رواية لماذا انا الفصل العشرون والاخير بقلم عبير السراي
رهف::اممم وضعيتج مو تمام.....
اية::سلامتج
رهف::بدلتي حذائج.... ؟؟
اية::اوووف نسيتها...
رهف:: اممم يعني انتي صعدتي فوق ومجبتيها ..عرفت السالفة وحمرتج ممسوحه
اية::هاا شنو تقصدين.
رهف::سلامتج.
اية::...اكولج فدووة تكدرين تصعدين فوك... تجيبينها وتجيبيلي حمرة ...مااحب استخدم حمرة غيري...
رهف:: لا والله مااكدر ..مو رجلج فوك شلون اصعد...
اية::ههففف لعد خلي اشوف وحدة من البنات....
رحت على بنت عمار..دزيتهة... تروح تجيبهة...
شوية واجت ...
اية::هاا حبيبتي اشو ماكو...
:: مقبل عمو يكول اذا تريد ..هي تجي تاخذها..حتى
الحمرة مقبل اخذ ..
اية::يالله ...شوف شيسوي..... شلون ...
بقيت كاعدة بالنص ساعه .. وجان يدك الفون مالتي
... {علي}
اية:: اووف يالله شيريد هسة...
عفته مجاوبت...دك مرة ثانية ... هم مجاوبت شوية
واجتني عمتي .. جايبه فونهة ...
ام عمار:: هاج يمه هذا علي يريد يحجي وياج...
اية...يعني ماكو مهرب...اخذت الفون...
اية::الوو.
علي::ليش مااجيتي اخذتي الحذاء...
اية:: هااا مو كاعدة ويه البنات...
علي:: تعالي لا تخافين راح اطلع من الغرفة...وانتي اخذي التردينه ... هااا..
اية::مااشي...
..صعدت... وصدك ملكيته لبست الحذاء وعدلت الميكاب وطلعت اتلفت اشو.ماكو...
مااحس غير شخص وراية
علي::تدورين عليه....
طفرت بوجهي عل درج..نزلت...حتى ملتفتت وراي ... بس اسمعه يضحك....
بقيت ويه البنات بس تفكيري متشتت ...
خلصت الحنه وبقت بنت خالة منى تبات يمنه..وصارت علاقة قوية اني وياهة ونتشاقة ونضحك... كعدنه اني ومنى ورهف وتبارك بنت خالة منى طلبن نسهر سوة اني كيفت اجتني من الله حتى مااروح يم علي ..
اية::اليوم نسهر ونام هنا سوة شتكولن...
منى:: ايي والله ياريت ...
تبارك ::اي عفية كل وحدة تترخص من زوجهة..
رهف:: خلي اخذ رائي محمد وارجعلكم...
تبارك::وانتي ايووو ...
اية؛: لا علي ميمانع...
تبارك(بتعجب)::يعني حتى متنطينه علم ...؟
اية:: لا شلون هسة اكوله.... وهم ابدل الفستان
صعدت فوك .. فتحت الباب على كيف شفته متمدد على الجرباية...لفيت الفستان حتى رجليه متطلع... ودخلت بس مالتفت عليه...
فتحت الكنتور...بس خايفة .. واحس جسمي يرجف رجف...اخذت ملابس ...
رجعت خطوة وجان ادوس على شي ..وكعت لكيت علي وراي .. لزمني وقربني عليه ...
اية بتوتر:: عللي .والنبي اذا سويتلي شي اصرخ والم البيت كوله عليك...
علي بتبسم:: لا تخافين. طعم البوسة بعده بشفايفي...
اية::علي اريد اروح...
علي::وين....؟
اية:ارريد ابدل .. وانزل ...
علي::تذكرين من كتلج اذا دخلتي ومسلمتي عليه. شنو عقابج...؟؟
رفعت راسي وباوعتله...وصارت عيني بعينه...
علي::اية.. كدامج من واحد لثلاثة اذا ماطلعتي من الغرفة اسد الباب و اسوي شي ميعجبج ...فروحي بسرعه قبل
لا اغير رايي..
اية::طلعت اركض.. وسديت الباب... ياربي وين ابدل الولد راح يجون سمعت صوت محمد جوة...مااكدر انزل ...صحت على رهف..
