رواية ما ذنبي انا الفصل الواحد والعشرون 21 بقلم أحلام السعدي

أرى الناسَ يَهْوَوْنَ الخلاصَ من الردى وتكملةُ المخلوقِ طولُ عناءِ ويستقبحونَ القتلَ والقتلُ راحةٌ وأتعبُ ميتٍ من يموتُ بداءِ.

ــــــــــــــــــــــــــــــــــــــــــــــــــــــــــــ

كعد عالسرير يباوع علية شلون امشط شعري.

بس عصبي

سكتت... ومحجيت شي

حجة بهدوء... عكس ملامحة.اليوم شفت ابراهيم.

بلعت ريكي ونداريت علية.

حجيت...... حجة شي وياك

تنهد..... وخلة ايدة عالصدرة.ماحجه ابدا.

..... كلي شنو حجة وياك.

آصف..... طفي الضوة اريد انام.

ماحبيت اضغط علية.. واصلا اني كلش تعبانة مالي خلك احجي حتة..واصلا مايهمني.

طفيت الضوة.ورحت نمت بالكاع..وفهد بالكاروك وهو عالسرير.

كال.... كومي تعالي نامي هنا.

.. بهدوء..... لا هنا مرتاحة. احسن.

تنهد.... تعالي هنا لاتعاندين.

حجيت.... اي مااريد. هنا مرتاحة كتلك.

آصف.... بحدة..كومي.

.... اهو ليش تعاند.

كام. من السرير.وبلعب ريكي.وضميت شفتي بتوتر.

واني كعدت يم المخدة..

تقرب... ولزم ايدي.

حجيت..... والنبي مااريد.

آصف..... ميهمني اذا انتي متريدين.

كمت غصب... واضرب رجلي حيل بالكاع.

آصف.... وهو يخليني عالسرير.اوكفي عن حركات الطفولية هاي. انتي مرة. عيب تتصرفين هيج.

تنهد

تغطيت بعصبية ونداريت عالجهة الثانية.

نام وتغطة.

جنت افكر. يعني اضل محبوسة هنا. وعرس اخوية قرب. اريد اروح وياهم من يجيبون الغرفة.اريد شوية اتنفس.. هواية مختنكة.

حسيت ايد عالخاصرتي.

دااوخرها. بس لزمني بقوة. وقربني صار ضهري ملامس صدرة.

آصف....بهدوء. باجر انشالله تحضري نطلع لبغداد.نزور الامام الكاضم ع..ومناك عندي شغل. ونبات بالفندق.

نداريت علية بفرحة صدك والله.

باوع علية وبتسم.... واشر براسة. بمعني اي.

. والفرحة مو ساعيتني..كمت. بستة من خدة بعفوية.

اما هو نصدم... وبتسم. لزمني من خاصرتي حيل ودفعني عالسرير.

باوع علية.

بلعت ريكي.

تقرب مني. يشم بشعري. وبركبتي.

غمضت عيوني بضعف.وحجيت آصف. لا.

باوع علية بعيون ناعسة. وبعدين باوع عالشفتي.

هستوه يبوسها.فزينة عالصوت فهد.

بتسمت وفرحت. خليت ايدي عالصدري. احس كلبي راح يوكف من دكاته.

هو باوع علية... وعقد حواجبة.بعصبية.

واني بتسمت ودفعتة..

آصف.... كم مرة اكول عليها راح تصير مره ترجعين طفلة..

نزعجت من حجية.. وكلت. ليش بس انت تسميني طفلة..اني مو طفله.

باوع علية.... وتنهد.كال.كومي. سكتي فهد. صدك بعمرج متفتهمين شكول. كومي.

اخر كلمة كالها بصوت عالي.

فزيت من صوتة.وكمت. عالكاروك..

جنت بس اطبطب عالصدرة حتة يرجع ينام.

نام ورجعت. تغطيت. بس نداريت عالجهتة.

باوع علية... ولزمني وخلاني بحضنة.

حسيت بدفو جسمه.. وكلبي يدك بسرعه.

بسرعه نمت.

كعدت الصبح....هو ماكو عالسرير.

سوينة ريوك... وهو ماكو هم..

كلما اسال علية يكول عندة شغلة..

كعدت شوية. بالغرفة.. وفتحت دفتر مذكراتي.قريت شوية منة. وتنهدت..

ضحكت. وحجيت.كل هذا صار الي. مااصدك.

صح علامات ضرب الحزام.مهند..وعلامة عالوجهي من ضربني آصف.لساتهن. بس زرك.

نفتحت الباب... بدون ماادري فزيت وخليت دفتري بايدي ورة ضهري.

باوع. علية وعقد حواجبة.

اني بلعت ريكي مااريدة يشوفة.

كال شنو ضامة ورة ايدج..

حجيت... هيج ماكو شي.

باوع علية بنفاذ صبر. وتقرب يمي.

