رواية الميراث واللعنة الفصل الاول
قبل ما نبدا الحكايه اعرفكم بنفسي انا سهر عندي 28 وفي يوم كنت قاعده معاه اخواتي البنات وبعدين قولت ليهم
سهر
والله انا حره اعمل اللي انا عايزه فلوسي من ورث ابويا وانا حره فيه بس نشوف الاول هناخدها أمتي
ناهد
هو انا قولتك حاجه يا حبيبتي انتي حره في فلوسك يا ماما بس اللي بقولوا ليكي حرام ابوكي تعب في الفلوس دي حرام تديها كلها لجوزك المفروض تجيبي دهب ولا تعملي حاجه
سهر
بقولك اي يا ناهد انا حره يا حبيبتي اعمل اللي انا عايزه وبعدين هو انتي كلمتي عمتك علشان تيجي معانا البنك طول عمرها مش بتسال فينا وتيجي تاخد مننا فلوس كده علي الجاهز
ناهد
اولا هي. مش بتاخد مننا ده شرع وقانون وثانيا ايوه كلمتها وبكره باذن الله رايحين كلنا البنك
وبعدها بصت علي اسماء وقالت ليها
ناهد
مالك يا اسماء ساكته ليه كده هو فيه حاجه ولا اي
اسماء
ها ابدا مافيش بس والله فرحانه ان انهارده هنبات في بيت ابوكم بقالنا كتير مش عملنا كده
وبعدها سهر قامت وقفت وقالت
سهر
ومين قال يا حبيبتي ان هعمل كده انا جوزي مانع ان انا بيت بره البيت هروح والصبح باذن الله هاجيلكم بس لازم تشوفوا عمتكم الاول انتم عارفين ان انا بشتغل مش هينفع ان انا اخد اذن
اسماء
والله العظيم انتي غريبه اوي هيطلع لك حوالي 200الف جنيه في ميراثك في ابوكي ومش عايزه تاخدي اجازه يوم يا ستي قضي يوم معانا
سهر
ولما جوزي يطلقني ابقي مبسوطه بيكي بقي انا ماشيه وشوفوا عايزين تعملوا ايه وقولوا ليا
وبعدها مشيت وراحت ناهد اقعدت جنب اسماء
ناهد
هو فيه اي بالظبط مالك عامله ليه كده حصل حاجه ضايقتك
اسماء
لا لا مافيش حاجه بس انا محتاجه انام شويه ولما اصحي نتكلم
وبعدها دخلت جوا الاوضه وبعدها طلعت تلفونها اللي كان عامل يرن فتحت التلفون وبعدين قالت
اسماء
خير فيه اي عامل تتصل ليه مش قولتك أن لسه مش اخد فلوس ابويا
مدحت
بقولك اي يا بت انتي اخرك معايا بكره والله ولو الفلوس مجتش ليا متعرفيش هعمل معاكي اي هروح واقول لجوزك كل حاجه
اسماء
حسبي الله ونعم الوكيل فيك غلطه عمري ان اني صدقت واحد زيك وخونت جوزي وعملت اللي انا عملته
مدحت
وده درس يعلمك بقى يا حبيبتي تمشي مظبوطه طالما اتجوزتي وفلوسي هتجيلي في اسرع وقت انت سامعه ولا لا
وبعدها قفل السكه في وشها واسماء قالت
اسماء
حسبي الله ونعم الوكيل فيك بس انا استاهل كل اللي يجرى ليا علشان خاطر عملت كده
وبعدها بدأت تفتكر اللي حصل
فلاش باك
اسماء كانت راجعه من بره مخنوقه وحماتها قالت ليها
الحمااااا
جرى ايه يا حبيبتي في ايه هو انتي هتفضلي طالعه نازله كده مش عامله حساب لاي حد ولا ايه اعملي حسابي يا حبيبتي ان جوزك مسافر والجيران هتتكلم عليكي
اسماء
هو في ايه يا حماتي ما انت عارفه ان انا بكون مخنوقه في الشقه لوحدي وبروح عند اي واحده من اخواتي اقعد عندها وما بعملش اي حاجه غلط وربنا عالم على اللي بيحصل
الحمااا
