حور هانم
تنظر إليه حور بخضه وتقول: بسم الله في إيه يا عم إيه الدخله دي
يجلس أسر بجوارها ويقول وهو يقترب منها: إيه خضيتك يا قطتي
تنظر إليه حور وتنهض وتعطيه ظهرها وتقول بضيق: بطل طريقتك دي
ينظر إليها أسر و يسحبها بقوة ليجعل تجلس مكانها ليقترب منها أكثر ويقول ببرود شديد: ومالها طريقتي
يا حور هانم
تتوتر حور من قربه: مش بحبها وابعد عني
وهو ينظر إلى شفتيها يقول بهدوء: وأنا عملت إيه
حور وهي تحاول أن تبعده عنها بعدما لاحظت أين
تتجه نظراته: أسر ابعد عني والله اصوت
ليجيبها أسر ببرود شديد: صوتي يا حور أنا نفسي
اسمع صوتك وأنتي بتصوتي يلا
لتقول حور بغضب: ده أنت بارد بقي
أسر ببرود شديد: تعرفي مالك الشرقاوي منين يا حور
حور ببرود: قلت كان بينا شغل إيه مش بتفهم
أسر بنفاذ صبر: احترمي نفسك يا حور أنا صابر عليكي بس لو صبري ده خلص هتشوفي وش عمرك ما تتخيليه في يوم من الأيام
ويكمل بغضب شديد: إيه الشغل اللي كان بينكم ودي أول مرة نتعامل مع شركة الشرقاوي
تتوتر حور بشدة وتقول بغضب: كان شغل ملهوش دعوة بالشركة وبعدين أنت مالك وهو أنت مفكر نفسك ولي أمري ملكش دعوة بيا ابعد عني بقي
ينظر إليها أسر بغضب شديد ويبعد عنها ويقول: ماشي
يا حور أنا هعرف اللي عايز اعرفه بس والله لو طلعتي كدابه لهوريكي النجوم في عز الظهر
تنظر إليه حور ببرود شديد وتقول: اعلي ما في خيلك اركبه
وتنهض لكي تذهب بعيد عنه ينظر خلفها أسر بغضب شديد ويجلس يخرج سيجارة ويشعلها ويأخذ نفس كبير منها يأتي عليه فارس ينظر إليه بإستغراب ويذهب يجلس بجواره ويقول: في إيه على الصبح يا أسر
أسر بغضب شديد: والله يا فارس لو اللي في دماغي صح لهكون قاتل اختك ولا يهمني أنت أو جدك
فارس بغضب: أسر احترم نفسك أنا مش عيل معاك اتعدل وقول في إيه
ليجيبه أسر بصوت عالي: الهانم بتقولي أنت مش ولي أمري وملكش دعوه بيا الاستاذه مفكرة نفسها ملهاش كبير
ليقول فارس بغضب شديد: أسرررررر أنت مش ملاحظ نفسك بتتكلم على مين أنت بتقول إيه
: والله كويس احفاد الجارحي ماسكين في خناق بعض ياخسارة تربيتي فيكم وأنا اللي مفكركم كبار ومسؤولين... كان هذا صوت الجد الذي كان ينزل الدرج ليوجهوا إليه بصرهم
ليقول أسر ببرود: إيه الحوارات الكبيره دي يا حسين مالك على الصبح ده نقاش عادي
ليقول فارس ببرود: أنت كبرت يا حسين والعصبية وحشه عليك إهدى كده
ينظر إليهم الجد ويقول وهو يجلس: في إيه يا حيوان منك ليه
ليقول أسر ببرود شديد: مفيش حاجة يا جدو
الجد بسخرية شديدة: أومال ده كان إيه يا أسر باشا بتمرنوا صوتكم على الصبح أنت هتصيع عليا يا ابن *****
اخلص يالا منك ليه قولوا في إيه
ليجيبه فارس بضيق: في أن ابن ابنك شكله اتجنن
ليقول أسر بغضب: والله لو أنت ركبت قرون أنا لا يا فارس
ليقول الجد بغضب شديد: اخرس يالا منك ليه أنتوا خالص مفيش حد مالي عينكم
تأتي في هذا الوقت يارا وهي تقول بمرح شديد: صباح الخير يا مصر
وتذهب إلى الجد حسين وتقبله على وجنته
يقول الجد بمحبة: صباح الخير يا مصيبه
لتقول يارا بمرح: أنا يا حسونه ده أنا ملاك
: طب بس يا ملاك علشان جناحك طار في عيني