رهف::هاا حبي كولي...
اية؛:فدووة اريد ابدل بغرفتج...
رهف::هاا ليش.. اكو شي...؟
اية::لا ماكو شي بس اريد ابدل بغرفتج قبل لا يصعد محمد...
رهف:: ايي.حبي ادخلي قابل الاتستأذنين...
اية::فديتج يقلبي...
دخلت بدلت... وخليت الفستان يمهة بالغرفة وطلعت .. والكه علي بوجهي طلع من الغرفة ودينزل ....ضحك ودنك... واشرلي عل درج بمعنى انزلي....
بقيت متبسمرة بمكاني...
علي:: انزلي ....وسويلي طريق اريد اطلع......
هزيت براسي بمعنى اي....
نزلت وصحت.عليه
... اية::مااكو احد...
نزل واني دخلت للغرفة.يم البنات...
كعدت يمهن..
تبارك: اكولج منى اشو احمد اخوج ..ماكو..شعجب...
منى :والله ماادري.. ليش تسالين...؟
تبارك:هاا....لا هيج بس شفت محمد اجه وهو ماكو...تعجبت..
اية:اممممم
تبارك: هاا ...شنو..
اية:سلامتج حبي ...وغمزت لمنى...
اكولج منى ..هو احمد شعجب ميتزوج..
منى: والله اندري بي ... حتى لو ياهي التكلبه ..
تبارك: لا شبي خوش ولد....مرتب وحلو..والف من تتمناه...
اية: صدك..ولا جنت ادري..ههههه
منى:بينت السالفة...هاا ولج حاطة عينج على اخوي...
تبارك:لا وج عزة... شنو القصة مو عيب....
اية:ليش شنو العيب...حياتي مبيهة شي...
تبارك:هاا لا ..
منى:زين بربج ماحاولتي تبينيله...
تبارك: هو يباوع بوجهي حتى ابينله...
اية:هههههه بهاي حقج صدك هو ثقيل ..
منى:وج شنو اخوي ثقيل...
اية::لا مو قصدي ثقيل دم ..لا .والله بس قصدي ثقيل اخلاق
تبارك::اي والله .اااه.
منى؛:يوومه حصرتج شكبرهة...
اية::هههههه ... يله احنه نساعدج...
تبارك::ياا شتساعدني... غير امي تذبحني...
منى::وامج منو يكللها...؟ لا تصيرين ثولة ....
رهف::هاا ولجن شتسولفن...
تبارك:: هاا حبي ماكو شي سلامتج...
اية::اوك مرخصتكم اشوف عمه واجي...
::على راحتج حبي...
اية::هاا يمه ..
ام عمار::هلا يمه...
اية:: فدووة عندي طلب...
ام عمار::ايي يمه كولي..
اية؛؛اممم اريد ابات يم البنات اليوم
ام عمار::ايي ..
اية::خاف يجي علي... كوليله. انتي.....
ام عمار:: ماشي يمه روحي يم البنات...
اية::اووك مشكورة...
رحت يم البنات.. بقينه ندردش .. صارت الساعة بال
2بالليل
ام عمار::بعدجن كاعدات..يمه .باجر وراجن يوم طويل وتتعبن .نامن حتى ترتاحن...
منى::اي والله صحيح...يله تصبحون على خير..
تبارك:: شنو منتظرة خالتي تحجي حتى تنخمدين...
منى::هههههه لا وج بس صدك تعبانه...
رهف:: ناامي حبي اني هم اروح انام...تصبحون على خير...
اية:: اممم مو عساس تنامن سوة...
رهف:: دمشي يمعودة هسة انتي عل نومه...
اية::امممم يله هم صحيح ... تصبحون على خير...
::اجمعين...
صعدت اني ورهف هي راحت لغرفتهة...واني فتحت الباب على كيف....ودخلت...وجان اشوف علي حاضن المخدة مالتي ونايم ..
بقيت صافنه عليه ....شعور بداخلي تمنيت حاضني اني
مو المخدة...
نزلت فراش بدون صوت .. ونمت ... كعدت الصبح.. رفعت راسي ملكيته...
رتبت نفسي...ونزلت... كاعد هو والولد ..وعمي وعمتي...
صباح الخير
::صباح النور...
