رواية العهد الفصل الثالث والعشرون
اسلام .. كريم و الرجاله طلعوا من القصر وحكيم لسا جوه
عزيز .. كده تمام يلا اهجمو علي القصر ومرعي هيخلص علي كريم
اسلام .. حاضر يا عزيز بيه وبيقفل وبيبص للرجاله اجهزه يا رجاله اول ما مرعي يكلمنا ويقول كريم وصل عنده هنهجم علي طول
عزيز .. بيرن علي مرعي
مرعي .. الو يا عزيز بيه
عزيز .. كريم جيلك مش عايزه يرجع القصر عايش اظن كلامي مفهوم
مرعي .. ما تقلقش انا محضر له فخ مش هيعرف يطلع منه وبمجرد ما يوصل هيلاقي نفسه محاصر من رجالتي من جوه الفيلآ و من بره ومش هيكون قدامه إلا الاستسلام او الموت
عزيز .. وانا مستني اسمع الاخبار الحلوه منك و حلاوتك كبيره
مرعي .. انا خدامك يا عزيز بيه واكبر مكسب ليا هو رضاك عني
عزيز .. بيقفل السكه
دهب ..طمني يا ابو عزيز
عزيز .. اطمني اليوم هيكون نهاية بيت الجارحي في نجع الجارحي والنجع كله هيكون تحت امرنا
دهب .. ياريت نفسي ادخل انا وانت القصر وناخد كل املاكهم
عزيز .. هيحصل يا بت وبيمسك ايدها وبيبوسها
دهب .. بحبك يا عزيز و مفيش راجل يملا عيني في الدنيا كلها غيرك
عزيز .. وحشاني يا دهب
دهب .. انت لسا تعبان يا عزيز
عزيز .. انا زي الحديد قومي قدامي علي اوضة النوم
دهب .. حاضر يا سيد الرجاله
كريم .. بيوقف بالعربيه قبل فيلا خليل حجاج
حجاج .. نعم يا كريم بيه
كريم .. انزل وقسم الرجاله علي نصين نص منهم هيكون معايا ونص معاك
حجاج .. ليه يا كريم بيه
كريم .. اكيد هما عارفين اننا جاين وعاملين حسابهم انا ههجم الاول وانت استنا لحد ما نفهم ايه خططهم
حجاج .. خلاص انا الي هدخل الاول
كريم .. لا نفذ الكلام
حجاج .. حاضر يا كريم بيه وبينزل وبياخد مجموعه من الرجاله
كريم .. بيتحرك مع باقي الرجاله وهما ماشين علي مسافات عشان لو كان فيه فخ ما يقعوش كلهم واول ما بيوصله الفيلا بيبداء ضرب النار
.. الرصاص بيكون زي المطر جاي من شبابيك وسطوح الفيلآ وكريم ورجالته كل واحد بياخد ساتر وبيتبادله اطلاق النار ومرعي بيرن علي اسلام عشان يهجمو علي القصر وفعلآ اسلام بيتحرك وبيضرب نار علي الغفر الي علي بوابة القصر ..
فرح .. ايه ضرب النار ده يا بوي
حكيم .. خليكي هنا وانا هطلع اشوف فيه ايه
الغفير .. يدخل القصر جري يا حكيم بيه فيه هجوم علي القصر وعددهم كبير
حكيم .. لو كلنا هنموت هنا مش لازم كلب منهم يدخل القصر فاهم
الغفير .. فاهم احنا اتربينا هنا وطول عمركم بتعملونا زي ولادكم و النهارده محدش هيدخل القصر غير علي جثتنا ويطلع لبره اضربه يا رجاله مفيش حد هيدخل القصر غير علي جثاثنا
حكيم .. فرح تعالي هطلعك من السرداب وانا هرجع عشان احمي القصر
فرح .. من صغرى وانت علمتني ضرب النار عشان اهرب في يوم زي ده لا يا بوي انا هحمي القصر ولو حتي علي حياتي
حكيم .. فعلآ بنت بمية راجل ويطلع بندقيتين ألي وبيدي وحده لفرح وبياخد التانيه وبيطلعه فوق السطح وبيضربه نار علي رجالة عزيز
فرح .. وهي بتضرب بتفكر في كريم وبيتقول في نفسها شكل كل حاجه مترتبه واكيد كريم في خطر يارب استرها
اسلام .. يلا يا رجاله عايزين ندخل القصر مش كام غفير هيوقفونا
.. كل الي يقرب من باب القصر حكيم وفرح بيضربوه بالنار والغفر من جوه بيضربه نار عشوائي عشان ما حدش يقرب والعسكري بيدخل لعبدالله بيه الحق نجع الجارحي بقي عباره عن حرب في هجوم علي فيلآ كريم الجارحي وكمان هجوم علي القصر عبد الله يقوم عشان يتحرك لكن بيجي له تليفون من الوزاره وبيامره ما يتحركش من المركز وعبدالله بيكلم اللواء منصور لكن حتي اللواء منصور مش قادر يعمل حاجه وفرح بتقاوم هي و ابوها و الغفر واسلام ورجالته عددهم اضعاف عدد الغفر الي جوه القصر ..
