رواية الدنيا دوارة الفصل الحادي عشر بقلم ناريمان
.
عماد.. قتلك ليش راكبة لشقة عامر
انا.. عماد فوتني ماليش مزاج للكلام
عماد.. شن تبيني ندير شهرين وانا نترجى ونراضي وانت شي مسكرة راسك خلاص الصبر حدود
انا.. اي لان انت تعودت تغلط ونسامح لكن مش كل شي ساهل ياعماد شوف لمعاملتك وكلامك معاي الفترة الأخيرة مانبيش نعوده
عماد.. خلاص ياحبيبتي وعد كل شي يكون احسن
انا.. واعدتني قبل وماصار منه شي
شد ايدي وقعمزني جنبه
عماد.. الحياة هكي بس وعد ياغزل نكون ليك عماد اللي تحبيه انت حب حياتي ومانستغناش عليك
انا.. اوك بس والله ماعد نقدر نتحمل اكثر
عماد حط راسي على صدره.. اللي جاي احلى حبيبتي وعد
وتصالحت انا وعماد بعد ماكنت هاجراته شهرين
بعد ساعة الباب يطق
انا.. من بيجي توا
عماد.. يالطيف الطف توا خطرلهم يجو
انا😂.. نوض نوض افتح بين مالبست
ناض عماد لبس وفتح
عماد.. 😳 شن اديري هنا
منى.. جاية لصاحبتي😊
عماد.. لو سمحت...
انا.. من ياعماد
دخلت منى.. انا
وهو طلع وسكر الباب
انا🤨.. اهلا تفضلي
استغربت جيتها كنت فوق وهي قالبة عليا
دخلنا وقعدنا نهدرزوا
انا.. تعالي معاي ندير قهوة
منى.. اه لالا توا نستناك مصدعة
مشيت ندير في قهوة وقلت خللي نتصل بامنية تجي تغير جوها طلعت بنجيب فوني ولقيت منى في دار نومي وشادة روبي عالسرير
انا😳
منى😱
انا.. شن اديري هنا
منى.. اه اااا اااا كنت ندور على بنادول راسي صداع
انا.. لو سمحت منى دار نومي مانحبش من يدخلها من غير اذن
منى.. احنا صاحبات
انا.. حتى ولو ولو تبي بنادول تعالي قوليلي
منى😠.. اوكيييي ياغزل خليها في بالك وطلعت معصبة
حسيت روحي بالغت بس استفزتني داخلة لي داري والادراج مفتوحة وشادة روبي وقاااحة
.
يوسف
كان مروح من شغله وهو قريب يوصل للحوش يلقى امل واقفة قدام الحوش على ولد عمه شاب صغير ولابسة شورت للركبة وتيشيرت نص كم وشعرها حاطة عليه وشاح بيطيح ونصه برا
يوسف😠😠😠😠😠.. اشرف
اشرف.. 😨يوسف اهلا كنت ندور فيك
امل دخلت تجري
اشرف.. عندنا مشكلة في الورث
يوسف.. اها توا نجيكم ونزيد نفهم منكم
وهرب اشرف
ويوسف دخل يعيط
. امممممممل
امل.. ها شن في
شدها من شعرها
يوسف.. وها فوقها كم مرة نقولك معش توقفي على حد كم مرة مليوووون مرة نخرفلك بش تفهمي
امل.. ااي اي نحي هو اللي جي اااي نحي انا حامل
يوسف.. لا حمل لا حناي وطالعتله بالمنظر هذا الحجاب علاش لوحتيه حتى هو
امل.. وووووه نحي ووووه
يوسف.. لو ماكنتيش حامل كنت ربيتك يامل
وطلقها ودخل
امل.. كسرة في ايدك خزززززي حيوان
.