رحت كعدت البنات... وبديت اعزل بالبيت ...حسيت بوجع بصفتحي .. بس مهتميت اله... صارت بالعشرة منى راحت للصالون ... ول3العصر يله اجت ...وطول هذا الوقت اني ممحتكة بعلي ...هو بصفحة واني بصفحة...
صعدت اغير ملابسي خاف تجي الزفة...بس الوجع
البصفحتي ديزيد ...لبست وخليت ميكاب ونزلت البنات ..يركصن ويضحكن ... لكن اني مالي خلك اي شي ... صارت بالستة العصر واجتي الزفة... وجان واكف عمي وعلي وكيان يتلكون الزفة...لان كرايبهم...
بقيت اباوع على علي لحد محسيت نفسي شبعت شوف منه....
طلعنه ركبنه للسيارات...ووصلناهم للفندق ...
واخذونه لبيت العريس امه الي هي اخت عمتي ام عمار .
.اصرت تعشينه يله نرجع ...اني ردت بس ارجع لان الالم ديزيد عليه... حتى عشة متعشيت...صارت بالعشرة .
..يله وصلنه للبيت....
ام عمار:: يمه اية بيج شي..
اية::سلامتج يمه بس تعبانه...
رهف::لا أحس بيج شي ... كوولي ...اذا متاذية
اية::لا صدكي بس تعبانه...
ام عمار::متاكدة بس تعبانه...
اية::هزيت براسي بمعنى اي
ام عمار؛:اصعدي ارتاحي بغرفتج ...وباجر عزلن البيت...
اية؛:اووك مرخصتكم...
جان علي مموجود...صعدت للغرفة بس كوة عليه..بدلت ملابسي.. وتمددت ...تقريبا ساعه واجه علي سويت نفسي نايمه... بس متماسكة كووة ...
مشه الوقت والالم يزيد عليه ..اريد بس يهدا الالم ماكووو.تعبت كوولش بعد مااتحمل الوجع ...شفت الموبايل الساعه بالوحدة ونص ...يربي ...كمت اوون وابجي بدون مااحس بنفسي... غطيت وجهي ...شوية ونرفع الغطة
علي:: هاا سلامتج ..بيج شي..
اية:: هزيت براسي ..بمعنى لا ...
علي:: هو شنو لا..(كعدني..ولزمني من ايدي)..بس كولي شنو اليوجعج.....
اية:: اااه ...بطني مووتتني....
علي:: منين توجعج....؟؟
اية::منا... واشرتله على صفاحي...
علي:: يعني هااي كلياتج...كومي خلي نروح للمستشفى...
اية::لا لا...يا مستشفى...مااروح...
علي:: هو شنو ماترحين... حتى وجهج صار اصفر...ياه كوومي البسي بين ما اكعد امي تجي ويانه ...
وقف حتى البس مكدرت ...متت من الوجع ...شوية واجتني عمتي...
ام عمار::هاا يمه شبيج...؟
اية::يمه بطني موتتني...
ام عمار::لعد من كتلج ..شبيج كلتي مبيه شي... يله لا تبجين .....كومي البسي...
علي:: هاا يله طلعت السيارة...
اية:ّيمه والله مااكدر اكووم...
علي:: ابقي كاعدة اني اجيب ملابسج .. ....
لبسني علي ...وحاول يسندني....مكدرت اوكف...
ام عمار:: خلي البس جواريبي وعباتي....
اية:: بس خلي ارتاح شوية حتى اكدر امشي...
علي::شو تعالي ...(وشالني ... )لا تخافين...
اية::علي فدووة نزلني....
نزلني الدرج ولحد السيارة... صعدنه ورحنه للمستشفى...
ام عمار::يمه على كيفك..لا تسوق بسرعه ...
علي::لا تخافين يمه....
وصلنه للمستشفى...
فحصتني الدكتورة ..
ام عمار:: هاا دكتورة خير ان شاء الله ..
الدكتورة:: احتمال عدهة رمل خشن او حصوة بالكلى فلازم سونار ..حتى نتاكد هسة حانطيهة مسكن ...وباجر الصبح تجيبينهة للاستشارية... يسوولهة سونار.. وينطونهة علاج...
علي::دكتورة يعني متكدرين تكتبيلهة شي هسة...
