رواية ما ذنبي انا الفصل الحادي عشر بقلم أحلام السعدي
إِن الغرورَ إِذا تملَّكَ أمةً كالزهرِ يخفي الموتَ وهو زؤامُ
ــــــــــــــــــــــــــــــــــــــــــــــــــــــــــــ
رحت يم المراية واني ابجي.ودموعي تجري اكثر واكثر. ليهسة اتذكر كل الكلام.وخاصة طرد ماما واني جنت بس واكفة حتة ماكلتلهم شي تاليها اروح فصلية والمن لآصف.
ضليت الليل كله كاعدة واقرة قرآن. ودموعي تجريوادعي رب العالمين يخلصني. وينجني من ضلمهم. كاعده افكر بماما شصاير بيها هسه.
منمت الا بالخمسة الفجر بعد ماعيوني ورمن.وصارن حمر.
كعدت ساعة بالسبعه الصبح عالصوت المنبه. كمت بكسل بلكوة امشي تعبانة كلش. ومالي طايقة احد. رحت سبحت بلكت شوية ارتاح.
كملت سبح وبدلت ولبست حجابي ونزلت جوة.
باوعت ماكو احد بس الخدم دايحضروو اكل.
كعدت عالميز وبلكوه اجر النفس. حتة الخدم باوعن علية وكالن رتاحي انتي تعبانة وروحي نامي. كتلهن لا ماكو شي مابيه شي.
خلو الاكل عالميز. وجوي يونس. وآصف. باوعت علية بعصبيه..والله صرت اكرها هية كوة.
بتعدت وكمت حتة دايكعد.
اما يونس اول مشافني كال مرحبا.مااعرف ليش اكره شخص يكلي مرحبا.فمرديت.
هو باوع علية وكعد عالكرسي. بعدين كامو يحجون. عن التجارة والذهب.
جتي هتوف والعم مالك و عمة ملاك..سلمو . كلهم كعدو. اني ما رديت.لأن معصبه من كل شخص هنا.
اول مرة آصف يستقبل هتوف بحضن وبوس.صح كرهتة.بس بتسمت واخيرا. وحتة العم مالك باسها من راسها. ويونس بس شلون شخبارج شلونها امج.
دااروح ولزم ايدي العم مالك.وحجة عالكيفة.
العم مالك..... يابنتي لاتزعلين مني. صح صرتي فصلية.بس راح نعيشج ملكة. لاتخافين.انتي غالية علينة.والله تأذينس من اشوفج هيج.
.. باوعت علية.. هه وكتله مشكور عمي ماقصرت ابد. بحدة
العم مالك... ادري انتي معصبة مني. بس والله هو الي طلب مني هذا الطلب.واني مااكدر ارفضله طلب. باوعت عالآصف يبا وع علينه. باوعت علية بحقد.
ملاك..... شداتحجون. ليش تحجون عالكيفكم.
وخرت ايدي من العم مالك. دااطلع بس حسيت بدوار كلش قوي. وكعت. كلهم جوي يمي وهتوف. كالت شبيج شادن.
وخرت ايديها بعصبية.ودااكوم وكعت مرت الثانيه.
اما آصف جان بس واكف.يباوع عليه وعاقد حواجبه..
هتوف..... لج شبيج كولي. لزمت وجهي ودارته عليها..
العم مالك..... شادن مريضه انتي.
عمة ملاك.... هاي مبينه تعبانة..حتة لاتغسل المواعين داتجذب عوفوها.
العم مالك.....انتي سكتي ملاك. سكتي.شكد تحجين.
وخرت ايديها.وكمت بدون مااحجي. نتجيت عالميز وكمت.
هتوف جتي يمي ولزمتني.. داادفعها بس مقبلت الا تلزمني.
صعدتني للغرفة..بعد محاولات اريد اروح للمطبخ. بس ماقبلت.شويه المطبخ مالتهم نفه اكدر اتنفس بي.
