رواية ما ذنبي انا الفصل الخامس عشر 15 بقلم أحلام السعدي

إِن للآمال في أنفسِنا لذة تنعشُ منها ما ذَبل لذة يحلو بها الصبر على غَمَرات العيشِ والخَطب الجلل

ــــــــــــــــــــــــــــــــــــــــــــــــــــــــــــ

نمت ساعة بال١٠. وآصف هم نام من وكت. هو هم تعب كلش .كعدت عالصوت انين.

باوعت عالآصف لازم رجلة حيل ويكول اخخخ رجلي.

طفرت بسرعة. شبيك آصف.

باوع علية وكال اكو شي عضني.جان وجهة احمر حيل.من كثر متوجعة.

باوعت ماكو شي. نوب كام يبجي فهد.

فتحت الضوة.لكيت حية كلش جبيرة.احس رجلية معاد يحملني.

وآصف ميت من الوجع..

رحت. اصيح واعيط. ادم عمي مالك. وينكم

عمي مالك. ها شكو شبيج.

ادم. طلع عاري الصدر.ستحيت منة.ونوب مهتمين حجيت بخوف.

.... آصف عضتة حية تعالو بسرعة.

العم مالك... شداتحجين انتي عمي.

...بخوف.... ياعمي راح يموت الحكوله.بسرعة..

علة عياطي جوي كلهم يتراكضون. والكل تكول شكو.

رحنة للغرفة. اباوع آصف منتهي من الوجع.مدايكدر يحرك رجله وكأنها خشبه صايره. خفت علية كلش.بوكتها مكدرت انسا هاي اللحضة ابدا.

العم مالك كام يصيح يونس يونس.

جا يونس... وكال ها شكو شبيكم يمعودين.

العم مالك... ولك تعال بسرعة شوف ابن عمك.عضته حية.

راح بسرعه لغارفه. وكال اريد شي أشد بي رجلة.شلون دخلت الحيه لهنا.

داادور مالكيت شي وايدية ترجف.وشمايل وهتوف يبجن ويدورون وياية.

حجة يونس...بعصبيه.ولجن اي شي راح يروح من ايدنة. قميص شال.قندرة اي شي..

عاد شمايل نطته قميص... بأيد ترجف .

خلة القميص عالرجله.وكام يونس بحلكة يسحب دم..من مكان الي عضتة. بي الحية..

احساس خوف اول مرة اشوف هيج. صح اني شفت بالمسلسلات هيج شي. بس مو مثل الواقع.

اباوع علية احمر دم صاير.

سحب السم يونس. وطلعت جراحة من رجلة عاد اباوع عالوجوه مرتاحين.من طلعت الجراحه.

عاد ودو للمستشفى. اني حاولت اروح وياهم ماقبل. كعدت بالصاله وبيدي فهد نايم.

بوكتها كلنة كعدنة بالاصالة بالكاع. ننتضر شوكت يجون. وعمة حوراء ضلت بالسرير.. بعدها مو هواية زينة.

جوي حرس كالو انتو ضلو هنا..واحنة رح ندور عالحية.

عاد اول مدايمشون.بسرعة لكو الحية بدون معاناة.

كلنة نهزمنة منها ورحنة من جهة معاكسة..

والحرس بلكوة شالوها.كلش جبيرة. وكتلوها.

صارت ساعتين من ودو آصف. وليهسة مرجعو.

اني جنت صافنة عله فهد. وحجت عمة ملاك.. هيه حية وتخلي حية نعرف ترة انتي الي سويتيها.

كلنة باوعنة عليها.

حجيت.... داتوجهين السؤال الي.

عمة ملاك.... لعد منو صخام صخمج كون. ولج وصلت مواصيلج تموتين آصف..

..... حجيت بعصبية. اني مسوي هيج داتفتهمين.

رتيل....بحدة. شادن لاتصيحين عالامي.

..... لعد احجي وياها.اني شدخلني.

عمة ملاك.... ولج تصيحين علية. داتضربني راجدي.لزمت ايديها.

..... ملج حق تضربيني. حجيت بعصبية فتهمتي.

