رواية لماذا انا الفصل العاشر 10 بقلم عبير السراي

علي:: باعي اني باجر اروح للدوام... ان شاء الله من ارجع بسلامه يصير خير 

اية:: اهاا هيج.واثق...نشوف...

الكل ضل يسولف واني متنرفزة وعلى اعصابي. من ورى كلامه وثقته الزايد بنفسة...

ورة تقريبا ساعة من السوالف..

ابو عمار:: يله يابا  احنه نترخص... 

العم ابو حسن:: لا وين مو. كاعدين.

ابو عمار:: هاا بوية اية... تجين ويانه تبقين يم بيت عمج..

اية :: هااا.... بكيفك عموو. ؟

ابو عمار:: باجر علي يروح لدوامه. ان شاء الله من يجي بسلامه... يجي  عليج... هاا 

اية:: الله كريم عمو التشوفه...

طلعوا كلهم من الاستقبال... بقيت  اني وعلي

..

علي بهمس:: هاا شفتي.. اجيبج...

اية؛: حامض على بوزك... 

علي:: بيباي مرتيتي... ..ولزم ايدي...

دفعت ايده .. ..

اية:: وخر عني.. لا تتمادى ..فهمت..

علي:: اي فهمت....

طلع ..شوية وطلعت وراه... واشوف محمد... يباوع على الشبابيك...

اية:: الماخذ عقلك..؟؟

محمد:: شنو اية لا خيال..لا نظرة .. شلون بله .. على الاقل بس لمحة من بعيد.. 

اية:: ههههه هيج واكع.. ومحد مسمي عليك...

محمد:: بربج حجيتي وياهة...

اية::اليوم احجي وياهة بس غير افهم شكوللها... 

محمد:: هااي عود انتي خيتي... المفروض تفهميني... وسفة عليج...

اية:: تدلل اليوم احجي وياها....

محمد:: فديتج ... يله مع السلامه..

..دخلت للبيت بس بقوا عمي وعمتي برى لان ماشاء الله

 احنه عدنه عادة متنقطع السوالف كولها  تطلع بالباب ...

اجتني رهف تركض نزلت من الدرج...

رهف:: هاا ولج شفتج تحجين وية حماج شعدكم...

اية:: يمه منج...عساس متدرين.... سالني عليج...

رهف:: اييو. شكلتيله....

اية:: كتله اليوم احجي وياهة...بينت كانما محاجيه.وياج حتى اشوفه يلعب لو صدك يريدج ..ولو هو خوش ولد.. وحباب فدوة ... احسن من اخووالعكرة..

رهف:: منو قصدج؟؟ 

اية:: هاا ... لا محد... اقصد...!!!

 رهف:. شنو شبيج كمتي تمتمتين.. 

اية::ماكو شي. نرجع لسالفتنه...

رهف بخجل..:: ايي.. اهم شي سالفتنه.. ههههه... اكولج

 اخوته كلهم عضلات ورياضيين..شنوالقصة

اية؛: ايي هم مسويلهم قاعه صغيرة مال حديد.. فوق..

رهف::شلون يعني...

اية:: شبيج. همة خمس اخوة .. مسوين غرفة جبيرة فوك 

بيها أجهزة رياضية وحديد ..وكلها مرايات تجنن.. اباوع

 عليها ونفسي ادخل بيهة بس استحي ...بس الولد تقريبا يوميا يلعبون بيهة رياضة... 

رهفّ:: اهاا... زين اكولج هو شيشتغل ؟؟

اية::هو واخو الاكبر منه عدهم محل مال كماليات بس كمالياتيش مااعرف ههههههه

رهف:: بس المهم يشتغل ههههه...

سالي:: هاا ولجن شتسولفن...

رهف:: سوالف عادية ... مو. بالدراسة يعني مواضيع متهمج..خخخخخ 

سالي :: يعني اني مااسولف بس بالدراسة...يعني سوالفي

 مو حلوة...مشكورات اكوم احسلي...

اية :: حبي لا تزعلين ترى رهيف لان كسوله وتاركة الدراسة تغار منج.... معليج منها.. 

دخلت علينه عمتي.. 

عمتي::هاا يبنيات... شدتسون...

رهف ::هلا عمتي تفضلي.. 

