رواية لماذا انا الفصل الرابع عشر 14 بقلم عبير السراي

معقولة بديت احبهة....لا..لا..لا..لا..مستحيل... شنو ديصير...

 اني احب هيج واحد.. وغطيت راسي وغمضت عيوني محسيت الا الصبح ..كعدت لكيته نايم

نزلت...صباح الخير:

الكل؛؛صباح النور...

ام عمار:؛تعالي يمه تريكي...

محمد:: علي مكعد... 

اية:: لا والله عفته نايم...

محمد:: رحمه لوالديج  كعدي عندي شغلة وياه...

اية:: ادلل....

صعدت لعلي لكيته كاعد... 

اية؛احم....امم محمد يريدك...

علي:: اية تعالي...

اية:: نعم...

تقرب مني ولزم ايدي....

علي؛؛ اسمعيني مريتي...

اية::(رفعت حواجبي بتعجب) نعممم 

علي:: اي مريتي عندج مانع..اسمعي.. منا وجاي. سالفة 

حتى السلام شايلته بينه هااي شيليهة مااشي..

اية؛؛يعني شنو...؟

علي؛؛يعني اذا صبحتي او مسيتي  او فتي...من يمي..بدون سلام... فاني اتصرف بطريقتي...

اية::يعني شنو بطريقتك... 

علي::يعني..بماانو انتي مرتي..والي حقج عليج..فمن اشوفج تتعديني بدون سلام فاجرج من ايدج واخذ العوض...

اية؛؛عوض شنو...

علي::عوض السلام...يعني حسب اليجي على بالي. احتمال بوسة او حضن اكثر حسب مزاجي...

اية؛:اهااا لعد اكولك من هسة سامع بالكطنه وشيلهة من اذانك..... اني مااشتغل حسب مزاجك...

علي؛؛ اكولج شي .. لا تختبريني ترى انتي تخسرين 

اية؛؛يعني تهددني...

علي امممم بكيفج... اذا تشوفينهة تهديد...اوك اهددج..واعتبري من هسة بدا التنفيذ وبماانو انتي.. مسلمتي. ..اذا.....

(وبدا يتقرب عليه)... لازم تتعاقبين....

اية؛؛ علي شوف هااي سوالفك بطلهة..ترى والله ..

..اصرخ والم البيت كوله...

علي؛؛  صرخي اني اريدج تصرخين...اني اعرف شلون اسد حلكج.. البارحة بأيدي...هالمرة....... بشفايفي..  

اية::اووك اني اسفة ....هسة انته كتلي ...بعد اسلم...بس كافي...

علي؛؛عفية عليج. وهسة شنوو.

اية.:شنوو مو كتلك  والله بعد اسلم...

علي؛؛ قصدي شنو ردتي...

اية؛؛ اهاا. محمد يريدك..

علي؛؛ اووك تفضلي كدامي...

اوووف متت يربي هذا اكيد مو صاحيي

كعدنه نتريك..بس.مكدرت اخذ راحتي  .لان نظرات علي قلقتني...

كمت على شغلي البيت نظيف بس شغل المطبخ لان

 حنسوي الغدة. والخطار على جية...

اجتي لمياء اخت علي...وسلمت علينه...

بدينه شغل بالغدة ...عمتي تطبخ مركة لحم وتمن برياني ... وسمك مسكوف..

وبديت اني ومنى نثرم بالخيار والطماطة....

وعلي كل شوي جاي بحجة حتى البنات..انتبهن عليه

علي؛؛ هاا عيني كملتوا...بعدكم..

مها؛؛ شنو عيني ابو حسين مضيع شي بالمطبخ...كل شوي تدور...

علي:: هاا لا شمضيع. يعني ميصير ادخل لو شنو 

مها::لا عيوني ادخل كل الهلا بيك بس كلت حتى اساعدك...

علي::لا مشكورة اني اذا اريد شي اجيبة يعني اجيبة وماعندي شي يضيع....الشي اللي ميصير لغيري ....تمام...

مها:: تمام ...

طلع علي و مها ومنى يباوعولي ويضحكون...واني مثل الاطرش بالزفة ...

منى؛؛شبيج. انسطرتي...

اية::اني...ليش .

مها؛:يعني مفتهمتي شيقصد...

اية؛؛شنو يقصد..

مها:: خب حظي صدك تحجين...

منى :: حبي يقصدج...يعني يريدج اله وبس واكيد يحبج....