في الليل طلعت انا و عماد ادهورنا وشوي وحكينا وروحنا نزلت تحت لعمتي وعمي لقيتهم مكسدين وعمتي مريضة وامنية عند خالتها ماروحتش
انا.. الف لاباس عليك عميمة
عمتي. َطيب فيك هذا وين تذكرتي
انا.. ماعنديش علم والظهر كنت كويسة
عمي.. ماعليك لوم بنيتي
عماد.. تعشيتوا
عمتي.. لا ومن بيديره العشاء امنية عازمينها بنات خالتك ماروحتش
عماد.. كنتك الجديدة حبيبتك😏
عمتي.. 😳
انا.. خلاص ياعمتي توا نديرلكم انا العشاء
عماد.. 😤
ركبنا للشقة وبدلت حوايجي
عماد.. غزل انا مانبيش اللي كام قبل
انا.. شن تقصد
عماد.. يعني تقعدي قايمة بالعيلة كلها
انا.. ماتبينيش نديرلهم عشاهم
عماد.. لا ماقلتش هكي امي وبوي في الاخير بس خللي حدود مش تقعدي تخدمي في العيلة كلها
انا.. نعرف
عماد.. ماتعطليش تلقيني نستنى فيك😍♥️
انا.. بااااه🤭
ونزلت درت بكبوكي ودخلو عامر ورحمة مروحين بامنية
عامر.. اووووووو بكبوكي ليا مدة عليها😍
امنية.. توا عندك مراة اطلب وهي اديرلك مالومك على حد
رحمة😑
مشيت حطيت العشاء وهما قعمزوا يبوا يتعشوا
امنية.. رحمة نوضي ساعدي غزل بين مابدلت
عمتي.. لا رحمة بنيتي تعبانة من الحمل
امنية.. حتى غزل كانت حامل وماحد قال تعبانة
عامر.. خلاص سكري عالموضوع هي ماتكلمتش
نسمع فيهم ووجعتني روحي عماد عنده حق
حطيتلهم العشاء وركبت سهرت مع عماد ورقدنا
.
نحلم ان كنت نمشي في وادي مكسر رشاد وكنت خايفة فجأة يهجمو عليا 3 كلاب سود وقعدو يعضو فيا وحسيت العضات حارات لين عيطت ونضت
عماد.. بسم الله خيرك غزل
قعدت نتحسس في جسمي ومكان العضات ونحس فيهم كأنهم حق قعدت نبكي
عماد حظني.. خلاص حبيبي خلا كابوس تعوذي من الشيطان
قعدت في حظنه لين رقدت
وقعدت تمشي الأيام وبدت المشاكل بيني وبين عماد حتى على اتفه الأمور
بعد شهرين ثانيات
.
عامر
روح من خدمته
.. رحومتي وينك
رحمة.. هلا حبي
عامر.. ميت جوع
رحمة.. اوك توا ندير سندويتشات
عامر😤.. لي امتا يارحمة بس بطني يبست من الطن والدحي
رحمة.. توا غدوا نقول لماما تبعثلنا
عامر.. هذا ماناقص والله مايصير خير بعدين
.
عماد.. هي يا غزل من بكري امنية تستنى
انا.. به هي
(اليوم مشروع امنية وبتتخرج)
نزلنا من غير اي كلام الامور بيننا ملخبطة وكرهته وكرهت الحوش كله
انا.. ارفعني لأماليا بعدين
عماد.. اوك
انا.. بنبات
عماد.. لا
انا.. انت خيرك هكي ماتفهمش اهلي راه
عماد.. اخر مرة تعلي صوتك عليا خللي اليوم يفوت على خير
انا.. افففف
عماد شاد اعصابه بالغصب
وصلنا وحضرنا الحفلة ودرنا لأمنية جو يجنن ولبست بدلة التخرج وكل الأهل والحبايب حضروا وكرموها
عمتي.. لو لولولولولولوولولولوللولييييييي
امنية.. ماما بلا فضايح اس
عمتي.. فرحانة بيك بنيتي
بعد ماتمت الحفلة
جينا بنربكبوا في السيارة
عماد.. شن بتمشي لاماليك
انا.. اي ياريت توصلني توا
عماد.. بس الليلة دايرين عشاء لأمنية مفروض تحضري