نتجيت عالسرير. .ذبيت حجابي. هية كعدت يمي.وكالت شبيج شادن ليش هيج وجهج اصفر.وليش باجية وعيونج مورمة. شبيج لاتجذبين علية.ابد مو مطمنة من وراج.
صرت بس ابجي واشهك.وامسح بدموعي.
وهية تكلي. اششش شبيج شصاير. اكيد آصف مو. اني اعرف شحجي ويا .
داتكوم ولزمت ايديها.واشرتلها. لا.براسي.
هتوف.. شبيج يولي.احجي.
نداريت من الجهة الثانية وكاتمة شهكاتي..
عاد هية ملحت علية. وطلعت من الغرفة.
ضليت ربع ساعة واني صافنه عالميز يمي. شنو الي راح يصير بيه.شراح يصير لمن اروح فصلية آصف. انوب اكيد ياهو اليجي يكول عني فصلية وفصلية.اني هواية سامعة عن الفصليات . وهواية ماتن او انتحرت لان صعب عيشه الفصليه بمجتمعنه. واكثر شي العراق.ياربي.
اخذت نفس باوعت اكو خيال وراية.يمة عيوني. فزيت بسرعة.وباوعت علية.
لكيته يباوع علية.
باوعت علية بعصبية. ولبست حجابي بسرعة.
آصف.... كومي اكلي. سمعتي الدكتور شكال. وقسما بالله اذا ماتاكلين لشوفج وجهي الثاني. فكومي من اولها.لاتخليني اعصب.
باوعت علية.ودرت وجهي.
آصف..... دااحجي وياج كومي يلة.وبله دلع عاد.
.. متحركت.
لزمني من ايدي وديكومني. كتلة بعصبيه. شتريد بعد مكفاك الي سويته بيه. خليني اموت واخلص.كافي عاد. ياخي مااريدك ولااريد اشوفك. شوفتك صارت تنرفزنيمو بس تنرفزني وتنسد نفسي من الاكل ومن كلشي. اطلع برةاطلع مااريد اشوفك.اصلا اطلع بره حياتي كلها.
حجيت بصوت عالي كلش.
طبت هتوف وعمة ملاك.
هتوف..... خوية عوفها خلي ترتاح داتشوفها خطيه تعبانة كلش.
آصف...بعصبيه. هتوف لاتتدخلين.
هية باوعت علية.وابتسمت ودموع بعيونها.
اخذ نفس وكال اسف هتوف. بس والله اعصابي تلفانه.
هية بتسمت.
حجيت بعصبية.. اطلع من الغرفة مااريد اشوفك اطلع لا اله احرك روحي. او انتحر واذبها بيك.. يله ترتاح.
آصف.. جتف ايدة. يله شوفينا مهاراتج ياشاطرة.
ووكفت عالحيلي ورحت من يمه. بسرعة.نزلت جوه طبيت عالمطبخ وطبيت للمخزن جان اكو بنزين بدبة.
خليت بنزين علية ودااعلك الجداحة.
أخذها مني بساع وشمرها. وضربني راجدي.
كام يصيح انعل ابوج يابو الجابج. بنت النعال. تريدين تبلينه بيج.هتوف لزمتني واني امشي. وهو بس يصيح يريد يضربني بس عمة ملاك توخرة مني.
صعدت واني اسمع تهديدات وبس يحجي. ويغلط ويسب. ابوية وامي. انهضمت كمت ابجي.
دخلتني للحمام وجابتلي ملابس منها..ورحت سبحت.واني اسبح واسمع صوته بالباب يكول.لمن تطلع من الحمام.توكليها وتنطيها العلاج واذا مااخذته لااكلب الدنيا عليها. انعل ابوج. بنت الكلب.بس إلا اربيج من جديد.
من يصير عصبي بعد ميسكت..ومحد يكدر يسكته او حتة يضرب ومايدري بنفسة. وايده تضل ترجف.
طلعت بعد نص ساعة من الجلف لان ريحتي تكال صارت. باوعت عالمراية لسا وجهي احمر حيل من جهة اليسار. موجف طابوكة والله.
