رواية لماذا انا الفصل التاسع عشر بقلم عبير السراي
ابو المحل:: اهلا وسهلا ... تفضلو...
علي::الله يسلمك..... يله اختاري ...شنو ...
اية::علي... كتلك مااريد....صدكني...
علي::منطلع منا اذا متشترين التردينه...
اية::بقيت اباوع عل اللعاب بس مستحية...هههفف
ابو المحل:: هو الطفل شكد عمرة...
باوعت على علي وثنينه ضحكنه...
علي:: تقريبا 18 لو 19 سنه . مووو؟؟ والتفت علية ...
اية: (ضحكت محجيت شي..)
ابو المحل:: عادي خيتي يجن اكبر منج يشترن لويش مستحية...
اية:: .......دنكت....بس احس جسمي كب نااار
علي::بله راوينه شعندك ....
ابو المحل:: تدلل....
طلع مجموعه لعابات كبار.. ..بس يجننننن ....
ابو المحل:: اختاري اذا معجبنج هيج نوعية..اطلعلج غيرهة...
اية::لا كوولش حلوات... اممم اريد هااي... بس غلفهة زين ..
طولهة بالمتر تقريبا... والبدلة مالتهة تجنن ...وشعرهة طويل ...اريد بس اوصل للبيت حتى افتحهة واشوفهة...
ابو المحل::ادللي خووية ....
علي:: شكد الحساب....؟
سمعت السعر تفاجات....
اية:: لا مااريدهة....
علي::ليش... ؟
اية::هاا ...مااريدهة .... غالية ..هي كولهة لعابة...
علي:: وانتي شعليج ..انتي حدفعين لو اني...
اية:: علي فدووة .. عوفهة...
علي:: ششش... تفضل ..
ابو المحل:: مشكور ... بالعافية...
اخذهة علي ..لزم ايدي وطلعنه... اووف شكد مستحية.
..حتى ايدي مااكدر اسحبهة.من ايدة
ندور على محمد ورهف ماكو...خابر عليهم علي ... منتظرينه يم الكراج...
بقينه نمشي للكراج بس طول الطريق ساكتين ..بس علي كل شوية يلتفت الي ويتبسم ...
شفته شايل اللعبة والحلويات ...
اية:: اشيل وياك اساعدك....
علي:: لا وصلنه مضل شي...
وصلنه لكينه ..محمد ورهف منتظرينه...
محمد:: شنو يمعودين ..وين رحتوا...
علي:: شبيك لا تضل تدردم...
محمد:: هذا شنو الشايله ...
علي:: غراض اشترتهن اية ...يله امشينه...
ضليت اباوع عليه... غمزلي ....
دخلنه للكراج ... وصعدنه السيارة...وطلعنه...
رهف بهمس :: اي عيني شهالحب كله
اية::شبيج يا حب ...؟
رهف::لو شايفة علي ..من ضعتي ..شسوة...
اية ::شنو شسوة ....؟؟
رهف::وج قلب الدنيا .....اني دخلت ادور عليج بالربع
ساعه . ملكيتج...طلعت كتلهم ماكووو تخبل.. راد يدخل للقسم مال نساء ..والحرس لزموا ...تعارك وياهم .. كللهم مرتي صارلهة بالنص ساعه ..ماكوو...اريد اشوفها ....
ومخلوا يدخل وهو تخبل كام يصيح واجو الحرس رادوا ياخذونه ..وطلع الباج مالته ... همة شافوا وبدوا يتعذرون منه...
واحد من عدهم .. كلهة سولفلي شصار ...علي سولفله كذا وكذا ...ودخلت تجيب جنطتها... وبعد مارجعت
... الولد اخذ علي ورحت وياهم ودخلنا جوة ندور عليج. بقينه فوك النص ساعه ندور وماكو..
الولد كال خلي ندور برة . تعذر منه علي ..وكله احنه نكمل روح لشغلك ... طلعنه وعلي عيونه بكصته...
كال لمحمد انته ورهف روحوا من هالجهة واني من هالجهة ..ونلتقي هنا...
ورحنه احنه ..وبعدين شفناج ..