اية؛؛هااا..

دخلت عمتي ولمياء......

يله يمه همن اديجن..حتى تخلصن من .وكت.وتجهزن نفسجن...

صار اذان الظهر ورحنه نصلي..وزاد الخطار. 

 رحنه ركض حتى نجهز الغدة وبدينه بتحضير غدة الزلم 

قسمنه السمك والتمن... والمركة...والطرشي والزلاطات..  واجه علي وكيان واحمد .. حتى ياخذون الاكل... واحنه ننطيهم ويوصلونه...

.لحد ما اخذت ماعون داانطي واجه علي واخذة مني.. بين مداياخذة لمس ايدي... واني طفرت...بقيت واكفه على جنب لكن مرتبكة ...

كملوا الاكل وراحوا الولد وبدينه بغدة النسوان ..وكملنه 

الغدة وبدينه نغسل المواعين

كملناهن بسرعه وكلمن توجهت لغرفتها تحضر نفسها

..رحت ركض للغرفة..فتحت الباب وجان الكه علي بوجهي....

نبهرت بشكله.. جمال اناقة.محسيت بنفسي.. شلون صافنه عليه..

 لابس قميص ازرق سماوي فاتح.. نص ردن والردن ضيق بحيث بارز عضلاته... وبنطرون قماش ابيض على رصاصي فاتح..

..شكله فدددشي.  وعيت على نفسي يتبسم بوجهي..

دنكت...

علي؛؛احنه شكلنه....وين سلامج. 

اية؛؛هاا اسفة... مرحبا علي ...هلوو.علي.. ..مساء الخير علي...بعد لو كافي....

علي::بس لو وياهة ابتسامه. يكون افضل...

اية :: الابتسامه.. تجي من القلب ...من القلب يفرح صدك الشفايف تبستم. لا اراديا...

علي::وان شاء الله يجي يوم وافرح هالقلب 

اية:: اها بس اني مجنت اقصدك بالكلام..

.علي:: بس اني قصدتج ......هاا قبل لا انسى .

..راويني شنو تلبسين...

اية:امممم

علي؛؛لا تصفنين بوجهي وبسرعه راويني...

اية::شراويك...وليش..؟

علي؛؛حتى اذا معجبني متلبسينه...

اية؛؛اهاا بدينه استبداد الرجل الشرقي....

علي:: ليش تسمينه استبداد ليش متكولين حرص او خوف

اية::لا تخاف امك هي مشتريته الي لو متثق باختيار امك...

علي::منو كلج هي مسالة ثقة...يله بسرعه 

. البسي خلي اشوف...

اية؛؛ شلون البس وانته كاعد...

علي؛؛هذا الحمام والبسي...

اية::مااكدر..الكاع مبللة اخاف يتبلل الفستان...

علي::اني حادير وجهي وبدلي براحتج...

اية؛؛انته تحجي صدك لو تشاقة...اوووف والنبي راح اتاخر...اطلع عااد...

علي؛؛ تمام راح امشيهة هالمرة بس منتظرج برى...

اية؛:مااشي...

طلع قفلت الباب وبديت اختار لان اشتريت اكثر من فستان.....لبست فستان ازرق منفوش...والصدراسود وبي نقش ذهبي... ..احب الذهبي باللبس ..وتقريبا بكل لبسي ...

كملت وبديت بالميكاب...وجان تصيحلي منى..

منى:: وج ايوو استعجلي..بدوا يطلعون. (يرحون لبيت العروس) 

اية:: طلعت اركض ..وج بعدني فدووة 

منى:: لعد شلون... اني هم ...داادور شالي ماكو مشايفته....

اية ::لا والله 

دخل علي. :: وينج شمنتظرات...

منى؛:بعدنه ممكملين...

علي:: كملن بسرعه واني منتظرجن... بس بالعجل... 

منى:: اووك حبي ايوو اجيج اخذ حجاب منج 

اية::اوك...

كملت الميكاب ولفيت الحجاب ومنى نفسي...ونزلنه

 البيت فارغ ...لكينه علي كاعد منتظرنه...

شافنه ووقف يباوع عليه من فوق ليجوة ضل صافن بوجهي...استحيت ودنكت....

منى؛؛ نحن هنا شنو عيني علي اول مرة تشوفها.....

علي؛؛امشي ام الساان

صعدنه اني ومنى بالسيارة سوة ليورة...

علي:: منو كلكم اني السايق مالتكم...وحدة منجن تصعد بالصدر يلللة... 

