رواية لماذا انا الفصل الحادي عشر بقلم عبير السراي
بقيت الليل كله كاعدة خايفة منه...اووف شكد اكرهة...
هو نام ولا كانو....
كعدت الصبح.. لكيته نايم.. تسحبت على كيف وطلعت ...لكيت عمتي والبنات كاعدات..
اية: صباح الخير..
:: صباح النور...
ام عمار:: هاا يمه علي مكعد..
اية:لايمه بعدة نايم...
ام عمار:: يمه روحي كعدي هو كلي كعديني من الصبح بس نسيت...
اية:: هاا ... حاضر..
صعدت فوك واني ادردم يعني اني نزلت اتسحب حتى ميشوفني... نوب اني اكعدة بنفسي.. فتحت باب الغرفة.. لكيته نايم...صحت من بعيد..
اية: علليي . علليي... ماكو ميجاوب تقربت عليه واصيح هم ميجاوب... معقولة بي شي .. كعدت على ركبي ...اباوع عليه.. عبالك .اول مرة اشوفه ثواني سرحت بوجهه صحيت على نفسي..... عللي... علليي....
وجان يكمز ويلزمني من ادية ...
اية بخوف وقلق حسيت قلبي راح يوكف.
: هاا علي.. شبيك...؟؟
علي: شبيه اذا كل يوم اصبح بهيج وجه.. شريد من الله بعد ...
اية: علي عوفي خلي اكووم ... واكو واحد هيج يكعد...
علي: ومنو كلج اني نايم... منتظرج تجين .حتى يكون احلى صباح .انتي اول وحدة تشوفها. عيني..
اية:: علي عوفني..خلي اكوم. .. ترى صدك مسختها
وطلعت روحي....انته شتريد....
.. تريدني احبك واريدك ومااستغني عنك .. (وهو لازمني من اديه و يباوع عليه وعينه احسهة تاكلني اكل بس مااخلي عيني بعينه )
علي:: ياريت توفرين مجهود جبير مخططلة حتى بس ارضي هالعيون.الحلوة...
اية؛: اهااا .. لعد اكولكياها.. لا اتعب نفسك.. لان مستحيل ارضى ولا اريدك بيوم..
علي: زين مستعدة تراهنين...
اية: علي عوفني رجاءا مالي خلك هاي السوالف...
علي: انتي مو تكولين اني قوية ومااخاف منك...ومن هالحجي..
اية: اي صح..
علي: اذا هيج المن خايفة. ..
اية: مخايفة منو كلك خايفة...
علي:: كلي...جسمج اليرجف بين ادية...
اية: علي شتريد....
علي: اريدج...
اية: كتلك عوفني خلي اروح...
علي: زين اسمعي الرهان...
اية: اوك اسمعه...
علي؛: اتراهن وياج. انو اذا دارت علينا السنه.. انتي
معترف الي انو.تحبيني وترديني...
اية: اهاا شهالثقة الزايدة.. طيب واذا مصار هيجي..
علي:: بذيج الساعة انتي الي تفوزين والتردينه يصير..
مو تردين طلاق .. يتملج.. لكن الا نتمم سنه ..
.وبعد كدامنه خير من الله
اية: فرضا ...مجرد فرض بما انو رهان .. انته فزت وهذا من سابع المستحيلات... شنو الي يصير..
.
علي: يعني اطلب الاريدة منج. وتنفذين بدون اعتراض...
اية:: يعني مثل شنو .. شنو التطلبه ؟
علي: اهااا يعني اكدر اكول امل تحبيني حتى دتتاكدين ...
اية::لا..لا..لا.. مستحيل.. اني احبك على شنو .
علي: بله بله...عيديها...
اية: شنو هي...؟
علي: اني احبك...
اية: اني مكلت اني احبك..
علي: الله ونطقتهة مرى ثانية...تخبل بحلكج....
اية بعصبية : يالله ....طيب ... هسة ممكن تعوفني
رجاءا... لان عندي شغل...
ترك. ايدي ... وطلعت بسرعه من الغرفة....وادردم..
(يربي مو صاحي)...
علي بصوت عالي...: سمعتج.. على فكرة ....
