رواية العهد الفصل الواحد والعشرون
عبد الله .. حد شافه
محروس .. اه الست دهب واسلام
عبدالله .. شوفتي ايه يا دهب
دهب .. لا انا وصلت لقيته مرمي علي الارض ومعرفش اي حاجه
عبد الله .. وانت يا إسلام
إسلام .. ايوه شفت كريم و رجالته وهما بيقطعه رجله وايده
عبد الله .. متاكد
إسلام .. ايوه متاكد
عبد الله .. امضي علي اقولك
محروس .. امضي ازاي بعد ما قطعه ايدي اليمين
عبدالله .. بصمه يا عسكري
العسكري .. امر جنابك وبيمسك ايد محروس الشمال وبيبصمه
عبدالله .. يا عسكري خد الزفت ده ورميه في البوكس
إسلام .. ليه انا عملت حاجه يا عبد الله بيه
عبد الله .. عشان شاهد زور
إسلام .. انا قولت الي شوفته بعنيه
عبد الله .. اذا كان كريم معايا من الساعه ١٢ وحالين سايبه في مكتبي
إسلام .. اتلجم ومش عارف يقول ايه اصل الدنيا كانت مضلمه
عبد الله .. قول الكلام ده في المركز يلا خده يا عسكري
العسكري .. يلا قدامي و بياخده و بيرميه في البوكس
عبد الله .. مين الي قالك تتهم كريم
محروس .. مفيش حد انا لسا تحت تاثير البنج عشان كده اتلخبطت الي عمل فيا كده حجاج غفير فيصل بيه
عبد الله .. كدبه جديده علي العموم هرجعلك تاني
محروس .. العمل ايه يا دهب
دهب .. مش عارفه يجي عزيز واكيد هيلاقي حل
حكيم .. يرجع القصر
فرح .. حمد الله بالسلامه يا بوي امال كريم ما رجعش معاك
حكيم .. كريم في المركز
فرح .. ليه حصل حاجه
حكيم .. رئيس المباحث جه خده عشان قتل توفيق
فرح .. كنت متاكده الحكايه مش هتعدي كده
حكيم .. ما تقلقيش كده كده مفيش اي دليل ولا شاهد وبكره هطلعه من النيابه
فرح .. انا مش مرتاحه وحاسه ان الحكايه مش هتنتهي هنا لا دي بتبتدي
حكيم .. بصراحه بعد موت عمك فيصل وانا قلقان والكل هيفتكر اننا هنوقع والكل هيكشر عن انيابه
فرح .. بس انا واثقه في كريم بس المشكله كريم مسك العيله في وقت صعب خالص وربنا يعينه
حكيم .. المصيبه الكبيره ان بيت الجارحي في النجوع الي بره كلهم بيتكلمه ان كل واحد عايز الكبير من نجعه هو وبدات تكتر الفتن ومش عارف الايام الجايه مخبيه ايه
فرح .. احنا هنا هنكون مع كريم وان شاء الله العمديه ترجع عندنا والامور ترجع زي الاول
حكيم .. ياريت يا بنتي ادخلي نامي والصباح رباح
فرح .. حاضر يا بوي وبتطلع اوضتها وبترن علي كريم
كريم .. السلام عليكم
فرح .. وعليكم السلام ورحمة الله وبركاته طمني عامل ايه يا كريم
كريم .. ما تقلقيش يا فرح ان بخير وانا رحت مع الضابط عبدالله لهدف في دماغي
فرح .. هدف ايه
كريم .. عرفت ان عزيز لسا عايش وتوقعت انه هيخلي محروس يتهمني انا عشان يخلص مني عشان كده رحت المركز
فرح .. فعلآ عزيز ممكن يعمل اي حاجه عشان يخلص منك
كريم .. كده عزيز مستحيل يرجع البلد
فرح .. طاب لو رجع
كريم .. لو رجع يبقا اكيد في حد سانده ووقتها لازم نعرف مين وراه
فرح .. تمام مش محتاج حاجه اجبهالك
كريم .. سلامتك نامي انتي
فرح .. مش هيجيلي نوم وانت بره
كريم .. فعلآ انتي اجمل حاجه في حياتي يا بنت عمي ربنا يعلم وجودك جنبي مقويني
فرح .. بالعكس انا بحس اني عايشه عشانك انت وبس
كريم .. ربنا ما يحرمني منك
فرح .. ولا منك يا كريم عارف طالعه في دماغي اجيلك
كريم .. عايزه الناس تقول علي اخر الزمن فرح الجارحي دخلت المركز
فرح .. انا ما يهمنيش الناس انت الوحيد الي تهمني
عبد الله .. بيدخل المكتب السلام عليكم
كريم .. وعليكم السلام ورحمة الله وبركاته خلاص سلام دلوقت و هكلمك بعدين
فرح .. ماشي سلام
كريم .. خير يا عبد الله محروس لسا عايش
عبد الله .. اه ومتهمك انت انك قطعت ايده ورجله
كريم .. لو انا عملت كده يبقا اكيد عندي سبب
عبد الله .. كلامك صح بس ايه الي هيكون بينك وبين حتة غفير زي محروس
كريم .. انا بقول لو انا الي عملتها
عبد الله .. ماشي يا كريم بيه بس انت الي قتلت توفيق
كريم .. اثبت اني انا
عبد الله .. انا عارف ان مستحيل حد في البلد كلها هيشهد عليك وعارف مفيش دليل وعارف ده حقك بس انت رجل قانون والمفروض تاخد حقك بالقانون
