رواية هوس العاصي الفصل الخامس عشر 15 بقلم فادية النجار

اللهم صلي على سيدنا محمد وعلى اصحاب سيدنا محمد وعلى اتباع سيدنا محمد وسلم تسليما كثيرا 

سمر اهدي يا قلب سمر ولا تزعل نفسك 

ساهر انتي مشفتيش امي دعت عليا ازي 

سمر امك مش ملاك يعني عشان دعوتها تستجاب 

ساهر عارفه انا كنت خايف لم تعرف بس مش كنت متوقع رد فعلها كده دي وجعت قلبي قوي

سمر بعد الشر عنك ان شاء الله هي الي قلبها يوجعها انت اسه صغير يا نضري انما هي رجليها والقبر 

ساهر بس كله منك يا سمر ليه جيتي 

سمر اخص عليك ياحبيبي يعني روحت عشان اخدمها وافضل تحت رجليها دي جزاتي ومثلت البكاء في اخر الكلام 

ساهر خلاص حقك عليا انا عارف هي بكره ولا بعده وهتنسي 

سمر افرض طلبت منك تطلقني يا ساهر هتعمل ايه مش تنسي اني حامل في ابنك 

ساهر اني بحبك يا بت وعمري ما اقدر اعيش من غيرك 

                                                     

                                                       

كان عاصي يشعر بهزيمه روحه امام الجميع بعد كلام مياده  ولكن عندما قال 

خاله عصام 

عصام يلا يا ليال علشان نمشي 

تحول عاصي عليه وقال تمشي تروح فين يا خال

عصام نروح يا عاصي علي بيتنا وانت تتطلق ليال 

عاصي كلام ايه ده ان شاء الله الي بتقول عليه 

عصام كلام العقل يا ولد اختي 

عاصي عقل ايه ده يا خالي الي بتقول عليه لما تاخد مراتي من بيتها ليه يعني 

عصام اولا ده مش بيتها ثانيا  وده الاهم انت استغليت انها في ازمه علشان تتجوزها يعني يعتبر جوازك منها باطل لانها وافقت تحت ضغط  

عاصي الكلام ده كله ملوش عندي اي صفه تمام ليال مراتي واستحاله تخرج من هنا 

كانو يتنازعون عليها وهي تقف بعيد تشاهد هذه المجادله 

ولكن عندما شاهدت تازم الوضع وعلمت ان عاصي تحت ضغط كبير وسوف يفقد اعصابه 

ليال ايه هو انا بيعه وشروة عملين تتعازمو عليها 

عصام لا يا ليال انتي هتيجي تعيش في بيتي معززة مكرمه 

ليال وده قرار مين بقي ان شاء الله 

عصام ده قرار العقل ولا انتي ليكي راي تاني 

ليال اه طبعا ليه راي تاني الي انتو مش تعرفوه اني مش هسيب بيت جوزي وبعدين عاصي وقت لم جدتي دخلت العمليه قالي قبل كتب الكتاب انه مش عايز الفلوس ولو انا رفضت تمام مش غصبني انا وافقت عليه بارادتي 

عصام ماشي يا ليال طيب انتي هتستحمليه بعد كلام مياده 

ليال التي علمت علي ماذا يتكلم خالها واراده انت ترجع كرامه زوجها امام الجميع 

اه يا خالي وبعدين مانا وهو متجوزين بقالنا اكتر من اسبوعين وممتش يعني ولا حصلي حاجه انت فاكر كلام مياده ده حقيقي هي قالت كده علشان تشكك في عاصي وتنزله من نظره قدامكو وده مش هيحصل انا هقعد مع جوزي في بيته مش هخرج من هنا 

تضخم قلب عاصي من كلامها ورفع راسه التي كانت تتدل للارض بعد كلام الحربايه ولكن بعد قرار ليال سوف يتعلاج من هذا الموضوع خوفا علي معشوقته 

نظره ليال الي عاصي وذهبت وقفت بجانبه وامسكت يديه وقالت انا مكاني جنب جوزي شدد عاصي علي يدها كانه ياخذ منها الامان لا العكس 

خالها تمام ياريت مش تندمي والفرح هيتعمل في ميعاده علشان نقطع لسان الناس الي هتتكلم 

عاصي ابقي خلي حد يفتح بقه وانا اخرسه مين الي يتجراء ويتكلم عن مرات الديب 

قال الخال ماشي يا عاصي وانا هثق فيك وهسيب ليال معاك بس عايزها تعرف ان بيتي مفتوح لها في اي وقت 

ليال شكرا يا خالي علي كل حاجه 

عصام انتي من ريحه الغاليه يعني بنتي برضو غصب عنك 

ليال عارفه وشكرا بجد من قلبي ليك   

                                                     