منى:: يله ايوو اصعدي يم رجلج ..

اية بهمس :: حبي انتي روحي يم اخوج...

علي صعد بالسيارة..:يله ويامن احجي..

نزلت وصعدت يمه..بالصدر..وهو كل شوي ملتفت الي اني ابين اني ممهتمه اله.  

وصلنه نزلت وطبينه ركض...

رحت لعمتي... ومرت عمي سلمت عليهم وبنات عمي... ...وكرايبنه....بعدين رحت لرهوفة عروستنه الحلوة....فديتهة طالعه تجنن ..

شوية كالو اتفقوا الزلم... وبدت الهلاهل...

دخلنه رهف لغرفة عمتي.. منتظرين السيد والزلم ..طلعت 

برة الغرف.

.تذكرت بخطوبتي بنفس الغرفة عقدولنه... اووف بوكتهة جنت جثة وتمشي ...

ماادري ليش  عيوني تدور على علي.. 

وكفت يم الدرج...هو دخل وية السيد بعدين وكف بالباب هو وعمار..

عيني منزلت من علي.. طالع هيبة ضخامته باناقته بوكفته...ياترى انته هم مثلي.. تذكر خطوبتنه التعيسة.... اشوفه مدنك وصافن .. شوية ورفع راسة.. ويباوع بين النسوان لحد مااجت عيني بعينه.. تبسم..بوجهي..راسا دنكت حسيت درجت حرارتي 90° ...

طلع السيد.. وبدت الهلاهل والجكليت .. اليركع.  بالوجه...

دخلنه عليهم..(العرسان)  فدوة طالعين يجننون. 

اشوف محمد خجلان.. ومرتبك. ورهف بعد ازيد منه...

بدت مراسيم الخطوبة... تلبيس الحلقات..

اية؛؛ هاا ابو السان وينه السانك هسة 

محمد:: عمي ياابو لسان تردين تبليني.....

من شفته يلبسهة الحلقة وهي فرحانه... وهو نفس الشي.. حسيت الابتسامه من وجهي اختفت....مو حسد لكن مااكدر امنع احساس الغيرة البداخلي.. ليش اني مو مثل كل البنات...نخطبن حبن.. وتزوجن... ليش لحد الان اصارع بحياتي...

طلعت برى الغرفة حتى محد يلاحظ 

كعدت عل درج افكر ليش بخطبتي جنت بس ابجي... خوف ورعب.. مااحس الا احد لزمني من كتفي...

اية:: هاا امي حبيبتي..

؛: يعمري انتي ليش كاعدة هنا...

اية؛؛ ماكوشي اختنكت شوي ...اجيت اخذ نفس...

عمتي:: ان شاء الله تستعدل حياتج..وتستقرين ويه ابن الحلال...سواء علي او غيرة... اووف لا عبالج بعيدة عنج 

والله قلبي وعقلي كله يمج... 

اية؛؛ بعد كلبي ... لا تخافين الحمد لله مرتاحة والله...

عمتي:: زوجج شلونة وياج...

اية؛؛ زين مابدر منه شي مو حلووو...

عمتي؛؛ ان شاء الله احنه شنريد ... تستقرون بحياتكم

 وكافي لهنا...

اية؛؛ الله كريم...

عمتي:: يله كومي لبنت عمج لا تعوفيهة بهيج يوم..

اية؛؛حاضر. 

دخلنه لكيتهم كملو. وديكومون. محمد طلع . حضنت رهف. حيل.

اية؛؛الف مبرووك حبي.. شايفين كل الخير...

رهف::يعمري انتي ...فديتج....المكيفة بي اكثر من الخطبة نفسها انو اني وياج حنكون سووى.. 

اية؛؛ الله كريم حبيبتي...اكولج باجر تجين .لخطبة منى...مو متجين...

رهف:: واله ماادري اشوف بابا شيكول..

اية؛؛ اووك يعمري بيباي... اممح 

رهف؛؛ بيباي يعمري سلميلنه.   

اية؛؛ هستوة جان .كاعد يمج... 

رهف؛؛ هههههه.

طلعت لكيت علي منتظرني ومنى صاعدة بالسيارة 

اية:: هاا بذاته عفتيني ورحتي..

منى؛؛ لا والنبي دورت عليج ملكيتج طلعت لكيتج كاعدة

 على دررج انتي وعمتج ...عفتج على راحتج..

