رواية بنت اختي حامل من جوزي الفصل الاول
نادين كانت واقفة قدام كارما في المستشفى وعينيها مليانة صدمة وغضب وهي مش مستوعبة الكلام اللي سمعته وبعدها قالت
نادين
ردي عليا بدل ما اوديكي في ستين داهية الحمل اللي في بطنك ده من مين
كارما نزلت عينيها في الأرض وفضلت ساكتة شوية وهي بتحاول تمنع دموعها وبعدها قالت بصوت متقطع
كارما
عايزاكي تسامحيني يا خالتو والله العظيم انا مكنتش عايزة يحصل كده ومكنتش متخيلة إن حياتي هتبوظ بالشكل ده بس هو اللي ضحك عليا ووعدني بحاجة وخلاني اصدقه
نادين
هو مين يا بت انتي انا مش فاهمة منك أي حاجة ردي عليا الحمل اللي في بطنك ده حصل من مين انتي فاكرة إن الموضوع بسيط ده امك هتودوني وتوديكي ب 60 داهيه ردي بسرعه وقولي لي الحمل ده منين
كارما رفعت عينيها وبصت لها والدموع نازلة من عينيها وقالت
كارما
جوزك يا خالتو جوزك هو اللي خلاني حامل
نادين اتجمدت مكانها وحست إن الأرض بتلف بيها وقعدت على أقرب كرسي
نادين
إيه الهبل اللي انتي بتقوليه ده جوزي أنا ازاي يعني جوزي أنا انتي عارفة انتي بتقولي إيه انتي عارفة إن أسامة لو سمع الكلام ده ممكن يدفنك ويدفنني معاكي ده اسمه الشيخ اسامه لا يمكن يعمل كده
كارما
انا عارفة إنك مش هتصدقي بس والله هو ده اللي حصل
نادين
حقيقة إيه ازاي ردي عليا
وبعدها بدأت تقول ليها اللي حصل
فلاش باك
حنان كانت قاعدة معاه نادين في شقتها ومعاها بنتها كارما وقالت
حنان
البنت دي مصدعاني كل شوية تقولي عايزة اروح اقعد عند خالتي شوية وانا والله ما بخليها تخرج كتير ولا بروح بيها في حتة علشان كده قلت لها تروح تقعد عندك يمكن تهدى شوية
نادين
طبعًا يا حبيبتي دي بنت اختك وبيتك خليها تقعد براحتها وبعدين يمكن وجودها معايا يفرحها شوية
حنان
بس بالله عليكي عايزاكي تراقبي تليفونها كويس وماتسيبيهاش لوحدها كتير عشان انا مش مطمنة لها
كارما قامت من مكانها وقالت بضيق
كارما
هو انا عيلة صغيرة يا ماما انتي كل شوية تقولي لحد راقبي تليفونها وماتروحيش وماتجيش انا عندي 18 سنه مش 8 سنين
حنان
اسكتي مش عايزة اسمع صوتك وانتي جاية عند خالتك علشان تتعلمي منها الأدب مش علشان تعملي اللي انتي عايزاه
كارما دخلت جوا وهي زعلانة
نادين
خلاص بقى ملوش لازمه الكلام اللي انت بتقولي ده سيبيها هنا وباذن الله هكون كويسه عندي
حنان
طيب انا لازم امشي دلوقتي بالله عليك عايزاك تخلي بالك منها
وبعدها حنان مشيت وسابت كارما عند نادين
وعدا كام وكارما بدأت تتعود على وجودها في بيت خالتها وكانت نادين بتعاملها بحنية كبيرة لدرجة إن كارما بدأت تحس إن البيت بيتها وفي يوم كانت قاعده نادين معاه جوزها وقالت ليه
نادين
انا مش فاهمة حنان في إيه بقالها فترة لا بتتصل ولا بتقوللي خلي البنت تيجي ولا حتى بتسأل عليها كأنها نسيتها خالص
أسامة
وفيها إيه يعني ما تخلي البنت موجودة معانا دي حتى عاملة ونس في البيت
نادين
ونس إيه يا أسامة انا برجع من الشغل الاقي الشقة مقلوبة ومحدش بيساعدني حتى كارما مش بتفكر تشيل حاجة من مكانها
أسامة
