رواية قاتلة ابي الفصل الرابع عشر بقلم بنت الشيخ ترابية
بقى يتمشى دايري ويحوم بس على كيف يمشي وهذا الي وترني صوت الحذاء بالكاع وبقى يدندن بصوت كلش ناصي زعجني اكثر بسرعه صرخت وهو وكف
كدامي
كااااااااااافيييييي
ايهم: احجيلي هسه
هنادي: شحجي؟
ايهم: احجيلي كل الي زاعجج وبالتفاصيل
هنادي: ماكو شي والله بس صايره اضوج من هيج اصوات توترني حييييل
ديريد يحجي طلعت زينب : ماهر يكول خلي نروح علمود نبدي نجهز من وكت
ايهم: كوليله يجيب البقية ويجي انا ماخذ هنادي ورايح
زينب: صار
: كومي وياي يلا
كمت بدون ولا حرف لانو انا اريد اطلع اختنكت حيل
نمشي بالشارع والارهاب قلو بتكريت ماكو يعني موجودين لكن بنسب قليييييييله وسوالف الاعتداء والقتل العلني والجثث المشمره بكل مكان بسبب كثرتهم وقتلهم الحمدلله كلشي ماكو والاوضاع تمام
بس رغم هذا بعدنا نخاف على الي شفنا بعيونا
ايهم: دخلي للبيت وكعدي بالصاله دقايق واجيج
دخلت وكعدت بالصاله انتظره اجه وجاب وياه ساعه صغيره وسلسله طويله وبيها مثل الكره زرقه بالنهايه جبيره .. كعد كدامي
ايهم: اذا حاولت انومج تنويم مغناطيسي هسه.. حتنامين؟
هنادي: ماحب هيج ... لونها يزعجني ايهم
ايهم: لونها لون جدًا طبيعي
هنادي: الالوان الغامقة ايهم تزعجني حيييل وخررررها
شمره على القنفة يمي وجاب الساعة ...
ايهم: ركزي بيها لترفعين عينج عنها
هنادي: بس
ايهم: ركزي وبس
ركزت بالمَيل مالتها .... شوي شوي يمشي والصوت بمخي صعد تأذيت حييل وعرقت گصتي وبلشت ارجف وابلعم والتوتر بين عليه
بسرعه شالها من كدامي
ايهم: شكد صارلج؟
هنادي: مادري
ايهم: من شنو صار هيج؟
هنادي: من بلشت اشوف جرايم الدو١عش هيج صار بيه
ايهم: وتعرفين شنو هذا؟
هنادي: لا ماعرف واخاف احجي ويكولون مخبله
ايهم: احجيلي
هنادي: بلشت احجيله من البدايه وحجيتله على الجلخه مال ايدي وعلى وكعة الدرج
ايهم: تخلص خطبة اخوج واخذج انا
هنادي: وين؟
ايهم: اعالجج
هنادي: شتعالج
ايهم: حسب التصرفات الي تسويها والي يصير وياج وخوفج من هل الاشياء فـ حاله نفسيه ولازم علاج
وبما انو انا دكتور عام اعرف للنفس لان قاري كتب ومطلع عليهن فـ انا اعالجج بعد خطبة اخوج نبدي علمود نمشي بسير واحد قبل لا حالتج تزيد
هنادي: يعني انا مخبله؟
ايهم: اكييييد لا بس عقلج الباطن مريض بسبب الاشياء الي ديشوفها والي شافها.. شي جـًدا طبيعي
هنادي: خايفه ايهم
ايهم: ماكو خوف شي كلش عادي حتى مايتسمى مرض
هنادي: مو انت مامجربه
ايهم: ليش انا صارت بيه حاله نفسيه بسبب اجدادي حتى طلعت مصلخ للشارع واركض مثل المخبل
صارت وصارت وصارت وياما وياما تأذيت وانضربت وغيرها المهم صارت الحاله النفسيه عندي بسبب العنف وصارت اقوى من حالتج
هنادي: احجيلي جزء
ايهم : وصلت بيه الحاله النفسيه اشوف هياكل
هنادي: هياكل شنو عززه؟
ايهم: هيكل بشر ... جنت انام جوه الجسر
وجنت اشوف تالي الليل هياكل بشر وبسرعه انام
بالحاله النفسيه حاولت انتحر اكثر من مره
حاولت آأذي نفسي اكثر من مره واصحصح باخر لحظه
جنت اذا اشوف دم اتخبل وابقى اصيح لان من جانو يعنفوني جنت انجرح ويطلع دم ويعوفوني بدمي يوم يومين ميخلوني اسبح ..
