رواية حكاية شوق الفصل الخامس والعشرون
وليد السخاوي….
بعد خطوبة سامر بأسبوع رجعت أشوف شغلي واتفاجئت بأن شركات زياد الأنصاري اتحولت للشركات المتحدة للأنصاري وورثة الحناوي….
ابني ظهر وزياد يعرفه،.. ما يمكن شريف أبن زياد هو نفسه أبني
معقوله أبني كان قدام عيني طول الوقت وأنا معرفش..
وقررت اقابل زياد بحجه أننا نتعاون مع بعض في صفقه وأثناء كلامي معاه قولت له مبروك عرفت أن أصبح معاك شريك. أول مرة أعرف أن الحناوي عنده وريث.. هو مين حفيده عاوز اشوفه
هو شريف صح..
كنت حاسس ما أنت عايش في فيلا الحناوي يبقي أكيد علشان بتربي حفيده… لقيته بصلي بأستغراب.. وقالي
شريف أبني يا استاذ وليد وتقدر تشوف سجلات المستشفى كمان إيه كلامك ده … أما بالنسبة للفيلا شرويت الله يرحمها كتبت عقد إيجار مفتوح ولسه بدري ع ما العقد يخلص…
أما بخصوص الوريث دول قرائب الحناوي بيه الله يرحمه.. وهما كانوا شركاء معايا بس بنسبه صغيره لكن بعد كدا دفعوا مبلغ كبير وعملت منه الفرع الثالث اللي في فرنسا وكان ناقص بس تظبيط الأوراق.. وتسويه بعض الحسابات طول السنين اللي فاتت..
وع الرغم إني مش مجبر ع إني ابرر لك كل افعالي بس جاوبتك ع اسألتك كلها واعتقد بقي مافيش داعي للصفقة..
انصدمتt من كلام زياد كنت معشم نفسي اشوف أبني.. واضح أن الجنn لسه مش راضي عني….
زياد الانصاري…
مجرد ما وليد خرج من الشركة اتصلت ع رشا وقولت لها اللي حصل كله…
وقالتلي كويس أنك مجبتش سيرة شوق خليه كدا معشم نفسه يشوف له نسل ع الأرض…
قولت لها مش فاهم اومال سامر وشرويت دول مين مش هما اولاده
قالت ليا لأ وليد جالوا مرض ومش بينجب من بعد ما شرويت ما ماتت…ودول يبقوا اولاده في شهادة الميلاد وبس…
قولتلها اومال ليه عاوزة شريف يخطب شرويت بنته مدام هى أصلا مش بنت وليد…
قالتلي لأن وليد ميقدرش يعلن أنهم مش اولاده هما وأنهم أولاد إيلينا مراته وبس كان الدهشوري دفنه…
ده غير أن شرويت بنته يصادف أنها شبه شرويت الحناوي مامت شوق وهو متعلق بها أوي…
وفي حاجات كتير هتعرفها مع الوقت المهم أن شريف يفضل معشم الكل أن أول ما شرويت تخلص الاعداديه هيخطبها بشكل غير رسمي… فاهمني يا زياد.. وسيب الباقي عليا…
مفهمتش حاجه من كلامها بس لقيت نفسي بقولها حاضر وبعد ما خلصت معاها. اتصلت ع شريف وكان في الكليه قولت له طبعاً بنات الجامعه قدامك زى القمر وعينك هتزوغ…
شريف الانصاري…
كنت في الكليه وقاعد في الكافتيريا ومعايا شوق وسامر ما هو بيدخل الكليه بواسطه معارف جده الدهشوري…وبقي مطمن ليا جدا لما عرف حبي ل شرويت…
ولقيت بابا بيتصل وبيكلمني ع البنات قولت له والله ما قادر أشوف ولا واحدة هى شرويت وبس ولولا أنها لسه صغيره كنت خطبتها
ولقيت بابا بيقولي مدام جاد في كلامك ومقتنع بها..
كلها سنتين وتخلص الاعداديه نخطبها لك وأول ما تخلص الثانوي تبقي اتجوزها…
قولت له بجد يا بابا يعني ابلغ جدها بالكلام ده…
قالي بلغ شرويت صاحبه الشأن أما جدها أنا هبلغه بنفسي يوم ما أروح واخطبها لك…
شوق…
كنت عارفه كل اللي بيحصل عن طريق برك وخليت مايسترو يلعب في عقل شريف… ويقنعه أنه بيحب شرويت واللي شريف ميعرفوش إني عامله له سحرr بالحب.. وهيفضل شريف مش شايف غير شرويت لحد ما افك السحرr بنفسي..
ساعتها الحب هيقلب لكراهية… وهيقدر يستوعب حقيقة العائلة دى ومين أبو شرويت الحقيقي….
عيشوش ساحرةالجنوب…
كنت في غرفتي ولقيت مايسترو جالي وقالي شوق بتبلغك أنها بعد المحاضرات جيالك في موضوع مهم…
قولت له وأنا هنتظرها…. واتصلت ع رشا واطمنت عليها وعرفت موضوع وليد وكلامه مع زياد وقولت لها السنين بتعدي وهانت وكل واحد ياخد حقه….
وانتظرت شوق ورجعت بذاكرتي وافتكرت أول مرة شوفت فيها شرويت وحشتني أوى…
هانت يا شرويت وبنتك هتاخد حقك ويبقي دوري في الحياة خلص ع كداااا….
ووصلت شوق وأول ما بصت ليا قالتلي وماما كمان وحشتني وأنا جايه علشانها….
