رواية قاتلة ابي الفصل العشرون بقلم بنت الشيخ ترابية
هنادي: صبح الصبح علينا وايهم ع كعدة وحدة وياي
ايهم: راح اشوف الولد واجيب ريوك ما اتاخر
طلع وانا بقيت كاعدة يارب ساعدني بماهر ماعندي غيره يارب وبقيت ادعي واكرر الدعاء والفاتحه لام البنين ماخليت شي يعتب عليه كلشي حجيت ودندنت بيني وبين نفسي وادعي
مرت دقايق وايهم طول والولد ما اجو وزينب هم اعتقد نايمين كمت انا رحت للحمام اغسل
الماي جان داااااااافي يسوي واهس للسبح بس ماكو شاور وماكدر ونعست .. سديت الماي واخذت المنشفة انشف وجهي وسمعت صوت قطرات الماي تنزل شوي شوي
رفعت طرف عيني على المراية محد يمي بس انا واكفة كدام المراية والماي يقطر
كصتي عركت .. ايدي ترجف .. ابلع بريگي كوه
تنفسي صار سريع .. نبضات گلبي اسرع
والسبب ماعرف ليش هيج يصير بيه
وكعت بالكاع وكعدت بالزاوية مال الحمام وابجي
صكيت سنوني وهمست ..: هدوووء هدوء
عضيت ايدي وضغطت عليها بقوة واضرب راسي بالحايط بخفه واهمس : هدووء اريد هدوء هدوووء
عضيت اكثر حسيت يطلع دم من ايدي بس ما اهتميت وبقيت اعض بقوه واضرب راسي بالحايط وصوت الماي نفسه
تنرفزت وتعبت حيل .. جسمي كله عرگ ..
اريد احد يجيني ماكو سمعت صوت احد يصيح بأسمي بره بس ماركزت بصوته دقايق وانفتح باب الحمام بس دايره وجهي على الجهه الثانية
حسيت بيه يحضني من وره ويلزم ايدي حيل • ويهمس بأذني : اهدي انا يمج اهدييي
سحب ايدي مني وكومني وفتح الماي وغسلها وعيني على الماي انا .. سده حيل حتى مايقطر ونشف ايدي وحضني لصدره
: ماكو شي مجرد اوهام وهذا الماي وخلص .. لا تجرحين نفسج ولا تأذين نفسج كلها ايام معدودة وترجعين احسن من قبل
هنادي: مو بيدي مجاي اسيطر على نفسي كانو مخبله
: لا عادي هذا وهواس قهري
هنادي: الوهواس يختلف انا مو وهواس
: الحالة الي انتي بيها انا اكدر اساعدج منها بكل سلاسه وتطلعين منها مثل الشعره من العجين بس ساعديني وعينيني
هنادي: حالتي صعبه؟
: كلش سهله ومابيها اي صعوبه كلها فترة وترجعين طبيعي يلا تعالي جبت ريوك حتى تصيحين لزينب
ابتعد عني وطلع قبلي وانا نشفت وجهي وطلعت
فهد : هاا خيتي شبيها ايدج؟
: تعورت بالباب
فهد: اسم الله انتبهي فدوه اروحلج بعد مابينا حيل والله
هزيت راسي وطلعت اكعد زينب
دخلت لكيتها كاعده تلف حجابها
زينب: هاا حـُب
: يلا تعالي ايهم جاب ريوك والشباب كاعدين امشي
زينب: عيونج حمر شنو مانايمه؟
: لا مانمت
زينب: وايدج شبيها؟ معضوضه؟
: هسه امشي عوفيها
اخذتها ورحت كعدو ياكلون وانا كعدت يم ماهر
شفت ايد نمدت كدامي وبيها ماعون حاط لفه واستكان جاي سفري ابتسمت على التصرف واخذته من ايده وهذا كله وهو عينه على الكاع ولا رفعها عليه
دناكل وسمعنا صوت همس والصوت جان تعباااااااان
: اااااخ هنادي
رفعت عيني عليه بسرعه لكيته يرمش شوي شوي حتى يفتح عينه بسرعه نزلت الماعون بالكاع وكمت لزمت ايده و وكفت يمه واجه ايهم وزينب والشباب وكفو يم الجربايه بالنهايه
وكلنا منتظرينه يفتح عيونه ويحجي ويانا
ايهم: شووو بويه ارفع ايدك
: م ماكدر توجعني
هنادي: بالكوه يحجي وحتى عينه مجاي يفتحها ليش
