رواية ما ذنبي انا الفصل الرابع عشر بقلم أحلام السعدي
لا تَلْقَ دَهْرَكَ إلاّ غَيرَ مُكتَرِث ما دامَ يَصْحَبُ فيهِ رُوحَكَ البَدنُ فَمَا يُديمُ سُرُورٌ ما سُرِرْتَ بِهِ وَلا يَرُدّ عَلَيكَ الفَائِتَ الحَزَنُ
ــــــــــــــــــــــــــــــــــــــــــــــــــــــــــــ
جابت الصوندة وهية خايفة كلش..
ماما.... ولك مهند والله اتبرة منك اذا لزمتها.
هو أول مضربني علة ضهري. ضربني ضربة توجع كلش. آصف جان ارحم منه. واخوية حسيتها صعبة ونهضمت كمت ابجي.
ضربني الثانية واني اعيط..
حجيت واني اشهك. يعني شسوي كلي شسوي.والله ماسويت شي غلط. جتي امي تريد تبعده دفعها بخفة.
ضربني الثالثة.
خليت ايديه عالوجهي واني ابجي واون من الضرب.
مهند.... يلة طلعي برة لا انتي اختي ولا اني اعرفج.متبرين منج ليوم الدين.
..... َحجيت واني اشهك.مهند اضربني بس لاتكول هيج فدوة.
مهند.... برة مااريد اشوفج.روحي لااكتلج بيدة.
لزمني حيل من ايدي وكومني وطردني برة. وماما وميان يعيطن عليه.
كمت ابجي. ياربي وين اروح وين انطي وجهي اني مااعرف احد. مااعرف بس بيتنه وبيت عمي. وبيت عمي هسة اكيد هم زعلانين مني ومستحيل احد يستقبلني.وحتة بيت آصف مااعرف وينة.ولااعرف عنهم شي. غير اسمهم بيت الصايغ.
كلت بلكت كلبه يحن علية اذا شافني يم الباب.كعدت عالدجه الباب ودموعي ينزلن. اه اه جسمي كلة تكسر كله من وراك ياآصف انشالله ربي لايوفقك ولا تشوف الخير بحياتك. وحوبتي وراك وراك.ياآصف عاليسويتة بية.
كعدت وكل ساعة تمر علية احس تعبت أكثر وأكثر. احس بأي لحضة راح اوكع. لأن شمس حارة نار وحزيران.وعندي فقر دم. واني اكلت قليل من جابتلي هتوف الاكل.
صارت بليل و ما طلع احد من البيت. جانت بطني تأذيني كلش جوعانة هواية.ووجهي احسة نار. من حرارة الشمس.
شفت الباب نفتحت طلع مهند.
باوع علية شافني ونصدم.
مهند.... انتي لساج هنا مو كتلج مااريد اشوفج.
...ببجي.. واني واني وين اروح.مااعرف احد هنا.
مهند.... ليش ماتعرفين بيتهم. معقوله.
..... مهند والله مااعرف. انت ليش متصدكني جنت صدك مخطوفة ترة اني اختك لك مهند تذكر انو اني بنت ياسر تعرف ياسر منو.ولك مو اتصلت عليك وكتلك اني مخطوفه.
دفرني برجلة وراح.
يعني اني بنت لاحول ولاقوة شسوي وين اروح. وين انطي وجهي.
هو بتعد ورة بخمس دقايق. دكيت الباب. بلكت يفوتوني.
ماما... منو.
..... يمة اني شادن.
ماما.... يمة شادن اروحلج فدوة انتي زينة يمة.
خنكتني العبرة من سمعتها شكد تمنيت احضنها.حجيت بصوت مبحوح.أي يمة زينة زينة بس يمة دخلوني حرام اضل هنا وحدي
ماما.... يمة والله ساد الباب مهند مايقبل يطبب احد. شادن من يجي مهند وينام راح اجيبلج رقم تلفون آصف. واتصلي علية. هو عندة رقمة. لأن جان يهدد بي.
..... أي يمة. انشالله. بس ماما اني جوعانة. ومريضة اريد اخذ دواية.
ماما.... بخوف. يمة شبيج ياروحي شبيج كولي.
...... لاتخافين يمة بس محتاجة اكل.
ماما..... صدك كولي والله.
