رواية قاتلة ابي الفصل الخامس والعشرون بقلم بنت الشيخ ترابية
****
اليوم زواج ماهر واسراء واحس اليوم الفرصة المناسبة
البيت مگلوب گلاب
احنا بنهاية 2016 والقاعات بدت تفتح ف حجزنا قاعة قريبة على فندق علمودهم هم
انا بالنسبة الي لبست بس بنطرون وقميص ورفعت شعري وخليت مكياج خفيف بس اريد العرس يخلص ولا كأنو اخت العريس
ايهم يتصل وانا ما ارد عليه اخر شي انطيته بلوك
حيييييييل كارهته واخاف يرجع واشوفه لعبانه نفسي منه حييييييييل من البارحه بالليل بلش عندي هذا الشعور تجاهه
زينب: هنادي فدوه بس تعالي سديلي السحاب مدايصعد
رحتلها وسديت السحاب جان قوي شوي بحيث عيطت بس سديته ونزلت
حنان لابسه فستان قصير فضي والحمره حمررررره
وبراطمها شكبرهن استغفر الله تبقى امي
رقية: هنادي تعالي سويلي مثل شعرج امي ماتسويلي
كعدتها كدامي ومشطت الها ورفعت شعرها جان ماشاء الله حيل طويل بحيث تعبت بيه
.
.
اسراء: انا عروس اليوم
خايفة ... مو خوف العروس الاعتيادي لا خايفة من ردة فعله حيل خايفه
راح ينتبه؟
جان لازم الحك نفسي واعدل بس مو بيدي
ام الصالون: حبيبتي بس ديري وجهج خلي نعدل الجهه الثانيه
درت وجهي
لعبن بيه لعب ذبحني وبس اريد اخلص
7 ساعات لحد ماخلصت واجوني
هنادي: تعالي خلي اللبسج الطربوش حتى نطلع
الطربوش مالتي جان مكتوب عليه بالذهبي
اسراء وماهر مبارك لكم
بس بخط يجنن بمعنى الكلمة
كلشي ماشوف مجرد منزله راسي رافعه البدله وصعدت بالسيارة
سيارة منو وي منو مادري
.
.
: بس ليش خليتني هيج اسوي كتلها خميس الشهر القادم
: خميس الشهر القادم هو يرجع مانكدر بعد
لا تنسين اليوم خميس يعني هذا هو ضبط
: بس انا كلت شي وانت سويت شي ثاني
: عادي المهم الموضوع دينجح
.
.
.
هنادي: وصلنا للقاعه ونزلو هم والنسوان تسلم وتهلهل وكالو راح يدخل العريس
ودخل ماهر والهلاهل العالية وانا عيني تمشي عليهم ورجلي تهتز
شوكت يخلص العرس
راح باس راسها وحضنها كدام الكل وكلهم يهلهلون
وراها رگص وكيك واغاني گـ أيّ عرس عادي
وصار موعد الزفة وكعدنا وي اسراء ونطمنها وبالسيارة الطريق كله ترجف
.
.
وصلت الزفة للفندق وزاد خوفي اضعاف وخصوصًا من اشوف فرحة ماهر حييييل انكسر واتوجع
نزلنا وكعدو يعلموني شنو ممكن اسوي وما اسوي
دخل
ماهر: ها عيوني تطلعون تاخذون اقامه هنا؟
هنادي: ديلا اسكت .. تمام حبيبتي ..
وطلعو وهو قفل الباب واجه يمي
فتح الطربوش وشمره على الكرسي ولزم ايدي وباس راسي
ماهر: واخيرا صرتي الي
اسراء: ماهر اريد احجي وياك بموضوع
ماهر: دعوفي المواضيع هسه لو من الخوف متعرفين شنو تسوين؟
اسراء: ماهر الموضوع مهم حيل
ماهر: شنو حبيبتي
اسراء « بخوف والعيون تترجى والكلمات المتقطعه»:
انا مو بنت عذراء
.
.
.
.