الدكتورة:: لا عيني مااكدر ...بس هذا المسكن هيخليهة تنام ومتحس بشي لكن ...جيبوهة من وكت للمستشفى..حتى يجيكونهة..
علي::شكرا دكتورة...
اخذنه الابر ضربتهن وطلعنه تمددت بالسيارة وعلي وعمتي بالصدر ..غمضت عيوني اريد انام...
ام عمار::اية ...اية..
اية؛؛اسمعهة بس ماليه اجاوب ....عبالهم نايمه...
ام عمار:: يمه علي...... تحبها
علي::------
ام عمار::راحت بسابع نوومه...
علي؛ّهههه .. خطية جانت موجوعه...
ام عمار::يعني تتهرب من الجواب....
علي:: اممم مو اتهرب ...بس..اي احبهة...وكل يوم احبهة اكثر...بس...اوووف مااعرف شلون اخليهة تسامحني..
ام عمار::اصبر يمه ..ان شاء الله تصافون...
ايةّ؛:يمه شنتصافة وهي تريد تروح....
ام عمار::اصبر والله كريم....
علي؛:شعدنه غير الصبر....
(بداخلي فرحانة..على الكلام السمعته ..لكن مااعرف شلون اتصرف.. شلون ابين اني بديت اتعلق بي...)
وصلنه. ...عمتي صاحت عليه ..كعدت ..ونزلت من السيارة..
صعدت للغرفة .. وعلي لازم ايدي معافني... لحد ما تمددت بالفراش...غطاني ..
علي::نامي هسة والصبح نروح للمستشفى...
هزيت براسي بمعنى اي...
نمت.. وكعدت على صوت علي...
علي::يله اكعدي...هم ياله نروح .
اية::مااشي...وافرك بعيوني.... هو لبس
علي::اني منتظرج جوة...اووك..
اية::اووك...
رحت غسلت... وغيرت ملابسي ولبست الحجاب ..ونزلت لكيتهم منتظريني...
اية::صباح الخير...
::صباح النور...
ام عمار::يله يمه تريكي وخلي نروح...
اية:: لا يمه مااشتهي... خلي نروح .ومن نرجع..نتريك...
ام عمار::على راحتج....
طلعنه بالسيارة ...احس.نفسي تعبانه ..بس اريد انام...
وصلنه للمستشفى....ونزلنه اني وعمتي وعلي راح يركن السيارة...
كصينه باص ودخلنه ...وكعدنه بالاستراحة...شوية واجه علي...اخذ الباص من عمتي ..وراح للغرفة البيهة الطبيب... انظاهم الباص وبقى واكف... شوية .اجتي بنية..لابسة بنطرون جينز وبدي ضيق ...لبسهة فضيحة مرت من كدامنه اني وعمتي بقينه وحدة تباوع عل ثانية..بقيت اباوع عليها ...عافت الزلم الواكفه كلها وراحت لعلي تساله...
اني شفتها واشتعلت نااار .. بقت عيني عليهم ...ووكفت بصف علي وتحجي وياه بس مااسمع شيحجون... احس.من عيوني يطلع شرار.. بقوا يسولفون ...
عمتي انتبهت عليه...باوعت على علي .وتبسمت...
ام عمار:: هاا يمه اية...
اية:: هاا ...
ام عمار::شو مادري شلونج ...بيج شي؟؟
اية:: هاا لا ...بطني توجعني...
ام عمار::يمه منجن بنات اخر وكت توكف بصف الزلم ..ومامهتمة للناس الحواليها...
اية بغضب ::يمه العتب مو عليها ... العتب عل منطيها
مجال ويسولف .وياه...المفروض يحترم انو امه ومرته وياه ....
التفت اليه وتبسمت...
اية؛؛يعني قصدي بالاسم مرته صح ...
ام عمار ::زلم مالهم امان...
«بقيت اباوع عليهم بغضب ..شافني درت وجهي ...شوية وصاح اسمي ...ودخلت اني وعمتي وعلي ورانه على الدكتور ..كتبلي..على سونار.. وتحاليل...
طلعنه ...عمتي كالت .
ام عمار::منين السونار...
علي:: من هالجهة امشينه...
اية بعصبية ؛:علي اذا تريد ابقى هنا.خاف نطول بالسونار..ابقى سولف هنا احسن...