عيوني صارت عليه... وتبسمت.. صارت عيني على المراية ...واشوفه يباوع علي...
درت وجهي عل شباك ..اووف شهالفشلة...
وصلنه للبيت ...محمد نزل ورهف..اني تعمدت ااخر نفسي...اندار علي حتى ينزل الاغراض..
اية::علي ...اووكف فدوة..
علي::هاا شكو...
اية::اممم لا تنزلهة...خلي بالليل من ينام البيت كوله انزل واخذها..
علي:: انتي ليش هالكد مستحية... ترى عادي.
اية؛؛ماادري اني استحي...
علي:: هذاهو على راحتج...
اية::ششكرا...
علي:: يله ادخلي...
اية.:السلام عليكم....
الكل:: وعليكم السلام تقبل الله ...
اية::شكرا منا ومنكم ..
محمد::يابا لكينه وحدة ضايعة وتبجي. ..وحالتهة تكسر الخاطر.
منى...::يااخطية. شكبرهة....
ام عمار::ياايمه ماساعدتوهة...
محمد::تقريبا عمرهة 18سنه...و.يباوعلي ويضحك...
لا شلون ماساعدناهة جبنالهة..مصاص وعصير كيفت عليهن..
اية:: ههههه ..عابتلك....
منى:: هاا شنو شبيج....
رهف:: هههههه مو هي الضاعت...
منى::يبووو صدك ..والله ...
ام عمار::يااا شلون ضعتي...
اية:: لا مو ضعت ...بسس.
رهف:: هاا مضعتي مو...... ضليتي بالساعة ونص..هههههه شيسمونهة هاااي..
اية:: شلون يالله ..انتي وزوجج عليه....عابتلج
منى ومها:: سولفيلنه شلون ضعتي...
اية::اممم ..نسيت جنطتي ورجعت حتى اخذها... وتيهت طريق الرجعه... معرفت ياباب دخلت منه .......الخ ..
وحجيتلهم الصار كوله...اباوع على علي .عينه عليه ..نظراته تربكني ..حاولت اكون طبيعية...
صارت الساعه ب11
اية:: مرخصتكم ...تصبحون على خير...
::اجمعين...
صعدت للغرفة طلعتلي ..فستان قصيرازرق وبجامه سودة... مااكدر بدون بجامه اخاف بالليل اتكشف....
دخلت للحمام سبحت وبدلت ..طلعت لكيت علي. كاعد..بس لازم رجله...
اية؛؛ هاا توجعك...؟
علي:: لا ...بس شوية
اية::طيب بدل ملابسك حتى اضمدهة...
علي::راح انزع بس البنطرون...اوك
اية::هااا...اني اطلع وانته اخذ راحتك...
علي::هههه ميحتاج تطلعين.. مراح اسوي شي...بس انزع البنطرون .ولابس جواه شورت ...يعني مستور ههههه ...
دورت وجهي .. شوية.و
علي:: احم.. هاا اية ...
جبت الادوية...وكعدت يمه....رفع شورته شوية لان الضربه بفخذه.. شفت الشاش بي دم...
اية:: يالله شووف الدم...
علي ::باوع عليه ورفع حاجبه ...يله مصار شي...
فتحته.الشاش على كيف.. اووف ..جسمي قشعر.. من شفت الجرح مفتوح....
لزمت كصتي.اية :علي جرحك مفتوح...
علي::امممم يله عادي شبيج....بس لا تخلين عصارة حتى ييبس...
اية:: بس اخاف تلتهب .....
علي::هي اساسا التهبت...
اية::وشلون هسة...
علي:: امسحي الدم وخلي المعقم ولفيهة...
اية::ليش متروح للمستشفى...
علي::لا يمعودة شنو السالفة على هالجرح...
اية:: شنو على هالجرح...غير جرح ومفتوح...
علي:: خاايفة عليه ؟؟
اية:: هااا...
دنكت وبديت انظف بالجرح...بس متماسكه كووة عليه اني اخاف من الدم نوب انظف جرح...اووف ... لكن هو ممهتم ..
اية::دتتاذة...؟؟
علي::لا...
اية بتعجب ::معقولة..
