رواية لماذا انا الفصل الخامس عشر 15 بقلم عبير السراي

شوية واتصل علي..

علي؛؛ يله اني برى..

اية؛؛اوك جايين...

يله حبي اخوج برى...امشينه..

منى؛؛ وج مااكدر بالبدلة ..اخاف اوكع على وجهي...

اية؛؛ اني اساعدج بس امشي.. 

طلعنه ..وتلكانه علي...

وبعد معاناة صعدت منى.. لان البدلة منفوشة.. 

ومتكدر عليها...

وصلنه للبيت او مدخلنه...تلكتنه عمة علي اخت ابوو.جابت الجوكليت.. وعايفة منى..وتطش الجوكليت بوجهي...وبكل قوتهة...اجتي وحدة بعيني..اذتني...صرخت.. 

علي:: هاا خوما تاذيتي..

اية:: ااااه اااه عيني...

علي؛؛ عمه شنو السالفة هي هيج... 

دخلني علي واني مااكدر افتح عيني...

عمه علي::شنو عيني حساسة من الجوكليت..

ام عمار:: هاا يمه شبيهة...

عمه علي::طشيت جوكليت للعروسة ووحدة اجت بعينهة...

منى:: حبي ايوو توجعج...

اية؛؛ اااه ايي توجعني... 

دخلني علي للحمام. واني سادة عيوني كلشي مااشوف...

غسلت.. حاولت افتح عيوني مكدرت.. علي خلى ايده على عيوني.. وحاول يهديني...

اية؛؛ علي فددوة توجعني...

علي؛: هسة تهدا على كيفج.. ولا تفركينهة...

شوية واندك باب الحمام...

ام عمار:: هاا يمه علي.. 

علي؛؛ تفضلي يمه..

ام عمار؛: هاا يمه اية بعدهة توجعج....

اية؛؛ اي شوية...

ام عمار؛؛ لعد شبيهة عمتك مشافتهة ...

اية؛؛ هي اكثر من مرة ضربتني على وجهي بالجوكليت.. ماادري شبيهة...

ودخلت علينه للحمام...

عمة علي ام يوسف:: شبيه يعني. مسودنه ..بنت اخوي وفرحانة بجيتهة عروس.. 

علي::احنه مكلنه لا تفرحين بس مو هيج لاحظتج تتعمدين تذبين بوجه اية..

ام يوسف::صدك عمه هيج صارت... يابا اني اسفة

...وامسحوهة بوجهي....وظلعت تدردم.. وعمتي طلعت وراهة...

علي؛؛ هاا هسة صرتي احسن...

اية؛؛ علي ليش هيج سويت وياها... يمكن ممتقصدة.. 

علي:: معليج بيهة عمتي واعرفهة.... 

هسة شلون صرتي... 

اية؛؛ لا احسن بس تحركني شوية...

علي:: يله هسة تصير زينة ... روحي بدلي ملابسج حتى تتغدين... 

اية؛؛ اريد اصلي .بالاول... 

علي:؛ اوك...اصعدج لو تكدرين. وحدج...

اية:: «تبسمت» لا اكدر وحدي...

دااصعد ودخلت عمتي ومرت عمي ورهف...

اية::هلا والله... شلونكم...

:: عمتي ومرت عمي:: هلا بيج يعمري... باوستهم...

رهف.؛؛ هلا حبي..

اية؛؛ هلا بعروستنه الحلوة...

دخلتهم يسلمون واخذت رهف وصعدت فوك..للغرفة... 

رهف:: غرفتج حلووة ..

اية؛؛ تسلمين يعمري...

ايي المعنويات شلونهة....

رهف؛: والله متوترة وخايفة ..عبالي اشوفه.هههه...

اية:: اووف منج تردين اصيح عليه يجي يركض... هههههه

رهف لا وج هسة شيكول عليه...بس تدرين اني فرحانه لان اني وياج حنصير ابيت واحد..

ونكوم نطلع...اني وزوجي.   وانتي وزوجج...

اية:: ضحكت بس بداخلي غصة.... اي

ي اكيد....الله كريم ..

غيرت ملابسي ورتبت نفسي وصليت.  ونزلنه حتى نتغدةة.. 

