رواية فصلية بديلة ( شموخ ) الجزء الثاني الفصل الرابع والعشرون بقلم ام ملكوت
:-كمل التسجيل وطلعونه من وقت من الدائره لان اعتبروا اليوم للتسجيل والتعريف فقط وباجر يبدي الدوام الحقيقي .. رجعنه للمكتب لمينه غراضنه
اتصلت على بابا واجالي طلعتله سلمت عليه ركبت سياره وطار بيه للبيت مسافه الطريق وكال...
_ها بويه شموخه شلون مر تسجيلج
_كلش زين بابا والشركه تجنن بس مليانه زلم كلت لو بعده الرهاب بيه جان تلكاني شارده بروحي العزيزه وساكنه الحمامات
_هههاي
_اي والله وماتصدك منو شفت هناك
_منو
_تذكر المره البقيت عدهه لمن ضعت منكم بكربلاء
_اي بويه
_ابنهه لكيته هنا بهذاك الوقت جان بالجامعه وهسه لكيته صاير محقق وجاي من كربلاء لهنا حتى يدربنه
_هاي شنو ما كتيلي قبلما نطلع جان سلمت عليه بالنهايه هذول الناس الهم فضل علينه جبير بهذاك الوقت والفضل لله
_بعد راح من بالي وهوه اصلا تلكاه مشغول بالقضايا باجر انشاءلله من تجيبني ادخلك عليه
_تمام انشاءلله
_تدري بابا من جنت عدهم واشوفه يحل القضايا يمنه واحنه نساعده صار عندي فضول لهذا الاختصاص حتى انطاني ملفات قضايا قديمه
وطلب مني احلهه اله سبحان الله جان بهذاك الوقت يشجعني ادخل هل اختصاص وشرف على
حل القضايا الي واليوم التقيت بي وانه داخله الاختصاص القنعني بي ويشرف على تعليمي هم
_اي يا بويه وانه اكول بنيتي شخله هل اختصاص براسهه اثاري هل وليد فار عقلج جان
_لا بس شفته اختصاص حلو ولو متطلعه عليه من قبل جان هم دخلتله
_جزاه الله الف خير هوه واهله
_اي والله تدري اشتاقيت اشوف خالتي وفاء والبنات حنيت لسوالفهن وياي بس المشكله استحي اساله عنهن وهوه اصلا ماحاول يحجي وياي
_ليش تردينه يحجي وياج
_لا بس الانسان لازم يسلم يسال على احوال شخص عرفه وعاش وياه بيت واحد بسنه من سنين وانه مو علمود شي بس اريد اطمن على خالتي والبنات
_هاا علمود امه والبنات ههه المهم تلكي ماحصل فرصه يحجي وياج او ماحب يبين ان يعرفج للناس حواليكم حتى مايكولون دخلتي بالواسطه او المدرب يعرفج وسهلج امر
_هيج رايك
_هاا علمود امه والبنات ههه المهم تلكي ماحصل فرصه يحجي وياج او ماحب يبين ان يعرفج للناس حواليكم حتى مايكولون دخلتي بالواسطه او المدرب يعرفج وسهلج امر
_اي يابنتي باجر انه اسلم عليه واساله عن حال عائلته واكله انج حابه تشوفينهم وحتى اعزمهم بعد شتردين
_اي والله بابا حبيبي يكون احسن لو تعزمه هوه وعائلته لان مشتاقه للبنات وخالتي كلش
_من عيني
_تسلم عينك يبعد عيني..
_اي والله بابا حبيبي يكون احسن لو تعزمه هوه وعائلته لان مشتاقه للبنات وخالتي كلش
ابتسم وكمل سواقه مسافه الطريق وصلنه و دخلنه للبيت صف السياره بالكراج ونزلنه رحت انه متلهفه على بنيتي لكيتهه نايمه اخذتهه من جربايتهه ببطئ
وضميتهه لصدري وشميتهه حيل يااا الله شكد حلوه عطيته فتحت عيونهه بنعاس شافتني ولفت اديهه على رقبتي بقيت ابوس بخديداتهه وهي
مسنحه البربوكه تموت عل بوس بعد كلب امهه.. شبعت منهه ورجعتهه لجربايتهه نامت طلعتلي ملابس وذبيت ملابس الدوام دخلت للحمام سبحت ونشفت
وطلعت بدلت ملابسي مشطت شعري ووكفت اصلي الضهر والعصر ..كملت وطلعت للمطبخ مسيت على امي وتوجهت للجدوره جانت توه
طابخه الغده وبعده حار عاد رحت سويت زلاطه وحضرت الخضره والبصل وغيرهه وهيه صبت بالصحون فرشت السفره وصحت لمرتضى وسلام
دكيت باب غرفه محمد وطلع مبتسم كتله يجي يتغده هز راسه بايجابيه وراح للصاله استغربت شبي الولد مبتسم ومتحمس شكله عاشك ..
الا صدك هوه مو كلي ان عنده بنيه يحبهه بالعراق ومن يرجع يخطبهه اشو بله خل اساله بس خاف منفصل عنهه وافتح جروحاته اووو خل اسكت لا
يروح يضوج الولد خلي الفرحه ماليه وجهه شيصير .. صاح بابا علي اجيب شطه رحت للمطبخ جبتهه واخذت ريانه مكعدتهه من النوم ورجعت
للصاله لكيت امي مخليه كل الاكل ماناقص شي اشرلي بابا اجي يمه رحتله كعدت يمه وبحضني
ريانه مطفيه سميت بسم الله واكلنه ومحمد حسيت عليه متردد ومستحي باوع لابوي تحمحم وكال بتردد..
