رواية ما ذنبي انا الفصل السادس عشر 16 بقلم أحلام السعدي

الأمل بالله باقٍ والبشر لا لي أمل البشر هانوا وخانوا واستكانوا للخلل عاهدونا خالفونا عاملونا بالحيل وكلّما قلنا يعودوا للمبادئ والمثل لم يعودوا، بل تمادوا وارتموا نحو الوحل وكلّ مرٍّ في نظرهم كان أحلى من العسل الأمل بالله باقٍ والبشر لا لي أمل

ــــــــــــــــــــــــــــــــــــــــــــــــــــــــــــ

ضليت صافنه عالجهه

الثانيه.وابجي مااعرف شلون حته غفيت بحضنه.

ورة بساعة. فتحت عيوني. لكيت راسي عالرجلة.ويمسح عالراسي.

اباوع ذاب حجابي. كلت هو همزين هسة مايشوف.

اريد اكوم اخاف.وحتة راح انحرج.مكدرت لااكوم ولا اتحرك.

رجعت نمت عالرجلة.بس باوعت فهد هم نايم عله رجله.

كعدت الصبح. ساعة بال٧.لكيت منومني عالسرير.

اباوع عالآصف دايدرور عالشي يم المراية.

حجيت بخجل. تحتاج شي.

آصف... صباح النور.

.... اسفة صباح الخير.

آصف.... أي.محتاج شي.

عقدت حواجبي.يعني ليش مكال صباح النور. احس اريد  اضربة من الصبح.

كمت من عالسرير.ورحت يمة.

..... شنو تحتاج..

..آصف...روحي عالأدم او يونس كليلها واحد منهم.خلي يجي..

..... ليش.

ضل ساكت...دايريد يحجي ويبطل.

بعدين كال.... اريد اخفف لحيتي.

باوعت علية صدك لحيته صايرة عالية.

كتلة اني اعرف.

عقد حواجبة.... لا انتي تخربين وماتعمرين. روحي روحي دزيلي واحد منهم..

صاله من انعمة ١٠ ايام. وليهسة مراجعلة البصر. هو جان يفقد الأمل يرجع البصر اله.. بس ادم ويونس وعم مالك  يحجون ويا ويرجع يصير عندة امل شوية.

..... شبيك والله اعرف.اني جنت اخفف لحية مهند وبابا.

ضل ساكت .ورجع كال واذا خربتها وتردين تنتقمين مني.

.... حجيت..بقلة صبر. والله والله والله مااخربها ولاانتقم منك.

سكت... وبلع ريكة.كال يلة.

كام يتلمس الأشياء.ودخل للحمام.

اووووف شكد ستحيت.امداني اني شكو جان كتله هسة ادزلك يونس او ادم. لو الا ادخل روحي بشي مايخصني.والله ادخل نفسي بمواقف بايخه.

 نفتح الباب ودخل عليه وهوه عيونه يجدحن من العصبيه حجيت ببكاء الله عليك عوفني والله العظيم مالي ذنب حررام عليكم شنو سو...

دخلت.... طلعلي مكينة. الي تتخلى عالكهرباء.

باوعت عليها شكلها غريب كلش.شنو هاي.اويلي يلاغنياء ماينفهم شي من بيوتهم. يجيبون كل شي غالي.

خليتها عالكهرباء واني خايفة.

حجة بقلة صبر.... يلة شبيج.

بلعت ريكي. وحجيت.أي.

علكتها.... اشو هاي بسرعة شالت. بس مو كلها.

عضيت لساني... مااعرفلها..

طفيتها. وحجيت.اةةة آصف.. 🙄🙄.

آصف..... همممم. كملي.

.....ها لا هسة اكول لاادم قبل لايطلع لشغلة.

آصف.... ها ولج يلصرصور. شسويتي. اكيد سويتي شي غلط..

هو كام يتلمس المكان الي خليت بي المكينة.

واني حجيت..  شنو صرصور.  عوععع.

آصف.... يلصرصور. مو قصدي حشرة..

باوعت علية واني كاشة.. لعد شنو.

آصف.... موبايل هو مايفيد بكلشي بس صوتة عالي بالمكالمات. وانتي هيج.ما استفاد منج  بس صوتج عالي.

