رواية حب بين نارين الفصل العاشر بقلم ايمان احمد
تعرفى ال يقرب على الشخص ال بحبه انا ممكن اعمل فيه ايه هقت-له
ندى بصت برعب على السلا-ح ال فى ايدها وقالت بخوف شديد
=انتى ايه ال مسكاه فى ايدك ده... وبعدين انا ا..انا عملتلك ايه؟
اتعاد قدامها ذكرى محاولة سعاد قتل-ها وده خلاها تحس باضطراب شديد
ميرا قالت بجنون: عملتى ايه! يابجاحتك انتى ايه علاقتك بياسين انطقى ولازقة فيه دايما ليه
ندى بخوف: يا.. ياسين مين؟
ميرا صرخت فيها: انتى هتستعبطى يابت
ندى قالت على الفور بخوف: اه يا.. يا. ياسين هو ال رجعنى الشغل... ارجوكى نزلى ال فى ايدك ده
ميرا نزلت من ايدها المسدس وسرعان ماخبته فى الشنطه وكأنها رجعت لوعيها
قالت بهدوء: دى كل علاقتك بياسين؟
ندى بسرعه: اه والله ومفيش اى حاجة تانية بينا انا مش عايزة مشاكل ارجوكى هيا فترة مؤقته وهسيب المكان هنا
ميرا بشك: تسبيه ازاى انتى مش خطيبة عمار ومفروض انكم هتجوزوا فى نفس ميعاد كتب كتابى انا وياسين
ندى افتكرت وبسرعه قالت: اه.. اه صح انا وعمار هنجوز ممكن بقى تسبينى أمشى عن اذنك
ميرا حسست على الشنطة ال فيها السلا-ح وقالت وهيا متعمدة تخوفها
=حاسة انك مخبية عنى حاجة
ندى مسكت دموعها انها تنزل بالعافية وقالت بخوف: لا مش مخبية حاجة والله
—انتم واقفين هنا بتعملوا ايه
قالها عمار وهو مستغرب وجودهم مع بعض
ندى اول ماشافت عمار حست بالامان وراحت بسرعه وقفت وراه استغرب عمار فعلتها لكنه معلقتش
اما ميرا فقالت على الفور: ابدا كنت انا وندى بنتعرف على بعض.. صحيح الف مبروك عروستك تجنن
عمار: الله يبارك فيكى ومبروك ليكى انتى كمان
ميرا: الله يبارك فيك همشى بقى عشان سايبة اياد لوحده مع ماما
عمار: استنى اوصلك
ميرا: تسلم والله معايا السواق
بعدها مشيت
خدت ندى نفسها بارتياح
عمار بقلق: ندى انتى كويسة مالك ف ايه؟
ندى مقدرتش تمسك دموعها اكتر وانهارت مجرد ماسألها
عمار بقلق: طب اهدى.. اهدى تعالى اقعدى
قعدها فى مكان وسابها لحد ماهديت بعدها قال بندم
= كل ال حصلك بسببى صح انتى اكيد مكنتيش عايزة الجوازة دى
ندى بحزن: عمار انت ليه عملت كدة انا عارفه ومتأكدة انك مش بتحبنى فليه تدخلنى فمشاكلك انت وياسين؟
عمار بندم: اضطريت صدقينى ياسين دم-ر حياتى وبعد اكتر انسانة بحبها عنى كنت عايز اوجع-ه بأى طريقه
ندى بعدم فهم: تقصد ايه ياسين عمل ايه بالظبط؟
عمار: بحب دكتورة اسمها روفان بنت ف قمة الادب والاخلاق وكنت هخطبها بس ياسين وراها صور ليا انا وميرا وقاله اننا بنحب بعض
ندى باستغراب: وهيا صدقته؟
عمار بحزن: للاسف صدقته
ندى بتردد: بس هيا لو كانت بتحبك فعلا كانت وثقت فيك
عمار: للاسف انا السبب اما شافتنى مع ميرا قبل كدة وسألتنى مين قولتلها اختى
ندى: وايه ال خلاك تكدب عليها؟
عمار: بابا كان بيضغط عليا انى اجوزها وانا وقتها قابلت ميرا وقولتها ان فى بنت فى حياتى ومش هقدر اعمل ال اهلها واهلى عايزينه وخوفت ان روفان تفهمنى غلط لو قولتلها ال اهلى بيفكروا فيه اصلا كنا لسة متعرفين على بعض وخوفت أخسرها