.... يمة والله زينة بس اريد اكل.
ماما.... وين جنتي من صبح ليهسة.
.... بلعت ريكي وكلت. يم الباب. يمة عطشانة هواية.جيبيلي مي.احس راح يغمه عليه.
ماما.... اوكفي هسة بسرعة اجيبلج شي تاكلي ومي.
كعدت انتضرها ودموعي ينزلن. كلش عطشانة وحارة الدنيا. خليت راسي عالباب.
باوعت اكو شي عالراسي. لزمتة وشمرتة. عوعععع مردانة.(صرصور).
لميت نفسي زين وكعدت واني خايفة. كلشي ولا هل مخلوقات يجن علية. يلعبن النفس. سودة بوجهن.
ماما.... يمة شادن.
...صحت بتعب..ها ماما.
ماما..... هذا الماي جبتة ببطل حتة ينزل جوة الباب وتكدرين تشربين.
نزلت البطل ولزمتة شربت مي. لساني عطشانة.
..... ماما... لساني عطشانة اريد بعد.
ماما... أي يمة هسة اجيبلج سودة علية.
...... لااسم الله يمة..
راحت وجايبتلي لفتين وبطل ثاني مي.
اكلت اللفتين جنت جوعانة كلش. وشربت مي.اييييه الحمد لله ربي الحمد لله.
ضلت هوايه تحجي ويايه.
...... يوم... اني وين اروح هسة. كليلي هسة خلوني انام حتيلو برة.
ماما..... شبدية يمة كليلي شبدية.من مات ابوج واني مالي سلطة علة مهند وانتي تعرفين كلش زين يسوي الي يريدة. وخاصة هو عرف انو اني بسببي. بس والله اني مالي ذنب. اني ضيعتكم يايمة. ومدااكدر المكم بعد.
كامت تبجي. خلص يمة والله خلص. اني راح روح لأي شخص اخذ تلفون منة. واتصل علة آصف.
.ماما.....لعد ديري بالج علة نفسج. هذوله وحوش بليل. الله وياج لاتنسين.الله يسندج.
...... يمة لعد اني شعندي غير رب العالمين دخيل اسمه.. هو اليسندني..
ماما. شوفي اني اعرف ناس تساعدج وتكدرين تاخذين تلفونهم تحجين ويا آصف. يم الشارع الهام ذوله يشتغلون بمواد غذائيه روحي عليهم.
..... ماشي يمه.
راحت واني من كثر تعبي نمت. ورة ساعة ماادري شكد. حسيت ايد تمتد علة جبيني.
فتحت عيوني بثقل وتعب. لكيت مهند.
اول مشافني فتحت عيوني بعد عني.
باوعت علية ودموع بعيوني.
احجيلة بدموع.حن اني اختك.والله اختك. الي نخطفت..ولي عشت بسببكم. عشت هناك لان كلت راح يجي أخوية ويطلعني من هذا الضلم.
بس للأسف مثل كل مرة.عافني وراح.
اول مرة احس مهند كلبة صدك من حجر.
فات للبيت واني منا احس عكروك (ضفدع) يم رجلي. وصرصر يطير.وعععع يبو الله يخلصني من هل ليليه.
ورة هواية ماادري يمكن ساعة. حسيت ميان تصيحلي.
ميان....شادن.
..... ميان.
ميان.....هاج بسرعة هذا الرقم ودير بالج عالنفسج.واريدج تتصلين عله ماما دائما تطنينه عليج. تعرفين رقم ماما لو ناسيته.
..... لاا عرفه اكيد. ان شاء الله. انتبهي عله ماما ميان مااوصيج.
ميان.... لا تخافين عليها.
نطتنيا من جوة الباب.
كمت نفضت العباية زين.ماا كلكم شلكيت من صراصير وحتة خنفسانات.
باوعت عووووع اني شلون كعدت هنا.
فوكاها جنت كاعده يم شرب (مياة المجاري)
كمت وعدلت حجابي وكمت بتعب كلش.
رحت بعيد كلش حتة لحد يعرفني شفت مكان مفتوح بي هواي شباب.دايحملون مواد غذائية.محل جملة..اي يمكن ذوله.ماما الي كالتلي عليهم.
