رواية حب بين نارين الفصل الخامس عشر بقلم ايمان احمد
تعالى شوف بنفسك ياقلب امك دى ال مفيش على لسانك غير اسمها اجوزت البيه وسابتك اسألها بنفسك عشان متقولش بفترى عليها
طارق مشى بخطوات ناحية ندى ال كانت واقفه مصدومه وقال بعدم تصديق
= انتى بجد اجوزتى حد غيرى؟؟
ندى دموعها نزلت ومقدرتش تنطق بحرف فمسكها طارق من ايدها وهزها جامد وهو بيقول
= ردى عليا ياندى قولى ان الكلام ال ماما بتقوله كله غلط ردى عليا بقووو..
وقبل مايكمل كان حد زقه بقوة لدرجة ان وقع فجريت سعاد عليه تقومه اما ندى فكانت لسة هتروحله لكن اتفاجأت بياسين ماسك ايدها وبيبصلها بحدة فوقفت مكانها بخوف
واحدة من صحاب الهام قالت بسخرية: هو ايه ال بيحصل فى بيتك ده ياالهام؟ ومين الناس دى
الهام من الصدمه والموقف المحرج ال اتحطت فيه مكنتش قادرة حتى تنطق
ياسين ال رد بكل برود وقال: عندنا مشكله عائلية فالافضل تمشوا
صاحبة الهام بغضب: انت بتطردنا يا ياسين من بيتك!
ياسين ببرود: اعتبريها زى مانتى عايزة بس حاليا عايزين نكون لوحدنا كعيلة
صحاب الهام مشيوا بغضب وهما حاسين باحراج انهم انطردوا
طارق كان واقف وهو مش فاهم حاجة ومش مصدق انه خسر خطيبته وحبيبته ندى وسعاد واقفه سنداه والغضب واضح على ملامحها
ياسين وجه كلامه لطارق وسعاد: انتم لسة واقفين عندكم مش قولت عايزين نبقى لوحدنا كعيلة ولا الكلام موصلش
سعاد ردت بغضب: فاكر اننا هنموت ونبقى فى بيت ناس رخيصة زيكم يلا ياطارق يابنى شوفنا ال عايزين نشوفه
لكن طارق متحركش من مكانه كان فقط بيبص لندى بحزن وعتاب نظراته وجعت ندى اما ياسين فحس بالضيق
مجدى اتكلم بغضب: ايه المسرحية بتاعة مراتك دى يابيه ومين الناس دول؟
الهام اخيرا اتكلمت بعصبية هيا الاخرى: خليت منظرى قدام ضيوفى زى الزفت بسبب الشحا*ته ال جبتها من الشارع دى
ميرا قالت بشماته وهيا بتتصنع الحزن: براحة شوية ياماما الهام عليهم طب حتى نفهم الاول منها مين دول مايمكن بيستغلوها وعايزين فلوس
هنا ندى اتكلمت بغضب: اخرسى قطع لسانك دى عيلتى دى مرات خالى وده ابن خالى وهما اتفاجئوا انى اتجوزت من وراهم
بصت لطارق وقالت: طارق انا كنت هقولك كل حاجة بس
طارق قاطعها بوجع: ليه ياندى ده انت كنت مستعد اعمل كل حاجة عشانك ليه غدرتى بيا و
ياسين بغضب: بس كفااااية دراما وبعدين انت تبقى اييه بالنسبة لندى عشاان تتجرأ وتتكلم معاها بالطريقة دى؟
طارق بصله بحدة وقال: انا كنت خطيبها وانت ال خدتها منك
ياسين: وهيا دلوقتي مراتى يعنى ملكى انا فياريت المهزلة دى تنتهى حالا هتتعاملوا مع ندى انكم قرايبها وبس غير كدة فمش هيعجبكم تصرفى
سعاد بحقد: احنا خلاص قطعنا علاقتنا بالبت دى بعد عملتها السودا.. ياريت تنسى ياهانم ان ليكى اهل وتنسى ابنى والحمد لله جت من عند ربنا وخلص ابنى منك مانتى شبه امك اصلا
هنا ميرا ال اتكلمت على الفور: ليه هيا امها مالها؟
بص الكل لسعاد فقررت سعاد انها تفضح والدة ندى المرادى فقالت
= ماهى امها كانت...