اول متقرب ركضت عالسرير. دااطلع. من الباب. بس لزمني بسرعة.

آصف.... كم مرة حجيت وياج تصرفي كأمريه..مو طفلة.

لزم دفتري حيل واخذ يقرة بي.

عضيت شفتي بقوة. وحجيت آصف هذن دفتر مذكراتي. لاتقرة هذن خاصة ا لي.

باوع علية وعقد حواجبة..وعادي الزوج يشارك بيها.

اخذتة كل قوتي منة. وقفلتة.

باوع علية بعصبية... وكال اريد المفتاح.

باوعت علية وبتسمت.. صفكت بايدي. بح المفتاح..

باوع علية ورص اسنانة. وشمرة علية بعصبية.

آصف.... بعصبية.... يلة. روحي. انتي هم اسبحي واتوضي.

بتسمت وحجيت اي... ماشي.

نزع قميصة وشمرة علية.

وكال اروح اسبح اني. وانتي ادخلي بحمام البنات.

صرت اتنرفز لمن يشمر قميصة علية. دائما يسوي هاي الحركة.

دخل للحمام.. واني شمرت قميصة حيل..

رحت لغرفة البنات. اوووف شمايل داتسبح.

اريد اسبح بسرعة. هسة يكوم يحجي علية اذا اتأخر

طلعت من غرفة البنات..داامشي

. بعبوس..نضربت كانو بحايط..

باوعت مراد..

باوع علية وعقد حواجبة.. شبيج..

.... ماكو شي... جنت افرك خشمي. بس خشمي نكسر..

باوع علية وبتسم.

باوع عالملابس وكال تريدين تسبحين.

حجيت بخجل.اي بس آصف بالغرفة يسبح وشمايل هم داتسبح..

مراد... هو مو اليوم تروحون لبغداد بعد شوية..

.... اي بعد شوية واذا ماشافني جاهزة راح يحجي علية.

بتسم وكال اسبحي بغرفتي اني راح اطلع للجامعة.

...بستمت... وحجيت. ها وشوكت انشالله ترجع.

بتسم... وكال. انشالله اسبوع اسبوعين عالاقل.

.... ترجع بالسلامة انشالله.

طلع من البيت..

واني دخلت لغرفتة. باوعت علية. غرفتة رجولية.. وكتب هواية عندة.

ولونها كلة جوزي.

دخلت للحمام سبحت بسرعة..وطلعت. دااطلع من الغرفة واني مخلية المنشفة عالراسي.

باوع علية آدم... وحجة بعصبية انتي شتسوين هنا.

.... بلعت ريكي وسديت الباب. لبست حجابي وفتحتها.

حجيت.... هلا خوية آدم.

ادم.... شنو تسوي هنا.

حجيت.... احنة مستعجلين نريد نروح للبغداد.لهذا سبحت بالحمام مراد..

باوع علية وعقد حواجبة..ومراد وينة.

.... مراد راح قبل شوية للجامعة..

احسة يشك بية... باوعت علية وبتسمت وحجيت من رخصتك.

حجة بهدوء... مرخوصة.

راح واني اكولة وجه الجوب..هذا شبي. ليش يباوع علية هيج.

نداريت ودخلت للغرفة.لكيت اصف مكمل.

باوع علية وكال بنفاذ صبر. لساج ممكملة.

.... اي هسة بسرعة

كملت بسرعة... وبدلت لفهد. وطلعنة بالسيارة.

صعد هو واني صعدت ورة..

تنهد وكال ليش مصعدتي هنا.

حجيت لا هنا مرتاحة.

باوع علية ولوى شفتة..

فهد راح يم آصف وكعد بالكرسي اليمة.

آصف خلة حزام الامان وساق.

يمكن ساعة ونص وصلنة. لان الطريق مو ازدحام. واصلا من ديالى لبغداد قريبة كلش.

جابنة غدة تغدينة بالسيارة. ووصلنة للكاضم ع.

جانت قليل بيهة.. بوست الشباك وبجيت. وشكيت همومي الة. وحجيت حاجتي يمك .

وخليت فهد يبوس الشباك هم.

ودعتة..

ضليت انتضر آصف..هو كلي هنا انتضريني.

نتضرت نص ساعة وفهد نام بحضني. جانت مو هواية حارة. الدنيا غيم..

بس متت كلت يمكن ضاع ياما ضعت..

بالاخير جا يمي عصبي نار. وكال اني مو كلت بهذيج الدنكة ليش هنا واكفة.. لج صالي ساعة انتضرج طيح الله حضج.

ضل يصيح علية.... سكتت.

بالسيارة يمشي ويحجي علية..

عاد حجيت... اي لا واضح زرت. الله تقبل دعائك.اني اعرف الي يزور شوية يحسن من الفاضة..مو مثلك..