وكفت شاب يطلع عمرة بال٢٠. كتلة...السلام عليكم.
باوع علية.. وكال وعليكم السلام.. ومسح الطحين بهدومة.
حجيت.... بس بلا زحمة.اريد اخابر زوجي. وما عندي تلفون اخابر بي. بلا زحمة اريد تلفونك اخابر بي ووعد ارجعة الك.
كال.... اسف والله تعذريني ماعندي رصيد تعالي. اشوف هنا واحد عندة رصيد من اصدقائي.
راح لاصدقائة.وجا كال هذا التلفون.
كلهم يبا وعون علية.. احسهم ممصدكين. عبالك حسرق التلفون ونهزم.
دخلت الرقم التلفون. وتصلت جانت ساعة بال١٠...بليل.
تصلت محد رد.. اوووف ياربي.
اتصلت مرة ثانية والعبرة خانتني.بلكت يشيلون التلفون.
كال... ألوو.
احس مو صوت آصف.
.... الووو آصف.
.الحارس....لا اني مو آصف اني حارس مالتة انتي منو.
.... اني شادن.... كلة لآصف يتصل علية من هذا الرقم.
الحارس.... ماشي.
سد الخط واني كتلة للعامل الي نطاني الموبايل.شكرا ماقصرت. بس هسة يتصل زوجي. وانطيك الموبايل.
هو راح كال عادي عيني المهم لاتضلين بليل وحدج هنا الدنيا تخوف وانتي بعد صغيرة.
راح... واني اكول والله والنعم من هيج رجال. يخاف عالبنات العالم. الله يستر خواتة. ويسترنة.
كعدت عالكارتونة. ورة شوية جابولي مي.
شربت مي وكتلهم شكر الله يخليكم.
كال عامل.جوعانة. اذا جوعانة عالحسابي اجيبلج اكل.
بتسمت وكلت لا شكرا تسلمون. ماكلة الحمد لله.
العامل.... الله يسلمج. شتحتاجين اني حاضر..
راح العمال يدخلون الطحين من المحل. شكد صعب والله هاي العماله تكسر الضهر وخاصة المواد الغذائيه.اباوع عليهم كلش تعبانين. شكد ستخطيتهم. خطية..
خوب رمضان عالابواب. وهم بليل يشتغلون.
اني سارحة دك التلفون.
آصف..... شادن.
.....بس حجة هيج صرت ابجي. آصف تعال اخذني.
آصف....اهدئي. شبيج.وانتي وين.
..... اني يم ورشة. اكو محل يم هاي الورشة مال مواد غذائية ومال محل جملة اني هناك.
آصف.... شصاير.
.... هسة تعال واني احجيلك.
آصف..... وين الكه هاي المحل.
..... ماادري اسأل. اني بعمري ما اصلة لهنا.
آصف.... هذا ياموبايل.
..... هذا موبايل عامل. من العمال.
آصف.... بعصبية.. شنوو.
.... أي.
آصف....بعصبية.اجي والله كريم..علكي الموقع.واني اجيج.وشوفي اكو نت.
.... أي.معلوك.واكو نت.
سدة بوجهي. باوعت هذا شبي ليش عصب.
باوعت عالعمال بعد شوية ويخلصون.
صارت ربع ساعة وخلصو العمال.
سدو المحل كلة.
جا علية عاملين وراحو الباقين.
باوعت علية.. تفضل مشكور هواية. تسلم.
عامل.... لاتدللين.احنة راح نضل يمج خاف يصيرلج شي. لأن الدنيا ماترحم.
..... تسلمون الله يحميكم.
ضلو همة بعاد عني ونطيتة التلفون.
ورة خمس دقايق جتي سيارة سودة. عرفتها مال آصف. شكد يحب اللون الاسود. بعمري ماشفته بغير الوان كلة اسود حتة لبسه.
باوع علية وعل عمال. وعقد حواجبة.
كمت وصلت يمة.وحجيت اشو هواية طولت.
آصف.....بعصبية مكتومة. انتي شموكفج هنا متكليلي.شموكفج. امشي.
..... لوما همة جان اني ماادري بنفسي وين.شبيك معصب.
راح مني وسلم عالعمال وتشكر منهم. وراحو العمال..
لزم ايدي وكال امشي.امشي.فضحتينة.