بعد مده في غرفه عاصي كانت ليال تحمل توته علي دراعها السليم وتنايمه وهي تغني لها 

دخل عاصي وهو لا يتكلم وبعد مده وضعت الطفله في غرفتها التي خصصها لها عاصي بجوار غرفتهم 

عاصي انتي ليه يا ليال فضلتي 

ليال كنت عايزني امشي يعني 

عاصي ياريت يا ليال متلعبيش بالكلام وتردي علي سوالي 

ليال عشان انا عايزة افضل جنب توته 

عاصي يعني عشان توته بس 

ليال لا طبعا 

فرح قلب عاصي ولكن اكملت ليال وقالت وعلشان خاطر خالتي وسلمي لاني مرتاحه في وسطهم 

تحطم امال عاصي بعد كلامها ولكن معاها حق فهو لا يستحقها 

عاصي طيب مخفتيش من كلام مياده 

ليال بحمقه شديده دي اساسا ست مش محترمه ومش متربيه لانها بتخرج اسرار بيتها واوضه نومها وبعدين لا مخفتش يا عاصي 

عاصي طيب اهدي يا ليال وليه مخفتيش 

ليال علشان انت لو زي ماهي بتقول مكنتش صبرت عليا كل ده 

وكنت خدتني غصب بس انت معملتش كده ودي حاجه كانت في صالحك بالنسبالي وبعدين انا مقدرش احكم علي حد من مجرد كلام ده مش اسلوبي 

عاصي بس يمكن تندمي  بعد معرفتك الحقيقه لان كلام مياده صحيح 

ليال  التي علمت انه يقول الحقيقه 

ليال بس ممكن نتغير ولو محصلش انا مش خايفه منك 

عاصي ازي غيرتي رايك كده صعبت عليكي يعني 

ليال انت عاصي الديب تصعب عليا انا تبقي لسه معرفتش مين هي ليال 

عاصي مش فاهمك 

ليال يعني انا مش البت الهبله الي اي كلمه بينضحك عليها بيها انا شوفت كتير بعد موت بابا وتحملت مسوليه تيته وكنت مطمع للكل الناس الي اشتغلت عندهم وبعدين لما حمدي ايجه يخطبني جدتي فرحه قوي علشان هتطمن عليا قبل ما تموت بس انت متعرفش قالي ايه ده قالي اوعي تلطي فلوس الجهاز هي كده كده ست كبيره وهيبقي موت وخراب ديار وانت جيت وطلبت تتجوزني ساعتها كرهتك قوي بس مع كده حتي مطلبتش مني اني اعطيك حقوقك ولا فرضت عليا تاخدها غصب يعني انت الي ليك عندي جميله 

عاصي بس انا مليش عندك جميله ومستعد اصبر عمري كله وعمري ما هقرب منك غير لما تحبيني وانا هعمل كل الي اقدر عليه علشان تحبيني وهتعالج يا ليال علشان خاطرك 

ليال وانا يا عاصي هعتبر علاقتنا اختبار لينا احنا الاتنين علشانا وعلشان توته وعشان خالتي والاولاد 

عاصي تمام يا ليال بس من انهارده هتنامي في حضني وده وعد مش هغصبك علي حاجه ودي اول خطوة في اختبارهم للنجاح فالامان والاحساس يبدا بالقرب والتفهم والحقيقه والموده والرحمه 

ليال وانا موافقه فهي الاخري بعد حلمها بانها لا تستطيع ان تفقده قررت ان تعطي لنفسها فرصه معه 

نتركهم يعيشو فرصتهم ونذهب الي سلمي 

                                             

كانت سلمي تجلس علي الارض وتمسك عصايه وتخطط علي الرمال تحت ضوء القمر الواضح وتفكر في ماذا وصلت لهو من قله كرامه لنفسها 

جاء عمر وجلس بجوارها حست بيه سلمي ولكن هي قررت انها لابد ان تكون غير مباليه بوجوده معاها 

عمر ايه يا قمر الصعيد مخفتيش يعني ولا هربتي مني 

سلمي بص يا محترم ولونك انت شخص مش محترم ولا تستاهل ان الواحد يعملك اعتبار 

عمر ليه بقي مش انا عمر الي بتموتي فيه مشفتش حالك وانتي بين ايدي انا لولا خبطتك ليا كنت زمانك بقيتي مراتي 

شعرت سلمي بتنقيص في كلامه لها وانه يعريها امام نفسها ولكن ابت ان تظهر لهو انكسارها 

سلمي لا انا كنت ماشيه وانت شدتني وانت الي قربت مني ولو حسيت اني ضعفت معاك فعلشان كنت فكراك راجل بس لما لقيتك لا تمس للرجوله بشي ضربتك في مكان حاسس وجريت فهمت 

جن جنون عمر وقال مين ده ال مش رجال انت هبله اومال لو مش عارف انك بتعشقيني من زمان وكنتي بتجي مع عاصي القاهره بس علشان تشوفيني كنت قلتي ايه 