علي::مو كتلج من اشوفج افقد حوااسي كلها....
اية::تبسمت واستمريت انظف بالجرح...
علي [صوت هادئ]:: اية............لا تعوفيني…
احس قلبي يدك بسرعه
علي:: انتي ضعتي مني ساعة حسيت روحي ..ضاعت مني...مااتحمل غيابج عني...
اية ::______
علي:: بس انطيني فرصة اصلح كولشي
طيب فكري بالموضوع... بس لاتكولين اروح لو ننفصل... ارجوج....
هزيت براسي بمعنى ..نعم...
علي:: يعني اكو امل...
اية::-----
علي::تمام على راحتج...
كملت تنظيف الجرح ..ولفيت الشاش...
اية؛: لازم تروح لطبيب يشوف جرحك...
علي::الله كريم... هاا صدك قبل لا انسى الجنطة مالتي مال دوام وينها...
اية::هياتها...ليش ....؟
علي::راح اروح باجر للدوام...
اية::شلون وانته جرحك بعد مطايب...
علي:: خليهة على الله...
اية::والنعم بالله ...بسس . خاف تتاذة....
علي:: باوعلي وابتسم...
اية؛؛يعني قصدي...
علي:: دنطيني الجنطة خلي أحضرها...
اية؛؛انته ابقى اني احضرها.
علي::اهاا شكرا...
فتحت الجنطة خليتله الملابس الداخلية.. .وملابس الدوام...وجهزتهة .. خليتهة على صفحة .. وفرشت الفراش ... وتمدد عليه...
علي:: تصبحين على خير...
اية::وانته من اهلوو....
نمت محسيت بروحي من التعب...كعدت على صوت طكطكه بالغرفة لكن مافتحت عيوني ...شوية واحس اصابع تتلمس بشعري .. وخرة عن وجهي وتقرب كوولش كمت احس بانفاسة.قريبة عليه... خلى شفايفة على خدي وباسني على كيف ...وراح...اووف لو يجرحني ..ميلكه نقطة دم...
سمعت الباب نسد...طفرت ..واحس قلبي راح يطلع من مكانه...لزمت وجهي حارر...اووف...
رجعت لفراشي...
هههفف معقولة باسني . تمددت وغطيت راسي..بقيت
كاعدة بالربع ساعه...
حسيت الباب انفتح على كيف..
اووف ياربي رجعلي... يمه وين اضم روحي.. شوية ونسد الباب... رفعت الغطى على كيف...
ملكيته ...باوعت مخلي اللعابة يم الميز ...اووف نسيتهة بالسيارة البارحه..
رحت بسرعه فتحتهة ...اووف تجنن
حسيت نفسي مثل الطفلة الفرحت بلعبتهة.. فتحتهة. رتبت شعرهة..ورجعته للصندوق مالتهة...وكلت بعد شوية اشوف مكان الها...
كمت عزلت الغرفة..ورتبتهة.. صارت الساعه ب9:30..نزلت ..
صباح الخير...
::صباح النور...
كعدت اتريك ..وبالي يم علي... كل شوية اتذكر موقف اله ..واروح بعالم ثاني...اتذكر من ذبيت نفسي بحضنه شلون حضنه جان داافئ حسيت بامان جنت فاقدته...
حسيت نفسي اشتاقيتله ...معقولة راح اصبر خمس ايام يله اشوفه.. ومااسمع صوته ....اليهون عليه انو..اليوم السبعه
مال رهف وراح يجون بيت عمي وعمتي ...ونتونس.شوي ...
كملت شغلي مثل كل يوم وكملنه الغدة صار الظهر ...بدت رهف تحضر بنفسهة... ومها مكيجتهة وسوت شعرهة.. واني هم لبست وحضرت نفسي ..للعصر اجوي بيت عمي ..كلهم..
.وخالات رهف ونسوان خوالهة... وجايبين هداية ومن هالسوالف..
فتحن ديجي والبنات كامن يركصن واني ..عقلي مو وياي تفكيري كله بعلي ...اريد اطلعه من راسي... تعبت ليش بس افكر بي حتى احس جسمي نحل ومالي خلك احد.
......الى متى هالعذاب يربي...