علي::هي هم فكرة بس مااعوفكم وحدكم... يله امشي
.. رحنه سوينه تحاليل وسونار ..تقريبا بالساعة ونص يله.كملنه... رحنه للطبيب...
كال رمل خشن عدهة واذا بقة اكثر يصير حصوة فلازم يتعالج ...انطانه علاج ..وكال من يخلص تراجعيني...
طلعنه ولكيت نفس البنية كاعدة ..وتتبسم لعلي ..
محسيت بنفسي ...باوعت لعلي بغضب والتفت الها
...وهزيتلها ايدي بمعنى شكوو...
دارت وجهه ...وطلعنه احس نفسي بركااان ...
صعدنه بالسيارة.. بعدين انتبهت على نفسي... اني شسويت عززة فضحت نفسي...
حاولت اتمالك نفسي ...رجعنه للبيت الساعه ب11:30. صعدت للغرفة حتى ابدل ملابسي
بس مختنكة. وحاصرتني العبرة....اريد ابجي واطلع
حركة قلبي....بدلت ملابسي
شوية وصعد علي دخل للغرفة...اني باوعتله بخزرة... ودرت وجهي...
علي:: تدرين احلى شعور بالدنيا من تشوف التحبة يغار عليك...
اية:: ومنو كلك اني اغار عليك...:؟
علي بابتسامه:: واني مجبتج بالطاري...
اية::واني هم ..----
علي:: ليش متوترة ...؟؟
اية::منو كلك متوترة...
علي::اممم عيونج...تصرفاتج...
اية::والله .. وشبيهة تصرفاتي...
علي::ردتي تهجمين على البنية تاكلينهة بسنونج...
اية::اهاا اي صح ..تدري ليش ...لان المفروض اني مرتك ..المفروض تحترم هالشي...وتتصرف على اساسة
..مو واكف انته وياها بالساعه تسولفون ولا عبالك امك (والمفروض) مرتك..جايات وياك....وهي بكل وقاحة تتبسم بوجهك بلا ادب ولا اخلاق...ولا ذرة تربية....
علي:: انتي ليش متعترفين...
اية::اعترف بشنو...؟؟
علي::انو انتي اشتعللتي من الغيرة... لا تنكرين...
اية:؛تصدك ضحكتني... اغار على منوو... انته..انته اخر انسان ممكن احس بمشاعر تجاهة ...انتة ليش متصدك اني مشاعري تجاهك بس كره وحقد وقرف ...
علي::كاافيّ....
اية::لا مو كافي ...لازم تسمع ...اني مااطيقك ولو يبقى اخر يوم بعمري ...هم مااريدك ... ومااطيقك...
علي:: كتلج كاافي....
اية:: وبعد كاافي ...اني مااتحمل وجودك بحياتي ليش متفهم....
علي:: تمام ...اني باجر اروح للدوام...وتردين ترحين لاهلج روحي الله وياج ..مااجبرج على شي. ..وشتردين تكولين لاهلج كولي كولي يضربني.ميحترمني .تمام لهنا...
غلطان وياج بشي... وكتلج مستعد اتكفل حتى بدراستج...
اية::لا مشكور ...عندي اهل يصرفون عليه...
[طلع بعصبية وركع الباب بقوة...]
رحت عل جرباية.. لزمت المخدة وكمت ابجي...
شوية واجتني رهف..
رهف:: هاا حبي الحمد الله على سلامتج... هااي تبجين..
اية::الله يسلمج عمري... لا بس...
رهف:: قبل شوية اجيت اشوفج ..ردت ادك الباب سمعتكم تتناقشون ورحت ...صاير شي...
حضنتهة وكمت ابجي....مااعرف شكول...
رهف:: يعمري انتي اذا تردين تفضفضين...احجي حتى ترتاحين...
اية::لا ماكو شي بس تعاركنه اني وعلي...
رهف؛؛سهلة ان شاء الله ماكو شي ... تبجين وحالتج حالة هسة يجي يصالحج .. ويتنهي كولشي...
اية:: هو جنه راح ينتهي كوولشي...
رهف؛:هاا شلون يعني...
اية::لا سلامتج...
رهف::يله تعالي تغدي عمتي تكول بدون ريوك بعدج...