ايهم: اي غير كاعد من غيبوبه ومسوي حادث انطي مجال
فهد: رايح اصيح الدكتور
راح فهد وماهر يون من الوجع وانا عيوني تصب دموع عليه لا يكدر يرفع ايد ولا رجل
دخل الدكتور
: بلا زحمه شويه .. وين الابره .. ست امنه عيني تعاليلي
اجت الممرضة وانطوه ابره وفحصه وكال
: وضعه عال العال بس ممكن احد يجي وياي علمود اكتب الكم كم شغله تخصه وعلاج؟
فهد: انا جاي وياك
راد يطلع وصاحت زينب
زينب: اجي وياك انا هم
فهد: تعالي
اخذها وطلعو وي الدكتور وانا فرحانه بيه .. فتح عينه باوعلي وابتسم بتعب
ماهر: هاا ولج يالمعتوته
هنادي: هههههههه معتوته شنو؟
ماهر: يعني العاته گلبي وعيني عت
هنادي: متأذي حبيبي؟
ماهر: راسي هنادي ورجلي خدرررااااانه ماحس بيها
طفر ايهم
ايهم: يارجل منهن
ماهر: اليسرى نهائي ماحس بيها
ضيق عينه ولزم اصابع رجله
ايهم: هاا؟
ماهر: شنو؟
ضغط حيل على اصابعه بس ماشوف اي تعابير على وجهه ماهر .. صافن منتظر ايهم يحجي
هنادي: شكوووو شبيييي
ايهم: صووووتج .. هسه ارجعلك اصبر
طلع من الغرفة
ماهر: شنو شكو شبيج
هنادي: مادري انت شبيك
ماهر: مادري .. عطشان هنادي انطيني ماي
كمت وقطرت على لسانه
ماهر: بويه هي مال تقطير دجيبي الدولكة
انطيته وشرب نص الدولكة
ماهر: ياعلي انتخمت
هنادي: درجع اتمدد كافي مو زين
.
.
دكتور بدر : ممكن يتعرض لشلل وممكن لا
فهد: شون يعني دكتور؟
بدر: شوف ابني هسه هو كاعد من غيبوبه بسبب حادث قوي عليه والغيبوبه هذي مانعرف شنو ممكن تترك من آثار بيه احتمال شلل او فقدان ذاكرة او كسور قوية مانعرف
زينب: هسه كعد ويصيح من ايده ورجله يعني شي طبيعي لانو متأذي بيهن
بدر: ايوا واحتمال يصير شلل بالاطراف او كسور مُعينه لحد الان انا فحصت وعيه اكتبلكم العلاج وساعه ساعتين اروح فحص عام ومفراس وماعنده الا العافيه
فهد: زين العلاج هذا موجود بداخل المستشفى لو خارج
بدر: الصيدليه بركن المستشفى يعني تتمشى الها
فهد: خوش اكتبلي
همستله : اخذني وياك
فهد: ماشي ..
اخذ ورقة العلاج وترخصنا وطلعنا للصيدلية
زينب: بلا زحمه اريد عصير برتقال اكو هنا؟
فهد: اي هذا يم الصيدلية بس ناخذ علاج ونروحله
زينب: تمام .. اخذنا العلاج وماقبل يكول السعر بس طلع الحمر والله عيب هو يدفعله واحنا موجودين
زينب: زحمه تدفع وانا موجوده
فهد: دفتحي ذراعج وامشي لابو العصير يلا
مشيت كدامه وهو مشى وراية ودخلنا واشترينا عصير للكل ورجعنا للمستشفى واخذنا العلاج للدكتور حتى نتأكد ولكينا ايهم هناك يحجي وياه
ايهم: دكتور كعد يصيح رجلي خدرانه الزمها ميحس بيها اعصر واضغط وماكو
بدر: اي احتمال من البنج والعمليه خلي ساعه ساعتين ونسويله مفراس وفحص عام ونشوف
ايهم: يعني هسه لحد الان ممستقر مو؟
بدر: ايي ما مستقر خلي يرتاح شويه انطوه سوائل بس لا تنطوه اكل هسه
فهد: هذا العلاج تأكدلنا منه بلا
بدر: اي هذا وراح اكتبلكم التوقيت مالته حتى تنتبهون
همست لعمو ايهم ..
زينب: عمو اخوي مشلول؟
ايهم: عمو شجاجن انتي واختج تفاولن على الولد؟
زينب: مو تكول ميحس
ايهم: لا يحس بس غير كاعد من بنج عادي
هزيت راسي وطلعنا من غرفة الدكتور ورحنا لغرفة ماهر
.
.