انا.. مانبيش نبي اماليا
عماد😤
فجأة لفت بيا الدنيا ودخت
عماد😱 غزل
قامني وحاول يفيقني بس من غير فايدة رفعني للمستشفى
وقعد برا ساعتين وانا داخل وهو مش فاهم شي
طلعت الدكتورة
.. حظرتك زوجها
عماد.. اي شن فيها
الدكتورة.. مدامتك حامل وضغطها مش معدل
تكمل اليبرا وتقدر تروح بيها
عماد😍.. الحمد والشكر ليك ياربي
دخلت عليها
انا كنت مستغربة فيه يوزع في الابتسامات
انا.. 😒 شن يضحك فيك
عماد مسك ايديا.. ربي عوضنا عالبيبي الأول انت حامل ياقلبي
انا😳 نصدمت وحسيت بشعور ملخبط بس اللي نعرفه ان نبي نبكي حطيت يديا على وجهي وبكيييييت
عماد.. خيرك حبيبتي مش فرحانة ربي عوضنا خير
انا.. مانبيشي😭 نبي انزله
عماد😱😰😨😠.. شن تخرفي
انا.. مانبيش نحمل مانبيش
مش عارفة كيف نقول هكي بس اللي نعرفه ان الكلام مش مسؤلة عليه
عماد.. انت متورترة مانبيش نتكلم
انا.. لما انزله مانبيشي😭😭😭
عماد.. خير فيتك انت جنيتي خير بلاك
هيا نوضي روحي معاي
مشينا روحنا وانا في حالة نبكي بعبرتي ونتمنى في الموت
عماد.. خيرك غزل شن فيك قوليلي مش انت غزل مرتي حبيبتي
انا.. مش عارفة مش عارفة بس نبي نموت نبي نموت ياعماد
عماد.. اعوذ بالله من الشيطان الرجيم تعوذي من الشيطان
انا😭😭😭😭😭 زدت بكاء
عماد.. خيرك بس
وقعد الوضع هكي ونزل عماد لأمه
عمتي.. هه طيب فيك وين غزالتك
عماد.. تعباني يامي كيف روحت بيها من المستشفى
عمتي.. هههههه كذب نسون
عماد.. غزل حامل
عمتي.. 😳 به مبروك عليكم وينها هي
عماد.. مريضة في الحوش
قعد يدور يدور وهو مضايق ومش عارف شن يدير
وقعدت تمشي الأيام وانا في حالة مدمرة شدني عماد مرتين وانا نحاول ننتحر وماقدر يقول لحد من اهلي ولا اهله خاف على وضعي معاه بس قعد معاي في الحوش
عماد.. خيرك معش تصلي
انا.. مالكش علاقة بيا
عماد.. شن فيك تعبتيني راك سيبت شغلي على خاطرك لوين تبي توصلي
انا.. طلقني مانبيكش انت والعيل
عماد.. هكي توا
انا.. اي كرهتك انت والعيل كرهتك مانبيكش في حياتي مانبيكش باش تفهم
عماد.. اوك ياغزل هذه اخرتها تمام حانطلقك بس مش توا بعد ماتجيبي وانتلفي لأهلك معش نبي نشوف وجهك بعدها والبيبي ولاتفكري تشوفيه
انا.. مش ميتة عليك ولا عليه طلقني بس كان راجل طلقني
عماد.. مش انت غزل اللي نعرفها مش انت
طبعا الكل سمع بيا حامل واهلي يكلم فيهم عماد بس وماخلانيش نكلمهم مش عارفه شن كاذب عليهم والفون خذاه مني
.
عماد وطارق
عماد.. وهذا اللي صاير قريب نشرك شلاتيتي ونهج
طارق.. كيف هكي فجأة تغيرت مرتك
عماد.. اي قبلها كيف تصالحنا وامورنا رايقة ومليحة
طارق.. بالك ساحرينكم
عماد.. شن الخراف هذا
طارق.. لا مش خراف قلت فجأة كرهاتك وماتبيش البيبي وتبي تنتحر هذا مش وحم هذا سحر شوف امورك
عماد.. هي صح حتى الصلاة قبل ماتفوتهاش توا لا معش تصلي بكل
.
منى ورحمة
.