وصلت للبيت واخيرا حنان اخذت بناتها وراحت
وانا من البارحة ساعة 12 ليل حجزت
والموعد عندي ساعة 2 ليل وهسه ساعة 11 ونص يادوب الحك
نزلت الجنط وياي ورحت للخزنه اخذت جنطه كامله فلوس وذهب وقفلتها وخليت المفتاح بمكان بس انا وماهر نعرفه وصعب احد يعرفه لانو ع بصمه ايدينا
واخذتهم واخذت تلفوني والجوازات وطلعت
بنص الليل وماعرف شنو اسوي وصدفه جيراني طلع حجي جبير كتله وصلني للمطار ضروري وهو ماكال لا وخطيه واخذني
وصلنا للمطار ساعة 1 ونص همزين لحكت انطيته الكروه ودخلت وصاحو بأسمي
صعدت للطيارة ورحت للمقعد مالتي نزلت دمعتي شلون راح افارقهم بس مادري شداسوي وليش سافرت مادري
ساعة 3 ضبط قلعت الطيارة
.
.
.
.
اسراء: كاعده على الجرباية متغطيه بالجرجف وهو كاعد على الكرسي ويدخن
ماهر: ماكو كلشي ماكو
اسراء: مو كتلك ليش مصدكتني
ماهر: زين شلون؟؟؟؟؟؟
اسراء: من الارهاب
ماهر: عفوا؟
اسراء: من حاولو يعتدون عليه اخر مره مبين طخوني لانو نزفت وتأذيت بس محد تقربلي
ماهر: زين هم طخوج اوكي هسه انا تقربتلج لازم ينزل؟
اسراء: مادري بعد
ماهر: اخخ راااسي ليش ماكلتيلي من البدايه
اسراء: مو لعب السالفة وردتك تصير زوجي بوقتها واحجيلك شنو مخطوبين واحجي اصلا حرام
ماهر: كافي سكتي
نزلت دمعتي وبقيت ابجي
شنو ذنبنا احنا البنات؟
زين انا اعتداء اما غيري اكو اغشية انواع شوكت توصل الفكره الكم وتفهمون عاد؟ كافي بعاداتكم وتقاليدكم ياما وياما انتحرن وماتن احنا وصى بينا الرسول وانتو جايين تطبقون عاداتكم علينا ترى حرام عليكم والله حرام احنا هم بشر
كام يمي وباس راسي وحضني حيل
ماهر: ماعاش الي يطبق عليج شي وانا موجود
اسراء: هسه انت من الناس صرت ضدي
ماهر: مسسستحييييل بس ضجت لانو مرتي هيج صاير وياها ومحجتلي ومكالت حاولو يعتدون عليه او لزموني
اسراء: احبك ماهر والله احبك انت اول واحد يعرف بهذا الموضوع والاخير لانو مستحيل احجي لغيرك
ماهر: روح ماهر انتي .. نكمل؟
اسراء: شنكمل؟
ماهر: يعني عريس عليمن هل المستحه
وطفى الاضويه ورجعلي
تعامل ويايه عكس الاول
تعامله الاول جان كله بخوف وقلق وتوتر
اما هسه بكل حب حتى نسيت السالفة
.
.
.
.
: صباح هذا اليووم
الجو بيه خيط بروده مثل منگول
والعصافير والهوى العالي اليجنن
اجواء تركيا تخبل
رحت للشقة مالتي وكعدت بيها وفكرت اذا بقيت بيها اكيد راح يعرفون مكاني وهذا الشي مو بصالحي
وخصوصًا اذا رجع ايهم
انتظرت وصارت ساعة 9 ورحت للشركات حتى اشوف بيت او شقة بغير مكان
ولگيت شقة تتكون من ثلاث غرف وصالتين وصحيات ثنين ومطبخ وبالكون
بعيده حييييييييل عن الشقة مالتي
يعني بحدود تركيا
وافقت ودفعت المبلغ كامل واخذتها مأثثه
ونقلت غراضي منا لهناك
واستقريت وخلصت شغلي ثاني يوم العصر
.
.
.
.
زينب « بدموع»: والله مادري هو رجعنا وكالت صاعده انام
ماهر: ماهيه صارلها يومين مختفيه ياربي دخيلك
اسراء: ماهر جرب اتصل عليها
ماهر: حركته حرك ويطلع مغلق ع الخطين
اسراء: انا راح اروح اصلي وادعي كومي زينب وياي
حنان: وهسه شني قابل جاهله خلوها دايحه
شمر ماهر الريمونت بالكاع حيل ونكسر وصاح بصوت
ماهر: اذا ماتسكتين امسح بيج الشارع كله فاااااااهمه
وهي خنست وانا وزينب صعدنا توضينا وكعدنا نصلي
.
