رواية الحب وحده لايكفي الفصل الأول بقلم ايمان احمد
قالت بعصبية شديدة: ال سمعته ده صح؟؟
رد فراس باستغراب: سمعتى ايه بالظبط؟
قالت أيسل بانفعال والدموع ماليه عينها: انت هتجيب حبيبة القلب وعشقك القديم تقعد هنا فى بيتى
فراس سكت شوية بعدها قال بهدوء: مين قالك الكلام ده؟
أيسل بسخرية ووجع: كل ال يفرق معاك مين قالى
فراس رفع صوته قليلا: أيسل انا بسألك مين قالك؟
أيسل كمان علت صوتها بغضب: وانا بسألك كلامى صح ولا ايه ايه مش قادر تجاوب حط عينك فى عينى وقولها قول انك رجعت تحن لحبك القديم
فراس قال على الفور: مش دى الحقيقة
أيسل بوجع: اومال فهمنى؟
فراس تنهد بعدها قال: هقولك كل حاجة مع العلم انا عارف مين ال قالك ماهى ياأخوكى ياصاحبتك هنا ال انتى بتوثقى فيها اكتر منى
أيسل بحدة: اخويا ال انت فاكره عايز يوقع بينا بأى طريقة هو اكتر واحد نفسه حياتنا تبقى مستقرة ودايما بيقولى عليك كلام كويس اما هنا فبعد ال حصل منك قطعت علاقتها بيا خالص فاطمن معرفتش من حد منهم وعموما مش دى قصتنا انا عايزة افهم انت ازاى تعرض على واحدة غريبة تعيش فى بيتنا ايه مش خايف على مشاعرى طب سيبك من مشاعرى مش خايف من كلام الناس
فراس بهدوء: الواحدة الغريبة ال انتى بتتكلمى عليها دى تبقى بنت خالتى
أيسل بغضب: بنت خالتك بنت عمتك كل ده ميهمنيش هيا بالنسبالى واحدة غريبة كانت حبيبتك زمان وسيبتوا بعض والمفروض انكم قطعتوا علاقتكم نهائى
فراس: ده بالفعل ال حصل بس بعد ماخالتى ماتت متبقلهاش حد غيرى يعنى هرميها فى الشارع
أيسل: ماهى عندها بيت تعيش فيه
فراس: للاسف خالتى قبل ماتموت كتبت البيت باسم بنتها ال من جوزها التانى وهما طردوها بعد موت خالتى
أيسل: خلاص أجرلها شقة
فراس: كنت هعمل كدة بس خطيبها ال سابته بيهددها بالقت-ل وهيا خايفه
أيسل بسخرية: وطبعا هيا ال قالتلك الكلام ده
فراس فهم تلميحاتها فقال: على فكرة انا اتأكدت بنفسى من كلامها هو فعلا بيهددها وكل ال بتفكرى فيه غلط حبى لجيلان انتهى من اول ماجوزتك صدقينى ان ال وصلك الكلام بالطريقة دى مش صديقك وقاصد يوقع مابينا وانا كنت هقولك فى الوقت المناسب
أيسل بوجع: وامتى الوقت المناسب اما الاقى الست هانم فى نص بيتى
فراس بضيق: ياأيسل حاولى تفهمينى ارجوكى انا بحبك انتى وبس بس انا مقدرش اتخلى عن جيلان مش لانى لسة بحبها زى مابتقولى بس عشان دى بنت خالتى مقدرش اتخلى عنها... طب انا عمرى خزتلك قبل كدة
هزت راسها بالا فكمل: يبقى توثقى فيا وتوثقى ان وجودها هنا هيكون لفترة مؤقته لحد مااشوفلها مكان آمن بعدها انا بنفسى هقفل صفحتها من حياتنا نهائى قولتى ايه
أيسل قالت بتردد: انا واثقة فيك اكيد بس فيها هيا لا
فراس: لو صدر منها اى تصرف معجبكيش انا بنفسى بقولك اطرديها هاا ياستى ارتاحتى
أيسل بضيق: تمام.. هتجيبها امتى
فراس: بكرا ان شاء الله
أيسل نفخت بضيق ففراس باس راسها وقال: اتحملى شوية بس عشان خاطرى.. يلا ياحبيبتي هروح شغلى
بعد ماخرج رنت أيسل على رقم ما
ومجرد مالطرف الاخر اجاب قالت أيسل على الفور
— هنا ارجوكى اسمعينى انا محتاجة اتكلم معاكى متقفليش فى وشى
هنا ردت بضيق: ال عندى قولته ليكى عشان الصداقة القديمة ال بينا غير كدة انا منستش ال جوزك عمله
أيسل بحزن: بجد انا آسفة على ال حصل
هنا: آسفة على ايه ان جوزك طردنى من بيتك وانتى وقفتى تتفرجى ولا انه عملى مشكله فى شغلى
وكل ده ولسة مفكره انه صح واحنا الغلط انا واخوكى حاولنا نحذرك عشان بنحبك بس انتى بتوثقى فيه اكتر مننا
أيسل بصوت مخنوق: بجد انا تعبانة اوى انتم من ناحية وهو من ناحية والمفروض اوثق فى حد فيكم هنا بوجع: المفروض توثقى فى صديقة حياتك بس انتى اختارتى توثقى فى واحد فضل طول حياته يحب واحدة ومشافكيش غير بعد ماهيا سابته
أيسل بوجع: كفاية كلامك ده ياهنا ارجوكى
هنا: كل ال فى الشغل هنا بيتكلموا بيقولوا ان جيلان سابت خطيبها ده كمان عشان لسة بتحب فراس
وبالصدفة سمعتها هيا وصاحبتها بيتكلموا انها هتعيش فى بيته ياترى اتأكدتى ان كلامى صح؟
أيسل: سألته بس شرحلى الموضوع قال انها هتيجى فترة مؤقته لحد مايشوفلها مكان آمن لان خطيبها بيهددها
هنا بسخرية: وطبعا صدقيته بصى تصدقيه او لا ده ميهمنيش انا اهم حاجة عندى متكونيش جبتى سيرتى قدام جوزك المؤذ-ى ده
أيسل: متخافيش مجبتش سيرتك
هنا: هقولك على نصيحه اسمعيها منى قبل ماقفل اتمنى جوزك ده متوثقيش فيه اوى
بعدها قفلت هنا على الفور
أيسل قعدت على السرير بتفكر فى كلام هنا وكلام فراس وهيا لسة فى حيرة كبيرة ومش عارفه تصدق مين فيهم لكنها اخيرا قدرت تاخد قرارها عشان تحافظ عل بيتها وحبها الوحيد
مساءا
جه فراس من الشغل وقبل ماياخد نفسه انصدم اما شاف أيسل واقفه ومعاها شنطة كبيرة
فراس بصدمه: انتى واخدة الشنطه دى ورايحه على فين
أيسل بجدية: هسيب البيت يافراس اختار حد واحد يبقى هنا انا او بنت خالتك القرار فى ايدك واى ان كان قرارك انا هقبل بيه
تفتكروا أيسل مفروض تصدق مين هنا ولا فراس وهل تصرفها صح انها تخير فراس
وتفتكروا فراس هيختار مين