وخرت ايدة بعصبية. شنو فضحتينة.يعني اهلي طردوني بسبب حضرتك.دااحجي وكال.
آصف.... بعصبية. اششششش خلي ندخل للسيارة يله نحجي عيب منا العالم.
فتح الباب الامامية يريدني اكعد يمة. باوعت علية وحجيت بكلبي لوتموت.
فتت من يمة وددافتح الباب لزم ايدي حيل ودخلني للسيارة .
كتلة.... شبيك اني مااريد اكعد يمك.
هو سكت شكد اكره شخص يتجاهلني.
جتفت ايدي بعصبية.
هو بدة يسوق.
باوع علية.... ووكف السيارة بسرعة.
حجيت بعصبيه..ليش وكفت السيارة.
باوع علية ومد ايدة. اني بسرعة خليت ايدي علة وجهي.عبالي يريد يضربني.
باوعت علية بخوف.
هو باوع علية باوع عالراسي ولزم جرادة وشمرها يم المراية.
...... عووووذة هاي شجابها عالراسي.
آصف.... اكيد اذا انتي جنتي كاعدة بالكاع عالكارتونة ويمج حشيش.
نفضت نفسي زين.
حجة..... أي احجيلي شصار
.....شنو الي يهمك..اذا اني وين رحت وين طبيت... ترة كلة من وراك الي جرالي.. وبعمري مارح اسامحك.. وحوبتي وراك وراك. وانشالله ماتشوف خير ابد.عالي سويته بية. ولايوفقك.
هو سكت... واني باوعت عالمراية بقهر وابجي.
آصف.... احجي شصار.
حجيت بقهر.... شنو شصار تعرف شصار بية من الصبح ليهسة. وانت حضرتك مناطيني تلفون ولا حتة رقم اخابر علية.
دايحجي.وسكته كتلة. أول مدخلت استقبلني أخوية رزايل ومو شريفة وعندج علاقة وية آصف وحيوانه والله ياخذج. وبعد تريد ضربني لمن كتله تزوجت.
وكف السيارة.. بعصبية . شنو ضربج.
.باوعت علية بستهزاء. ههه شنو الي يهمك.. أي ضربني وطردني من الصبح واني بالحر.. كاعدة.. يم الباب بلكت يحن علية. ويدخلني بس مدخلني للبيت واني بالجوع والعطش موتني وبالحر. بليل يلة ماما جابتلي مي واكل
.. اكلت وأخذت ماما رقمك من مبايل مهند ونطتنيا.وجيت هنا حتة اشوف واحد منهم حتة ينطيني موبايل اخابر علية.
بس تعرف اكرهك ياآصف اكرهك. ورح اضل اكرهك.
وبعمرك متتوفق بشغلك ولابحياتك. وحتشوف.
جتفت ايدية وباوعت عالمراية واني اشهك ودموعي ينزلن. احس ماعندي طاقة بعد احجي.سكتت.
.
آصف.... اسف. بس معبالي راح يسوي بيج هيج.
اول شي نصدمت آصف يعتذر.
بعدين حجيت بحقد باوعت علية.. شينفع الاعذار كلي شينفع.باوعت عالايدي جنت مضروبة.شوف شسوة بية مهند من وراك. مو بس هاي هه كل جسمي . شينفع الاعتذار. يرجعلي اخوي وأهلي. او يرجعلي ابوية. او يرجعلي ال شهرين الي عشتهن وياكم. مثل السم. وبالاخير.بالاخير اصير فصلية لحضرتك.عله شنو اصير فصليه. مدكلي.
شو انت اختك نخطفت يومين. ماصبرت وتأذيت كلش وخليت مهند يرجعلكياها بكل سهوله. لان عندك فلوس. اهلي ماعدهم فلوس وضلو متانيني ومتانين الشرطه تسوي شي.
كامت تغوش عندي الدنيا واذاني تصوفر وراسي يوجعني.
كتلة... رجاءا تعبانة كلش ومدااكدر حتة احجي اخذني اريد ارتاح.
آصف.... راح اخذج للمستشفى.وجهج اصفر كلش. وعيونج حمر.
.... مااريد تشفق علية.
وصلنة بعد سكوت. لمستوصف.
.... كتلك مو محتاجة.