عمتي تسولف وياي ..واني مو وياهة.
لحد المغرب يله راحن .. صبينه العشة.اباوع على الاكل
بس مااشتهي.. كمت صارت بالعشرة صعدت للغرفة...
كعدت..شوية و اجه ابالي اخابر علي...
وبدة الصراع بداخلي..مابين اخابر لو لا...
صارت الساعه ب11 اتخذت قرار.... اخابر...
فتحت الجهاز وطلعت رقمه اباوع على رقمه ومترددة...
لحد ما اخذت نفس ودكيت عليه...
يدك يدك وميشيله ...احس جسمي يرجف رجف... ..هو بس قال ..الووو.. محسيت بروحي ..الا وسديته بوجهة...
اووف يالله شسويت...هسة شيكول عليه...
شوية وهو..دك.. اووف كمت اكمز... شسوي .
. اباوع عل جهاز من بعيد...وارجف ماادري شسوي....انسد...شوية ورجع خابر..اخذت الجهاز...اخذت نفس ..وجاوبت..
اية::الوو...
علي::دكيتي وتندمتي...
اية::هااا... لا بس...
علي:: شلونج....
اية::امممم الحمد لله... تمام..
علي:: من شفت اسمج كذبت عيوني. معقولة انتي ...
اية؛: مووو ....ردت اطمن على جرحك...
علي:: ياجرح منهن....؟؟
اية::هاا جرح رجلك...ليش اكو جرح ثاني..؟؟
علي:: ايي اكو...بس اذا على جرح رجلي سهلة...حتى
مفاتح الضماد اليوم...
اية:: هاا ششلون لازم تفتحه ... وتشوفه..
علي::ترى اذا تعودت على هالاهتمام شيخلصج مني..
. يعني راح اكول بديتي-----
اية::شبديت علي ... بس دااطمئن عليك لا اكثر ولا اقل ...
علي:: اوك اوك... على راحتج لا تعصبين..
اية::يله اخذ راحتك...
علي::راحتي من اكون يمج....
اية:: احححم...
علي:: اوك على راحتج... تصبحين على خير...
اية::وانته من اهلوو...
سديته ..لكن.بداخلي فرحانه... من سمعت صوته.اووف يالله. صوتة حتى عدل نبضات قلبي.. ..شوية واجاني اشعار رساله...
فتحتهة ...
المرسل ..علي::كنت اعرف اني بديت احبك واتعلق بيك لكن ماجنت متصور انو اتصال منج يرد لجسمي الروح.. طول اليوم جنت اتحرك واتنفس لكن هسة يله نبض قلبي واصبحت على قيد الحياة..
*.احببتكي.*
يالله هذا الكلام الي.... حسيت جسمي اشتعل نااار الزم خدودي حارات..باوعت بالمراية..صار وجهي احمر. ...يالله همزين هو مموجود قبالي جان معت كدامه... ييييييي. حتى النوم طار من عيوني....
بقيت كاعدة ...لحد منمت ..كعدت الصبح... طفرت .. فتحت الجهاز وقريت رساله علي..
وييي حسيت قلبي انتعش...
نزلت واني الابتسامة على وجهي... اول مرة احس بهيج شعوور...
صباح الخير...
:: صباح النور...
منى::يوومه اليوم الوجه مورد... والابتسامه شاكه الحلك...شكوو
اية::هاا ماكو شي .. هاا اشتديتي عليه...
منى:ّهههههه لا حبي.. عساج بالفرح...
اية:: يعمري...
نزلت رهف.صباح الخير..
الكل::صباح الانوار...
اية:: يله خلي نتريك ..اليوم مشتهية اكل لحد ماانتخم.
ههههه
رهف::شنو اليوم شكو ..البارحه معبسة وحالتج حاله
..واليوم الكشرة واصله لاذانج..
منى:: هاا اضاهر سمعت غزل من الصبح
اية::باعن مو وحدة تذبني عل ثانية...
منى::لا حبي نوب تزعلين...نتشاقة وياج...
رهف::لا متزعل حبيبة قلبي...
اية::يله جهزن الريوك ..خلي اشوف عمتي شوكت تروح للسوك...اريد اوصيهة على اشياء...