اية::ايي بس مااشتهي...
رهف؛:لا تسوين هيج .... لازم تاكلين حتى تشربين الدواء..
اية::يله مااشي ..
نزلنه اني ورهف.. كلها كاعدة ..اووو اريد منى ..هي تعرف كولشي بيه... جان كلتلي شسوي....
صبن مها ورهف الغدة...كلها كعدت
ام عمار::يمه احمد خابر علي يجي يتغدة...
احمد::ايي مااشي...
طلع جهازة ..وخابر عليه
احمد:: مايشيله...
ام عمار::ارجع خابرة...
احمد::هاا علي ..وينك....شنو متجي تتغدة.....ليش ...دتعال يمعود...اوك على راحتك...
ام عمار:: هاا يمه وينه...
احمد:: ماادري شبي شو عصبي... يكول مااريد...
كعدت عل سفرة بس مااشتهي اكل..شوية وكمت...بقى للمغرب وهو ماكوو... مالي عين اسال عليه...اووف قلبي
كله يمه...
شوية وسمعت عمتي تخابر ...عرفت تخابرة...والفتهمته
..انو. جاي بالطريق...
صعدت فوق دخلت للغرفة مالتهم مال حديد... لان تطل
على شارع...بقيت واكفه منتظرته يجي ... .اباوع من الشباك والوم بنفسي ...
ليش هيج حجيت وياه..اووف ...بقيت بالربع ساعه واكفه منتظرته ...
شوية ودخل ...من شفته نزل من السيارة اخذت نفس ...اووف شكد ارتاحيت.من شوفتك....هيج وجودك بحياتي مهم ...شلون اذا رحت ونفصلنه ...يالله عيني والله تعبت...
رحت للغرفة غسلت ورتبت نفسي ونزلت لكيت علي كاعد ...مسلمت عليه ... دخلت بوجهي للمطبخ.. بدينه
نحضر العشة... كملنه. وخليناه ..وكلها نزلت تتعشة.
.. بس اني جنت مااشتهي...
ابو عمار:: بوية ماتغديت وهسة ماتتعشين.. .شلون تشربين دواج. هاا.... اكلي حتى لو كم لقمة حتى ما تتوجعين ... يابوية...
اية؛:حاضر عمو....كعدت بس كوة عليه أكل...
خلصنه العشة .. وهم رجع طلع ...صعدت حضرت الجنطة مالته..وغراضة...
وتمددت ونمت. ..محسيت بي من اجه ... كعدت الصبح
..على صوت ركع.بالغرفة...طفرت. شفته علي...
علي ::اسف ..موقصدي..
اية::هزيت براسي..
بقيت كاعدة بس بمكاني ... لبس وتعطر
علي:: اني رايح ..محتاجه شي..
هزيت راسي بمعنى لا...
علي::مع السلامة....
اية:: مجاوبت....
طلع ...واخذ روحي وياه مجرد انسد الباب .نزلت دموعي... مكدرت اسيطر عليهن... بقيت ابجي .. لحد ماغفيت واني دمعتي على خدي...
كعدت على صوت رهف ...
رهف؛: ايوو ...شنو اليوم متكعدين....
اية:: هااا اه راسي يوجعني ... بيش الساعة...
رهف::ب12ونص...
اية::اووف ولا حسيت بنفسي...
رهف::حبي بيج شي...
اية::لا مابيه بس راسي يوجعني ...اريد ارتاح... فدووة عوفيني انام مااريد اكعد..
رهف::زين ليش تردين تبجين...؟
اية ::ماكو بس ..اريد انام صدكي ..
رهف::اووك على راحتج....من رخصتج...
لفلفت نفسي. ونمت كعدت ..باوعت عل ساعه ب3الضهر... اووف طفرت من الفراش...غسلت ونزلت.. دخلت عمتي ..تحجي بالفون ... .. ...
ام عمار.:تعالي يمه ..اية......{ايي يمه ...ماشي ..يله}
..وخلت الجهاز بيني وبينهة...
ام عمار:: هاا يمه شبيج بيج شي يوجعج ...
اية::ايي .....قلبي يوجعني...
ام عمار:: علي كلي انتو متعاركين وتردين ترحين لاهلج ....صح...