اية؛؛ ايي صح... 

صعد علي... ومشينه... والطريق كله اني سارحة بعالم ثاني...

منى؛؛ شنو وين سرحانه... 

اية؛؛ سلامتج حبي...

منى؛؛ شفتيهم شلون خجلانين  ..عبالك  مدري شكو هي 

حلقة والبسها شدعوة هالخجل.. كووله وحميدان ابو السان صار دجاجة 

اية؛؛ باجر الدور عليج..

منى؛؛ ههههه الله كريم. شنو شو تحجين كووة بيج شي...

اية؛؛ لا حبيبتي مبيه شي دايخة شوي...

علي الطريق كله ساكت حسيته ضايج.او بي شي....

كملت باقي الطريق واني اباوع من الشباك....

لحد ماوصلنه..والبنات شغلن ديجي.. ويركصن اني صعدت فوك...حسيت مختنه واريد ابجي بس احد يكولي شبيج ابجي....

تمددت عل جرباية... بدون ماحتى انزع الحذاء.. 

والحجاب... 

مكدرت الزم دموعي ... محسيت بروحي ونمت... فزيت 

على ايد تتلمس بخدي طفرت ...

علي:: على كيفج... ماسويت شي...

اية؛؛ هاا علي شرايد مني...

علي:: مرايد شي بس دخلت حتى اغير لبسي...ولكيتج متمددة بس ..

اية؛؛ بس ..شنو..

علي؛؛ بس اكو دمعات على خدودج....

اية اني اسف على كل دمعه دمعتيهة بسببي.. ادري

 اذيتج هووااي. 

بسس ماعرف شلون ابدي وياج صفحة جديدة ...ادري بيج مترديني.. ومتطيقيني...بس اني حبيتج ... وتعلقت بيج....حبيت كولشي بيج...نظرتج خجلج صوتج ملامح وجهج... كولشي بيج ... 

حاولت ابتعد .....حتى الدوام حجه حتى ابتعد عنج. .. لان مااكدر اتحمل رفضج الي... ونظراتج المليانة كره وحقد.....ادري حقج ومدالومج.. لان السويته بيج  مو شوية ...

وادري بيج نقهرتي .. اليوم لان تذكرتي خطوبتنه وعرسنه... 

لكن ثقي بالله ...زعلج وقهرج  على هالشي مو اقل من

 زعلي وقهري ..

واكره نفسي . لان بسببي اليوم التتمناه كل بنت حطمته الج ....

اني مااريد ازيد عليج المواجع.... لكن...اتنمى تنطيني فرصة حتى اعوضج عل الراح كوله...لا تبجين دموعج تحطمني....

اية:: علي....

علي؛؛ عيونة وقلبه..

اية؛؛ اسمعني احنه اتفقنا..وانته انطيتني وعد... انو ننفصل..بعد زواج رهف ومحمد...

 خلي يصير الزواج بذاك.اليوم نحجي بهالموضوع...

علي::يعني اكو امل...

اية؛؛ هاا. انني مكلت هيج... بس...يعني مو وكته

 هالكلام...

علي؛؛ راح اعتبر هذا .. خيط امل...

اية؛؛ علي افهمني .. احنه اتفقنا...

علي؛؛ اوك فهمت..من يجي ذاك اليوم نتفاهم......تمام

 اخذ ملابسة ودخل للحمام ... 

يالله شديصير بيه....احس حرب مشاعر بداخلي...الكره والحقد بداخلي وينه..ليش احس نفسي اريدة ...ليش مرفضته ونهيت الموضوع ليش انطيته امل... اوووف يربي .. احس نفسي ضايعه....مشتتة ...

غيرت ملابسي ونزلت لكيت الخطار كلهة رايحة بس لمياء اخت علي موجودة...بدينه ننظف بالبيت...احس روحي مختنكة...لهيت نفسي بالشغل...  

نزل علي ..وحاولت اتجنبة حتى مااالتفتت اله...كعد يم عمي .والولد.. 

بقينه لليل نشتغل لان البيت جبير وهواي اجو خطار...سوينه العشى وتعشينه.. صعدت للغرفة سبحت ونشفت شعري...ولبست حجابي.. وطلعت لكيت علي... كاعد 

علي؛؛ مرحبا..

اية"؛اهلا...

علي:: اشو حتى عشى متعشيتي ... 

اية؛؛ مااشتهي تعبانه اريد انام...

علي:: اهاا على راحتج... 