طارق اتكلم على الفور وكأنه عارف كل ال امه هتقوله: يلااا ياماما كفااااية كدة
سعاد بغل: لسة خايف على سمعتها حتى بعد ال عملته معاك؟؟
ندى دموعها كانت بتنزل بقهر طارق بصلها بحزن وقال قدام الكل: بعتذر منكم على ال حصل من شوية والف مبروك ليكى ياندى
بعدها خد سعاد ومشى
طارق كان عارف كويس ان امه وابوه بيخفوا سر يخص والدة ندى والسر ده متعلق بشرفهم وسمعتهم ورغم وجعه من ندى لكنه قرر انه يحميها لانه حبها بجد وال بيحب عمره مابيأذى بس هل حبه لندى هيتغلب على وجعه ولا هيحصل العكس فيما بعد!!
********************************************
ندى كانت قاعدة فى اوضتها بتعيط ياسين فتح الباب ودخل بغضب
ندى قالت بقهر ودموعها نازلة: يارب تكون مبسوط انت دمرتنى دمرت حياتى ومستقبلى
ياسين تجاهل كلامها وقال بحدة: انتى بتحبيه؟؟
ندى ردت بسخرية: هيفرق معاك؟
ياسين بغضب: اكيد هيفرق انتى مراتى انا ولازم تحترمى علاقتنا قدام الكل والموقف ال حصل ده ميتقررش اصلا ايه ال خلاكى تجيبى اهلك وانتى عارفه ان عندنا ضيوف؟
ندى قالت بحدة: انا مقولتش لحد ييجى ومش عايز تصدق شالله ماصدقت
ياسين بص على هدومها بغضب وقال: وايه القرف ولبس الخدامات ال نازلة تقابلى بيه الضيوف ده انا مش بعتلك لبس تلبسيه؟؟
ندى بسخرية: بعتلى طقم عريان وعايزنى ألبسه؟؟
بصلها باستغراب وقال: عريان! انا بعتلك طقم عريان؟؟
ندى بحدة: وعامل نفسك مستغرب وكأن مش انت ال بعته
ياسين بهدوء: ورينى كدة الطقم
ندى فتحت الدولاب وجابت الفستان رمته على السرير مسكه ياسين وانصدم لان مش هو ال بعته
سكت شوية وهو بيفكر وبدأ يربط الخيوط ببعضها بعدها فهم ان ميرا هيا ال عملت كل ده عشان تحرج ندى اول حاجة بدلت اللبس ال ياسين بعته عشان متأكدة ان ندى هتختار تلبس لبس قديم على انها تقبل بلبس عريان فلما تقابل الضيوف بيه تتسبلها باحراج وهيا نفسها ال جابت اهل ندى عشان تتهان
همس ياسين: كان لازم افهم من الاول
ندى باستغراب: بتقول ايه؟
ياسين: ولا حاجة
بعدها خرج على الفور
اما ندى فقعدت على السرير تفكر ليه مرات خالها بتكره والدتها وهنا خدت قرارها انها لازم تعرف
********************************************
فتح ياسين باب اوضة ميرا بقوة كانت ميرا قاعدة بكل برود متظراه وكأنها عارفه انه جاى
ياسين قرب منها وقال بغضب: ابعدى عن ندى ياميرا وبلاش الخطط الرخيصة دى ده اخر تحذير ليكى
ميرا ابتسمت بسخرية وقالت:
— ليه انا عملت ايه انا ال قولتلها تنزل بلبس الخدم بتاعها قدام اصحاب ماما الهام؟ ولا انا ال جبت خطيبها السابق وامه يفضحوها؟ ذنبى انك اتجوزت خدامه متليقش بمستواك رد عليا يا ياسين؟
ياسين رفع حواجبه بعدم تصديق وقال: كفاية تمثيل انا عارف ومتأكد ان انتى المسئولة عن الشو ال حصل ده اقولك الاكبر انتى كمان متأكدة من معرفتى بكل افعالك
ميرا بغرور: حاجة حلوة اننا نكون فاهمين بعض ياحبى
ياسين بتحذير: ابعدى عن ندى ياميرا هيا بريئة ومش شبهك
ميرا بغيرة وهوس: للدرجادى مهمه عندك وخايف عليها ايه لتكون حبيتها ونسيت حبنا!؟
رد ببرود وقسوة: حبنا ده انتهى من زمان أوي.. من اليوم ال