لكيتهم مخلين الغدة رهف كعدت واني رحت للمطبخ.. مااحب اكل كدام احد غريب  لمياء ومها استلمن المطبخ وكالن

 روحي جهزي نفسج..

صعدت الغرفة.. دادخل  وحسيت اكو خطوات وراي... اجيت التفت...

وحسيته لزمني من خصري بثنين أدي ودخلني للغرفة...

علي:: هاا شبيج خفتي..

اية؛؛ هاا علي شرايد... ؟ 

علي؛؛ اجيت اشوفج... مااعرف شسويتيلي... اني بين الزلم وقلبي وعقلي يمج...

اية:: علي شرايد.؟

،علي:: اريدج...

اية؛؛نعم...

علي:: قصدي اشوفج شتلبسين...

اية:: عللي.. روح الله يخليك لا تاخرني... 

علي؛؛ راويني شراح تلبسين.. 

اية:: طلعت الفستان الماروني....السيلفي...

علي:: تئ تئ. غيرة..

اية؛؛ شنو غير راح البسه....

علي؛؛ البسي هذا  للحنه معندج غيرة ... 

اية بعصبية:: عندي...اطلع واني البسة... 

علي:: راويني 

اية:: علي  حتاخرني... 

علي:: اوك راح اطلع وانتظرج بالصالة بس آآشر بايدي يعني معجبني بدلي... 

اية::اووك...

طلع ورحت ركض ظلعت فستان عندي ليموني.فاتح.دبل كلوشة... والصدر ابيض.. وبي ورد ليموني فاتح...والردن ليموني فاتح..حذاء كعب لون ابيض.... سويت الميكاب نازك وخفيف...بس طوخت الحمرة.. واني شفايفي مليانه وكبار صارت فددشي 

نزلت واحس العيون كلها عليه..  علي وكف وفاك حلكة..باوعت عليه تبسمت ودنكت... رحت على عمتي

...نبهرن بيه ...

عمتي:: وج يمه كومي بدلي لا تنظربين عين...

اية؛؛ ههههه يمه على شنو... شنو القصة...

اجتي رهف 

رهف:: عزززة وج ايوو كسرتي العروسة...

اية؛؛ههههه عابتلج ..وانتي هم طالعه تجننين...

اجتني بنت عمار:: اية ..عمو محمد يريدج...

 لزمتني رهف من ايدي...

رهف:: ايوو شيريد منج...

اية؛؛ ايي دعوفيني. خلي اشوفه شيريد...

رهف؛؛ اوك روحي بس لا تتاخرين...

اية؛؛ مااشي.. رحت لكيته واكف 

محمد:: هلا والله عمي شني غير احلى من العروس...

اية؛؛ لا تصبغ لا تصبغ... كول شرايد... هههههه.

محمد؛؛ يعني شرايد غير انتي خيتي واسال عليج...

اجه علي ..وعيونه تقسمني من فوك ليجوة...

 محمد::تعال خوية علي.. شوف مرتك فوك ماامدحهة 

واكولهة طالعة حلوة...تكلي تصبغ وشرايد.. مو صوجج النسوان مايجي بعينجن...

علي::ههههههن والنبي سوالفك تعبانه.. اني اكولج.. خطيبته شسمهة...

اية؛؛ رهف..

علي:: هاا رهف... اجتي...

اية؛؛ههههههه اي اجت...

علي؛؛ هذا سؤالك غير...ارتاح هسة موجودة..

محمد :: يعني هسة انتو تراهمتوا عليه...مو

شكول عليكم...دكملي جميلج وصيحيلهة...

اية؛؛ ههههه ...  مااشي..

اية؛؛ رهووفة تعالي شوي..

رهف؛؛ هاا حبي كولي...

اية؛؛ اكو ناس.يردون يسلمون عليج...

رهف بخجل؛؛ منوو..؟

اية:: تعالي وانتي تعرفين...

رهف؛؛ اية والنبي استحي فدووة .

اية؛؛وج اني  وياج من شنو مستحية.. 

وصلنه يمهم ورهف لازمة ايدي من الخجل...

محمد:: اهلا عيوني .. ترى احنه مناكل بشر..

رهف؛؛ السلام عليكم...