كان هذا صوت أركان الذي كان ينزل على الدرج
تنظر إليه يارا وتقول بغيظ: ربنا يسامحك يا أركان أنا مش هرد عليك احتراما للرجل الكبير ده غير كده أنا كنت وريتك
أركان ببرود: لا ردي أنا عايز اشوف هتقولي إيه
ليأتي حاتم ورهف علي هذا الحديث تقول رهف بمرح شديد: أركان ماله بيكي يا يارا
يارا بغيظ: أنا عارفة يا اختي التناكه وخداه بس أنا فوق مستواه
لتقول رهف بشهقة مصطنعه: لا يا يارا ده أركان عيب كده أركان أكبر منك
ليقول أركان بغضب: والله من هسيبك يا يارا الكلب
ويذهب إليها و يمسكها من ملابسها يقول: بقي يا حسالة المجتمع أنتي فوق مستوايا أنا يا بت أنتي محسوبه علي المجتمع بالغلط اصلا
لتقول يارا بغيظ شديد: سيبني يا أركان إيه يا راجل ماسك حرامي جزم الجامع ده عيب أنا كنت بهزر يا رمضان إيه مبتهزرش
يتركها أركان ويقول ببرود: أيوه خليكي كده علشان المرة اللي جاية هنسي إنك بنت يا يارا الكلب
لتقول رهف بسخرية شديد: خوفتي يا اختي
لتجيبها يارا بمرح: أيوه يا اختي يرضيكي إني اموت على إيد واحد زي أركان مش حرام
رهف وهي تهمس إلى يارا: بت يا يارا الواد طلع مز ولا أكل وز
يارا بصدمة مصطنعه: هو أنا مقولتلكيش
لتقول رهف بهدوء: لا مقولتيش
يارا بمرح: يقطعني يا اختي
رهف بمرح: بعد الشر عليكي يا مزتي قولي الأول وبعد كده يقطعك عادي
يارا بغيظ: واطيه من يوم يومك يا رهف
لتجيبها رهف بلامبالاه: اخلصي يا بت أنتي وقولي إيه اللي حصل
يارا بمرح: البنت حور طلعت تعرف المز
لتقول رهف بصدمة: إزاي يا بت
يارا بمرح: والله يا اختي ما اعرف حاجة
رهف: طب إيه اللي حصل
لتقول يارا بغيظ: بعد ماخلصنا الواد سلم على البت حور وتخيلي يقول لها إيه يا بت يا رهف
لتقول رهف بغيظ وتساؤل: قال إيه يا بنت
تقول يارا وهي تقلد صوت مالك: مش أول مرة نتعامل مع بعض وأكيد مش هتكون آخر مرة يا حور
رهف بشهقة مصطنعه: حور حاف كده كملي يا بنت وهي قالت ايه
يارا برقة مصطنعه: أكيد يا مالك نورت الشركة
رهف بصدمة مصطنعه: نورت الشركة هي وصلت لكده والشباب كانوا فين في السفاله دي كلها يا بت
لتقول يارا بتقليد: ومرة واحدة يطلع أسر ويقول إيه
يا بنت يا رهف
لتقول رهف بغيظ شديد: اخلصي يا زفته وقولي
لتكمل يارا بتقليد أسر: فارس وصل مالك باشا
رهف بشهقة: يا عيني ده بيطرده
يارا بحزن مصطنعه: إيه يا اختي عيله فقيره
رهف بحزن مصطنع: معلش هنقول إيه بس إزاي حور لحد دلوقتي عايشه ومحدش قتلها
يارا بغيظ شديد: المفروض يا اختي بس هنقول إيه ربنا علي الكافر
لتقول رهف بتساؤل: هي فين البنت دي مش باينه
لتجيبها يارا بغيظ: معرفش ممكن تكون خرجت من غير إذني
رهف بغيظ ممزوج بضيق: والنبي تتنيلي قال تاخد إذنك غوري شوفي البنت دي راحت فين وهاتيها من قفاها أقل من قفاها مش هقبل يلا غوري
تنظر إليها يارا بغيظ شديد وتذهب لكي تبحث عن حور
كانوا يجلسون في المكتب ينظر إليهم الجد ويقول ببرود شديد: كل اللي بتقولوا ده مايفرقش معايا وما يدخلش في ذمتي بربع جنيه
أسر ببرود شديد: تمام حفيدتك تعرف مالك منين
ليقول الجد باستفزاز: ملكش دعوة
يبتسم فارس الذي يتابع الحديث ببرود شديد وينهض