باوعت علية. وتخوصرت مدري اضحك مدري ابجي.

تاليها....سديت حلكي وضحكت.

آصف.....روحي انتي مابيج فايدة. روحي صيحيلي ادم او يونس قبل لايطلعون.

.... اي

دااريد اغسل ايدي.. همة عدهم من هذا  الدوش الي. اذا تنزلي.ينفتح بوري جوة وتغسلين. واذا تصعدي ينفتح الدوش..

اني علكتة.وصار عالآصف مي. بسرعة سديتة وبلعت ريكي.

آصف... حجة بصوت عالي هو وينفض المي. من الله يطيح حضج.. مو كتلج فاهية. وما تعرفين كلشي. امشي لاابتلي بيج..

..... باوع علية حجيت هو مي. 😅😅.واني كاتمة ضحكتي.

رحت وهو يصيح علية ويغلط. واني خربانة من الضحك.

اني ابد ماافتهملة لهذا الدوش. دائما من اريد اغسل ينفتح الدوش بدون مدري. شسوي يعني.

لكيت يونس.حجيت.. يونس.

باوع علية.... احس نضراتة ماتعجبني. رغم مو هو ابد ماشفت شي علية. بس حجيت بهدود. آصف يريدك.

يونس..... هممم جيت.

صعد الطابق الثالث... وكال وينة.

حجيت بالحمام.

راحلة ودخل للحمام.

آصف.... تعال يمعود. خففلي لحيتي بسرعة مارح تتأخر.

يونس..... ههههههه هاي شصاير بيك..

آصف..... لاتضحك يلة..

اباوع شقاهم وضحكهم..هو ويخفف لحيته. بتسمت عليهم.

طبعا يونس. كلش يشبه آصف. وهمة مو بس ولد عم لا أخوة واصدقاء. أخوة بشكل.

حتة آصف. يحبة اكثر من اخوتة. ويطلعون سوة ويطبون سوة ودائما شقاهم. ثكيل وية بعض.

يعني تكسير تلفون وضربات بوكس. كلش ثكيل.

دائما آصف يضم تلفون لمن يشوف يونس. ويونس هم. لأن إذا أحد شاف تلفون الثاني يكسرون.بدم بارد.

واني لو سويت هيج بتلفون امي.جان خاصمتني لسنة كاملة. وتضربني. لأن هناك عدنة هواية غالي.

......عاد خلصو.طلعت من الحمام.وراح يونس.

جان يسبح..كعدت فهد وبوسته ونزلت لجوة.

سويت اكل..ونزلو كلهم الا آصف..

رحت صعدت يمة.

فتحت الباب.

لكيتة دايمشط شعرة.

حجيت.... يعني ماتنزل.

آصف..... جم مرة كتلج.ماانزل. لا تعاندين.

..... ترة مايصير هيج.. انت الي داتبين ضعيف كدام الكل. لو ماضعيف جان نزلت واكلت وياهم.

هو سكت.

..... راح اصعدلك اكل.

دااروح وكال اكفي.

...... تحتاج شي.

صار يتلمس الأشياء.

لزم ايدي وكال  نزليني

بتسمت.... ومشيتة بدون مااحجي.

دايمشي وصل للدرج. راد يوكع. بس لزمتة.

آصف..... والله غبية. غبية.

...... هسة اني شعلية انت وكعت.

آصف.... غير دكليلي وصلت الدرج. جان وكعت.

.... شمدريني عبالي تدري.

آصف.... انتي غبية بلا عقل والله. لو أدري جان اني رحت وحدي مطلبت مساعتج. امشي امشي نزليني.

نزلتة واني كاتمة ضحكتي.والله اريد اضحك بس اسكت خاف يرزلني.

نزل... والكل تكلة عاش من شافك ويحجون ويا يريدون يطلعو من جو الكئابة.

صبيتلة اكل.هو يتلمس وياكل.

عاد رحت للمطبخ. اكلت مربة وكيمر.

ورجعت اسوي اكل.

رتيل شايلة ايدها من كلشي وملتهيا بالجهال.لان جهاله صدك وكحين.