عاد رتيل دفعتني. هي هي شلون تحاجين وحدة بكد امج هيج.

..... رتيل شبيج شصارلج ليش وكفتي وياها. اني من وين اجيب حية بله واني ماطلعت لمكان.

رتيل.... مو رحتي لاهلج. رفعت حواجبها. مدري وين الله اليعلم من الصبح لليل ماندري وين انتي.

باوعت عليها بصدمة اول مرة تحجي هيج وياية.

عاد شمايل وهتوف... كاللها مو هيج تحجين رتيل..

..... ولج لاانتي ولا أكبر منج يتهمني بشرفي. ولج كلشي ولا شرفي. اني اشرف منج ومن امج ومن ابوج.

نفتحت الباب.

دخلو كلهم وآصف يمشي عالكيف. رجلة مضمدها.

عم مالك.... شكو شصاير. متشبعن مناگر انتن.

راحت شمايل وهتوف حضننه وبوسنة. وهذيجنة تحمدن عالسلامتة..

عم مالك..... بعصبية. شبيجن.

عمة ملاك.... تقبل يارجال تهمتني بشرفي وبشرفك وشرف بنتك.

اباوع عمي مالك يباوع علية بعصبيه. ومن جهة آصف وأدم ويونس.كلهم يبا عون علية.

حجيت بعصبية وصوت عالي. انتي جذابة. انتي لوما تهمتيني بشرفي مجان اتهمتج.

عم مالك.... يعني صح الحجتة ملاك..

باوعت علية وتخوصرت.. أي صح لأن هية تهمتني.

بعدني ممكملة حجي... ضربني راجدي. لزمت خدي وبعيوني دمعة.ياربي. شنو هالضلم هذا.

عم مالك.... ولج يالماتستحين انتي تجيبين طاري شرفنة. انتي ميلج شرف يلفصلية. يلحقيرة.امشي منا.

اباوع عالآصف.... معصب ويباوع علية.

اريد واحد يكوللهم اي صدك هية اول شي تهمتها بشرفها.. بس محد حجة حتة شمايل وهتوف..انجبن وسكتن.

كامو يحجون علية. منا ادم ومنا يونس وآصف وعم مالك..

ورتيل وامها تكولي. تستاهلين.

حجيت بعصبية.... كافي عاد دخيل الله انتو تضلموني كافي.

يعني محد سأل ليش صار. وشصار.الله ياخذكم كلكم انشالله.

باوعت عالآصف.... يحجي بعصبية. امشي لاادفنج امشي.

باوعت علية وكتلهم سالفة الي تخانكنة من وراهة.

وحجيت بعصبية.... يعني اني غبية حتة اخلي حية انتو اغبياء بعني اخليها تسرح وتمرح بالغرفة اني نمت يمة ونومت فهد يمي يمكن مجان عضته اله  يمكن جان عضتني الي او لفهد كافي تضلموني.

لو ادري اني الحية موجودة جان مانمت بالغرفة ولانيمت طفل بريئ يمي كافي ضلم.

حجيت بقهر وبحقد.. انشالله اشوفكم بيوم. توكعون بي ومحد يساندكم واتشمت بيكم. وحوبتي وراكم وراكم. كلكم من صغيركم لكبيركم الله يحرك هذا البيت عالروسكم.

هتوف وشمايل يحاولون يحجون وياية ويكللي هدي شوية.

كتلهن حتة انتن. حتة انتن موكفتن وياية. يارب اشوف يوم بيكم.

كمت صوتي يعلة واحجي بحركه وبقهر.

عاد... آصف ضربني كدام الكل. وكعت بالكاع ودم بحلكي.

آصف.... بعصبية... كافي لج انعل ابوج يابو خلفج بت الكلب فتحتي حلكج  كومي لااكسرج والله كومي.

كمت واني مكسورة ومذلولة.ضربني كدام الكل صعب كلش صعب نحرجت وصعبت علية. تمنيت بوكتها اخلي سجينة بطني واموت من كد مو صعبة. وكلها بكوم والشماتة بكوم ثاني.

كلت.... هه انتو شرفاء مبين والله الشرف يكطر منكم.

دايريد يضربني وكفه ادم. مخلا يضربني.

