رواية خلف الابواب الفصل الاول
ميرفت….
يوووه هو موال كل يوم ده مش هيخلص.. يابنتي اصحي غلبتيني الساعه بقت 9 مش بتقولي عندك شغل مهم…
ادي اللي خدناه من شغل السيما كان ماله البنك اللي اخوكي شغلك فيه أهو ع الأقل كان أسمك محاسبه وموظفه ولكي مستقبل…
رشامنصور…
صحيت يا مامتي يا عسل أنتي وزى كل يوم هقولك أنا طموحي مش وظيفه وقاعدة ع مكتب… أنا سمعت كلامك ودخلت كليه تجاره لكن اشتغل بها كمان يبقي حرام أوي…
ميرفت…
مش أحسن من شغلتك دى ع الأقل كنتي بتقبضي، مرتب كوبس.. لكن أنتي بالاسم بتشتغلي مساعده إخراج وبتاخدى مني كل يوم فلوس…
رشامنصور…
علشان مرتبي بدفع منه مصاريف معهد السينما وانهاردة عندى مقابلة مع منتج لو اقتنع بالفكرة بتاعتي.. مشروع التخرج مش هيكون مجرد فيلم لأ لأ. ده أنا هخليه ولا الأفلام العالمية وساعتها هشتهر وأنتي وابنك هتتفشخروا بيا..
إيدك بقي ع 500 جنيه علشان أركب تاكسي لزوم الفشخرة..
برك…
صباح الخير يا ماما. مالك يا لمضة ع الصبح
ميرفت…
هو أنت يابني مش إجازة صاحي بدري ونازل فين ع الصبح
برك…
اتصلوا عليا في القسم قبضوا ع المتهم في جريمة، القتtل اللي ماسكها ولازم أروح احقق معاه…
رشامنصور..
عارف يا برك أنا لما أسمي ينتشر في مجال الإخراج هاخد كام قضية من عندك واعملهم فيلم ومش بس كدا ده يمكن اصورك مشهدين كمان… ويلا وصلني علشان اشغلك عندي 🤣🤣
ونزلت مع أخويا واخدت صاحبتي فاتن معايا وروحنا شركة الإنتاج
وقابلت مدير الانتاج.…
عرفه مرجان…
أنا الحج عرفه بحب أشتغل أى حاجة تجيب فلوس المهم أنه بالحلال وصاحب أكبر أفران مخبوزات ومطاعم بيتزا ولما سمعت أن شغل السيما بيجيب فلوس قولت ومالوا أفتح شركة إنتاج وعملت كام فيلم ع اغنيه وفلوسهم كانت أكتر من مكاسب الأفران علشان كدا قررت اتوسع واعمل أفلام لطلاب المعاهد منها مش هياخدوا فلوس كتير ومنها التصوير هيكون في الاستديو مافيش واحد هيطلع يقولي لازم اسافر ولا لازم كوافير وميكاب ارتيست ولا مصاريف البوفيه هما اخرهم علبتين كشري ولا بيتزا من المطاعم بتاعتي..
وانهاردة عندي ميعاد مع بنت بتشتغل مساعده إخراج وطالبه في معهد السينما ولازم تعمل فيلم علشان تتخرج
رشامنصور…
اتشرفت بمعرفتك يا حج عرفه علشان وقتك ومشغولياتك أنا هقولك فكرة الفيلم بتاعي.. هو مبدأيا فيلم رعب بيتكلم عن الاماكن المهجورة، بسبب الحاجات الغير طبيعية اللي بتحصل فيها..
عرفه مرجان…
بصي رعب ولا مش رعب أنا عاوز فيلم يجيب ليا فلوس يعني خلي فيه رقص وغناء وكوميديا…
فاتن…
متقلقش يا حج عرفه إحنا هنرقص العفاريت، بعون الله وهتبقي أول واحد عامل أغاني مع الاشباح، وده هيجيب لك فلوس بالهبل،،،
عرفه مرجان…
اة لو كدا أنا موافق بس الشرط نور دوروا بقي ع المكان اللي هيتم فيه التصوير وميكنش فيه مصاريف…
ولا اقولكم ما أنا عندي مؤلف حلو يكتب لكم فيلم استعراضي كدا ونصوره في اسبوعين ونخلص…
رشامنصور…
هو إيه اللي يتصور في اسبوعين هو أنا هعمل محشي… بص يا حج سيب المؤلف لك وأنا هدور ع الاماكن، وهخلص التراخيص،..
وفاتن هتألف الفيلم هى وزميلة لنا في مجال التأليف وهيكتبوا السيناريو والحوار وهنكون جاهزين في خلال شهرين للتصوير بأذن الله…
عرفه مرجان…
شهرين… يااااه طب خلصوا وبلغوني وهاتيلي الممثلين اللي هترشحيهم بس سيبي دور البطلة ليا أنا هجيب لكم واحدة نجمة شباك..
اة علشان تجيب ليا إيرادات. انتوا لسه محدش يعرفكم..
رشامنصور…
خلصنا المقابلة وقولت ل فاتن الراجل ده فظيع، كل همه الفلوس ومش فارق معاه حتى فكرة الفيلم.. وقال إيه عاوز فيه رقص..
فيلم رعب ازاى اجيب رقاصة فيه.. هطلع له مومياء بترقص..
فاتن…
فكك منه المهم أنه وافق وهنعمل مشروع التخرج.. شدي حيلك بقي وشوفي الأماكن اللي ينفع يتصور فيها رعب..