_بويه اريد احجي وياكم بموضوع
_اي بويه كول
_انت جنت دائما تسالني يمته تزوج وليش ضال لحد هسه بدون زواج فانت تدري بعد يابويه اني
فعلا كبرت وصار لازم اتزوج واكون عايله وتريد الصدك انه عندي بنيه احبهه من غير محافظه واريدكم ترحون تطلبونهه الي وتصير حلالي
_انت جنت دائما تسالني يمته تزوج وليش ضال لحد هسه بدون زواج فانت تدري بعد يابويه اني
_اي هاي الساعه المباركه يابويه من الاول وهيج بوح البكلبك اثاريك طلعت مو سهل ضاملك وحيده وتغشم ابوك تكله ماريد اتزوج
_هههه اي يابويه وهم اريد اخطب هسه مدام البنيه بالبصره موجوده
_ليش من يا محافظه هيه
_من كربلاء وجايه هنا للبصره هل فتره باقيه
_هاا وتعرف عنوانهم هسه
_لاا وبصراحه بويه ماريد احد يعرف من اهلهه اني متواصل وياهه او اعرفهه من قبل فاريد نسويهه مثل الصدفه وتصير الشغله عن طريق النسوان
_شلون يعني بويه احجيلي شتريد تسوي
_كتلهه تجيب امهه وتجي لعياده الاسنان وانه اخذ خالتي سماء ونروح لنفس العياده وهناك هيه تفتح
وياهه الموضوع وتحجي وياهه على البنيه واذا متزوجه او لا واذا تقبل تنطيهه اذا جيت خطبتهه وهيج سوالف نسوان يعني
_والله مادري يابويه بس انت ليش ماتريد اهلهه يعرفون بيك متواصل وياهه
_لان البنيه التقيت بيهه بالخارج قبل كم سنه وكوه قبلت احاجيهه لوما شافت قصدي شريف وهم اخوهه اذا عرف يجوز يسويهه شغله عناد
وماينطيهه الي مثلما سواهه شغله عناد ويه اختهه لان حبت صديقه ومانطاهه الا طلع العافيه من خشمهم
5 تعليق
_ هوه من هاي الناحيه وياه حق لان مو سهله البنيه تحجي ويه شخص من وره ضهر اهلهه وتالي يجي يكله احب اختك واريدهه بعدما تواصلت وياهه سنين
وماينطيهه الي مثلما سواهه شغله عناد ويه اختهه لان حبت صديقه ومانطاهه الا طلع العافيه من خشمهم
_اي بويه انه هم شفتهه صعبه بس ضروفي هيج حالت المهم شكلت انت نتوكل
_تمام اخذ خالتك وروح وهم هيه حتى تصحلهه فرصه تشوفهم وتحجي وياهم حتى يرتاح كلبهه من هل ناحيه
_انشاءلله بويه ها خالتي شكلتي ترحين وياي
_اي خاله اروحلهه مشي اذا تريد شكم محمد عدنه احنه
_الله يخليج ياخاله مشكوره
_لا تشكرني وليدي انت سعرك بسعر مرتضى وسلام وليدنه الجبير وسندنه بعد الله وابوك
_بعد روحي خاله..
ابتسمت على شكله وهوه يحجي مره يستحي ومره يحجي بثقه ..صفنت وشكيت ان البنيه هاي ممكن تكون وحده من بنات خالتي وفاء بس لا
مامعقوله لحد هسه مامتزوجات وهنه اكبر مني بالعمر يجوز غيرهه شنو قابل بس راهب عنده خوات بكربلاء وجايات هنا هل فتره اكو هواي ناس
تجي للبصره بالشته ..المهم كملنه اكلنه وامي فرحانه اخيرا راح تعرس لواحد من الولد ويصيحولهه ام العريس ماجنهه خاله العريس ..
شلت الماعين غسلتهن ورجعت اخذت ريانه من امي غسلتلهه ودخلت للغرفه بدلت ملابسهه وبقيت العب وياهه شويه لحدما تعبنه تمددت عل جربايه
وهي بحضني ونمنه للمغرب .. كعدت ما لكيت ريانه بحضني كمت وهيه فزه وهيه طفره طلعت
بره شفتهه كاعده بحضن سلام ويباوعون افلام كارتون لزمت كلبي يخفق حيل وزفرت براحه هوه انتبه علي وكال ..
_هاا شبيج شصاير
_فزيت مخروعه من ماشفت ريان يمي عبالي مدري وين راحت
_هاا شبيج شصاير
_لا وين تروح مثلا هوه انه كعدت من النوم ضايج كلت خلي العب وياهه شويه اجيت لكيتج داخله بسابع نومه اخذتهه من ايدج وماحسيتي عليهه
_ايي مو لان صارلي هواي ماكاعده من الصبح وطالعه ومنا فره الشركه تتعب ماحسيت على روحي بعد
_هاي بدايتهه هيج
_ههه لا اتعود بعد كم يوم
_وشلون شفتي الوضع هناك خو ماكو واحد سرسري منا منا بس واحد يحجي وياج كلمه تعاي كليلي افكس عينه واكص لسانه وعلي وانه اخوج
_هههه أعصابك يولي شعبالك اختك قليله شر حتى ياهو الجان يكدر يتحرش بيهه
_جا غير طالعه على اخوج الكفو
_ياهو منهم
_بعد روحي اخوكم الصغير انه
_هههه والنعم
_الله ينعم عليج
_اذن لو بعده بله بيش الساعه
_ب٦ ونص اذن يمكن لان الجو ضلم
_ماسمعته شنو
_لا مخلي بالي ويه ريانه وفيديواتهه
_تمام خليهه يمك وانه خل اشوف امي
_تمام روحي..