كتلهم بصوت عالي وبقهر من يوم ورايح مالي يم احد شي ولا انتو الكم شي يمي.وحتة فهد مدخلني بي.

شلت فهد من الكاع وشمرتة بعصبية بحضن آصف.

حتة فهد كرهتة من بعد مسوو بية هيج..

كام آصف يعيط. بنت الكلب غصبا ماعليج.. نشوف منو الي متخدم ومتنضف. غصبا ماعليج..وابني فهد.ديري بالج تلزمي. مريدة يتنكس.

مشيت واني تعبانة واسمع صوتة.تعبانة كلش من اليوم كلة. رحت للحمام غسلت حلكي ووجهي.

هه وجهي عبارة عن خريطه.من جهة. منا عم مالك ومنا آصف.

الف لعن الله عليج ياملاك. حسبي الله ونعم الوكيل بيج.

ليش هلكد البنت ضعيفة مالها سند. ليش اهلي تخلو عني. ليش الدنيا ماترحم البنت ابد.شعليه اذا رب العالمين خلقني بنيه.

ساعة واني بلحمام. ابجي واشهك.

عاد كمت سبحت.

دااريد أصعد انام. اصلا اذا جاييني نوم.

سمعت صوت فهد بس يعيط. اباوع هتوف وشمايل وحدة تشيل من وحدة ومدايكدر ينام.

مهتميت من كثر متالمت. مهتميت لفهد.

صعدت للغرفة الي كرهتها من جيت لهذا لبيت لليوم.

صعدت لكيتة نايم عالسرير من جهة الي انام بيها ومخلي ايدة عالعيونه.

عبالي نايم.

نزعت حجابي وداامشط شعري.

ابوع علة نفسي تعبانة كلش. اوي انة علموديش هيج صاير بية وميتة قهر. خلي يحجون براحتهم.اهم شي صحتي . كلت من باجر اهتم بصحتي كافي إهمال مني. وجهي لسا يحركني من الضربة.

رفعت رداناتي لكيت ضربة مهند لساها عالايدي وصايرة زركه.

حاولت ابلع العبرة الي خنكتني.بس مكدرت. دموعي نزلن.

رفعت ارداناتي وامشط بشعري وابجي.

مسحت دموعي. وخليت القراصه. دااروح انام.باوع عالآصف يباوع علية.

رحت بهدوء لبست الحجاب. ونمت عالقنفة.

آصف.... تعالي نامي هنا.

.... اني مو خدامة.مو فصلي. مو مو شريفة. مو بلا ترباية. ليش تخلي وحدة بكل هالصفاة تنام يفراشك.شلون انت تقبلها. واني كذلك مااقبل انام يم رجال يهين كرمتي كدام الكل.

سكت.

بعدين حجة. بعصبية نهمدي تعبان ومالي خلك احجي.

ندكت الباب.

باوع علية افتحي الباب.

حجيت.... شي ميخصني ليش افتح الباب.

كام من السرير.... بعصبية ويخنزر. كال وحك الله. وحك الله. اذا متكومين اله ابسطج مره قانيه شبيج ةليوم انتي. كومي.

دفرت فراشي بعصبية. وكمت واني ادردم.

فتحتها.... هتوف.

هتوف.... هاج مداينام ولا يسكت. كل واحد يريد يشيلة. بالبيت يعيط.

باوعت يريد اشيلة. بس خلص مات عندي احساس فهد. مادري ليش . اكيد من الضلم.

.باوعت عليها. مدخلني بي انطي لابو.حيرو بي.

دفعني آصف وكال انطينيا انطينيا.

سديت الباب... اباوع علية شلون يريد ينيمه. بس مايكدر.

رجلة بلكوة يمشي عليها.وفهد مداينام. بس عياط وبجي.

عفته..... ورحت عالتخم.كعدت.

ضل صياحة وعياطة. بالربع ساعة.

آصف عصب منة وضربة.عالراس بخفة.

آصف..... دمشي انعل ابوك يابو الخلفك ماكو شي بهذا البيت يريح الكلب.

هو كام يصيح اكثر واكثر.واني بس اباوع علية.