هنادي: انا هسه من كد مايلبسون اللوان غامقه صرت اخاف منهم والدم الي شفته حيل يخوفني هسه
ايهم: هنادي جنت اغص باللگمه وماينطوني ماي لحد ما اصير ازرك وافحط ولو ينطوني او مينطون
هنادي: وشراح يسوي بيهم الله؟
ايهم: شيسوي اكثر بعد كل واحد بيهم واكف يم تقاطع ويوميه امر عليهم اسلم وامشي حتى فلوس ما انطي وحالتهم حاله ... الله كسرهم كسر ضعف كسرتي
هنادي: تدعي عليهم؟
ايهم: لا ولا يمهم شعليه
هنادي: بعدك مريض
ايهم: تشافيت من الحاله بعمر الـ 22 سنه
كملت دراستي وصرت واسمي بكل مكان وهذا انا كدامج
هنادي: انا هم اتشافى؟
ايهم: واحسن مني بعد ..
هنادي: خلي اسويلك اكل شوي لان انا جوعانه
ايهم: چا انا شكو اذا انتي جوعانه
هنادي: ناكل سويه
ايهم: سوي
ثرمت البصل وحمسته شوي وخليت فوكه طماطه
صارت لاجعه طفيتها سويت جاي وگليت بيتنجان اله لانو يحبه وخليت فوكاه سماك وملح شويه
وخليتهم بصينيه ورحت
هنادي: هاك نزلها بس اجيب الجاي والخبز
اخذ الصينيه مني وكعد بالكاع وجبت الجاي والخبز
هنادي: شوكت الخطبة؟
ايهم: الخميس
هنادي: چا انا وين جنت
ايهم: بگلبي
هنادي: اوووي ايهم
ايهم: وسموي ماحبها هاي
هنادي: ليشششش
ايهم: عيب معناها
هنادي: وشنو معناها
ايهم: الـ اوي هاي ...
شاورني: عزززه وانا دوم اكولها
ايهم: شفتي
هنادي: بس عادي قابل اعلم الغيب خلص بعد ماكولها
ايهم: والله؟
هنادي: ايي والله
گرصني من خصري حيل عطت: اووووووي ايييييهم
ايهم: والله
هنادي: ايي غير أذيتني هو هيج
باوعلي
: اي والله غير ع كيف شبيك
خزرني وعاط: لجججج
انداريت شفت ماهر والعائلة واكفين
: يلا تعاااالو اكلو ويايه يالعرررريس تعااال
ايهم: هاي اختك شهرتنا بالمنطقه وحگ علي فضيحه بلاش
زينب: الله عمووو فدوه سويلي لفه بيتنجان وخلي وياها طماطه
سوالها لفه وكعدت يمي ... تاكل وتطلع صوت
: امممممممم يمممه شون طعم
صفن ايهم وهز ايده : يبعد اخوك د*اره هنا
ماهر: ليش شبيهن
ايهم: وحده مخلصتها اوي على كيفك والثانيه تأمأم
ماهر: چا ذاك اليوم اسراء بالسوك شهرتنا العالم تباوع
لزكت بمحل واحد وانا حظي طايح طالع من الساعه 5 الفجر علمود نتسوك انا وياها تالي لزكت بمحل ملابس وبقت للساعه 9 واكفه تشتري گرصتها من زندها تصيح
لككك اخخ لتكرص.. وبتموع خلتني افر اذني واحكها صفح
ايهم: مو بنات كارثه
ماهر: طناطله وعلي
هنادي: هسه اوييي سكتو شهل اللملحه
ايهم: شفت كدامك
هنادي: هسسسه بسسس.. شنبدي شنسوي لماهر ترى مثوله انا
ايهم: انا وياه نعرف شنجهز انتن جهزن سوالفجن الماتخلص
هنادي: خوووش
تهمس زينب بصفي
زينب: همممم اه الطعم يا الله
ايهم: كافي عمي لعبتي نفسي
زينب: هاا شنو؟
ماهر: كافي حبيبتي نجلبتي على الصوت يابعد چبدي لا تطلعين صوت فضحتينا
زينب: اييي صار شبيكم متكلولي
خلصو اكلو شالت الصينيه زينب وغسلتها صعدت لغرفتي دابدل ودكت الباب زينب دخلت وقفلتها
زينب: عادي ادخل واكعد يمج ما اضايقج
هنادي: تعاي يروحي
كعدت على الجربايه وانا بدلت ورحت يمها
احسها تريد تحجي تريد تشكي لزمت ايدها وحجيت
: شوفي زينب احنا لا خوات من ام ولا من اب