محمد ~علي؛؛ وعليكم السلام...

صارت هوسة ..اجو اهل العريس..

علي ومحمد طلعوا يستقبلونهم...

اية؛؛ خههههه مداج يلبومه..... 

رهف:: مية مرة هههههههه

رحنه للمطبخ.. نجهز الكيك والعصاير والنسوان راحن للاستقبال...

شوية قدمنه الهم اني  الكيك ورهف العصاير.. 

ربع ساعه وصاحوا هلهلن... راح يجي السيد...

وايضا دخلنه منى لغرفتها ودخل السيد.. وعمي وابو

 العريس وعمار وعلي وكيان ..اني بقيت بالمطبخ ...مردت انقهر مثل منقهرت بخطبة محمد ورهف...

طلع السيد.. ومنى وخطيبها طلعوا للاستقبال.. حتى يلبسون الخواتم.. اني بقيت بالمطبخ...والكل راح يتفرج.. شوي واجت ام يوسف عمه علي... 

ام يوسف ..:: هاا انتي هنا.. مترحين ويه البنات

اية؛؛ مااحب الهوسة راسي يكوم يوجعني..

ام يوسف::هاا اكولج الشاي حار..

فتحته اي بس مو كولش..

ام يوسف::احمي  رحمه لبوج بس اريد حار كولش مااحبه  فاتر ...

اية؛؛ اي ادللي...

خليته يفور كولش وحضرت استكان حتى اصبلهة بي.. 

ام يوسف؛؛ لا مااريد بهذا اريد خلاص  جبير حتى يعدل الراس... 

اية؛؛ اي حاضر....طلعت الهة كلاص جبير..

وصبيتلهة.. وانطيتهة...

بقت تتلفت...

اكولج بله اشوف الخاتم مالتج...

رفعت ايدي حتى تشوفهة....

لزمت ايدي......وجان تكول 

ام يوسف:: ريم وريهام يسلمن عليج....وصبت الشاي على ايدي....

ضليت اصرخ... لان حاار يموووت وبنفس الوقت نصدمت منهة...

اية؛؛ اباوع عليهة واصررخ .. وهي بابتسامتهة الحقيرة...

ام يوسف؛؛ ياا يمه. سودة عليه... احتركتي...

اية؛؛ ااااه اااه...اباوع على ايدي حمررة..واحسهة اشتعلت...

اجتي مها. تركض..

مها؛؛ هاا شكو شبيج... 

شافت ايدي...

 عززة وج شلون احتركتي...

اني من الصدمه بس ابجي وجسمي يرجف من الخوف.... معرفت شسوي 

 راحت مها تركض  معرفت شتسوي

ام يوسف.بهمس:: اذا حجيتي محد يصدكج.. مااشي... والاتي اعظم...

دخلت عمتي ام عمار..وعمتي ورهف... 

يلزمن بايدي بس اني من الصدمه رحت بعالم ثاني ... اول مرى اصير بهيج موقف.. هم تحركني وتهددني...  والاتي اعظم شراح تسوي... .. اخذني عمتي للغرفة... واني حتى الوجع محسيت بي مااعرف شسوت بيه ... 

 محسيت الا علي دخل يركض..وبيدة عدة الاسعافات..

يحجي وياي واني بس ادموعي تجري... 

اباوع على ايدي شلون الجلد نصلخ... 

شوي شوي كمت احس بوجعهة ومن خله علي كريم وبدة يشدهة اذتني بالزايد... اباوع عليهة تباوعلي وتخزر... صدك خفت  ... شنو عصابة ذني...وشجابهة على ريم وريهام. 

يوو غير تصير عمتهن...

علي:: لا تخافين...هسة تبرد .. شلون احتركتي هيج.. يعني فهميني حتى لو انكلب الشاي مو هيج يصير الحرك...

.

مها::اني دخلت لكيتهة هي وام يوسف.. واكفات .تصرخ..

ام يوسف:: وكع من ايدي منتبهت ..سودة بوجهي يا عمه ماادري شلون صار...

علي يباوع علي عبالك عرف انو هي متقصدة....نظرلي عبالك يكولي احجي الصدك...بس جنت مرعوبة.  معرفت شكول وخفت من تهديدها...

