رواية الدنيا دوارة الفصل الثالث عشر والاخير بقلم ناريمان
.
انا..قداش استاحشت الحوش
عماد.. وانا
انا.. انت لا لان ديما نشوف فيك واغلب الوقت معاي
عماد .. خزي ماتعرفيش تجاملي
جيت شديت ايده وحطيتها على بطني.. في شخص استاحشك هللبااااااا
عماد.. جاد حبيب بابا😍
انا.. ومن قال ولد مرات بنوتة
عماد.. احساسي يقولي ولد
انا.. تصدق حتى انا
عماد.. الله ياغزولتي امتا بتجيبيه ويقعد يناغي بينا
.
يوسف يلاعب في بنته وقرر ان يعطي امل فرصة جديدة
يوسف.. ليلي حبيبة بابا حبيبتي اغغغا اغاااا 😂😂😂
امل كانت مش طبيعية ويوسف لاحظها
يوسف.. خيرك امل شن فيه
امل.. نبي نحكي معاك في موضوع
يوسف.. تفضلي
امل.. انت تعرف ان انا وياك مش متافهمين وحياتنا شبه مستحيل مع بعض
يوسف.. اختصري
امل.. فكرت ولقيت ان الطلاق احسن شي
يوسف.. 😳
امل.. ماتستغربش عارفة انك ماتحبنيش
يوسف.. ومن قال مانحبكش يامل الزواج اكبر من هكي وانت مش فاهماته
امل.. انت تبي تتحكم فيا وانا مايساعدنيش
يوسف.. لو غرت على شرفي وعرضي نبدا نتحكم فيك نبدا مش راجل لو نخليك تطلعي بلاحجاب وتحكي مع فلان وصديقة مع علان
امل.. انت اصلا تبي اي شي بش اطلعني غالطة
يوسف.. ااااخ النقاش معاك عقيم
امل.. نبي الطلاق
يوسف.. تم اللي تبيه
امل.. لينا خليها تتربى عندك
يوسف.. هانت عليك بنتك
امل.. معاك اكيد في الحفظ والصون
يوسف.. اصلا مانأمنش عليها تتربى بعيد عليا
ناضت امل فرحانة وسكرت الدار على روحها وبعثت وسالة لحبيبها(حبي نهيت الموضوع غدوا مروحة لأهلي)
هو(سلمها حب قلبي)
.
رحمة بعد المستشفى روحت لأهلها
منى تبكي .. ياحقيرة خربتي كل شي
رحمة.. الله يسامحك ياوخيتي خربتي حياتك وحياتي
منى.. كله منك كان هكي راه تزوجني كان يفصلني شعرة بس عليه
رحمة.. معش تكذبي على روحك عماد ماعمره كان ليك انت اللي تلفي وادوري عليه بلاش خيال اصلا انت قليلة اصل كيف يهون عليك تكسري قلب صاحبتك غزل ماعمرها وجعاتك بكلمة
منى.. خذت حبيبي
رحمة.. سكري فمك باش تفهكي باش هو كان حتى اسمك مايعرفاش انت اللي كذبتي الكذبة وصدقتيها
امهم.. منى غدوا جايين ناس وبتتزوجي غصبا عنك فكيني من مشاكلك
منى.. لالا مانبيش
امهم.. تبي كف على وجهك احمدي ربك بوك ماسمعش بالعملة اللي صارت كان هكي راه روحت لأهلي حتى انا واللي جاي لو تجنحي بتاخذيه ريحيني من سريبك
منى😭😭😭
.
