رواية قاتلة ابي الفصل الرابع والعشرون بقلم بنت الشيخ ترابية
أيامًا معدودة ...
اجتمعت النارين في وعـاءً واحدًا ...
****
كعدت وغسلت وبدلت
امشي والابتسامه شاگه حلگي ومليانه نشاااااااط
زينب: لك هلا بالنشاط اليوم
: وخروووو عنييي اريد اكل وارككصصصص
ماهر: مستخفه ولا تكول اخوي كاعد عيب منه
: دروح ماما ماصدكت تتم ع خير
زينب: هههههه بس بعدنا يادوب نعقدلكم
: فررررررحااااااانه
حنان: الفرح مايدوم ..
اختفت ابتسامتي ع كلامها وزينب وماهر يباوعولها
حنان: لا تباوعولي هجي شكلت انا بس يعني الفرح مايدوم بس ربي يديمه الج
: شكرا .. گلبت كل فرحتي وخلتني اطنگر اريد افهم هذي شنو سالفتها وشوكت تنگلع .. طلعت من المطبخ سمعت ماهر يحجي وياها بصوت نوعا ما عالي
ماهر: خربتي فرحتها هسه شايفه شسويتي بيه لو انا شنو بودي اسوي بيج هسه؟؟ حنان والسماج والخلقج
كلمه زايده منج اكسر فرحتج بروحج مثل ماكسرتي فرحتها... تدرين شسويتي؟ عميتي على نفسج مو باقيلج هلكد صبر عندي وراها طرده من هذا البيت؟؟!!!
عود من تسوين هيج احنا نرتاحلج؟ اخر مره واخر فرصه الج حنان انتبهي كلشي ولا هنادي وزينب ومرتي ديري بالج
اجتني زينب تركض
زينب: شحلاتها كلمه مرتي بحلكه وينج اسراء تعالي وشوفي
: شراح يسوي هسه
زينب: شمدريني بس يسوي فضل اذا يطردها
سمعتها تحجي وترد عليه
حنان: اكلك ترى انا امك احجي عدل لا افرك حلكك انت واختك الـكـ*** ام الزلم والبيت بيت رجلي اطردكم وانتو ساكتين
طلعنا من المطبخ بس شفت ماهر راح للقنفه وكعد وحط رجل ع رجل وجتف ايده
ماهر: خمس دقائق
حنان: شنو؟
ماهر: خمس دقائق انتي وغراضج بره يلا
حنان: احتررررررررررم نفسك لللككككككك
وانطاها زيچ ..
ماهر: يلا حتى ماتصرف بغير تصرف والتصوير عندي
حنان: ياتصوير تهدد لكك
ماهر: تعالي اشوفج
طلع تلفونه ومدري شنو شغل وشوفها وهي صارت صفررررررررره وكامت متعرف تحجي وكلامها مو كله يطلع
حنان: لااااااا للااا ز زين ويين ارووح ماعندي احدد
زينب: ياجذابه
: لج اشش
ماهر: چا احترمي نفسج وروحي اعتذري منها يلا
حنان: اييي اييي
اجتني واعتذرت وباست راسي وراحت تركض لغرفتها وقفلت الباب
: ماهر بشنو هددتها
ماهر: بفلم رومانسي جديد لهذي السنه
: ماهر بلا سخافه احجي
ماهر: فلم كيوت بعدين اشوفج مو هسه
: هزيت راسي ورجعت للمطبخ اثرم طماطه
اعشق الطماطه الحمس
سويتها ناااعمه وخليتها بالطاوه بدهن الحـر
وخليت فوكاها خلطه ابهارات والي هي
ملح وثوم مطحون وفلفل اسود شويه وكاري
وسبع ابهارات
وخليتهم فوكاها وغطيتها وطلعت الخبز وصبيت الجاي
زينب: اسراء راح تجي
: هلا بيها
زينب: خنروح نكول لماهر
: روحي
راحت زينب لماهر وانا فتحت تلفوني وشفت رساله منه
: عروستي كاعده لو نايمه؟
اذا نايمه ف حبيبي انا راح اسافر اسبوع وارجع حتى نعقد عندي شغل بأيران واضطريت اروح غصب عني انا كلش اعتذر مابلغتج البارحه بس ماردت اكسر الجو
واذا تردين شي اتصلي عليه من ماهر على الخط الثاني
چيفتي الاحبها انتبهي لنفسج..