كلامي يا حبيبتي هيكون مع جوزك بعد كده انت سامعه ولا لا ولو هو مش عارف يخليكي تقعدي في بيتك محترمه انا هخليك تقعدي غصب عنك
اسماء
انا مش هقبل منك اي كلمه تانيه انت سامعه ولا لا بطلي طريقه الكلام اللي انت بتتكلمي معايا بيها دي
الحمااا
ماشي يا حبيبتي وانا بقى كلامي هيكون مع اسلام وهشوف هيقول ايه وعاجبه لمراته بتعمل له ده ولا لا
وبعدها طلعت اسماء شقتها وجوزها اتصل بيها
اسلام
ايه يا اسماء في ايه هو انت كل يوم والثانيه تتخانقي انتي وماما ما ينفعش ان انتي بتعمليه ده والله
اسماء
انا مش فاهمه مامتك بتعمل فيا كده ليه وكل حاجه لازم تجري وتقولك عليها اظن انا مش عملت حاجه غلط يعني
اسلام
بقولك اي انا كلامي خلص خلاص ولو مش اتملتي وبطلتي اللي بتعملي ده والله متعرفيش هعمل معاكي اي لحد ما ابعتلك بس وتيجي تعيشي معايا هنا الخروج الدخول بعد كده هيكون بحساب انتي سامعه ولا لا
وبعدها قفل السكه في وشها وهي فضلت قاعده تعيط
وبعدها مسكت الموبيل وكان في بوست وكتبت تعليق وبعدها لقت حد كتب ليها بريفيت
مدحت
انا اسف والله إن دخلت اكلمك بريفيت بس متعرفيش حسيت من التعليق بتاعك انك مخنوقه قد اي وقولت لازم نتكلم
اسماء
والله انا مش بتكلم معاه حد بعد اذنك
مدحت
استني بس قبل ما تعملي بلوك شوفي انا عايز اي الاول. والله انا مهندس محترم بس لما شوفتك مخنوقه قولت لازم تتكلم
وبعدها اسماء كانت مخنوقه اوي وفعلا فضلت تتكلم معاه وبعدها مدحت كلمها وقالها
مدحت
معقول الكلام اللي بيحصل ده اعرفك طول الفتره دي ولحد دلوقتي مش شوفتك خالص اي رايك نتكلم فديو
اسماء
لا طبعا انا مقدرش اعمل حاجه زي كده الله يخليك يا مدحت بلاس تتكلم معايا في الحوار ده تاني
مدحت
معقول الكلام اللي بتقولي عليه ده انتي مش عندك ثقه فيا كده المفروض انك انتي اللي تقولي ليا كده انا معايا كل المحادثات بينك وبين جوزك يعني لو عايز اعمل حاجه كنت عملتها
اسماء
بس انا عمري ما عملت حاجه غلط والله واول مره اكلم راجل علي جوزي
مدحت
لا خالص وعلي ايه طلما الموضوع ده مضايقك اوي كده بلاش نتكلم معاه بعض تاني
وبعدها قفل السكه وهي فضلت تعيط جامد وفضل علي كده يومين وبعدها فتح عليها
اسماء
اخلص عليك والله يا مدحت معقول تعمل فيا كده بقالك كام يوم مش عايز ترد عليا خالص كنت عملتك اي علشان تعمل فيا كده
مدحت
بقولك اي انا عايز اضرب قلبي بالجزمه مش قادر ينساكي
اسماء
خلاص مش عايزك تزعل بالله عليك وهعملك كل اللي انت عايزو
مدحت
وانا مش عايزك تعملي حاجه وانتي مضايقه لا طبعا
بس مش عايز نتكلم بس انا عايز صور برضه تكون عندي
اسماء
انا بحبك ومش عايزك تكون زعلان مني وبعدها بعتت ليه صور
وبعدها كان مش بيرد عليها لمده اسبوع وبعدها رد عليها
اسماء
هو فيه اي مالك يا مدحت
مدحت
اي الي مالي منا كويس اهو خير عاوزه اي
اسماء
مدحت طريقه كلامك دي معايا اول مره تتكلم معايا بالاسلوب ده وغير كده وكده انا بقى لي فتره عماله احاول اكلمك وانت ما بتردش عليا هو انا زعلتك في حاجه
