رواية جواز ظالم الفصل الاول 1 بقلم هويدا زغلول

 في بيت بسيط في حاره شعبيه دخل مصطفى وهو بيقول لمراته  

مصطفي 

خليك انت مدلعه البنت بس كده وسايباها نايمه لحد دلوقتي مش المفروض ان هي رايحه الشغل ولا ايه

نعمه 

حرام عليك يا مصطفى اللي انت بتعمله في البنت ده البنت لسه صغيره ومحتاجه انها ترتاح ما ينفعش كده

مصطفي 

تمام يا حبيبتي انا ما عنديش مشكله وجوعي انت واخواتها بقى هجيبلك انا فلوس منين ما انت عارفه ان انا مش لاقيه اي

مصطفى

خلاص يا وليه بقى كفاية كلام كتير أنا مافيش في إيدي فلوس خالص وهنصرف منين يعني إنتي فاكرة إن البيت ده هيتفتح له باب رزق لوحده ولا إيه عندنا أكل وشرب ومصاريف ومدرسة وطلبات كتير وأنا مش قادر أشيل كل ده لوحدي خشّي صحي البنت وخليها تنزل على طول عشان العربية قربت تيجي وأنا مش عايزها تتأخر عن شغلها

نعمة

طيب يا مصطفى على الأقل سيبني أنا أنزل أشتغل وأخلي ندى تقعد في البيت وتخلي بالها من إخواتها بدل ما البنت الصغيرة دي تفضل طول اليوم في المزرعة وهي أصلا لسه عيلة ومحتاجة تذاكر وتعيش سنها زي باقي البنات

مصطفى

لا طبعا مفيش الكلام الفارغ ده أنا ما عنديش ستات تشتغل والناس تاكل وشي وتقول مصطفى شغل مراته وخلّاها تلف على البيوت والمزارع عشان تجيب له فلوس اسمعي الكلام اللي بقولك عليه وخلاص والبنت تنزل شغلها وتجيب أكل البيت بدل ما نقعد نستنى حد يصرف علينا

نعمة

بس دي بنتك يا مصطفى  والبنت لسه صغيرة وكل اللي نفسها فيه إنها تذاكر وانت تطلعتها من المدرسه وهي كانت متفوقه 

مصطفى

وأنا أبوها وأنا اللي عارف مصلحتها واللي هقوله يتعمل من غير نقاش كتير ويلا ادخلي صحيها بدل ما العربية تيجي وتروح من غيرها

دخلت نعمة أوضة ندى وكانت البنت لسه نايمة من التعب فقربت منها وهزتها بهدوء وقالت

نعمة

ندى يا حبيبتي قومي يا بنتي العربية قربت تيجي ولازم تلبسي بسرعة عشان تلحقي تروحي المزرعة

ندى

خلاص يا ماما أنا صحيت أهو بس أنا مش عارفة والله بابا بيعمل فيا كده ليه أنا تعبت بجد كل يوم وجع قلب  وبعدها شغل وبعدين أرجع البيت ألاقي نفسي لازم أساعد في كل حاجة وأنا لسه صغيرة ومش قادرة أستحمل كل ده بس عرفيه بقى إني مش هشتغل في البيت بعد كده لما أرجع من الشغل هبقى تعبانة ومش هعمل أي حاجة في الشقة إنتي سامعة ولا لأ

نعمة

معلش يا بنتي حقك عليا بس وطي صوتك أبوكي لو سمعك بتتكلمي بالطريقة دي هتبقى مصيبة كبيرة وإنتي عارفة إنه مش بيحب حد يعارضه يلا يا حبيبتي البسي بسرعة عشان العربية قربت تيجي

ندى

أنا والله نفسي أعيش زي أي بنت في سني يا ماما نفسي أروح المدرسة وأرجع أذاكر وأقعد معاكي من غير ما أفضل طول الوقت خايفة من بكرة بس خلاص هعمل اللي أقدر عليه

وبعدها قامت ندى ولبست هدومها ونزلت الشارع ووقفت جنب باب البيت مستنية العربية النص نقل اللي كانت بتاخد العمال للمزرعة وبعد دقائق وقفت العربية ونزل منها واحد بينادي على العمال

السواق

يلا يا جماعة الكل  يركب بسرعة عشان إحنا اتأخرنا النهارده

ندى ركبت وهي ساكتة وحطت شنطتها على رجلها وبصت من الشباك ناحية بيتها لحد ما العربية اتحركت واختفى البيت من قدام عينيها