امنية قاعد خبها ليوسف ماماتش واستاحشاته هلبا فكرت ان تفتح اكاونت الفيس اللي كلمت بيه يوسف قبل سنة وفتحاته قعدت تقرا في المحادثة وقررت تنحي الحظر حتى تشوف حسابه وبعدين تلغي الحساب وتحذفه للأبد ناوية ان تكون المرة الأخيرة اللي تشوف فيها صوره ومناشيره
ومن حظها ان يوسف كان فاتح يفسفس وبنته راقدة جنبه وشاف الحساب وعليه نقطة خضراء، 😳😳😳 اتصل بوليد صاحبه بسرعة
وليد.. شن تحلم بيا
يوسف.. تتذكر الحساب اللي قتلك نبي نعرف من صاحبه
وليد.. لا
يوسف.. المهم توا نشط بسرعة لازم نعرف
وليد.. افف باهي جايك ناخذ فونك ونشوفه
يوسف.. نستنى
.
امنية تشوف في حسابه وتبكي اااااه النصيب اقوى من كل شي شافت صوره وقعدت تتفرج عليهم لين رقدت
.
جاء وليد وخذا فون يوسف وطلع ساعة ورجع
يوسف.. ها منو
وليد.. الشفرة اللي مفتوح بيها باسم عامر ال.....
يوسف.. كيف كيف
وليد.. اللي سمعته وسلام بنمشي نكمل حلمتي
يوسف.. معقولة امنية لا بلكي مرته لالا هو تزوج بعد قصة الحساب معناها امنية 😍😍😍😍
رقد وهو يفكر فيها
.
عامر وامه
عمتي.. الخايبة مرتك معش تخشلي حوش عيلة سحارة
عامر.. اااه وخلاص هاذي اللي مازيهاش وكنت تبي اختها لعماد
عمتي.. ربي فكني منها
عمي..رجع مرتك ياولدي وانت ياحاجة تسكتي
عامر.. يابوي ماهو..
عمي.. زي ماقتلك طالما حكت كل شي وطلبت السماح سامحها وهي قالت مادخليش يعني اختها صح غلطت انها سكتت بس المسامح كريم ولو شفت منها غلط بعدين انت حر وتوا بينكم بنية ماتخليش بنتك تتربى بعيد على عيونك
سكت عامر وقعد يفكر في كلام بوه وقرر ان يرجع رحمة بس مش قبل مايشعفها
.
بعد 7 شهور
رجعت رحمة لحوشها بس رجعت مكسورة وعامر متغير معاها وسمى بنته اخلاص وحياتهم رسمية مع بعض
منى تزوجت من راجل اكبر منها ب 17 سنة مطلق مرتين وماعنداش صغار اسمه شعبان وطبعه صاعب وعصبي هلبا
امنية تحاول تعيش حياتها وقعدة مصرة ترفض اي عريس يتقدملها لان ماتبيش تظلم حد معاها وقلبها مع غيره وتحاول بكل جهدها
يوسف طلق امل واول ماتمت عدتها تزوجت ويوسف اكتشف انها كانت دايرة علاقة معاه من لما هما متزوجين وتعرفت عليه عالنت وهي حدفت بنتها ولا سألت عليها وقعدت تربي فيها ام يوسف وهو خاطره يكلم امنية بس متحشم لان هي بنت بكر وصغيرة وهو مطلق
محمد خوي استقر في الخارج هو ومرته
انا كيف دخلت شهري واكدتلي الدكتورة ان حامل بولد وطلعت انا وحبيبي عماد شرينا كل شي
عماد.. ماتحسيش بوجع
انا.. لالا
عماد. َبه نخصات
انا.. لالا
عماد.. غير زيدي شوفي
انا😂😂.. شن بنشوف هو كيف قلت بسم الله في شهري
عماد.. هي نبي نشده ونعضه
انا.. نبي بنوته قبل
عماد.. السنة الجاية تؤم ان شاء الله
انا😲
.
