رواية ماخفي كان أكبر الفصل الرابع عشر والاخير بقلم جمانه السعيدي
ميار...فعلا رحت بعت الذهب وسلمته الفلوس
واني كلي ثقه هو راح يزوجني وراح يشتغل ويرجعلي الفلوس والذهب
بلنسبه اليه معتز ثقه وماشفت منه شي يخوفني منه يحبني
ويريد خاطري ويتمنى رضاي
رجعت طلبت منه نزوج لان اريد العلاقه بينا تكون رسميه وواضحه كدام الناس
كلما يجي يمي بلبيت ااكول اكيد الجوارين شافو
واخاف امي تجي بيوم غفله وتشوفه بيتي
امي متصوره اني الي شايله الشغل واي واحد ماكو بحياتي
أهل صبحي جاي يطلعون عليه حجي
ويكولون معتز هذا عشيقها وتريد تزوجه وتخلي بمكان صبحي
بس اني مايهمني كلامهم
جمانه السعيدي
ميار...حبيبي مو جاي تشتغل وفتحت مشروع العمر
ليش ما تتقدملي اريد كلشي بينا يكون رسمي
معتز....حبيبتي غير اكون نفسي ترا مشروعي بعده زغير
اريده يكبر حتى اخليج تكعدين مثل الاميرات
واني اشتغل
ميار....اي نزوج وبعدين كبر مشروعك
معتز....قابل راح انهزم انتي زوجتي ومستحيل
اتخلى عنج
ميار...كان يطمني بكلامه بس هو بلحقيقه مجان ناوي يزوجتي يريد ياخذ فلوسي وينهزم
واني مصدكته مثل الثوله واركض ورا عبالك الزلم
خلصو مابقى بس معتز بس اني احبه
ومااتخيل حياتي من دونه
بعد مرور سنه كامله على وفاة صبحي وبعد مااخذ مني
الفلوس الي بلمصرف والذهب رجع عليه بقصه جديده
معتز...حبيبي هم تعرفين احد يقرضني او احد يكفلني
اريد اسحب قرض
حتى اكبر مشروعي
ميار...قرض
معتز...اي تعرفين معرض السيارات ما يشتغل بالكم سياره الي عندي
ااكيد محتاج فلوس ااكثر مرات احصل سيارات
بأسعار قليله وماكدر اشتريها
مرات سيارات جديده واصحابه محتاجين بيع سريع
لازم اكو سيوله بايدي
انتي شريكتي بهذا المشروع
نص اللج ونص اليه وهذا المشروع الي راح نعيش منه طول عمرنا
ميار...بس اني مااعرف اي احد
معتز....عندي فكره بس لازم توافقين عليها
ميار...شنو هاي الفكره
معتز....ليش ما نبيع محل الحلويات اهل صبحي عينهم علي وانت ما تكدرين تشتغلين بي
بعدين أرباح السيارات الف مره احسن من أرباح
الحلويات ااقل سياره تنباع ربحها مليونين واكو اكثر
شكد تبعين حلويات يله تحصلين مليون
خلينا نبيع المحل ونشتغل بلسيارات شنو رائيج
ميار...بس احنا ما بقى عدنا بس هذا المحل
معتز....وشنو يعني راح يجي معرض السيارات بمكانه
والمعرض يصير ثنيين وتلاثه
واحد باسمج وواحد باسم علاوي بمكان فلوسه واحد باسمي
شنو رائيج
ميار...مااعرف خايفه من هاي المجازفه
معتز...اذا ما مقتنعه اروح اشوف احد يقرضني
لو اخذ فلوس بلفايض
ميار...لا كلشي ولا الفايض راح يضيع الأول والتاالي
وراح نخسر كلشي وخاصه انت جديد بهذا المجال
جمانه السعيدي
معتز....شلون هاي الشغله تريد فلوس هسه اني
مجاي اشتغل
هواي سيارات تجيني بس ماعندي فلوس
هيج راح يخسر مشروعي
ميار...خل افكر
معتز...بيش تفكرين اني وياج واحد ساعديني هسه
واني راح اعوضك بعدين
ميار...كدر معتز يقنعني ابيع المحل والمعمل
مابقى عندي بس البيت كلشي أملكه بعته علمود معتز
فعلا معتز كدر يكبر مشروعه وصار عنده معرض سيارات