سكت بوجع بعدها كمل: انتى كنتى مرات اخويا قبل كدة ودلوقتى بقيتى مرات اخويا التانى يعنى اننا نجتمع ده مستحيل
ميرا صرخت فيه: انت ليه بتعمل فيا كدة؟ وليه محسسنى ان ال حصل كان غلطتى لوحدى اقولك على حاجة يا ياسين انت حبيت الكل الا انا حبيت عيلتك ال كانت تعاملك اسوء معاملة ومازالت حبيت اخوك اياد وضحيت بيا عشانه حتى الخدامه ال لسة عارفاها من يومين اتجوزتها وحبيتها لكن انا وابنك كرهتنا واتجاهلتنا ادينى سبب واحد لده؟؟
ياسين حط ايده على راسه بوجع وصاح فيها: كفاااية! كفاية تفكريني بالمهزلة دي الولد ده مش ابنى ابن اياد
ميرا بصلته بتحدي وقالت: لا ابنك انت وفي يوم من الأيام هجبرك تقف قدام الكل، قدام مجدي والهام والعيلة كلها، وتعترف إن إياد هو ابنك أنت، مش ابن اياد أخوك! وقتها بس هيرجعلى حقي وحق ابني منكم كلكم!"
ياسين قال بتوعد: اعملى كل خططك بس مش هتقدرى تثبتى لانه مش ابنى انا متأكد
ميرا بثبات: يبقى ال DNA هيثبت ولا خايف؟
ياسين: مش خايف من حاجة مش حقيقية
بعدها خرج وهبد والباب وراه
وهيا قولت بغموض: هنشوف
********************************************
كان عمار واقف بعربيته قدام المستشفى مستني روفان تخرج. أول ما شافها طالعة، نزل على الفور
اول ماشافته جاى ناحيتها جريت عشان متتكلمش معاه لكنه جرى وراها ومسك ايدها قبل ماتهرب منه
قال بلهفة محاولا اقناعها: روفان اسمعيني بس دقيقة واحدة! والله العظيم أنا متخليتش عنك.. أنا بحبك بس اضطريت ف اليوم ده مجيش حياة اخويا كانت فى خطر وكان واجبى أنقذه تعالى نقعد فى مكان هادى وهحكيلك كل ال حصل
روفان عينيها اتملت دموع وقالت بقهر: انت اتخليت عنى وحطتنى فى موقف زبالة قدام اهلى ال بنفسى عرفتك عليهم ودلوقتى جاى تكدب تانى وعايزنى أسمعك! ابعد عنى ياعمار انت مبقتش تفرقلى
في اللحظة دي، طاهر أخو روفان كان جاى ياخدها وشافهم واقفين بيتكلموا. اتعصب جدًا وجري عليهم وعينيه حمرا من الغضب: روفان! أنتي واقفة مع البيه ده تاني بعد كل اللي عمله؟! هو انا مش حذرتك ولا كلامى مبيتسمعش ليه؟
عمار بهدوء: هيا ملهاش دعوة انا ال وقفتها
طاهر بغضب: كلامى مع اختى مش معاك ومتستعجلش دورك جاى فى الحساب وانتى امشى قدامى مفيش شغل تاني
مسكها من ايدها بعنف فعمار قرب منه وقال: متتعاملش معاها بالطريقة دى قولتلك انا ال وقفتها وهيا ملهاش ذنب ان كنت عايز تحاسب حد حاسبنى انا... وبجد انا بحب روفان وعايز اجوزها
طاهر بغضب: متجبش سيرة اختى على لسانك تانى اختك دلوقتي واحدة مخطوبة لابن عمها وكتب كتابهم كمان شهر
روفان بصت لاخوها بصدمه اما عمار فقال على الفور بتحدى: بس انا بحب روفان ومش هسمح تكون لغيرى
طاهر بهدوء غريب: يعنى مش ناوى تبعد عنها
عمار بصلها بحب وقال: عمرى ماهسيبها
قرب طاهر منه وفى لحظه غدر بيه وضر-به بمط-وة روفان صرخت بصوت عالى اما عمار فحط ايده على مكان الطعن-ه وهو شايف د-مه بيسيل
********************************************
حسام بغضب عارم وهو بيضر-ب فى اخته
— "بقى حاطة صورة ياسين في أوضتك يا زبا-لة؟! ماشية معاه ولا إيه يا هانم؟! انطقي!"