علي:: كومي ارتاحي.بغرفتج... 

كومني علي وصعدني للغرفة وعمتي ورهف وياي...

دخلت كعدت عل جرباية....وسد الباب ودخل...

علي:: اية كدام عمتج.  احجي الصدك.. هي حركتج.. صح لو مو صح...

اية؛؛ هاا ...

علي؛؛ لا تبجين ولا تخافين....بس احجي الصدك حتى اعرف اتصرف ..

ايجديدة؛؛علي عوفهة خلي تولي...

عمتي؛؛يمه احجي الصدك.. اذا هي اذتج كولي منين خايفة...

اية:: لا...

علي؛؛ لا اله الا الله ... اني ادري بيهة حركتج بس اريد اتاكد منج... حتى اربيهة صدك...

عمتي:: يمه كوليلنه شصار...

اندك الباب ودخلت عمتي ام عمار وام يوسف...

ام عمار:: هاا يمه اية شلون صرتي.. 

اية:: أحسن شوي..

علي بعصبية:: هسة غير اكللهة احجي.. شلون احتركتي.

.. راح تكفرني يالله ...

ام عمار:: يمه اعصابك...شنو السالفة..

علي؛؛ يمه ادري حركها هذا.. بي انه .. ..كليلي احد حاركج.. حتى شوفي شسوي بي والله...

ام يوسف:: يمه تهدى بالرحمن قابل هي تحرك روحهة...

علي بعصبية::شوفي عمتي اية مرتي ... واليمسهة يمسني واليتعرضلهة كانما يتعرضلي .انتي تعرفيني كلش زين ..

من سواديني تطلع اكبر واحد مااهتملة...والقران ومن انزل القران لادوسة برجليه وافعصة فعص.... بس خلي تكول من تعرضلهة.. وشوفي الاسوي شنو...

طلع من الغرفة وطبك الباب بعصبية...

اباوع عليهة وجهة صار اصفر...واحتارت شتسوي....

ام عمار:: يمه مرخصتكم الناس جوة عيب منهم...

عمتي؛؛ ياا مرخوصة حبيبة.. 

بقت ام يوسف كاعدة.. بس مو. على بعضهة...

..

احسهة تريد تحجي.. بس خايفة...

خابر عمي على عمتي.. حتى يرحون...

عمتي:: هاا يمه شلون صرتي.. 

اية؛؛ عمه بعدهة توجعني... 

عمتي:: سودة عليه يمه...شلون اروح لعد..

اية؛؛ لا عمه روحي الله وياج هذا علي وعمتي والبنات يمي.. 

عمتي::دتعالي انزلي سلمي على عمج...

اية :: يله ماشي

عمتي:: هاا خية ام يوسف تنزلين...

ام يوسف.:: هاا ايي خية. نازلة..

بقت تفتر ورايه معافتني ابدد.. طلعت لكيت عمي وعلي واكفين سوة...

عمي:: هلا بالغالية..

اية:: هلا بيك يبعد قلبي...

حضنته وبست ايده.. 

عمي:: شنو بوية شبيهة ايدج...

اية:: انكلب عليه كلاص الشاي...وحتركت..

عمي؛؛ سلامتج بووية .. خوما بعدج موجوعة 

اية::لا والله ..احسن من مساعة...شوية وطلعوا عمي وعمتي ومرت عمي ورهف وصلهم علي بسيارته ...دخلت وصاحتلي ام يوسف...

اني خفت منهة...

جرتني من ايدي ودخلتني للغرفة...

اشو هاي دنكت على ايدي تبوسهة وبعدتهة...

ام يوسف؛؛ اعتبريني مثل امج غلطت تسامحينهة...لا تكولين لعلي والتوبة اذا اوصل يمج ..شسوي ساعة شيطان... والله ريم وريهام وزني عليج...اعذريني...

اية؛؛ حتى لو هنة وزنج شنو شفتي مني حتى تاذيني..هيج...

حتى هنة شنو سويته الهن...الصار من ايدهن...

ام يوسف:: خلي يولن معليج بيهن...بس اوعديني متوصلينهة لعلي...