امنية.. تشتغل في الصيدلية تابع مصحة كبيرة هي وصاحبتها هند وهي كانت تكتب في سجلات النواقص تسمع
شاب.. السلام عليكم
امنية.. وعليكم السلام
الشاب😍.. ممكن الدواء هذا
وعطاها وصفة الدكتور
امنية.. اوك ثواني بس
مشت جابتهم وعطاته
امنية.. 75 دينار
الشاب😍
خلص وطلع
هند.. كان بياكلك بعيونه
امنية.. من كثر افلام الرومنتك عقلك انضرب
هند.. حايرجع وتوا تشوفي
امنية.. مايهمش
وشوي ثاني
دخل يوسف وشاد لينا بنته عمرها 4 شهور وامنية ماشفتاش جاته هند وجاء ليوسف اتصال مهم اعطاها لهند تشدها
يوسف.. بعد اذنك دقيقة نرد برا ونجي
شدتها هند والبنوتة تبكي جتها امنية
هند.. وووه تعالي شديها عارفتني نعرفش نتفاهم مع الصغار
امني.. هاتيها
وشدتها
امنية😍.. لالا حبيبتي لا ماتبكيش بابا شوي ويجي ياحلاتها السمحة تهبل شن اسمك انت اه ياسمحة
وقعدت تبوس فيها وتهز بيها لين سكتت وخدت حلوة فتحتها وعطتهالها
امنية.. ياروحي تجنن اموووووواه عسل
يوسف كان يتفرج عليها من الباب وداخله شعور مش قادر يوصفه 😍😍😍😍😍😍♥️♥️♥️♥️♥️♥️ ودخل
امنية😱
يوسف.. اسف بس اتصال عمل مهم
هند.. ولايهمك الدكتورة تموت في الصغار
يوسف.. لو سمحتي نبي الدواء هذا
مشت هند تجيب فيه وامنية متنحة مصدومة وقعدة شادة البنت
يوسف.. هاتيها منك تعالي حبيبة بابا
مشتله البنت تضحك وتمد في ايدها لأمنية
امنية.. حبيبتي انا وشدت ايدها باستها
يوسف.. 😍
خلص الدواء وطلع
.
منى
شعبان.. غدوا اديري تحليل ونهارك الأحرف ماتطلعيش حامل لما نتزوج عليك
منى.. هذا امر ربي خيرك مانفهمش
ويجيها كف من حيث لاتدري
شعبان.. صوتك مايعلاش عليا فاهمة
منى😭😭😭
.
رحمة وعامر
.
رحمة.. عامر حبيبي شن رايك نطلعوا ناخذوا لخلوصة العاب
عامر.. توا غدوا وانا مروح نجيبلها
رحمة.. خلاص فهمت فهمت اني غلطت علاش هكي
عامر.. وعندك عين تتكلمي
رحمة.. حتى الله ورسوله يسامحوا خيرك هكي شعلتلك صوابعي 10 شمع وانت ماتبيش تسامحني
عامر.. عملتك كبيرة يارحمة ماتوقعتش في يوم اديري هكي سودتيلي وجهي قدام خوي وبوي
رحمة😭😭😭😭
عامر.. نوعدك نحاول نرجع معاك زي الأول لان حتى انا مليت من الوضع هذا
.