رحت نجطلت عالسرير هستوني دااغفي. نفتحت الباب..جتي هتوف وجايبة اكل وياها. خلتة عالسرير.
. وكالت..... يمعودة كومي لايهيج علينة.
كتلها.ماريد.هية كوة مااريد.
نفتحت الباب. كال..شنو مسمعت.
كمت بسرعة تغطيت بالحجاب.وكتلة. ماتعرف تدك الباب كلسا تدخل علية. واني متحجبة ترة. فلاتضل كلسا داخل. او دك الباب عالاقل.
آصف..... لأن يرادلج تربية من جديد. وثاني شي. وهذا بيتي ادخل باي غرفه تعجبني. ومتدخلين انتي. وهسة اكلي يلة.
..... باوعت علية بحقد وكتلة.. حضرتك داتأمرني.
آصف..... سمي مثل متريدي.وهسة اكلي لا بالقرآن اكلب الغرفة عليج..واطربكها فوك راسج.
باوعت علية ودرت وجهي.
جا بعصبيه. يمي. اكلي يلة.
محجيت.
آصف... بعصبية... ولج اكلي.
هتوف.. آصف روح واني انطيها تاكل.
آصف...... لا.. يلة اكلي كدامي. يلة.لج شدااحجي.
..... حجيت بعصبية.. أي روح من يمي. واني اتزقنب اتسمم بس روح منا.
آصف..... بنت النعال. والله يرادلج تربية من جديد.اني اربيج اني اعلمج. طايحت حض.
راح... وكالت هتوف. شبي ليش هيج عصبي.
..... عادي هو دائما هيج. دائما يحب يجبرني.عله اي شي.مااحبه اني.
هتوف....... يله اكلي.دااريد اروح للمستشفى يم ماما لأن كعدت. وأريد اشوفها.
ورفعت اصبعها.ها وأريد تحجيلي كلشي شبي آصف وشبيج انتي.
.... انشالله. بس اني هم اريد اروح وياج.
هتوف..... لامايقبل آصف. كم يوم وتطلع ان شاء الله من المستشفى.
.... هو الي حيوديج.
هتوف... أي هو يروح يوصلني. ومناك يروح لشغله.
....مايسلم عليها
هتوف.....مايحب المستشفى.
...اني ودااكل هه والله يالله. واشر بأيدي. بس لو اعرف شنو من بشر هذا. مايدخل يسلم عليها.
هتوف..... تنهدت.وكالت. وج انتي كلشي متعرفين عنه وشكد هو يكرة المستشفيات. ماتدرين عنة كلشي وشكد مر بضروف صعبه. من جان ادم بتركيا..ومراد بجامعه بغداد.لو تعرفين جان ستخطيتي.. وكلتي خطية.
..... هه لاتخافين اعرف كلشي عنة. انو شخص مايعرف غير بس يأمر.ومتجبر ومتكبر.
هتوف.... لا ياشادن.لا اني مرات انقهر علية. والله حنون لاتشوفي يقسي عليه بس والله دائما يسأل عني . بس من ماتت امه ليهسة و من ماتت مرته. هو صار شخص ثاني. هالتشوفي هسة. اني احجيلج قصتة..بس من ارجع من المستشفى. جنت اتمنى مراد يوديني.بس شسوي.
.... ليش.
هتوف.... موكتلج ماتعرفين شي. هو ما يحب ابد المستشفيات.لانه مر بضروف صعبه ومحد وكف يمه.
..... ولج رغم السوة بيج. هيج هو واخوانه وانتي تكولين هيج علية.
هتوف.... بعمرة الدم ماصار ماي. بعمري مارح اكرها هذول اخواتي.
.... ضحكت بستهزاء. كلبج طيب هواية.رهيفه وحنينه كلبج رچيچ بعد اختج.
هتوف.... خفي عالآصف شوي.
...... اني مامسويتله شي.هو الي سوة.اني شمسويتله. والله لو ما انتي اخته لااكعد ادعي عليه كدامج.