طلعت من المطبخ سمعت جهاز عمتي يدك.. فتحته... بقيت واكفه برى يم الباب
ام عمار:: هلا بوليدي ...شلونك يمه... عساك بخير....لازينين كلنه ..عوزنه بس شوفتك....ايي الحمد لله ...هاا لا كاعدة يم البنات ... لا زينه ..اليوم كاعدة كشرتهة لاذانهة ...ههههه اندري بعد.. الله يصافيكم ان شاء الله ... يايمه ...لا سلامتك...
الله يانظر عيني...
اية:: عززة فضحتني.. هسة عرف اني فرحت بالمسج مالته ...اووف وين اضم وجهي....رجعت للمطبخ ... لكيت البنات مكملات الريوك....كعدنه اني وياهن نتريك.
.. مها رايحه اليوم ...
وسوالف وضحك بالساعه نسولف ونضحك... طول اليوم واني عيني عل جهاز ماادري ليش منتظرة اتصاله .... وكل شوي افتح المسج واخذ نفس ..
اووف معقولة .بديت-----لا لا مستحيل شنو هالحجي.... صارت الدنيا ليل ... صعدت للغرفة... متوترة عيني على الجهاز ...
صارت ب12. فقدت الامل تمددت واباوع عل سقف معقولة صرت انتضر اتصاله حتى ارتاح...
شوية ودك الفون...طفرت .باوعت علي....اووف تماسكي... اخذ شهيق وزفير.... بقة يدك كلت خلي ابيع ثقل حتى ميكول منتظرتني..
قبل لا ينغلق ....فتحته...
علي:: الووو
اية:؛ هاا الوو علي... (سويت نفسي نايمة .وكوة احجي)
علي::اسف كون كعدتج....
اية:: لا عادي مصار شي....
علي::ارجعي لنومتج.. مو قصدي..
اية::لا عادي بعد كعدت..كوول ...
علي:: هااا ايي ...اممممم العصارة الجنتي تدهنين رجلي بيهة شنو اسمهة...
اية:: هااا اممم ...هسة اشوفلكياهة...
(متت ضحك هو هذا عذرك... خررب بحظي.)
رحت طلعت علاكة الدوية...
اية::علي اسمهة (.....)
علي:: هاا اووك مشكورة...
اية::لا ولو ..رايد بعد شي...
علي:: انتي شلونج ...
اية::الحمد لله تمام ... جرحك شلونه...
علي:: والله ماذيني حيل . حتى مااكدر امشي. وملتهب كولش .وحالتي تعبانه.. ماادري شسوي..
اية:: يالله صدك ......شوف لان ماضمدتها هيج صار .
ارجع للبيت .. لا يصير برجلك شي...
.... الو ...علي....... الووو.
علي:: اوووف يالله .........جنت.منتظر ردج ....اشوفج
تخافين عليه لو لا ..
اية::اهااا وشنو يعني ..انتي متاذي لو لا....
علي::كتلج.... الجرح مو برجلي الجرح بقلبي ...
وهذا جوابج شفى قلبي...
اية:: علي انته شتكول ..اني شجاوبتك...
علي:: بالنسبة الي جواب لسؤال براسي.
اية ::وممكن اعرف شنو السؤال ..؟
علي::امممم من يجي وكته...
اية::اهاا...
علي::شعجب بعدج منايمه....
اية::هاا...منو كلك منايمه اساسا جنت نايمه .اتصالك كعدني ...
علي::ههههه جنتي منايمه لا تحاولين تخدعيني صح حاولتي تبينين انو جنت نايمه لكن مكدرتي توصليها..
...اممممم مو عليه هالسوالف.. جنتي منتظرة شي...
اية:: يعني شنو هالشي...
علي::يعني مثلا.... مسج يخليج اليوم كله فرحانه بي ....
اية::مااعتقد اكو هيج مسج يفرحني....
علي:: تئ تئ اكو .وقريتيه...
اية::علي شرايد ...ممنعس ..ماوراك كعدة الصبح....
علي::والله وراية كعدة الساعه بالخمسة.. بس
جنت افكر بيج ..ومكدرت انام اذا مااسمع صوتج...