ولساني عالموقفي.ماا شيلة ولا أنيمة.ادري تعلم علية وعلة نومتة يمي.

ندكت الباب... بلكوة مشيت. فتحتها.أدم  جيبو خلي نشيلة نشوف شبي.

شاله وراح.

ساعة كاملة من ايد لايد اسمعة يبجي.

راسي صدع كلش. احسة راح ينفجر.

جابو للغرفة مرت الثانيه.

آصف خلا بالغرفة. كال متسكتو لهذا عاد.كل يومية عالنفس المنوال.اليوم شبي. راح اكتلة والله.

اصلا ولا شلت هم ابنة مدخلني بي.

طبيت للحمام غسلت وجهي. ورجعت عالتخم .

اباوع عالفهد فاح من البجي. جا علية بخطوات يريد يوكع.

باوعت علية.... شلون يبجي. شلون نطاني كلبي اشوف هالدموع كلة من وراية احس اريد ابجي ويا.

شلتة خليتة بحضني واهز بي.

اشوف آصف يباوع علية.ويكول ذبي ابني.

باوعت علية وكتلة مداتشوفة فاح من البجي.كتلة ترة مو من وراك شلتة. بس نقهرت عالفهد. خطية.وماله ذنب.مااخلط الامور اني واذب الصوج عالشخص ثاني. مثل ماسويت بيه.

آصف.... شكد تلحين انتي.

اباوع عالفهد بدة ينام شوية شوية وهو لسا يبجي. ورة ربع ساعه بده يغفي وينام.

باوعت عالنفسي والله مالي خلك حتة انيمة. بالسرير.

فرشت فرشة بالكاع. وخليت مخدتين. ونيمت فهد. نمت يمة وحضنتة.

شكد نقهرت علية. ماادري شلون جتني حالة كرهتة. هو شنو ذنبة..

بستة..

اباوع جا آصف يباوع علية.

كعد بالكاع باسة وضل يباوع علية.

اني درت وجهي عنة.

آصف..... ذبي حجابج ترتاحين.

...... مدخلك .يااخي عوفني.شبيك انت.

آصف..... اسمعي ذبي حتة لاتتقيدين بي بالغرفة.

.... كتلك لاتدخل. عوفني.

عاد هو سكت..

حسيت حركة وراية.

باوعت لكيت مقدم فهد يمي وهو نايم بصف فهد.

كمت اني ونمت عالسرير. هو باوع علية. وسكت.

احسة يريد يحجي وبطل.

نمت كعدت ساعة بال٧ عالصوت المنبه..

جنت نعسانة هواية هواية.ومانمت بس ساعة وحدة.

كمت غسلت بلكوة. باوعت عالآصف نايم عالسرير هو وفهد.

شهكت شوكت نامو يمي.

سمعت صوت آصف..شكو كاعدة من هسة.

حجيت.... مثل كل يوم ساعة سبعة اكعد.

حجة.... شنو ساعة سبعة. لعد افتحي الضوة. مااشوف شي.شنو انتي مخرفة حتة شمس ماكو بالغرفة.

اباوع شمس عالية وحزيران شنو مايشوف..

بس كلت عادي. علكت الضوايات. دااروح كال وين.

.... اروح اسوي ريوك..شبيك.

آصف.... شنو طافية الكهرباء.

.... حجيت بقلة صبر.. لا مطافية. شبيك..

آصف..... لعد شبية مااشوف شي.شنو تضحكين علية.

ابوع والله شمسس وكهرباء.

رحت يمة... فاتح عيونة.شبي هذا.

أشرت بأيدي حتة يشوفني. ماكو مرمش ولا رمشة.حتة ردت اخلي اصبعي بعيونة.

حجة بصوت عالي. شداتسوين..

..... آصف صدك ماتشوف.

كام بسرعة وكال والله مااشوف شبيج.

باوعت علية خايف.

كام وهو يتلمس. بايدة الأشياء.

علك البنكه تشتغل.

خفت علية شبي.

فتح الباب رحت صحت يونس. بن عم مالك.

جا للغرفة.... (يونس دكتور) متخرج. من سنتين. وهسة هو دكتور بمستشفى

جا يمة.