وشمايل وهتوف. بهذن الايام كامن يشتغلن وياية.. وية الخدم.

وعمة ملاك... تكول جيبي ودي.وخلي ورجعي  دائما هية بس تامر واحنة نفذ.

وعمة حوراء... مرات تروح عالحديقة. تنضفها.

هو بيت جبير كلش. ومحبيتة ابدا. هو حلو. بس مو حلو مدري شلون.

كعدت بالصالة.

اباوع... عمة ملاك. تروح وترجع مدري شبيها.

صحت عمة تحتاجين شي مضيعة شي.

حجت.... وباوعت علية بشك. وانتي شمدريج مضيعة شي.

حجيت... بقة صبر.. لان دااشوفج وانتي دورين عالشي.

عمة ملاك.... هه والله يمكن انتي بايكته. من البارحة واني ادور عليهن.

....حجيت بصوت.شنو سارقتة اني. ليش كلشي تذبي برأسي.

عمة ملاك... ولج بنت البواك لاتعيطين. ياسراقة.طلعي محبسي وفلوسي..

جوي الكل عالاصواتنة. اني اعيط وهية تعيط..

.دموعي نزلن.غصب عليه.واني اعيط بقهر.

..وكالت.... ها يعني مبينة جذابة وانتي سرقتي.

...... اني مسرقت شي كتلج..

عمة ملاك....ليش لعد تبجين. الي يبجي عالشي  يعني هو مسوي صدك  يلة بنت البواك. طلعي الفلوس ومحبسي.

سمعت..صوت ورانة.

آصف..... ها شكو خير. بدت رحمة الله.

عم مالك..... شكو. شصاير. دخيل الله شبيجن.

.دااحجي وسكتتني.

عمة ملاك..... هاي بنت البواك  من البارحة واني ادور بالفلوس ومحبسي. ماكو. وهية الي ماخذتهن.

.... حجيت.... والله مااخذت شي اني جيبولي قرآن احلف.

عمة ملاك.. .... كال يلمجرم احلف. كال اي اجا الفرج.وج حرام.

حجة.عم مالك . شادن اذا ماخذتهن طلعيهن. واني انطيج بدولهن.

باوعت علية وفتحت حلكي. حتة للحضة اني شكيت بنفسي صدك ماخذتهن.

وآصف... ساكت ومخلي شي بأذانة. يمكن سماعة بلوتوث.

..... حجيت ياعمي والله مماخذة شي والله.

آصف.... كال ترة هيانا بأيد فهد. واشر عالفهد..

نباوع علية لازمة فهد ويعضعض بي.

نباوع عالآصف.

حجيت.... آصف انت تشوف. باوع علية شوية شوية وكال اي اشوف.

.عم مالك.... ليش ماحجيتلنة انت تشوف.

آصف.... قبل شوية اني كمت اشوف.

اباوع عالأصف. بلكوة يباوع. شكيت هو هسة يشوف..

عمة ملاك.... اخذت المحبس وكالت.لعد والفلوس وينهن.

آصف.... هنة وين جانن.

عمة ملاك.... جانن يم الميز مالتنة. بالغرفة.

حجة عم مالك.... اني اخذتهن خليتهن بالكنتور.ياملاك. لا تتبلين عالاحد.

اباوع عليهم.... شكد كرهتهم حجيت ها يا عمة. اني مماخذة شي. والله عالضالم.والله يلعنكم انشالله.

عمة ملاك.... يمكن انتي شمرتي عالفهد. وذبيتي علية. لأن هو صغير.

..... حجيت بصوت عالي. كافي عاد. كلسا مطلعتلي سالفة.كافي.الله واكبر عليج.

والله محد مسوي هذا الفلم وذابتة برأسي غيرج.. فليش داتجذبين.

عمة ملاك شهكت وكالت ولج اني. وج يمة منج.. يلفصلية يالحقيرة.

..... انشالله فصلو بارواحكم كلكم. حقراء.

تفلت  بالكاع..دااطلع.صاحت.

عمة ملاك... ولج اني حقيرة. يل بلة ترباية. داتحجي وسكتها آصف.