مش هينفع الكلام ده عشان اختك ممكن تزعل منك وبعدين البنت ضيفة عندنا ومش هتبقى شغالة عندك
نادين
انا مقولتش إنها شغالة عندي بس على الأقل تساعدني شوية
أسامة قام من مكانه وقال
أسامة
خلاص يا ستي انا نازل شغلي علشان انا كده اتاخرت
وبمجرد ما أسامة خرج من البيت نادين دخلت المطبخ وبعد شوية سمعت صوت خبطة قوية جاية من الصالة ولما خرجت لقت كارما واقعة على الأرض
نادين جريت عليها وهي بتصرخ
نادين
كارما مالك يا حبيبتي ردي عليا
بس اتفاجئت بوجود دم على الأرض فاتصلت بالإسعاف وراحت معاها المستشفى
وبعد ساعات خرج الدكتور وقال لها
الدكتور
للأسف الحمل نزل بس الحمد لله هي مستقرة دلوقتي بس انا مستغرب إزاي بنت في السن ده وصلت للحالة دي ومين المسؤول عنها
نادين فضلت واقفة مصدومة ومش قادرة تفهم حتى هي كانت حامل إمتى ومن مين وليه كانت مخبية عنها كل ده
باك
نادين
انتي اكيد كدابه وعايزه تعملي حوارات مانتي طالعه زي امك علشان عارفه ان سعيده معاه جوزي عايزه تعمل حورات
بعدها خرجت.وفي الوقت ده شافت حنان
حنان
هو في ايه بالظبط اتصلت بيا وقولتيلي ان كارما في المستشفى هو في حاجه حصلت ولا ايه
وبعدها نادين واقفت ساكته وبعدين قالت
نادين
بنتك عندك جوه شوفيها غلطت مع مين وعايزه تلبسها لجوزي جوزي انا يعمل فيها كده
حنان
انا مش فاهمه منك اي حاجه هو في ايه بالظبط
نادين
انا مش هتكلم في حاجه بنتك جوا ادخلي شوفي الحكايه ايه
وبعدها دخلت جوا وروحت نادين البيت وشويه وجه اسامه وقال ليها
اسامه
جرى ايه يا بنتي في ايه كان عندي اجتماع مهم جدا وشفتك اتصلت بيا كذا مره في حاجه حصلت ولا ايه امال فين كارما مش سامع صوتها يعني
وفي الوقت ده نادين قامت وقفت وقالت
نادين
بتسال على مراتك مش كده
اسامه
ايه الهبل اللي انت بتقولي عليه ده انا مش فاهم منك حاجه
نادين
انا هقول لك يا سعاده البيه ان في ايه لما عرفت ان مشكله الخلفه مني انا رايح تخلي عيله صغيره حامل
اسامه
انتي بتقولي ايه ما تتكلمي على طول في ايه انت هتفضلي تتكلمي كده بالالغاز
نادين
انا هقول لك على اللي حصل وانا برده بقول من امتى وانت بتستحمل حد عندنا كده ده انت لما اخوك بيجي يقعد عندنا يومين بتفضل تتكلم وتعمل مشكله
وبعدها قالت له على اللي حصل لما كانت نادين مغمى عليها
وبعدها قال ليها
اسامه
البنت دي كذابه الكلام ده مش حقيقي انا لا يمكن اعمل حاجه زي كده ابدا المفروض يكون عندك ثقه في جوزك شوفي مين اللي غلط معاها وهي خايفه تقول
وبعدها الباب كان بيخبط جامد جدا وفتحت نادين وكانت اختها
حنان
ده انا هوديكوا في 60 داهيه بقى انت بتعملي بنتي كده تخلي جوزك يخليها حامل ده انت ما تعرفيش انا هعمل فيك ايه
نادين
اهدي بس يا حنان وتعالي علشان خاطر نتكلم بالراحه
حنان
هو انت فاكره ان انا ممكن اسمعك
ده انا هوديكوا في ستين داهية انت وجوزك وهتشوفي دلوقتي هعمل فيكوا ايه وهخلي الدنيا كلها تعرف إن بنتي حصلها ايه بسببك وبسبب جوزك
نادين
والله العظيم انا ما عملت أي حاجة وزي زيك بالظبط انا مصدومة من اللي حصل وحتى لو جوزي كان عمل كده فعلًا انا ما كنتش أعرف أي حاجة عن الموضوع ده