.
.
.
داسوي الريوك وندك الباب
فتحته
ريناد: صباح الخير خيتو
: صباح النور اهلا تفضلي
ريناد: كيفك تؤبريني سمعت فيكي جايه جديده هون؟
: ايوا البارحه اجيت
ريناد: يا اهلا وسهلا فيكي
: انتي سوريه؟
ريناد: ايييه يولو من حلب
: يا اهلا وسهلا ع راسي والله
ريناد: انتي مهجره؟
: لا اقامتي هنا واجي بين فتره وفتره وان شاء الله جهزت الاقامه
ريناد: يسعدلي جمالك لا احنا هون مهجرين ولساتها الاقامه مو جاهزه
: هي تطول فترة وتجهز
ريناد: ليكي خيتو احنا بيتنا باللي قدامكم اي شي بدكياه حتى لو كان 2 ليل بدك تجي وتطرقي الباب وتطلبي من عيونا
: ياعمري انتي ماتقصرين
ريناد: انا هون عايشه مع امي واختي لانو بابا توفى بالحرب كمان واخي نفس الشي
: اووف الله يرحمهم ( حاولت الزم نفسي وماحجي شي يخصني لانو الافكار ببالي هواي وكلت احتمال من جماعة ايهم او من ماهر وتسحب الكلام مني اسكت احسن)
ريناد: واذا بدك بتتعرفي على اهل العماره مو مشكله بس بلغيني لانهم كلهم معرفه
: تمام قلبي.. بس اريد اسواق قريب هنا ماعندي شي
ريناد: باخذك انا وافرفرك وادليكي ع كم مكان؟
: ايوا والله ياريت
ريناد: روحي جهزي حالك مابين اجهز حالي انا
: طيب حبيبتي
طلعت وانا رحت ابدل مبينه البنيه حبابه وتنحب بس مستحيل احجيلها شي يخصني
حتى اسمي
دقت الجرس انا اخذت الفلوس وقفلت الباب ونزلنا
ريناد: ليكي هاد الحارس انتبهي منو بيتو جنب بيتك وهاد واحد متحرش كتير انتبهي منو ولووووو
: ان شاء الله
ريناد: شوفي هاد محل للملابس رخيص وبضاعتو بتجنن كمان والي جنبو محل للآثاث المنزلية مكتوب فوقو وكلهم عرب مافي حدا تركي هون لانو هي المنطقه عربيه
: طيب حلو
ريناد: وعندك هدول الاربع محلات المسكرين كلهم للگاتو الكيك اذا ماتفهمي كلامي
وللحلويات والمكسرات
: كلش زين قريبين
ريناد: هم من نفس العماره وهذا السوبر ماركت للتسوق
مواد غذائية كاملة
دخلنا اله من كلشي معلب ومخضر وخبز وصمون وكعك وكيك وكلشي جاهز تسوقت تسوق مال سنه ليكدام
ريناد:وليكي ولووو اذا بدك شي او تطلعي لمكان انا عندي سيارة ومايحتاج اوصلك طرقي الباب واخذي مفاتيح السيارة وروحي فيها لوين مابدك
: اي والله محتاجتها اليوم حتى اشوف سيارة الي
ريناد: بتعرفي بتسوقي صح؟
: اكيد
ريناد: خلص لما نرجع بعطيكي المفاتيح
: تمام
خلصنا تسوق ورجعنا للعماره وكل وحده راحت لشقتها
بوقت الغدى سويت باميه انا
اندك الباب ورحت فتحته
ريناد: تفضلي هاد الصحن مشهور عنا هنيك بسوريا الملوخيه من ايد امي بتجنن وهاا كمان تفضلؤ مفاتيح السيارة وايمتى مابدك ترجعي رجعي المفاتيح مو شي مهم تمام؟