اية:: مااوصل السالفة  لعلي بس بشرط اذا تعرضتيلي بيوم.. انتي او ريهام وريم .. اوصلهة لعلي ومنج لعلي.بعد. اني ماادخل بيكم... وانتي علي شفتي وعرفتي شيسوي لخاطري... مااشي

ام يوسف؛؛مااشي تدللين....

عفتهة ورحت دخلت يم منى..

منى::يعمري حمد الله على سلامتج.. 

اية؛؛الله يسلمج حياتي...

منى:: كون بعدج موجوعه...

اية::شوية مو كولش...

اعذريني.. ومكدرت احضر الخطبة..

منى:: لا يعمري ااهم شي سلامتج... والنبي بقة بالي يمج 

اية؛؛ حبيبتي.. لا تخافين ماكو شي...اي خطيبج شلونه حلو لا.. ههه.

منى:: اكيد يخبللل...ههههه. اووي شكد حلو شعور من يلبسج خاتم الخطوبة بعد سنين انتظار...

اية:: انتظار...؟

منى:: امممم.  هههه جفصت

اية::لا ياحيالة..... كولي كولي..  لا اذبحج هنا...يله مدام 

محد يمنه..

منى:: اممم هو من زمان يحبني...واني هم احبه...

اية:: يااا فدووة صدك... ليش مكلتي خبيثة...ايي كملي

منى::انتظرت تصير يله...هو جان منتظرني اتخرج من المدرسة...

اية:: اهاا الله يوفقكم... .يجمعكم باسرع وقت. 

 منى:: اميييين يارب... 

 البيت فرغ من الخطار... كولهة طشت.. 

لزمتني عمتي 

ام عمار:: تعالي يمه احجيلي ولا تظمين عليه...

اية؛؛ هاا...

ام عمار::ام يوسف هي حركتج ..صح..

اية:: هاا اي هي..

ام عمار:: عزة بعينهة ان شاء كسر لايدهة..

ليش شنو الصار بينجن..

اية؛؛ مصار شي بس....وسولفت لعمتي الصار...{..واجتني تتوسل حتى مااكول لعلي....}

ام عمار:: وليش مكلتي لعلي...جان ادبها... بس اكول

 لعمج..

اية :: يمه لا فدوة مااريد مشاكل..كافي ريهام راح تتطلق

 من وراي...وبناتهة بعيدات عنها

ام عمار:: عمج يريد يرجعها...

اية:: ريهام ...؟ صدك والله

ام عمار:: ايي خلي اكوله. حتى يبطل...

اية:: عزة اذا اجتي شيسون بيه..

ام عمار:: كيان ميقبل تجي تسودن..بس كله عمج... بس شسوي يكول لخاطر بناتها نرجعها...

اية:: وانتي شنو رائيج عمة.. 

ام عمار:: اني مارايدة جيتهة هالخرابة البيوت وهاج شوفي.دازات عمتهن تحركج الله واكبر عليجن..يله الله

 كريم الكاتبة ربج يصير...

 ياارب كل يوم طالعتلي سالفة شكل... والله مليت...

صعدت لغرفتي شبعت بجي.. شلون يربي اذا رجعت

 ريهام..الا تسودني... 

اووف يربي...

.صار المغرب...كمت صليت ورتبت نفسي ونزلت...البنات مخلني اسوي شي لان بتك ايد...

حضرن العشة ..وخلنه عل سفرة ..بس علي ماكو..

كعدنه عل عشة اني حاولت اكل بس مكدرت...اكل بأيد

 وحدة كمت كلتلهم مااشتهي...

رحت للمطبخ ..وضايقة الدنيا بعيني...

كملت شغلي وصعدت للغرفة عزلت الغرفة ..وغسلت ملابسي وملابس علي ...عندي الغسالة بالحمام .... خلصت ورحت تمددت... 

تقريبا ساعه واجه علي.. جايب اكياس بأيدة...

علي؛؛ مرحبا...

اية؛؛ مرحبا...

علي؛؛ شلون صرتي... 

اية؛؛ احسن..

كعد يمي عل جرباية .. فتح اول كيس ضمادات وعصارات...

علي:: يله جيبي ايدج.. 

اية:: بس خاف توجع ...

علي؛؛ لا تخافين..