اية؛؛ تصبح على خير...

علي؛؛ وانتي من اهلوو..

نمت وكعدت الصبح...لكيته علي طالع...

نزلت بسرعه لان الساعه ب9 ...

اية؛؛ صباح الخير...

الكل :: صباح النور..

اسفه محسيت بنفسي متاخرة...

ام عمار؛؛ لا يمه شعدنه .. 

منى؛؛ حياتي اريدج ترحين وياي للصالون..

اية؛؛ايي تمام حبي ادللي...

منى:: اوك ...ساعه ونطلع علي كال هو ياخذنه...

اية؛؛ ليش هو .وين...

منى؛؛ هو وكيان راحوا يجيبون البنات من ريهام....

اية؛؛ اهاا...

منى:: يله تريكي... 

اية؛؛اووك...

بديت اعزل بالبيت .. طلعت عالكراج والحديقة... دااغسل بيهن. ودخلوا علي وكيان بالسيارة... كيان نزل البنات ورحت اسلم عليهن..

اية؛؛ هلوو ياحلوات

رسل بنت كيان..:: ماما كالت منسلم عليج... لان انتي 

الخليتي بابا يعوف ماما.....

اية؛؛ عزة هاي امج هيج كلتلج... 

كيان::ماتجوز من طبعها. خوية اية امسحيهة بوجهي...

اية؛:لا عادي مصار شي هم اطفال شمفهمهم...

علي؛؛نزل من السيارة...صباح الخير..

اية ::صباح االنور..

دخل كيان والبنات. بقة علي واكف يمي...

علي؛؛ شتسوين هنا..

اية؛؛دااعزل بالكراج...

علي:: ادخلي اكو زلم على جية..

اية؛؛ اسفة ماادري ..

علي:؛مصار شي...

دخلت للبيت..

منى:: يلة ايووو جهزي نفسج حتى نروح..

اية؛؛ اوك تمام...

صعدت لبست صاية سودة .. ونزلت 

طلعنه اني ومنى لكينه علي.. منتظرنه برى... 

صعدت بالصدر ومنى ورى...

 وصلنة للصالون.. نزلنه وصاحلي علي...

علي؛؛ اااية..

اية؛؛نعم ..

علي؛؛ اذا حابة تسوين مكياج او تسريحة ...

اية:: لا قابل عروس... 

علي:: وليش مو عروس... 

طلع محفظته وانطاني فلوس.. 

اية؛؛ صدكني مااريد وممحتاجة فلوس...

علي:: على راحتج..

منى::يله عيني انحمست بالشمس.وانتو تسولفون...

اية:: يله بااي..

علي:: باياات

دخلنه للصالون....لبست منى البدلة ومنتظرين السرى...حتى يسوون الميكاب والتسريحة...

منى:: ايوو تسمحيلي احجي  وياج .بموضوع خاص شوي. 

اية؛؛ احجي حبي قابل غريبه..

منى؛؛ ترى علي صدك يحبج....اكو شغلات انتي متشوفينهة...لكن علي جان متحطم...بسبب اليصار

 ...صدكيني علي مو لان اخوية اكولج هيج..

..لكن علي .. نقي ونظيف من الداخل فووق متتصورين...

حاولي تنطي فرصة يصلح الصار...

اية؛؛ منى انتي هم صرتي اختي. ... مااعرف شكولج .. لكن مشاعري متضاربة مرات احس نفسي اريدة...وعيوني تدور عليه..

 مرات احس نفسي مطايقته.ولا اريد اشوفهة... ماانكر انو بدت تتكون مشاعر عاطفة بداخلي من ناحيته...

لكن.. اوووف والله ماادري اني احس نفسي ضايعه ما اعرف اتخذ قرار ولا موقف... 

وصل السرى لمنى ..وراحت للميكاب... 

واني ضايعة بافكاري... ومشاعري

كملت منى الميكاب .الشعر ..

منى:: اخذي الفون خابري على علي...خلي يجي ياخذنه..

اية؛؛ انتي خابري...

منى؛؛ اني اروح للحمام...

اية::اوك... اخذت الفون واتصلت ع علي ..

اية؛؛ الو..

علي:: الووو.. اية

اية؛؛ هلو. علي  ايي اية..

علي؛؛اوووف ياصوتج اليرد الروح....

اية.::اممممم.تجي حتى تاخذنه...

علي:: غالي والطلب رخيص... 

ايةّ؛؛ اوك منتظرين....