وفي شقة أشرف أخو مصطفى كانت مراته داخلة بسرعة وهي بتقول

نهال 

اسكت يا أشرف إنت مش هتصدق اللي حصل أنا كنت واقفة في البلكونة وشفت بنت أخوك ندى وهي راكبة العربية مع العمال ورايحة تشتغل في المزرعة إنت فاهم يعني إيه بنت عندها 11سيب المدرسة وتنزل تشتغل عشان أبوها عايز فلوس

أشرف

إيه الكلام الفارغ اللي إنتي بتقوليه ده يا وليه أخويا مستحيل يعمل كده ندى دي بنت لسه عيلة صغيرة ومتفوقة في المدرسة وأنا عارف إنها من أذكى عيال العيلة كلها ومش معقول مصطفى يخليها تشتغل وهي في السن ده

نهال

والله العظيم ده اللي أنا شفته بعيني يا أشرف وأنا مش جاية أقول كلام من عندي أنا شوفتها وهي ركبت العربية قدام البيت ولو إنت مش مصدقني روح لأخوك بنفسك واسأله وخليه يرجع البنت دي من الشغل قبل ما يحصل لها حاجة

أشرف

لو الكلام ده طلع حقيقي أنا مش هسكت ومش هقبل إن بنت صغيرة تتحط عليها مسؤولية أكبر من سنها ولو مصطفى فاكر إن الفقر يديه الحق يعمل في بنته اللي هو عايزه يبقى لازم حد يقف له ويقوله كفاية

نهال 

يبقى روح له دلوقتي يا أشرف قبل ما العربية توصل المزرعة والبنت تبدأ شغلها وساعتها يمكن الموضوع يكبر أكتر مما إحنا متخيلين

أشرف

هروح له حالا وأشوف بعيني الحكاية دي وصلت لفين ولو لقيت ندى فعلا بتشتغل هناك مش هسيبها دقيقة واحدة

وفي نفس اللحظة رن تليفون أشرف فبص للشاشة واتغيرت ملامحه لما شاف اسم الشخص اللي بيتصل بيه 

نهال 

مالك يا حبيبي شكلك عمل كده ليه مين اللي بيتصل بيك امال 

اشرف 

ده محروس الحرامي اللي كان سرق الورشه اللي بشتغل فيها عايز مني اي ده 

نهال 

هو الراجل ده مش راضي يسيبك في حالك ليه كده هو عايز منك ايه بعد اللي حصل بينك وبينه متصل بيك ثاني

اشرف 

اسكتي بقى لما ارد عليه واشوفه عايز ايه ربنا يسترها الراجل ده ما بيجيش من وراه الا كل المشاكل

وبعدها فتح عليه وبعدين قال ليه 

اشرف 

اي اللي فكرك بيا تاني يا محروس بعد اللي حصل بيني بيني وبينك 

محروس 

انا ولا عايز اسمع صوتك وانا عايزه افتكرك قل لي بس اخوك يدفع الفلوس اللي عليه لاني مش هسكت اكتر من كده ولو ولو مش دفع الفلوس اللي عليه انا هاجي عند الورشه واعملك فضيحه قدام صاحبها نفس الفضيحه اللي انت عاملها ليا فاكرها ولا لا

اشرف 

ايه الكلام الغريب اللي بتقول عليه ده فلوس اي اللي بتتكلم عنها مش فاهم انا واي اللي عرفك ب اخويا اصلا 

محروس 

لا بقولك اي بقي ده موضوع بينك وبينه اتفضل روح عندو وانت تعرف كل حاجه المهم وبعدها قفل السكه في وشه وانهال قالت لي

نهال 

في ايه بالظبط يا حبيبي انت شكلك عامل ايه كده الراجل ده قال لك ايه يضايقك

اشرف 

والله يا مصطفى لو اكتشفت ان انت عملت مصيبه جديده ما تعرفش انا هعمل فيك ايه ليلتك هتكون سوده معايا 

وبعدها راح ليه وكان مصطفي قاعد وبيشرب شيشه 

مصطفي 

اي ده يادي النور يا ادي النور معقول انت هنا انا بقلبك فتره مش بتيجي عندي خالص 

اشرف 

بقولك اي ايه اللي بينك وبين محروس انا مش قولتك الواد ده مش تمام ومشيوا بطال وانا مش عايزك يكون ليه دعوه بيه 