جبير الناس كلها تحجي بي
فات سنتين على علاقتنا اني وياا
بعد ماكبر مشروعه بدا يتأخر عليه وبدا مايرد على مكالماتي ويتجاهلني
واذا شفته بلصدفه وعاتبته يزعل مني يكول اني مشغول
اريد ااكون شي للمستقبل وانتي بطرانه
صرت كاعده بلبيت لا اطلع ولا ادخل حتى مصرف ماعندي اتصل على معتز واتعارك ويااا يله
يدزلي مصرف
الحد ماكطع عني فد مره لا يجاوب على اتصالاتي
ولا يجي للبيت ولايدز مصرف اجيت اتخبل من تصرفاته
قررت اروح واشوف ليش يتصرف وياي هيج
رحت علي للمعرض دخلت لكيته كاعد يسولف ويضحك ويا بنيه حلوه ماخذ راحته على الآخر سوالف وضحك
بس شافني ارتبك وهي هم ارتبكت
كالت من رخصتك استاذ عافتنا وطلعت
ميار...منو هاي
معتز...هلو حبيبتي
ميار...منو هاي جاوبني
معتز...هاي المساعده شغلها على المبيعات
ميار...وليش ماخذ راحتك وياها
معتز...هيج نسوالف
ميار...اطردها اني اشتغل بمكانها
معتز...لا مااطردها مو بكيفج
ميار.. اني صاحبة المعرض
معتز...اثبتي انتي صاحبت المعرض كلشي باسمي وانتي كلشي ماللج
ميار...هذا الحجي من يمته
معتز...من اليوم وانتي كلشي ماللج يمي
ميار...تحجي صدك اخذت فلوس ابني وذهبي والمحل والمعمل وتكول كلشي ماللج يمي
معتز...شو اطلعي برا لا ادوخين راسي اني ماضربتج على ايدج انتي الي انطيتيني كلشي بارادتج
ميار...لا مااصدك ووين معتز الي يحبني وين وعد
الزواج
معتز...انتي مخبله اي زواج اني ازوج وحده قتلت زوجها
وسلمت نفسها اليه بكل سهوله
انتي فعلا غبيه اني جنت اضحك عليج
شفتج وحده رخيصه وقررت اضحك عليج
وين اكو واحد يزوج وحده قتلت زوجها حتى بس اضوجين مني تقتليني ورا
اني ماعندي ثقه بيج ابد انتي زوجت صبحي وجنتي
تخونينه وياي قابل اني راح تحافضين عليه
ميار...رجعلي فلوس عبالي ادمي ومشيت وراك
حرامات خسرت صبحي بسببك صبحي جان رجال
سترني وحافظ عليه
حرامات مشيت وراك انت شيطان انت حرضتني اقتله
وهسه تكول انتي قتلتي
معتز...وانتي ملاك مو انتي الشيطان يصفكلج
سويتي كل الأشياء الحرام
بالمختصر انتي ما تفيدني اني جنت محتاج فلوس افتح بيهن مشروعي واخذتهن منج
ميار...رجع فلوسي حرامي ناقص
معتز... اثبتي اني اخذت منج فلوس يله برا اطلعي
وانسي كلشي بينا واذا رجعتي طلعتي بحياتي مره ثانيه
افضحج واحجي كلشي عن مقتل صبحي
احسلج اطلعي من حياتي وبعد مااريد اشوف وجهج مره ثانيه فهمتي لو لا
وهاي الي شفتيها بمكتبي هاي خطيبتي وراح نزوج بأقرب وقت ممكن ولا تحاولين تخربين بينا
لان هيه تعرف كلشي عنج احترمي نفسج واطلعي من حياتي وانتي ساكته اي تهور منج
أفضح الدنيا ودخلين سجن يله برا
ميار...ولله ولله مراح اخليك تتهنى بفلوسي
جمانه السعيدي
طلعت من المعرض واني اغلي اغلي احس النار تطلع من راسي امشي وامسح بدموعي اني معتز يضحك عليه
وياخذ كلشي مني وتالي يكول راح ازوج
وكلشي ماللج يمي
رجعت للبيت جمعت ملابس ابني والشغلات المهمه
وأخذته الامي
ميار...يمه اني راح اسافر كم يوم عينج على علاوي
امي...وين ترحين خل اخوج يروح وياج
ميار...لا شغله كم يوم وارجع