عماد فتح فرع جديد لمحله وزاد كبر شغله وانا كنت زي الكورة منفوخة وعمتي نقلبت بدت تعامل فيا زي امنية واكثر في يوم كنت نغسل في شوية اماعين وحسيت بوجع بس مادورتش بس كل شوي يزيد لين عرفت روحي بنجيب اتصلت بعماد
انا.. عماد تعالى بسرعة بنجيب وووووواك
عماد.. ثواني ونكون عندك
قعدت نحاول نلبس عبايتي ماقدرتش ودخل عماد يجري وهو مش عارف وين يعفس من الربكة
.. جيبلي عبايتي بسرعة وشنطة البيبي جاعزة
عماد.. اي اي الشنطة وعباية البيبي
لبسني ونزل يجري بيا واتصل بماما وغالية
دخلت للعمليات متقدرتش نجيب طبيعي لان وضعي من بداية الحمل كان صاعب ومع الاجهاض اللي صار مرة
عماد وماما غالية
غالية.. قريب نعطيك كف عماد خيرك اهدا
عماد.. مانقدرش ليها ساعتين داخل
ماما.. استهدي بالله اكيد وضعها كويس
عماد خايف عليا من اللي صارلي قبل
طلعت دكتورتي.. مبروووك عليكم الشبوب
ماما وغالية فرحانات وحضنوا بعض
عماد.. وهي كيف وضعها
الدكتورة.. الحمد لله وضعها تمام وصحتها كويسة شوي ويطلعوها
فتحت عيوني لقيت ماما وغالية وعماد وامنية وعمتي معاي
عماد. َالحمد لله على السلامة
انا. َولدي نبي ولدي
غالية.. شوي بيجيبوه
دخلت الممرضة وجاباته حطاته في حظني ودموعي ينزلوا شعور الامومة محلاه يااااااااه على هالاحساس ربي مايحرمه لحد
عماد.. الله مصغره كيف بيكبر
طلعوا كلهم وقعد عماد معاي
الممرضة.. لازم ترضعيه توا
انا.. مانعرفش
قعدت الممرضة تعلم فيا وعماد مصدوم
قعدت يومين في المصحة وطلعت روحت وانا بندخل لشقتي سمعت رحمة نازلة تجري وتبكي ووراها عامر
عماد.. شن فيه شن صار
عامر.. اتصلو بينا اختها دايرة حادث ووضعها خطير
ماتحركتلناش شعرة دخلنا شقتنا وجو العيلة كلها تغدوا عندي والجو يهبل درنا جو النافس وشق يعجعج وعصيدة وماشي وجي
.
رحمة وامها وشعبان في المستشفى
يبكوا
شعبان.. بنتك ياعمتي من المستشفى لحوشك ماتلزمنيش طالعة من وراي في السيارة لكن ربي فضحها
رحمة.. تحشم على وجهك وادعيلها تنوض بالسلامة
مروا ساعات وطلع دكتور
امها.. طمني يادكتور
الدكتور.. الحمد لله تجاوزت الخطر بس هي عندها صغار اولا
شعبان.. لا
الدكتور.. اها المدام معش تقدر تحمل او تجيب واستأصلنالها الكلية اليسار لانها تأزمت
شعبان.. مشكور يادكتور
امها ورحمة يبكوا
شعبان.. بالسلامة وورقتها توصلها معش تلزمني وفوقها عقمت
.
يوسف طول الأيام وهو يفكر في امنية ليل نهار لين خذا قرار ان يواجهها
لبس وتأنق وحط بنته عند امه ومشى للمصحة
امنية كيف واصلة وتهدرز هي وهند
يوسف.. صباح الخير
هند.. صباح النور
يوسف.. امنية ممكن ناخذ من وقتك
امنية😥.. بس مشغولة
يوسف.. ضروري
امنية.. اوك تفضل
يوسف.. ياريت برا لو سمحت
امنية.. تمام
طلعت هي وياه برا يتمشوا وقعمزوا على مقعد برا
امنية.. تفضل شن في
يوسف.. بنكون معاك واضح وصريح انا عارف ان غلطت في حقك لما قلت اللي قلته عالنت من سنة ونص وتصرفت بنظرة سطحية بس ماكنتش نعرف انك انت
امنية.. 😱 ااااا ااا شن تقول
يوسف.. خلينا صريحين انت تحبيني وانا كنت اعمى مانشوفش نعرف انك نفسها نغم عالفيس ونادم على كل لحظة بعدت فيها وفكرت بجهل
امنية.. يوسف سكر عالموضوع
يوسف.. لا مش مسكر عليه لأنك تحبيني وانا نحبك