أسامة قرب منهم وهو متعصب وقال
أسامة
ايه الكلام الأهبل اللي انتوا بتقولوه ده انا مش عملت حاجة والله العظيم وما اعرفش كارما قالت كده ليه أصلا
حنان بصت له وقالت
حنان
تمام اوي خلاص بما إنك بتقول إنك بريء ومفيش حاجة حصلت يبقى يتعمل تحليل ونشوف العيل ده كان ابنك ولا لأ وساعتها كل واحد هيعرف هو كان بيقول الحقيقة ولا كان بيكدب
نادين
خلاص ماشي يا حنان نعمل التحليل ونطلع الحقيقة للكل وانا أول واحدة موافقة لأن انا كمان عايزة أعرف مين اللي بيكدب ومين اللي بيتكلم من غير دليل
حنان
بس الدكتور قال لي إن التحليل ده هيكلف كتير وانت اللي هتشيلي كل المصاريف لأنك السبب في اللي حصل لبنتي
أسامة ضحك بسخرية وقال
أسامة
قولي بقى كده انت كنتي عايزة تاخدي فلوس من اختك وعملتي الموضوع ده كله علشان تلبسيني مصيبة مش بتاعتي احنا طول عمرنا عارفين إن بنتك مشيها مش مظبوط واكيد عملت كده مع حد تاني ولما عرفت إنها حامل قالت نكسب من ناحيتين نطلع منها فلوس ونرميها في رقبة جوز خالتها مش كده
نادين
اخرس قطعت لسانك إياك تتكلم بالطريقة دي تاني على بنت اختي مهما حصل ومهما كانت الحقيقة مش هسمحلك تهينها قدامي ولا هسمحلك تستغل اللي حصل علشان ترمي عليها كلام يمس سمعتها
أسامة
بعد اللي بيحصل وبعد اللي يخليكي تشكي في جوزك بتعملي كده على العموم انتوا حرين اعملوا اللي انتوا عايزين تعملوه وانا هعمل التحليل عشان اثبت قدامكم كل واحد فيكم مين الظالم ومين المظلوم ولو طلع عندي حق انا مش هسكت وهرفع قضية عليكم وهخلي كل كلمة اتقالت النهارده تتحسب عليكم
حنان
اعمل اللي انت عايزه يا أسامة وانا كمان مش هسكت لحد ما أعرف مين اللي ظلم بنتي ومين اللي ضيع حياتها ولو التحليل طلع إنك انت السبب مش هرحمك ومش هسيب حقي وحق بنتي مهما حصل
أسامة
يبقى اتفقنا وهنشوف الحقيقة لما التحليل يطلع وساعتها مش عايز أسمع من حد كلمة اعتذار لأن اللي اتقال النهارده مش هعديه بسهولة
وبعدها أسامة خد بعضه وخرج من البيت وهو في قمة الغضب وفضلت حنان واقفة مكانها وهي بتبص لنادين بعينين مليانين دموع وبعدها نادين قربت منها ومسكِت إيدها وقالت
نادين
انا عارفة إن اللي حصل صدمة كبيرة عليكي وعارفة إنك دلوقتي مش عارفة تصدقي مين وتكدبي مين بس مهما كانت الحقيقة انا اختك وانا واقفة جنبك ولو طلع جوزي هو اللي عمل كده انا بنفسي هخليكي تاخدي حق بنتك للآخر ومش هسمح لأي حد يظلمها
حنان بصت لها وسكتت شوية وبعدها قالت
حنان
بس انا خايفة يا نادين انت عارفه ان اهل ابوها عايزين ياخدوها مني ولو الموضوع ده تعرف بجد هيبقى سهل ياخدوها مني تاني
نادين
اهدي بس يا حبيبتي تعالي لازم نفضل جنب بنتك دلوقتي وهنقعد نتكلم معاها
وبعدها مشوا في الوقت ده راح اسامه عند ابوه واخوه اللي اسمه كمال وقال على كل حاجه وفي الوقت ده كمال
كمال
وانت عايزنا ازاي نصدق ان انت مش عملت كده طول عمرنا عارفين ان انت عايز تخلف
الاب