قولت لها اومري يابنت الغاليه عاوزة إيه في حاجه نفسك فيها. في حاجه نقصاكي.. أنتي اومري وعليا التنفيذ…
شوق…
أنا محتاجه حاجه أنتي رافضه إني أعملها… والمرة دى أنا جايه اطلب منك تديني فرصة انتقمt من السخاوي…
كفايه عليه لحد كدا… اتمتع في حياته كتير وجه الوقت اللي يدفع تمن افعاله… صحيح مش هو اللي نفذ، لكنه العقل المدبر…
عيشوش ساحرةالجنوب…
وأنا المرة دى مش همنعك وهسيبك تلعبي وتعملي كل اللي أنتي عوزاه.. بس بلاش وليد دلوقتي لسه دوره مجاش…
شوق…
كفايه عليا يشوف أبوه قدام عينه… هعتبر ده زى برشامة مسكن لحد ما أوصل للي أنا عوزاه…
ورجعت الفيلا وسامر أتصل عليا وقالي موبايلك كان مقفول ليه.. قولت له كان فاصل شحن وأول ما لقيت الشاحن حطيته وفتحت علشان اطمنك واروح اخد شاور سلام…
وطلعت عروسة قماش كنت اخدتها من خالتوا عيشوش وجهزت قطعة من ملابس السخاوي اللي اخدتها لما كان في كهف، الجنe ورسمت النجمة.الخماسيةe وكتبت حروف اسم السخاوي..
وعلشان العمل، يكون أقوي كنت اخدت عينه دمm منه وهو نائم بفضل مايسترو كتبت ع الملابس…
"جسدك. ملكآ لي فكن طوع أمري بما اريد"…
ووضعت قطعة الملابس داخل العروسة…
وعلقت العروسة فى الحمام واغلقت الضوء وهتركها ثلاث أيام علشان العمل يتم ويصبح جسد السخاوي. طوع أمري….
وبعدها روحت ل رشا غرفتها لقيتها بتقولي نسيتي ترشي عليها ماء الكبريت.. قولت لها لأ مش نسيت أنا مش هموتt السخاوي لكن هعمل حاجه تانيه….
رشامنصور…
سوزان قالت ليا ع كل اللي بتعمله شوق وطلبت من الجن اللي معاها أنه يساعدها… لأن كان عمرها صغير لما اتعلمت سحرr الفودو وبعدها جالي واحد منهم وعرفني أنها نسيت ماء الكبريت، الاحمر ع الرغم أنهم احضروه لها…
وأول ما دخلت رشا غرفتي عرفتها واتفاجئت أنها قاصدة وأنها ناويه ع حاجه تانيه… وطبعاً فهمت قصدها
واضح أنك غير شرويت خالص… صحيح تربية، الجنn..
السخاوي….
لقيت يزن مدير أعمالي بيقولي أن أسهم، شركاتي سعرها زاد في السوق… ده غير مكسبي من بيع الوحدات السكنية وتجارة الجديد.
قولت له هايل.. واضح أن الحظ بيلعب معايا واتصلت ع رشا لقيتها بتقولي أن في تلاته متفقين معاها ع شراء ڤلل..
وفي خلال كام يوم الفلوس هتدخل حساب الشركة.. قولت لها أنتي وش السعد عليا…
وكلمت وليد وعرفت أن الشركة اللي ماسكها عند الدهشوري نسبة المبيعات عاليه بفضل رشا ع الرغم أنها رافضه الكلام معاه نهائي وكل اتفاقتها مع الدهشوري بية…
مع أن شوق خطيبة سامر أبنه… قولت له حاول تكسب رشا هتاخد منها ارباح عالية ومتنساش أنها حماة إبنك…
وبعد ما قفلت حسيت ب صداع وقررت اروح البيت أنام وقولت للشغال صحيني ع ميعاد العشاء…
واتفاجئت إني فضلت نائم تلات أيام ومتعلق ليا محاليل لأنهم خافوا. يكون جري ليا حاجه…
ومش عارف من لحظه ما صحيت وأنا حاسس ومدرك كل حاجه حواليا بس معنديش رغبه للكلام أو ل فعل أى حاجة..
عاوز افضل ساكت وبس حتى موبايلي قفلته…
ومن خوفهمm دخلوني المستشفى وبقيت أحلم بحاجات غريبة ولما افوق بشوف هلاوس. اشباح, وصوت صريخe ..
اتخيل كلاب، سوداء حواليا وأول ما احاول اجري اقع من السرير وابص ملاقيش أى حاجة في الغرفة…
لدرجه أن التمريض، ربطني في السرير من كتر ما وقعت… ومحدش مصدق اللي بشوفه…
وأثناء كلامي مع الدكتور وطقم التمريض واقنعتهم إني مش هضرr نفسي بالعكس أنا عاوز أشوف أعمالي وشركاتي…
وأول ما اتفك الرباط.. وقفت ع السرير ولقيت نفسي بقولهم أنا يوليوس قيصر.. إلي روما…
وادوني مهدئ ونمت ولما فوقت لقيت نفسي في مستشفى تانيه ووليد بيقولي أن جسمي دخل فيه مخدrرات.. وبالتالي اثرت ع الرئه والمخ. وبتعملي هلاوس ولازم اتعالج في السرr ..
قولت له ازاى ده أنا مش بشرب حتي سجائر… أكيد حد اعطاها ليا في أى مشروب بدون علمي…. أنا لازم أسافر بره، اتعالج..
وابتديت أحس بضيق تنفس واتخيل قدامي ناس كتير كلهم ماتوا..
كانوا أشهر رجال أعمال في البلد. واتسببت في افلاسهم،…
شوق…
كنت بتفرج ع اللي بيحصل في السخاوي وكنت بزود كل يوم حاجه بسيطه… وقررت الموضوع يبان كأنه مخدرr …
وانتشر خبر السخاوي وابتدت الأسهم سعرها ينزل ده غير أنه خسرr في البورصة…