⚘⚘⚘
علي::كعدت الصبح.. بس بقيت بمكاني متحركت حسيت باية كامت سويت نفسي نايم فتحت عيني على كيف لكيته تتسحب باطراف اصابعها شفتها سدت الباب طفرت جبت جهاوزي واتصلت على امي..
علي: الو يمه خلي اية تجي تكعدني بسرعه..
ام عمار: ماشي...
واجتي...تصيح عليه واني لازم نفسي كووة.. لحد ماتقربت مني...وطفرت عليهة ولزمتها.. وحسيت برجفت اديها
وعيونها الخايفة ترفعهة بعيني ....
اريد اشوف عيونها بس متخلي عيونها بعيوني ... راهنتهة
لان ادري راح افوز بالرهان لان لازم اكسب كلبها .. لو مهما كلفني الامر ...
⚘⚘⚘
اية...: نزلت اركض .. يربي شيخلصني منه... تلكتني عمتي..
ام عمار:: هاا يمه شكو شصاير...
اية:: ماكو شي سلامتج..
ام عمار:: اشو نازلة تركضين..
اية: هاا مممااكو شي.. اريد اكمل شغلي...
ام عمار: لعد متتريكين...
اية:: مااشتهي شكرا ....
طلعت عل الكراج والحديقة ...وبديت انظف بيهن.. هلكت
يله كملت.. داادخل للبيت ولكيت علي واكف ومنتجي علباب. وثاني رجلة....ارتبكت من شفته.. حاولت ادخل خلى ايده علباب..سد الطريق...دنكت واجيت اعبر نزل ايدة ..
اية:: اريد افوت...؟
علي: وين ترحين...
اية:: ادخل...
علي: هذا قلبي فاتحه الج وتعالي ادخلي بيه..
اية خليت عيني بعينه.وآشر باصبعي عليه..:: شوف اكلك...ترى اني متمشي عليه هاي السوالف مااشي .. كلامك هذا وراى شي...ومستحيل يصير ..
لا عبالك تقشمرني بكلماتك هااي .. الله وكيلك متهز شعرة
من شعر راسي.... واذا انته متعود تخدع البنات بكلامك
هذا فاني مو.من هالنوع من البنات.....
فاتت..منى وسكتت باوعت علينة وراحت...
حسيت بمنى عدهة كلام تريد.تكوله ومترددة من نظراتها ... وأسلوبها ...كلت لازم احجي وياها ... دخل علي للمطبخ وحضرتله ريوك بس مااكلت وياه ..
..دخلت على منى لكيتهة تدرس .. لان ايام امتحانات....
اية:: مرحبا.. ممكن اقاطعج عن الدراسة شوية ...
منى:: تفضلي...
اية:: حاسة انو لازم نحجي... اذا عندج كلام حابة
تحجي وياي اني مستعدة ...
منى:: اممممم. مثل شنو...
اية:: اوك على راحتج...اترخص...
منى؛: اية....
اية::نعم...
منى:: ادري الموضوع ميعنيني لكن. الكالته ريهام بذاك اليوم صحيح ... يعني انتي برضاتج لو غصبا ماعليج..
اية:: دنكت معرفت شنو اكول... ..
منى:: اية احجي الله يخليج... والله مداانام الليل من التفكير... لان من فكرت بيها مستحيل .. الصار حادث
سيارة لان علي تعب بعد الحادث كولش... مخله شي
مكسرة بيومها .. .مجان يتحمل احد يحجي وياه تقريبا
بال10 ايام جان عازل نفسة...حتى اكل مياكل.....
ومن نسال امي تكول مختنك ..لو معرف شنو....
واني بكل غباء صدكت...
اخوية جان مسوي شي وشي جبير بحيث تحطم هيج.
.ورى يوم من الحادث دخلت عليه لكيته يبجي...
واخوية مو ضعيف. حتى يبجي لان دعم بنية...يعني صدك مغتصبج...
اية:: اني ابجي وهي هم تبجي. هزيت براسي بمعنى اي..... حضنتني بقوة...