مصطفي 

جرا أي يا حبيبي مالك هو علشان انت زعلان منه عايزني انا كمان اكون زعلان منه انا حر يا حبيبي واعمل اللي انا عايزه 

اشرف 

بس ميكنش ليه انا دعوه بيه انت سامع ولا لا علشان معملش معاك مشاكل 

مصطفي 

بقولك اي انت ملكش فيه واياك تتكلم معايا بالطريقه دي 

اشرف 

ماشي انا هوريك  لو مش بعد عنه هعمل فيك اي 

وبعدها مشي وخرجت نعمه وقالت 

نعمه 

والله حرام عليك اللي بتعمله ده اخوك بيسعدنا كتير ليه تعمل معاه كده 

مصطفي 

بقولك اي يا وليه انتي انا مش عايز اسمع صوتك خالص انتي سامعه ولا لا وابعدي عن وشي بقي لاحسن والله متعرفيش هعمل فيكي اي 

وبعدها نعمه دخلت جوا علشان هي كانت بتخاف منه 

وبعدها كان ماشي اشرف وبدأ يفتكر اللي حصل زمان 

                 فلاش باك 

اشرف كان واقف في الورشه عامل يعد الفلوس 

وبعدها لقاها ناقصه راح لمحروس وقال ليه 

اشرف 

بقولك اي الفلوس ناقصه من الدرج وانا معرفش راحت فين وانا مش روحت في حته غير في الحمام ورجعت ومحدش جه في الوقت ده 

محروس 

وانا مالي انا بالكلام ده هو انا اللي مسؤول عن الفلوس علشان تكلمني عليها بقولك اي ملكش دعوه بالحوار ده 

اشرف 

اسمع يا محروس لو انت اللي واخد الفلوس لوسمحت طلعها انا مش عايز مشاكل معاك انت سامع ولا لا 

محروس 

هو فيه اي انت عايز تسرق وتلبس غيرك المصيبه ولا اي اوعي كده من وشي امال مش عايز كلام كتير 

 بعدها جه صاحب الورشه وراح جنيه محروس وقال 

محروس 

كويس انك جيت يا معلم تعالي شوف البيه عايز يلبسني مصيبه ازاي 

وبعدها قال ليه علي كل حاجه 

وفي الوقت ده المعلم ضربه بالقلم وقال 

المعلم 

اخرس قطع لسانك اياك تتكلم علي اشرف كلمه ملهاش لازمه اشرف ده احسن منك بمليون مره 

محروس 

هو انت طول عمرك ظلمني كده حرام عليك والله انا مش عارف هو عامل ايه من ناحيتي ليك علشان علي طول عامل معايا كده 

المعلم 

ليه انشاء الله هو اشرف اللي قال ليك تبيع مخدرات في الورشه بتاعتي عايز توديني في ستين داهيه عملت فيك اي علشان تعمل فيا كده 

محروس 

ايه مخدرات اي الكلام الغريب اللي انت بتقول عليه ده اكيد اشرف اللي قالك كده 

المعلم 

بقولك اي انت تمشي من هنا احسن والله العظيم متغرفش انا ممكن اعمل فيك اي غور من وشي 

وبعدها مشي وأشرف قرب منه وقال 

اشرف 

اي موضوع المخدرات ده يا معلم انا مش فاهم حاجه 

المعلم 

سيبك انت من الكلام ده انا عايزك تخلي بالك من الورشه وتجيب ليا حد كويس يكون موجود معاك والورشه بتاعتك وليك حريه التصرف فيها 

اشرف 

بجد مش عارف اشكرك ازاي علي اللي بتعمله معايا ده كتر خيرك والله 

ومن يومها محروس مش نسي اللي حصل معاه 

        باك 

وبعدها كانت ندي واقفه في المزرعه وبعدين سيد اللي كان مشرف فيها راح جنبها وقالها 

سيد 

جرا أي يا بت انتي مالك واقفه ليه كده الحاجات عايزه تتلم بسرعه 

ندي 

بريح ظهري شويه مش قادره والله اقف علي رجلي اريح ضهري شويه 

سيد 

فاكره بيت ابوكي يا بت علشان تقفي تريحي ما تخلصي يا بت الجزمه 

ندي 

اياك تشتم ماما تاني انت سامع ولا لا لاحسن والله متعرفش هعمل فيك اي

 الفصل الثاني من هنا