رحت لماهر بسرعه
: ايهم مسااافر؟
ماهر: اي الفجر طلع للمطار ليش؟
: ليش محد گال عوود شنو جاهل كدامكم اخر من يعلم
ماهر: هو ماقبل علمودج مو علمودي ترى
: يعني انتو عقد المحكمه والشيخ ماراح يتواجد بيه؟
ماهر: احتمال بعد ماعرف
ايهم مسافر لايران اسبوع
والاربعاء عقد الشيخ والمحكمه لاسراء وماهر
طلبو العرس يكون سريع حتى متصير مشاكل
يعني ماراح يتواجد؟ معقوله؟
زينب: لا تخافين يجي
: گلبي يكول لا
زينب: يجي وعيونج
: لا ... مادري ليش جان گلبي يأذيني واحسه بعيد بشكل مو طبيعي وكلما يكولون يجي ماجان على لساني غير كلمه ( لا )
خلص اليوم والساعة 9 ليل
ماتحملت رحت لماهر واخذت رقم ايهم الثاني
واتصلت عليه
ايهم: الو؟
سكتت
ايهم: عفوا منوو؟
نزلت دموعي ع صوته بدون سبب
ايهم: هنادي؟
: ايهم
ايهم: شبيج ليش تبجين؟ شكو شصاير
: ايهم مشتاقتلك ومامطمنه
ايهم: تدرين ولا انا مطمن بس ماكو شي الحمدلله
: ايهم تحبني؟
ايهم: اكيد ابويه انتي شبيج شصاير
: مادري ماعرف
ايهم: بس هل الاسبوع وراجع وعيونج
: ان شاء الله
ايهم: هنادي
: همم
ايهم: مهما يصير لا تعوفيني
: انت هم حاس بشي
ايهم: مامرتاح بس من اتذكرج ارتاح
: حاول ترجع بأسرع وقت ايهم
ايهم: صار بعيوني
وبقينا نسولف وحاول يغير مزاجي وانا هم بس نرجع للواقع ونحجي الصح انو لا انا ولا هو مرتاحين واحنا الاثنين حاسين بشي مو طبيعي ونرجف بس مغلسين ..
نهينا الاتصال بعد ما تطاولنا بالوقت وترجينا بالليل يطول اكثر حتى نحجي بس ماكدرنا نطول اكثر
ونمت ...
.
.
الساعة 1 ليل
متمدده بالظلام والابتسامه من الاذن للاذن
واهز برجلي وانا متمدده ونحجي رسائل
ماهر: ولج جووووووووووعان وعلي
اسراء: من يوم الشفتني بيه تصيح جوعان
ماهر: انا حامل
اسراء: شنو؟
ماهر: وسقطت
اسراء: مااااهر
ماهر: لانو ابن حرام
اسراء: ماهر بسك عاد كافي
ماهر: وياطيبه وياطيبه
اسراء: شكو شبيك؟ صدك تحجي؟
وبقينا نسولف وكل شوي گامز ويصيح انا حامل وسقطت
وانا احجي وياه وبالي مو يمه
بالي يم الي راح يصير من يعرف
شنو رده يكون او شنو ممكن يسوي؟
راح يتقبل الموضوع عادي لو ينفصل عني؟
ياربي رحمتك ماعرف شنو اسوي
المهم بمجتمعنا مهم عند ماهر
.
.
.
: قلل قلل
: ماكدر احنا متفقين الشهر الجاي وحددنا اليوم
: لككك اشتغل على الموضوع معليه بالشهر
: مشتغل وجاي اشتغل
: تحتاج اجيبلك شي بعد
: محتاج منها قطعه ملابس بعد او شي يخصها
: وشلون اجيبه؟
: هاي بعد انتو نسوان
.
.
.