اخذ ايدي. وبدا يفتح بالضماد.. مسحهة على كيف.. وخله عصارة وبدة يمسح بيهة برقة  .. بقيت صافنه بوجهة وهو يضمد ايدي.. 

كانما اول مرة اشوفه وحابة احفظ ملامحة... 

  بدا يلف بالشاش ...

علي:: لازم باليوم.. مرتين نغير الضماد...

اية:: انته منين تعرف التضميد...

علي:: بدوامي تعلمت هوااي شغلات من ضمنها التضميد... اخاف احد ينجرح او يتصوب فلازم نعرف التضميد .الاسعافات الاولية وضرب الابر..والخ...

طبعا انتي متعرفين اي شي عن دوامي...

اية؛: تبسمت لا ...

علي:: هههه يعني افرضي شخص سالج زوجج وين يداوم... شتكولين...

اية؛؛ اكوله اسال عمتي....هههه

علي:؛ هههه يعني هذا الحل مالتج.. 

اية ؛؛ ليش عندي غيرة .

علي:: زين ليش متعرفين...مو احسن..

اية:: امم اكيد احسن..

علي:اني ضابط برتبة رائد  بجهاز مكافحة الارهاب... ودوامي محافظات واحتمال اطلب نقل لبغداد ويصير دوامي يومي..

 وكل يوم اصبح بهالوجه..... 

اية ؛؛  اممم .. الله كريم..

علي؛؛ شوفي نسيتيني...جبتلج عشى امي خابرتني كالت مرتك ماتعشت...

جبتلج صاج دجاج..و..صاج لحم.. لان مااعرف شنو تحبين بالضبط....

اية؛؛ اهاا .مشكور.. بس.مااشتهي..

علي؛؛ يعني جايبلج وشايلهن الدرب كوله. وحتى اني مااكلت..كلت اقابل عيونج واكل.حتى تنفتح نفسي.

..وتكولين مااشتهي..

اية؛؛علي.. 

علي؛؛ عيون علي...

اية؛؛ انته ليش هيج تسوي...

علي:: شسوي.. 

اية؛؛ انته اجيتني وكتلي قررت ننفصل وجنت متخذ قرارك...وكتلي باجر الصبح روحي لاهلج.. شنو الغيرك هيج... ليش هيج صرت تهتم بيه....وتحاول...

علي:: شحاول....  ارضيج .اريدج تحبيني.

..لان اني حبيتج.. وتعلقت بيج...

من شربتي الحبوب كرهت نفسي. ردت اعاقب نفسي.. رحت للدوام وبعدهة الاجازة مخلصانة بس ردت ابتعد لان تاذيتي بسببي .. وهناك اتخذ القرار انو اعاقب نفسي على اخطائي  بغيابج عني... 

اووووف....صح كتلج روحي ولازم ننفصل بس بداخلي اريد احضنج وانسيج كل هم شفتي ...

من كلتي مااريد ننفصل ..  حسيت ردت روحي... بعدين كملتيها.. لحد مايتزوجون ...بداخلي كلت يعني راح احاول اشبع منج... لحد ما يتزوج محمد... 

اية لا تتصورين جنت مرتاح.. جنت تعبان اكثر منج.. لحد ما تزوجنه واني ماانام الليل مااكدر انام...بس تغمض عيوني اسمع صريخج ويتراولي شكلج.... افز مرعوب...

اني مااريد اذكر الموضوع ...حتى مااهيج المواجع وخصوصا الج... 

بس امنيتي بالحياة انو تسامحيني...لان اذا سامحتيني بالتالي اسامح نفسي..تعبت من تأنيب الضمير...اريد اشوفج فرحانة حتى ارتاح...

يله اكلي ... 

اية:: بسس. .

علي:: اووك راح تجبريني اعاقبج.. واني شلون منتظرج تسوين زلة حتى اعاقبج...

اية؛؛ يعني شتعاقبني...

علي:: كتلج شنو. عقابج .. بوسة او حضن.. اوو حسب اليجي أبالي 

اية؛؛ لا والله..

علي؛؛ اي اكلي حتى مااعاقبج... 

اية:: شنو طفله كدامك وتساومني بين الاكل او العقاب..

علي:: اي عادي حبيبتي طفلة..