يعني منصير شي لبعض بس بما انو عايشه ويانا فـ انتي اختي الصغيره وانا اختج الجبيره ... كل الي مضايقج والي تحسي زاعجج احجيه الي ولا تسكتين
كلشي احجي وبالحرف الواحد انا وياج واساعدج واعتني بيج مثل ما اعتنيت بماهر
زينب: شوفي هنادي انا ماريد ارجع وي امي واريد اخوتي وياي
هنادي: ليش؟
زينب: امي تعذبنا بغياب ابوي .. تأذينا حيل بس ابنها ما تأذي واحنا تضربنا وتطردنا بالشارع على جيه ابوي تدخلنا للبيت ... شوفي مره من المرات تريد تطلع
واجتني لغرفتي طلعتني منها بجره وحده من الشعر وشمرتني بالمطبخ .. عمري 14 سنه هسه واعرف اطبخ واخبز واكنس وامسح واطلع واطب واتسوك واجيب واخلي ... ابوي من يريد يسافر جان يخلي يمنا مبلغ يكفينا 3 اشهر ليكدام ... جانت تشمر ابنها عليه وتطلع وتبقيلي كم فلس بس وتديح ومادري وين تروح وماترجع الا ساعه 3 الفجر
وانا والجهال نموت جوع لحد ما اطلع واخذهم وياي
الي يشوفني يكول امهم واشتري اكل واجيب واوكلهم واعتني بيهم.. مره من المرات لزمتني مره كالت اذا ارمله انا اخذج لابني واتكفل بيج ليش هيج جاهله وعندج جهال وبالشارع لحد ما كلت الها لا انا مو امهم انا اختهم وحالتنا وسط واطلع انا اشتريلهم واجيبلهم
اقتنعت وعافتني .. هنادي كبرت فوك عمري حيل
جنت مدللـه وبس اجت لحياتنا صارت جحيم وكدام ابوي ملاااااااااك نازززل من السما .. ولحد الان من ندخل للغرفه ننام تضربني بخشبه وتكطعني تكطع
هنادي: يمه سوده عليه .. تدرين انا وصلت تزوجني بدون علمي .. يلا الله كريم من يرجعها زوجها ماخليها تاخذكم وابقيكم يمي
زينب: خل اكلج شي هنادي حتى تنتبهين ...
ابوي مسافر وسفرته 5 اشهر يعني ماطاردها
ولا طاردنا اصلا بقالنا مبلغ وسافر كل العاده.. بس هي واصللها خبر انتي هنا والفلوس والاملاك كلها يمج ولبستنا لبس مال شحادين وكالت نروحلها وماتحجون
وامي ناويه عليج تريد تبوك فلوس من الخزنه وتسويلج يا اما سحر وتشلج او تسويلج شي وتنهيج
ديري بالج تاكلين او تشربين شي هي تسوي انتبهي هنادي ملابس اكل اي شي تنطيه الج لا تاخذي
لانو يوميه بالليل اسمعها تحجي وي مره ورجال وتتفق وياهم وعلى شنو مادري
هنادي: الي متدرين بيه شنو بالضبط
زينب: الاتفاق
هنادي: يعني عجيب مو طبيعيه هاي المره بيها شي وحق الله
زينب: فدوه انتبهي هنادي
هنادي: خلص الي عليج بلغتيني وانا اكمل الباقي حبيبتي ... طلبت تنام بغرفتي لانو اذا تنام جوه ماتخليها عاد انا خليت تلفوني الثاني يمها وكلت الها حقفل الباب من تكعدين اتصلي عليه واجي افتحها
ونزلت
حنان: وين جنتي
هنادي: فوك ليش؟
حنان: لا بس ماهر وايهم طلعو... زينب وين؟
هنادي: نامت بغرفتي
حنان: ياا مو هاي الغرفه وكلت الها نامي
هنادي: عادي غرفه اختها مبيها شي .. ورحت للمطبخ سويت كيكه علمود ياكلوها وي الجاي
اجه ماهر ساعه 12 ليل
ماهر: فلك فلكجن هاي هجي من تعرسن يمه ظهري
هنادي: شبيك؟
ماهر: يممممه طلباتها طلباتها هووووواي تكسر الظهر
هنادي: عروسه ومن حقها
ماهر: ايي اي وانتن فالحات بس جبنالك برنه وماملعون بسرگيها
ويصفك..
ولك اصعد والصم حلكك يلا حبيبي
باسني من راسي وصعد..