هنادي: هااا شكال الدكتور
فاقد: شني زط بط خلي ينطونه العصير اول
ايهم: لسانك هاي مو استبرق
فاقد: اعتذر خيتي
هنادي: لا خويه عادي .. اييي فهد وين العلاج فدوه
فهد: تفضلي بس تعالي اعلمج
اجه يمي وكف ويفتح شريط شريط ويعلمني ع الاوقات وشلون واشوف ايهم مخنزر
ايهم: كافي انا اشرحلها روح جيبلي جاي راسي
فهد: تدلل
اجه يمي ولزم الشريط عود ديشرحلي بس همسلي
ايهم: افگس عينج اذا ركزتي بواحد بعد
هنادي: يااااا
ايهم: وجعاااا وهذا الشريط مهم خلي يشرب بس سوائل ولا تنطي اكل اليوم ويشرب العلاج هذا هسه
هنادي: اوووكِ .. خزرني وهزيت راسي
انطيته عصير برتقال طبيعي شربه وانطيته العلاج بسرعة داخ ونام وطلع السبب من العلاج لانو للاعصاب
جعفر: اخخخخخ نعلعلا ابيك فاقد
فاقد: انچب
ايهم: صوووووووتك مو نايم .. شبيك
جعفر: فاقد گرصني بطرف اظافره الگلب
ايهم: فاقد ماتكعد راحه؟
فاقد: جوجو حساس
جعفر: وحق مكه بس تتقربلي بعد اشك زيجك
فاقد: دتقربلي الا اشك
ايهم: هااااااااا
فاقد: حلكك حلكك
هنادي: انتو شنو رويسيه؟
زين: ابو فتنه وففه دومهم هجي
هنادي: ففه منو؟ وهذول منو؟
زين: ففه فاقد وابو فتنه جعفر
هنادي: شنو ابراجكم بلا
جعفر: انا الثور
فاقد: وانا مادري بس تاريخ ميلادي 7/12
زين: ابراجكم زي الـخ***
ايهم: ضبطو نفسكم
جعفر: لككككك اخخخ ابن المطي
ايهم: هاي شبيييييك
جعفر: ففه جاي يگرصصصصصص
فاقد: والله على كيف
ايهم: الي يسمعكم يكول هذول ضباط وعميلين سريه؟
زين: العقل من الله فاقد اسم ع مسمى فاقد العقل والدين والانسانيه والاخلاق والقهر والحظ فاقدهن كلش
فاقد: وانت زين لو اسيا؟
زين: تافه للستار
هنادي: زينب وين؟
ايهم: راحت وي فهد تجيب جاي
فاقد: زينب صارت الجيب الايسر لفهد
هنادي: خليها ماريدها تكعد بيناتكم
فاقد: ليش؟
هنادي: اختي مؤدبه ماريدها تتخربط
فاقد: سفطيها
ضحكت ودرت وجهي عود ردت اقصفه والله يا الله
ماهر: انطوني ماي
فاقد: يبوي من كعدت لهسه تشرب ماي منين جاي من الصحراء لو مكفوخ كفخه ام الام وكاطعه عنك العافيه
ايهم: فنك لو تسكت
.
.
زينب: عوع شكد مقزز
اندار عليه فهد
فهد: شبيج
زينب: هذا ابو بريص شلون يباوعلي
فهد: وليش واكفه كدامي انتي؟
زينب: غير انت كدامي
لزم ايدي وسحبني كدامه
فهد: اوكفي هنا
بقيت واكفه كدامه ومنتظرين دورنه
زينب: شكد طولك انت؟
فهد: 183 ليش؟
زينب: من هذا واكف وراي الي يشوفك يكول باب متحرك
فهد: ليش بس انا هجي طولي؟
زينب: لا انتو بشكل عام طولكم مبالغ بيه
فهد: وهسه انتن گصرجن ع اساس مو مبالغ بيه هذا طولج وضخامتج كلها لصرتي ما واصله
زينب: ايي عادي احنا بكلشي دلع وتمييز
فهد: ايي دوري وجهج
انداريت و وصل الدور النا واخذنا الجايات ورجعنا
.
.
دخلو وانطونا الجاي ودك تلفون ايهم يباوعلي ويحجي
ايهم: هااا؟؟ .. ايي بعدين احجيلج .. يبوي وين جايه مو كتلج طالعين مو بالبيت .. ايي .. هو ماهر مسوي حادث .. بويه شبيج تخوطين بصف الاستكان .. بعدين انا اجي اخذج بس مو هسه .. خوش يلا باي..
هنادي: منو؟
ايهم: اسراء رايحه لبيتج وجيرانكم كايله الها اخوها مسوي حادث ورايحين للمستشفى ومتخبله البنيه
هنادي: وهسه؟
ايهم: طمنتها وبلغتها بأنو اروحلها واجيبها هنا بعدين وسكتت
هنادي: الحمدلله
فاقد: جوجو انطيني العلاكه من وراك
جعفر: كوم انت اخذها
فاقد: چا شبيك مكسر انطيني العلاكه ولك
جعفر: ففه كوم انت لا اكوم اشكج ومحمد
صفك ايده ايهم وصاح بصوت مهموس : اهوووو
الفصل الواحد والعشرون من هنا