يونس.... ياآصف.. بقة سم بجسمك شوية.لاتخاف ايام وترجع تشوف..

باوع آصف مو مصدك. شداتكول انت.

يونس... أي لاتخاف هذا عمة مؤقت. دائما تصير للأشخاص. ويعمون ورة ايام يردلهم البصر.لاتخاف.

هو سكت ومنصدم.

باوع يونس علية وكال ديري بالج علية.

.....صحت.شدخلني بي.خلي يجن خواته.

هو باوع عليه وسكت.وآصف نزل راسه ومحجه شي.

دقايق ونتشر الخبر بالعائله..وكل شخص جا يواسي.

اباوع علية مو مهتمة.

رحت كعدت  وية الخدم.

واني سويت بيضتين الي واكلت. بس وحدي بالمطبخ.

صاح آصف بعلو صوتة شادن.

حجيت.... اه بلشت رحمت الله من الصبح.ميخلوني نكعد.

كمت صعدت للغرفة كال بعصبية وين جنتي.

... حجيت بهدوء.جنت اتريك.

آصف...... بعصبية.تزقنبين.وتكولين هذا شدايوي ميسوي. ميت عاش. امشي شوفي لاابتلي بيكم.

.... واني شدخلني بابنك.

آصف.... روحي واصلة لهنا.وياشر براسة. كومي.

رحت علية وبستة. بدلتلة الحفاضة. ونزلتة بالكاع.

.... اجيبلك الاكل لهنا.

آصف... مااريد. أكدر اساعد نفسي. وما اريد شي منج.

...... بعد احسن والله.

كام... ويتلمس الأشياء.عثر بالميز ونضربت رجلة عالعضتة الحية.

لزم رجلة حيل....وعض شفته.

اني بسرعة جيت يمة. بيك شي يوجعك شي.

آصف.... عوفني وروحي. اطلعي من الغرفة.

...... هاي حوبتي..

آصف..... بعصبيه.. اطلعي منا.

طلعت مكدر اضل يمة بس يصيح عبالك اني صدك الي جبتها للحية.

نزلت باوعت عالشمايل تبجي بالغرفة.

رحت عليها كتبها شبيج..

شمايل.... أخوج تزوجني.والله اذا يدرون لايكلبون الدنيا شادن شسوي.

باوعت عليها وشهكت.. صدك تحجين..

شمايل.... أي.. هو كلي مرجعج لآصف الا اذا نتزوج. ياشادن اذا عرف آصف وأدم ومراد. راح يكتلو او يكتلوني.

هديتها....وماهتميت.عسا انشالله يحترك البيت مدخلني بعد.د.

صارت ساعة بال ١٠ بليل. سمعت احترك محل الذهب مالتهم. والكل تلطم. واني اباوع عليهم.

وأكثر شي آصف ضايج. لأن هو الي دائما يروح للمحل. هو والعم مالك.

كالو الخساير هواية.

وعرفو انحرك مو متعمد. من ورة جكارة.

اباوع عليهم.وماحجيت شي.شوفو الله يجازيكم.

عمة ملاك.... والله اخوج او ابن عمج حركة.

... حجيت عمة. لتضلين تذبين بسامير. حرك بسبب جكارة وطيش الحارس. لاتدخلين أخوية بهل قصة.

رغم الي سوة بية منطيت باخوية. بعمر الدم ماصار مي.

وبهذن الايام جرعت المر وياهم. منا آصف ومنا عمة ملاك والعم مالك ورتيل.شادين وياية.

وآصف مصار يطلع من الغرفة..بسبب ماكو احد يهتم بي ولا احد هامة. كل واحد ملتهي بشغلة. وسمع رتيل تحجي علية وتكلة هو اعمة.وتعاركو . منا وهو عصبي عالرايح والجا. يصيح وعصبي. ماواكعة غير بية وبفهد.

يوم من الايام جنت كاعدة العب فهد.

اباوع عالآصف تعبان. وبس ينافخ.

مخلي ايدة عالمخدة وكاعد.

.. اني مااريد اتشمت ابد.لأن إذا تشمتت الله يطلعها بية.