عفتهم ورحت غسلت وجهي توضيت ورحت للمطبخ شفت امي تخلي بالبيتنجان عل طباخ تشوي بي للعشه رحت حضنتهه من ضهرهه وكتلهه بتعب..
_اميي الله يساعدج
_ويساعدج بنيتي شلون الشغل اليوم
_زين مانطونه شي على باجر بعد يبدي التدريب
_هاا اليوم تعارف
_اي امي ماسمعتي الآذان
_اي اذن صارله ٥ دقايق
_هاا لعد خلي اروح اصلي واجي اكمل عشه عنج تمام
_تمام حبيبتي..
بستهه براسهه ورحت للصاله وكفت انه وبابا ومحمد نصلي كملنه تالي اجه مرتضى من بره وسلام انطاني ريانه ووكفو يصلون همه وامي
_اي اذن صارله ٥ دقايق
رحت للمطبخ خليت ريانه تلعب بالنقال عل كرسي واخذت البيتجان فلست الكشر منه ومردته خليت دهن وبصل يتحمر عل نار وذبيت البيتجان
والبهارات والكركم كلبته شكم مره شفت ريحته طلعت وطفيته اخذت طماطه من الثلاجه كصكصتهن وذبيتهن بالطاوه وشغلت النار عليهه
وقبقتهه خليت القوري عل نار طلعت الزيتون والاجبان والبيض حضرتهن بالصحون واجيت كعدت يم ريانه شويه تالي كمت مردت الطماطه
وعفته تنشف وطلعت طاوه ثانيه طكيت بيهه ٤ بيضات استون وفرغتهن على صحنين على ما استوت الطماطه الجاي خادر صبيت بالكوابه ..
اخذت ريانه انطيتهه لمحمد وفرشت السفره اجت امي تنكل وياي الصحون اخذت ماي وخبز وكعدنه كلنه سويه نتعشه ويسولفون عن محمد والبنيه
اليحبهه اتفقنا اذا صارت الشغله انشاءلله محد تجيب سيره لا لقرايبهم ولا لقرايبنه ان محمد جان يعرفهه واليسالنه نكلهم شافتهه امي بالعياده
وعجبتهه هيه ومحمد وخطبوهه .. رفعت راسي على مرتضى وشفته صافن وعيونه حمر واللكمه بيده من مساع تنهدت بحيره وفكرت بجنان ياترى
شنو حالهه هسه وليش امس كالتلي انهه رح تفسخ الخطوبه رغم سالتهه وكالت انهه ماتريد تظلم محمد وياهه الا اني شكيت ان مرتضى اله ايد
بالسالفه لان اخر مره من اعترفلهه كلهه وهددهه تحاجي عمي وتفسخ الخطوبه من محمد بعد ماعرف شراح تسوي .. ثاني يوم الصبح جهزت
نفسي وغراض التدريب واخذني بابا للدوام مسافه الطريق وصلنه صف السياره بالكراج ونزلنه دخلنه للدائره سويه وبوجهنه للطابق الاول الموجود بي
هوه دورت بعيوني على الضابط سالم وشفته طلع من مكتب راهب اشرتله واجه علينه وهوه يكول..
_مرحبا محتاجين شي
_اي سيدي اذا بيهه مجال نريد نلقتي بالمحقق راهب
_انتي مو المتدربه الجديده
_اي نعم سيدي
_اذا عندج شي انتضري لبعد يومين لمن ياخذكم وسالي عن التردينه لان هسه مشغول
_لا ماريد اساله شي بس بابا يعرفه ويريد يسلم عليه
_هااا ماعرف لازم اساله فمنو اكله حضرتك
_كله ابو شموخ المتدربه وهوه يعرفه
_تمام انتظروا هنا شوي
_تمام..
راح لمكتبه واحنه بقينه ننتظر شويه وانفتح الباب اجه راهب يهف مثل الريح مد ايده متلهف
باحترام وسلم على ابوي وفاجاني لمن طلع يعرف اسمه ويتذكره سلم عليه بابا وكله..
_سيد راهب اجيت اسلم عليك واشكرك عن السويتوه لبنتي قبل سنوات طويله لان بوقتهه ما صحتلي فرصه اتعرف عليكم واتشكركم زين
_لا حجي احنه اهل واولاد بلد واحد مايحتاج تشكرني بس مو حلوه وكفتك هيج تعال تفضل لمكتبي اضيفك
_لا يابني خيرك واصل وانشاءلله غير مره تضيفني واضيفك هسه عندك شغل وماكدر اخذك عن اشغالك
_لا ولو مايصير تبقى بره ياحجي
_والله عندي اشغال وانت مشغول خليهه غير مره من تخلص دوامك بلكي
_تمام انطيني رقمك حتى اعزمك بوقت فراغك ونكعد بمكان هادئ براحتنه شتكول
_تمام ليش لا هاك تفضل هذا رقمي سجله يمك..
بقه بابا يردله وهوه يكتب تالي رفع راسه اجت عيني بعينه ابتسم خفيف ورجع باوع لبابا الصافن علينه وكله بابا..
_شلونهه الحجيه البنات شلونهن والله شموخه امس ياله كلتلي انكم موجودين بالبصره وكلش مشتاقه لامك والبنات
_والله بخير الحمدلله وقبل اسبوعين او اكثر تقريبا نزلنه للبصره انه والاهل استقرينه مؤقتا هنا وهم سالن على بيتكم ولو اندله جان اجينه تطمنه عليكم
_بعد هسه صار رقمي عندك وتشرفونه باي وقت تريده احنه اهل مثلما كلت ونخليكم على راسنه
_تسلم ياحجي ماتقصر
_يله يابني نرفع الزحمه احنه عطلتك عن شغلك وهم بنتي تاخرت على مكتبهه
_شرفتنه حجي اخذ راحتك
_مع السلامه
_الله وياك بالسلامه انشاءلله..