امنية😭.. خلاص يوسف تعبت من هالقصة لما انت غارق في العسل تخطب وتتزوج انا عشت اتعس ايام حياتي محادثتنا حفظتها زي اسمي تفاصيلك اللي انت بروحك تجهلها انا نعرفها غيرت لبسي على خاطرك وافكاري تغيرت حاولت نكون كيف ماتبي وانت ماشفتنيش وتوا جاي تبيني اسفة يوسف
يوسف.. لا من قال مانبيكش بس ماكنتش نتلاقى معاك هلبا ماكنتش نعرف انك نفسها نغم امنية انا وانت لبعض انا مريت بتجربة فاشلة خلتني نتأكد انك انت اللي نتمناها طول عمري
امنية.. لا مش موافقة وربي يسعدك مع غيري
وناضت تمشي
يوسف.. امنية تأكدي انك ليا وحياة بنتي واهلي ماحتكوني لغيري
وطلع وهو معصب
امنية، 😭😭😭
روحت للحوش وركبت لعندي
كيف رقدت جاد ومشيت بندير قهوة مصدعة رن الجرس لقيتها امنية وكانت تبكي
انا.. خيرك موني
امنية.. يوسف يوسف كلمني
انا🤣🤣🤣.. ادخلي ادخلي نحساب حد مات
امنية.. خيرك باردة غزل قتلك يوسف كلمني
انا.. وبه وين المشكل
امنية.. انت تعرفي قصتنا
انا.. خليني حيادية معاك عندك حق انك تزعلي بس يوسف ماكانش يعرفك وماكانش يشوف فيك هلبا وماجمعك بيه شي خلاه يتعرف عليك اوك هو غلط لما حكم عليك انك صايعة بس لان جاهلك مايعرفكش هو الكلام هذا قاله لنغم مش امنية وكلنا نمروا بأوقات صعبة هو تجربته في الزواج فاشلة وطليقته تزوجت وشافت حياتها وهو من زمان مش مرتاح معاها يعني الموضوع بسيط جدا بس انت كبرتيه
امنية.. بس ياغزل سنتين وانا عايشة على خياله وهو تزوج
انا.. لان نصيب هذا نصيب من ربي لو ماتزوجش امل ماكانش عرف ان نتفكيره وحكمه عالناس غلط انت زي اختي ولو ماكانش كويس ومتأكدة من انه يبيك وحايسعدك ماكنتش جيت معاه
امنية.. يعني هو حاكيلك عليا
انا.. لا ابدا بس انا عرفته من عيونه خوي وفاهماته
امنية.. به واهلي مش حايوافقوا ان ان
انا. َيزوجوك لمطلق صح وعندهم حق يودلك الأحسن على عقلهم بس انت ادرى بحياتك تقدري تاخذي قرار لان انت اللي بتعيشي مش غيرك ماترضي حد على حساب نفسك بذات في الزواج
ورن الجرس
امنية.. اكيد عماد
انا.. لا عنده مفتاح
مشيت فتحت وكان يوسف
انا😂😂 تفضل
يوسف.. 😡انا ديريلي حل مع حماتك كان تبيني خلي نهد عليهم توا وناخد...
انا😂😂😂🤣🤣🤣🤣
امنية😧
يوسف😍. اهلا اهلا
امنية.. انا نازلة
يوسف.. لا وين نازلة ندور فيك في السماء لقيتك في الوطا
امنية.. شن تبي بسرعة بنروح
يوسف.. انا بنتقدملك رسمي وانت بتوافقي 😊
امنية.. والله
يوسف.. والله
انا😂😂😂😂
يوسف.. اي المهم انا قاعد بنتغدا هنا وبنكلم عماد والباقي ساهل
نزلت امتية وهي ملخبطة سكرت دارها وقعدت تفكر وتفكر وتفكر
روح عماد وتغدينا وبعد الغداء مشيت نرضع في جاد
يوسف.. عماد نبيك في موضوع
عماد.. من امتا انت مؤدب هكي تقول شن تبي بلا جو رسميات مش ذالع عليك
يوسف.. به مادام هكي انا نبي نخطب اختك
عماد😲😳.. شن
يوسف.. زي ماسمعت وعارف ان صاعب مطلق بياخذ بنت صغيرة بس نصيب وانا مانلقاش خير منكم وانت تعرفني ياعماد وتعرف تفاصيل طلاقي
عماد.. صح بس فاجأتني الحق
يوسف.. يعني انت موافق
عماد.. انا ماعنديش مانع لان نعرفك راجل وتحافظ عليها بس امي وبوي صاعب
يوسف.. تم تبي نكلمهم ماعنديش مشكلة
عماد.. لا توا نتصرف انا
يوسف.. تم ياقلم
روح يوسف ودخل عماد لقاني راقدة وانا نرضع في جاد
عماد😂😂😂 غزل حبيبي نوضي
فتحت عيوني.. شن تبي
عماد.. شوفي منظرك
انا😱.. ياسخيف وانت تتفرج
عماد.. مرتي راه مش صاحبتي🤣
.
