رواية ماخفي كان أكبر الفصل الأول بقلم جمانه السعيدي
مو دائما يكون البطل او البطله انسان مثالي وماكو منه
يمكن يكون انسان بلا اخلاق وما يستاهل المساعده
ولا يغزر بي شي
قصتنا اليوم تحجي عن انسانه غلطت غلطه جبيره
رغم كانت بنيه محترمه
بس مشت ويا التيار وغلطت لمن حصلت فرصه تساعد نفسها رجعت غلطت غلطه اكبر
تعالو نشوف أحداث القصه
ميار مواليد ٩٥ بيضه طويله ملامحي حلوه
بس عايشه وضع مادي صعب
ابوي جان شايل كل المسؤليه صح احنا عايشين مستوى اجتماعي بسيط
بس عايشين ناكل ونشرب حالنا حال الناس
ابوي يشتغل عامل بااجر يومي
اني الجبيره عندي اخت ازغر مني و اخ ازغر واحد
سنه ٢٠١٣ مات ابوي الي جان شايل كل المسؤليه
وبعمره ماااشتكا من شي
وضعنا المادي حيل ادهور بعد وفاة ابوي
صح بيتنا ملك بس المعيشه صعبه احنا اربع نفرات
لاواحد ولا ثنيبن
كدرت امي تحصل راتب رعايه حتى يساعدنا شويه
بهاي السنه اني كنت بلسادس اعدادي
الفرع الادبي بلكوه خلصت هاي السنه
مااعرف شلون نجحت وطلعت معدل ٧٥
من بعدها قررت اطلع اشتغل حتى اساعد اهلي
اي شغل حتى اشيل شويه من الحمل
عفت حلمي وراي بعد ماادرس وضعنا ما يسمح أقدم كليه مراح اكدر على مصاريف الجامعه
واخوي واختي طلاب خلاص راح افكر بيهم واعوف نفسي
بلبدايه مالكيت اي شغل
بعدين اشتغلت شغلات بسيطه مجانت تكفي الاجره
حتى اوصل للشغل
تقريبا ٣ او اربع شغلات اشتغلت
شهر او شهرين واعوف الشغل
لان مايسوه التعب اريد شغل بي راتب زين يسد جزء من مصرف اهلي
الحد يوم واني امشي شفت اكو اعلان معلك بمحل كيك
ومعجنات مطلوب عامل او عامله
يشتغل داخل المحل
مو اشتغل عمل معجنات لا اشتغل على المبيعات
دخلت لكيت رجال جبير بلعمر تقريبا عمره سبعين سنه
وواكو بنيه واكفه على المبيعات
رحت للبنيه بلبدايه
ميار...صباح الخير
نور...صباح الخير
ميار...علمود الاعلان
نور...روحي احجي ويا استاذ صبحي هو مدير المكان
رحت على المدير كان كاعد على مكتب وكدامه
جام بحيث يشوف اي واحد يدخل ويطلع من المحل
شكله وقور وهادء
وكفت كدامه
ميار...صباح الخير
باوع عليه من فوك ليجوه
اني كنت لابسه ملابس بسيطه بس شكلي مرتب
لابسه حجاب وتنوره طويله وقميص طويل
باوع عليه من فوك ليجوه ورد عليه
صبحي ...صباح الخير
ميار...كان المكتب متروس ريحة كهوه ااكو جهاز كهوه
الضاهر هو يحب القهوه
جمانه السعيدي
ميار....علمود الاعلان
صبحي....عندج خبره سابقا
ميار...خبره بشنو
صبحي....بالمبيعات بشنو يعني
ميار....لا ولله ماعندي خبره بس اني شاطره ومراح اتعبك
تكدر تختبرني كم يوم واذا ما عجبك شغلي
اعوف المكان
صبحي....انتي شمخلصه
ميار...سادس اعدادي ضروفي كلش صعبه اذا نكدر تساعدني ااكون ممنونه
صبحي...بشنو اساعدج
ميار...احصل الشغل اني ابوي متوفي وعندي اخ واخت ازغر مني وامي مريضه
كلش محتاجه الشغل الله يخليك جربني واذا ما عجبتك
تكدر تستغني عني
صبحي...اهم شي عندي النظافه والالتزام بالمواعيد
والاسلوب الحلوو بلتعامل
ميار...انشاء الله اكون عد حسن ضنك
صبحي.... راح اجرب اسبوع مو يومين اني راح اراقب شغلج اذا شفت غلط ولو زغير
بدون نقاش اكول تفضلي مع السلامه
ميار...موافقه
صبحي...تفضلي نور تعلمج الشغل
اذا عندج غير هاي الملابس اريد ملابس مرتبه