منى:: يعمري... اني اسفة ... اني اسفةصدك ..مستحيل
علي هيج يسوي... وليش ....معقولة اخوية هيج داخلة وحش ...لو لان احبة. واحترمه مااشوف مسأوئة.. ..
مسحت دموعه....وتباوع عليه بحزن...
اكيد يضربج ويأذيج...موو ...
اية:: لا صدكيني .. مو هيج...
منى:: لا ..لا تخافين...اني وياج...مااعوفج... احجيلي...
دياخذ اليريدة منج غصبا ماعليج.. صح ويضربج...
اية::صدكيني....من تزوجنه لليوم مواصل يمي ولا تقربلي.
. ولا حتى مد ايدة عليه... غير مرة واني اتجاوزت عليه...صدكيني يعاملني باحترام... حتى هو ينام بالكاع.
.واني علجرباية...
منى:: صدك والله ... لعد ليش هيج سوى بيج .. ليش
اعتدى عليج...
اية:: حسب اليكوله جان شارب حبوب ... ومسيطر على نفسه ...
منى:: والحبوب شنو تسوي... حيوان مثلا...
زين انتي تعرفينه ..هو يعرفج.....
اية:: ابدد.. لا اعرفة ولا يعرفني......باعي.انتي اخوج تحبينه وتحترمينه.. صح .. لا تخلين هالشي يقلل من قيمته.بنظرك . لان كولنه نغلط .. وهو لو ماحس على غلطته.. مجان.. سوة كل هذا...
( بداخلي مااعرف ليش داادافع عنه .. اكيد مو حبا بي بس يمكن حتى مينزل من عين اخته اكثر...).
باعي هذا الموضوع عوفي على جنب ...احنه بدينه صفحة جديدة...وانسي السمعتيه كله...ولا تخلينه ابالج...
لزمت منى ايدي ...
منى::يعني هسة تفهميني انو انتي نسيتي الصار ...
اية::هاا.. لا اكيد مانسيت ولا بيوم راح انسى...
لكن الحياة مستمرة.. ولازم نكمل بيها.بحلوها وبمرها...
منى:: اووف .. الله يساعد قلبج يعمري...
اية:: حبيبتي تسلمين...يله هسة كملي دراستج لان لهيتج... وان شاء الله تنجحين ونفرح بيج ..
منى تسلمين حبي ..
كمت عزلت البيت ونزلت مها وأطفالها..
مها:: صباح الخير ياحلو..
اية::يسعد صباحك.. اليوم كسلانه..
مها:: والله تعبانه... تدرين ريهام راحت وعافت بناتها.. ودااحاول الهيهن حتى ميبجن على امهن...
اية:: اكولج فدوة بعد اخيتج .. يعني هي عافتهن لو كيان جبرها..
مها:: حبي بعد ماانتي تخربطتي.. وصعدناج فوق.. مسكتت ...ضلت تصيح .. حتى البطنها ابن حرام ويريدون
يطمولها السالفة.. ويضرب بيها ولا مهتمه...
اجاهة عمي وبالحجي وياها وكامت تصيح على عمي
.. كللها انتي شتردين كلتله اريد ابنك يطلقني.
.. وعمي يكوللها ..وبناتج شنو ذنبهن تكوله يم ابوهن
واهلهن قابل بالشارع .. وشرطت ينطوها المقدم والمؤخر وياخذون البنات ومتحجي بسالفتكم ...
اية:: معقولة اكو هيج بشر...عافت بناتها .. و راحت
ومهتمت واني طفلي بعدني مشايفته وقلبي محترك
عليه حرك...
منى :: مو كولها سوة... خلي اشوف عمتي شدتسوي...
حضرنه الغدة .. وجان يوم جمعه وكولها اجتمعت
على الغدة.... وعلي بس يريد حجه حتى يحجي وياي ...واني ممعبرته...رغم كاعدة بصفة..
وكل شوية بحجه ياخذ شي من يمي .. ويطخني.. او يدفعني.. نرفزني اسلوبه .. ... كملنه الغدة..وغسلت المواعين...ودافوت. شفت محمد يحجي ويه عمتي ويتبسبسون.. رجعت وصاحلي محمد.. تعالي خيتي...
اية:: اسفة مو قصدي اقاطعكم...