اية؛؛ ومنو كال اني حبيبتك..

علي:: اني كلت .. هسة اني كلت اني حبيبج ..انتي حبيبتي يعني الاحب مو. انتي وثانيا اني حر احب الاريدها..

وهسة تاكلين لو لا ...لان اني متت جوع... 

اية:: اووك اكل ... بس مو خوفي من عقابك... بس جعت ...

علي::هههه يابا ماشي بس اكلي... 

 (تقريبا بقينه اني وعلي الليل كوله  واحنه نسولف ونضحك.حسيت نفسي بديت ارتاحلة واحب احجي وياه..سوالفة حلوة.. وحسيته صدك ندمان...اتمنيت الليل ميخلص... لحد مسمعنه اذان الفجر تفاجانة واحد يباوع عل ثاني...

علي:: معقولة اذان الفجر...

اية؛؛ لا ...باع الساعه ..يبوو. 

علي:: والنبي محسيت بالوقت.

اية::هههه يله احسن حتى اصلي وانام...

علي:: طبعا اني مااحب السهر بس شوفي بسببج...سهرتيني...

اية::لاوالله ... اخاف متقبل...يعني اني الجنت احجي الليل كوله.

علي:: ههههه ايي انتي .. لان لو اضل شهر اقابل عيونج الحلوة ميجيني النوم... 

اية؛؛ اكوم اصلي احسن....انته متخلص كلام اليوم....

علي::هههه لعد اني هم اصلي...

توضيت وعلي هم توضأ وكف حتى يصلي واني وراه...

كملنه صلاة..

اية:: يله تصبح على .خير..

علي:: وانتي من اهل الخيرر. احلام سعيدة...

اية::شكرااا.

خليت راسي عل مخدة واني فرحانة بعلي حسيت نفسي تعلقت بي بس ابد بينتله.. 

اريدة ...اريد اسولف وياه أكثر ..اريد اباوع على عيونه....واشبع منهن....

معقولة هذا الحب. ...معقولة بديت احبه

نمت... وكعدت على صوت الباب يندك وطفر علي قبلي

...فتح الباب

منى:: صح النوم عيني شنو اليوم متكعدون ضل بالنه يمكم...

علي::ليش بيش الساعة هسة؟

منى::ب12:30 باباتي.. 

علي::اووف...محسيت بروحي...

منى:: يله حبيبي اخذ راحتك حبيت اطمئن عليكم .. لان امي ثبرتني.. روحي شوفيهم روحي شوفيهم...

علي:: لا ماكو شي... سلامتج.. بس تعب البارحة ..

. هسة ننزل وراج.

منى:ّاوك...

اني كمت لبست شالي...

علي:: صباح الخير ...او مساء الخير.

اية؛؛ههههههه صباح النور... 

دخلت للحمام غسلت وطلعت.. 

علي؛؛ اية بس سؤال 

اية؛؛ ايي تفضل 

علي:: انتي ليش تلبسين حجاب بالغرفة... 

اية؛؛ ماادري بس تعودت عليه...

علي:: بعد ممنوع بالغرفة مااشي...

اية::ماشي...

نزلت.. لكيتهم ديحضرون الغدة ...واا فشلتاه...

سلمت ...

ام عمار:: هاايمة شنو صاير بيكم شي...

اية:: دااحجي ودخل علي. 

علي:: يمه البارحة سهرانين للصبح....

ام عمار؛؛ الله يكثر سهراتكم يمه...

اتعجبت ليش  بهيج اسلوب كال...

كعدنه بوجهنة عل غدة وصار هوة غدة وهو ريوك...

خلص اليوم  حسيت اني انسانة جديدة.. قلبي ينبض من جديد..معقولة اكثر انسان كرهتة بحياتي..اليوم قلبي ينبض اله...وعندي مشاعر تجاهة....اووف خلص الوقت بسرعه وباجر علي يروح للدوام ...معقولة هيج تعلقت بي ومااريدة يروح... كل شوية يذكرني بالضمادة مال ايدي.. احسه مهتم اكثر مني 

حضرت جنطته...ونمت كعدت على صوته..

علي:: اية...

فتحت عيني لكيته بوجهي..

اية:: نعم..

علي:: حبيت اودعج...