ضربني عالراسي بخفة..وكال اششش.. لج عقل مضل براسي وانتي واكفتلي بدنكة ثانية.

سكتنة.ثنينة.وصلنة للفندق. لعبانة نفسي اريد اتقيء.. كالي نامي رتاحي.

نمت وهو راح عندة شغل.

كعدت عالصوت فهد يصيح.. أدن. أدن..يعني شادن.مرات يصيح ماما. ومرات أدن.

باوعت علية بنعس.بوستة.وخليتة بالكاع يلعب.

مخلة شي مشمرة حتة اكو تلفون ارضي. ركعة بالكاع. همزين مصار بي شي. ضربتة كام يبجي. وخليتة بحضني.

موتني كلسا داخل وموكع شي. نوب تاخر آصف هواية..

جان يريد شي ياكلة جوعان. كلت بلة هسة. شلون......

هو جوعان كلش. وماكو شي انطي.

آصف كلي لاتطلعين لو مها يصير..

لبست عبايتي. وتوكلت عالله .واخذت فهد وياية. وطلعت من الفندق.شتريت حلويات واكل.ونطيت فلوس من امي ومن عمة حوراء.. نطتنياهن.

رجعت للفندق.

صعدت بالمصعد. داافوت للغرفة. لكيت آصف يم الباب.

باوع علية بعصبية...

بلعت ريكي... وحجيت..لحضة آصف افهمك.

رص اسنانة وكال. فتحي بالغرفة نتفاهم.

فتحت الباب بايد ترجف. وحجيت آصف والله جنت اشتري شي لفهد كلش جوعان.

ذبيت فهد بالكاع.

وباوعت علة آصف.

هو مجتف ويباوع علية.

آصف... وليش منتضرتني.

.... ووالله واللله نتضرتك بس انت كلش تأخرت.

باوع علية وكال انتي مو واحد يطلعج. ولج شمطلعج. ولج اكسرج شسويلج. احبسج.اني حجيت قبل لااطلع..اياج  نوب الكاج طالعة ولج.ليش متسمعين كلامي.

حجيت بخوف. يعني شسوي جان يبجي ويريد ياكل شي. خفت تتاخر هواية لهذا طلعت.

تنهد تنهيدة عالية.... وسكت.

صار الليل... وفترينة بالاسواق. وشترة ملابس الية. مع انو اكلة مااحتاج شي. بس كلمن من ندخل لمحل.يدخل ويشتري اشياء هواية ويطلع.

يكول......لازم نشتري شي. الج. من يوم متزوجتي ليهسة مطالعة ولا مشترية شي.

بتسمت وباوعت علية.

باوع علة محل. وكال. دخلي بهذا المحل اشتري ملابس داخلية الج.

اني نزلت راسي... وخجلت كلش. من حجية..

هو ضل يم المحل ولازم جياسة وفهد ذابة بالكاع هو يمشي.

دخلت واخذت ثنين بثنين. بس.

آصف نطاني فلوس هواية...هم.

نطيته لام المحل.همزين مره داتبيع..

دااطلع باوع علية.آصف..وكال امشي. اخذي عشرة 12. امشي.ماخذتلي واحد بس.

فتحت عيوني... شلون شفت.

ترة محل كلة جام َشفتج. روحي.

دخلت بعد ماياست من آصف. واكلة كافي. خليت خمسة بس. باوعت عله آصف من الجام.

يباوع علية... عضيت شفتي بخجل.

واشر براسة... اشتري بعد.

اشتريت هواية وطلعت.

رجعنة بال9 بالليل للفندق. ذبينة كل شي. عالجهة.وكل باجر انشالله نروح لمدينة العاب. ونروح للحديقة حيوانات.

بتسمت... داانام.وكال تعاي وين.

... اريد انام تعبت وتعبت رجلي هم..

باوع علية وكال. اريد احجي وياج..

... انيم فهد. وارجعلك.

بهدوء.... بسرعة.

نيمتة. اييي شنو تريد تحجي ويايه.

باوع علية وتقرب يمي.

باوعت علية بتركيز.

دفعني عالحايط. وبدون سابق انذار.كالي احبج. وباسني.

جنت مامستوعبة شكال.

جنت مصدومة.

بتعد عني وكال شبيج.

بس اباوع علية..شنو كلت.

آصف... من اسبوعين واني ادرب عالهلكلمة. لاتكليلي مسمعتيها. مكدر اعيدها. صعبة هاي الكلمة.

بتسمت وعضيت شفتي. بس اريد اسمعها مرة ثانية.

باوع علية... بنفاذ صبر.. تقرب مني.ودفعني عالسرير. صار يبوس بية بكل مكان.احبج. اعشقج.. ا... انتي الي... انتي ملكي.

كل بوسة يحجي بيها. بتسمت وستسلمت الة..

بس ياريت ماستسلمت بكل هالسهولة.