اية:: اهاا انصحك لا تفكر هوااي... ترى تتعب ... وخصوصا
اذا التفكر بي تخسرة...
علي:: لا مااخسرة ..وادري بي مصيرة الي....
ماخليت شي ابالي ومصار الي..
اية::شهالغرور....
علي::موغرور صدكيني ..لكن ثقة بالنفس... لان اني مااتقرب من شخص اذا ماحسيت انو بدة يبادلني نفس الشعور...
اية::اهااا مجنت متصورتك هيج...
علي:: ولا اني متصورج هيج..
اية:: شلون يعني....؟؟
علي::مجنت متصورج هيج قوية...وتكدرين تخفين مشاعرج..وتضهرين عكس البداخلج . تبينين انو انتي قوية وصامدة وتنجحين بهالشي . لكن بداخلج ...رقيقة وشفافة....
تظهرين انو مسيطرة على مشاعرج .
اية:: هاا وشتعرف عن مشاعري...
علي:: اعرف انو مشاعرج متخربطة ... تردين وماتدرين... تحبين وماتحبين...
اية::علي اكولك شي...اذا جنت تقصد اني احبك.. فهذا من سابع المستحيلات...لا كلمه مستحيل قليل بحق شعوري تجاهك...
علي::اهااا وبعد..
اية::هو شنو البعد...
علي؛؛ليش تنرفزتي ...
اية::لا ماتنرفزت...على شنو..
علي::اهاا اوك...... .تصبحين على خير...
اية::اجمعين...
سديته ...مجرد تفكير انو يعرف مشاعري يوترني... شوية
ودز مسج...
فتحته..
علي:: اسف اذا نرفزتج او ضوجتج لكن حجيت البداخلي...والحسيته... اتمنى تتقبلين كلامي وتفكرين بي ..صح الفات صعب لكن الجاي بيدنه ياما نصعبة ياما نسهلة ...وانتي بكيفج... لكن ثقي اني احبج ومستعد اسوي ايي شي حتى اسعدج........
سديت الجهاز ...وخليت راسي عل مخدة اريد انام لكن التفكير موتني... شوكت ارتاح...اوووف..
كعدت الصبح ...خلص اليوم بين شغل وسوالف البنات... جنت منتظرة اليوم يخلص حتى يجي الليل وانتضر مكالمته...صار ب11 صعدت للغرفة..
.وبقيت منتظرة...فتحت التلفزيون ...واباوع عليه لكن عقلي يم الفون...
صارت بالوحدة وهو ماكو....حسيت خابت امالي...خليت راسي عل مخدة ...والعبرة خانكتني... اريد ابجي بس اكابر حتى بيني وبين نفسي....
كعدت الصبح .. فتحت الجهاز ماكو لا اتصال ولا مسج... باجر يجي...اووف شلون راح يكون لقائنا... رحنه اني وعمتي والبنات للصالون لان بعد يومين لعرس منى... كملنه التجهيزات وطلعنه
خلص اليوم واني متامله يتصل ..صار الليل ...
رحت للغرفة خليت الفون كبالي واباوع عليه بلكي يتصل ....
انتبهت على نفسي معقولة الداسوي... ليش هيج ديصير بيه.... راح اتخبل يارب... قلبي يريده ويصيح باسمه لكن عقلي يمنعني ...شسوي ياربي... دموعي كامت تنزل بدون وعي.....الى ان غفيت
... كعدت الساعه بثمانية طفرت ركض للحمام و بدلت ملابسي وميكاب خفيف ولفيت الحجاب .. ونزلت ...كاعدة على ناار ..لان هسة على جيه .. شوية وكعدن البنات .
.وكمنه نسوي ريوك ..عمتي وعمي يكعدون.من الصبح .
.ويتريكون والولد كذالك نبقى بس احنه البنات...
واقفه يم البنات.. اباوع الساعه 9:15. اووف ...
رهف::شكو اليوم بس تباوعين عل ساعه...
اية::لا سلامتج.ماكو شي
منى:: اليوم يجي علي
رهف::ياااا...
اخذت الصينية منهن....وطلعت.