عمتي::مرخصتكم بنات اريد اية لوحدها.. 

البنات ::حاضر عمه...

اية:: نعم .. يمه كولي...

عمتي:: شلون صرتي هسة؟؟ 

اية:: الحمد لله احسن.. بس جسمي احسه تعبان شوية...

عمتي::يله ان شاء الله كم يوم وترتاحين ويروح هذا الوجع كله...

اية:: ان شاء الله ...

عمتي:: وعلي شلونه وياج.

اية:: شمعرفني بي.. لا ادري بي ولا يدري بيه.. 

عمتي:: هااي شلون يعني.. والتبسبس مال مساعه 

.. وتغمزلي..

اية:: يمه جنه نتناكر ... 

عمتي:: ياستار عليمن...

اية:: كلي شوكت اجيج ... وكتله ماارجع.. طلكني وكلمن

 يروح بطريقة... الطفل وراح والزواج ميحتاج يكمل هو مو راد يستر عليه.. وهذا هو تم العملية كلمن يروح بطريقة...

عمتي.:: اي بله كملي..  انتي شنو  بكيفج تحجين... 

اية:: يمه هاي قراراتي.  ...جبرتيني عل زواج بالبداية..

ورضيت هسة على شنو  ابقى وياه ...انسان اكرهة

 .ومااطيقة.. 

 عمتي: هو شكلج..

اية؛اممم. يكول مرتي .. ومااطلقج...

عمتي: هذا هو... واحنه ماعدنه بنات يطلقن.. من تكولين 

لعمج مااريد ارجع... هم يكلج على شنو شنو البدر منهم

 لو من زوجج...

اية: هوااي..

عمتي: مثلا؟؟  احد غاثج منهم...

اية: ايي ريهام معاديتني... 

عمتي: عمتج تدرين شتكول.. رجلهة راح يطلكها

 .. وياخذ أطفالها منهة...

اية: حتى أطفالها ياخذهم منهة...

عمتي: حبيبتي هي العايفتهم بس تكللهم تدفعولي المقدم والمؤخر...في سبيل متحجي بسالفتج... وهم موافقين....

هاا بعد...شنو العندج اسباب...يضربج؟

اية: ايي ضربني.. مرة كف..وكعني بالكاع...

عمتي: يايمه.. ليش ؟

اية: هاا.. ... تعاركنه اني وياه...

عمتي: ايي يعني شكتيله.. احجي .ياج شكتيله.. ادري

 السانج طويل ومتبري منج...

اية:  هاا..كتله.. انته حيوان قذر وماعندك ذرة رجولة....

عمتي: عزة بعينج.... وج اكو وحدة متربيه تكول لرجلهة هيج...همزين مسمعج عمج.. الا يطيح حظج..

اية.: يمه اني مااريد ارجعلها ليش متفهميني.. اني مااطيقة ليش متفهميني...

كامت عمتي...وكالت

عمتي: اكولجياهة .. وخليهة ترجيه باذنج .. ماعدنه بنات يتطلقن... وخلص... 

اووف يربي شسوي نوب حتى عمتي عليه..

 ... خليت راسي عل مخدة وماجاني النوم  ماادري لان غيرت مكاني معقولة تعودت على غرفتي.. ..  كعدت الصبح على صوت عمتي .. 

عمتي:: ايوو.. يمه اكعدي...

اية: ها عمة خير ... صاير شي 

عمتي: يعني مااكعدج الايصير شي...عندي حجي وياج.. 

اية:: كولي .. حضنتي وكالت

عمتي:: البارحة زعلتج..بس والله غصبا ماعليه

يعني انتي هم قدري موقفي  يايمه من اروح لعمج واكوله اية تريد تطلق وهي مصارلهة 3اشهر من متزوجة شيكولي... هاا.

احجي...

اية:: صحيح...

عمتي:: انتي يايمه انطي مجال للولد يجوز تتحسن علاقتكم والله مبين عليه خوش ولد وردة ...

اية::يمه هذا الموضوع رجاءا لا تجيبين طارية ... مستحيل بيوم اتقبله.. لا كزوج ولا ايي شي...

عمتي : تمام لا تتقبلينه... بس اكولج شي انطي فرصة يجوز من تعرفينه راح تشوفين شغلات حلوة بيه...