ندى سكتت شوية تفكر بعدها قالت
= ممكن تاخدنى اشوف الدكتورة روفان احاول اتكلم معاها وافهمها كل ال حصل
عمار بفرحه: بجد يعنى هتعرفى تقنعيها؟؟
ندى بابتسامة: ان شاء الله هحاول
قاموا الاتنين فى اتجاه العربية فتحلها عمار العربية وهو مبتسم ال يشوفهم يظنهم اتنين بيحبوا بعض وده بالفعل ال افتكره ياسين ال كان واقف بعيد بيراقبهم
ومجرد مامشيوا قال: وانا ال كنت فاكرك بتحب الدكتورة طلعت بتحب ندى بس تمام زى ماجمعتكم هفرقكم
بعد وقت وقفت العربية قدام مستشفى
عمار: يلا
ندى باستغراب: ايه مش هنستانها لحد ماتخلص شغل
عمار: ميغركيش انها دكتورة وكدة دى مجنونه لو شافتنى فى الشارع هتعملى فضي-حه بس لو روحنالها مكان شغلها مش هتقدر تقول حاجة هتسمعنا وبعدها تقرر
ندى: مين قالك انها هتعمل كدة
عمار: فكرك انى محاولتش اتكلم معاها حاولت كتير بس مش بتسمعنى قولت اغير الطريقة وبما انك معايا فان شاء الله تفهمنى المرادى
ندى: تمام
امام مكتب روفان
دخلت السكرتيرة وقالت: دكتورة روفان فى واحدة عايز تقابل حضرتك
روفان: حد من اهالى المرضى؟
السكرتيرة: لا دى بتقول مسألة شخصية ومعاها واحد باين خطيبها او جوزها
استغربت روفان لكن قالت: تمام قوليلها تدخل
دخلت ندى ومعاها عمار ومجرد ماروفان شافت عمار قالت بغضب
= انت امشى اطلع برررة
ندى قالت على الفور: ممكن حضرتك تسمعينى يادكتورة سيبك منه خالص ولا كأنه موجود بس اسمعينى انا
روفان: انتى مين اصلا
ندى بتوتر: انا.. انا ندى ابقى
بصت لعمار فبصلها عمار بصدمه وقال فى سره: يالهو-ى انتى جاية هنا تنسى انطقى قولى اى حاجة هنتهان
روفان بسخرية: ايه مش لاقية لنفسك تعريف اقولك انا تبقى مين حبيبة عمار الجديدة
ندى قالت على الفور: لا كلامك مش صح يادكتورة انا وعمار تقدرى تقولى صحاب او زى الاخوات عمار انسان طيب جدا وياما ساعدنى هو مكدبش عليكى هو فعلا بيحبك
روفان: بس
ندى: ارجوكى ممكن تسمعينى للاخر
هزت راسها فبدأت ندى تتكلم معاها وتفهمها ان عمار بالفعل بيحبها وان ياسين بيحب يأذ-ى ال حواليه وبالفعل قلب روفان رق وحست ان ندى مش بتكدب
ندى ختمت كلامها قائلة: القرار فى ايدك بس صدقينى مش هتلاقى حد يحبك زى عمار
روفان بصت لعمار باشتياق وعمار بادلها نفس النظرات
روفان: تمام انا هصدقك بس لو عرفت انك كدبت عليا فى اى حاجة تانية ولا خبيت عليا مع احترامى ليكى ياندى لكن لو جبتلى مين مش هصدقك
عمار قال بسرعه: وانا موافق.. وعشان تتأكدى من صدق كلامى بداية الاسبوع الجاى هجيلك اخطبك من اهلك
روفان هزت راسها بخجل
بعدها ندى وعمار خرجوا
عمار: بجد ياندى مش عارف اشكرك ازاى
ندى: بتشكرنى عل ايه انا معملتش حا..آاااه
صرخت ندى اما حست حد بيشدها من طرحتها ويجرها
عمار مكنش فاهم حاجة لكنه حاول ينقذ ندى
تفتكروا مين ال عمل كدة فى ندى وليه
تفتكروا روفان وعمار بالفعل هيتجمعوا وندى هيحصل معاها ايه