آصف.... امشي.شوفي وجهج شلون صاير..
مشيت ويا.. لأن ملي خلك اجادل.
وصلنة.
حللنه رغم مو الوكت متأخر.
بس طلعت النتيجه وهم تأخرنه بسببها.
ويجيب مي وكلشي بس ماقبلت اخذ منه.
كال عدها تيفو صاعد كلش من الشمس. وضغط.هم صاعد.
وفقر دم.
راح الدكتور يجيبلي دوا.
واني باوعت عالآصف هذن الامراض كلهن مجانن بية.والله من عرفت حضرتك صارن بيه وتأذيت . تعرف اني اشك عندي سرطان هم.وانشالله يكون صدك يارب واخلص عاد منك ومن ضلمك.
باوع علية... وكال كافي عاد كافي.حتضلين تدعين.كافي مكفاج.
..... أي اضل ادعي.انت الي مكفاك الي سويته بيه.
جا الدكتور وسكتت.
جاب دوة وضربني كانوله بأيدي.وآصف ونطا فلوس.
نطاني علاج مال فقر دم. شربته. ورحنة لسيارة.اول مدخلت نمت بالسيارة.عاد محسيت.عالكلشي.
كعدت لان جنت عطشانة مي.
باوعت من جهة لكيت آصف يباوع علية.
شهكت. باوعت حجاب ماكو براسي ضليت ادور عالحجاب.
آصف.... اهدئي لاتخافين.
.... اريد حجابي. اني وين.
آصف..... بغرفتي.
لزم الحجاب وكال اخذي.
لبستة . وكتلة شجابني لغرفتك.
آصف.... نسيتي.ترة تزوجنة وراح تضلين هنا بالغرفة.
..... آصف والله مالي خلك. ساعة بيش.
باوع عال ساعة مالته. ساعة.بال٢ بليل.
كمت دااطلع. لزم ايدي. وين. شبيج.
.... شنو وين اريد اطلع.
آصف..... كتلج من اليوم ورايح تنامين هنا.شدااحجي اني كردي.
..... مستحيل.. نو وي. فتهمت.
فتحت باب ودااطلع. لزم ايدي حيل وشمرني عالسرير.
حجة بعصبية مكتومة.. كتلج مطلعين وحضلين هنا. لاتخليني اتصرف تصرف ثاني وياج. فتهمتي.خنزر علية.
اني من يخنزر علية كلش اخاف. صدك يخوف من يعصب.
سكتت.
آصف.... يلة كدامي أشر بعيونة. نامي.
بلعت ريكي ونمت من جهة..
هو جا نام يمي من جهة الثانيه.
يمة كلبي حيوكف.
...... بس اني مااريد انام يمك.
آصف..... اششش ترة نعسان سكتي أريد انام.
سكتت ونوب شهكت.
آصف.... خير ياستار.
..... انت شلتني كدام الكل بالسيارة لو شنو.
آصف.... أي شلتج.شسوي انتي نومج ثكيل وبعدين الكل عرف انتي زوجتي صرتي. فلا تخافين. ونامي عاد..
بلعت ريكي.
آصف.... لاتخافين. مارح اكرب يمج. اصلا مستحيل تصيرين آلية مرة.
... علأساس اني ميتة عليك ودااركض وراك.
بشكل مفاجأ تقرب مني حيل.نضراته كلش تخوف..
آصف..... شششش اسكتي مااحب احجي هواية تفهمين.. وثاني شي فهد نايم اششش.
حجيت بعصبية مكتومة.وبلة ليش انت محلل عليك تحجي. واني محرم علية.
كام من السرير وكال.شلون اليوم ماننهمد. يبووو اني ورطت نفسي.
...... أي منا وجاي تحمل. انت جبتها لنفسك. اني هواية احجي ومتعود مااسكت ابد.
آصف.... اقسم بالله اذا ماتسكتين راح انيمج بالحمام.
عاد كتمت غيضي وسكتت.
ورة شوية كعدت اشرب مي.
آصف.... خير ماتنامين.
..... داتسمم مي.
آصف.... لعد تسممي ونامي.
حجيت عالكيفي.. حيوان.
شربت مي وباوعت عالفهد مشتاقتلة هواية.