آصف.... بحدة.... كافي عاد. كافي انتي كومي يلة. روحي للغرفة واياج تطلعين منها.

حجيت ودموعي بعيوني.. بس

آصف....بعصبية.... . امشي.

مشيت واني العن بي. يعني فوك مو هية غلطانة يجي آصف ويحجي علية.

صعد آصف. وكعد عالسرير.

كمت من التخم وحجيت  انت ليش هيج تسوي اني عرفت.اني كتلك كلام الليل يمحوه النهار  فوك مو هية غلطانة. تجي وانت تكمل علية.

آصف.... اسمعي اني ردت احجي وية عمة ملاك. بس انتي ماخليتيني احجي. ولج ردت اخذ حقج بأيدي. بس انتي غبية. اني عصبت عليج مو علمود شي. بس لسانج هذا عصبت منج. ولج اكو وحدة تكول لأكبر منها.او مثل امها.جذابة وتسوين فلم وتذبين براسي.ونوب تتفلين. ومن هل الخرابيط.تني هسة يلة عرفت تزوجت وحدة زعطوطة ومتفهم شي.شويه احترمي الكبار.

2

خلة السبابة عالراسي. وكال بابا عقلي. فكري قبل لاتحجين الكلمة.

باوعت علية بعصبية وسكتت.

وطول هالكلام ماباوع علية.

خليت ايدي وصرت ااشر يم عيونة. هم ماترمش.ولا رمشة..

حجيت..... آصف.

آصف..... خير.

..... انت ليش كذبت علية وكلت اتشوف.

آصف.... لان ادري بعمتي. هية تريد اطلعج من هذا البيت. بأي وسيلة. واني اعرف انتي  مبكتي شي.. لهذا ستعملت بلوتوث. واني مخلي كامرات مراقبة بالصالة. لان اول متفتحين باب البيت تلكيها.والحارس الي دااحجي وياجان.يكلي باوع يمين او يسار او شمال.واني هواية خربطت. بس محد عرف.

سمعت تكول عليج بواكه لهذا اتصلت عليه حته يساعدني. وجنت لازم التلفون ودااصور الكل. وفجأه كلي تره بأيد فهد المحبس جان جوه القنفه.

...باوعت علية بصدمة. يعني اكو كامرات مراقبة بالبيت كلة.

آصف..... توو.لا بس بالصاله. لأن يطلن عالغرف.

...... طيب مو خاف يشوفون بدون حجاب.

آصف.... هم لا لأن بس اذا يصير شي مهم يفتحون الكاميرات. وبعدين انتو دائما لابسين حجاب. فعادي.

..... يعني لهذا انت عرفت بأيد فهد المحبس.

آصف..... هممم.

..... طيب خلي نشوف منو جاب هاي الحية.

آصف..... مالكيت شي يعني هية دخلت من الحديقة. ماكو احد ذابها.

..... هااا.

آصف..... امشي شوفي فهد.

..... أي.

مثل كل يوم عادي مر.. بس متخلو من كرة عمة ملاك الي. مادري ليش ماتحبني.

صعدت مالكيتة. آصف..

جنت اريد اسبح. بس دائما استحي لمن اطلب ملابس من شمايل او هتوف. بس شسوي.

مرات الي جيت بي جنت لابسة دشداشة. ودائما اغسلها والبسها.ولمن يشوفني هيج. ينطني ملابس منهن. جنت اكره هذا الشعور.

صرت من حق فصليه. لا ملابس لاعرس لا ذهب. لا حتة غرفه.

.... صارت الليل ونمنة.

كعدت.. الصبح سويت ريوك..

اكلت بالمطبخ.. وكمت للصالة. يم الميز دائما اوكف.انتضرهم يخلصون.

فعمة ملاك كالت... آصف..

آصف.... هممم.

عمة ملاك.... انت ليش البارحة كذبت علينة.

آصف.... عالشنو..

اباوع صار آصف يباوع علية.. عبالك يشوف. اشوفة يباوع عالكل..

عمة حوراء... حجت. آصف. انت صدك تشوف ولة شنو.

آصف.... اكيد. اشوف.

كام يونس وكال خلي افحصلك عيونك.