ايه الكلام العبيط اللي انت بتقول عليه ده انا اشك فيك انت ما اشكش في اخوك ابدا انا عارف ان هو بيخاف من ربنا وخلاص يا ابني مش قولت ان في تحليل بيقدر يثبت ان الكلام ده كان حصل ولا لا
اسامه
انا كل اللي صعبان عليا نفسي فيه يا بابا مراتي ازاي تصدق علي حاجه زي كده نادين عارفه ان رغم ان هي مش بتخلف بس انا بحبها وما اقدرش اعيش من غيرها ابدا
كمال
يمكن اسطوانه مشروخه يعني عشان تبقى قدام منها الزوج المطيع اصل ما تزعلش مني واحد يبقى قاعد معاه واحده زي اللي اسمها كارما بجمالها وانها عيله صغيره وما يكونش عمل كده فيها
الاب
اخرس بقى قطع لسانك اياك تتكلم مع اخوك بالطريقه اللي انت بتتكلم بيها دي انت سامع ولا لا غور من وشي يلا ادخل جوه
كمال
خليك انت كده يا بابا دايما فاكر ان هو عمره ما يعمل اي حاجه غلط وهيطلع قدام منكم ان هو كل تصرفات وغلط وبكره تشوف الكلام ده بنفسك
وبعدها كمان دخل جوه والاب قعد جنب ابنه اسامه وقال ليه
الاب
بص يا ابني حتى لو مراتك مش هتدفع فلوس التحاليل دي انا هدفعها من معايا انا اهم حاجه عندي الناس كلها تعرف ان انت عمرك ما غلطت ابدا بس معلش انا عايزك تعذر مراتك في اللي حصل غصب عنها والله الكلام اللي اتقال حط نفسك مكانها
اسامه
ربنا يقدم اللي فيه الخير يا بابا بكره باذن الله هطلع على المستشفى واشوف موضوع التحاليل دي ان هي لازم تتعمل بسرعه بس انا مش هدفع اي فلوس من جيبي مش هم اللي عايزين خليهم بقى يشربوا بس لازم اروح للمحامي علشان لما اثبت براءتي مش هسكت على الحوار ده
وبعدها اخذ بعضه ونزل على تحت في الوقت ده نادين وحنان راحوا المستشفى والممرضه قابلتهم وقالت
الممرضه
انا مش عارفه اقول لكم ايه بس بنتكم كنت سايباها في الاوضه جوه وخرجت شويه ولما رجعت ما لقيتهاش مش عارفه راحت فين
نادين
ايه الكلام الفارغ اللي انت بتقولي عليه ده ازاي ده يحصل يعني ازاي تسيبوها تمشي كده وهي تعبانه
حنان
معقوله الكلام اللي حصل ده طب هو في كاميرات انا عايزه اعرف بنتي راحت فين مش يمكن ما تكونش خرجت من المستشفى اصلا ويكون حد عمل فيها حاجه هنا
الممرضه
ازاي يا مدام الكلام اللي انت بتقولي عليه ده لا طبعا لا يمكن يحصل ابدا وافي الكاميرات ولو عايزين تراجعوها نراجعها
وفي الوقت ده فعلا راحوا ورجعوا الكاميرات وشافوا ان هي خارجه وواحد مسندها كان لابس جاكيت بكابتشو
حنان
انا عايزه اسال سؤال ده باب الخروج بس هو باب الاوض ما عندهوش اي كاميرات
الممرضه
للاسف لا ما فيش اي كاميرات ونادين كانت واقفه مظلومه علشان اللي كان لابس جاكيت ده كان لابس جاكيت زي بتاع اسامه جوزها بالظبط
حنان
معقول اللي انا شايفاه ده بنتي معقول راحت مني انا مش هسكت ولازم ارجعها
نادين
طب اهدي بالله عليك قولي انت عاوزاه انا اعمله لك
حنان
انا مش هعمل اي حاجه انا هطلع الاسم دلوقتي وانا متاكده اني سبب اختفاء بنتي هو جوزك وانا مش هسكت على حاجه زي كده مش هو ده برده نفس الجاكيت اللي عند جوزك
واول لما حنان بتقول كده نادين بتبلع رقها وبتقول
نادين
ايوه نفس الجاكيت بس اكيد متصنعش منو حته واحده