سلم عليه ولزمت ايد بابا وكلت لراهب مع السلامه ابتسم وكال الله وياج اخذت بابا وطلعنه من المكتب مالته وصلت بابا لباب الدائره وكال..
_مبين خوش انسان متواضع ومحترم شفتي شلون طلع هوه استقبلنه ومانتظر ندخل عليه احنه
_اي بابا همه كلهم محترمين اولاد خالتي وفاء وحبابين واكيد من تكعد وتحجي وياهم راح تحبهم وتصير كل فتره عازمهم لبيتك
_انشاءلله يابنتي همه شكم ولد عدهم
_بس راهب الوحيد جاي على راس ٥ بنات
_هاا خطيه يله بويه فوتي لشغلج لا يعوفونج ويرحون يتدبون لا تتاخرين عليهم
_انشاءلله بابا ديربالك بالطريق لا تسوق سريع
_انشاءلله بنيتي يله فوتي مع السلامه
_الله وياك بعد حيلي..
ابتسم باسني براسي وتوجه للكراج دخلت انه استلمت هويتي ورحت للمكتب مالتنه دخلت
سلمت على صديقتي ولكيتهم جايبيلنه زي ابيض قماش نايلون استغربت وكتلهم شنو هذا وردت صديقتي رحاب..
_كالوا ان الزي الخاص بتحقيق مسرح الجريمه
_هاا يعني اليوم نتدرب على مسرح الجريمه
_اي المحقق ساهر راح ياخذنه
_تمام ..
خليت جنطتي عل كرسي واخذت الزي لبسته مثل الكل فوك الملابس وانه بكلبي متحمسه لهل تجربه ولاول يوم الي بالتدريب اخذت الجنطه علكتهه
بالميز وكعدت عل كرسي فتحت حاسبتي وبقيت اكلب بيهه شويه واجه الضابط كمنه دكينه تحيه وكال نروح وراه قفلنه حواسيبنه ضمينه جنطنه
بالكومدي المقفول بكلمه سر اخذنه ويانه دفتر ملاحضات وقلمين رصاص وجاف احمر وطلعنه وراه اخذنه لقاعه بالطابق الثالث دخلنه وشفناهه
عباره عن دم مزيف ومكان هوسه ولعابه على شكل بنيه نايمه بالكاع وبصمات اقدام وادين عل ارض والحايط بقت عيوني تتلفت بالمكان لحدما اجه
المحقق ساهر دكيناله تحيه واشر للشرطي ينطينه ملفات القضيه ومعلومات تخص مسرح الجريمه هذا يلي لازم نحلهه ..تذكرت لمن استلمت اول
قضيه وحليتهه ويه راهب والكل مدح ذكائي ودهائي ابتسمت برضى وثقه انبعثت بداخلي بدل التوتر الساكني ..بقه الشرطي يقرالنه الملف
وتفاصيله واحنه نتجول بالمكان حوالين الادله المتروكه كمل شرح القضيه واخذ المحقق يعلمنه شلون نحلهه وشلون نفحص الجثه والى اخره ..
مرت تقريب الساعتين وخلص وقت المحاضره انطانه الواجب وكاللنه نحله بالبيت وباجر نسلمه حسيت نفسي بالمدرسه بعدني .. طلعنه من القاعه
واخذونه لقاعه ثانيه بيهه حواسيب وكراسي توزعنه عليهن واجه محقق ثاني اخذلنه محاضره عن الاجراءات الجنائيه بالتحقيق وعلمنه نشتغل
عل حواسيب وشلون نضمن سريه المعلومات والقضايا وشلون نطبع وننسخ ونستخرج الحقيقه من بين الكلمات ومعلومات الشخص النريده وهيج
امور يعني بعدها بساعتين كملنه وكذلك انطانه واجبات مثل نظام الجامعه تقريبا بس اخر ساعتين من الدوام كعدنه بمكتبنه وصاروا يجيبولنه ملفات
للنسخ والطبع والتعديل واحنه نشتغل عليهن مثل المساعدين وطبعا صرت اقره الملفات مالت القضيه وطريقه حل المحققين الهه واتعمق اكثر بهل اختصاص..
كملنه دوامنه واجه علي بابا وكالعاده راهب ما لمحته لان مكتبنه فوك وهوه جوه مايصعد الا لمن يكون عنده شغل يمنه وللاسف
ماعنده شغل يمنه ابد.. المهم حضرت جنطتي وبقيت كاعده يم صديقتي نسولف عن الواجبات النطوهن النه وتوقعات القضيه لحدما اتصل علي
بابا وكلي ان منتظرني سلمت عليهه وطلعت وبطلعتي بره الدائره صادفت راهب واكف بالحديقه يدخن صفنت وتذكرته اول مره من دخن جان باخر
لقاء او باخر نظره بيناتنه لمن عفتهم تنهدت وتمشيت بتردد اتجاهه تحمحمت لمن وصلت يمه
والتفت علي ورخت عكده حواجبه بتفاجئ لمن شافني شمر جكارته بالكاع وسحكهه وهوه يكول ..