منى طلعت من المستشفى وحالتها النفسية تحت الصفر اطلقت رسمي وشعبان تزوج غيرها وهي عندها مشكلة في كليتها وقاعدة مريضة
.
يوسف جريء مشى كلم عمي بو امنية وحكى معاه وخلاه يقتنع وكل العيلة وافقت الا عمتي
.. هذا ماناقص بنتي الوحيدة نعطيها لمطلق
امنية.. تعرفي يا ماما واقسم بذات الله لو ماتوافقيش لما ندير شي في روحي😭
عمتي😱 الحق فيا نبيك تاخذي اللي يستاهلك
امنية.. يوسف كويس وانت بروحك تحبيه ومقتنعة انه راجل وسيد رجال علتش هكي
دخل عمي وامنية تحشمت دخلت
عمي.. انا موافق
عمتي.. كيف ياحاج هكي راس بنية عندنا
عمي.. والراجل كويس ونعرفوه من زمان مستشار قانوني وسمعته زي المسك اخلاق وعلم ووضعه متريح بزيادة شن يعيبه ان طلق وعنده بنت ماهو حتى ولدك عامر قريب طلق وهو عنده بنت شن بعدين نقولوا ولدك ماينفعش وبتاخذيله مطلقة او ارملة هذا عمره ماكان عيب لان نصيب ومافيش حد يضمن روحه
عمتي.. ديروا اللي تبوه 😒
وافقوا واخيرا على خطوبة يوسف وامنية و2 كانوا طايرين بالفرحة يوسف غير حوشه كله ماخلا فيه شي قديم وامنية بدت تجهز في نفسها لان العرس بعد شهرين وعقاب ليوسف قررت ماتكلماش بكل لين يتزوجوا وهو حاول يجيها في الصيدلية بس كانت ترفض تطلعله وتهرب منه لين فقد الأمل
ووصل العرس
انا فرحانة اكثر منهم لان مافيش احلى من شعور تنزفي لحبيبك مادرناش اهلي ماداروش عرس وشيابيني بيدروا يوم في الصالة بس
لبست امنية فيلوها وطلعت تحفه ويوسف كان فرحته اكثر منه هيجنا ورقصنا وكان عرسهم احلى عرس نحضره في حياتي فعلا المناسبات على قلوب اماليها ودخل يوسف للصالة وكان طالع احلى من عرسه قبل
قرب من امتية باس يديها وعضها عضة خفيفة عليهم.. حسابك بعدين
امنية.. تحشم الناس تشوفلنا
يوسف.. هيا بنروحوا
امنية.. لا بنصوروا قبل
يوسف.. ايييح شن بيفوته هيا الدقيقة سنة عندي
صوروا مع بعض لقطات حلوك وطلعوا روحوا
في السيارة امنية تبكي
يوسف.. خيرك علاش تبكي
امنية.. نبي حوشنا
يوسف.. حاضر توا نروح بيك
امنية.. بجد
يوسف.. اي وامتا تهدي نجيك نروح بيك
لين وصلوا ونزل يوسف وقامها
امنية.. غشاااش لا لا نبي حوشنا
يوسف.. اسكتي درتيلنا العار
دخلها للحوش
امنية.. نزلني
رفعها يوسف للدار ونزلها
امنية.. برا برا اصلا زعلانة
يوسف.. عيونك انا اللي زعلان شهرين لانشوفك ولا تردي عليا
امنية.. مفروض سنة
يوسف.. اي به اهو بننتقم منك الليلة
امنية😱
ضحك وطلع
سكرت الباب بالمفتاح وبدلت الفيلو دوشت ولبست روبها قصير وناعم وفتحت شعرها داراته على جنب ومكياج خفيف وطلعت