: تمام عمري .. شكرا حبيبي
ريناد: العفو يلا يلا سكري الباب الحارس صعد
سديت الباب وهي بسرعه دخلت لشقتها
شكد حبابه هل البنيه ياربي
طلعت فلوس كامله علمود السيارة وعزلتهم وخليت المفاتيح فوكاهم ورجعت اكل واجه ايهم على بالي نزلت دمعتي
زين ليش كارهته وليش مبتعده عنه؟ شنو السالفه؟
استغفر الله ياربي
خلصت غدى غسلت مواعين وشغلت تلفزيون
القنوات عربية اكو هوووواي ومسلسلات عربية
ف جان مسلسل كريم وفاطمة تركي مدبلج
كعدت اشوفه
دك التلفون
رحتله « ايهم» اكيد وصل اله الخبر وانا الغبيه فاتحته
بسرعه غلقت التلفون
اهمداني
ورجعت للمسلسل ... خلصت
وصارت ساعه 4 العصر عاد كمت بدلت واخذت الفلوس والمفاتيح وطلعت وقفلت الباب وياي
انا بتركيا محجبه رغم خارج العراق بس ملتزمه بحجابي
ونزلت اخذت سيارتها وطلعت للعام
الشوارع تجنن والهدوء والسكينه بالهوى والنسيم يخبل
وصلت لمجمع للسيارات ونزلت
تعاملت على سيارة بيضة صغيرة على گدي ورخيصه حيل وسوالف مال الاوراق ورخصه القياده معروفة هاي
واخذتها وگالو باجر تعالي اخذيها من المجمع
ورحت لمحل تلفونات واخذت ايباد وتلفون
ورجعت للشقة وانطيت المفاتيح الها
ققلت بابي وبرمجت الايباد والتلفون ونمت
.
.
.
.
ماهر: ايهم خابرني يكول هنادي ليش ماترد وليش مغلق شكله؟
اسراء: احجيله الحقيقه اول وتالي لازم يعرف خطيبها ولازم
ماهر: راسي راح ينفجر اختي وين
اسراء: كول يا الله وبلغ ايهم والله هسه انطيه يوم ويلگيها شنو ماتعرف ايهم!
ماهر: مادري هسه اخابره
فتح سبيكر وماهر خرط حتى العافية وماطلع من ايهم غير كلمه
ايهم: تمام .. ان شاء الله خير
وسد التلفون
الهدوء الي صار بأيهم خفنا منه وع اساس باجر يرجع للعراق
زينب: خايفه
ماهر: تعالي يمي
راحت يمه وحضنها
صح حرام ومو اخوها بس هو متعلق بيها وهي حيل تحبه وكأنو ابوها مو ابن امها
.
.
.
.
كعدت ساعة 3 الفجر سلگت بيض الي وسويت چاي
صليت وخلصت الصلاة وحسيت نفسي مشتاقه لايهم بشكل مو طبيعي
تريگت وخلصت النهار بشكل عادي ريناد اجتني الظهر وسولفنا شوي وراحت وصار العصر ورحت حتى اجيب السيارة وبطريقي رحت لمحل ملابس اشتريت كم شغله الي ورجعت
.
.
.
.
اسراء: هسه ايهم وين اتصل عليه
اتصل عليه وفتح سبيكر
ماهر: هااا خووي وين وصلت؟
ايهم: بتركيا
ماهر: شنووو؟؟؟
ايهم: بتركيا انا حبيبي
ماهر: وشوكت ترجع
ايهم: الشهر الجاي بإذن الله الخميس
ماهر: ماشي عيناي
وكعدو يسولفون شوي وسدو الخط ورجع الخوف ع هنادي الي مانعرف بيها وين جان ببالنا بتركيا بس من سألنا على الشقه يكولون محد واصل الها اصلا
.
.
.
.