سلمي بكبرياء ده الي خيالك المريض صورهوالك تمام انا اساسا عمري ما تخليت اني هتجوز راجل بغير البنات زي التيشرتات وبيعمل معاهم علاقات في الحرام ويزني تمام انا الي هتجوزه هيكون انا اول بخته زي ماهو هيكون اول بختي 

عمر مين الي قالك كده وبعدين انا عمري ما قربت من واحده غصب عنها كلهم كانو برضاهم 

سلمي علشان رخاص زيك بالظبط 

عمر احترمي نفسك طيب مانا قربت منك 

سلمي ماهو الدبان برضو بيتلم علي الزباله وعلي الحلويات افهم يا بيه انت ضيف عندنا وانا احترمت اخويا ومرضتش اقوله علي تطاولك معايا تمام عشان متخسروش بعض بسببي فاهم وبعدين انا لو عايزة اتجوز ولا زي ما تقول كنت عايزة علاقه كان في بدل العريس ميه ماهو انا مش اي حد برضو انا سلمي الديب اخت عاصي الديب الي الف واحد يتمني يناسبه من رجال الاعمال وانت  يعني حياله ماسك شغل اخويا يعني اوجري روحت ولاجيت ملكش قيمه وتركته براس مرفوعه ودخلت فهو ظن فيها انها البنت التي سوف يتكبر عليها 

ولكن لا تعلم انا البت اذا احبت شخص رفعته في السماء واذا كرهته بعد حب انزلته سابع ارض وانت انقصت منها وهي انثي ذو مقام رفيع ونسب لا تتخلي عن احترامها لحالها 

                                       

في الصباح كان الجميع علي السفره وكان عمر ينظر بخبث علي سلمي ولكن هي لم تعطيه اي انتباه 

ولكن تكلم عاصي وقال صحيح يا سلمي عايز رايك عمر طلب ايدك مني انا وجدي بالنسبه لراينا احنا موافقين بس مستنين رايك انتي 

عاصي الذي كان يعلم باعجاب اخته بعمر فرح عندما طلبها عمر ولكن لم تعلم انت شي يا عاصي 

سلمي براس مرفوع وهي تنظر الي عمر الذي يضحك بخبث عليها 

سلمي انا اسفه يا خوي بس انا مش موافقه 

عاصي ليه يا سلمي ممكن اعرف السبب 

سلمي مفيش حاجه كل شي قسمه ونصيب وربنا يرزقه بالي احسن مني ويرزقني بالي احسن منه 

اسود وجه عمر من الكبت الذي يشعر بيه الان لانه لم يتخيل انها سوف ترفضه علي الملاء

وقال طيب ممكن نتكلم شوي يا عاصي واعرف ليه هي رافضه ولا حضرتك رافضه الموضوع 

عاصي تمام لو سلمي موافقه 

سلمي ملوش داعي وبعدين يا عاصي انا رافضه الشخص نفسه مش الموضوع 

عاصي تمام يا حبيبه اخوكي الي انتي عايزه هو الي هيحصل  وكل شي قسمه ونصيب 

سلمي ربنا ما يحرمني منك وقامت من علي السفره وصعدت الي الاعلي 

قامت ليال وراءها وجدتها تبكي 

ليال ايه يا سلمي مالك كده انت زعلانه ليه 

سلمي انا تعبانه يا ليال ومحتاجه اني افضفض مع حد هل هتقدري مش تحكمي عليا غير بعد ما احكيالك كل حاجه 

ليال ولو مش عاوزه تحكي يا سلمي عمري ما هحكم عليكي من غير ما تتكلمي 

حكت لليال كل شي عن حبها لعمر الذي عدي الاربع سنوات وكان يقصد التقليل منها وعن شده لها وتقبيلها وعن انها شعرت انها كادت ان تفقد نفسها بين احضانه وانه قلل منها بعد ذلك وعايرها ظلت تقص وتقص وليال تسمع وفي الاخر سكتت وهي تبكي علي كل شي مرت بيه حتي رفضها لهو التي كانت تحلم انها يخطبها فقط وتمني نفسها بيه ولا تعلم لماذا رضت 

ليال لان الي حسيتي بيه مش حب ده اعجاب لانك متعرفيش حد فده اول راجل وعلشان كده افتكرتي نفسك بتحبيه وبعد موافق بينك وبينه عرفتي انه ما يستاهلش انك تعجبي بيه مش تحبيه 

انا هسالك سوال وياريت تجاوبي عليه انتي حاسه بعد الي حكتيه ده كله انك لسه ممكن تفكري فيه زي الاول 

سلمي خالص ومش عارفه ازي كنت بفكر فيه قبل كده 

ليال كده تمام يبقي ده كان مجرد اعجاب طيب قومي بقي اتوضى وادعي ربنا يريح قلبك يا حبيبتي 

الفصل السادس عشر من هنا