محمد:: يمه هاي هي واساليها..
ام عمار:: ولك انته عليمن مصركع. هيج...
تعالي يمه اية. اكعدي يمي...
اية::حاضر يمه آمري..
ام عمار::انتي تدرين بسالفة حميدان.يريد بت عمج..
اية::اي يمه كلي ...
ام عمار:: اي يعني اني اخر من يعلم...
اية:: لا يمه حشاج بس اني .كتلة الراي الاول والاخير لعمتي واخذ رايها. قبل لا تتقدم باي شي..
ام عمار:: هي بنت عمج شكد عمرها..
اية::18 سنه
ام عمار::كوم يمه محمد عندي حجي ويه اية...
محمد:: اي يمه كولي..
ام عمار:: اني كلت اية مو انته.. وثانيا لو اريد احجي جان كلت مااكل كوم... كوم ولا تشلع قلبي...
محمد:: يعني انتم الا تذلون الواحد يله تنطونه اليريدة
خرب بالحظ.
، يابا كايمين. واحجي براحتج...
ام عمار::شكد تدردم ...شوفي يمه اية اني من حجه وياي محمد خفت خاف ميقبلون اهلكم.. يعني انتم اذا وافقتوا على علي. فبسبب الصار.. بس محمد ماادري واخاف اروح
واحرج نفسي واحرج اهلج...
اية:: لا يمه وسفه وين نلكه مثلكم واصلا عمتي تكيف .حتى عمي.. انتي اذا حابه تشوفين بنت عمي توكلي ولا تخافين..
ام عمار::هذا هوة بيهة الخير .. وهو محمد كال لعمج .. وكيف كال اذا موافقين بيهة الخير. اذا هاي باجر نروح اني .وياج نشوف ونفاتحهم بالموضوع لان حميدان راح يكرع راسي.. اذا تاخرنه..
.
اية:: طرت من الفرح لان رهف راح تجي يمي ...رحت بسرعه للغرفة لكيت علي كاعد على تلفزيون اخذت ملابسي ودخلت للحمام... واحس الفرحة مسايعتني. دالبس ملابسي...ووكعت الدشداشة من ايدي بالكاع ....يبو. شسوي انتظرت شوية سمعت الباب انفتح وانسد. كلت طلع.. مديت راسي على كيف ملكيته رحت اركض. ادور على شي البسه طلعت دشداشة ولبستهة بسرعه...اول مكملت دخل علي... اني ابتسمت لان. لو متاخرة دقيقة جان رحت بيهة....
علي:: على شنو تضحكين...
اية؛؛ اسفة مو قصدي شي......وهو يقترب عليه.خطوة.
. واني ارجع خطوتين لحد موصلت للكنتور. وهو تقرب عليه....
علي:: ممكن اعرف على شنو الضحك...
اية:: دنكت راسي ...اني مضحكت مجرد تبسمت...
يحاول يرفع راسي باصابعه واني ادفعهة...
علي::ممكن اعرف سبب الابتسامه ..
.شفتي شخص تحبينه مثلا...
اية:: اكيد ...لا ...
علي:: اممم لعد فرحتي بجيتي ...
اية:: لا تحاول تقنع نفسك باوهام.. مستحيل تصير.. .
واكولك شي ثاني اسلوبك اليوم عل غدة مستفز جداا.
رجاءا لا تشوفني ساكته....
علي:: يعني شتسوين مثلا.....زين ليش مدنكه و متخلين عينج بعيني. ..
ايةبعصبية:: مااسوي شي بس ابعد عني خليني اروح...
علي::اتفضلي.روحي..
بعد عني ورحت ركض نزلت ...وقلبي احسه راح يطلع من صدري....
محمد:: الله جابج... يمعودة... وينج..
اية؛: هاا خير...شكو
محمد::باجر ترحن مووو
اية؛؛ عابتلك اي والله ..عبالي شكو.. ايي نروح
محمد؛؛انتو ليش تحسسوني عبالك اني مصركع.
وماعندي صبر... ..
اية:؛ لا ابدد انته ابد موهيج ..هههههه ...