رحت يمة بوستة.وغطيتة زين. لأن الغرفة باردة معلوك مكيف.
ورجعت لمكاني. اوووف اول مرة انام يم رجل غريب.
شهكت مره ثانيه.
صاح اليوم مانام احنه نقضيها شهكات.
..... منو غيرلي ملابسي.
آصف..... شمايل.
..... احلف.
آصف... والله شمايل. اذا ماتصدكين اسأليها بس خليني انام.
شويه وكال شادن.
..... همممم.
آصف.... هوايه ضاربج مهند.
غمضت عيوني بألم. لا ثلاث مرات.
آصف.... بس شمايل شايفه جسمج وضاجت وحجت عليه عبالي اني مسوي بيج هيج. وكالت جسمها كله مزورك.
..... شيهمك انت.
سكت ماحجه.
نمت بسرعة جنت نعسانة هواية.ومارد عله سؤالي.
كعدت لكيت دايلبس بقميص اسود.
اوووف شكد تحب الأسود حتة البنطلون اسود.
كمت ورتجيت عالسرير.
هو باوع علية من المراية ونوب خلة عطر. وكال كعدي فهد.وثاني شي نزعي الحجاب. ترة اني شايف شعرج ومن زمان.
تذكرت اول مرة جابني بيها وكل مرة يدخل للغرفة بدون ميدك الباب.
سكتت مريد من الصبح اتعارك.
طلعت من الغرفة ورحت لغرفة هتوف وشمايل..
طلعت هدوم منهن.. ودخلت للحمام.
سبحت وبدلت وكعدت امشط.
هتوف.... ببسمة. صباح الخير. شتسوي مرت أخوية هنا.
.... صباح النور. هتوف.اششش لتسمعيني كلام من الصبح.
شمايل..... صباح الخير. صدك شتسوين هنا. اليوم اول يوم الج بغرفة آصف.
.....تأفأفت.. صباح النور. شششششش.
ثنينهن ضحكن..
كامن يمازحني واني مالي خلك. عفتهن واني روحي مختنكة.
باوعت خدامة صاحتلي.
خدامة.... اسفة مدام.بس آصف ينتضرج بالغرفة.
.... حجيت. بعصبية...اي جاية.
رحت لغرفتة..
جان فهد بحضن آصف. كاعد يلعب ويا.
اول ماشفت فهد راحت عصبيتي.
جيت يمة وشلتة. بوستة. وضحكلي.
آصف.... لا تشيلي يتعود. عوفي بالكاع.
باوعت عله آصف..وعقدت حواجبي. ونطيتهيا.
آصف.... روحي سويلنه ريوك. الكل متريك. وكاعدين قبلنه.
...حجيت. خدمة ثانية سيد آصف..
خنزر علية وكال روحي.
رحت سويتهم اكل. اني بعيدة كلش عن آصف من اكل.
شفت فهد يمشي منا ومناك وميخلي شي ميوكعة.بتسمت لمن باوعت علية. ياربي والله عبالك ابني. اموت علية.
باوعت عالآصف. يباوع علية.
اني دنكت..شلت الاكل وكملنة.
عمة ملاك سوت دولمة وبرياني.وتشريب اصفر واحمر. علمود طلعة عمة حوراء.تعالي جيبي هذا وجيبي ذاك. واحفري ودكي وخلي بطاوة..
كلة اني وشمايل وهتوف. سوينا.هية بس حشت بطن الدولمة.
متنه موت.. والمطبخ صار نار يجوي جوي من الجدورة الي مخليهن.
ونوب اني مخليه كانوله. والكانوله صاحني آصف حته يضربلي الابره بالكانوله.
وكمت اتأذه كلش وكمت ابجي.
كال شبسرعه اوتت. البارحه خليناها.
... مو جنت اشتغل بالمطبخ علمود طلعه عمه حوراء.
كام يرزلني ويحجي عليه وشالي الكانوله. وكال العصر اوديح نخلي كانوله ثانيه.
سوينة اكل للفقراء هم. نوزعة ثواب لابو آدم وأم آدم..والله اني سويت وياهم الاكل علمود ام آدم مو علمود ابو آدم.
وخدامتين يغسلن ويانة.بس ماتحملت الحر.
كعدت بالصاله.ورجلية ميحملني من التعب.