منى.. شن جوك انت وعامر
رحمة.. مولي دراه كبد يبيني نطيبله يمشي سم
منى.. اها نحسابك نشوفك بعيني اطيبي مانصدقش
رحمة.. الجمال والطبخ مايجتمعوش😏
منى.. وغزل شن جوها
رحمة.. مانعرفش ماتنزلش من شقتها بكل وعماد لاصق فيها خايفين عالحمل
منى.. اهااااااا🤔🤔🤔 غدوا جاياتك
رحمة.. تفضلي
.
يوسف وامل عند الدكتورة
الدكتورة.. بتجيكم بنوتة
يوسف.. المهم صحتها كويسة❤️
الدكتورة.. الحمد لله
امل😃
.
عمتي ورحمة
عمتي.. ياعاري انا شن نقوللهم لا مش صغيرة راك 22 سنة
امنية.. وحق ربي ماواخداته شيباني عمره 40 عام
عمتي.. قهرتك على عمرك قال لعامر نكتبلها حوش في النوفلين باسمها وبيطلع بيك لكندا خدمته غادي
امنية.. ان شاء الله يكتبلي الكرة الأرضية باسمي مش واخذاته قولوله لا خير ماندير في روحي شي
عمتي.. حرام عليك هذا رقم 8 وبترفضيه
.
روح عماد وهو يفكر في كلام طارق بس شن بيدير معش عرف الحوش طبعا خالي من اي وشاحات او سكاكين او ولاعات او اي شي كله داسه عماد والمطبخ مسكر
كالعادة روح لقاني في الدار مظلمة ونبكي ومنظري كان يخلع ضعفت هلبا وعيوني ارهاق
عماد.. غزل لازم نرفعك لشيخ
انا.. سكر فمك ومالكش علاقة
تأكد عماد ان غزل مسحورة طلع وخلاني وقرر يقول ليوسف لان محمد خوي ومرته مسافر على خاطر رسالة الماجستير
يوسف.. اهلا بونسيب
عماد.. يوسف نبيك في موضوع ضروري
يوسف... اليوم انا بعيد غدوا نكون عندك
عماد.. تم
.
الصبح جت منى بروحها ودخلت لحوش عمتي
منى.. عميمة كيف حالك
عمتي😍.منيوة بنيتي نورتي
منى.. تصدقي استاحشتك قلت نجي اليوم ونفطرو مع بعض في الجنان قلت حتى لرحمة
عمتي.. اي ياريت بالله بتاكلني الغولة بروحي
منى.. امنية وين
عمتي.. رفعها بوها بتبدا تشتغل في صيدلية
منى.. الشباب هنا
عمتي.. عامر طلع وعماد بيطلع قريب
منى😈.. اممم انا عاجنةسفنز وجبت كل شي خلي نمشي لرحمة وننزلو
.
ركبت منى لرحمة وتفاهموا على كل شي بس حتى رحمة ماعندهاش علم بالسبب الأساسي لجيت منى
رحمة.. جهزت كل شي تحت بس لو نعرف شن الغاية
منى.. توا تعرفي غر انزلي انت
نزلت رحمة للجنان وقعدت منى فوق تستنى في عماد ينزل ونزل عماد مشى لشغله
منى.. يارب تكمل معاي
نزلت منى وصبت شوي زيت على الدروج تحت شقة غزل ونزلت الزيت
ورحمة شافتها😳
منى.. نسينا الزيت بش بنقلوا السفنز
عمتي.. تعب بنيتي ماهو قليتوا داخل
منى.. لالا عالفحم احلى
خللي نتصل بغزل
مقفل مقفل
.. نمشي اناديها
وقفت في باب العمارة وتنادي ..غزززززل غززززل
سمعتهاقلت ننزل نشوف من ينادي طلعت
منى.. تعالي حبيبتي افطري معانا
انا.. لا مانبيش
منى.. تعرفي ماتنزليش نجي نكرك تعالي هيا عمتي قالتلك تعالي
قبل بنفوتها بس مش عارفة ليش سمعت كلامها وجيت بننزل واول مانزلت عالدروج زلقت وطحت من فوق لتحت