نزل علي .. واني من اشوفه اتوتر وارتبك اكثر من قبل ... ماادري لان يحاول يتوددلي ...
دخلت للمطبخ لكيت البنات ديسون بيتزا ولحم بعجين بس بعدهن مباديات ديحضرن.... عاد اني هاي لعبتي .. كتلهن
عليه اني اسوي..
هنة كيفن . وكفن على صفحه ونسولف ونضحك ..بديت اشتغل بالعجينه...سويت كميةجبيرة .. لان احنه عائلة جبيرة واطفال عندة .. بديت اسوي حشوة اللحم بعجينه... وكملته.. ومحمد واكف على راسنة ويحشش ويصنف وكل شوية ياكل من الطاوة.. ونتعارك اني وياه .. وبديت بحشوة البيتزا ..
وكملت وبديت امد بالعجينه كملت البيتزا وخليتهة بالفرن وبديت اسوي باللحم بعجين..وهم خليته بالفرن .ومنى تسوي مقبلات... كملنه صار المغرب اني صعدت اصلي صارت ب7:30 نزلت منتظرين عمي يجي حتى نصب العشة الولد كاعدين بس علي فوق يلعب حديد شوبة واجه عمي.. بدينه نحضر العشة ...
ام عمار:: يمه اية .. روحي صيحي لرجلج خلي يتعشة..
اية:: حاضر عمه... صعدت حتى اصيحله...باب غرفة الحديد مفتوح اتقربت شفته يرفع اثقال... بقيت صافنه على جسمه اول مرى اشوفه .. لابس فانيله تعلاكه...وعضلاتة بارزة فددشي.. والغرفة كلهة مرايات كانما قاعة ...
واني صافنه علية نسيت نفسي ....
فاكه حلكي ومنبهرة ... حسيته شلون اليستعرض نفسة .
..كام راح عل جهاز الثاني ..كرسي وبي شلون المسكات يرفع وينزل... مستمر لحد متوقف.. رفع ايدة وثناهة شد عضلته وباسهة .. .... وجان يلتفتلي ...
علي:: شلوني ... ويغمز...
حسيت الدنيا وكفت بيه ماادري اشرد.. اطفر اطم روحي
...رحت ركض نزلت بس احس دمي كوله نشف....متلبكة وارجف... نزلت...
مها:: هاا اية شكو...
اية (بفهاوة)::هاا..
مها:: شبيج وجهج اصفر..
اية:: ما..ما..ما .ماكو شي..
ام عمار:: هايمه صحتي لعلي...
اية::ايي..هاا...لا..
وكفت عمتي بصف مها... هاا يمه شبيج
اية:. مابيه شي شكو...دخلت للمطبخ. اشيل ويه البنات .. كملنه واني كوة مسيطرة على نفسي....
ام عمار:: يمه اية لعد.وين علي؛؛.
اية:: هاا..فوك ...
علي:: هياتني يمه اجيت...
سمعت صوتهة. وياكاع انشكي وبلعيني....وين اضم روحي ... كعدت واجه كعد بصفي. يباوع عليه بس اني ابين ممنتبهة اله...
بس كولها انتبهتلي متوترة..
ابو عمار:: بوية اية بيج شي..
اية:: سلامتك ماكو شي..
مها:: اليوم متغدت زين فاثر الجوع عليها
...
محمد:: لا يمعودة شدي حيلج مو مال تتخربطين خلي
اتم سالفتي وبعدين نتفاهم..
ابتسمت لان من الخوفة مبيه احجي.. كووولش... كمت اول وحدة ... بس ردت ابتعد عنه .. / هسة شيكول عليه...اكيد كاتله نفسي عليه......
رحت للمطبخ .. دااسوي شاي خليته عل نار.. وصافنه
رحت بعالم ثاني شوية واحس احد وراي عل سنك التفت لكيت علي...ديغسل.. تفاجات ديغسل هنا ليش مو عل مغسله...درت وجهي بس لازمه قلبي بأيدي خايفة يحجي وياي لو يذب كلمه ...
علي::عاشت ايدج عل عشة...
اية بتوتر؛؛ شكرا...
شوية وطلع ... يربي. متت شسوووي..