حنان
هو انت لسه واقفه بتدافعي عنه انت لو مش هتيجي معايا وروح للاسم وتقفي جنبي وجنب بنتي اعتبري الي بنا اتقطع لحد كده وخلي جوزك وقتها ينفعك
نادين
اهدي بس يا حنان مش كده هو انت ليه مش حاسه بلي جوايا انا بين نارين بين نار جوزي ونارك
وانا لو اتاكدت فعلا انه اسامه عمل كده مش هسكت الا لما الحق يرجع لاصحابه
فعلا بعدها وباخدها وبروح على القسم وبنعمل بلاغ باللي حصل
في الوقت ده عنده اسامه كان واقف مع كمال اخوه وهو ماسك ورق و قال له بحده
اسامه
يعني ازاي تعمل الكلام اللي انت عملته ده وتمضي لاحمد ابو العزم عن الشغل ده انت عارف كويس ان سكته شمال وان احنا مستحيل نشتغل معاها وانت ازاي تعمل حاجه زي
كمال
بقولك اي انا بجد زهقت من اللي انت بتعمله ده
هو انت ازاي تعاملني كده كاني مش فاهم اي حاجه
اسامه
ما انت فعلا مش فاهم اي حاجه لما تعمل حاجه زي كده من غير ما ترجع لي وبقى انت ما بتفهمش خالص هتعمل ايه دلوقتي فابوك لما يعرف الكلام ده
كمال
والله على ما اظن الشغل بتاعه ده بعيد عننا ش يد فيه وطالما الشغل كويس والفلوس اللي هتيجي من الموضوع ده كويسه ليه ما نستفادش منها
اسامه
والله العظيم طول عمرك غبي وهتفضل طول عمرك غبي انت عارف لما نحط ايدينا في ايده هنطلط زيو مش بعيده لنلاقي البوليس فوق راسنا في اي وقت بسبب اللي انت عملته ده
واول لما اسامه بيخلص كلام وبيسمع سرينه البوليس الي وقفت قدام الورشه ونزل منها البوليس
الظابط بحده
مين فيكم اسامه
اسامه
انا يا حضره الباشا خير في حاجه ولا ايه
الظابط
جيبوه وفي القسم هتفهم كل حاجه وبعدها بياخدوه البوليس وهو مش فاهم اي حاجه
اسامه
ما تسيبنيش يا كمال روح قول لابوك على اللي حصل عليه اول محامي وبالذات شكل الموضوع كبير
كمال بسخريه
ما تقلقش يا اخويا انا مستحيل اسيبك وبعدها بيقول بصوت واطي
كمال
الفرصه جات ليا علشان امسحك من طريقه خالص وعشان اعرف ابويا قد ايه ان انت واحد زباله كويس ان انت رحت في داهيه وكل حاجه هتبقى ايدي انا وبعدها بيقفل الورشه وبيروح عند ابوه
الوقت ده عند اسامه بيوصل القسم واول لما بيشوف حنان وناديني هناك بيقول
اسامه
هو ايه اللي بيحصل انا مش فاهم اي حاجه وانتم هنا بتعملوا ايه
حنان
هو انت فاكر ان احنا هنسكت على اللي انت عملته في بنتي قول بنتي فين يا اسامه بدر والله العظيم وهتعرف انا هعمل فيك ايه
اسامه
بنتك مين اللي انت بتتكلمي عنها انا مش فاهم اي حاجه هي مش المفروض في المستشفى
حنان
بنت اتخطفت وانت اكيد اللي عملت كده اعمل حسابك لو فاكر ان انت تعمل نفسك عبيط عشان تطلع من الموضوع ده بس انا مش هسكت لما حقي بنتي يرجع
اسامه
ما تتكلمي يا نادين بدل ما انت واقفه ساكته كده معقول انت مصدقه ان جوزك ممكن يعمل الكلام اللي اختك بتقول عليه ده
نادين بحزن
كل حاجه بتثبت اللي انت عملت كده ليه يا اسامه عملت فيا كده كان اكرمني ان انت تطلقني ولا انت تاذيني بالشكل ده
اسامه
معقول انت اللي بتقولي كده بس ما ترجعيش تندمي في الاخر بالكلام انت بتقوليه ده وبالذات ان انا ما عملتش حاجه وانا متاكده ان ربنا هيظهر الحق في اقرب وقت