اية::انتن ابقن سولفن...اني جوعانه...
طلعت من باب المطبخ وجان الكه علي مدنك على عمتي يبوسهة...
رحت بسرعه خليت الصينية بالغرفة...ووكفت على صفحة... احس قلبي .. راح يوكف...
اجتني رهف ... ::اجه الحب.
اية:: شبيج فضحتيني....
رهف:: تعالي سلمي عليه... امممم شنو مستحية...
اية:: لا مو مستحية بس متوترة....
علي::السلام عليكم...
(سمعت صوته غمضت عيوني وخليت ايدي على حلكي....) :: يااارب لليش انحط بهيج مووقف...
رهف:: اهلا حمد الله عل سلامه....
علي:: الله يسلمج... شلونج...
رهف::الحمد لله بخير....
اشرتلي رهف...بتعجب...لان مطلعت...
منى:: هلا والله بالغالي...
علي::هلا بيج يعمرري....
(لازم اطلع حتى رهف متشك بشي)
طلعت..
اية::هاا شلونك...
ومديت ايدي ..
لزمني من ايدي ..وجرني عليه ..وتقرب مني...
علي::هسة صرت زين....
منى::اجيت بوقتك بعدنه ممتريكين...
علي::اي والله ياريت...ميت جوع...
منى::يخسى الجوع... تبدل لو تبقى بملابسك.
علي:: لا مبيه حيل اصعد وابدل ...اريد ارتاح شوية..
منى:: اوك اكعد يم امي وابوية وهسة نجيب الريوك
علي:: مااشي...
اخذت الصينية..ورحت خليتهة مقابيل علي..
اجني البنات وكعدنه نتريك...
اني كاعدة اكل... اللكمه كووة تنبلع...احس عيون علي تراقبني..
كملنه شلت الصينية ..وكمت للمطبخ...وراهة رحت انظف البيت وعمتي صاحتلي...
اية::نعم .. (غمزتلي لان رهف واكفة)
ام عمار::رجلج صعد روحي شوفي ... البنات ينظفن...
اية؛: هاا حاضر ....
يعني اني مااريد التقي بي نوب انتي تحرجيني كدام رهف حتى اروحله
..اكول لرهف على كولشي حتى اتصرف طبيعية واخلص ياارب شسوي....
صعدت وكفت ورى الباب اريد ادخل بس خايفة..
.لزمت اليدة مال باب وتراجعت...
اوووف ...بقيت واكفه شوية...وجان ينفتح الباب.
علي::ليش واكفة ....؟؟
اية::هاا لا مواكفة...
علي بضحكة:: لعد...
اية::داادخل وانته فتحت الباب...
علي:: اهاا اووك تفضلي...
اية:: ..لا ..لا ..انته محتاج شي..
علي:: اي محتاج...
اية::شششمحتاج...؟؟
علي:: محتاجج يمي...
اية:: اني عندي شغل...
لزمني من ايدي ودخلني للغرفة...
اية«بخوف»::عللي .. عللي فدووة اريد اروح..
علي:.شبيج خفتي...مدااسويلج شي...
اية::عللي اريد اروح....
علي::اووك على راحتج...
طلعت بسرعه من الغرفة... نزلت لهيت نفسي بالشغل....تقريبا بقى ساعتين يله نزل.. بقيت لليل اتجنبة ماادري ليش اخاف لان حسيته يعرف اكو مشاعر تجاهة ... مدري خاف اضعف كدامه طلع بالليل...رحت بسرعه للغرفة... سوين نفسي نايمه...لحد مااجه حسيته كعد عل جرباية...ذب حسرة وكال..
علي:. ادري بيج كاعدة ..ههههففففففف على راحتج...
راح نام....اني هم نمت كعدت الصبح ... لكيته كاعد ..وطالع ... احس مختنكه نزلت
صباح الخير
:: صباح النور
التفت الي ودار وجهة ....
بقينه طول اليوم اشووفه يحاول يبتعد ومتجاهلني...
اووف يالله مااتحمل.بعد...باجر الحنه مالت منى... نظفنه البيت كوله ..وكعدنه نحضر بالكوشة مال عروس... وحضرنه الطبله البيهة الصينية صاارت تجنن والنفاخ والنشرات.. ..وغلقنه الاستقبال وطلعنه .