هتوف.... نشوف من اسمع قصتج انتي ويا. من ارجع للمستشفى. يله اروح..لاتخافين مااتأخر.
.... اي.
راحت وبقيت بحيرة وكلبي وجعني. طردت هالافكار من راسي. شربت العلاج. ونمت.
كعدت ساعة أربعة لكيت جايه هتوف وصافنة.
...... هتوف.
باوعت علية وكالت. هاهسة شلونج.
.... تمام حبيبتي. وعمة حوراء شلونها.
هتوف... تنهدت. الحمد لله. يومين انشالله يطلعوها من المستشفى.
.... علخير. سلامتها من كل شر.
باوعت بالغرفة.... وكلت لعد وين شمايل.
هتوف.... ماادري ماشفتها من البارحة.
...... ها. يله خلي ننزل جوة.
رحت غسلت وجهي ونزلنا جوة.
لكيت بس العم مالك وعمة ملاك. سلمت عليهم.جانو يشربون جاي. وفهد جان يلعب يمهم.. باوعت علية.
كتله.... فهودي يروحي يحبيبي انت.
هو صار يضحك بوسته وكعدته بحضني.
ياهو الي يكوم.. يكوم يبجي يريد يشيلو.
عاد عفته بالكاع . وصعدت بالغرفة.
جنت كلش تعبانة وعرفت سبب تعبي..بسبب الشهريه. واني فقر دم بية..احس حتة مكدر امشي. فأخذت مسكن آلام. وتنتجيت عالسرير.
ورة شوية سمعت حجي عالي.
نزلت بلكوة اشوف شكو.
لكيت المخبل.آصف..جان يصيح عالتلفون.
نزلت بالصاله..
سمعته كال.. شنو من ساعة بال١٢. وديت ها. للبيت.
سكت بعدين كال.. يعني صالها ٤ ساعات ماكو بالبيت.اني كم مرة كتلكم لاتعوفوها وحدها. كم مرة.
باوعت صاير أعصاب عله شنو مدري.ومني الي من ساعة ١٢ جتي للبيت..
سد التلفون
العم مالك..... شبييك ياآصف.
آصف.... شمايل من ساعة بال١٢ لازم تجي للبيت بس هية مجتي صالها ٤ ساعات..
العم مالك.... دكيت عالبيبيتك. خاف يمها..
آصف.... دكيت ماكو هناك. ولا يم يونس. اني كتلهم اذا تجيبوها يجون وياها لو يونس. لو ادم لو مراد.
العم مالك.... مراد راح للجامعه اليوم الصبح.
آصف..... وهسة شنو
العم مالك....شوف الكاميرات مراقبه وره السيارة.
آصف... وانت كلتها.
راحو ثنينهم واني وهتوف وعمة ملاك.. وفهد. لحكناهم.
رحنة لغرفة يم غرفة الخفارة مال الحرس بيهن كل الكاميرات مراقبة.مال البيت والمحل مالتهم. ومال كل سيارة عدهم.
ادري شدعوه..يعني كلنه فلوس عدكم.بس كامرات مراقبه.
ماادري شحرك آصف بالكمبيوتر. وطلع شلون صار الحادث مال عمة حوراء.بس من وره السياره بس من هتزت.
باوعت عليه والله شي يخوف مشايفتة بالمسلسلات هيج..خفت هواية وتذكرت من شفتها هية والدم ماليها.كعدت عالكرسي وارجف.
شفت شلون الشاحنة داست السيارة. مبين مو حادث متعمد ومدري شلون طلعت منها عمه حوراء سالمه. الله يعينها..
لزم التلفون الحارس. واخد رقم السيارة الي دعمت عمة حوراء.وطلع.
اما آصف ضل يدور عالشمايل.
لكه سيارتها.وشفناها شلون جا واحد خطفها. كلنه شهكنة.من شفناها.
باوع آصف عل الشخص واني اشوف ايدة ترجف. ضرب الكمبيوتر.وباوع علية بعصبية..