رشامنصور…
أنا هروح القسم.. أكيد برك بما أنه ضابط، شرطة.. عارف اماكن قديمه ومهجورة.. وبالمرة لو في أى أوراق يخلصها ليا..
وروحت القسم والعسكري، عارفني ودخلت مكتب برك وكان معاه متهم، بيتحقق معاه.. واتخض، أول ما شافني وافتكر أن في حد ضايقني…
ولما عرفته أنا عاوزة إيه قالي روحي البيت ولما أرجع هيكون معايا قائمة، بالاماكن…
قولت له روح يا شيخ وأنا ادعيلك تغير اسمك ويبقي براء زى ما بابا كان عاوز..
وجريت ع البيت افرح ماما بأن شركة الإنتاج وافقت تعملي الفيلم وقعدت ومعايا الأجندة بتاعتي واكتب افكاري وبعض الإثارة، والأضواء المرعبة. اللي تشد المشاهدين…
برك…
أثناء تحقيقي مع المتهم اقرr. أنه ساعد ع الخطف، لكن مش هو اللي قتtل وفجأة لقيت رشا دخلت عليا وبتقولي عاوزة الأماكن المهجورة. للوهلة الأولى افتكرتها عاوزة تساعد في القضية.. وبعدها افتكرت أنها مش في الشر'طة معايا.. قولت لها روحى البيت وهجببلك قائمة بالاماكن…
وبعد التحقيق.. جيبت لها قائمة من الأماكن المعروفه عندنا.. وقالت ليا أنها هتبدأ من بكره تروح كل مكان وتشوف إيه المناسب لها في التصوير…
رشامنصور…
قررت تاني يوم الصبح أخد الكاميرا بتاعتي وأروح ع أول مكان وكان قريب من الطريق الصحراوي وأول ما وصلت لقيته بيت قديم جدا والبوابة عليها جنزيرr حديد. متغطي بالتراب والعنكبوت،،
وقررت استخدم لياقتي وانط من ع السور.. ودخلت البيت وكان بابه الخشب مفتوح وواضح ان البيت فخم. أوي من شكل الباب والجنينه اللي فيه..ع الرغم من أغصان الشجر الميته…
وأول ما دخلت لقيت ريسيبش كبير وفي تمثال ع شكل طفله وكأنها بتصرخ،، في وسط نافورة والغريب أن في زى دموع بلون الدمm نازله من عيونها…
كملت مشي ودخلت غرفة السفرة وكانت كبيرة أوى وأول ما لمست الكرسي حسيت بدوخه.. وقعدت ع الكرسي وببص في الكاميرا شوفت شكل دمm ع الأرض وفي رجلين بدون حذاء واقفه بجواره..
وبصيت بسرعة ع الأرض ملقتش حاجه موجوده والأرض عبارة عن تراب وفي أثر اقدام تنتهي عند الكرسي اللي قاعدة عليه..
قومت مفزوعه ووقفت عند باب غرفه السفره وبصيت حواليا مافيش أى حاجة وقررت ابص بالكاميرا ولقيت ضباب وظهر شخص ليا ولابس بدلة وطاربوش وأول ما رفعت عيني من الكاميرا لقيت نفسي في البيت بس شكله نضيف وسامعه اصوات الشغالين وهما بيرصوا السفرة وصوت واحدة بتقول خلصوا الباشا نازل..
ولما قربت منها لقيتها مش شيفاني ولا سمعاني…
ضربات قلبي زادت وقررت أتصل ع برك لكن!!! مافيش شبكه وفضلت اصر'خ. ولقيت الراجل اللي شوفته في الكاميرا داخل وبيكلم وبيقول..
واضح أن سليمان مصمم يوقع بيني وبين السرايا..نفسي اعرف مين اللي قالوا إني عاوز اشتري أرض الباشا واخدها منه…
ودخلت واحدة وراه وقالت له أهدي يا نعمان باشا العصبية، مش كويسه ع صحتك وأنت عارف أن سليمان من وقت ما رفضت أنك تجوزه فريدة بنتك وهو بيحا'ربك…
ودخلت بنت وقالت بنجور باباه.. بنجور طنط… Comment ca va?...
نعمان باشا…
كويسين يا فريدة اقعدى افطري علشان عاوزك في موضوع.. أنا رفضت جوازك من سليمان لأنه تابع للأنجليز…
فريدة…
يا بابا أنا مش عاوزة سليمان أصلا.. طنط اللي مصممة عليه لأنه قاربها… وأنا بصراحه عاوزة اتجوز أبن اسماعيل باشا..
الزوجه…
أنا مش مصممة علشان قريبي لكن أنا شايفه أن سليمان مقرب للسرايا. ده غير أنه من عائلة وعارفينه كويس وهو أكتر واحد هيحافظ ع املاكك بعد عمر طويل…
نعمان باشا…
ممكن يكون نريمان كلامها صح وده خوف، ع مستقبلك.. يا فريدة لكن أنا مش مرتاح له. ده غير أنه في فرق سن، كبير بينهم..
رشامنصور…
فجأة سمعت صوت رصاص، وجريت ع الريسيبشن وشوفت البنت بتنزف،. وغرقانه، في الدمm بجوار النافورة قربت منها وأول ما لمستها لقيتها شيفاني وبتقولي اهربي، قبل ما يقتtلوكي…