اية::صح كتله....بسس.
ام عمار:: احجيلي اني هم مثل امج...انتي تردين ترحين لاهلج ...
اية«واني ابجي»::لا مااريد اروح ...ماادري شبيه .احس بروحي ضايعة. ماادري شريد...
ام عمار:: يعني ماحبيتي علي ولو شوية ...
اية::هاا ماادري .... بس الادري بي اني بداخلي اريدة ..واريد اشوفه ...احب اباوع عليه أحب اسمع صوته ...يمه والله تعبت ...اذا هذا حب ..فا اي اني احبة واريدة ومن اسمع صوته تردلي روحي.. بداخلي شي بس من احجي وياه شي ثاني....البارحه من شفته يحجي ويه البنية ...صح حسيت بالغيرة ...والغيرة شعلتني شعل ...وجان نفسي احاوطة ومااخليها تشوفه ...لكن سمعته كلام مثل السم... حتى
الصبح من راح .. سلم عليه ومارديت عليه بداخلي اريد اصيحله واحضنه واكله احبك واريدك ... لا تروح لكن مااعرف ..ليش هيج اتصرف ... يمه فدوة ساعديني.
تعبت من التفكير....
ام عمار::كافي لا تبجين....امسحي دموعج...
اية:: يمه شمسح ...احس قلبي راح يوقف... فدووة يمه الحكيني ...اريدة... مااكدر بعد ..مااتحمل
ام عمار:: دخلي يجي والله كريم..
اية:: لا مااكدر ..لان كتله ..راح اروح ..وهو هم صار عصبي وكلي روحي...
ام عمار::معليج انتي ...اصبري من يجي...
اية:: اووووف اصبر خمس ايام...مااكدر...
ام عمار:: كومي غسلي والله كريم...بس من يجي هذا الكلام كولي اله ...
اية:: خلي يجي والله كريم.....اووف يمة صدك والله مااكدر اصبر خمس ايام .والله قلبي يوقف...
ام عمار:.كومي غسلي وجهج وصبيلج غدة والله يحلهة ..مااشي..
اية::مااشي...
كمت غسلت ..وحميت الغدة وصبيتلي ..ورحت يم عمتي..شوية ونزلن رهف ومها...بقينه نسولف ..احاول اتناسة ...بس قلبي يوجعني...
صار الليل ودنحضر بالعشة اوف هذا نهار واحد ونصه جنت نايمة ...وهم ثقيل ..بعد اربع ايام...هههففف
واكفه يم الباب مال مطبخ..واسولف ويه رهف ومها... واسمع الاطفال يركضون ويصيحون ..
«.اجه عموو علي...اجه عموو علي»
تعجبت طلعت من المطبخ واشوفه دخل للاستقبال ونزع جنطته....
اية:ّ اووف يالله دااتحلم...لا موحقيقة... وقفت على صفحة واحاول اخذ نفس...
اسمع صوته وممصدكه... معقولة ..الله لطف بيه وخلى يجي...
يبوو. هسة خاف يكلي ليش مرحتي لاهلج ...شكول ..
.ياارب كملهة الي...
لا ..لازم اضم روحي منه...رحت بسرعه للغرفة
وجان تصيحلي عمتي.... يبوو. اني اريد اشرد .رحت بس امشي على كيف. ..
اية::نعم يمه...
وعمتي تاشرلي على علي..وتغمزلي..
اية:: هلا علي الله يساعدك...
علي:: هلا بيج....
بقيت واكفة وفشلانه ... بقه يسولف ويه عمي...رحت للمطبخ ....اريد الزم ماعون مااسيطر...
رهف:: يمه هيج علي يردلج الروح... نيال علي..
اية«باوعت عليهة تبسمت.ودرت وجهي...»
خلينه العشة وكعدنه نتعشة... من الفرحة كمت اكل جني مشايفة...
مشى الوقت بسرعه ..صعدت للغرفة...رتبت نفسي... شوية ودخل علي....كعد عل جرباية...
علي::احمم ..اية ممكن تكعدين شوية..
اية::اممم اذا تريد تكول ليش مرحت لاهلي ..فاني.....
علي:: لا مو هذا موضوعي...
ممكن تكعدين بالاول...
اية::اهاا. اوك..