مدحت
بقولك اي انا مخنوق الفتره دي وبالذات اللي انا محتاج فلوس ومش عارفه اتصرف ازاي في الموضوع ده
اسماء
معقول كل اللي مزعلك عشان خاطر يا سيدي ما تشيلش هم اي حاجه يا اخواتي لسه قافلين معايا وقالوا ان احنا هنفك الوديعه والفلوس الي هاخدها هديهالك تفك زنقتك منها
مدحت
وعلي اساس ان الفلوس دي هتكفي حاجه ان شاء الله بقول لك ايه يا اسماء انت هتنفذي اللي انا عاوزاه منك واتكلمي جوزك وتطلبي منو فلوس وتجيبيها ليا اكمل بيها المشروع الي انا عاوز اعملو
وبالذات المبلغ الي انا عاوزو كبير
اسماء
كلام اللي انت بتقوله ده انت اكيد بتهزر لا طبعا هو انت مفكر ان اسلام ممكن يوافق على حاجه زي كده ان انا اطلب منه الفلوس يبعتها كده بالسهوله دي
مدحت
بقول لك ايه انا ما ليش دعوه بكل الكلام ده اتصرفي هو انا اللي هقول لك ولا ايه لاما الصور اللي انت بعتاها والشات اللي بينا هبعتها لجوزك وشوفي بقى وقتها ايه اللي هيحصل
واول لما اسماء بتسمع كده بتتصدم
اسماء
قول اني انت بتهزر صح اي الكلام اللي انت بتقوله ده معقول انت يا مدحت اللي بتقول لي الكلام ده بعد ما وثقت فيك واي حاجه تطلبها مني برفزها لك في الاخر تهددني بالشكل ده
مدحت
بقول لك ايه سيبك من الكلام العبيط اللي انت بتقولي ده انتي واحده اصلا ما تستاهليش واحده خاينه ويستاهل فيك اكثر من كده لما تبص لواحد غير جوزك وتبعتي له صور لما يطلب منك وتكلميه وجوزك طالع عينه في الغربه ده اللي عندي وشوف بقى انت ناويه علي اي
اسماء
معقول انت يا مدحت تعمل فيا كده يعني مش مصدقه والله انا حاسه ان انا في كابوس
مدحت
بقول لك ايه انا مش عاوزه وجع دماغ كتير انا هقفل واسيبك يومين تفكري وشوفي ناويه على ايه وخليكي فاكره ان الفلوس الي عاوزها مكنتش عندي ساعتها انا هعمل الي قولتلك عليه
اسماء بدموع
الله يسامحك يا مدحت على اللي انت عملته انا هحاول اتصرف لك بس بالله عليك ما تعملش حاجه ولا تفضحني والفلوس اللي انت عاوزها هتكون عندك
مدحت
ايوه كده تعجبيني بس يا ريت تخلصي الموضوع بسرعه ما بحبش استنى كتير سمعتي وبعدها بيقفل معاها
ومن وقتها واسماء مصدومه ومش عارفه تتصرف ازاي ولا تعمل اي في المصيبه الي دخلت نفسها فيها
#باك
وفي البيت عند سهر بتوصل البيت وبتلاقي سمير جوزها قاعد واول لما بتدخل بتقرب منو وبتقول
سهر
معقول انت لسه زعلان يا سمير خلاص هانت وخلاص كلمت اخواتي وهاخد نصيبي وبكره هسحب الفلوس وخدها واعمل المشروع اللي انت عاوزه
سمير
انا مش عارفه اقول لك ايه يا سهر انت لو ما كنتيش معايا كان اللي حصل لي وبالذات انت عارفه كويس ان المشروع ده هموت واعمله وبجد كل مره تكسفيني فيها لما بتقفي جنبي
سهر
كلام اللي انت بتقوله ده يا سمير انت كده بتزعلني منك ولو ما وقفتش جنبك هقعد جنب مين ربنا يخليك ليا يا حبيبي كفايه ان انت لحد دلوقتي مبفكراش تزعلني من ساعت ما عرفت ان مبخلفش ودا اقل حاجه هعملها معاك