كملو... وفحص عيونة كدام الكل.كال الحمد لله هسة سليم كل جسمك..لاتخاف.

باوعت عمة ملاك بغضب علية..

هاي شبيها احس جانت تسمع علينة البارحة. شلون عرفت

....... وبهاي الايام.صارو ينقلو بالغرض لبيت جديد. لعمة ملاك وأدم وياهم ورتيل..

يعني البيت راح يصير.. بس لآصف وشمايل وعمة حوراء ومراد وهتوف..واني..بس احنة نعيش بي.

اني كلش رتاحيت. أول شي لان عمة ملاك تروح. ورتيل هم. خلصت منهن.جنت فرحانة.

فنقلو الأغراض ودعونة وراحو. يمكن همة قريبين. يم بيبي. بيت العم ثابت الي مات..

جنة نشوف بيبي.. كل 3 ايام نشوفها. تجي شوية وتروح. لبيت العم ثابت. متريد تترك بيت ابنها الي مات.

اني جنت كاعدة اكلب بالتلفزيون.. سمعت صوت عالي.

رحت اشوف شكو..

باوعت العم مالك شيسوي هنا وعليمن دايعيط.

العم مالك.... ولج ليش مكتيلنة. وهذا يونس الي مسودن بيج ويريدج. شكلة.اني بلة.

آصف..... شتكول.بس يريد يسوي وحدة بوحدة هذا الكلب..اني اعلمة.

شمايل جانت تبجي. والله ردت احجيلكم بس مكدرت.

آصف.... ولج يجي علية اليوم. ويكلي اريد مرتي واني مثل لااطرش بالزفة. ولج ليش هيج.

شمايل.... خوية والله والله هو من اخذني خطف. بسرعة وداني بالمحكمة. ووقعت غصب لان. هددني بيكم.

اباوع العم مالك وآصف. أعصاب صايرين واذا شافوني راح توكع برأسي.

داامشي وكال اوكفييي.

بلعت ريكي وكلت ها عمي.

عم مالك..... انتي جنتي تعرفين مهند اخوج تزوج شمايل.

بلعت ريكي وكلت.... هية كالتلي.

جا آصف يمي... واني متت بدمي. خفت كلش من نضراتة.

آصف.... وليش ماكلتيلي.

شمايل.... خوية والله اني كتلها.. لا تكولين لااحد. هية مالها ذنب.

آصف.. بعصبية .... ولجن شلون يعني اخلص من مصيبة تجي مصيبة ثانية. ولجن شلون اخلي طلقة براسجن واخلص منجن. بس اني الك يامهند.

راح صعد فوك. صعدت ورا.. بسرعة.

اباوع علية ايدة ترجف من العصبية.ويدور سلاحة.

سديت الغرفة وقفلتها وخليت المفتاح بصدري.

كال وخري..

يريد يفتح بالباب ماتفتح..

.... اهدئ آصف. هو سوة مثل مسويت انت.

آصف..عيونة حمرة. افتحي الباب. لا اخليها براسج.. هالطلقة والله.

...بلعت ريكي.خليها كلشي ولاتلمس شعرة من أخوية.اني مات قبل ابوية. وشفتة بعيوني شلون جان مدمي وانتو الي قلتو.وهسة تريد تكتل أخوية.

ضربت عالصدرة. وحجيت بصوت عالي. كافي عاد كافي. راح يصير دم وحرب بين العائلتين. اذا ابوك مجان يهمك ولا يهم احد. بس اني بابا جان كلشي بحياتي واخذتو مني. ولكم يتمتوني.وهسة تريد تكتل أخوية. لا ماارح اخلي هذا الشي يصير..

لزمت مسدسة ووجهتة عالراسي  اكتلني الي. بس لاتلمس شعرة من أخوية.

ضربني عالراسي بالمسدس. وكعت بالكاع ولزمت راسي .اباوع عالايدي.. طلع الدم.

حجيت...وبتسمت.. بعمرك ممتغير. كلمن مااكول راح تتغير وصرت زين. تثبتلي العكس.

احسة هدئ.. وكال افتحي الباب مااسوي شي باخوج.