اية؛ الشغلات الحلوة  البيه اني مااريدهة .مستغنية عنهة ... مااريدة لا بخيرة ولا بشرة... بس اكولج شي ترى هو مريض .. 

عمتي: ياستار شبي مريض.. 

اية: ماادري بس عندة علاج .. دائما يشرب بي.. يعني هذا

 هم عيب بي.. 

عمتي: ياا صدك والله اي مدام يشرب علاج لازم تطلقين منه... . خيبه ماتنجبين.. وتخليني ساكته.. لا اكوم اراويج شغل الله عدل... 

ايه : شني يمه... ليش متفهميني.. اني مااريدة ... والله مامتقبلتهة وحتى من اسمع صوته احس روحي اختنك... يمه ترى السواة بيه مو شوية...

عمتي: ادري مو شوية...وادري بيج تحطمتي من ورى هالسالفة.. بس الله انطانه نعمة النسيان باجر عكبة ان شاء الله تنسين وتسامحين. ... وتصير سوالف..

اية: مستحيل... وهم ما اريدة.. وماارجعله.. 

عمتي: عندي وياج اخر حل.. 

اية: وهو...؟

عمتي: شوفي مال طلاق هسة مستحيل .شيليهة من راسج... لكن اذا رجعتي وضليت وياه .دارت عليكم السنه وانتم هذا حالكم ذيج الساعة اني برجلي اروح واجيبج.. منهم... واكلهم ماالكم مرى عدنه... 

اية: واني انتظر سنه...اوووف صدك تحجين...

عمتي:لعد تردين هسة تطلكين حتى الناس تكول عروس وطلكوهة...

غير هذا الحل ماعندي... شتكولين..

اية:بس مو بعيدة سنه...  قللي شوية...

عمتي: سنه ضبط.. 

اية:زين اكوالج شي. من حجينه اني وياه يكلي انتي مرتي ومرتي خبصني بيهة.. خاف اروح. هسة يكلي انتي مرتي.

...واريد حقي منج.. شسوي اكيد مراح اكدرله ... ويسوي اليريدة ...

عمتي:لا تخافين لو يريد جان سوة من البداية.

اية: ماادري ..

عمتي: فكري قدامج اربع ايام لحد ميجي... 

كامت عمتي ...واني الحيرة موتتني.. مرت الخمس ايام بين ارتباك وخوف.. وتفكير. .بالحيصير  بيه اذا رجعت...نظرات منى مكدرت انساها اكيد اني نزلت من عينها واكيد بعد متحترمني.. واحمد كذالك.. الله لا يوفقج ريهام على

 سويتي بيه....

اليوم السادس..  كعدت الصبح واني حتى مااشتهي الاكل...باي ساعة ممكن يجي علي...احس نفسي كاعدة على نار....صار العصر واني كلما يندك الباب اكمز عبالي اجه ..

ومرت عمي وبنات عمي  عبالهم منتظرته حبا بي..

(اصعب من الموت انتظار الموت) هيج جان الموضوع بالنسبة الي... 

صارت الساعة ب8:30 تقريبا كلت بعد ميجي...الحمد لله.. ماكو عشر دقائق واجه ابن عمي حسوني.. : بابا اجه عمو علي... 

طلع عمو يتلكاه .. واني رحت اركض  للغرفة ... احس جسمي. يرجف رجف....وقلبي يدك بسرعة..شوية وسمعت عمو يصيحلي ...خليت الحجاب على راسي ورحت... .دخلت..

اية بصوت ناصي : السلام عليكم.. كام على حيله...وجنه متفاجأ بيه.

علي: وعليكم السلام... 

جان بكامل اناقته .. اتفاجأت كانما اول مرى اشوفه...لبسه الانيق.. وجسمي المفتول بالعضلات... وسيم بكل معنى الكلمه... وبقلبي اكول.. وهم مااريدك ولا اطيقك... 

كعد يسولف هو وعمي قدمتله عصير...

 وعمتي دخلت سلمت عليه ... واكلته بالسلام اكل  وامك شلونهة وابوك شلونه .. وهو هم ماقصر ...واني احترك من يمي .. مااريد عمتي  تتعامل وياه لو تستلطفة لان راح

 تضغط عليه

... ضل كاعد شويه وبعدين كال...