_هلوو شموخ تفضلي
_احم شلونك خالتي وفاء شلونهه البنات
_نحمد الله بخير لو انتي بخير
_الحمدلله بخير انه
_شخبارج شلون مرت عليج هل سنين
_اعتياديه ملتهيه بدراستي وامور العائله
_جانت صدفه وجودج هنا سببتلي صدمه صراحه ماتوقعت ابد تصيرين بهل اختصاص بيوم
_ههه اي وياك حق بهذاك الوقت حتى انه ماجنت متوقعه نفسي رح اصير بهل اختصاص
_زين سويتي هل اختصاص لايك لشخصيتج وذكائج وانشاءلله ماراح تندمين
_انشاءالله
تنهد وبقه صافن بعيوني يتامل واديه وره ظهره درت عيني على مكان بابا وشفته واكف يباوعلنه تحمحمت ورجعت اباوع لراهب وكتله ..
_ يله عن اذنك بابا منتظرني
_اي اكيد تفضلي
_مع السلامه وصدفه سعيده
_الله وياج وانه الاسعد بيهه..
ابتسمت وبادلني بعيون تلمع درت ظهري جاره نفسي النقطع ورحت اتمشه للسياره صعدت بيهه وسلمت على بابا باوعلي بتساؤل لحظات وكال..
_انتظرت هواي بشنو جنتوا تحجون
_هيج بابا شلونج وشجابج لهل اختصاص وسالني عل واجبات وخلاص
_هاا اوكي
_اي بابا حبيبي
_تمام وشلون مر يومج يابويه
_متعععب وممتع
_هههه كواج الله
_يكوي حيلك بعد حيلي
_اخذكم المحقق راهب لو منو
_لا اخذونه اليوم محققين غيره لان محاضراتنه مجدوله كل يومين ياخذنه محقق مختلف وهوه بعده دور تدريبه ما جاي
_ليش على شنو راح يدربكم
_تدريب عسكري
_هاا حلوو بس اصلا التدريب العسكري مو مهم كلش لانكم محققين جنائيين ما تختصون بالبحث الجنائي او بالمداهمات فما تحتاجون الحركه والاكشن بحياتكم هواي
_اي هوه هيج بس يكون افضل لو كدر يعلمني عل سلاح لان حتى باختبار المديريه العامه اكدوا على ضروره تعليم السلاح وكتبوا بيه قرار ماستلم سلاح الا لمن اتقنه
_اي يا بويه شدي حيلج بعد ووريهم الشطاره
_انشاءلله بابا حبيبي الا صدك شنو امي ومحمد راحوا للعياده لا
_اي توه وصلتهم للعياده واجيتلج
_هاا اوكي شلونهه معنوياتك انت وابنك الجبير يريد يتزوج
_والله يابويه فرحتي بي ماواسعتهه الدنيا كضيت عمري وانه الح عليه يتزوج ويستقر واخيرا سمع مني ونواهه
_اي والله يا بابا صحيح انه اكره الزواج بس احب خواني يتزوجون واشوفهم مكونين عائله
_هوه حجالج عنهه البنيه ماكال شي منا منا
_اي حجه عنهه قبل اكثر سنتين تقريبا لمن نزلوا بالعطله وكال ان تعرف عليهه بالخارج جانت
جايه انتداب ويه فريقهه بالشغل وجايب حسابهه ومحاجيهه وكلي انهه اصغر منه ب٨ سنوات يعني عمرهه هسه ٣٥ سنه تقريبا هيج
_هاا خوش جا طلعت جبيره
_اي جا شتتوقع بهذا عمره ياخذ بت ال١٥ سنه
_والله هم صفنت بيهه انه كلت منين وشلون جابهه هل بنيه توقعتهه صغيره بس اثاري طلع اكو بنات يضلن مامتزوجات حتى لو كبرن بالعمر
_اي يا بابا وبنتك ناويه تصير مثلهن راح اضل وياكم وعدكم طول العمر بس كون عدكم فراش الي
_افرشلج كليبي وتنامين عليه لو ماعدنه فرش
_اويليي عليك يابه
_هههه..
وصلنه للبيت دك هورن بابا وفتحه مرتضى اله وهوه وجهه مبتسم لزمت كلبي وكلت ياستار اكيد جنان سوتلهه سالفه بمحمد لو هوه سواله سالفه
بيهه ليش مبتسم رغم صارله ايام مكتئب معناهه انفتحلنه باب جديد ومشكله جديده ماتفائل بابتسامته انه .. دخل بابا السياره بالكراج ونزلت انه تمشيت باتجاهه وكتله..