****
#زينب
الثالثة فجرًا
الكل نايم محد كاعد وهو دزلي رساله
: عندكم خبز؟
شيسوي بالخبز الفجر؟ صدك جذب
: اي عندنا؟
: راح اجي وطلعيلي خبز
احنا مثل العائلة نروح ونرجع عادي وانا وياه مانحجي الا بوقت الحاجه كلش مثل هيج شي
طلعت الخبز وخليته بعلاكه وكعدت بالطارمه لازمه التلفون ومنتظره
دزلي
: افتحي الباب
كمت خليت الشال ع راسي وفتحت الباب ودخل
: وين اضمه؟
: شنو؟
: اذا يشوفونه ياخذو مني وكاعدين چنهم چلاب كاطعهم الجوع بالطارمه منتظريني
: زين اخذلهم هذا الخبز وانا انطيك بعلاكه بس الك؟
: ياريت والله
رجعت للمطبخ وطلعت گرصتين وخليتهم بعلاكه وانطيتها اله
فهد: تقفلين الباب وتروحين تنامين
: ان شاء الله
فهد: يلا تصبحين على خير
: وانت بخير ...
سديت الباب وقفلتها ودخلت لجوه شفت حنان واكفه فزيت منها
زينب: بسم الله
حنان: شعندج بره؟
زينب: رحت اتأكد من الماطور وقفلت الباب جان مفتوح
حنان: وليش مخليه حجاب ع راسج
زينب: شي اكيد لانو طلعت لبره؟ شي طبيعي ماحس بيه شي؟
حنان: مو على اساس اسراء تجي؟
زينب: اي ماجت ماهر كال مريضه شويه وماخلاها تجي
حنان: تنعوص لا مريضه ولا شي قزرقط مابيها اصحى من المطي
هزيت راسي وصعدت للغرفة يم هنادي
خليت تلفوني على الشحن ونمت ..
.
.
****
الأتصالات انواع .. منها النهائي ومنها الغريب ومنها الصدمه
اليوم اخذت الاتصال الغريب
اتصل عليه ساعة 6 الصبح وگال
: مددو شغلي لشهر هنا
صفنت وانصدمت واستغربت
حلمانه بيه يطول بالسفر ويرجع بعد شهر بس ماتوقعت حلمي يكون واقع وصحيح؟
اختفى الكلام ورديت بس : تمام
انتهى الاتصال السريع بعد كلمتين غريبة ونزلت لجوه
الكل كاعد ياكل ويحجي بعالم وانا عالم ثاني
عالم غريب عجيب
عالم مليان غموض
ليش انا؟
ندك الباب وفتحته ودخلت سليل للطرمه
سلمت ورديت وبالي مو يمها
سليل: عندي حفلة ومحتاجة فستان منج ضروري
رحت مثل التايهه وانطيتها اربع فساتين تحجي وانا الصفنه تاخذني وترجعني
طلعت من البيت واجتني نسمه هوى بارد وعالي وانسدت الباب حيل على اخر نظرة منها جانت تباوعلي بأبتسامه خبيثه
دخلت جوه وصعدت لغرفتي وانا بعاااالم ثانس تمامًا
وكأنما اكو احد ديقودني ويتحكم بيه
قفلت باب غرفتي وجانت مليان ضباب
ضباب ممزودج برطوبه جاي من الحمام
فتحت باب الحمام وجان مليان بوخه ورطوبه بسبب الماي الحار مفتوح
سديته وانطفت اضويه الحمام وصار الجو ظلام
سديت اذني على اثر صوت الماي
وكعدت بالكاع يم المغسله كعورت نفسي
صحيت على ايد تهزني
زينب: كووومي لج شبيج
فتحت عيني الماي مسدود وبوخه ماكو وطلعت اركض للغرفة صاااافيه عكس قبل شويه سألت زينب
: البوخه والرطوبه والماي الحار جان مفتوح والبخار مالي الحمام ملي وينه؟
زينب: عن شنو دتحجين؟
تأكدلي جنت اتخيل وخيالي صار واسع وكأنو واقع
وهذا الشي الي بلش يتعبني ...
من هذا اليوم
من بعد اتصال ايهم
بيوم الاحد ..
بلشت معاناتي ...
افصل الكم حياتي بالتفاصيل
وابدي وياكم بسرد احداثي
في هذا اليوم بلشت معاناة 2014 تظهر عليه
قاتِلة ابي قد قتلت نفسي داخليًا
سفر ايهم فتح المجال للكثير
والسفر الذي اعطاهم الحق في تدميري
الفرح موجود لكن لا وجود له
كلمات صعبة و وصف اصعب
أيـــــــــــــامًا معــــــــــدودة