كريم .. هنا يا عبد الله بيه انا القانون وعمري ما هظلم حد وتوفيق خد جزاء عمله ولولا اني بخاف ربنا ما كنتش هسيب حد من بيت الشناوي عايش عشان دول عاملين زي الورم الخبيث الي بينتشر في الجسم ومالوش علاج إلا استاصله من جذوره
عبد الله .. الى اعرفه عنكم كاقي اني اعرف انك عمرك ما هتظلم حد وفعلآ بيت الشناوي وراهم اسرار كتير وفي حد بيدعمهم ليه وضعه ومكانته
كريم .. قدرت تعرف هو مين
عبد الله .. للاسف لا بس يوم احمد ابن عمك الله يرحمه كان في بيت توفيق جه تليفون من الوزاره و تحركنا بنا علي كده
كريم .. مسيري هعرف مين الي وراء عزيز
عبد الله .. عزيز ده مش سهل ولازم تخلي بالك منه اووي الفتره الجايه
كريم .. مش لما يجي الاول
عبد الله .. فيه معلومات جايه من المدريه ان عزيز راجع ومطلوب من المدريه تحميه ونخلص المشاكل الي بين بيت الجارحي وبينه
كريم .. حلو يبقا لازم نزوره اول ما يوصل ونعرف ناوي علي ايه
عبد الله .. لو احتاجت اي حاجه انا موجود عشان انا من سنين عارف ان عزيز شغال في المخدرات والسلاح بس للاسف مش عارف امسك عليه حاجه
كريم .. ان شاء الله كل حاجه هترجع لاصلها وان شاء الله بكره بعد ما نخلص حكاية النيابه هروح لمنصور بيه في المدريه عشان موضوع العمديه
عبد الله .. حتي موضوع العمديه جاي من الوزاره واللواء منصور حاول يوقف قرار نقل العمديه لتوفيق بس للاسف ما قدرش
كريم .. الايام الجايه في حاجات كتير هتتغير بس الله واعلم هتكون لصالح مين
عبد الله .. الوقت اخدنا والفجر اذن
كريم .. يلا نصلي الفجر وبعد كده ربنا يعدلها
عبد الله .. ماشي يلا بينا
.. وبعد الصلاه بيفطره ويجي حكيم ويروح معاهم النيابه والنيابة بتخلي سبيله من سرايا النيابه ..
حكيم .. يلا نروح علي القصر يا كريم يا ولدي
كريم .. لا روح انت يا عمي انا هروح مدرية الامن اقابل اللوء منصور عشان موضوع العمديه يا عمي وحاول اعرف مين الي وراء عزيز
حكيم .. خلاص هاجي معاك
كريم .. مفيش داعي يا عمي انا مش هتاخر
حكيم .. خلاص زي ما تحب يا ولد اخويا
كريم .. بيروح وبيقابل اللوء منصور
منصور .. كريم بيه نورت الدنيا
كريم .. الدنيا منوره بحضرتك يا منصور بيه
منصور .. اتفضل ارتاح
كريم .. انا جاي النهارده عشان موضوع العمديه واكيد انت عارف انى احق حد بيها هو احنا
منصور .. كلامك صحيح وانا كنت معارض ان توفيق يمسك العمديه بس للاسف الموضوع كان اكبر مني بس اوعدك هعمل كل الي اقدر عليه عشان الحق يرجع لاصحابه
كريم .. تمام وانا هستنا منك تليفون
منصور .. تمام يا ابن الغالي الكلام اخذنا ونسيت اشوفك تشرب ايه
كريم .. مش وقته يا منصور بيه الايام الجايه كتير يلا بعد اذنك
.. ويرجع كريم القصر وتكون فرح مستنيه و بيقعده يتغدو سوا وبعدها كريم بيتكلم مع عمه حكيم في الاوضاع الواحد وعشرين نجع الي المشاكل كترت بينهم والفتن وكل نجع فيهم عايز يكون الكبير منه وبتعدي الايام وكريم يحاول يجمع بيت الجارحي كلهم علي قلب راجل واحد زي ما كانوا طول عمرهم لكن للاسف ما بيقدارش وبيقعد في الجنينه شايل الهم وفرح بتشوفه وبتقرب منه ..
فرح .. مالك يا كريم شايل الهم ليه
كريم .. تعبت يا فرح التفرقه دي هتكون سبب هلاكنا وضعفنا
فرح .. ان شاء الله ربنا هيقدرنا وتقدر تجمع العيله كلها تاني
كريم .. يارب يا فرح
حجاج .. بيدخل علي كريم يا جناب البيه عزيز وصل الفيلآ بتاعته
كريم .. كويس هروح عشان اشوف بعنيه هو ناوي علي ايه
حجاج .. بس ده مش راجع لوحده
كريم .. امال معاه مين
حجاج .. رجاله كتير بسلاح ومحاوطين الفيلآ
كريم .. كده بيعلن الحرب وده سبب اكبر يخليني لازم اروحله يلا جمع الرجاله بسرعه
حجاج .. امرك يا كريم بيه
فرح .. خالي بالك الي زي عزيز ده غدار ومش بيضرب غير في الظهر
كريم .. ما تقلقيش عليا يا فرح انا بس عايز اعرف بيفكر في ايه عشان اكون جاهز واقدر اتوقع الضربه هتيجي من فين
حجاج .. جاهزين يا جنابك
فرح .. لا إله إلا الله
كريم .. سيدنا محمد رسول الله
.. وبيركبه كلهم العربيات وبيتحركه من القصر سبع عربيات والرجاله كلهم مسلحين وبيوصله الفيلا والرجاله بتنزل بسرعه وبيوجهو السلاح علي رجالة عزيز وبينزل كريم من العربيه و يقرب من رجالة عزيز والكل يوجه سلاحه ناحية التاني ...