ميار...ميخالف بس ممكن اسئل سوال
صبحي.....شكد راتبي الشهري
صبحي.....مبدئيا ٥٠٠ بلشهر والشغل ١٢ ساعه بليوم
ممكن يزيد اكثر حسب الشغل بلمواسم والأعياد اكو اكراميه للعمل هااا يناسبج هذا العمل
ميار....اي يناسبني
صبحي......روحي نور تعلمج الشغل
رحت يم نور
ميار...استاذ صبحي يكول تعلمج
نور...تعالي منا اي نوع يختاره الزبون اذا حلو او كبك
او موالح تاخذين بهذا القاطع وتخلين بهذا الباكيت
اكو باكيت زغير للوزن الزغير وهذا الباكيت
للون كيلو اكثر
وهذا الميزان اني راح اشتغل كدامج انتبهي عليه
ميار.. تمام
نور....ترا استاذ صبحي يدقق هواي ديري بالج
ميار... انشاء الله اكون عد حسن ضنه
نور....شنو عجبج بلشغل هنا
ميار...صار كومه ادور شغل لو يطلبون خبره لو شهاده
لو لغه
واني كلهن ماعندي لا لغه ولا شهاده مخلصه سادس اعدادي
ولا عندي خبره
اشتغلت كم شغله وعفتهن الراتب كلش قليل ما يسوه التعب
هاي خوش شغله
لا تريد خبره ولا شهاده ولا لغه
هنا حلويات اوزنهن وأخذ فلوس
جمانه السعيدي
نور....لازم انضباط بلمواعيد كلج على ملابسج
ميار....اي
نور....هسه هو عليمن يشتغل شو لا وولد ولا تلد
ميار....يا ماعنده اولاد
نور....ماكو حتى زوجته متوفيه مايكعد ويسكت
ميار..ومنيين يصرف
نور.. لو يااجر هذا المحل يجيبله مصرف يكفي مصرف شهري
ميار...ايجوز يحب الشغل
نور...سبعين سنه
ميار...حتلو ١٠٠ اكو ناس تحب الشغل اذا كعدت يوم تتمرض
نور....عنده صحه لا عبالج سبعين سنه
ميار....كولي ماشاء الله لا يموت الرجال ونخسر شغلنا
نور...مايموت لا تخافين
ميار ...عمره طويل
نور...هسه لو ياخذني حتى اورث بيته والمحل
ميار .يااا تزوجين واحد عمره سبعين
نور....هسه هو لو يقبل اكيف
اكيد اني ما ماخذته علمود سواد عيونه بس اريد اامن
حياتي
ميار...كولي يالله خلينا نشتغل
نور....لا تخافين مراح اطردج راح اخليج تلزمين الشغل
واني اخلصها من مكان المكان
سياحه وسفر
ميار.. انشاء الله رب العالمين يرزقج ولد شاب
عنده فلوس وتسافرين انتي ويااا
نور.. انتي مبينه بت حلال وفقيره
ميار....شكد ما تتصورين
نور....بس مو تخلين عينج على صبحي ترا اني حاجزته قبلج
ميار... لا اني ماادور فلوس ولا ازوج واحد جبير بلعمر
اريد شاب بعمري اعيش الحياة ويااا
نكبر ونعجز سوه
نور....اي عوفي صبحي اليه اني اريده
ميار.....هسه اني اخذته
نور....يمكن اني مو من النوع الي يعجبه
لان شكد جاي اللمح وهو عبالك ما يشوفني
ميار....يجوز شاف شكو بكلبج
نور....يااا يعني يعرف اني اريد فلوسه
ميار...اكيد رجال جبير وشايف وعايف يعرف
الناس ويفهم قصدهم
وخاصه انتي تشتغلين ويا من زمان
نور....حتلو موزين راح اقبل بي
اني عمري ٢٥ وهو سبعين وين يلكه وحده مثلي تحبه وتهتم بي
ميار...ايجوز هو يحب زوجته وباقي على ذكراها
نور...بس يقبل انسي امه وابو مو بس زوجته
ميار....هههه انتي لزكه
نور....اي لزكه ما اريد اخذ واحد وابدي ويا من الصفر
اريد واحد ينطلق بيه للملايين
للمليارات للقصور
ميار...اسكتي اجو زباين تعالي نشتغل لا صبحي ينتبه علينا
ميار...مشينا الزباين واني افتهمت كلشي من اول زبون
اجا اشترا من عدنا
الشغله سهله ومريحه
انشاء الله اعجب استاذ صبحي ويقبل اكمل بهذا الشغل