كملت الشاي البنات يشيلن بالمواعين صبيت الشاي وقدمته .. ورحت بسرعه للمطبخ... .
اية:: منى حبي روحي كملي دراستج.. اني اغسل المواعين...
منى:: لا حبيبتي .. اني اغسلهن.
اية؛؛ دااحجي وياج .. روحي دراستج اهم..
منى:: يعني اعوفج وحدج .
اية:: يعني قابل يجيني بعبع.. ..روحي حبي..
منى:: اوك يعمري...
بديت اشتغل بالمطبخ انتبهت علي صعد للغرفة. نص ساعه ونزل كاشخ ومتعطر وطلع كلت احسن حتى يجي يلكاني نايمه...
.. غسلت المواعين..الطباخ.. ومسحت الميز.. وكملته كولش... ورحت كعدت ويه عمتي ومها منى تدرس والولد كلهم طلعوا.. بقينه بس احنه نسولف ونخطط لخطبة محمد ..صارت ب11 انتبهت قبل لا يجي علي خلي ادخل للغرفة اسوي نفسي نايمه...
دخلت للغرفة وبدلت ملابسي لبس ثوب قصير ونص ردن لان مااكوم لحد مايطلع علي اذا لابسة قصير...
صارت ب12 الا ربع .. دخل علي ونسيت اطفي الضوة. ...
اباوع عليه بس فاتحه تك عين.. اشوفه من المراية البنكنتور بس هو ميكدر يشوفني...
شفته طلع شريطين ادوية وضماهن.. بالمجر مالته .. غمضت عيني ومحسيت بنفسي غير نمت كعدت الصبح لكيته نايم .. كمت على كيف. سحبت الدشداشة مالتي وفتت لاحمام على كيف....اتسحب بدلت وطلعت لكيته لازم الفون مالته .. ..عزة يعني جان كاعد من فتت لان شكله مو مال هسة كاعد .. مهتميت لبست حجابي وطلعت .. كملت شغلي.. وحضرنه الغدة ..بس نضراته احاول اتجنبهة بس هم تجي عيني بعينه.. احسة كاسر عيني هههه لان جنت اباوع عليه...
صار العصر ورحنه اني وعمتي لبيت اهلي... وصلنه علي وراح ... .
دخلت اني اول وحدة وكرصت رهف.. اركضي جايينج خطابة هي معولت راحت تركض للغرفة...
سلمت على عمتي ومرت عمي.. والبنات.. وكعدن يسولفن وعمتي ام عمار فاتحت عمتي ومرت عمي بالموضوع طارن من الفرحة .. وكالن وين نلكه احسن منكم بس نستشير
ابوهة ونردلكم خبر....ورجعنه ...وجنت مصدعة واحس راسي .. حينفجر.
تعشينة وكملنه ومثل كل يوم الولد كلهم طلعوا بقينه بس احنه...وشافتني عمتي مالي خلق.. ..
ام عمار:: خيرج يمه شو مدري شلونج
اية::يمة راسي مووتني بعد مااتحمل ...
ام عمار:: دروحي اشربي من علاج علي...
اية:: علاج مال شنو ..
ام عمار:: هم علي.دائما يشتكي من راسة وينطي الدكتور هذا العلاج ..
اية :: اوك خلي اشوفه...
صعدت وكل البالي الحبوب الجابهن بالليل...
رحت وشفتهن..ولكيت شريطين وشربت من كل واحد حباية...وريتني ماشاربة....
ورة عشر دقائق حسيت جسمي صار نار...
احتريت..نزلت.. اشو كمت احس شعور مختلف.. كولشي احسة.. يضحكني..
كمت بس اكركر...واضحك اجوي الولد وعلي... واني اتشاقة واضربهم...وبس اضحك كلهم تعجبوا مني..
كيان.بضحك:: شنو خويه شاربه شي...
اية.:: نهههههههههههه
مها:: هي شربت من علاج علي ونزلت وهي على هالحال.. ..
علي بخوف..؛؛ اي علاج...مها:: ماادري ....صعدت لان عمتي كلتله عندة علاج للصداع...
علي:: لا يالله هاي اشربت...
سحبني علي وصعدني فوك.. ......