لقت يوسف مبدل حوايجه مجهز العشاء
يوسف.. لا هكي مش حايصير من عشاء ولا صلاة
امنية.. 🙈 يوسف خلاص
يوسف جبدها في حضنه وهي بتموت من الحشمة
يوسف.. انا اليوم اسعد انسان لانك جنبي
امنية.. حتى انا
يوسف.. ااااه يامونتي ياريتني عرفتك من زمااااان
امنية.. امتا بتجيب لينا
يوسف.. امي بتخليها عندها
امنية.. كيف يعني
يوسف.. تبي تربيها واصلا حنا وياهم حوش في الحوش
امنية.. لا جيبها هنا من غدوا
يوسف.. علاش😮
امنية.. مانبيش نحرمها منك ومن جو العيلة ساد امها سيبتها
يوسف.. تدوي جديات
امنية.. اي ولو تحبني من غدوا تجيبها هنا اصلا هي صاحبتي بش لما نزعل تعضك
عضها يوسف في رقبتها.. ياحظي بيك وخلاص
مشوا صلوا وبدوا حياتهم الزوجية مع بعض
وجاب يوسف بنته بعد اصرار كبير من امنية وكانت كأنها بنتها ويوسف يحب امنية بشكل مش طبيعي عايشة معاه عيشة مرتاحة وكلها حب في حب
#تمت
العبرة في الرواية ان عمرك ماتهملي حوشك وزوجك في سبيل ترضي الناس غزل لهت في حوش شيابينها وهملت راجلها فترة لدرجة ان كان بيخونها بس بسبب عقلها وحكمتها ماقدرش ونقضت زواجها في اخر لحظة لان لما الزوج يلقى كل شي في حوشه مايشوفش برا ولو شاف يبقى قليل اصل لان 80 % من الرجال بعد زواجهم تجيهم نزوة وكل واحد وعقله
الثقة لا يمكن تعطوها لشخص لا صاحبتي ولا شي لان الثقة في الرسول والرسول مات منى سببت كوارث في صديقة عمرها بسبب الحقد والحسد
السحر الشي اللي منتشر هلبا في السنين الأخيرة هذا كفر وشرك بالله وجهل ويولي على صاحبه في الدنيا قبل الآخرة
الحب من طرف واحد قصة كبيرة وموجعة بس شفناه بطريقتين امنية اللي حبت يوسف في الأول من طرفها بس فضلت تسكت وتسلم امرها لربي بعد ماسعت وفشلت بس لما امنت بالنصيب رضت وقعدت تدعيله بالسعادة ربي عوضها
ومنى حبت من طرف واحد بس خشت في طريق ثانية قريب دمرت حياة صاحبتها وفي الأخير ربي خذا لغزل حقها وانتقم منها
حسبي الله ونعم الوكيل كلمة المظلوم اللي مافيش بينها وبين الله حجاب فكروا كويس قبل ماتظلموا لان ربي مع عبده المظلوم
الساكت عن الحق شيطان اخرس ماعمركم تشوفوا الغلط وتسكتوا لان هكي انتم شركاء في الجريمة ورحمة بسبب سكوتها قريب خربت بيتها وطاح القدر بينها وبين زوجها
اخيرا النية والأصل الكويس تغلب كل شي غزل ماعمرها طولت لسانها على عمتها رغم مواقفها وهذا دليل على التربية وصح تلشخص مايكونش ساذج بس كل شي باحترام ..
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