_الوجه منور اليوم عساهه بشرى خير
_اي والله لحد يحاجيني اليوم مرتاح وفايخ عل اخير
_ههه شصاير وهيج فايخ بله سولف
_جنانه فسخت الخطوبه من المايع
_جذب منو كلك
_خابرتهه وحجتلي
_هاي شنو وليش
_لانهه قبلت بي حتى تنرفزني وهسه خلاص تركته
_لا والله وتالي
_تالي تضل جنانه ام عيون شمسيه بس الي
_وتالي
_شنو بعد ماكو تالي
_شكالت لاهلهه بله من فسخت العقد
_عادي كلتلهم فكرت زين وشفت محمد مو مناسب الي وماريد اظلمه وياي
_اي وصدكوا هل كلام
_طبعا يصدكون لان حقيقي مامجذبه محمد مايناسبهه جنانه تناسب روحي وبس
_وانت شنو ضاملهه بله
_ضاملهه كلبي
_والحلقه والعرس مامخططلهن
_اووو بعدين بله هل سوالف
_باجر اذا ابوهه حس عليكم ولو هوه انه متاكده هسه عرف انهه فسخت العقد بسببك وعلمودك فشراح تكله لمن يطلب منكم تخطبون
_لا مايطلب هوه شله علاقه
_ههه لا بطه غير ابوهه وشايل هم زواجهه ومستقبلهه عبالك اذا مشه ويه قرارهه بفسخ خطوبتهه معناهه راح يتركهه الك تتحكم بيهم
كيفك .. طبعا لا اول مايجيلهه شخص مناسب رح يحاول يقنعهه واذا رفضت رح يطلب اسباب بهذاك الوقت انت تطلع منهه وجنان التتورط لا تكدر
توافق على غيرك ولا تكدر تنتظرك وتكول لاهلهه عنك يعني راح تحتار ويصير عليهه ضغط واول
ماتجي تكلك تعال اخطبني بهاي الحاله شتكللهه بعدني ماشابع لعب صبريلي شكم سنه بعد
_شموخ مالج شغل انتي طلعي منهه انه وياهه رح نتفق على كلشي ومدام فسخت الخطوبه معناهه موافقه تستمر علاقتنه فقط حب ورسايل لا زواج ولا عقد منا لالله يفرجهه
ماتجي تكلك تعال اخطبني بهاي الحاله شتكللهه بعدني ماشابع لعب صبريلي شكم سنه بعد
_قصدك منا لتحبل موو
_شمووخ
_شنو شموخ مرتضى شنو انت كاعد تسمع نفسك شتحجي تريد تورط البنيه وياك وتكضيهه حبيات
والشيطان يدخل اول تالي بيناتكم وماتلكون نفسكم الا صرتوا اب وام وانتو بدون زواج يعني تقبلهه هيج واحد يجي يلعب وياي
_انجبي شنو يلعب وياج تايهه هيه وبعدين جنان بت عمي وحبيبتي واول تالي هيه تصير الي حتى لو على كولتج حبلت مني
_هاا واذا حبلت واهلهه دروا بيهه شراح تكللهم شراح يكون موقفكم شتصور ابوهه من كثر حبه
الهه راح يحضنهه ويطبطب على ضهرهه لو تتوقع راح يبقيكم عايشين لمن يدري بيك لاعب بعرضه وضاحك على بته ومحبلهه
_ماراح اخلي احد يعرف بعلاقتنه واحاول مانوصل لذيج المواصيل وبعدين انتي شكو تدخلين وتحجين هيج ماعيب عليج
_يعني عيب احجي هيج وياك وانت اخوي وماعيب عليك تكابل اختك وتكلهه عادي العب بعرضي منا لتحبل موو
_انتي شكو ان حبلت وان ماحبلت ان لعبت وياهه او لا اذا هيه راضيه انتي منو خصج محاميتهه لو شنو
3 تعليق
_تمام لعد سوي التريده بجنان وانه رح اكول لاحسان اخوهه يجي نلعب مثلكم ونتونس لحدما احبل ونتزوج احنه وياكم سويه شتكول بله ..
حجيت هيج لو نطت دمارات رقبته لزمني من ياختي بعصبيه ورفع ايده يريد يضربني بوكس عاط بي بابا من بعيد واجه بسرعه لزمه من صدره ودفعه عني وهوه يزمخ عليه..
_لكك مرتضى من يمته هاي تمد ايدك على اختك ولك هاي تربيتي الك هيج علمتك انه تضرب اختك بدال ماتصيرلهه عزوه وجاه
_بويه ماسمعت كلامهه هل ادبسزز عبالك كحب* من الشارع مكابلتني وتحجي
_احترم نفسك لك لا تحجي على اختك وتخليني امد ايدي عليك هسه وبعدين شسوت هيه حتى هيج تحجي عليهه ووصلت وياك تمد ايدك تضربهه بوجودي هااا..
بلع ريجه بصعوبه وبقه ساكت مايكدر يكله شحجيت لان السالفه تفتر عليه وابوي اذا عرف ب نيته ويه جنان يلم هدومه ويرجعه لاوربا هاي اذا
ما تبره منه بس لا خلاص النقاش ويه مرتضى عقيم ومنا ورايح كلامي يصير ويه جنان تركتهه على راحتهه وتتصرف بكيفهه وشوف شسوت من
سالفه راحت عافت اليشتريهه بماي عيونه ورجعت على اليريد يلعب بيهه بالحرام .. نتر بيده وطلع من البيت وابوي يصيح وراه لزمت ايده وكتله بهدوء عكس فوران اعصابي الكاتمته..
_بابا عوفه خلي يروح هوه جان ضايج وانه زودتهه عليه
_ليش شصاير احجيلي
_هيج حجه على ملابسي وكال البنطرون ضيك وانه لعلعت شوي تعرفني اضوج من شخص يعلق على ملابسي
_اي بس مو يمد ايده عليج هل نذل جان اجه حجه وياي عل اقل وانه ابوج احاسبج
_كتلك جان ضايج وما كدر يسيطر على اعصابه عوفه هسه لا تخلي بالك ويانه هوه باجر يهده
ويرجع يحجي وياي طبيعي تعرفنه من الصغر نتعارك ونرجع نتصالح ثاني يوم ماكو اشكال
_يله ماشي اذا هيج امشي خلي ندخل بارده بره
_تمام يله ..
زيفت ابتسامتي ولزمت ايده شفت سلام واكف بالباب وشايل ريان بيده شكله شافنه واحنه نتعارك وصلنه يمه وكال باستغراب..