علي: عمي مرخصتك اريد اخذ مرتي اذا ماعندك مانع...

بداخلي اكوله مرتك بعينك...مكيف مرته...

عمي: لا عمي مريتك اخذهة قابل عازينهة عليك... يله 

كومي بوية وية رجلج....

اية: حاضر عمو... طبعا عمتي من العصر خلتني احضر الجنطة .. 

.لزمت الجنطة وصافنه اريد اكوم ومابيه ...دخلت عليه عمتي....

عمتي:وكلي امرج لرب العالمين...يابنيتي.. لا تخافين...

حضنتهة وابجي...والله مااريدة.. 

عمتي:كافي لايجي عمج ويشوفج ...صيري سباعية .. ولا تخافين...يله كومي البسي..

 لبست ورتبت نفسي... سلمت على عمتي وبنات عمي  .. وطلعت يم علي وعمي .

علي: يله عمي مرخصتك...

عمي:مرخوص يابا بس ديربالك على اية.امانة برقبتك..

علي:اخليهة بعيوني .. يله اية .

ويباوعلي ويتبسم.....يالله كلامه كوله ينرفزني....

 سلمت على عمي .. وطلعت.. فتحت الباب الورى مال سيارة...مردت اكعد يمه.

علي:احد كلج اني السايق مالتكم.. 

اية:مااريد اصعد يمك..

علي بغضب:تعالي اصعدي هنا..

مهتميت اله.. وصعدت...طبكت الباب .. اجاني بسرعة وفتح الباب..

 علي:انزلي...من اكول حجاية.. متكسرينهة لا اكسر راسج... فهمتي. (بصياح)..

نزلت.. سد الباب وفتح الباب القدام... صعدت طبكة وراح صعد. ...

الطريق كله اني اباوع من الشباك حتى مالتفتت اله وهو هم محجة شي. وصلنه. نزلت بسرعه ورحت كدامه دخلت سلمت عليهم...

 جنت خايفة من ردت فعلهم بعد الصار من الفضيحه ..بس تلكوني وحسيت فرحانين بجيتي .. ضليت كاعدة يمهم. وسوالف وشقة ويه محمد. ومنى شوية فاكه.. .

طلع علي للغرفة ... ومها اخذت اطفالهة..وصعدت ... مجنت رايدة اصعد لان حسيت بعلي وراه شي يريدة. لان اسلوبة

 كله تغير.. كام يحط عينه بعيني واساسا ميشيل عينه مني طول مكاعدة اسولف  بس اني ابين اني ممنتبهة... بس بداخلي مرتبكة وكوة مسيطرة ..اضطريت اصعد 

.. .. دخلت للغرفة لكيت علي متمدد عل جرباية...حاولت اتجاهلة عزلت الجنطة مالتي واخذت ملابس ودخلت للحمام سبحت وطلعت بس الحجاب ابد ماانزعه ..امشط شعري بالحمام واطلع...

 كعدت على الكرويته لان مضل شي اتلهة بي... 

علي:اية...تعالي هنا..

اية:هااا... 

علي:تعالي يمي...

اية:ليش....

علي:عندي سالفة وياج.. 

اية:ايي اسمعك...

علي:انتي تفهمين عربي ... كتلج تعالي هنا.. لا تخليني اني اجيج.....

وكفت وامشي على كيفي خطوة خطوة...  وجسمي يرجف رجف... 

وكفت يم طرف الجرباية...

كعد ...

علي:اكعدي.. ترى اني مااعض...اكعدي...

كعدت واني متحضرة للطفرة ..

اتدنه عليه وصار قريب عليه.. 

علي::شوفي يبنت الناس...مااكولج الفات مات ولا اكولج 

انسي الصار ...لكن اتمنى نفتح صفحة جديدة...وتنطيني فرصة اثبتلج نفسي.. واغير نظرتج الي

. ادري بيج تكرهيني..وادري اي كلام احجي مراح يخفف جراحك.. ولا يهدي قلبج.. مااكولج حبيني. ولا تقبليني.

.. لكن انطيني فرصة. اصلح الصار.. واثبتلج انو الوحش الاعتدة عليج مو نفسة الواكف كدامج.