أسر ويقول ببرود مصطنع: تمام يا حسين محدش يلومني على اللي هعمله
ينظر إليه الجد ويقول ببرود شديد: حور خط أحمر يا أسر أنا سايبك تعمل اللي أنت عاوزه بس عند حور وهتشوف وش عمرك ما شفته
ليقول أسر ببرود: بنت ابنك لو طلعت بتكدب عليا والله
يا حسين مفيش حد هيوقفلي
الجد باستفزاز شديد: لو سعادة حور مع مالك الشرقاوي أنا بنفسي هجوزهم لبعض يا أسر
ينظر إليه أسر بغضب شديد يقول: أنا اقتلها قبل ما تكون لغيري يا حسين
ليقول فارس بهدوء: خلاص يا أسر وأكيد حور مش هتكدب وأنا هكلمها تاني وأنت ملكش دعوة بيها
ليقول أسر ببرود شديد: أنا بقول أن نشوف رأي مجدي في كلامكم ده
ليقول فارس بغضب: أسررررررر
ليقول الجد بضيق: ماشي يا ابن شريف يلا على الشغل
أسر ببرود شديد وهو ينهض: حور بتاعتي أنا يا جدو قبل ما يخش مالك الزفت ده
ليجيبه الجد بجدية: حور مش بتاع حد يا أسر أنا مش هجبرها عليك
ليقول أسر ببرود: برضاها أو غصب عنها مفيش حد هقرب منها غيري
ليقول الجد بصرامة: يلا يا أسر علي شغلكم
ليتجهوا إلى الخارج ينظر فارس إلي أسر ويقول ببرود وبضيق: أنا مش هسمح إن مجدي يدخل في أي حاجة تخص حور يا أسر
ليجيبه أسر ببرود: وأنا مش عايز ادخله يا فارس بس أن حور تبقى لغيري أنا عمري ما هسمع بكده اقتلني الأول وبعد كده اعمل اللي أنت عاوزه
ليقول فارس بغضب: أنت بتقول إيه يا أسر أنت اهبل
ليجيبه أسر بغضب: عاوزني اعمل إيه يا فارس اسيبها لابن الكلب ده
ليقول فارس بهدوء: اللي بين حور ومالك مش حب
يا أسر أفهم بقي مالك يا عم
ليقول أسر بتساؤل: أومال إيه يا فارس
ليجيبه فارس بهدوء: معرفش يا أسر بس الموضوع في حاجة غريبه ولازم نعرفها يلا اتأخرنا على الشركة
اومأ له أسر وهو يفكر في حديثه وهم ذاهبون إلى سياراتهم ليتوجهوا إلى العمل
كان يجلسون تقول يارا بهدوء: طب يلا نجيب فساتين الحفلة النهارده
لتقول حور بهدوء: يلا يا يارا
لتقول رهف: طب أنا هطلع اغير ونمشي
لتجيبها يارا باستعجال: بسرعة لو اتأخرتي هنمشي
لتقول رهف وهي تنهض: علشان اكسر رجلك يا يارا الكلب
وتذهب إلى الأعلى تنظر إليها يارا بغيظ شديد وبعد مدة تأتي رهف بعدما قامت بتجهيز نفسها
ليتجهوا إلى الخارج تقود حور سيارة وتقول رهف بمشاكسه: حور اوعي تعملي حاجة كده ولا كده أنا لسه مشبعتش من الدنيا وعايزة اعيشها
تبتسم إليها حور وتقول بمرح: تمام يا رهف ابعدي بس يارا عني ومتخافيش
لتقول يارا بغيظ: ومالها يارا يا حور يا حبيبتي
لتجيلها حور بغيظ: اخرسي يا يارا وخلي يومك ده يعدي
تنظر إليها يارا وتقول: حاضر يا اختي
يذهبون إلى المول وبعد مدة طويلة تقول يارا وفي يدها أكياس كثيرة: افتحي يا بت الباب ده
تفتح رهف باب السيارة وتضع يارا كل الأشياء بها لتصعد السيارة وتقول حور: أنا غلطانه أن طلعت معاكم
لتقول رهف بتساؤل: ليه يا حبيبتي
لتجيبها حور بضيق وغيظ: جاموستين ما صدقوا اتفكوا المفروض أن رايحين نجيب تلات فساتين إيه ده كله
لتقول يارا بغيظ: بت أنتي سوقي وأنتي ساكته خالص
نظرت إليها حور بضيق لتصمت وتقود السيارة ولتصل بعد قليل تدخل كل منهم إلى غرفتها