...بقهر.. مااكدر مع الأسف.. مااثق بيك ولا قطرة.تعرف شنو القطره..مااثق بيك.

اباوع علية راح عالميز. ذب سلاحة وايدة ترجف حيل فتح الميز وطلع كطن.

كومني من الكاع وكعدني عالسرير  لزم راسي وخرت ايدة بعصبية. كتلة مااريد شي منك.

آصف.....وحك هو الله  اذا ماخليتيني اضمدلج الجرح. احرك البيت عالراسج.

لزمني بعصبية ودار وجهي.. احس رادت تنخلع ركبتي.

وخر الحجاب عالكيفة.

لزمت حجابي وكالة عوفني اني اظمدة.

دفع ايدي بعصبية وشمر الحجاب.

احس راسي حينفجر من ورة هاي الضربة. ايدة ثكيلة كلش.

عقمها واني ميتة وجع. لزمت  الفرشه حيل.

ضمدها. وكعد عالسرير.

ساكت ويحرك برجلة.

احس اذا احجي كلمة وحدة ينفجر بية. او يكتلني.

جان كاعد عالاعصاب. ويخوف كلش. ويهز برجلة  حيل.

حتة انفاسي حبستهن.  وبلكوة اتنفس.

ضليت ربع ساعة هيج. إلى أن شوية هدئ.

اخذت المفتاح من صدري وفتحت الباب.

وقبل لااطلع  لبست شال ثاني  حجيت..

.... آصف اذا صار شي لمهند او عائلتي  اني راح ادمر كل الي هنا واولهن انت. واكتل نفسي.والله واقسم بالله اسممكم لو اقتلكم بالمسدس واقتل نفسي وراكم.

رحت اخذت حباية براسيتول.

رحت يم شمايل لكيتها صافنة وتبجي.

كعدت يمها.

شمايل....  الكل صار ميثق بية. وصارو يكرهوني.

..... لا تخافين انشالله كل شي يزول.اني هم مثلج وأكثر.

.

اباوع دك تلفونها.

شمايل... هلا مهند.

باوعت عليها.... شكد مشتاقة اسمع صوتة. كلبي يحركني.

فتحت السبيكر وصار يحجي.ها أخوج تقبل الموضوع.

شمايل.... لا لسا عالعصبيتة.

مهند.... شمايل اني سويت هيج. بس لحتة تصير كما تدين تدان. اني اسف. اني غلطت بحقج واني راح اجي لآصف  وكدامة  راح اطلبج.

شمايل.... واختك. شلون هية نضلمت بهذا البيت.وهيه مالها ذنب.

حجت هيج اني سديت حلكي امنع شهكاتي.

مهند...تنهد.. هية شلونها. زينة.شلون وصلت لبيتكم.

شمايل.... جابها آصف.  تعبانة كلش.

مهند.... كلبي حاركني عليها شمايل بس شسوي اني مكدر اتقبلها  لمن تزوجت آصف.

شمايل..... بس هية نغصبت.

مهند.... لو كان.

غمضت عيوني وابجي.

شمايل.... لاتنسة انت نفس الشي. الي سويت انت. سوة اصف. وهددها بيكم. اليوم هية الي وكفت آصف وعم مالك. وكفت آصف حتة لايرتكب جريمة. وكالت اكتلني ولا تلمس شعرة من مهند.

مهند.... لا تزيدين همي ياشمايل. اني كلبي واجعني من يوم المديت ايدي عليها وخليتها من الصبح لليل وحدها. وعالحر الشمس. اني من جيت داادخلها للبيت ملكيتها. كلبت الدنيا عليها وماكو.

صدك كلبي حركني.وبقوه.

رحت سريع عالغرفة جوه مال الخدامات . واني ابجي. ليش الكل يأذيني وبعد ميفوت الاوان يجون ويكولون نادمين.

اني نجرحت من كل واحد. سواء من عائلتي او عائلت آصف.

كعدت يم السرير..وخليت ايدي عالسرير وخليت راسي عالايدي ونمت.

كعدت عال احد يكعدني.

باوعت وعيوني بلكوة فتحتهن. وايدية ثنينهن مخدرات.

بتسمت..... مرااااد.