العسكري
امشي قدامي يا مجرم الظابط عاوزك جوه
وبعدها بياخد اسامه وبيدخله جوه اللي بيكون داخل في هدوء
اسامه
انا عاوزه افهم هو ايه اللي بيحصل بالظبط وانا هنا بعمل ايه وتهمتي اي
الظابط
اخت مراتك تتهمك اللي انت خطفت بنتها علشان تخفي الادله وان انت عملت فيها حاجه
اسامه
وانا مستحيل اعمل الكلام ده حتى انا كلمت المحامي علشان يمشي في اجراء التحليل الدي ان اي عشان اثبت ليهم اللي انا مستحيل اعمل الكلام دا
الظابط
طب تثبت اي ان الجاكت الي باين في الفديو مدام حضرتك قالت انو هو بتاعك
اسامه بحزن
معقول نادين قالت كده على العموم يا حضره الباشا على ما اظن علشان عندي نفس اللون وشكل الحاكت يبقي مفيش حد عندو نفس الجاكت انا مش فاهمه اي حاجه بتحصل عن كل اللي انا اعرفه ان في التوقيت ده كنت في الشغل في الورشه عندي ومعرفش كارما راحت فين
الظابط
يعني انت ما لكش يدك اللي بيحصل
اسامه
لو لي كنت قولت وبالذات انا واحد بخاف ربنا ومستحيل اعمل الكلام ده وعلي ما اظن انا ما ليش اي لزوم هنا وبالذات ما فيش تهمه ثابته ليا ان انا عملت كده
الظابط
اتفضلي امشي بس اعمل حسابك اللي احنا اكيد هنطلبك تاني
اسامه
وقت ما تحب هكون جاهز وبيروح خارج
واول لما بتشوفه حنان خارج بتقول بحده
حنان
هو ايه اللي بيحصل بالظبط ايه اللي خرجك وانت مش المفروض ينزلوك الحبس دلوقتي
اسامه
بتهمه ايه لو سمحتي انا ما عملتش حاجه عشان تعملي كده
وياريت تدوري ورا بنتك وتفهمي كده بتعمل ايه من وراكي بدل ما تتهمي العباد كده
سايبها وبيمشي وبروح عند بيت ابوه ولسه جاي يدخل بيسمع كمال من جوه وهو بيقول
كمال
شوفت يا بابا اسامه عاوز يضيع شقا عمرك ويضيع الورشه انا بجد مش مصدق ان هو يعمل كده ويمضي على اسمه احمد بعقد شراكه الورشه وبالذات البلد كلها عارفه مين هو احمد ده اول لما حصل اللي حصل والحكومه شمت خبر جت خدته
الاب بصدمه
معقول اسامه ابني بيعمل كده وانا اللي قلت ان هو هيخلي بالة من الورشه وابشغل مكاني انا بجد مصدوم ان هو يعمل الكلام اللي انت بتقول عليه ده
كمال
علشان تصدقني لما اقول لك ان اسامه مش برئ زي ما انت فاكر وانا اقطع ذراعي من هنا ان هو لو ما كانش السبب في اللي حصل لبنت اخت نادين كفايه ان مراته شكت فيه
واول لما الاب بيسمع كده بيقعد على الكرسي
الاب
يعني ايه كل اللي كان في دماغي طول الوقت دا معقول اكون وهم واسامه عرف يخدعني طول الوقت ده علشان خاطر يكون كل حاجه تحت ايده
كمال
ياما قولت لك ونصحتك وانت كل مره كنت بتقف قصادي علشانه
واول لما اسامه بيقول كده بالصدم لما بيلاقي اسامه داخل وهو بيسقف جامد وبيقول
اسامه
انت طلعت ممثل جامد طب لما تقول حاجه قول حاجه تصدق وما يكونش في عقود ماضى عليها وقتها
واول لما كمال بيسمع كده بيبلع ريق وبخوف
كمال
اي دا يا اسامه معقول الي انا شايفه ده هو انت خرجت ازاي وانت مش المفروض البوليس لسه واخدك
اسامه