سمير بيمسك ايدها وبيبوسها
سمير
كلام اي اللي انت بتقوليه ده يا حبيبتي انا بجد ازعل منك وبالذات انت عارفه كويس ان انت النفس اللي بتنفسه ومش عاوز حد من الدنيا الا انت ولو الاولاد مش منك مش عاوز ولاد من حد تاني يريت تعرفي حاحه زي كده
سهر
ربنا يخليك ليا يا حبيبي ومتحرمش منك ابدا
وتاني يوم الكل بيتحمع في الشقه معادا سهر الي اسماء قالت بضيق
اسماء
انا مش فاهمه يا سهر بتعمل ليه كده فيها اي لو خدت اجازه من الشغل بدل ممخليانا قاعدين كده مستنينها تجي بحد انسانه مستفزه
ناهد
اهدي بس في الغايب حجته معايا وانت عارفه كويس لو اتكلمنا من هنا لبكره مش هتسمع لحد وهي شايفه الصح ده وبتعمله زمانها جايه
وفعلا بعدها بتيجي سهر واول لما بتدخل
سهر
معلش يا جماعه الدنيا كانت زحمه على ما وصلت وجيت يلا خلينا نروح علشان ما نتاخرش اكتر من كده
وفعلا بعدها بياخدوا بعضهم وبيروحوا كل واحد بتاخد فلوسهم وبيمشوا
واول لما اسماء بتعمل كده بتكلم مدحت وبتقول
اسماء
الفلوس معايا شوف هنتقابل ازاي علشان تعرف تاخدها مني
مدحت
مالك بس يا روح الروح بتتكلمي لي كده برسميا كده ليه معقول زعلانه مني
اسماء
بقول لك يا مدحت انا عاوزه اخلص من الموضوع ده خد الفلوس وانساني خالص ويريت تنسي واحده كانت في حياتك اسمها اسماء
مدحت
طب اهدي بس عشان انت في الشارع لحد يسمعك انا هبعت لك اللوكيشن بتاع الشقه بتاعتي تجي لي عليه وبعد كده نكمل كلامنا
اسماء
شقه اللي انت بتتكلم عنها لا لا طبعا شوف اي مكان نتقابل فيه وخذ الفلوس وهمشي على طول
مدحت
شوفوا بقى انت اللي غويا تفضحي نفسك لما حد يشوفك وقتها هتتصرف ازاي انا بعمل كل ده علشان خاطرك بدل ما يبقى انا هيبقى حد غيري يعمل لك مشاكل
اسماء بضيق
انا مش جايه شقق واقولك كمان انا عايزك تبعا الصور لجوزي معنديش مشكله
وبتقفل السكه في وشه
في الوقت ده عند سهر بتكون واقفه قدام سمير اللي قالت
سهر
خد يا حبيبي الفلوس كلها ايه وشوف بقى انت ناوي على ايه واعمله انا عاوزه المشروع اللي انت عاوز تعمله يخلص بسرعه عايز اشوف فرحتك بالموضوع ده
سمير
معقول اللي انا شايفه ده ربنا يخليكي ليا يا حبيبتي انا مستحيل انسى وقفتك جنبي انا هنزل بقا اقابل محمد صاحبي وخلينا نخلص الموضوع كله النهارده طالما الفلوس جاهزه
سهر
ماشي يا حبيبي ابقى طمني وفرحني كده ويا رب الفلوس تكفي
سمير
ان شاء الله وبعدها بيروح واخد بعض وبيمشي وبعد شويه بيوصل قصاد عماره بيروح طالع وبيقف قدام شقه وبيبخط
وساعتها الباب بيتفتح
سوزي
ايه ده يا مدهولك اللي جايبك في النهار كده من امتى بتيجي في وقت زي ده هو انت مش خايف لحد يشوفك وانت طالع عندي ويروح يقول للمحروسه مراتك ساعتها هتعمل ايه وقتها وانت لسه ما اخذتش الفلوس
سمير
اهدي بس يا روح الروح من اللي قال لك الكلام ده خلاص الفلوس بقت معايا دخليني بس انت ما تعرفيش انت وحشاني قد ايه
وبعدها بيدخل علي جوه وبيقفلو الباب