كملت شغل تقريبا ب11:30 علي صعد للغرفة
صعدت لكيته نايم...
رحت نمت...كعدت الصبح هم ملكيته نزلت
منى تريدني اروح وياهة للصالون...تريكت بسرعه . صارت ب10 رحنه للصالون...اني ومنى ولمياء اختها... بقينه بالصالون ...لحد الساع بال2 الضهر ..كملت منى.ولبست البدلة ..اني هم سويت ميكاب وتسريحة بسيطه .. مرفعت شعري ...بس رتبته بالطريقة الاريدهة..
كملنه رجعنه للبيت... تقريبا الساعه3 بدت الناس وقرايبهم تحضر... بقيت كاعدة مترددة اصعد اخاف علي بالغرفة...كلت خلي اسال عمتي.
اية::يمه علي وين..
ام عمار:: والله يمه قبل شوية..كال راح العب رياضة تلكينه بالقاعه مالتهم...
اية::صعدت للغرفة على كيف فتحت الباب ملكيته..طلعت الفستان مالتي قصير من كدام لحد الركبة.... ولبسته.. لبست اكسسوارات... والحذاء الكعب ...باوعت على روحي بالمراية
وااو معقولة هااي اني...
نزلت الدرج والفستان طويل من ورى وينزل وراي..وتعمدت انزل على كيف (نزلة ملوكية ) . حسيت نفسي اميرة. ومنتظرة اميرهة...
شغلنه الديجي ونركص ..واني هم ماقصرت..بالرقص.. تعبت من الكعب كلت خلي اروح ابدلهة ..
صعدت دخلت للغرفة..ماكو علي.. رحت على الكومدينو مال احذية دنكت اخذ حذاء سمعت صوت باب الحمام...
بلعت ريكي ..عززة علي هنا...
كمت ودرت وجهي وياريتني مادايرته ..اشوف علي بس بالمنشفة لافهة على نفسة...
علي::اسف ماادري بيج هنا...
اية؛؛ ااااااني هههم ماادري .. دنكت وفتت من يمه...لزمني وجرني على صدره..
اية(اريد ابلع ريكي ماكدر..)::عللي ...
علي::ارحمي حالي ..عاد ....والله تعبت...
اية::عللي فدووة...
دفعني عل حايط وحاوطني بأدية على خصري...جسمي كوله قشعر....
تقرب مني. .. لحد ماحسيت بانفاسه الحارة اختلطت ويه انفاسي...
قرب شفايفة على شفايفي... لا اراديا غمضت عيوني... ورحت بعالم ثاني... حسيت ذبت بين اديه ماادري شكد بقة يبوسني ثواني او دقائق....صحيت على نفسي بعد ماحسيت راح تنقطع انفاسي ..ودفعته من صدره .. ورحت ركض من الغرفة...
وكفت يم الدرج اريد اخذ نفس....اوووف جسمي كوله يرجف ...نزلت على كيف لان احس ممسيطرة على نفسي...
كعدت عل درج ..دااحاول استوعب اليصار....
رحت عل حمام....
اباوع بالمراية ...واتلمس شفايفي... الحمرة كولهة راحت....اووف اني شسويت...
يالله ...اختلطت مشاعري بين الخوف عل توتر
..لكن ماانكر شي بداخلي...فرح لان اول مرة اجرب هالشي..بعدني احس . بطعم شفايفة
ذبيت مي على وجهي..وطلعت من الحمام... كعدت ويه البنات واني عقلي بمكاني ثاني... وجهي يتبسم لا اراديا.
رهف::تاشر باديهة...يمعودة وين صافنه..
اية:: هاا لا مصافنه.
رهف::اممم وضعيتج مو تمام.
اية::سلامتج....
رهف::بدلتي حذائج....
اية::اوووف نسيتهة...
رهف:: اممم يعني انتي صعدتي فوق ومجبتيها ...
..عرفت السالفة وحمرتج ممسوحه .
شكرا لزيارتكم عالم روايات سكيرهوم