صدكيني بذاك اليوم جنت متاثر بحبوب وشرب...ومو 

بوعيي الي صار...وجانت اول واخر مرة اجربه  ...

 لان مو بس انتي تأذيتي من الصار اذيتي هم كبيرة ..

 تأنيب الضمير لازال يلاحقني.. لان اقتحمت حياة بنت 

بريئة وطاهرة مثلج... 

اني مااكول هذا الكلام حتى تسامحيني .ولا ابرر لكن حتى نفتح صفحة جديدة واعوضج عن كل الصار....... 

اية:: اهاا هسة كملت كلامك....انطيكياهة من الاخير.. اني وياك.. مستحيل نكون مثل ايي اثنين.لان اني مااتحمل   وجودك بحياتي....ومجبورة على هالوضع.. ولو بيدي والله ماارجع وياك ولاعبالك رجعت وياك هسة معناته قبلت 

بكلامك ذاك اليوم لا عيوني.. 

عمتي هي الضغطت عليه وجبرتني اجي.. حتى ميطلع كلام ريهام صحيح. كدام الناس اخاف يوصل لعمي كلام....

وانطيك معلومة.  شايف لو تنطبك السمه عل الارض مااصيرلك مرة ..ولا تقبلك بيوم .. 

علي:: اوك مدام هيج اذا مو برضاج غصبا ماعليج...

طفرت من مكاني.. :: هو شنو الغصبا ماعليه...

علي: شوفي القوانين الجديدة... 

اولا: اريد حقوقي منج كاملة... 

اية:: احترم نفسك .. واذا تقربت مني قسم برب العباد

 احرك. روحي واخلص منك....

علي: مو قصدي  التفكير البالج...اني كتلج مااتقربلج.. .ولا اوصل يمج الا اذا برضاتج وانتي تسلميلي نفسج...

..

اية:: ايي... وانسى مستحيل يصير

 علي:: لا يجي يوم ويصير.. وانتي تسلميلي نفسج... 

اية:: لا والله ... خاف متقبل...كطنه وشيلهة من اذانك

علي:: ههههه صدكيني ...راح تحبيني... وتجيني...

اية:: لا عبالك اني اية القديمه الكدرت تاخذ التريدة منها وضعفت كدامك... 

علي:: يعني مثلا شتسوين. (ويتقرب علية)

ايةبتوتر :: اكدر اسوي كولشي... ومستحيل اخليك تتقربلي...

علي:: اني اكدر بس اني مااريد...

اية::حتى لو تريد.. متكدر.. صدكني..

علس::ههههه  انتي ليش تستفزيني حتى اسويها...

اية::هااا...لالا والله ...بس ابينلك اني صرت اقوة واكدر 

ادافع عن نفسي...

علي::يعني هسة اذا تهجمت عليج.. راح تصديني.وتقاومين. ومااكدرلج..مووو. 

اية::هاا.. ايي متكدر...

علي::اهاا هيج يعني... ويتقرب عليه اكثر...

اية::ايي....لان انته كلت مااسويهة.. وانته عد كلمتك.

...صح لو تراجعت...

علي:: هاا يعني على كلمتي ....واني عبالي انتي صاير بروسلي. ومااكدرلج...

اية:: على فكرة ترى اني مخايفة منك....

علي:: اهاا والله...لعد اشو قلبج راح يطلع من مكانه... 

اية:: على شنو... غلطان دادا.....

علي:: اوك.. على راحتج... اسمعي لعد... منا وجاي ماكو مال اني انام بالكاع وانتي عل جرباية...

اية:: لعد شتريد ..؟ (شمر نفسه عل جرباية.) علي:: هاي الجرباية شكبرهة.. بس.الج

..

انتي هذا مكانج.. واني هذا مكاني... 

اية::  واذا كتلك مستحيل انام بصفك...

علي:: والله هذا الموجود...

اية؛: ترى انته بهاي تصرفاتك تخليني اكرهك بالزايد...

علي::يعني اذا واحد راد ينام بصف مرته...تكرهة..

اية:: كتلك اني مو مرتك.. اياك تفكر ولو مرة ممكن اتقبلك...