ثاني يوم نفس الشي تجهيز وتنظيف وتعب بتعب
وايهم ماشوفه ابد ملتهي وي ماهر بكلشي متكفل حتى فلوس التجهيز منه
اليوم ثلاثاء والخطبه الخميس
صارلنا اسبوع نجهز
ساعه 9 الصبح
حنان تلگط خبز وانا جنت اخلي حنه لزينب
اندكت باب البيت
هنادي:منو؟
: انا سليل
هنادي: فتحت الباب وطلعت سليل بوستني ودخلت وانا بقيت صافنه هذي مو جانت سبيه من سبايا د١عش؟؟؟ شجابها يمي اسم الله الرحمن؟
سليل: هل الحلوه مين
هنادي: بت زوج امي.. تفضلي كعدي
سليل: شلونج اخبارج امورج عساج بخير
هنادي: الحمدلله بخير
سليل: چا وين الاهل
هنادي: دنجهز خطبه اخوي الخميس
سليل: وماعزمتيني افا عليج
هنادي: كل الهلا بيج تنورينا
سليل: ياروحي انتي.. اييي وهذا الگمر عرفنا عنك يحلو
زينب: انا زينب بت زوج ام هنادي
سليل: ياروحي عاشت الاسامي
رحت جبت الها ماي وفواكه قدمت وخليتهم يمها
سليل: عليش متعبه روحج هي هل الدقيقتين واروح
هنادي: لازم نقوم بالضيافة
ورجعت الصينيه ولزمتني حنان
حنان: هاي شجابها مو جانت سبيه ولج خاف ارهابيه
هنادي: مادري حالي من حالج هسه دقايق وتطلع
حنان: يالغبره شلون تعزميها على خطبه ماهر صدك تحجين مانعرفها شبيها مابيها شجاج هنادي
هنادي: والله مادري نثولت اخر توقعي تجي يمي وحتى مو من ضمن توقعاتي ..
حنان: يوم الاربعاء بالليل حاولي تتواصلين وياها وكوليلها فصخنا الخطبه .. كلشي يصير يجوز تجي وتكتلنا لو تسوي شي بيوم الخطبه ارهابيه كلشي توقعي
هنادي: ان شاء الله
حنان: دروحي يمها الجهال هناك
رحت يمها وكعدت تسولف
سليل : والله تعب بتعب حياتي وبس انا اشتغل امي تمرضت واخوي اتزوج ومرته الله مايجرعها وابوي هجرنا وراح وخواتي يروحن كل شهر لاربيل
هنادي: شعندهن باربيل؟
سليل: خيه ماكو شغل هنا عاد كلنا نستفاد منهن لا زواج ولا شي وندزهن لاربيل
وصلت الفكره وزينب افتهمت وبسرعه باوعتلي خزرتها ورجعت دنكت وتوكل الجهال
سليل: يلا عاد انا اشيل الزحمه بعد عندي شغل خير من الله وما اضايقج مشغوله انتي
هنادي: حبيبتي كل الهلا بيج
حنان: فلك فلكها خواتها يروحن لاربيل
هنادي: ايي.. ودرت وجهي وحجيت بصوت غير مسموع
الي يسمعج هسه يكول عباده 24س وصلاة وصوم همزين ماجنتي ولحد الان تطلعين وترجعين تالي الليل
شلون بيك يبن ادم يحجوك كوه
زينب: اكلج خاف تجي للحفله اشو مارتاحيت الها احسها مفلفله
هنادي: كلش مو؟ مادري مادري ماعرف شسوي
زينب: الله كريم نفكر بعدين روحي كملي شغل وانا اروح اغسل الملابس
هنادي: تمام حبيبتي ...
كملو شغل وماهر اجه نام ساعه 3 الظهر وكال ساعه وكعدوني اروح اجيب المهر
وانا بعدني اشتغل وافتر ظهري صار ثنين
وكعد ماهر وراح ورجع وللساعه 11 ليل ياله خلصت وظهري ماحس بيه رجلي احسها انشلت
اول مكعدت على القنفه ركضت زينب جابت طشت بيه ماي بارد وخلته جوه رجلي وجابتلي ماي بارد
ورجعت جابتلي ماعون فواكه وعلت السبلت
وكعدت تسوي مساج لقدم رجلي رغم رفضت وماقبلت بس اصرت وحلفتني بأبويه ... ساعه كامله فد ارتاحيت بشكل مو طبيعي
زينب: يلا كومي وياي جهزت الحمام و جهزت ملابسج كومي يلا
رحت وياها مجهزه الحمام والعطر يجنن سبحت وخلصت وطلعت بدلت وكعدت يمي وشسورت شعري وخلت مرطب لوجهي واخذتني لجربايتي غطتني وخلت التلفون يمي وسدت الباب ونزلت
يمه البناااااااااااات فدوه اروحلها..
فتحت تلفوني لكيته داز مسج من 15د
داز : وجهج اصفر كافي تتحركين
دزيت : وين شفتني؟
دقايق ودز
: من اخذت ماهر
دز وراها: كافي نامي ملاكِ
دزيت: تمام لعد تصبح على خير
دز: وانتي بخير چيفتي
ونمت .