فرح .. يا بوي الغفر لو فضله تحت هيموته
حكيم .. معاكي حق يا رجاله ادخله القصر
الغفر .. بيدخله القصر وبيطلعه علي السطح وكل واحد بياخد ساتر
حكيم .. يا رجاله شكلنا وصلنا للنهايه وانا مش عايز اشيل ذنب حد كل واحد فيكم له بيت واولاد فرح
فرح .. نعم يا بوي
حكيم .. خديهم وطلعيهم بره القصر من السرداب
فرح .. حاضر يا بوي
الغفر .. احنا لحم كتافنا احنا واولادنا من خيركم وانتو طول عمركم واقفين مع الحق وجه اليوم الي نرد فيه الجميل خد الدكتوره فرح وطلع من السرداب يا حكيم بيه واحنا هنفضل هنا لحد ما يموت اخر راجل فينا يلا بسرعه مفيش وقت
حكيم .. لسا فيه فرصه اطلعوا بسرعه
الغفير .. مفيش حد فينا هيطلع من هنا
فرح .. فعلآ الرجال افعال يبقا طول ما احنا عايشين مفيش كلب هيدخل القصر يلا يارجاله كل واحد ياخد مكانه
كريم .. يلا يا رجاله لازم نقرب اكتر
مرعي .. بيحاوط كريم ورجالته انت جيت لموتك يا كريم
كريم .. بيبص وراه كلب عزيز وانا بقول كنت مختفي فين
مرعي .. انا موتك يا كريم وبيضرب نار علي كريم
حجاج .. بيتحرك وبيضرب نار علي مرعي ورجالته
مرعي .. خده ساتر يا رجاله ده كريم ده مطلعش سهل
.. والاشتباك بيشتد اكتر في الفيلآ وكمان القصر واسلام بيدخل جنينة القصر وحكيم وفرح والغفر بيضربه نار عليهم وبيوقعو منهم عداد كبير لكن عدد رجالة عزيز كان كتير اووي كأن الي بيموت بيطلعه عشره مكانه وهنا حكيم عرف انا خلاص الموت بيقرب منهم وبيبص علي فرح وهو خايف عليها ومش عارف يعمل ايه ومن جواه هيموت من الخوف علي فرح وبيبص للغفر ..
حكيم .. يا رجاله ليا عندكم طلب
الغفر .. انت تومر يا جناب البيه
حكيم .. خده فرح من هنا وانزله السرداب وطلعوها من القصر
فرح .. انت بتقول ايه يا بوي انا مش هسيبك وامشي
حكيم .. بيقرب منها والدموع بتنزل من عنيه عشان خاطري امشي خلاص كلها دقايق وهيكونوا هنا يلا
فرح .. ابوي انت بتبكي
حكيم .. انتي نقطة ضعفي الوحيده وما ليش غيرك امشي انا اوعدك ان كلهم هيموته بس اطلعي من هنا انا هموت من الخوف عليكي
فرح .. حاضر يا بوي
الغفير .. واحد مننا هيروح معاها والباقي هيفضل معاك
حكيم .. لا كلكم معاها وحميتها هي خدمتكم ليا
الغفير .. حاضر يا حكيم
فرح .. بتنزل والغفر وراها وبتدخل السرداب وبتحط ايدها علي حيطه وبتتفتح الحيطه قدامهم والغفر بيتصدمو من الي بيشوفه
حكيم .. يدخل اوضته ويطلع صندوق قديم من الدولاب وبيطلع علي السطح وبيفتح الصندوق وبيطلع القنابل الي فيه وبيقول النهارده مش هموت لوحدي هاخدكم كلكم معايا وده هيكون جزاء الي يتجراء ويهاجم قصر الجارحي يا فيصل انا جيلك وبينزع امان القنبله
فرح .. بتوقف في السرداب وبترن علي كريم
كريم .. بيحس بهزة التليفون وبيطلعه الو
فرح .. طمني انت بخير
كريم .. اه بخير وانتي
فرح .. الكلاب هاجموا القصر
كريم .. بتقولي ايه وانتي فين دلوقتى
فرح .. مفيش وقت يا كريم انا بكلمك عشان اقولك اني بموت فيك وبحبك ومن واحنا اطفال بس شكل القدر هيفرقنا
كريم .. انا جاي يا فرح ما تخافيش وبيتحرك من مكانه
مرعي .. بيضربه بالنار
كريم .. بيوقع علي الارض والتليفون بيوقع منه
فرح .. كريم الو كريم رد عليا
حجاج .. كريم بيه يا رجاله غطوني بسرعه وبيتقدم وبيشد كريم وبياخد ساتر بعيد عن ضرب النار انت بخير
كريم .. حجاج القصر لازم نلحق فرح وعمي
الغفير .. وقفتي ليه يا دكتوره فرح
فرح .. عشان مش هطلع من هنا شايفين السلاح ده
الغفير .. ايوه
فرح .. واحد يجيب
الار بي جي والباقين يمسكو الجرنوفات يا اما نعيش ونحافظ علي املاكنا ياما نموت شهداء
عن سعيد بن زيد رضي الله عنه قال: قال رسول الله ﷺ:
«مَن قُتِلَ دونَ مالِهِ فهو شهيد، ومَن قُتِلَ دونَ أهلِهِ فهو شهيد، ومَن قُتِلَ دونَ دينِهِ فهو شهيد، ومَن قُتِلَ دونَ دَمِهِ فهو شهيد».
رواه أبو داود والترمذي والنسائي، وصححه أهل العلم.
.. الغفر بيبصه لبعض وكل واحد منهم بيشيل سلاح وبيرجعه ..
برعي .. يلا يا رجاله مش عايز واحد منهم يطلع عايش
.. الرصاص زي المطر وكريم بينزف وججاج بيقاوم هو والرجاله ..