_شصار شموخه تعاركتي ويه مرتضى شنو
_لا بس تحاجينه علمود الملابس لا يضل بالك
_مابيهم شي ملابسج ليش علق عليهن بدون سبب
_يمكن لان ضايج حب يذب حركته بيه
_شضايج وهوه اليوم من الصبح كعد مسجله بيده ويغني لساجده عبيد
تحمحمت وغمزت لسلام باوعلي بتساؤل وبقه ساكت تنهد بابا بحيره باوعلنه بشك ودخلنه للصاله اخذت ريانه منه ورحت للغرفه دخلنه سبحنه انه
وياهه وبدلنه وطلعنه صبيتلي غده وكعدت اكل عل ميز واوكلهه وياي شويه ودخل سلام كعد عل كرسي مقابيلي وكال بهمس حتى لا يسمعه ابوي..
_شنو شبي اخوج تعارك وياج وطلع يزاكط من البيت
_هيج سالفه تافهه بيناتنه
_تافهه وابوج يكول راد يمد ايده عليج احجيلي شموخ شصاير تدرين سدج امان ومابوح لاحد بشغله اذا جانت جبيره
_شوف لعد خلي احجيلك بلكي نشوفلنه صرفه وياه
_اي احجي
_انت هم حاس او تدري بمرتضى يحب جنان من الصغر
_اي عرفت لمن نهى عليهه وحاجه عمي بيوم خطبتهه
_زين تدري ليش رفضته
_لا والله هوه انه هم استغربت بس تالي كلت يجوز تحب محمد
_لا مو هيج شوف راح احجيلك والحجي يبقى بيناتنه تمام
_اي عرفت لمن نهى عليهه وحاجه عمي بيوم خطبتهه
_لا والله هوه انه هم استغربت بس تالي كلت يجوز تحب محمد
_تمام
_الشغله بدت قبل سنوات لمن نزل مرتضى ومحمد اول نزله الهم للعراق بعد سفرهم وو.....
_تمام
استمريت احجيله كلشي صار بيناتهم حتى يحكم بنفسه منو الغلطان ومنو لا ومن وصلت لسبب مشكلتنه اليوم فتح عيونه بصدمه وكال بعصبيه..
_هذا اكيد تخبل ومو صاحي وين اكو شخص يحب بنيه ويريد يدخل بعلاقه وياهه بدون زواج لكك هاي عرضه تعرفين شنو عرضه شلون اله عين
يكابل ابوهه وهوه مستغل بنته ويلعب وياهه من وره ضهره هذا زودهه ولازم نحطله حد خلي نكول لابوي يتصرف قبلما يسحب البنيه لطريق مسدود
ويورطهه وياه عبالج اذا عمي دره ببنته مضحوك عليهه ولاعبه من وره ضهره راح يشيلهه وينطيهه
اله لا والله لو تصير اعز من روحهه يذبحهه ويشمرهه للجلاب تاكلهه ويموت روحه وراهه
_والله مادري ياسلام اخوك يريد يورط البنيه ويورطنه وياهه صدكني لو عمي ساجد يعرف بيهم بالمستقبل لا يدخلون علينه بعد ولا ندخل عليهم
وابونه يطيح بيهه فوك خسارته لامه وابوه واخوه الجبير هسه يريده يخسر اخوه المتعلق بي اكثر من باقي اخوانه والله بابا ينجلط ويموت اذا انحط بهل موقف كبال عمي
_لككك اااخ اااخ لو ما اكبر مني هوه جان لزمته هسه ودك بوكسات منا ليرجع عقله لراسه تالي
عمرنه اولاد الشهم نلعب باعراض الناس ولو غريبه جان كلت يجوز هيه راضيه ومكيفه بس بت عمه ونعرفهه لك عرضه يعني هاي عرضضضه ..
بقه شاد قبضه ايده ويحجي وعيونه تلهب من غضبه حجه اخر كلمه وضرب الطاوله بوكس وكام بنتر لغرفته ركع الباب وراه تنهدت بحيره وانسدت
نفسي وبقيت اوكل بس بريانه لحدما شبعت كمت غسلتلهه وكعدتهه عل كرسي تباوعلي وانه اغسل ماعين وصافنه افكر بهاي السالفه شلون اذا جنان
طاوعته بكلشي شلون اذا ضعفت واستسلمت كباله وانطته نفسهه بمرور الوقت.. لك شلون طاوعهه كلبهه ورفضت محمد وهوه المسكين ماله علاقه
بشي شلون داست على كرامتهه ووافقت على كلام مرتضى وسمحت ان يقنعهه تفسخ العقد بعد كل كلامه القاسي وياهه.. كل هل تساؤلات جانت ببالي
وشلون وليش مافكتني لحدما كملت ماعين واخذت ريانه ورحنه للغرفه تمددنه عل جربايه شغلت النقال على فيلم كارتون واندمجنه نباوع انه
وريان تقريب الساعه وسمعت صوت امي جاي من الصاله طفيت النقال واخذت ريانه وطلعنه اخذتلهم ماي واجيت للصاله انطيته الهم كعدت كبالهه وسالتهه..