ايوه واخدني بس طالما ما عملتش حاجه غلط اكيد مش هفضل موجود هناك وكويس اللي انا طلعت في الوقت المناسب عشان اسمع اللي بيدور ورايا
الاب
هو في ايه يا اسامه انا مش فاهم اي حاجه وانت عاوز تخيب الكلام ده والبوليس كان واخدك ليه مش علشان خاطر العقود اللي انت مضتها مع احمد معقول انت يطلع منك كل ده انا مش مصدق والله
اسامه
هو انت برده تعرف عني حاجه زي كده وان انا اسوء سمعه الورشه برضو ابنك السبب في كل دا
وكنت جايب ليك الاوراق علشان اشهدك عل عمايلو
دي مش امضتو برضو
واول لما الاب بيشوف كده بيتصدم
هو بيروح مقرب من كمال ومن غير ما يقول اي حاجه بيروح ضاربو بالقلم
الاب
بقا انت يا واطي يا زباله يطلع منك كل ده وليك عين تتهم اخوك في حاجه انت الي عملهاا
كمال
انت سبب في كل ده انت ما فيش على لسانك الا اسامه اسامه الي ما خلقتش غيره حتى لما تعبت وقررت ان انت ما تروحش الورشه سلمت كل حاجه بايدك
الاب
بسبب اعمالك وافعالك ما انت لو كنت قدها ما كنتش عملت كده وفعلا قراري كان صح لما عملت كده وبالذات انت واحد مش قد المسؤوليه وهضيع كل تعبي وشقايا
امشي اطلع بره مش عاوز اشوف خلقتك بعد الي عملتو
واول لما كمال بيسمع كده بياخد بعضو وبيمشي
وهو متضايق
اسامه
اهدي يا بابا علشان متتعبش انا والله جيت وكلمتك علشان تكلمو وتفهمو ان الي بيعملو دا غلط
علشان ميكررهاش تاني وهوصل لاحمد والغي العقود انا مستحيل نحط ايدي في ايدو
الاب
حقك عليا يا بني ان انا شكيت فيك بس مكنتش متوقع ان كمال يوصل بيه الحقد ان هو يفتري عليك بالشكل دا
اسامه
متزعلش يا بابا منو انا هحاول اكلمو ربنا يهديه ويرجع عن الي في دماغو دا
الاب
بس طمني عملت اي والبوليس كان عاوزك ليه
اسامه بحزن
هقولك وبعدها بيقول ليه علي كل حاحه
واول لما بيخلص كلامو الاب قال بحده
الاب
هيه الي اسمها نادين دي اتحننت معقول تصدق حاجه زي كده عليك بعض ما عرفت ان هيه مبتخلفش ووافقت تكمل معاها
اسامه
سيبك من كل الكلام دا يا بابا انا هبقي اقعد معاها واكلمها واشوف الدنيا هترسي علي اي وبعدها يحلها الف حلال
وبعدها بيسيبو وبيمشي
وفي الوقت دا بتكون حنان قاعده مع نادين وقالت
حنان
انا بجد مش مصدقه ازاي مخدش دقيقه سجن انا بجدد هتجنن انا مش هسكت علي الي عملو دا ولازم انتقم منو
نادين
اهدي مينفعش الي انتي عاوزه تعمليه دا كده هتودي نفسك في داهيه
وبيسكتو فجاءه لما بيلاقو اسامه داخل عليهم
اسامه
كويس ان انتي هنا يا حنان علشان اقولك والله انا مليش يد في الي حصل وربنا شاهد علي الكلام دا
حنان
وعلي اساس ان هصدق الكلام الي بتقولو دا انت متعرفش انا هعمل فيك اي
وبحركه سريعه بتاخد سكينه من علي السفره ولسه جايه تقرب من اسامه علشان تخبطو
ومن الصدمه بقف مكاني وبحس ان النفس اتقطع مني
نادين
اسامه حاااسب واول لما بقول كده اسامه بياخد منها السكينه بسرعه وبيروح راميها
نادين
انتي اتجننتي اي الي انتي كنتي عاوزه تعمليه دا
عاوزه تودي نفسك في داهيه حرام عليكي
حنان
ابعدي بعيد لازم اغسل عاري بايدي هو انتي عاجبك الي عملو دا هو السبب في كل دا وانا متاكده ان ليه يد في اختفاء بنتي