علي:: اوك على راحتج... يله تصبحين على خير... تعبان .. واريد اشبع نوم...

.. غمض عيونه.. بكل برود ومهتم لاي شي.. 

نزلت الفراش الجان ينام بي فرشته وتمددت بي ..

علي:: يعني مصرة تنامين بعيدة  عن رجلج...

اية:: كتلك لا تكول هااي الكلمه...احمد ربك كاعدة وياك 

بنفس الغرفة...

علي:: هههههه تصبحين على خير...

حاولت انام...مكدرت حسيته انتصر عليه.بقيت اكل بروحي...لحد ماغفيت...

شوية واحس.. احد رفعني... كمزت شفت علي ديشيلني.....ضليت اصرخ..عوووفني....علي..

خلاني عل جرباية...وابتعد ورفع ادية..

علي:: على كيفج.. مدااسويلج شي.. نامي هنا هذا مكانج... اسف اذا خوفتج... 

⚘⚘⚘

..علي:: من سوت إجهاض اية... حسيت بشعور تجاهها. مااعرف اهتمام خوف حب.. حسيت اني ظلمتهة وتجاهلي الهة كان اكبر ظلم كان المفروض احتويهة واخليهة تسامحني ...

 رحت للدوام واني تفكيري كوله بيهة وشلون احاول اسعدهة واعوضهة عن كل الشافته مني .... 

انتظر يوم يوم حتى ارجع للبيت وارجعهة ..رجعت للبيت .. والبيت حسيته خالي من دونهة صح  كلمن عايش كانما 

وحدة لكن وجودهة يفرق عندي ... 

احسب  شوكت يجي الليل حتى اروح اجيبهة...رحت لبيت عمهةصح هي كالت مترجع وياي بس جنت متاكد متكدر وخصوصا عمتهة متخليهة. تسوي هيج شي. 

دخلت وسلمت بصوت هادئ وضعيف حسيت. هسة يله

 جريت نفس.. ارتاحيت من شفتهة ....اخذتها وطلعت

 صعدت بالسيارة ليورى ..صرت عصبي عليهة وصعدتهة ليكدام.. اريدهة تكعد يمي. اريد اشبع منهة. ومن شوفتهة....

ماادري حبيتهة لو تعلقت بيهة.. بس المهم اريدهة...

دخلنه للبيت وكعدت تسولف..وية البنات ومحمد... اني

 اشتعل بنار من تسولف ويه محمد.. احسهة مقربه كولش لمحمد.. وهو يعرف عنهة هواي شغلات واني كولشي مااعرف عنهة...  

عيني منزلت من عليهة.. اشوفهة تباوع عليه بالختلات لان انتبهت اني عيني عليهة شوية وترخصت  صعدت للغرفة وجنت مقرر بعد ماكو كلمن مكان ينام ... تقريبا نص ساعه على اعصابي منتظرهة تجي ماكو لحد مدخلت.. 

عزلت غراضهة ..ودخلت سبحت..وطلعت بس لابسة حجاب ردت احجي بس كلت خليهة على راحتهة... كعدت على الكرويته.. وصحتلهة .. جان خوفها وخجلها ...يموتني 

...احس نفسي مأذيهة.. حيل..... ....

من تقربت منها اشوف جسمهة يرجف وخايفة بس تبين

 انو هي قوية...حبيت اداهرها ..ومستمتع بكلامهة...

 فضلت انو تنام بالكاع   .ولا اكون قريب عليها ...وعاندت ونامت بالكاع انتظرتهة تستسلم ..ماكو

مكدرت انام وهي ..بالكاع نايمه...وكفت يمهة واباوع عليه وعلى هالوجه الطفولي البريئ.. 

 شلتهة حتى اخليهة عل جرباية.. كمزت وكامت تعيط... خليتهة عل جرباية.. وابتعدت.  

خافت اتقرب الهة حسيتهة مرعوبة...واني لايمكن اتقرب عليهة غصبا عليه... اني اريد اكسبها... واكسب قلبها...

عفتهة ورحت تمددت بالكاع .. لكن ضلت هي كاعدة...لان خايفة...

 ردت احسسهة بالامان...

علي:: تصبحين على خير....

مجاوبت...  عفته على راحتهة ...ونمت....