رودينا بكسرة ودموع:
— "والله العظيم ما أنا اللي حطيتها! والله ما أعرف جت منين!
حسام بغضب وهو بيصفعها: استعبط-ى يابت واعمليهم عليا اومال مين ال جاب الصورة اوضتك
رودينا بعياط: حرام عليك كفاية ضر-ب فيا انا معرفش وبعدين هيا اوضتى لوحدى ماهى هنا كمان شريكه فى البيت
حسام بص لهنت بنظرة ارعبتها وعلى الفور قالت: اقسم بالله مليش دعوة وبعدين انت عارفنى انا مليش فى شغل الحب والكلام ده
حسام قال بجنون وهو بيجيب الحزام: ماهى يانتى يانتى أكيد يعنى مش انا ولاامكم ان مكنتوش هتعترفوا هخلص عليكم انتم الاتنين ياشوية كلا-ب
فى نفس اللحظة جت هدى وشافت حسام وهو ماسك على بناتها الحزام راحت بزعر تحوشه
= فى ايه بس اهدى هما عملوا ايه؟؟
حسام بغضب: لقيت صورة ياسين فى اوضتهم وكل واحدة بتحلفى بالمصحف مش بتاعتها اومال هتكوووون بتاااعة مييين بتاااعتى انا
هدى اتوترت على الفور الصورة كانت محتفظة بيها لياسين وهيا بتنضف اوضة البنات نسيتها لكنها هتبرر ازاى لابنها الموقف وفى نفس الوقت عصبية ابنها مجنونه ولو ملقاش رد منطقى هيخلص على واحدة من بناتها
هدى زقت حسام وقالت بحدة: انا هفهمك كل حاجة
حسام بصلها بصدمه وقال: انتى تعرفى مين فيهم ال ماشية مع الكل-ب ياسين؟؟
********************************************
مين بيخبط جاااية اهووو قووولت جاااية
فتحت سعاد الباب لقت ندى فقالت بغل: ايه ال جابك هنا مش كفاية ال حصلنا من وراكى ولا يكونش الفضي-حه ال عملتهالك قدام اهل جوزك مكفتكيش يابت
ندى بثبات: أنا جاية أعرف الحقيقة! أنت ليه بتكرهي أمي كده؟ عملتلك إيه؟ ليه طول عمرك بتتكلمى عليها وحش وكأنها سرقت منك حاجة
سعاد بصت لندى بغل وقالت
— تعرفى ان ده احسن وصف لامك هيا فعلا اكبر حرامية خدت حاجة مش بتاعتها مش من حقها
كملت بخبث: عايزة تعرفي سر أمك؟ ماشي.. هرد على سؤالك، بس مش بيني وبينك.. قدام الناس كلها!
قبل ما ندى تستوعب، مسكتها سعاد من إيدها بقوة وشدتها برة البيت على الشارع، وبدأت تصرخ وتلم أهل المنطقة بصوت عالي: تعالوا ياناس تعالوا ياعالم شوفوا واسمعوا بنفسكم وزى مابيقولوا الحقيقة
مهما اتخبت لازم يوم تظهر