بالليل ضجت لبست ملابس محتشمه واخذت السويج وطلعت
شغلت السيارة ورحكت ورحت على البحر
هدووووء وظلام وبس اضويه البنايات الي ورايه
اجواء تجنن
نزلت دمعتي وانا واكفه
تعبانه .. مشتاقتله بس ماريد اشوفه نهائي وليش
مادري لحظات افكر هذا سحر مسوي الي لانو ممعقوله ولحظات اكول مين يسوولي ومنو؟
حجيت بهمس
: تعبت ياربي ( وبجيت اكثر)
اجاني صوت مهموس وهمس بأذني
: وتعبتيني وياج
فتحت عيني بسرعه وانداريت جمدت بمكاني
قلبي يگول احضني وعقلي يكول ابجي بحضنه وشي بداخلي يكول ابتعدي هذا عدو مو حبيب
مشيت على رأي قلبي وحضنته بسرعه
حضنته بقوه وهو بادلني الحضن
: مادري شديصير وليش اجيت لتركيا مادري بدون سبب
ايهم: اعرف فاهم الموضوع
: احجيلي اذا فاهم
ايهم: سليل مشتغله على سحر النا احنا الاثنين وانا قاومته وتعالجت وانتي لا
: من شوكت؟
ايهم: قبل عرس ماهر وقبل .. من كتلج مددو دوامي انا جنت اتعالج عند شيخ معروف واجيت حتى اخذج ومالكيتج واول شي اجه على بالي تركيا وتأكدت من اتصلت عليج وانا جنت هنا بتركيا وخابرت ماهر وكال ماهيه وكتلهم باجر ارجع وانا اصلا بتركيا يعني كلشي جان مخطط لانو جنت اعرف بيج راح تسافرين وماتبقين والدليل بعرس ماهر جنت موجود واراقبج من بعيد حتى واهس للعرس ماعندج وبس تردين تجين لهنا ومشيت وراج لحد ماوصلتي للمطار
وانا جنت حاجز بنفس الطيارة
واجيت وراج والشركه اذا تذكرين من رفضوج وانطوج هنا بالحدود انا جنت متفق وياهم كتلهم اريدها بالحدود بشقة معينة
وانا اخذت الشقه الفوكاج
وريناد هذي بنت انا ساعدتها حتى تطلع وي اهلها قبل فترة وبلغتها تهتم بيج وتاخذج وين ماتردين وتسويلج الي يعجبج حتى ميحجون عليج اذا اجي يمج وانا مو زوجج مجرد خطيبج بس مو كدامهم
: عقلي وگف اريد استوعب كلمه وحده ماكو
استخبارات؟ مو طبيعي هذا شنو؟
وريناد عرفت ريناد من طرفه لانو كل شويه وداكه الباب
ايهم: وهسه امشي خلي نرجع للعماره الوقت تأخر وباجر نروح لشيخ هنا عربي
عتيت ايدي منه ودفعته وصعدت للسيارة محتقره وجوده وهو راح لسيارته ولا كأنو
ورجعت للعماره صفيت سيارتي وهو صف سيارته يمي
وصعدت بالمصعد وصعد يمي لانو انا بالطابق الرابع وهو الخامس
العماره كلش كبيره
طفى بينا المصعد بالطابق الثالث والكهرباء طفت
شغل ضوة تلفونه وانا بلشت اعرك واختنك من المكان
وهو واكف يمي لو تذبحوني دم ماتلكون كارهته اذا يحجي ويايه اذبحه
لزم ايدي وهديت مادري شديصير بالضبط
: اكرهك واموت منك وحتى نفسي لعبانه منك
وكلما اشوفك اكول لو يقترب اذبحه وبس تلزم ايدي اهدى ايهم شديصير ويايه
ايهم: ماكو شي حبيبي فترة وتخلص
صلنت على كلامه ورجعت عيني على الكاع واشتغل المصعد وصلت للطابق الرابع نزلت وهو نزل وراي
: خير؟
ايهم: دخلي الحارس طلع
الحارس: عفوا منو انت
ايهم: خطيبها يلا حبيبي دخلي
فتحت الباب ودخلنا
: اطلع ايهم
ايهم: انتي خبله وتردين تدخلين وحدج وهذا موجود
ليش ماتعرفين هذا شنو ومنو
: انا بأمان بغيابك اما بوجودك يمي هسه انا بنص القلق والخوف
ايهم: عكس قبل
: اطلع
ايهم: باجر ساعة 7 جهزي نفسج اخذج للشيخ
: ماشي بس اطلع
وطلع وقفلت الباب وراه يا الله شجابه هذا هسه
ورحت طفيت الاضويه وعلكت بس مال المطبخ والصحيات وسديت البردات ورحت لغرفتي بدلت ونمت وانتهى اليوم المتعب
.
.
.
.
****
وجود ايهم يم هنادي مايعتبر النهاية
وذهابها للشيخ ليس نهاية
علاجها من السحر راح يزيد عليها
وراح تدخل بمرحله تصدم ايهم والعائلة كلها