_اي يايمه صار من صبح ماشاربه ميه
_بالعافيه حبيبتي بس شصار بيكم طولتوا شو
_بعد كعدنه انه والمره حجينه على الاولاد والوظايف لحدما وصلنه لزواجهم حجيتلهه عن محمد وكتلهه بالخارج جان وهسه استقر بالعراق
ويريدله مره وبنيتج ماشاءالله حلوه وعين الله عليهه ماتنطوهه للبصره عاد مامانعت المره كالت الشور شورهه وهنه خواتهه كلهن محافظات انطتهن بس الصغيره يمهه وجيرانهه
_اي وشكتيلهه تالي
_بعد انه سالت البنيه وكتلهه ها خاله هذا ابنه شوفي طوله شحلاته هيه باوعتله واستحت عيونهه رادت تفضحهه لو ما اخوج اجه كطع
سالفتنه علمود ندخل للعياده عاد دخلت ومن طلعنه لكيتهه حاجيه امهه وياهه ماعرف شنو سالتهه اذا مانعت البنيه وكالت نتشرف بيكم بعد
كيفت انه طلبت منهه تنطيني رقمهه وعنوان بيتهه وكتلهه انشاءلله بعد يومين نجي نتعارف ونسولف بنصيبهم
_اي هاذهو بيهه الخير انشاءلله مبروك مقدما عريسنه
_هههه الله يبارك بيج يوم الاشوفج انتي هم عروسه ياخويه
_لا رح اكعد على كلبكم انتو ونسوانكم
1 تعليق
_على راسي اخليج بعد اخوج انتي
_كفوو والله بله لحضه شلون غناهه سلام هذاك اليوم " اخوي الزود وحزام الضهر ، ابد ميطيح ضهره من سدر " ههههه
الكل : ههههه
بقيت اطك اصبع بالجذب ماعرف واهوسله وهوه خجل بعد اخته وحيلهه شكد مؤدب وخلوق احسن من مرتضى رغم محمد عاش بعيد عن امه بعد
موتهه وبعيد عن وطنه واهله بعد موت اخوه بس حياة الغربه ماكدرت تنسي ادبه واخلاقه وتقاليد بلده بقه محافظ على براءه روحه وبياض كلبه مو
مثل الاخ مرتضى بعده ما فكس من البيضه هناك دخل ملاهي وخالط الكحا* عوذه منهن يخربن البشر ويدمرن كل صفه طيبه بي ..
المهم مر يومنه اعتيادي وثاني يوم كالعاده كعدت الصبح سويت روتيني الصباحي انطيت ريانه لامي وطلعنه للدوام انه وابوي وسلام وصلنه سلام بطريقنه
لجامعته لان خلصت العطله وبده دوامهم .. نزلت واجه كبالي راهب من بعيد صفنت واشوفه شلون نزل من السياره وخله الجنطه على كتفه ومشه
خطوات ثابته ورزنه رفعت حاجبي باعجاب حيل متغير عن قبل وكأن مو راهب الشاب الحليوه الشفته بعمري ال١٥ الشفته كدامي هذا شخص ثاني
يختلف تمام عن قبل شخص جدي وواثق وقوه شخصيته تنبعث من ملامحه ومشيته والكل تهابه بمجرد مايصفن ويخزرهم .. نفضت هل افكار من
راسي وتنهدت مشيت لداخل الدائره وبوجهي للمكتب مالتنه صبحت عل كل وخليت جنطتي عل ميز بعدني ماكاعده ودخل ضابط بيده فايل وكال..
_الكل موجود
_نعم سيدي
_راح اسجل حضوركم ومنو الاصيح باسمه يجي ياخذ زيه ويروح يبدل الكم ٥ دقايق للتبديل وتلحكوني للطابق العلوي مفهموم
_مفهوم سيدي..
بقه يصيح باسمائنه واحد وره اللخ ووصل دوري كتله نعم ورحت اخذت الزي من الشرطي ورحت للحمام فتحت الجيس عنه وشفته طقم نسائي
فانيله ردن سوده وبنطرون جيشي اخضر منقوش وستره طويله سوده شنو الفيلم .. جيكت الحمامات خو مابيهن كاميرا
ودخلت انه وزميلاتي اللحكني بدلنه وجان على قياسنه بالضبط يعني اخذوا اطوالنه ووزنه علمود يفصلولنه الزي هذا لو شنو بس كلش جاي على
قياساتنه خوش زلمه المفصلهن والله .. كملنه وعدلنه حجاباتنه وطلعنه جان الشرطي واكف بالباب اخذنه احنه والولد لكيناهم رايحين قبلنه
مدري همه سريعين مدري احنه البنات بطيئات باللبس .. المهم صعدنه فوك السطح مساحه جبيييره حيل والهوى يكص كص تلفتت بالمكان
جان بي احبال وعصى وتايرات وبلوكات واعمده واشكال بلعت ريجي بصعوبه وتذكرت التدريب مالت العساكر الزلم شلون يضربونهم بالوايرات
ويفلشون البلوك فوك بطنهم تخيلت راح يسوولنه هيج .. بقينه ننتظر بالبرد واطرافنه جمدت ياله اجه
راهب وكفنه باستقامه ودكيناله تحيه هز راسه بايجابيه وصبح علينه ردينه عليه وكال وهوه يلف الحبل على ايده..
_كلولي بله شكم مره تلعبون رياضه باليوم..
حجه هيج وواحد صفن بوجه الثاني شكم مره باليوم هه المفروض يكول شكم مره بالشهر تلعبون رياضه ..واحد من الولد كله مانلعب سيدي بس
مرات نركب بايسكلات كلهه اتفقت على كلامه واحنه البنات بقينه نصفن لان محد لعبت رياضه لو ركبت بايسكل بحياتهه باوعلنه هوه وكال موجه الكلام النه..
_وانتو ليش صفنتوا شكم مره تلعبن رياضه باليوم..
صفنه وجاوبته نيابه عنهم..
_سيدي احنه مانلعب رياضه بس نفر البيت بكل وجبه تنظيف وطبخ فتعتبر رياضه مشي هاي واثقال بالنسبه النه..
رفع حاجبه باعجاب ورجع عكدهن وكلهه ضحكت على كلامي عبالك بي شي غلط احنه اشو
شايلين البيت كله بعد وين نلكه وقت نلعب رياضه ونروح للجيم .. هز راسه بايجابيه وكال موجه الكلام الي...