رجعت شفت واحد صاحب مكتب
كتله عندي بيت اريد ااجره بس بعقد حتى اضمن حقي
رد عليه هواي اكو ناس ادور بيوت ايجار
كتله بسرعه لان مستعجله اذا اليوم تسوي فضل
رجعت للبيت بقيت انتظره
العصر جابلي مؤجر خوش رجال يبين محترم
ااجرت البيت علي ست اشهر بعقد وطلبت منه الايجار مقدم وكتله اذا تحب اجدد الايجار بعد ست اشهر
ماعندي مشكله اتفقنا يستلم البيت باجر
اكو مسدس عند صبحي لكيته بلكنتور من اول مامات صبحي لكيته وجنت ضامته
مرخص وجاهز
وياا عشرين طلقه
مليت المسدس طلق وصعدت عل السطح رميت طلقه
حتى اتأكد نفسي جاهزه
لبست تراك طويل ابو الكبوس لبست حجابي
وخليت ااكبوس فوك الججاب ولبست نضارات
رحت بلبدايه الامي بس شافتني هيج استغربت
ميار...يمه ذني مصرف العلاوي علما ارجع ( فلوس الايجار)
امي...ليش لابسه هيج
ميار....ماكو شي فدوه يمه عينج على علي ديري بالج علي
امي....ليش احس وراج شي
ميار...كلشي ماكووو لا تخافين شغله بسيطه اريد احلها
امي...يمه احجيلي شكووو
ميار...يمه بعد مااوصيج على علاوي
طلعت وامي تركض وراي وتريد تعرف شكووو
بس مارديت عليها اسمعها تكول وليد يمه تعال نروح ورا اختك خايفه منها
ااجرت تكسي وصعدت بسرعه ماريد امي تجي وراي
وصلت للمعرض بليل
بقيت اراقب من بعيد لحد ماشفت كل العمال طلعو
بقا بس معتز والمحروسه صاحبته
دخلت علي هو ما منتبه عليه رفعت المسدس وبديت ارمي
علي بدون توقف
صاحبته بس شافتني إرمي انهزمت وختلت ورا المكتب
وهو وكع سابح بدمه
من خلصن طلقات المسدس رحت وكفت فوك راسه
فاتح عيونه وسابح بدمه
ميار....مو ميار الي يضحك عليها واحد مثلك فهمت لو لا
اخذت حقي منك مربع هسه روح ازوج بلعافيه عليك
على صوت الطلق الناس اجمعت واتصلو بلشرطه
كان صعب عليه اطلع من جموع الناس الي واكفه برا
اجت الشرطه اخذتني
اصلا اني جنت ناويه اسلم نفسي للشرطه
بقيت ساكته ماحجيت اي شي
بس صاحبت معتز شهدت بكلشي تعرفه لان هو حجالها
القصه من البدايه للنهايه اخير شي ختمت كلامها
معتز خطبني لان يكول مستحيل ازوج وحده مثل هاي قاتله وك..ح...ب...ه
التزمت بلسكوت لان بعد ماكو شي ينحجي بهاي القصه
ضيعت نفسي من البدايه
من صدكت بسيف ومشيت ورا ضيعت نفسي
بعدين خسرت كلشي من قتلت صبحي
وكمل عليه معتز اني صح غلطانه بس هسه
من قتلت معتز ارتاحيت حتلو ابقى بلسجن طول عمري
مااتندم ابد
انحكم عليه بالإعدام بعدني بلسجن سجن مؤبد
او يمكن فعلا بيوم ينفذون حكم الإعدام عليه مااعرف
اكثر وحده انصدمت مني امي لان مجانت تغرف كلشي
اني سويته تخبلت من عرفت اني قتلت صبحي
ومشيت بلطريق الاعوج ويا معتز
اول فتره من انسجنت كانت امي ترفض زيارتي
بس بعد اربع أشهر اجتني وجابت علاوي حتى اشوفه
عيونها كلها عتب وملامه بس بعد شيفيد العتب
الي صار صار
صاحبت القصه مازالت بلسجن وامها هيه الي ربت ابنها
وتصرف علي من ايجار البيت
هاي القصه وصلتني من وحده كانت بلسجن ويا ميار
صديقتها مقربه منها هاي البنيه خلصت حكمها وطلعت
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