علي:: شوفي صدكيني هذي اخر فرصة النه حتى كلمن يعرف شعور الثاني ....اني احبج واريدج... واحسج صرتي بكل تفاصيل حياتي...بس لازم اعرف شعورج الحقيقي...ليش
ابقى متامل ...اذا ماترديني كولي ...واذا ترديني هم كولي حتى اعرف شلون اتصرف....
اية::بقيت ساكته...
يعني متحجين ...
اية ::------
علي:: اووك على راحتج..
كام ولزمت ايده....وكمت ابجي ...
اية::اي اريدك....... ووو.و.احبك وانته هم صرت بكل
تفاصيل حياتي ...ومااكدر ابعد عنك .احسك النفس الاتنفسة ...مااكدر. ابعد عنك. بس التفكير بهالشي ...يوجع قلبي...
حاولت افهمك بس مااعرف .اي احبك والله احبك .....مااريد اعوفك
علي«وهو يمسح بدموعي»:: اخيرا نطقتي....
حضني بكل قوة...يمكن بقيت بحضنه ربع ساعه...باسني من راسي...
عليّ:على فكرة اني اجيت بهالسرعه لان العصفورة كالت
اكو وحدة متتحمل خمس ايام يله تشوفك....
اية:: .هاا العصفورة ...اسمهة ام عمار موو...
علي:: ههههههه لا انتي ...
اية::اني شلون...
علي::من دخلتي وامي جانت تحجي وياي بالفون....كتلهة عوفي الجهاز مفتوح اريد اسمعها شتكول...
اية::ياا ايا غشاشين ..يعني استدرجوتني ...«وضربته على صدرة..»
علي:: هههههه تكدرين تكولين هيج...
زين اكولج ..انزل الفراش لو انام عل جرباية
اية:: هاا ... علي ...
علي؛:عيوني وقلبي وروحي
اية::اريد اطلب منك طلب..
علي :: عيوني الج....
اية::اني صح حبيتك ..ووو واريدك ...لكن...
علي::لكن شنو كولي....
اية:: اتمنى تتفهمني... مااكدر ....
علي:: شنو المتكدرين ...
اية؛: مااكدر اقدملك اكثر من قلبي .. احس بعدني ماجهازة لغير شي... اتمنى فهمتني
علي:: وقعتي قلبي... عبالي شصاير... فهمتج ..واني مامستعجل ..شوكت ما انتي تحسين نفسج مستعدة تلكيني منتظرج ...
اية::شكرا...
علي::زين هسة وين انام...
اية؛:هههه بكيفك...
شمر نفسه عل جرباية وفتح ادية...
علي::تعالي لحضني..
اية::امممم[وكفت مترددة]
علي::غمضي عيونج وجنج متدرين ..
كعدت استحيت احضنه.. جرني من ايدي.. وحضني... بقينه نسولف الليل كله ... وكل شوية ويكولي احبج....
مشت الايام ..بحب ... حسيت انو عندي رجل فعلا خلاني اسعد وحدة بالدنيا ..صار على زواجنه سنتين... ماجبرني على العلاقة الزوجية .رغم جان يحاول لكن الخوف يتملكني ...بقينه مثل حبيبين مؤدبين... تجمعهم غرفة وحدة ....
اقترح عليه اكمل دراسة وفعلا... كملت درست خامس والسادس .... ونجت من السادس بمعدل 84% وجنت
طايرة من الفرح...واحتفلنه اني وعلي ..بهاي المناسبة
..وبيومهة اخذت قرار لازم اترك مخاوفي واسلمه نفسي .واكون زوجته فعلا....
وعشنه احلى ليله مليانة حب ورومانسية...
صح اكو عقبات بحياتنه لكن تجاوزناهة.... والحمد لله وحاليا اني سنه اولى كلية ادارة واقتصاد... و حامل ومنتظرة. بنوته.
ومحمد ورهف ..صار عدهم توم بنات...(يارين_ودارين)
ومنى دخلت الجامعه... وحاليا عدهة ولد (موسى)
وكيان تزوج وحدة وياه بالدوام واخذ بنات وطلعوا ابيت وحدهم..
واما احمد وبعد اصرار وتعب وملحة. خطب تبارك ... ومنتظرين عرسهم قريبا...
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