جانت ساعة بال١٢.
جتي عمة ملاك... ولج كومي هو انتي شسويتي كومي خلي نكمل.
.حجيت بتعب... عمة ملاك والله تعبت رجلية مدايحملني.
عمة ملاك.... وعم عمة انشالله . كومي كومي لااكول لاآصف. ترة انتي خدامة وبس نسيتي نفسج فصلية.
باوعت عليها بحقد.وكلت بعصبية. لا مانسيت. بس ارحموني اني مريضة وتعبانة. شسوي يعني انتحر.
عمة ملاك.... شفايتلي انتحري من يوم الي جيتي بي مشفنه من وراج غير المشاكل. حجت بعصبية..كومي.
.... باوع عليها وحجيت بعلو صوتي. مااكوم شتسوين يعني.
آصف.. شكو خير شصاير.. نصي صوتج ولج. زلم بالاستقبال. شبيج.
عمة ملاك....بصوت عالي وصوتها يلعلع . والله ماتريد تكوم تساعدنة من الصبح ليهسة كاعدة..
باوعت عليها بصدمة.... حجيت جذب والله والله جذب صالي ساعة بالمطبخ وياهن. بس تعبت وجيت شوية ارتاح. وبعدين اكوم.
آصف..... خنزر علية. وحجة بعصبية. كومي وياها كومي.
باوعت بحقد عليهم.
كمت بعصبية... وشمرت مزهرية جانت بلاستيك. بدون ورد.
كام يحجي علية. ادبسزز. يرادلج تربية. وحقيرة. إني اعلمج.
كتمت غيضي واني اسمعه. احس داافور افور من جواتي.
وهاي عمة ملاك تحجي هم علية وتدعي.علية.
طبيت للمطبخ واني بس احد يحجي وياية ينزلن دموعي.
باوعت علية شمايل وهتوف.ورتيل وكالن.. روحي رتاحي مبين عليج تعبانة.
...ببجي مااريد هسة ثنينهم يهيجون علية.
كمت اشتغل بحركة وبقهر. سويت زلاطة هواية.
شوية. وجتي عمة حوراء. كلنة سلمنة عليها. واليوم يوم خميس يسون عزيمة.
واني رجلي غدت عودة.
صبينة بصواني.. وكمنة نوزع للعالم.بالبيوت.
ونوب عمي مالك هواية عزم أشكال وألوان. يمكن عزم بال٥٠ واحد.تعالي جيبي ودي.ادم يودي بالجاي وبعد يريدون.
المطبخ صار عبارة عن اماعين كلها موصخة. والله بعد مكدر اغسل.انوب خطية حتة الخدم ماتن.
وعمة ملاك بس كاعدة جيبي هذا ودي ذاك.
وآصف يجيب ويودي بالصواني.
مخلصنة العزيمة الا ساعة بال٤ العصر. وكملنة المطبخ..كلة.
كملنة كلنة وهلكنة من التعب. وحتة تصيح اخ ضهري وأخ بطني وأخ وأخ وجوعانين.
صبينة كل وحدة بمواعين واكلنة.اخذت دواية ونمت.
من الوجع الضهر والرجل كلسا اكعد.
كعدت ساعة بال٧. المغرب..
هم رحت سوينة عشه اني وشمايل وهتوف وكعدنة ناكل.
والله كلش نقهرت عالخدم. عاد ستأذنن عمي مالك وراحن.
نمت ساعة بال١٠. وآصف هم نام من وكت هو هم تعب كلش .كعدت عالصوت انين.
باوعت عالآصف لازم رجلة حيل ويكول اخخخ رجلي.
طفرت بسرعة.... شبيك آصف.
باوع علية وكال اكو شي عضني.جان وجهة احمر حيل. من كثر متوجعة.
باوعت ماكو شي. نوب كام يبجي فهد.
فتحت الضوة.... لكيت حية كلش جبيرة. احس رجلية معاد يحملني..
وآصف ميت من الوجع..
رحت.... اصيح واعيط..ادم عمي مالك. وينكم.
عمي مالك..... ها شكو شبيج.
ادم. طلع عاري الصدر.. ستحيت منة .. ونوب مهتمين حجيت بخوف.
.... آصف عضتة حية تعالو بسرعة..