رحت عالسرير كعدت يمة.حجيت. آصف.

آصف...جيتي حتهتكولين حوبتي..تره دريت كافي.

...حجيت بهدوء. لا بس انت تعرف مو اني جبت الحية.

آصف..تعدل بالكعدة. شجاب هاي السيرة هسة.

..... أريدك تعرف شي مستحيل مستحيل ااذي نملة. مو عاد ااذي شخص. بعمري ماذيت احد.ولاراح ااذي.

كعدت يمة... صار يحجيلي عن أشياء وعن طفولتهم. كلها مشاكل.وموتت امة. وابو. ومرتة.

صار يحجيلي عن كل شي. واول مرة يحجيلي  او يكون هادئ لساعات. واني اسمعة.

يمكن يكون بسبب الملل حجه ويايه. وبس يشوف .يرجع عالنفس طبعه.

واني  اكول بس اي واي.

مدري جاني هيج سؤال. حجيت. آصف.

آصف..... هممم.

... جنت تحب مريم.

آصف... تعدل بكعدته وكال شجاب هذا السؤال علة بالج.

..... اريد اعرف.

آصف... وليش تريدين تعرفين.

بلعت ريكي واني كلبي يرجف ماادري ليش. سكتت.

من شافني سكتت. كال اي احبها مجنت اشوف عليها شي.

باوعت عليه ورفعت حواجبي.

سكتنة ثنينة.

بعدين كال.... شادن.

حجيت هااا.

آصف. تحبي.

.... منو.

آصف.... ابراهيم.

....ماادري. ماجنت احس بأي احساس من تزوجت.

صفن. وسكت.

آصف..... شادن.

..... همممم.

آصف.... اسف.

..... علشنو..

آصف.... عله كلشي. يعني انتي ماتعرفين تتصرفين. اني جان اخذت حقي منهن وغلطت عليهن. بس انتي ليش تتهميهن بشرفهن.

.... حجيت بقهر. بس هنة تهمني بشرفي. مو بس هنة. انت هم.

آصف.... ليش ماحجيتي وياي اني اخذلج حقج. مو تروحين تكليلهن انتن الي مو شريفات.

..... انت تاخذلي حقي.مو انت تطلع وتروح ترزل بية.ماشفت منك شي حلو.

آصف.....تعرفين شنو أكثر شي يعجبني بيج.

... باوعت علية. شنو.

آصف...بتسم. عندج كرامتج فوك كلشي

سكتت ونزلت عيوني.

حجيت.... كلام الليل يمحوه النهار. الصبح تجي تعيط علية. وبليل هادئ.

آصف..... عليج الله اني ليش اعيط عليج كولي. اكيد مسويتلج سواية.

..... انت ابد ماتصدكني..ولاتحب تشوفني.

آصف.... لأن الدنيا علمتني مااصدك احد.

... وحجيت بقهر.بكلت يرجعني لبيت امي. محترك كلبي. عالشوفت اخواتي.وامي. اتمنة ارجع. رجع لحضن ماما واخواتي.

جنت اريد افضفض همومي حجيت..ماعندي سند. ابد ولاشخص. بس ربي. بكل مرة.بكل مرة مع الأسف الكل يوكف ضدي. حته لو اذا كنت اني صح.يوكفون ضدي.

. أنت دائما تقلل من شرفي وتعيرني بفصلية. الكل صار محد يحترمني.من وراك.

اني ماعندي سند غير رب العالمين.هو يسندني. رب العالمين مينسة واحد انضلم. مستحيل.

واكثر شي الي متت الف موتة لمن طلعتني بدون حجاب. وشافني ادم ومراد وانت وعم مالك الكل شافني. ومااعرف كم واحد شافني بالسياره وياكم.

آصف..... جنت بحالة عصبية.

..... شنو ينفع الأسف كلي صفكت ايدي كلشي ماينفع.

كمت من السرير. وكتلة.لاتخاف اني مسامحة اهلك.بس مااسامحك الك. اله اذا رجعتني لااهلي.

دااطلع... لزم ايدي وحضني.

انا اباوع عالجهه الثانيه.واريد ابتعد عنه.